ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة رواية خنقت الورد يا يمه وبيديني انكسر ذبلان يوجد هنا رواية خنقت الورد يا يمه وبيديني انكسر ذبلان هنا تنقل الروايات المكتملة فقط

فساتين العيد


 
قديم 05-31-2012, 03:36 AM   #76

مزاجي توب


رد: رواية خنقت الورد يا يمه وبيديني انكسر ذبلان


رواية خنقت الورد يا يمه وبيديني انكسر ذبلان

وأنتَ تَعرفَ إטּ ●قلبَيـے ●
يعشَقَڪ ويمَوتَ فيَـ[ڪ]
شديت ع راسي ودموعي تنزل
ما أدري هي
فرحة، خوف، حزن, رهبة
شعوري ما ينوصف
دق الباب بخوف
: لمار فيك شي
شهقت وأنا افتح الباب
ارتميت بحضنه
: فيصل أنا خايفه
توتر أكثر وهو يحضنها
مد يده ع الحوض وأخذ الجهاز
وكانت النتيجة ( + ) ايجابية
رماه بيدين ترتجف
وبعدها عنه
مسح دموعها بظاهر كفه وبعين تلمع
ليه البكى يا لمار هذا اللي نبغاه صار
طاحت دموعي بلا إرادة
: فيصل أنا ما ابي ولد يكون مريض
أخذ نفس يهدي نفسه قبل لا يهديها
وطلعها معاه
جلسها ع السرير
وجلس ع رجوله قدامها
لمار هذا حكم ربي والله قال ادعوني استجب لكم
ادعيه بيرزقك الولد الصالح بأخلاقه وبعقله
هدت ودموعها ملت وجهها
بس يمكن يطلع مرييض والله أموت لو كان مريض
ورجعت تضمه
فيصل اللي تأثر وشوي ويبكي معها
مسح ع شعرها بحب
خلي أملك بالله كبير وهو ما بيخذلك
ناظرت عيونه تطلب الأمان
إنت ما بتخليني ؟
قبل بين عيونها
أكيد حبيبتي ما بخليك و بنربي ولدنا سوا إن شاء الله..



جلست ع الكنبة اييه وينه ولدك يا سلاف
سلاف بربكة معليش يمه اليوم ما هو بجاي
أم إبراهيم وليه إن شاء الله هو كله يوم واحد الأربعاء بعد بقضيه مع زوجته
سلاف بابتسامة عاد يمه حرام عليك فيصل ما صدق يتزوج ودايما يجيك أكيد عنده شي ما خلاه يجي
أم إبراهيم بعصبيه وبعد هالربى زوجها سافر خلاص تقطعنا يعني
: هذا أنا جدتي جييت
لفت عليها وبنغزه
هلا
ابتسمت ربى وهي تبوس راسها شلونك جدتي
الحمدلله شلونك إنتي يا بنتي
الحمدلله بخير
ناظرت سارا قومي إنتي دقي ع فيصل بسرعة
سارا مفهيه أنااا؟؟!!
اييه انتي مو هي أختك
أم خالد تضحك يمه أختها لمار وش دخلها بفيصل
انزين دقي عليه إنتي
أم خالد بمساسرة سلاف دقي على ولدك إنتي استحي يمكن يكون عندها
ابتسمت وهي تتصل عليه
لمى تسلم ع ربى هلا ربووي من زمان عنك
ربى بابتسامة والله انشغلت مع سفر طلال وغير هذا صديقتي لتين رجعت من ايطاليا
لمى بتعقيدة لتين؟؟ هذيك اللي عمها..
هزيت راسي اييه
لفتني معها صوت أم إبراهيم وهي تدعي وتبكي
: الله يسعدك معها يمه ويرزقكم الأولاد الصالحين
يارا تتربع وقدامها القهوة وعلبة شوكلاتى جوليان شالسالفة؟؟
صرخت لمى يا قلبي لمار حامل!!
يارا اللي تركت العلبة من يدها يوم سمعت الخبر
: احـــــــــلفي
بين صراخهم وفرحتهم
ابتسمت وأنا بداخلي اتمنى لهم السعادة لكني أدري وموقنة تماما إنه هذي أكبر مجازفة اقترفها فيصل بحق لمار
بغض النظر يقصد أو لا..!


يا هم اترک صاحبک لو دقاايق
كنت في السيارة مع بسام رايح للبلى والمصيبة
اللي تنتظرني
على أساس إنه يعرف وين أمي!!
دق جواله
ناظره ورد على طول
: هلا هلا يبه
:..........................
الحمدلله بصحة وعافيه تسلم عليك
:..........................
برسل لك رقم جوالها
:..........................
سكت لمدة طويلة وفهمت إنه الحديث يدور حول لتين يوم قال بعطيك رقمها
وببرود رد بعدها
: يبه أنا ما يمديني أستقبلها سفري بعد بكره بيبدا السمستر وما أقدر أتأخر
:............................
عقد حواجبه وباختصار
اللي تشوفه يبه
سكر الجوال وهو يوقف السيارة قدام جوفريز كوفي
لف عليه باستغراب
بسام يركن السيارة
عبد الله في موضوع بقوله لك قبل لا نروح
ناظره عبدالله لمدة
...... آوكيه ما ينفع بالسيارة وحنا رايحين
هز راسه بالرفض لا ما ينفع
نزل بتثاقل للحين صورة أبوه بالمحجر مسهرته وشاغله باله
وبعد ما اختار وحده من الطاولات الهادية
تشرب شي؟؟
شبك أصابعه ببعض لا
ركز ظهره ع الكنب الجلدي
: أنا ما ودي أفتح جروح وإنت توك شايف أبوك أمس لكن إنت أصريت
عبدالله بإصرار وبعد مصر إني أشوف أمي اليوم
تنفس ببطأ وهو يتكلم بثقته المعتادة ويحاول قدر المستطاع إنه يكون لطيف بكلامه القوي
بدخل بالموضوع مباشرة
قبل 22 وعشرين سنة بالتمام
خالتي نجد إللي هي أم لتين انسحرت
عقد حواجبه واش دخل هذا الحين؟؟
بسام يرص ع شفاته وهو يكمل
للأسف إنه اللي سوت السحر أمك !!
فتح فمه
نزل عيونه للطاولة ورجع رفعها
بلع ريقه بصعوبة
: إنت جاد أكيد؟؟
بسام بتفهم عبدالله مو هذا موضوعنا الحين المشكلة كلها منصبه إنه أمك تزوجت ولد وزير وهو مطلقها لكنها عايشه بقصره بالملحق
وحده من زوجاته هي اللي حبستها وانقال لها إنه هو مريض نفسي وهو اللي حابسها وبالأساس هو ما يدري إنها بقصره أصلا
هذي لعبة مثل ما قلت لك من وحده من زوجاته
هالشي يسهل علينا المهمة
ضغط ع راسه بذهول أي مهمة؟؟
بسام يشد ع يده عبدالله إنت معي
هز راسه اييه كمل
طلع له بندول اجيب لك مويه
رجع يده لا شكرا ما أبي شي كمل الحين لتين فيها شي يعني
زفر بسام السحر لأمها ولها ولازم نخرج أمك حتى نقدر نفك السحر
لأنه ماحد يعرف مكانه الا هي
وقف عبدالله آوكيه قوم بسرعة
وقف بسام معه انتظر لازم ما توضح لها انك تعرف بالبداية
قاطعه بجدية
بسام صحيح هذي أمي جنتي وناري لكني أقولها لك ولغيرك مستعد أسوي أي شي لجل لتين
كفاية انظلمت على يدينهم وابسط حقوقها انها تعيش مرتاحة
ما كان بيده إلا إنه أخذه وطلعوا متجهين ع القصر
وجواله ما سكت ينسق مع رجاله




ناثره الصور ع السرير وعلبة المناديل جنبها خلصت وهي تسحب منها
دخل من العمل هلكان اليوم كان دوامه طويل
وقف عند الباب وهو عاطيها ظهره يفصخ قميصه
جمانة وش مسوية لنا غدا اليوم
ما ردت وما سمع إلا شهقاتها المصطنعة بإتقان
لف عليها باستغراب
تبكيين؟؟ ليه؟؟
!!
قرب منها وجلس جنبها ع السرير ناظر صور العائلة الكريمة اللي راصتها
وتحضن فيها
لمتها
: لا تناظر فيها بنات أعمامي
لف وجهه بابتسامة
ومن صوتها عرف إنه السالفة مركبة لف يسايرها خلصتي
حطتها بالكيس وهي تمسح دموعها
وافي بملامح حزينة فديت هالدموع ليش تبكين؟؟

بكيت آآآآ وافي والله وحشوني أهلي
حضنت كتفه
طبطب عليها بحنان بابتسامة هانت حبيبتي ما بقى إلا شهرين وأقل بعد
بعدت عنه والفيلم مستمر لااااا أنا أبي أشوفهم الحين
حك راسه بتعب يعني تتركيني هنا لحالي؟!!
جمانة ونست السالفة تركت المناديل لا حبيبي أخوك يجي يكمل عنك
وافي بنظرة توك تبكين
فركت عيونها انزين هديت بس خلينا نرجع
ضحك بخفة اوكيه بشوف العمل إذا أقدر أرجع وإذا ما قدرت ترجعين إنتي وأنا ألحقك
نزلت عيونها بتأنيب ضمير
وبدلع تعلقت فيه
وااافي لا تحسسني بالذنب
باسها بشوف تقدرين ع فراقي وإلا لا
نزلت من السرير وهي تتصنع القوة
شوف وافي صار لك ثلاث شهور كل ما قلت لك برجع تخليني أضعف وأظل معك
ابتسم ابتسامة جانبية جد والله برجعك هالإسبوع إن شاء الله وألحقك بعد أسبوعين
تخصرت باستغراب شلوون؟؟
بضغط نفسي وأرجع باقي الشغل أكمله من هناك
راحت له
جلست بحضنه
وبحالميه
: شكرا حياتي أنا ما أدري شلون بعيش من دونك
غمض عيونه دقايق لو ما قمتي حطيتي الأكل بتغدا عليك بدل الأكل
ضحكت وهي تفز من عيوني يا عيوني


(( وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَارِّينَ بِهِ مِنْ أَحَدٍ إِلاَّ بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُواْ يَعْلَمُونَ)) البقرة 102
علي إنت متأكد إنه ما في أحد
علي بدقة صدر أفا عليك يا أخوي الطريق قدامك أمان
ناظر عبدالله تفضل
دخل معه
وبالأصنصيل الخاص بالخدم طلعوا للدور اللي هي فيه
وحشة المكان وظلمته أول ما انفتح الأصنصيل
قبضت لي قلبي معقولة أمي تعيش هنا!!
الله يا الزمن
كتمت العبرة وأنا أشوف الحبوش رايحين جايين في المكان
فتح لنا الباب علي
تفضلوا
بسام بهمس تقدر تروح
أومأ براسه آمرك
وقفت أول ما شافت خيال رجالين
حالات التحرش اللي تعرضت لها من قبل الخدم كانت كفيلة إنها تعذبها
وكأن الله اللي فوق كل شي عاقبها باللي اقترفته بحق اليتيمة اللي عاشت بكنفها
فتح النور بسام وبقرف سكر الباب وراه وهو مكشر بوجه الحبشية اللي تناظره بقذارة
سهى وشعرها تساقط وجسمها نحل وأمراض الدنيا اعتلته
بعضها عدوى والآخر ابتلاء..
حطت يدها ع فمها
عبـ...دالله يمممه
جمد في مكانه
قربت منه
حضنته بوهن
يمممه عبدالله ولدي
تركها تبكي وبالطبيعة البشرية حن لها
أمه
أمـــه يا عالم
الأم مهما اقترفت تبقى أم
ولها غريزتها
حضنها بقوة وابعدها عنه
وبكفه مسح دمعته بقسوة
يمه وين السحر اللي حطيتيه للتين؟؟
بسام اللي انصدم من سؤاله وهو منبهه مو بهالطريقة
عبد الله لحـ...
عبدالله بجدية قاطعة يمممه وين السحر ؟؟
هزت راسها برفض وهي تناظر بسام برعب
مممـ...ـادري .. ما أدري عن شي
مو بس أخوها الحمية شدته
هالمرة بسام ما بيظل واقف وبما إنه عبد الله خربها هي خاربه خاربه
تكتف وبكلمة وحدة هز كيانها
: الله يرحمه العم خالد مات مقتول صحيح يا .... ست سهى
*

*
*
يقول بلزاك [ الحب رجل وامرأة وحرمان ]
نهاية الجزء الخامس والثلاثون*

 
قديم 05-31-2012, 03:38 AM   #77

مزاجي توب


رد: رواية خنقت الورد يا يمه وبيديني انكسر ذبلان


رواية خنقت الورد يا يمه وبيديني انكسر ذبلان

الجزء السادس والثلاثون

كيف لي أن أقاوم حبي المحتل .. ؟؟
ففانوس المقاومة يندثر عندما أخوض في التفكير بك!!

وظلم ذوي القربى أشد مضاضة على النفس من وقع الحسام المهند..:

الله يرحمه العم خالد مات مقتول صحيح يا .... ست سهى
ارتخت أعصابه وهو يناظره بعيون غرقت بدهشة وتساؤل ما له نهاية
بسام يشد ع قبضته
الحقيقة لازم تطلع بيوم من الأيام مو معناها إذا تسترتي ع جريمتك بتظل مستوره
تكتف ع العموم أنا داري بالموضوع من يوم صار والحين حياتك متعلقة بيد لتين
عفت عشتي ما عفت بتنتهي حياتك بنفس الطريقة
صرخت بوجهه بجنون ما قتلت ما أدري عن ايش تتكلم أصلا
تشبثت بولدها شايف يا عبدالله يتهم أمك كذب
واقف بصدمة تهزه وكأنه مو موجود على أرض الواقع
بلع الغصة ودموعه تنزل بهدوء
: وش حجم الكره اللي شايلته بقلبك حرام عليك يمه والله حرام
بسام معقد حواجبه وزام شفايفه وبعصبية ظهرت عليه
بتعترفين وإلا اتصرف بنفسي
عبدالله اللي بعد عنها مو متخيل إنه أمه ممكن تسوي اللي قاعد يقوله
: قولي وين حطيتيه خلينا نفك المسكينة من اللي هي فيه
لما شاف بسام عنادها وسكوتها
آوكيه امشي عبدالله أوصلك أنا رايح لمركز الشرطة
وفعلا تحركوا طالعين
صرخت توقفه وهي تبكي انزين بقولك وينه
رجع بسام وعبدالله متسند ع الباب يسند طوله بتعب
بعيونها الغايرة وصوتها المتقطع الحاد مع تلعثمها
رفعت معدل الاحتقار بعيون بسام لها خاصة وهو يعرف كل شاردة وواردة تصرفت فيها السنوات الماضية
لكن السكوت حكمة في كثير من الأيام...



يَ قلبي ريّح آعصآإبڪ , ڪذآإ طبع آلزمن قـآإسي

قدمت لها صحن الأيس كريم بعجينة الباتاشو الفرنسية
ابتسمت مدام لتين تشربي القهوة سادة أو بـ لاتيه
" بالحليب "
لعبت بالملعقة بشرود لاتيه
صبت لها وابتعدت
رفعت رجولها ع الكرسي إلورا جوليين بريجو
" طيب جوليين تفضلي"
عدلت جلستها وهي تتحمحم وتغطي خصل شعرها الأشعث تحت الإيشارب الأخضر
امم هذا البيت بناه السيد بسام مثل ما عرفتي..
قاطعتها لتين أبغا أعرف سر الخدم وخاصة اللي قلت لك عنها
قصدك ليبيبنتا ؟ هذي أمها إيطاليه وأبوها سعودي يشتغل عند السيد بسام كان وتوفى بس...
تركت الصحن من يدها والحديث شدها
بس وشوو؟؟
بلعت ريقها الخدم يقولوا إنها كانت على علاقة مع السيد بسام
كف عماني بكلامها
عقلي وقلبي وكل شي فيني رفض هالكلام مع إنه مبرر لتصرفاته
عقدت حواجبي وبعصبية
إنتي ما تستحين ؟؟؟ شهالكلام اللي قاعده اسمعه
جوليين بخوف مدام لتين صدقيني أنا ما أعرف بس الخدم كذا يتناقلوا وهي ما تتكلم مع أحد
صرخت بوجهها قومي من قدامي ما أبي أشوف أحد
بلمحة البرق كانت مختفيه
بعدت شعري بتوتر وأنا أقوم
على كبر الحديقة إلا إني أحس بخنقة وكأنه أحد حابسني بعلبة
ضميت نفسي وأنا أمشي رايحه جايه
مستحيل بس على أي أساس طلع هالكلام
دخلت البيت وأنا مو حاسبة تصرفاتي
شفت قدامي وحده من الخدم
بأمر
: نادي ليبينتا
هزت راسها وراحت
شديت ع قبضة يدي بإحكام وأنا أحاول أحافظ ع رزانتي
دخلت وحده من الغرف الواسعة وتركت الباب مفتوح
ناظرت المدفأة الصناعية واللهب يتصاعد منها
دخلت وسكرت الباب وراها
: يقولوا طلبتيني
لفيت ع صوتها اللي شدني وكأنها تكلم خادمتها مو صاحبة البيت اللي هي تخدم فيه
رفعت حاجب وأشرت ع الكنب
: تفضلي
ظلت واقفة مكانها
: في أمر مهم ؟؟
جن جنوني قلت بعصبية مين محسبة نفسك تتكلمين بهالثقة
قربت وببرود من بين أسنانها أشرت ع نفسها أنا صاحبة البيت مثل ما إنتي صاحبته
القوة والغرور اللي تتحلى فيه ملامح لتين أثارت الغيرة في جوف عدوتها
ما كان بيني وبين الجنون شعرة لكن ما ظهر علي إلا الهدوء
ابتسمت ع طرف عن جد؟!
أومأت براسها وهي ترد الإبتسامة ايوه زوجته قبلك يا سنيورا لتيين
" أنا , سيدة "
وعطتني ظهرها متسكعة
مسكت راسي بعد ما خرجت
جلست ع الأرض بضعف غير اللي صاير معي أحس بوهن
جسمي وكأني محمومه
حاولت أقوم
وبصعوبة طلعت غرفتي وأنا أحاول ما أبين للخدم المنتشرين أي أثر




قال رسول صلى الله عليه وسلم (المؤمن للمؤمن كالبنيان المرصوص يشد بعضه بعضا)
ضرب الجرس بتوتر يخفيه بهيبته
عبدالله يطقطق أصابعه
: ظنك بيتجاوب معنا؟؟
وقبل لا يدلي بتوقعاته انفتح الباب
وطل شاب ثلاثيني واضح الصلاح بوجهه
ناظرهم الاثنين السلام عليكم ورحمة الله
: تآمر شي أخوي
بسام وعليكم السلام إذا سمحت ناخذ من وقتك دقايق
شرع الباب باستغراب حياكم
وفي المجلس عبدالله ذهنه مشتت خايف يرفض هالرجال وبنفس الوقت قاعد يفكر بمصير أمه ولو أخذها وين بيسكنها
ناظر بسام وهو يتكلم
: زوجتي مسحورة والسحر مدفون في هالبيت إذا سمحت لنا نخرجه
أبو عبدالرحمن باستغراب وش جاب السحر لبيتي؟؟
عبدالله دخل بالموضوع أهلي كانوا ساكنين فيه قبل لا ينباع
سكت بتفكير وبعدها
: طيب ممكن تقولي وين السحر بأي مكان في البيت
بسام رفع عينه له بترقب بحمام الرجال وإنت بكرامة تحت بلاط الزاوية اليمينية
أردف باحترام وحقك علينا يا خوي إذا ما عندك مانع العامل برا ينتظر
وإذا طلعناه تصليحه علينا
أبو عبدالرحمن قام أفا عليك ياخوي هذا واجب علي خليه يكسره لو كله أهم شي يفك الشر عنها بإذن الله...



كتاب علوم البحار
كتاب البداية والنهاية
رواية سمرقند
اممم مشاء الله معلومات شاملة
فتح عيونه وهو مسدوح ع السرير
:جمانة ليه طفيتي الشموع؟؟
عشان بس.. بعد اليوم ما في شموع
عدل جلسته ع السرير
جمانة اخزي الشيطان وافتحيها هلكان وبنام
عطت رف الكتب ظهرها وهي تترك وحده من الكتب اللي كانت ترتبها
بس أنا مو عاجبتني وإنت تقول إنه الزواج روحين تنمج وتصير وحدة وحنا كذا ما اندمجنا أنا ما أحب أنام كل يوم كأني بكنيسة نيران حولي
عقد حواجبه والنعس غالبه
: افتحيها اليوم وبكره نتفاهم
تخصرت وهي تقرب منه وتجلس جنبه بالبيجامة الحريرية
صار لنا خمس شهور متزوجين وكل يوم تقول بكره وأنا زهقت
حط راسه ع فخوذها وعيونه مغمضه وبصوت رايح
: افهميني أرجوك
مسحت ع راسه بحب
: مستعدة أنيمك كل يوم بيديني بس شغلت الشموع هذي تبطلها وبمزحة
ترا مأثرة ع ميزانية البيت
ما رد عليها
ميلت راسها ويوم شافته نام
باسته برقة
فديييتك يا حلوك وإنت ضعيف!!



حطت البودرة المعطرة بالشنطة وقفلتها
تنهدت أخيرا خلصت
متسند ع الباب بعصبية ممكن تفهميني ليه رايحه لحالك أقنع أبوي يخليني أروح معاك حتى أنا بشوف لتين
بعدت خصلة من شعرها راكان أنا مو فاضية روح تفاهم معاه هو اشدخلني أنا
ناظرها بعيض مثل ما أقنعتيه إنك تروحين تقدري تقنعيه يخليني أروح معك
تاله ببرود بس أنا ما أبيك تجي معي
بعدين إنت تعرف إنه بسام ما يحبك تجلس مع لتين بيرضى يخليك تروح هناك بدونه
ابتسمت ع جنب يا حبيبي..
وم شفايفه الصغيرة إلورا تاله بعرف كيف أتصرف معك
ورقع الباب وراه
انسحدت ع السرير بدلع وهي تضحك
: ما بقى إلا هالبزر يخرب إجازتي
!!



كـ نّه خذآكـْ آلَشوق يمي وأرسلَت
لَبييكْ يآ دآعي [ آلَغلَآ ] وين مآ كْنت , !
بآلَلَي وجودك من { دوآعي سروري ,.~
كـ نّه خذآكـْ آلَشوق يمي وأرسلَت ،
صوبك ْ ضمآ آلَمشتآق يعلَن حضوري ,
آشتقتُ لَك . . . ،
وآشتقتُ / وآشتقتُ. . !
وخآيف من آلَأشوآق " أفقد شعـوري ؛

بـ..علية الباخرة
صحى ع صوت البخار الصادر منها
ناظر الساعة ما بقى على مناوبته شي
أخذ الجوال وحطه ع إذنه
دقايق جاه صوتها الناعس
: هلا حبيبي
ابتسم والشوق جارفه لحد وصله لها ورجعه ع أرض الواقع اسمه بلسانها
: طلال .!
: صباح الحب
ابتسمت صباحك ورد حبيبي توك قايم
طلال بضحكة الساعة عندنا ثمان الصبح
وبهمس من بعدك صرت أصحى بدري
ابتسمت بحب والله وحشتني البيت بدونك كئيب كل يوم جالسة لحالي
مسح ع راسه وش تقولين عليّ أجل كل يوم نفس اللي قبله ولا شي يونس إلا قرقرة الربان السوري
ضحكت وإنت متى مناوبتك
مناوبتي تبدأ 9:30 وتنتهي 6:30 المغرب يتخللها وقت غدا وصلوات
عاد برجعلك مسود الشمس حارقتني لا تنفجعي إذا شفتيني
هههههههههه حلو بكل حالاتك بعيوني لا تشيل هم
طلال يلف جنبه يناظر المرايا لا والله ما ظني بتقولين نفس الكلام إذا شفتي وجهي من جد سمرت
قطع جوهم دخول المضيفة
ابتسمت
: صباح الخير كابتن طلال الفطور جاهز
أومأ براسه وأشر لها تنصرف
عقدت حواجبي أنا سمعت صوت حرمه وإلا أتوهم
دق قلبي بقوة وأنا أتخيلها داخلة عنده وهو في السرير توه صاحي
: رووبي وين رحتي؟؟
غمضت عيوني
طلال بأي حق تدخل عندك هالزفت؟؟ بعدين إنت ما قلت لي إنه في حريم معاكم في الرحلة
: ربى حبيبتي هذي أرامكو يعني طبيعي هم في شراكاتهم في حريم تبين في رحلة كذا ما يكون في
بغيرة وعصبية واضحة بس مو لدرجة تدخل تناديك الفطور
شدت على أسنانها شهالمسخرة هذي ؟؟؟
طلال يهديها وهو يقوم الله يقلع إبليس اللي جابها ربى استوعبي زين هي مجرد مأمورة وش تبين مني أقلعها؟؟إذا هذا اللي تبيه آمرك
سكت لدقايق الغيرة ذبحتني يا ربي ليه يصير كذا معي
همس بحب
والله كل حريم الدنيا ما يهزون فيني شعره دامك موجودة في قلبي
ربى أنا صار عمري 28 سنة وما تزوجت إلا يوم شفتك !
شلون تبيني ألتفت لوحده من هذولي ؟؟
ارتخت أعصابي كلامه يخدرني لكني أنثى والأنثى بطبيعتها تغار وتتملك
: أنا بعد أحبك طلال..
تنهد بعمق معقولة ما في اختراع للحين يجيبني لك...
ابتسمت أنا معك في كل وقت...



بعد ما حفروا بعمق نص متر تقريبا
طلعه العامل
كيس أسود مربوط عليه ثلاث حبال
التراب مغطيه
واقف معهم أبو عبدالرحمن
مسح ع لحيته الطويلة إذا بغيت يا أخ بسام أقدر أفكه لك
ناظر عبدالله
وافقه الرأي
رفع ثوبه آوكيه يعطيك العافيه
حطه ع الأرض والتفوا حوله
بسام ناظر العامل محمد رجع البلاط نفس ما كان
أبو عبدالرحمن لا والله إنه ما يمسكه خليه علي أصلا أنا بغيره كله وإنت ساعدتني
بسام ماحب يناقش دامه حلف
ناظره وهو يفك الحبال بالمشرط
فرد الكيس ع الأرض
عبدالله حط يده ع فمه وهو يقاوم الغثيان اللي حس فيه أول ما شاف المنظر
أوراق ملفوفة متعفنة ودم وشعر وقطع قماش واللي هز كيانه وكيان الموجودين
صفحة سورة الفاتحه ملطخة بالقاذورات وكأنها قاعدة للعمل المسحور
أبو عبدالرحمن وهو يفك العُقد لا حول ولا قوة إلا بالله
... ومن شر النفاثات في العقد....)
برهبة الموقف ناظر بسام وعبدالله
قلت لي إنه سحر على اثنين
بس الظاهر هذا مو بس عليهم
كان ماسك العقدة الثالثة لسى ما فكها
ركز ع بسام إنت زوجها والسحر شاملك
عبدالله باستغراب بس شلون وقتها كان بسام مو هنا
بسام ساكت
أبو عبدالرحمن سحب المشرط ع العقدة وانفكت
قرأ سورة الفلق وناظره وهو يرمي العقدة ع القماش
الأخت المسحورة لها سحر تفريق بحيث إنها ما تقدر تتزوج فعليا أي أحد يتزوجها وأظن إنك فاهم علي أخ بسام
مسك راسه بسام وهو متربع بينهم وكأنه فجأة استوعب شي
قام
وقف معه عبدالله والرجال
: بسام فيك شي
تلخبط ما عرف وش يقول ناظره بتيه ما أدري بس لازم أكون جنب لتين الحين أكيد تحتاجني دامه انفك السحر
عبدالله لف ع أبو عبدالرحمن والحين ياخوي وش نسوي فيه؟؟
أبو عبدالرحمن ما عليك أنا بتخلص منه
صافحه الله يعطيك العافيه ويجعله بميزان حسناتك آميين
أبو عبدالرحمن عطاه رقمه ببشاشة وإياك يا رب طمني على خويك إذا ارتاح
هز راسه إن شاء الله
سلم عليه بسام وطلعوا
... ربما هي نهاية ألم وربما تكون البداية..
" حبيت أنوه عن السحر وأبين عظمة ذنبه سبحان الله اللي يعايش التجربة يعرف إن السحر فعلا له حقيقة مثل ما قال النبي عليه الصلاة والسلام
الله يحفظنا وإياكم "
*
يتبع

 
قديم 05-31-2012, 03:40 AM   #78

مزاجي توب


رد: رواية خنقت الورد يا يمه وبيديني انكسر ذبلان


رواية خنقت الورد يا يمه وبيديني انكسر ذبلان

سكرت الباب وراها بهدوء وهي تحط الموية الباردة جنبها
أرخت قطعة القماش بالثلج وطوتها
حطتها ع جبينها
تأوهت من برودتها
جوليين تناظر شريفه الواقفة فوقها
شكلها الحرارة لعبت فيها
شريفه تناظر الساعة
السيد بسام ما يرد
قربت منها حاولت تفتح عيونها
زفرت شكلها فقدت الوعي
جوليين صار لها عشر دقايق على هالحالة قبلها كانت صاحية
شريفة تناظر باب بوابة البيت الحديدية من الشباك بالوسط
وصل السيد بسام
بنزل أناديه على طول
سكرت الباب وراها
تأملتها جوليين بخوف إنه اللي صار لها بسبب ليبينتا وهي اللي خبرتها عنها



فصخ شماغه ورماه ع الكنبة أول ما دخل
فتح قلاب ثوبه
استقبلته شريفه من ضمن الخدم
: سيد بسام مدام لتين محمومة وفقدت الوعي
رفع راسه بسرعه اللي كان خايف منه صار كان يدري إنها ما هي بخير
ترك عبدالله متسمر بذهوله
وطلع لها مستعجل
فتح الباب
وقفت جوليين وخرجت أول ما دخل
قرب منها
حطيده ع جبينها
العرق يزخ منها
راح للاستريو وشغل cd القرآن
انساب صوت الشيخ بانحاء الغرفة الواسعة
رجع جلس بقربها ومسك يدينها
ضرب ع خدها بخفة
: لتيين
جاوبته بأنين
ارتاح يوم تجاوبت معه
خالطه شعور بالحزن والأسى شلون كان يتركها
يجرحها بتجاهله لها وبعده عنها
أي عهد هذا اللي كان يتكلم عنه ..
الحين عرف و توضحت له أشياء هذا أجل اللي كان مبعده عنها
فتحت عيونها فجأة
كانت بصفار وجهها
كلها لون واحد بلا ملامح
حطت يدها ع فمها والدموع تنزل من عيونها بفعل الحمى
وبصوت ضعيف
: أبغا الحمام
ما سمع صوتها لضعفه لكن مسكها لفمها فهمه
ولأنه ما يمديه يوصلها له قرب منها وحط راسها ع صدره
كانت ردة فعلها إنها رجعت اللي بجوفها عليه
ما كان بقايا أكل
لا كان السحر اللي رضعته بعد ولادتها بيومين
وبرحمة ربي ظلت في هالحياة
سائل بني متعفن خرج منها
هزت راسها وهي تبكي بقرف
بسام مصعوق يناظر اللي يخرج منها
ظلت ترجع وبعدها ارخت راسها ع السرير
أخذ منديل من العلبة الرخامية ع الكمدينة
مسح فمها بحنان
وقام رافع ثوبه ع الحمام
رماه في الغسيل
ورفع السماعة
: عبدالله اطلع فوق بسرعه
قفل منه وظل يناظرها وهي نايمه بسلام
دقايق جا عبدالله وهو يلهث
دق الباب ودخل
ناظره خيير فيها شي لتين
بسام يأشر عليها
: طلعته
عبدالله راح لها طاحت دمعه من عينه وهو يقبل جبينها
شد ع كتقه بسام
لف عليه بألم والله صعبة يا بسام تشوف أعز الناس يتألم بسبب قطعة منك
ربت ع كتفه ما عليك لتين مستحيل تفكر بهالطريقة خليك جنبها أنا بدخل اتحمم
إذا صحيت طمنها
أومأ براسه إن شاء الله


يَـٌآإٱرِبْ }~ مْنَ كانَ سّببَ بـ/ سسعَاَآدَتِيّ لحَظہُ . . ! ٱللہـَم ٱسّسعَدھہُ طـُول ٱلعَمممَـر” ♥ !

ركب آخر مسمار ووقف السرير الصغير ع حاله
ابتسم شرايك؟؟
ضمت يدينها لبعض حياااتي متى يجي بس
حط يده ع بطنها وبضحكة
: يللا يا بابا ننتظرك
حطت يدها فوق يده بحب
فيصل حبيبي
رفع عينه لها بصمت
: أشكرك على أحلى هدية بحياتي تلقيتها
رفعها بين يدينه
وبحب باس خدها
إنتي أحلى شي صار بحياتي شلون ما تبيني أسعدك
أموت وما أشوف الحزن بعيونك
الدنيا كلها لو تبيها حطيتها بين ايديك
نزلت عيونها وهي تتمسك فيه
: ما أعرف اش أقول
فتح باب غرفتهم اششش لا تقولي شي
مين يدري يا فيصل يمكن تكون أخذت الدنيا من بين ايديها؟؟..!



إن كان " قلبك " من أوجاعي / يحاتيني ؟!
يا خوفي , من حالتي ,, آتَعِّب عيونك . . . .!
الله وكيلك .. [ سؤالك ] بس يكفيني ,
يروح - كل المرض - إن قلت: وشلونك..

طلع من الحمام وهو لاف الروب ع خصره
وهو ينشف شعره بالمنشفة الصغيرة
شاف عبدالله جالس ع الكنبة وغفل بنومة من تعبه
لتين ع حالتها
هزه بخفة
فتح عيونه وغمضها رجع فتحها وقام
: عبد الله روح ارتاح وإذا قامت لتين نتعشا سوا إن شاء الله
مسح وجهه وهو يناظرها
زفر آوكيه أول ما تقوم خبرني
سكر الباب وراه
قام بسام قفله ورجع بجنبها
تأمل خدودها الحمرا وكأنه الشمس لاسعتها
شعرها الكستنائي مترامي حولها
زخات عرق حول جبينها وتنفسها واضح
أخذ يدها وباس أصابعها وحده وحده
همس بعطف
: ليته فيني ولا فيك
ظلت على استكانتها مدة
انتبه ع صوتها الضعيف وعيونها العسلية ترف بوهن
: ابغا مويه
ابتسم وهو يرفع لها الكاس المعدني المزخرف بحفر
الحمدلله ع السلامة
رمشت بهدوء والدموع مملية عيونها
: ليه سويت فيني كذا بسام
شهقت بضعف حراام عليك
تربع ع السرير قربها
مسك يدها عن ايش تتكلمين حبيبتي
ناظرت يدها بيده لا تقول حبيبتي وإنت تضحك علي
مسح ع شعرها وهو يظنها آثار الحمى
ارتاحي إنتي تعبانة الحين
حطت عينها بعينه أنا مو تعبانة قد ما إني مو قادره أصدق
حس إنها واعية ع اللي تقوله
عقد حواجبه عن ايش تتكلمين لتين؟؟
لفت وجهها عنه وعينها شبه مغمضه
عن ليبينتا
طالع فيها بصدمة أخفاها
شفيها؟؟
ناظرته قالت لي إنك متزوجها وإنها صاحبة البيت قبلي
عقد حواجبه وشوو؟؟
لا تقولي إنك مصدقتها بس؟؟
حكت عيونها لو شفت الثقة اللي كانت تتكلم فيها كان قلت هذي صادقة مية بالمية بس أنا قلبي يقول كلام وعقلي يقول شي ثاني
قام عن السرير وهو يفتح الدولاب يطلع ملابسه بعصبية
المهزلة هذي أنا أعرف شلون أنهيها اليوم
سندت نفسها ع السرير وهي تحط المخدة ورى ظهرها
فصخ ثيابه وغير قدامها
عضت على شفايفها وهي تغمض عيونها
: في اختراع اسمه غرفة تبديل
خزها قبل لا يطلع من الغرفة من اليوم ما في فرق بيني وبينك
تركها وطلع ناوي نية سيئة لهالـ ...
وكأنه يحكي قصة جزاء سنمار!!
( قصة طريفة للي ما يعرفها
يحكى أن النعمان بن امرئ القيس أشهر ملوك الحيرة
طلب من أشهر المهندسين سنمار وهو رومي الأصل أن يبني له قصرا
فلما انتهى من بناءة
صعد النعمان وحاشيته إلى سطح القصر
فشاهد الملك مناظر العراق الخلابة واعجبه البناء فقال:
"ما رأيت مثل هذا البناء قط".
أجاب سنمار
- "لكني اعلم موضع أجرة _ يعني حجر أو طوبة_ لو زالت لسقط القصر كله". .
سأل الملك:
"أيعرفها أحد غيرك؟"
أجاب سنمار
"لا، لو عرفت انكم توفونني وتصنعون بي ما أنا أهله،
لبنيت بناءً يدور مع الشمس حيثما دارت".
قال الملك.
"لا يجوز ان يبقى حيّا من يعرف موضع هذه الأجرة
ومن يستطيع أن يبني أفضل من هذا القصر"
ثم أمر بقذف سنمار من أعلى الخورنق فمات.
وأصبح ما صنعه النعمان بسنمار مثلاً بين الناس
حتى قيل "هذا جزاء سنمار".
يقال هذا المثل "للحسن الذي يكافأ بالإساءة".)


قاعة الانتظار
تمسكت فيه دادي بوس لي مام ولين وو ميرا وراكان بعد
ابتسم توك شايفتهم بالسيارة
برمت شفتها السفلية وحشوني مو متعودة أسافر بدونهم
هههههههه بس أنا متعود أسافر بدونك
دفته بدلع دااااااادي
ههههههه إلورا حبيبتي الطيارة بتروح عليك
ناظر جواله شكله أخوك مو ناوي يرجع
رفعت حاجب هو في أحد عنده لتين ومستفرد فيها وينوي يرجع؟!
ضحك وهو يقرص خدها أعوذ بالله منك ما تخلين أحد في حاله
سكتت فجأة بابا هوا عبدالله ساكن معاهم
ناظر الجوال اللي يدق ورحلتها اللي نادوا عليها
ما أدري هذا بندر يتصل يللا الله معك شكله عنده شي
باست يده وراسه
آرفيدرتشي..


لا ثقة لي إلا في عينيكـ,, فعيناك أرض لا تخون..!

ببرود
: كلمتي وحده وما أعيدها جهزي شنطتك وروحي لخالك لين أجهز أوراقك وتذلفي لفيرونا
شدت ع أسنانها ما بطلع إنت تدري شقالك بابا
بسام بنبرة مرعبه لو تدرين مدى الاحتقار اللي احمله لك كان خجلتي تناظرين فيني
قربت منه بجرأة تبوسه ع خده والله أنا أحبـ...
صفقها الكف اللي رجعها لورى أمتار
: إذا حياتك ما ربتك مستعد أربيك من أول وجديد
بعدت شعرها بحقد وبصراخ وبابا
صرخ بوجهها بداهية إن شاء الله
وبتهديد هي عشر دقايق قدامك لو شفتك بالبيت راح يكون أسوء يوم في حياتك
صغرت عيونها ماشي يا بسام مو غريبة عليك
عطاها ظهره كلي هوا واخرجي بكرامتك إذا كان باقي منها شي
طلع من الغرفة
شاف لتين نازلة الدرج
مشى باتجاهها وهو يهدي نفسه إنتي وش نزلك لتين؟؟
ناظرته وناظرت وراه ليبينتا وهي طالعه من الغرفة
حوطت رقبته وهي رافعه نفسها ولا شي شفيك معصب حبيبي؟
شالها وهو يطلع الدرج بعفوية معصب وبشوفتك رايق
لتين اللي شايفه نظرات الحقد بعيون ليبينتا ضحكت بغنج تخفي فيه إرهاقها
وحطت راسها ع كتفه بطفولة وكأنها تطلب الأمان والحنان منه وتستسقيه
ضربت ليبينتا الأرض برجولها وهي تروح تجهز شنطتها
الله لا يوفقك يا بسام جد إنسان حقـ###
جلسها ع الكرسي المنجد بحلة من الشامواه المقلم بلون البنفسج والأخضر الزيتي يكسر الغوامق هذي خيوط من السكري الناصع
ركع عندها وجلس ع نص ركبه
هذي أبوها كان يشتغل عندي وقبل لا يتوفي وصاني عليها
طبعا خليتها تشتغل في هالبيت ما في إلا هالحل ومن قبل لا يتوفى أبوها وأنا ما أرتاح لها
حذرتها كم مره والحين ع قولتهم كانت القشة اللي قسمت ظهر البعير
...وابتسم
حسيت بمشاعر داخلي غريبة كأنه حبي له زاد أضعاف وانكتب عشق بكتاب العشاق
الحاجز اللي كنت أحسه مبني بيني وبين بسام انهد
أحس الدنيا حلوه بعيني
اشتقت لكل شي حلو مر عليّ
ايطاليا,, ربى وميرا,, الجامعة وعبدالله
أهلي في ايطاليا وأمي
خاطري أحضنها وما أتركها أبد
سرحت بعيونه
بلمسته الرقيقة رفع ذقني
وبنفس الرقة همس
: مجنون يوم فكرت انحرم منك
نزلت عيوني بربكة
.............................. ...!

يقول ستاندال [ إذا أحب رجل امرأة سقاها من كأس حنانه ]
نهاية الجزء السادس والثلاثون

 
قديم 05-31-2012, 03:45 AM   #79

مزاجي توب


رد: رواية خنقت الورد يا يمه وبيديني انكسر ذبلان


رواية خنقت الورد يا يمه وبيديني انكسر ذبلان

مشاء الله تبارك الله لا حول ولا قوة إلا بالله ولا تضره
بسم الله الرحمن الرحيم
الجزء السابع والثلاثون
كَيْـفَ لِيّ أَنْ أُعَاْهِدْ نَفْسِيْ وَطَيْفُكِ يَجْتَاْحُنْيّ
وَأَضْعَفُ أَمَاْمَهُ كَطِفْلٍ أَرَاْدَ قِطْعَةَ حَلْوَىْ رُغْمَ أَلَمِ أَسْنَاْنِهْ

آنثى سكتت آلحوآس لنعومتهآ..!

تقلبت في السرير وغصت فيه
بس نعومته مو بنعومة مرتبتي الحريرية
مسحت وجهي وأنا أعدل جلستي
تذكرت إني بالخبر في بيت بسام
تثاوبت بنشاط
ونقزت من السرير
فتحت شنطتي بطلع لبس عشان آخذ دوش
شفتها فاضية!!
بتلقائية ناظرت الدولاب الوحيد بطرف الغرفة طويل ونحيف بقربه مرتكزة التسريحة بأرجل نحيفة مزخرفة
المكان يوحي بالنظافة كله أبيض والذهبي هو اللي داخل فيه
فتحته وأصدر صوت كلاسيكي
ابتسمت
إذا البيت كله بهالطريقة يا فرحتك يا لتين تحبين هالأجواء!!





فديتك قلتهآ يمْــه . . وآنـــآ عـآرف مْعآنيهــــآ فديتك قلتهآ يمْــه . . وآنـــآ عـآرف مْعآنيهــــآ
فـدآك آلعمْر يآيمْة , , وكل مْآ تمْلكَه آيديني


قفل الجوال ورماه بجيبه
دخل الغرفة وهو يسمع صراخ أبوه وجبروته وتسلطه اللي ساكن قلوب الكل من سنين
أمه اللي ساكته من يومها وسكوتها مو بيدها
بتعاويذ وعقد شياطين أنس وجن
!
جا الوقت اللي توقف بوجه ظالمها وترد حياتها وروحها اللي تخلت عنها بأحلك الظروف
بلحظة شروده انتبه ع اليد اللي بتنمد ع أمه
وقف بوجهه وهو يبعد يده بقوة
:هيييييييييييه يبه حدك عاد !!
بصراخ وعصبية حد يحدك يالكلب أنا أبوك
حمى أمه بظهره ووصلت معاه من المشاكل اللي ما بتوقف بحياته
: أمي مثل ما أنت أبوي ويدك ما تمدها عليها وأنا عايش
نجد خايفه ع ولدها لا يروح من بين ايديها تعرف محمد وتعرف سواياه
: بندر اتركنا نتفاهم
بندر بعناد ماني متحرك من هنا وهالبيت يا إنتي يا أبوي فيه
محمد بوجوم والله مانت ولدي ولاني أعرفك أجل تطردني يا ولد الكلب هاا؟؟!!
تكتف وأعصابه تلفانة
: وفيها شي لو سمحت لها تروح لبنتها
يبه أختي صار لها سنين من غير أهل حرام عليك تحرمها منها بعد الحين
أنهى النقاش بحركة من يده
طلعه من البيت ما في وأعلى ما بخيلك إنت وأمك اركبه
نجد بعصبية
: إنت اللي أعلى ما بخيلك اركبه وأنا في هالبيت ما لي جلسة بعد اليوم
هو بينهم بهالموقف و بواقع الحياة
هو اللي جمعهم بعد طلاق
وجوده هو اللي معلقهم
تجاهل أبوه اللي خرج
ولف ع أمه بعيون كسيرة
غرقت عيونها
: لا تناظرني كذا يا بندر
بكت بأمومة أنا أبي بنتي أنا ما أدري شلون تركتها
ضم أمه بحنان ومسح ع شعرها
يمه لتين بخير وما فيها إلا العافية وإذا تبين بنروح لجدتي بس لا تتعبين نفسك
هزت راسها وهي تمسح دموعها بمنديل
أكييد أنا ما لي مكان هنا..


ما كل جرح بلسمه [كلمة آسف ] ولا كل شخص تنمحي له خطاياه

كنت جالسه مع قروب في حرم الجامعة من ضمنهم وسن
نتفق ع تنسيقات الحفل وكلمة الطلاب بحفل التخرج بما إنها آخر سنة لنا
كنت مركزة معهم
نغزتني وسن وتغيرت نظراتها
ما اهتميت لها أكيد شايفة أي شب آبضاي ع قولتها
هزيت راسي لـ لوكا المسؤول عن شؤون الطلاب وتنسيق الحفل
حسيت بظل خلفي
ما لفيت متعودة على هالحركات
بجرأة مسك كفها وقومها
شال شنطتها وكتبها
ابتسم للقروب باعتذار
: سكوزا
كنت مصدومة وكأنة عقلي تشنج وفي شي منفرني بس ما قدرت أتكلم
وقفني عند وحده من الزوايا
صغرت عيوني وأنا أسحب يديني وبحدة مع ضعف صوتي
: ما قلت لك ألف مره ما أبي أشوف وجهك قدامي
كوالي إنت ما تفهم؟؟
" ماذا؟"
حك ذقنه بخفة وبحزن
: أنا جاي أودعج راجع ديرتي
انربط لساني والعصبية اللي كانت معتلتني تبخرت
مهما كان
هالإنسان كان في يوم
جزء من [قلبي]
ميل راسه بأسف
: ما بتودعيني؟؟
للحظات كنت ببكي وأقوله سامحتك ارجع لي..
وكأن عرق عيلة الفيصل نقز فيني هاللحظة
ظليت أناظرة بصمت
قرب مني وبجرأة دخل يدينه بجيوب البالطو بيحضني
ويوم حسيت إنه في غلط بيصير دفيته عني بقوة
وباحتقار بعدت عنه
: طول عمرك بتظل حقير عبد لنزواتك...
قال بسرعة انزين لين أنا أعتذر منج
غمضت عيوني وأنا أتنفس بسرعة
: كلـــــــــــــــــ###
مشبت عنه بسرعة
كنت خايفة هذا اللي يوصف شعوري
وبلا مقدمات دقيت ع لوليتا تجيني بالسواق بأسرع وقت...


بدإخلي عشق كـ : إدمإن ... أحبك من هنا لـ / هناك

ع كنبة جناحنا الخاص
كان مسدوح باسترخاء بعد نومه طويلة
تخصرت قدامه بدلع
: بسام
ناظرني بابتسامة باهتة
وأشر ع قلبه
ابتسمت
حبيبي الفطور جاهز
سحبني بمفاجأة
فقدت توازني وطحت عليه
ضحك بخبث
: أعشق صباح الحلوين
حمرت خدودي طيب ممكن تتركني أخوي وأختك ينتظرون تحت
رفع حاجب بس أنا ما أبي أفطر معهم
عقدت حواجبي ليه؟؟
بتفكير صحيح إني جوعان بس مو جوع أكل
رمشت باستعباط ليه الجوع أنواع؟؟
بسام بابتسامة شوور يا روحي أنواع إذا تبين علـ..
قطعت كلامه وأنا أقوم
ثبتني بقوة وصرت ما أقدر أتحرك بوضع يذبحني
: بساااااااام
غمض عيونه
: يا لبيه يا روح بسام
ارخيت راسي ع صدر
: اتركني
وبنظرة خبث همس وهو يعدل جلسته ويجلسني لصقه
: يقولون كل ممنوع مرغوب
سحبت نفس واش المطلوب الحين؟؟
ابتسمت غصب عني
غروري وكبريائي قدام هالشخصية
[ ماله مكان ] يتلاشى وكأنه ما كان..!




يآعميٌ لآتقول آنگ~][ حَزينٍ ][~
~][ يآشين ][~ آلحزن ~][ لآخآن ][~ آلوقآر
آشوفگ من بعد~][ طول آلسنينٍ ][~
تعيشِ آليوم .. ~][ لحظَة آنگسآر ][~

نزلت الدرج بمرح يجتاحني
سمعت مجرد سماع إنه لتين وبسام ماشيين آوكيه
يا قلبي عليهم هالعصافير!!
أشرت لي وحده من الخدم بابتسامة
: كوي
"هنا"
ناظرت الباب اللي أشرت عليه
خادمتين واقفين عنده
فتحوا الباب
دخلت وتسكر
ع أطول طاولة سفرة شفتها بحياتي
ع قد ما رحت بتورينو وروما حفلات ما شفت مثلها
وعلى طاري الشوفة
شايفه قدامي اللي ما يتسمى
انصدمت فيه كان جالس ع الكرسي سرحان
كوب الدارك كوفي قدامه يتبخر
تعمدت أجلس قدامه يوم بعدت لي الخادمة الكرسي
بايش سرحان؟؟ أكيد بسواياه مسود الوجه
مديت الصحن للخادمة
وبصوت عالي
: بروشتو
رفع راسه
رفعت حاجب
: بونفونوتي
"مرحبا"
ناظرني ونزل عيونه
أجل ما يرد هاا ؟ انزين أنا وإلا أنت يا معقد
كنت أحس بتوتر فضيع بداخلي
يعني كنت شارد بعالم أمي وأبوي
وشفت هالمزعجة قدامي
رغم إزعاجها إلا إنها تقطر نعومة
انتبهت ع عيونها الخضر تختلس النظرات لي
اخفيت ابتسامتي
: انتبهي ع عيونك لا تطيح
تركت الخبز من يدها وفمها الصغير انفتح بذهول
: كوالي؟؟
قام وهو يتصنع القرف
درينا إنك عايشه بتورينو حاليا إنتي في السعودية فكينا من هالغباء وكلمي كل ناس بلغتها
ناظرت الفراغ أول ما طلع
عيون الخدم علي
وبانفجار ما قدرت أكتمه رميت الشوكة ع طول يدي
بعدت الكرسي
طاح
تركته وأنا أطلع
متأكدة مليون بالمية إنه خدم هالبيت آمنوا إني واصلة من الأدغال أمس!!


مِآ هوُ آلوٍحيـِـِد آليْ على آ آلكــِـِوُنَ عآإيـِـِشَ !
. . لكّنهَ آغنِآإنـِـِيْ عنَ " الكـِـِوُن كلةَ "

ضمني بحب
: إذا وصلتي على طول طمنيني أنا أنتظر تلفونك
دمعت عيوني
: وافي ما أبي أسافر
صوت الموظف دوى في المطار ينادي ع رحلتي
ابتسم وهو يبوس جبيني
: بشتاق لك جمون
تعلقت فيه
والله ما أبغا أروح غيرت رأيي
وافي بجدية قطعت البوردينج حبيبتي يللا بتروح عليك الرحلة
عطيته ظهري وأنا أغطي وجهي أبكي
وقف قدامي بحنان
حضني جمانة حبيبتي..
صرخت فيه
: ما أبي أروح تفهم شلون يعني مو متعودة أروح وأتركك ما أقدر والله ما أقدر
صحيح أهلي مشتاقة لهم بس يوم تخيلت نفسي كل يوم بدونك ما قدرت
عقد حواجبه آوكـ..
قاطعته وهي تترجاه
والله بولع لك الشموع وأخليك تنام عليها وما بخبي أشياءك وبسوي كل اللي تبيه بس ما بسافر
قرب منها
طبع قبلة طويلة ع جبينها
هالتجربة خلته يتأكد من مشاعره تجاه هالـ [ جمانة]
وافي العاقل بلا عقل قدام طفولتها..!
*
يتبع

 
قديم 05-31-2012, 03:49 AM   #80

مزاجي توب


رد: رواية خنقت الورد يا يمه وبيديني انكسر ذبلان


رواية خنقت الورد يا يمه وبيديني انكسر ذبلان

ﯾ شينـہّآ لآ جآك شيُ يبَگيگ و آنِت تغض آلطرف و تقولَ عَـآديٌ ] !!

هزيت رجولي بعصبية اخفيتها بابتسامة أول ما شفت بسام ولتين
كان حاضن كتوفها والضحكة ما فارقت شفاهم
ناظرني
: آهلا تاله
قمت أسلم عليه آهليين فيك
سحبتني لتين بصرخة تلوووو حياااتي وحشتيني
حركت حاجب واااضح من أمس واصلة ما شفت وجيهكم إلا الحين
قاطعني الزفت يوم دخل
: ها بسام نمشي؟؟
بسام يقفل قلابه آوكيه يللا
متجاهلني بعد اللي قاله ااخخ يا ربييي قاهرني
ناظرت لتين اففف ما نقدر اليوم نطلع من البيت
أنا مخنوقة هنا!!
استغربت من كلامها لكن بصدق قلت
: اليوم ما نقدر بسام مسافر الليلة !!
وناظرته بحزن
ابتسم وهو يبوس جبينها ما بنتأخر حنا
شد خدودها عبدالله لما برجع بتكلم معاك
هزت راسها بابتسامة إن شاء الله
تاله بعصبية أنا طالعه غرفتي
بسام باستغراب فيها شي مو طبيعي هالبنت
ناظرت عبدالله شفته ساكت وع شفايفه شبح ابتسامة
زاد استغرابي معقولة في شي !!



قَد أيقظت بـ ِدمآئك أدمُعي
لآشِيء إأضـآفي .. سوى أإلم وآإفر ..!
آحتاجُ لرجوعٍ ربيعَ آيآمي

تكتفت بعصبية وش قلتي له؟؟
مسحت دموعها الغزيرة ما أدري
غمضت عيونها بضياع وهي تبعد شعرها اللي التصق بجبينها مع حرارة جسمها من القهر أذكر إني بعدته ومشيت
زفرت باللي ما يرده إن شاء الله صدق ناس ما عرفت تربي عيالها
ضمت بنتها بحنان
: بس يا لين إنتي العاقلة لا تبكين على واحد مثل هالأشكال
تشبثت بأمها بألم
: أحبه.. مو قادره أنساه واللي خلقني حاولت
دخلت الخادمة ووراها دخل هو بعد ما سمع آخر عبارة
: سكوزا سنيوري بندر
غطت شعرها بحجابها
وقفت يلدا هلا وغلا يا قلبي حيااك تفضل
بندر بإحراج وهو ينقل عيونه بينها وبين لين بتوتر
اعذريني خالتي جيت من غير خبر
جلسته حياك البيت بيتك يمه
الله يحييك
تحمحم شلونك لين؟؟
بلعت ريقها وهي توقف وتشيل كتبها وشنطتها الحمدلله شلونك إنت؟
هز راسه بخير
ناظر خالته اللي تكلمت شلونها نجد؟؟
حط رجل ع رجل عند جدتي بشكل حالي رافضه ترجع لأبوي
يلدا وهي تاخذ القهوة من الخادمة
والله يا بندر معاها حق لا ترجع له أمك شافت الويل منه
نزل عيونه وهو يخلي الكوب ع الطاولة الصغيرة قدامه
ما بحاول أرجعهم بس أبوي وأعرفه ما بيطلق ولو على جثته
يلدا بنرفزة شيبي منها بعد لا زوجة مثل الأوادم ولا احترام
يعني لا يرحم ولا يخلي رحمة ربي تنزل
حك راسه والنعمة تقطر منه من نظرة يوضح إنه ولد عز ومال
بسألك وينه رويد ما شفته عند جدتي
يلدا بهدوء رويد بروما
عقد حواجبه وهو يرشف من القهوة بأناقة صحيح سمعت إنه ترك الموزيكو الجرايد كلها تتكلم والأخبار من فترة
وش السبب؟؟
يلدا بزفرة حضرة ولد خالك عشق مرة ولد عمته
رجع القهوة بتعقيدة وشلون؟؟
راكان وهو يجلس بجدية
كان يحب لتين هالحمار وبسام كان بيموته عشان كذا خالي مؤيد قلعه معه ع روما
يلدا بصدمة راكان؟؟ إنت من متى هنا
: من يوم ما سطام الكلـ# سوى اللي سواه
شهقت يعني عرف بسالفة لين
زمت شفايفها الرقيقة اطلع من وجهي بسرعة كم مرة أقولك التجسس حرام
راكان ببراءة ما كنت اتجسس كنت قاعد اتغدا
وأشر ع البوفيه الصغير
قاطعه بندر بعصبيه وقرف أدري فيه هالخسيس ما عنده لا مبدأ ولا أخلاق إن شاء الله ما خربها
راكان يووووه ما دريت بسالفة الوردة حط الوردة بصـ...
يلدا بنرفزة صرخت فيه راكان أنا بجد ما بمزح قوم على غرفتك
وقف إن شاء الله سنيورا ولا يهمك حاضر
طلع
بندر هز رجوله بتوتر ليه ما خليتيه يكمل؟؟
يلدا تنهدت لأنها سالفة وانطوت
ممكن أعرفها؟؟
ناظرته ولا مفر بيعرف عاجلا أم أجلا دام راكان يعرف بالسالفة..!



آبحر وطيفك وآلآمل وآلشوق .,
وآلذكرىِ ششرآع .,

ملامح الميناء بانت بعد قرابة الـ3 أسابيع بعرض البحر
تنهد ويده ع جبينه تحميه من الشمس الحارقة
وبتلقائية أخذ الكاب الخاص فيه ولبسه
تكتف بتأمل
للحظة فكر يتقاعد من عمله أو يستقيل بالأصح
قبل لا يتزوج كان يشوف بالسفر أنسه وحياته
بعد ما احتلت ربى عرش قلبه
صار يشوفه وحدته
حتى وهو هوايته صار بعيونه عذاب
الشمس توسطت كبد السماء
بالوقت اللي رست السفينة بميناء ساحل العاج الإفريقي
ربت ع كتفه القطبان تيم
: شوو ما بدك تنزل؟
ابتسم وهو يلف عليه أكيد
استقبلتهم حسناء سمرا ببشرة تميل للإصفرار
: الربان طلال ؟
هز راسه والتعب واضح عليه نعم
أشرت له من هنا تفضل..
تيم باعتراض والكابتن تيم ما إلو رب شو هاد يااه الله ما عطانا جمال راحت عليناا
ضحك طلال وابتسمت الموظفة
في من يهتم فيك وأشرت وراه
لف ع صوت الموظفة الثانية
: welcome kabten taym
غمز لطلال الله معك
ابتعد طلال بشرود لا تيم ولا الموظفة ولا هوا البلد الحار هذا
حتى نسيم بحرها اللي تعود عليه
ما أثر فيه
وحده طيف [ ربى] كان مرتب مع بقية الأمتعة!




مآودي الناس تدري وش يبكيني
كرآآآمة النفس
ورت آبوي و آسلآفي

حطوها بالسيارة جثة هامدة
نزل بسرعة للحارس
عطاه المبلغ وبحزم
هذا أجرك وصل تصرف وإذا عرفت صارت أي بلبله إعرف راحت عليك
هز راسه بطاعة أبشر طال عمرك
رجع وحرك السيارة بسرعة
عبدالله منزل راسه ع السيت
دموعه تنزل بصمت
ما يبي أحد يشوفها
كفاية إنه ما له وجه يطالع بأحد ويرفع راسه
سواة اللي جابوه ع هالدنيا
تجيب الخزي والعار
لف يناظرها بسام
وهو يسرع وبداخله يدري إنه رحمة ربي هي الوحيدة اللي ممكن تنقذ هالميته
وقف السيارة جهة الطوارئ ونزلوها ع السرير بسرعه
عبدالله يضرب الجدار وهو متلثم بشماغه
: ليه يصير فيني كذا ياااااا رب لييه
بسام يهديه استهد بالله يا عبدالله كله خير لا تعترض ع حكم ربك
شد ياقة ثوبه لين انقطعت وطاحت الأزرار وحده ورا الثانية
مصدره صدى بأنغام متواترة تناقض حياته وتشعل الألم بصدره...



حكمـة فرنسية تقول :اذا كرهت الدنيآ بسبب شخص وآحد ../فأنت كالذي احرق بيته من اجل حششره !!

عضت الجيلاتين وشدته بقووة
مضغت الحلاوة وبقهر
: شوفي أخوك هذا بعرف شلون أربيه
لتين باستعباط حدك عاد أخوي متربي
تاله برفعة حاجب ربته الحياة مو أبوه وأمه أكيد
ليتن شقصدك هااا؟؟
ضحكت تاله قصدي اللي قصدي
ورجعت عبست ااااااااااااااااه يقههررررر
ابتسمت لتين وهي تقلب بالتلفزيون شرايك وش أسوي لبسام اليوم بيسافر
تاله بتكشيرة الناس بالناس وعزيزة بالنفاس قاعد اشتكي لك وتقولي لي بسام
لتين تناظرها
سحبت صحن الجيلاتين من قدامها
يكفي كذا على ما أعتقد معصبة وبتظلي تاكلي ع عادتك اللين ما يخلص
حطت حبة بفمها اممم لا يقاوم
تاله باستهبال مين بسام؟؟
شرقت بالحلاوة وهي تكح
تاله تضحك وهي تضربها ع ظهرها يالطيف بس عشان جبت طاريه
قدمت لها كاس المويه الخادمة
بخوف بريجو مدام لتين
شربت منه وعيونها مدمعة شكرا
تاله تتربع وكأنه شيئا لم يكن بسم الله عليك وش جاك؟؟
لتين تمسح دموعها تدرين إنك حمـ###
ههههههههههه فديت أخوي معذب القلوب
تحمحمت بكره بعزم ربى نسهر سوا وبعده بروح الجامعة تجين معي؟؟
أجل بظل مع أخوك اللي ما يستحي ع ووجهه
ابتسمت لتين ترا من أول ساكتة لك أخوي وما أرضى عليه
تاله كشت عليها ما لت عليك إنتي وهالأخو ...
هزت راسها لتين الحمدلله والشكر
وبخفة رمت حبة جيلاتين التوت بفمها



أثقَ بكَ ربيْ !
آثقَ بأن كلَ مآ ( أتمنآهَ ) سيكونَ برحمتكْ ليَ . .
وأن كلَ مآ آدعوَ به ستحققهَ لي يومـآَ . .|
وستجزينيٌ خيرآ لآننّي آمنتَ بكَ وآنآ موقن برحمتكَ !

وقف عند راسها
ما قرب منها بس يوم عرف إنها بخير ارتاح
مجرد وجودها على قيد الحياة يحسسه بالوجود
الهالات السود مغطية جفونها ومرتخيه للأسفل
جسمها كله كدمات طفيفه
والمغذي بقسوة يخترق كفها النحيل
سكر الباب زين وراه وتأكد إنه عبدالله ما يسمعه
ها يا دكتور تقدر تعطيني تقرير عن حالتها
الدكتور صالح
طبعا أخ بسام المريضة واضح إنه تغذيتها كانت سيئة
اضطرينا نسوي لها غسيل معدة
الجروح اللي منتشرة بجسمها كانت أعتقد بسبب اللي قلته لي وهو تعرضها للاعتداءات والمعاملة السيئة
نزل عيونه لو ما إنت كنت خبرت الشرطة
بسام ببرود ظنك الشرطة بتسوي شي لزوجة الوزير الفلاني؟!
الدكتور انحرج اوكيه هي بتنام هنا ونطلعها بكره
لكن اللي أنا ما أقدر أقوله بالحقيقة للأخ عبدالله هو إننا مشتبهين بإنها مصابة بداء
الملاريا وحالتها متقدمة واضح إنها من زمان مريضة
بسام بنفس البرود اوكيه وكم بتعيش ؟
الدكتور شهر بالكثير والحياه بايد الله
صافحه بكدر مشكور
: واجبي
وقف عند الشباك العريض بوسط الجدار
يده ع ذقنه
الكدر كله لجل خاطر عبدالله
أما هي
تمنى لها الأسوء
مستحيل يسامح ويصفي قلبه ع إنسانه حرمت حلم حياته من أغلى ما تملك!



مـَـَآبْغِيْ الهَـَـدآيَآ عِنديْ اغْلـَـَىْ هَـديَّهَ .
صوتكٌ كلّ صبحْ أروع هـّديهُ .,’ ♥♥♥

مسح ع خدها برقة وهمس
: صباح الحلو
تقلبت ورجعت غطت بالنوم
ابتسم وهو يآذيها بالوردة ع خدها
صرخت
ساراا اتركيني يكون أحسن
توسعت ابتسامته بعد ما اتفاجأ بصرختها
للحين تحلم بأهلها!!
خرب شعرها وبعد البطانية
سحب حبل روبها وتركه
فتحت عيونها بعبوس
ويوم استوعبت إنه وافي لانت ملامحها
: يا مثقف في أسلوب أحسن من كذا بالتصحية
تربع قدامها وجها لوجه
: توّ قلتي يكون أحسن اتركك وريني الأسوء
مدت بوزها أنا!!
هز راسه اييه
حطت يدها ع شعرها وتفاجأت إنه ملخبط فوق تحت
عدلته وهي تخزه بنظرة
أشر ع خده
: ممكن
تنهدت اوكيه
شبكت أصابعها ببعض لازم؟؟
أومأ براسه شوور
وبحيا باست خده النابت
سحبها له
جمانة تضحك واااافي وااافي خلاااااص
وهو يدغدغها اليوم خليك جاهزة بنطلع نسهر سوا
ارتخت ع المخدة وهي تاخذ نفس
الله يقـ..ـطع ابـلـ...ـيسك
ضحك وهو يقوم
قومي يا كسولة صارت عشر..
*
يتبع

 

أدوات الموضوع



الساعة الآن توقيت السعودية الرياض و الدمام و القصيم و جدة 03:00 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0