رد: رواية خنقت الورد يا يمه وبيديني انكسر ذبلان
رواية خنقت الورد يا يمه وبيديني انكسر ذبلان
أج ــمل إحـساس في الكـون إنـكـ ]تعـشـق[ بجـنـون ! ..
رجعت الجوال ع الكمدينا بخفه ما ابغا طلال يصحى
حسيت بدفا يلفني
ابتسمت صباح الفل
حط راسه ع صدري صباح الحب والورد والياسمين
شتسوين؟؟
تأملت ملامحه اللي ما لحقت أشبع منها رسلت مسج للتين إني مو رايحه الجامعه
لأنها ما ترد
طلال يتثاوب وهو يقوم حتى بهالصباح الحلو لاحقتنا لتين
ابتسمت وهي تتكى ع طرف السرير الداخلي حبيبي لتين ما لها غيري بسام تاركها ورايح يكمل دراسته في ايطاليا
وهو ياخذ منشفته لف عليها أجل ليه متزوجها؟
ضحكت لأنه يحبها ما تتخيل قد ايش يحبها تقدر تقول مجنون قصتهم طويلة
رفع حاجب مجنون هااا؟؟
أومأت باستغراب اييه مجنون فيها شي
قرب منها ببطأ عقدت حواجبها طلـ...
هاا مين أجن الحين أنا وإلا هو ؟
ربى وهي تعدل جلستها بحيا الله ياخذ ابليسك
هههههههه وش قلتي؟
رفعت عيونها بحب وهي تضم كفوفه وتبوسها إنت أغلى شي في حياتي يا طلال..!
راسـي ولـو شـح الـزمـن ماحنيـتـه ,, ما بـقـى الا انـت توطـي راســي
four season Hotel // 10:00
تأمل الرياض من غرفته في أعلى ناطحة السحاب [عمارة المملكة]
الليلة بيبيت في تركيا إن شاء الله وبكره رحلته ع تورينو
دق جواله
كان محمد سكرتير أبوه
ترك الجوال جنبه ع السور من غير لا يرد
تنهد شغل بعدد شعر راسه ينتظره لما يرجع
وتراب أبوه ما بعد يجف
رجع يدق الجوال
أخذه على طول لأنها النغمة الخاصة ببسام
: آلوو
بسام بصوت هادي واضح العذاب بنبرته بندر وينك إنت؟
ناظر الشمس في وسط السما أنا بالرياض الحين
بندر تكفى أنا أدري ظروفك ما تسمح لك بس هي بعد أختك
قاطعه صوتك ما يطمن شفيها لتين؟؟
سكت لثواني وطلع صوته متحشرج رويد يا بندر عند لتين كان
دقت علي وسمعت صراخها بإذني وهي تقاومه
ضرب السور بيده شلوون؟؟ كيف طيب شصار فيها سوى لها شي هالكلب؟؟
ما أدري ما أدري عن شي ما في حجز إلا بعد يومين وبعد مو مباشر والله ما بيني وبين الجنون إلا شعره
دخل على طول من البلكونة إلورا بسام أنا نازل الحين على طول ما بنتظر الطيارة بستأجر سيارة وبنزل على طول
أخذ شنطته الصغيرة رمى كم غرض له فيها كان مطلعها وطلع
عند الرسيبشن
: أخوي باقي لك 9 ساعات دافعهم إنت
بندر وعقله متشوش مو مشكلة أنا خارج الحين بلغيها
وما خلاه يكمل كلامه طلع مستعجل
الأفكار تاخذه وتجيبه
[رويد] تعدا حدوده كثير وجا الوقت اللي يوقف عند حده حتى لو اضطره هالشي ينفيه من الحياة
عندما يتعلق الأمر [بشرف الرجل] كل الظروف تخضع لتصرفه..!
دقت الباب ودخلت بعد الإذن
سنيورا نجد المحامي سامح اتصل يطلب حضرتك
سكرت الستارة ولفت عليها خبريه لا يتكلم بأي شي الحين 4 شهور ما ابغا اسمح حس أحد
أومأت براسها إلورا
انسدحت ع سريرها المرتفع بستايره المنسدله
أرخت أعصابها تتذكر آخر حوار لها مع زوجها قبل لا يتوفى
: طلقني
بقسوة قلت لك طلاق ماني مطلق مو لسواد عيونك ماني ناقص فضايح
صرخت بوجهه بألم أنا مو مستعده أعيش معك عشان خاطر سمعتك
: اللي عندي قلته
صورته مموهه في بالها
وبين ثنايا الماضي سرحت بخالد زوجها أبو بنتها
هنا فقط
نزلت الدمعة.. بكته وكأنه هو اللي توه مات
بكت الأيام الحلوه اللي عاشتها معاه ما تذكر إنه مره صرخ عليها أو آذاها
بشي يجرحها أو يمس كرامتها كان يحترم الأنثى عامة قبل زواجه فكيف وهي كانت زوجته وحبيبته قبل الزواج
غمضت عيونها بألم وإصرار حياتها قرب لتين يزداد ثانية بعد ثانية...
مطار الملك فهد// الدمام
قفزت من آخر درجة في المدرج بضحكة آآآآآخ أخيرا
ونقزته معاها
وافي برزه جمون عن الخبالة بتطيحنا قدام هالعالم
ابتسم لهم رجال كبير بالسن وكأنه يبارك لهم حياتهم الجديده
رد الإبتسامة وافي وهو يرص ع يدها بحميميه ماشيين باتجاه الشنط
تنهدت بعمق بروح أزور بابا وماما وحشووووني وبشوف جدتي وسارا ولمار وربرب وصح
عمو طلال وو
همس بحزن يعني راحت علي لاسبوع اللين تشوفين كل هالآوادم
قربت منه نو, نو, إنت حياتي وعمري وراس مالي
ضحك شركة صرت
جمانة بعصبية واااافي لا تبدأ تتمسخر
أخفى ضحكته أبشري بس الحين بنروح لأهلي أول وننام بعدين بالليل نروح لأهلك
ضربته بكس في بطنه توك نايم بالطيارة ما شبعت
وافي بصدمة أنا؟؟؟؟!!!
الله أعلم مين كان نايم وأنا يا حليلي قاعد أحرس الهانم وهي في عالم الأحلام رايحه
هههههههههههههههههههه أموووت فيك
تحمحم اصبري مو وقتك خلنا نوصل البيت
ههههههههههه الله لا يحرمني منك
خزها بطرف عينه آميين
أخفت ضحكتها بصعوبة عاد جمانة لا ضحكت لا حاد يمسكها
طلال أدرى فيها!!
إلى هنا [رست] السفينة و[توقف] القطار و[هبطت] الطائرة..
في غضون 3 ساعات كان في الشرقيه
كلم عبدالله ووصف له المشفى
طلع الأصنصيل بتعب يمكن لو يعرف خطوط المملكة أكثر كان وصل بأقل من هالمدة لكن
طول عمره ما يتعامل إلا مع الجو
ما قدر سافر ببر أبدا
بخوف وترقب تابع أرقام الغرف
303، 305،304 ....308
دق الباب ودخل
أول ما جات عينه ع السرير قرأ التعريف
الإسم: لتين خالد الخالد
العمر: 21 سنة
اليوم: السبت
توقيت الدخول: 7:30 صباحا
الحالة: اعتداء #####
يوم قرا هالكلمة ما بقى براسه عقل
تأمل أخته وهي نايمه
البياض مغطيها حتى وجهها بلونه
جلس بقربها
مسك يدها حضنها
نزلت دمعة ساخنة من عيونه زهرة كل يوم تذبل عن اليوم اللي قبله
المصايب اللي تجيها أكبر من وحده بعمرها
دخل عبدالله وبيده كيس فيه مويه
ترك يدها وقام بسرعه يسلم عليه ويحضنه
عبدالله بشوق الحمدلله ع السلامة عظم الله أجرك
بندر يمسح دمعته أجرنا وأجرك رجع يناظر بلتين
عبدالله هم متأكدين إنه صار فيها اللي صار والا لا
هز راسه عبدالله بحزن عليها يخالطه عصبية ما أدري بس بالتقرير إنه ما كان فيه
أي مقاومة منها
عقد حواجبه شلون؟؟ بسام سمعها وهي تصارخ كانت متصله عليه
عبدالله بعصبيه الحين هالكلب وين بنلاقيه؟؟
بندر يشد ع طرف السرير محسبني بسكت له والله لأنسيه حليب الأربعين هالخسيس
تورينو// ميناء الصيد
العاشرة صباحا
أشجار البندق أسقطت أوراقها
حفتها من الجوانب وكأنها تنبأ بجفاف فصلها
،،،،،،،،،،،،،،لا تعلم أن بجفافها جف ماء القلوب الذي يرويها..
تسند ع جذع الشجرة الضخم
حشرجة بداخله يسمع صدى أنينها بعالمه الحالي
رص ع يدينه داخل جيوبه همس بضعف
أنا السبب
أنا السبب
أنا السبب
رفع راسه ودخان طلع من فمه من برودة الجو
قرب من المينا
جلس ع الكرسي الخشبي بشرود
نفث دخان السيجارة اللي بيده بعمق
طلع التلفون وضرب أزراره بخفة
ثواني جاه صوته
: هلا طال عمرك
بسام بحزم
لقيتوه؟
: لا طال عمرك
صرخ بعصبية غريبة عليه لو اليوم ما لقيتوه ما بيكون خير لا لك والا للي معك
قفل الجوال بعصبية لفتت انتباه اللي حوليه
جلست جنبه وأخذت السيجار اللي بيده وطفته بحجر المينا
قربت منه زيادة ومدت له كوب كابتشينو خذ هدي أعصابك
لين دخيلك مو ناقص أنا
أخذت يده وحطت الكوب فيها لا تردني نشف ريقي وأنا أدور عليك
أخذها يدفي فيها يدينه اللي تجمدت من البرد
زفرت أكيد الحين لتين بحاجة الكل حولها
غمض عيونه بلع الغصة وفتحها الأسبوع الجاي بنزل لها
شلون خالتي نجد؟؟
لين تناظر كوبها إنت تدري إنها ما كانت تحب زوجها يعني يوم عرفت بمصيبة لتين
بكت عن جد ما عمري بحياتي شفتها تبكي مثل أمس
رص ع أسنانه والله بس يوصل ليدي والله لأطلع الأول والتالي فيه
لين بهدوء بسام لا تصلح الغلط بغلط أكبر منه
صرخ فيها أجل وش تبيني أسوي فيه أصفق له وأقول له برافوو عليك
اعتديت على زوجتي!!
عضت على شفتها بإحراج
وقف بعصبيه يللا قومي
لين شوي وتبكي بسام لا تسوي بنفسك كذا لتين نفسها ما بترضى
ناظرها بقوة لين أنا اللي سويت بلتين كذا بنفسي وبكامل إرادتي تركتها وجيت هنا
كنت أظن إني بقدر أحميها وأنا بعيد لكن شوفة عينك شصار هالشي مستحيل تنساه
أنا نفسي ما بقدر أنسى كل ما جيتها بتذكر إنها تعرضت لهالشي بغيابي عنها
حوطت خصره بيدها وهي تمشي معاه
كل الأمور بتتعدل بسام لا تشيل هم ولا تفكر كذا لتين بحاجتك بتروح لها وبتنسى كل اللي صار معها بس خليك بقربها
شد عليها بصمت وهو يحضنها بحنان
بداخله مشاعر متفاوتة بتفاوت موجات البحر خلفه..
إلا حب حياته ثابت ومهما كانت الرياح عاتيه،،
لا أقلام هنا لتصف ما تشعر به الأم..
اوكيه و هذا البيبي شايفته ست لمار
ناظرت الشاشة بإحساس يخالطه الخوف واللهفة بنفس الوقت
تمسكت فيه وهي تبتسم أول ما دققت في ملامحه اللي مو مبين منها غير إنه إنسان
فيصل شايف؟؟
ابتسم وهو يبوس يدها ويربت عليها إيي حبيبتي شايف
الدكتورة بجدية بس البيبي حجمه أصغر عن العادة الطبيعي يكون وزنه بالأسبوع السادس عشر بحدود
154 جرام طفلك يوزن 110 جرام لازم تنتبهي أهم شي صحتك وصحة البيبي
لمار بإهتمام أكيد بحاول قد ما أقدر دكتورة ممكن تخبرينا ولد والا بنت
ابتسمت لا شكله طالع على ابوه واضح انه ولد
وضحكت أخليكم الحين
قرب منها
طبع قبلة ع جبينها أبيع حياتي كلها وأشوف هالسعادة بعيونك
ضمته بحب فيصل ولدي ولد
ههههههه أيي ولد شفتي ان شاء الله يطلع حلو ع أمه
مسحت ع بطنها بربيه أحسن تربية معك واممم بسميه
فيصل لااا عااد اسمه علي بما إنه ولد
ابتسمت سميه اللي تبي عيوني كافي إنه منك
مسك بطنها وضخم صوته اسمع يا ولد من الحين أقولك ما عندنا دلع نومه بغرفتك مو كل شوي تنط علينا
ضحكت بحب حرااام حبو من الحين
ابتسم وهو يقوم عشان يلزم حدوده من بدري
هههههههههه
اوكيه حبي أنا بروح شوي أسأل عن الصورة إذا في مجال ناخذها إنتي خليك هنا
أومأت براسها اوكيه حبيبي
طلع يقابل الدكتورة السبب الرئيسي اللي طلعه
صحيح فرح بولده كثير بس خوفه ع زوجته أكبر من فرحته
دق الباب
تفضل
: السلام عليكم
وعليكم السلام تفضل أخ فيصل
جلس زاد فضلك
الدكتورة مها أكيد جاي تسأل عن وضع زوجتك
فيصل بوجوم صراحة ما أدري وش أقولك لكن كل اللي أعرفه إنه لو هالحمل في خطر على زوجتي
مستعد أتنازل عنه
الدكتورة ما تخاف لهالدرجة إنت كنت ممكن تحدد هالشي قبل الحمل لكن الحين ما تقدر تحرم أمه منه
نجي لحالة لمار
واضح إنها منتظمة بكل الأدوية يعني حالتها للحين مستقرة بس التغذية والراحة النفسية أهم شي
ابتسمت يعني المره الجايه أبغاها تكون زايده 3 كيلو وعلى يدك
اوكيه
رجعت تناظر الأوراق بس ما أخفي عليك إنه كل المشكلة بتكون متعلقة بولادتها
ادعي ربك والله كريم
مشكورة ما قصرتي
هذا واجبي
طلع من عندها
يسحب رجوله سحب حمل زوجته صار هاجس يهوجس فيه ليل نهار
كل يوم يصحى يخاف ما يلاقيها جنبه..
*
*
*
Everything is okay in the end. If it's not okay, then it's not the end
كل الأمور على مايرام في النهاية، إن لم تكن كذلك، فتلك ليست النهاية
نهاية الجزء الأربعون
|