 |
  |
|
|
|
|
#96 |
|
|
رد: رواية خنقت الورد يا يمه وبيديني انكسر ذبلان
بعض المشاعر لا تُقال و إذا حاولنا أن نقولها , قتلناها !
أو على أقل تقدير نقوم بتشويهها ، لأننا مهما إمتلكنا من اللغة , لا نستطيع الوصول إليها..! نشف شعره بالمنشفة الصغيرة وتركها ع كتوفه وهو يمشط شعره ويمهده بشوية جل خفيف لبس بنطلونه الأسود وقميصه الأحمر وسحب بيده كوته الرمادي الطويل أخذ البوك ومفتاح السيارة وجواله بعد الستارة شاف أهله جالسين بالحديقة الخارجية قدام المسبح همس وش مجلسهم برا بهالبرد اتصل عليه وهو يتأملهم من الشباك ما كانت موجوده بينهم ..كان جالس بين فيصل وسامر ع البحر على أمل يغير جو شاف تلفونه يدق استغرب يوم شاف رقمه رد وهو يسكتهم صمتا إنت وإياه بسام متصل سامر بضحكة صمتا المتنبي على غفلة خزه بنظرة آلوو بسام بهدوء السلام عليكم وعليكم السلام حياك بسام شلونك؟؟ بخير إنت شلونك؟؟ الحمدلله سكت لثواني وبعدها قال أقول عبدالله أنا دريت باللي بينك وبين أختي نقل عيونه بينهم عبدالله وهو يعقد حواجبه ويرص ع أسنانه إحراج الدنيا ركبه كنـ... قاطعه أنا ماني متصل أحاسبك يا عبدالله أدري زين إنك مو من النوع اللي يلعب ويرمي بنات الناس إنت وش قاعد تقول يا بسام زفر بعصبيه وهو يشوف تاله جات وجلست بين أبوه وأمه عبدالله أختي طايشه للحين ما وعت ع الدنيا وأنا تصرفت من عندي خبرت أبوي إنك خطبتها وإنك بتجي نهاية هالشهر تخطبها رسمي منه فتح فمه وشوووو؟؟؟ فيصل وسامر يناظرون بعض وش السالفة سامر بهمس أقولك هذا خويك عشقان أخت بسام ومدري وش السالفة الحين بالضبط إلا خالد وينه ما كأنه تأخر فيصل يناظر الساعة راح يجيب العصير ويرجع مدري عنه بسام وشوو اللي وشووو؟؟ وش كنت تبيني أقوله يوم هو شاك إنه أختي فيها شي عبدالله بصدمة انزين أكيد بجي وهذا اللي كان بالنهاية راح يصير بسام رجع لهدوءه انزين شد حيلك باختباراتك وحنا ننتظرك وقبل لا يقفل رد عبدالله بسام : نعم شكرا لأنك متفهم ابتسم بمرارة لا تشكرني بس عدل غلطتك وقفل منه عبدالله يناظر التلفون تدرون يا ملقه هالإنسان مدري شلون أختي متحملته وبسرحان بس والله إنه نشمي فيصل يضربه ع راسه أبو الشباب وش صاير معك سامر صاير لي قيس بن الملوح على غفلة استوعب مالك دخل إنت وإياه انشغلوا بأنفسكم فيصل لا والله جد عبوود عبدالله بابتسامة وربكة بنفس الوقت أول ما بتخرج بروح تورينو بشتغل هناك توسعت ابتسامته وبخطب بنفس الوقت سامر وفيصل بنفس الوقت شلووون؟؟! رجع شعره وهو ينسدح ع الرمل آآآآه يا محلى الحب سامر يناظره بصدمه لا هذا مراا داخل جو ومسك فنجان القهوة وعباه رمل وكبه عليه عبدالله يفز يالحقـ### ضحك فيصل عبدالله مين هي تاله؟؟ خزه بنظرة أول قول لي مين هي لمار عشان أقولك تغير وجهه وتبــــن ابتسم وهو يحرك حواجبه وحده بوحده والبادي أظلم سامر ما عليك منه فصوول عقله فصل من بعد مكالمة أخو تاله عبدالله أقول اسكت إنت يا سعديه فيصل هههههههههههههههههههههههه سامر باستغراب مين سعدية؟؟ عبدالله وهو يرجع ينسدح زوجة المستقبل بسم الله عليّ إلا عبوود بتتكلم وإلا شلون؟؟ عدل جلسته بقول لكم بس يبقى سر فيصل بحماس قرب وشوو؟؟ تحمحم اااا خلاص غيرت رأيي استحي كب كاسة المويا بوجهه سامر ماااالت عليك يالدب ضحك بفرحة آآآآآآآآآخيرا هالدنيا ابتسمت آآآآآخيرا أحيا واموت وعزتي راس مالي عهدٍ على نفسي بنفسي خذيته من باعني بعته ولو كان غــالي واليا شراني عقبها ما شـريته نزلت من السيارة دقيت الأنترفون ردت علي الخدامة وفتحت لي الباب شفت سيارته وأنا أدخل استغربت لأنه لمار قالت لي إنهم طالعين وقبل لا أكمل تفكير شفته قدامي وقفت لأني كنت بصقع فيه دايما يبلم "ما يستوعب بسرعة" وهالمره بلم قدامي ناظرته بحده وقهر ومشيت رفع حاجب وشفيها هذي؟؟ سمعت صوت أمي خالد يمه أخذت الكيك وأنا طالع اييه يمه يللا في أمان الله سلمت ع خالتي ودخلت عند لمار على طول يوم شافتني جات بتقوم عن السرير بس ما خليتها سلمت عليها وجلست لمار بتفحص يارا وش صاير معك ترى طيحتي قلبي وأنا جالسه هنا أنتظرك رفعت عينها لي وبنظرة صلابة انخطبت ابتسمت زين وهذا اللي مزعلك تنهدت شوفي لمار أنا أدري إنه أخوك وإنتي تدرين بعد إني أحبه بس دامه عديم إحساس أنا قررت إني أوافق وأتزوج لين متى وأنا انتظره زهقت وهو ما بعد يحس لمار بألم وهي تمسك يدي يا قلبي عليك يا يويو والله لو تبين أنا بنفسي أقول لأمي تخطبك له يارا بكبرياء لمار وش شايفتني أنا مستحيل أتزوج إنسان ما حطني بباله وأفرض نفسي عليه خلاص أصلا أنا بفكر بجدية بستخير واللي ربي يقدمه يصير زين ابتسمي عشان أصدق إنك مقتنعه بكلامك ابتسمت بحزن وإصرار والله إني مقتنعه مواصفات عبدالرحمن ما تنرد مع إنه شوي كبير بعدت شعرها عن عيونها كم عمره 33 سنة اسمه وعمله وباقي المواصفات عبدالرحمن السامي يشتغل بشركة أبوه ما غيرهم عيلة السامي اللي عندهم شركات و مصانع البلاستيك عقدت حواجبي وش اسم أبوه؟ ما أدري بس الظاهر إنه اسمه عبدالله مدري عبدالكريم هزت راسها مشاء الله عائلة معروفة وأعرف بعد إنه لهم شريك من عيلة الكابر ايوا هو عليك نور طيب ليه مو متزوج للحين مدري بسأل أمي وأقولك ضحكت لمار يا حبي لك يا يارو وأخيرا بتتزوجين سرحت بتفكيرها شفتي شلون ضميتها بود خلاص عاد يارا فكري بعقلك واتركي الوساوس اللي ما لها داعي همست وهي تفصخ عبايتها إن شاء الله شلون البيبي اليوم مسحت ع بطنها المنفوخه بابتسامة والله كل يوم يمر تزيد آلامي بس يا عمري فديته يتحرك إلا ما عرفتي ولد وإلا بنت اييه عرفت بس لا تحاولين ما بقول خليها مفاجأة صادقه حلوه المفاجأة وأي شي يجي من الله حلو وين سارا؟؟ رجعت من الجامعة متأخر اليوم ونامت تدرين ما بقى شي ع الإختبارات اييه أدري حتى أنا ما بقى شي ع اختباراتي إنتي ساحبه الترم اللي بعده بعد هزت راسها اييه عشان البيبي الله يعين ..... آدمنت قربكِـ ! يَ عسِسِآني . . مَـ آلقى لِ آدممآني / علًآآج كبيت كل الشموع اللي بالغرفة ورصيت شموع جديده اشتريتها من كلير دي لون بجهازي وزدت عليها تكييف الغرفة مرتفع الشموع مختلفة روائحها وكذا نوع عطا خليط حلو من الروايح عبيت الغرفة منها ابتسمت خلي وافي يمخمخ عليها اليوم طلعت قميصي ساتان بنفسجي ماسك ع الجسم لنص الفخذ ياقته مرتفعه وظهره مفتوح تأكدت إنه الغرفة مرتبه ابتسمت وأنا أغير ملابسي هذا أهم شي في الموضوع اليوم خالتي وعمي وداليا راحوا لماهر وسجى في الرياض وما بيرجعون إلا بعد يومين زين أقدر اتنفس من غير المشكلجية ذيك سكرت سحاب القميص من الجنب بعد ما دهنت جسمي بكريم نيرسيسو تمكيجت مكياج ناعم وفتحت شعري غرتي نازلة وشعري لأكتافي أسود فاحم التفت ع الصوت أكيد هذا وافي دخلت لبسي في الدولاب وطفيت الأنوار انتظرته يدخل تحرك مقبض الباب وانفتح دارت عيونه ع الغرفة وتركزت علي دخل وقفل الباب وراه بابتسامة جوجو؟!! قربت منه روح جوجو ناظرني باعجاب وهو يحضني يا روحي تعلقت فيه وبهمس : وحشتني همس لي بنفس الطريقة : وافي تحت أمرك ..........! لكـ / ۈحَششَهـ غَطتّ عَلـُے گلٌ مخَلوقٌ يآشَيُنـھآ آلساعات // واللـ ـهـ بدونك!! تورينو // 1:00 على ضوّ القمر كنا جالسين بالحديقة بين الزرع الجو بااارد بس الجلسة بالبرد أحلى من الربيع نفسه قهوة الإسبرسو موزعه بيننا وحلوى الفدج تدفي الواحد غصب بندر يزيد النار وسطنا ويرمي الخشب فيها تاله صرخت بضحكه بندر كنت بتحرقني ابتسم بندر إلورا بعدي شوي لاحقه ع الأكل مدت بوزها وهي تشوي المارشملو مع لين وراكان مابي مشتهيه عليه تبي ومدتها له؟؟ بندر جا بياخذها ورجع يده لا مو مشتهي وهمس لها عبدالله لو شافك بينحرك ناظرته لثواني وبعدها عضت من البسكويت اللي حشته بالشوكلت والمارشملو المشويه تدري إنك سخييف ليش ذكرتني فيه يالله قدرت أنسى السالفة ضحك وهو يناظرني توتا تبين مارشملو هزيت راسي بالنفي يسلمو باكل فدج أحبه أكثر جلس قربي أجل أختي طالعه علي أنا بعد أحبه ابتسمت له يا حبي له والله بندر ينحب مو مثل ما كنت ماخذه فكره عنه تنهدت بسام ما جا معهم ع أساس عنده شغل ضروري بعد أحسن مو طايقته مدري ليه زين حس على نفسه وقدر مشاعري شوي حسيت بشي ع كتوفي لفيت بسرعه عمي بدر بابتسامة تدفي يا بنتي شكلك بردانة ضميت الشال حقه تسلم عمـ... ناظرني بحده يستهبل وش قلتي هااا ابتسمت تسلم بابا اييه صح لسانك خالتي يلدا تلفني بردانة حبيبتي هزيت راسي شوي بس عاجبتني الجلسة وينها أمي؟؟ الحين جايه كانت تكلم جيهان وفعلا دخلوا هم الثنتين يا تفاهة هالإنسانة ما همها إلا شعري وجسمي وأظافري ووو ما شفت أتفه من كذا ابتسمت لي شلون البيبي متعبك مثل أبوه سكتوا كلهم ناظرتها من فوق لتحت ولفيت وجهي مو قادره مو بيدي عديمة الإحساس الكل عارفين إنه هالموضوع مزعجني ساكتين ولا أحد جاب لي طاريه جات هالقرده تثقل دمها همست لي أمي توتا شفيك حبيبتي هذي خالتك عيب تناظريها كذا زفرت وأنا احط الكوب ع الطاولة اسمحيلي ماما ما بلعتها ابتسمت وهي تمسح ع شعري يا عمري إنتي بستها ع خدها الله لا يحرمني منك حنيت للماضي فدمجته بالحاضر.. ♥ ♥ ربت ع كتفه أخيرا يا الشايب قررت تتزوج عبدالرحمن بابتسامة إنت عطني بنتك أقصد بنتي وخليك ساكت لفت عليه ليان وهي تلعب بالعروسة عموو بتوديني السوبر ماركت صح ضحك بحب وهو ياخذها اييه صح حبيبتي بس أول قولي لي مين تحبين أكثر أنا وإلا بابا حركت عيونها بتفكير وأشرت عليه إنت شكلك زي بابا ضحك عبدالإله تستاهل ناوي تفرق بيني وبين بنتي دخلت سحر وأخلاقها مقفله أنا مين قال لي أتزوج وأجيب عيال ضحك عليها عبدالإله وعبدالرحمن اللي قال استغفري ربك لا الله يحرمك منهم استوعبت برعب لا يا ربي استغفر الله بس والله يزهقون الواحد إلا صح تعال عبودي مامي قالت لي إنها خطبت لك مبروك يا قلبي ابتسم ابتسامة صفرا الله يبارك فيك ليكون بتناديني عبودي قدام العروس وأنا بصك الأربعين اربعين في عين العدو إنت بقمة شبابك 33 عمر أهل الجنة ابتسم بس تصدقين العروس بزر عمرها 23 سمر تحسب بينكم عشر سنوات حلو قام عبدالإله انتبهوا على بنتي أنا طالع مشوار سحر إنت للحين ما غيرت هالعاده تطلع مع هند وتترك بنتك عندنا ضحك يالله عاد خليني اتهنى بشبابي شوي وخرج بسرعه ضحك عبدالرحمن وهو يبوس ليان يا حبي لها هالبنت بفقدها إذا تزوجت سحر بحب الله يوفقك يا قلبي إن شاء الله تجيك اللي تسعدك وتعطيك على قد نيتك آميين قل لـ آلسمآ لآعـآد تمطر ! حبآيب.. آنآ ظهري آمتلآ من طعون آلحبآيب .. .. .. على جلستنا دخلت الخادمة سنيوري بسام آريفاتي " سيد، وصل " وبعدت له دخل السلام عليكم الكل وعليكم السلام قامت أمي وبندر يرحبون فيه سلم ع الكل باس جبيني وجلس قربي انكمشت ع نفسي وأنا ابعد عنه بدر سويت شغلك يا بسام فتح الشال حقه وخلاه مهمل ع كتوفه ما بعد انتهي بس تابعت جزء منه همس له بندر ليه ما جيت من أول أشر له بعيونه ع لتين ابتسم أول عاملتها بطريقه قاسيه خليتها تحبك غصب عنها والحين وش تسميه هذا هروب هز راسه بالنفي لا بس أنا بعد إنسان وأحس وهي ناسيه هالشي شكلها كنت قاعده آكل رافيولي محلى بالسكر والقرفة مشتهيه الحلى كثير مع الوحم متجاهله بسام ولا كأنه جنبي بالأحرى قاعده أحاول اتجاهله بس وجوده جنبي مربكني لف علي فجأة يناظرني قرب مني ريحة عطره ملامحه اللي راسمتها بداخلي كله على بعضه حسيت بشي داخلي يتقطع مسكت بطني بألم وأنا اترك الأكل من يدي همست بعد عني همس لي بنظرة ألم ما فكرتي حتى تسألين عني! حطيت يدي على فمي وأنا أقوم جريت ع الحمام رجعت كل اللي بداخلي مو معقول كيف مو طايقته نجد بإحراج قامت بسام الظاهر زوجتك هالكها الوحام هز راسه بتعقيدة وهو يضرب ع الكرسي بطرف أصابعه توتر الجو قامت لين مع يلدا يشوفون لتين مع نجد جيهان بدلع لا تشيل بخاطرك حبيبي بسام كل الأزواج تصير بيناتهم مشاكل بعضها تنتهي وبعضها للأسف تنحل بالإنفصال إنت شوف اللي يناسبكـ.. دف الأشياء اللي ع الطاولة بصراخ بس خلااااص ماحد له دخل هذي حياتي وأنا حر فيها أسوي اللي أبيه لا تدخلين إنتي فاااااهمه جيهان برعب وهي تبلع ريقها أنا ما قصـ... قاطعها وهو يقوم مالك دخل أتزوج ابليس ان شاء الله ما لك دخل ولا تدخلين باللي ما يخصك بندر يقوم بسام استهدي بالله احتقرها بنظرته لا اله الا الله بدر يتنهد وهو يناظرها وبداخله من جد اللي قال الملافظ سعد طلع من البيت وهو ما صار له عشر دقايق واصل رجعت يلدا وينه بسام شصار؟؟ تاله بتنهيده طلع توه وينها لتين حطيناها بغرفتها تنام بدر قام يللا أجل حتى إحنا نستأذن بندر وين يا عمي ما جلستوا بدر بضيق إن شاء الله هالأربعاء نتلاقى على خير ناظرها أول ما طلعوا بقهر لو سمحتي جيهان لا تحشري خشمك باللي ما يخصك فيه مره ثانية صرخت فيه بعصبيه وأنا وش قلت ما قلت إلا الحق بندر بعصبيه إنتي ما تقولين إلا كل خير خاصة بموضوع لتين بس لا عاد تدخلين باللي ما يخصك خلاص عاد زودتيها ما تشوفين الرجال حالته حاله وقتك إنتي سحبت شنطتها ناتورالمينتى بروفيسوري بندر إنت اللي فاهم كل شي " بالطبع، أستاذ " ضرب الكرسي برجوله أول ما خرجت الله يلعنك زفر وهو يدخل استغفر الله * * * DON'T let the past hold you back, you're missing the good stuff لا تجعل الماضي يعيقك، سيلهيك عن الأمور الجميلة في الحياة نهاية الجزء الرابع والأربعون . تحية مغلفة بسكر وياسمين بائعة الورد |
|
|
#97 |
|
|
رد: رواية خنقت الورد يا يمه وبيديني انكسر ذبلان
بسم الله الرحمن الرحيم
الجزء الخامس والأربعون ..لا صوت هناك سوى ضجيج التعب!! ما زلت أستمع لصوت لهاث العقرب وهو يجتث خطواته يسافر بي بعيداً..بعيداً نحو حاضرٍ لا يجمعني بك!! غبي أنت حين رسمت [[ جسراً ]] يأخذك إلى عتبات الوداع!! مر أسبوع كامل جالسته عند أمي ما شفت بسام بعد اللي صار حتى جمعة الأربعا اعتذرت عنها رغم إنه جدتي أصرت بس ما أقدر أسوي شي فوق طاقتي تأملت بطني بالمرايا فيها بروز خفيف ما بعد تبرز بوضوح لأني توني بخلص الشهر الثاني وبدخل للثالث زفرت وأنا أعطي التسريحة ظهري أكيد حالي بينقلب فوق تحت بوجود البيبي غمضت عيوني بألم وأنا أرص على بطني ياليتني ما تزوجت بسام !! مو حاسة بالأمومة يمكن لأني ما حسيت بأمي إلا الحين بعد ما كبرت ودخلت الـ عشرين ابتسمت بمرارة بعد فترة بكمل الـ 22 دق الباب ودخلت أمي وراها الخدامة معها سلة كبيرة أشرت لها حطيها ع السرير خرجت وسكرت الباب وراها ماما بابتسامة توتا تعالي شوفي وطلعت الأشياء من السلة كلها أغراض بيبي بلون أبيض ناصع ابتسمت بحب وهـ يا قلبو متى يجي بس كملت بلهفة اخترته أبيض عشان يناسب البنت أو الولد غرفة البيبي مو هنا ببيت يلدا أكيد راح تسكنين هناك بعد ولادتك قاطعتها ماما خلاااص كفاية شيلي هالسلة من هنا ما أبي أشوف شي نجد بجدية حبيبتي لتين لازم تتقبلين هالشي بعد ست شهور راح يصير عندك طفل بتظلي كذا مو متقبلتيه وش ذنبه قولي لي حطيت راسي بحضنها وأنا أقاوم دموعي هذا فوق قدرتي ماما أنا مو قادره أشوف بسام شلون بيكون عندي طفل منه مسحت ع شعري بسم الله عليك حبيبتي وش اللي جاك عين ما صلت ع النبي غمضت عيوني بوهن وما حسيت إلا أنا رايحه بنومه بـ [[ حضنها ]] . بقص لك قصة قصيرة و نامي.. عن بنت كانت تسكن بقلب (رجال).. فجأة سرقها منه واحد حرامي.! مسح ع خدها وهو يدور بالغرفة فيها بهدوء حاضنها بين يدينه بكل حنان الدنيا فاتحه عيونها وتتأمله بصمت باس خدودها المليانة ورجع يمسح ع شعرها المنسدل بنعومة ع جبينها كانت تناظره مو فاهمه شي و هو يتأملها وبعيونه يسرد لها كل ألم يحس فيه كل شي عن حبيبته اللي رافضه وجوده عن حياته اللي انقلبت فوق تحت بعد ذآك اليوم حس فيها وهي تتحرك تبغاه ينزلها نزلها ع الأرض وحط الدب الكبير قدامها انشغلت تلعب فيه تربع قدامها عينه عليها وقلبه هنآآك سرح لبعيد قربت منه جلست بحضنه ودفته بثقلها ابتسم وهو ينسدح ويخليها فوقه رفعها بالهوا ضحكت بطفوله ونسى كل الألم بعذوبة ضحكتها حتى إنه ما حس بلين يوم دخلت عليهم دمعت عينها وهي تشوفه يلهي نفسه بإخته الصغيرة وخرجت مثل ما دخلت بكل هدوء..! طلعت من الإختبار مقفل ما كان سهل بالأحرى أنا ماني قادر أركز وقفت السيارة بالباركينق ونزلت القصر هادي وكأنه مهجور دخلت بالمفتاح اللي معي من البوابة الخارجية وانفتحت البوابة الداخلية اتوماتيك أول ما طلعت صورتي بالكاميرا بسام مشدد على هالبيت حتى ولتين قد خرجت منه طلعت غرفتي على طول أخذت كم غرض لي وأنا خارج شفت باب غرفة تاله مفتوح دخلت الغرفة بتردد ما لها أي أثر هنا ! وكأنها ما كانت موجوده بيوم من الأيام بهالغرفة جيت بدخل سمعت صوت الخادمة وراي : سيد عبدالله أخدمك بشي مسكت قلبي خرعتني الله يخرع ابليسها قفلت الباب وطلعت لا أنا خارج خرجت وأنا اتصل ع سامر جاني صوته هلا عبوود وينك شغلت السيارة إنت وينك أنا دقايق وأكون عندك إن شاء الله أنا بالظهران مول جهة المطاعم أطلب لك إللين ما تجي امم مين معك؟؟ معي خالد وفهد.. فيصل متغدي مع مرته آهاا اوكيه بعد عشر دقايق اطلب لي عشان ما يبرد الأكل انزين اخلص علي وش أطلب لك لأنه زحمة اطلب لي من كازا باستا وجبتي اللي دايم اوكيه باي قفل منه وفتح الخط الثاني هلا وغلا والله توه نور الجوال يا بعد قلبي وينك صار لي أدق عليك ثلاث أيام مره طلعت لي أمك ومره بندر ومره ولا أحد ابتسمت يا قلبي يا عبدالله والله مره اشتقت لك كذا حتى إنت مخليني وأنا محتاجتك حنيت لها إنتي قولي لي تعال الحين والله والله لا أجيك حافي ضحكت بألم فديتك والله وش مسوي لحالك أنا بشوارع الخبر رايح أتغدا مع أخويائي امم كل زين طيب كل عني بعد عشان تشبع هههههه يعني آكل عن ثلاث حرام عليك ارحميني تغير صوتها لا تتأخر خاطري أشوفك إن شاء الله نهاية هالشهر أنا عندك ابتسمت جد!! اييه إلا لتين أنا ما قلت لك بخطب تاله أخت زوجك سكتت لتين لثواني وبعدها بفرحه انزين أول ما تجي لي جلسة معك ضحك وهو يوقف سيارته الله يستر منك إذا استلمتيني خل فـ بآلك ؛ آسمك بيظل فـ قلبي معزوف ! |
|
|
#98 |
|
|
رد: رواية خنقت الورد يا يمه وبيديني انكسر ذبلان
دبي// برج خليفة
1:00 p.m قدام البرج مباشرة ع الجسر عند النافورة الراقصة موسيقى أم كلثوم تصدح بكل مكان المويا والسما والناس وكل شي بهالمكان يتراقص على أنغامها بهالمكان تتسمى الدنيا دنيا فعلا!! رغم إني ما أسمع موسيقى لكن هاللحظات أثرت فيني كثير أستغفر الله.. كان الجو حميمي لآقصى حد حضني طلال وإحنا نتأمل المويا بطولها وضخامتها أحبك ابتسمت بحب بدون رد أخذ يدي بعد كم العباية ولبسني إسورة من الألماس الخالص ناعمه تلمع بلمعة الحب باس كفي كتبت عليها التاريخ والمكان عشان تظل ذكرى على طول حضنته يا قلبي ما راح أنساها حتى لو ما كتبت عليها بعدني عنه فتح لثامي بخفه باسني ورجع حطه أشر لي اششش أدري وش بتقولين أنا ما أعرف العيب ناظرته بابتسامة تعرف الغلط وتحب تغامر وهو يلفني للمويا مره ثانيه ما أكون طلال أجل سندت ظهري ع صدره وأنا أتأمل تمنيت ما تنتهي هاللحظة لأن المنظر فعلا يستحق التأمل وبوجود طلال ما أبي أكثر من كذا!! أَحْلامنْا أقْربْ شبَهْ للعَصافِيرْ ، ! تِمسيْ مَعانَا ولاآصْبحْ الصّبح طَارتْ تبين لموو؟؟ أشرت براسي لا عطيني مويا بس عطيتها المويا وأنا أفرفر بالمجلة وأشرب التوت وفجأة قفلتها وحطيتها قدامها لموو تعرفين مين هذا لمار باستغراب وهي تعدل جلستها ع السرير لا.. إنتي تعرفين؟؟ أول مره أشوفه! أخذت المجلة وهي تسبل عيونها بابتسامة وبهمس يوم كنا ببيت جدتي آخر مره بعزيمة رجعة جمانة وخالي طلال تذكرين؟؟ أومأت براسها اييه احمم كنت جالسه بالمراجيح ووو انحرقت أعصابها ايييه وبعدين بلعت ريقي وأنا أغمض وعيوني و بسرعه شفته!! لمار بتعقيدة شفتيه ؟؟!! شلون شفتيه إن شاء الله رفعت المجلة وأنا أأشر لها ع الإسم هذا يصير أخو لتين صديقة ربى شوفي بندر الصايغ ما استوعبت شلون هي الخالد وهو الصايغ تنهدت يا ربي الحمل لهالدرجة موقف عقلك لمار بابتسامة وجعع والله ما فهمت أخوها من أمها آهاا طيب وش صار يعني؟؟ قلبت المجلة بحسرة ولا شي بس كنت بقولك ناظرتها بنص عين كنتي بتقولين لي آجججل شبكت أصابعها وهي توقف انزين بقولك لا تناظريني كذا وقفت قدام المرايا وأنا أتذكر هذاك اليوم كان يوم حلو أقل تعبير عنه لفيت عليها كنت جالسه اتمرجح وشفته قدامي يكلم تلفون قفل وانصدمت أنا بوجوده تعرفين أختك طالعه على أخوها ما تستوعب على طول لمار بصدمة تشوبها ابتسامة اييه وبعدين مديت بوزي بس ومن هذاك اليوم وأنا أحلم فيه رجعت تغطت بلحافها ما عندك سالفة على بالي قالك شي كذا وإلا كذا حطيت يدي ع خدي خليني أحلم شوي لا تحطمي آمالي وفجأة تذكرت إلا والله قالي فيك شي؟ فتحت عيونها ليش وش كنتي مسويه؟؟ لا بس لأني حطيت يدي ع عيوني على باله تعبانة يمكن وإلا شي من كذا ابتسمت بحب لا تفكري بالأمور المستحيلة خليك واقعية ولو شوي دق جوالها يللا تفضلي هذا حبيبي اتصل قامت بتسخط ابتسمت يا قلبي عليك يا سارا من يومك حالميه رديت بدلع آلوو : آآآخ على أحلى آلوو بالعالم... سُبحان منْ خلاگ عادي بعيني.. منْ عُقب ما گنت تسْوى نظّرها ! انفتح الأصنصيل الداخلي وخرج بندر بلبسه الرسمي الأسود مرجع شعره على ورى وبيده شنطة دبلوماسية أشر لنا : بونجور نو ! أمي بحب صباح الخير يا قلبي تعال افطر قرب وباس راسها للأسف يمه لازم أطلع بدري اليوم أول يوم بداوم بعد أبوي الله يرحمه وشد خدي صباح الورد يا ورد كنت بقول له لا تسرق ألفاظ بسام بس اكتفيت بابتسامة قامت أمي ما تطلع وإنت مو فاطر أخذ نفس انزين بس كافيه أشر للخادمة الواقفه عند طاولة السفرة : إسبرسو صبت له بكوب وقدمته له أخذه يللا دعواتكم يا حلوين خرجت معه أمي توصله إلين الباب تنهدت وأنا ألعب بعود القرفة بكوب الحليب اللي معي أحس في شي ناقصني وبسام بعيد ما اتصل ولا مر وبنفس الوقت إذا جا ما أقدر أجلس معه ثانية وحده رجعت أمي وبيدها علبة فيها مارينج ايطالي عليه كريمة وفواكه ابتسمت توتااا شوفي تربعت وأنا ارجع الكوب ع الطاولة يا قلبي يا ماما مشتهيته من أمس شلون دريتي؟؟ جات بتتكلم سكتت وبتصريفه قلب الأم يحس بكل شي فتحت العلبة وقعدت استمتع بالطعم كأني ما قد ذقته بعمري وحياتي أمي بحنان توتا إذا خلصتي عندك موعد بالمستشفى بلعت اللقمة لا مـ... قاطعتني وهي تقوم غصب عنك بتروحين لا تخليني أدخل بسام بالموضوع سكت مرغمه كله ولا أشوفه قدامي ربما أنت لا تعلم أنني أشتآق إليك ؛ ولهذا أعذرك ! كانت جدتي متغديه اليوم عندنا وخالي بشير وإياد بعد لكن سجوو مرته في الرياض عند أهلها بترمضن هناك وترجع آخر رمضان اللي ما بقى عليه شي كنا كلنا على طاولة السفرة بسام جالس على يمين جدتي مكانه المعتاد مقابل أبوي عيوني دمعت وأنا أشوف حالته صلب ما يبين عليه أي تأثير لكن بداخله قطع وأشلاء والله حرام اللي قاعده تسويه لتين مو معقولة ما كانت قاسيه كذا أبد انتبهت ع صوت جدتي : في مناسبة بكره مهمه جدا للعايلة وعيونها على بسام كان يشرب الشوربة بهدوء وكأنه يتغصب الأكل ما رفع عينه يدري الكل نظرهم عليه ما يدرون وش السالفة لكن نظر رويدا المثبت عليه فهمهم إنه السالفة متعلقة فيه راكان بحماس يللا عاد نونا قولي حركت راسها بصمت بسام إنت اللي بتقول رفع عينه وترك الملعقة قام وهو ياخذ جاكيته : بكره تكمل لتين22 سنة وتركهم بردات فعلهم وانفعالاتهم وطلع تاله تعطي كفها لراكان وااااو يعني بكره في بارتيتو " حفلة " الفرحه توزعت بيناتهم قطع ناقصة بشكل مشوه بشير بنظرة أنا برأيي ترجعوا لتين هنا يمكن تكون هدية حلوه لبسام وفرصة تتعدل حياتهم بدر رجع الكرسي على ورى وبصراحة كذا ممكن تكون هدية سيئة للتين أنا أقول نسويها بالبيت اللي بالريف ونتركها هي تقرر إذا تجلس معه وإحنا نرجع وتكون هذي الليلة عشان يعدلوا وضعهم وإذا ما تعدل ترجع لبيت أمها وبجدية اسمحوا لي أنا أفضل عدم وجود جيهان يلدا ناظرته ونزلت عيونها متوقعه وش بيصير رويدا بهدوء هذي خالة عيالك وإخت مرتك وحسبة بنتي بدر باحترام ما يخالف يا خالتي لكن وجودها ما يسعد صاحبة الشأن ليش نجيبها بيوم مثل كذا سكت الكل مقتنعين بكلامه زفرت بداخلي حاسة بكره ما بيعدي على خير انتبهت ع صوت خالي إياد لين حبيبتي عطيني الملاحه من جنبك .... . يتبع |
|
|
#99 |
|
|
رد: رواية خنقت الورد يا يمه وبيديني انكسر ذبلان
خالتي وعمي نايمين بعد الغدا
وافي بعمله وأنا وهي مقابلين الحيطان ناظرتها بطرف عيني أقول داليا ردت وعينها ع التلفزيون هممم قلت بغيض داليـــــا لفت علي بعصبيه نعمم عقدت حواجبي قومي عطيني كف أحسن عدلت جلستها اففف هااا وش تبين مسكت أعصابي وش أسوي إذا كنت تريد شيء من الكلب فقل له يا سيدي شرايك نروح السوبر ماركت مع السواق نقضي حلويات وشغلات من كذا لمعت عيونها بفرحه صدق وإلا تكذبين عليّ ابتسمت بوناسة لا والله صدق بس شوفي لازم نرجع قبل لا يجي وافي وتصحى أمك أوأبوك داليا انزين ليه ما تقولين لوافي؟؟ ضربت رجولي بالأرض رخي صوتك إذا قلت له ما بتصير مغامرة نقزت بشيطنة يللا أجل بسرعه رحت لغرفتي في الدور الثاني أخذت عبايتي ناظرت الساعة 3:15 باقي ثلاث أرباع ساعه بالضبط ويجي وافي نزلت بسرعه ياهووو من زمان عن المغامرات!! كيف بخفي آلحب و جروحي صريحه و كيف أدآوي علة آلنفس آلجريحه..! مسحت الجل عن بطني بالمنديل بمساعدة ماما وسكرت البنطلون الدكتورة Tutto va bene: " الأمور على ما يرام" ابتسمت : Dopo un mese siamo in grado di determinare il sesso del feto " بعد مرور شهر نستطيع تحديد جنس الجنين" حسيت بقلبي يدق وأنا أشوف البيبي يتحرك بداخلي مافي تفاصيل تتحرك لكن كأنه يسبح بالرحم سبحان الله مو ثابت ابتسمت لي ماما وهي تشد ع يدي :D. Mia figlia è stato infettato da una sorta di avversione al marito all'inizio della gravidanza E 'questo un motive? "ابنتي مصابه بنوع من النفور من زوجها مع بداية الحمل هل هنالك سبب لذلك؟؟" الدكتورة وهي تناظر بالملف وتلف علينا Non c'è nulla di sbagliato è il periodo dei primi quattro mesi di gravidanza può desiderare alcun desiderio di solito odio o viceversa è di solito quello che ti piace "لا بأس هي فترة الأربعة أشهر الأولى قد تشتهي الحامل ما لا تشتهيه عاده أو العكس تكره ما تحبه " وضحكت Non è un problema, ma l'attesa p coppia:" "لا مشكلة لكن على الزوج الإنتظار" ابتسمت أمي وهي تساعدني البس البالطو حقي شفتي يعني هذا مع الوحام بس لا تحسبين إنك كرهتي زوجك سكرت آخر زر بالبالطو وأنا أصرف الموضوع إلا ماما إنتي شلون جيتي معي مو في العده ابتسمت اليوم آول يوم لي بعد العده آها يعني استفتحتيه بطلعه معي توقعتها تكون مع بندر حضنتني واحنا خارجين كلكم سوا وإلا بديتي تغارين منه بعد ضحكت لا بندر ينحب يا قلبي عليه من حقك ترجعين لزوجك عشانه سكتت بدون ما ترد علي وهي تنشغل بشنطتها ناظرتها سكوزا ماما ضايقتك هزت راسها لا بس سيرة أبوك أحلى من سيرة زوجي الثاني الله يرحمه ابتسمت لها وإحنا نرجع على رجولنا لآخر الشارع المكان اللي واقفه فيه السيارة احكي لي عن علاقتك بأبوي تنهدت أبوك كان إنسان مثالي لا تستغربي لو قلت لك إنه ممكن ربي أعطى بنته واحد يحبها على قد الحب إللي هو كان يحبني فيه لتين حب بسام لك دين لأبوك لحبه لي بعدت عيوني بحزن بس أنا تعذبت كثير بسببه وأنا بعد تعذبت كثير عشان أبوك وأهله بس هذا نصيبنا تدرين الحلو اللي كل يوم إنتي مشتهيه عليه بسام اللي يجيبه يوصله بنفسه للبيت ويطلع يخاف تنصد نفسك عنه لو شفتي إنه هو اللي جايبه لك كل يوم يتصل يسأل عن حالك نزلت عيونها اللي دمعت كل يوم يسأل إذا سألتي عنه أو لا ارتبك ما أعرف وش أجاوب عليه وما يطلب يعرف الجواب ويقفل مسحت دموعي خلاص ماما تكفيين لا تعذبيني زيادة والله مو بيدي فتح لها السواق الباب : بريجو ڪلي على بعضي . . . "محجۈزـہ" لـ عيۈטּــہ ]!. قفلت السماعة اقتنعت جيهان قلت لها تروح تحضر شوو لدومينوك فاكا بفلورنس باسم الدور إلورا نوناااااا هذا إنتي عرفتي ليه رافضه رويدا وهي تجمع الأوراق وبالها مشغول بحفلة لتين لا ما يحتاج بيبدا رمضان الحين وأول كولكشن بعد العيد اوووفف يا ربيييي والله اشتقت للشوووو ابتسمت وهي تترك الأوراق أجل عبدالله هاا والله مو هينة يا تلوو تاله بحيا نوناااا ضحكت يعني إنتي تشوفي إنه ينحب ضمت كفوفها بحالميه يا عمري ما شفتيه يا نونا حنون وعصبي أنيق وهادي ابتسامته تشرح النفس توسعت ابتسامتي تذكرت يوم كان لابس البيجامة وفاتحها وسألني باستفزاز أغريتك ووش رديت عليه عديت كل الصفات السيئة على أصابعي ههههه اكتئبت ملامحه بردي وصحيت ع الواقع بس لما يعصب يخوف ابتسمت رويدا كل هذا بـ عبدالله حمستيني أشوفه طلعت جوالها أوريك هو نونا مصورته ومدت لها الجوال كانت صوره مو واضحه زين واضح إنها مصورته بدون لا ينتبه ابتسمت رويدا يلبق لك يللا خليه يجي عشان نجلس سوا أتعرف عليه أكثر ضمت الجوال لصدرها الله يصبرني هالأسبوعين ادعي له عنده اختبارات نونا رفعت يدها الله يوفقه . . " أمحححق فلة هذي *_* بس لا يسمعك بسام " ثمة اشياء نتمناها بقوة فتحدث فعلاً .. لكن مع بعض التأخير , بعد أن نكون قد غيّرنا رأينا وأصبحت أمنيتنا الثانية ! نقيض الأولى تماماً على فكرة يارا انخطبت مشاء الله خطبتها الرسمية أول يوم برمضان والملكة بعد العيد ترك الملعقة من يده مين يمه؟؟ ناظرته باستغراب يارا بنت خالك ضرب الطاولة بعصبية مين الكلـ## اللي خطبها فيصل وهو يترك أكله خالد بلا تفاهة وش له الرجال تسبه قام من السفرة شلون يخطبها وأنا أبيها لمار بجدية خالد البنت مو لعبة عندك بعدين ما هي صغيرة عشان تنتظر أكثر كانت قدامك كل هالمدة ولا لمحت حتى إنك تبيها ويوم قلت اخطبوها لي بيوم من الأيام سألناك تبيها قلت لا بس إذا وقت ما أبي اتزوج كانت مو مخطوبة اخطبوها ليش ما قلت إنك تبيها من أول مو عيب ترى انصدم من كلامها قال وهو طالع هالزواج ما بيتم لمار بقهر صارت شوفة البنت خلاص راحت عليك رقع الباب وراه بقوة تنهدت ليش قلتي له كذا يا لمار لمار بعصبية ماما يارا ياما بكت بسببه وهو ما حس ولا تحرك له ساكن بعد : وشلون تبينه يحس طيب رفعت حاجب هذا هو توه يقول إنه يبيها المفروض كان تكلم حتى لو ما يدري إنها كانت تحبه الحين هي مبسوطه ومقتنعه بخطيبها ماله حق يخرب فرحتها فيصل حط يده ع يدها وشد عليها هدي أعصابك حبيبتي كل شي قسمه ونصيب طلعت أم خالد بروح أشوف وين رايح بعد هالمجنون آآحيانا يكون للخوف لذة..ّ حسيت إني ببكي بهاللحظة بالذات وأنا أشوف السواق يحط الأشياء بالسيارة والساعة أربعة إلا ربع حرك السيارة داليا بسرعة بسسسسرعة مصطفى روح البيت طيب مدام مافي سرعة هزا كله سيارة كتيير كل تبن واسرع بس لا أنزلك واجلس مكانك ناظرتها بعصبية تعرفين تاكلين تبن إنتي بداله لا تربكيه يا غبية إنتي الغبية ما تشوفين وافي بيوصل واحنا ما بعد نوصل فتحت عيوني وش قلتي؟؟ مين الغبية ؟؟!! أنا مرة أخوك يالزفففت داليا بغرور خليك ساكته بس رميت عليها الشنطة بقهر حمـ## إنت الحـ... ويوم شافت نظرتي سكتت بقهر انزين لا تطالعين فيني لفي وجهك عشان ما انقهر زيادة تكتفت وأنا أصرخ هاا بظل أناظر وبتسكتين وتنطمين بعد سكتت بخوف مرغمه وبداخلها متى نوصل البيت بس تشوفين وش بسوي فيك وصلنا البيت اربعة إلا خمس دقايق زفرت براحة واحنا ننزل دلوو خلينا ندخل حنا وهو يدخل الأشياء كنه جابها بنفسه وافقتني على طول انزين يللا وقبل لا ندخل البيت فصخنا العبي احتياط عشان لو عمي وخالتي كانوا صاحيين أخذت نفس وأنا أشيل الشنطة بيدي والصندل باليد الثانية ودخلنا داليا تأشر لي ع السيب الداخلي من هنا بسرعة شكلهم ما بعد يصحون طاحت العباية من يدي وأنا أشوف وافي متكتف يناظرنا بدون أي تعبير يُفهم .............!!!!! بسسس‘ كفاية ! الحزن في قلوبنا نححححت أستاذ بندر هذي الأوراق الخاصة بكل محلات المرحوم بندر يتصفح الأوراق حطها ع المكتب هذي كلها ما تهمني الحين بقدر الورقة المهمة بشأن الفرع الجديد اللي بجنوة المحامي سامح والله ما هي موجوده معي يمكن الأستاذ محمد يدري عنها بندر بحزم شلون ما تدري عنها اطلب لي محمد بسرعة دقايق دق الباب ودخل تفضل أستاذ بندر طلبتني عقد حواجبه ورقة عقد الفرع الجديد بجنوة وينها محمد هي عندي ثواني تكون عندك بندر بجدية أبغى تجيني تقارير الأرباح حقت الشهور اللي فاتت كلها هز راسه كلها بتكون عندك خلال ثواني اسمح لي تنهد وهو يناظر سامح أبوي وش آخر شي قاله لك قبل لا يتوفى سامح نزل عيونه ما قال شي طال عمرك بس دايما كان يقول إنه كل شي من بعده يوصل لك دقيت ع المكتب برتابة وبالي مشغول الحين مو وقته الحزن اللي حنا فيه أكبر من كذا سامح بإحراج أستاذ بندر في أكثر من ثلاثين موعد للصحافيين والجرايد قاطعته تلغي أي موعد هذولا ما عندهم شي فاضيين أعوذ بالله سامح اييه بس ملابسات موت السيد محمد غامضه للجميع بندر بجرح وبشبه صراخ يعني ما شافوا صوره وهو مقطع خلاص عاااد أي صحفي يدخل هنا والله لأطبق المكان عليه طبق أشر عليه بعصبية وإنت المسؤول أخذ مفاتيحه وطلع وقفت أنا وهي جنب بعض لأول مره مشتركين بشي مو أي شي بذنب مسويينه شبكت يديني ببعض كأني انتظر عقابي بالمدرسة وافي بنبرة هاديه : وين كنتي إنتي وإياها بلعت ريقي وداليا تدقني رفعت راسي بخوف وافي حبيبي كنا بالسوبر ماركت زادت تعقيدة حواجبه وش اسميه هذا استهتار وإلا بزرنة ناظرته ونزلت عيوني بقهر ودي اتكلم لكن مالي وجه مشى وتركنا الثنتين متضايق ناظرتني بقهر كله منك زميت شفاتي انقلعي عني لا والله اقلب السالفة كلها عليك داليا تمد لسانها وهي تبعد عني وش بتسوين الحين ياماما أنا ببيتنا عند أبوي وريني شطارتك طنشتها بمزاجي مو رايقه طحت بمصيبه الحين وشلون براضي وافي ياااااربيي كم أتألم كم كرهت كبرياءك كما كرهته أنت كبرياء غرس سهامة في الأعماق كبرياء أدمى كل المشاعر وأذابها على أعتابه..! خالي أنا طالب بنتك منك وأتمنى توافق علي ناظره باستغراب وبابتسامة إحراج بس بنتي انخطبت يا خالد إنت ما دريت خالد بضيق أدري يا خالي لكن ما بعد يصير شي إسإل بنتك وإذا وافقت تردون الرجال ما صار شي يا ولدي ما يجوز الواحد يخطب على خطبة أخوه خالد بترجي تكفى يا خالي إسألها وإذا رفضت خلاص فهد أبو يارا قام باستغراب شك إنه في شي وإلا ليه مصر كل هالقد دخل ع الصالة كانت يارا وأمها جالسين جلس يا بنتي يا يارا هذا ولد خالتك خالد طلبك مني يقول إذا وافقتي نرد عبدالرحمن وتصيرين له وقفت بصدمة تكتفت بغيض قول له يبه لا فات الفوت ما ينفع الصوت فهد بجدية ليش وش صاير بينكم ما صار شي يبه بس توه يتكلم بعد ما انخطبت شلون يعني ما يصير وهذا أنا اللي أقوله بعد يا بنتي طلعت غرفتي ورقعت الباب بكل قوتي ما بكيت ولا نزلت دمعة وحده مني بالعكس ارتحت حسيت إني اخذت حقي ورديت كرامتي يوم رديته ع البكى اللي كنت ابكيه عليه تخصرت وأنا اوقف ورا الباب والله إنه ما يستاهل دمعة وحده مني عليه يا ولدي رفضت بقوة بعد هي مقتنعة بخطيبها وقف خالد بقهر السموحه منك يا خالي ازعجتك ابتسم الله يكتب لك الخير يا ولدي ما تدري وين النصيب طلع من عنده معصب ومقهور ردها له اهان كرامته في الأرض ضرب السيت بس بعد مالي حق أنا اللي تأخرت حرك السيارة وتأخرت كثير بعد... Happy BirthDay To latein المكان كان جاهز على آخر تجهيز بس ننتظر وصول لتين وخالتي نجد مع بندر هي ما تدري عن شي قالوا لها إنهم جايبينها يورونها بيت العائلة بالريف وما حست بشي راكان يرفع صوت الميوزيك بسام جالس مكتئب ناظرهم إنتوا تدرون ما تحب لتين الموزيكو ليه حاطينها لها بشير بضحكة هو بس مقطع المباركه وبنقفلها سكت متضايق الصالة الخارجية للفيلا الريفية مزينه كلها بأنواع الزينة الملونة والبالونات والحلويات والعصير مرتبه ع الطاولة بالنص والكيكة تتوسط الأشياء عليها صورة لتين وهي صغيرة و اثنين وعشرين شمعة دخلت نجد وبندر لتين تناظر المكان واااااااو حلوه الفـ... انقطع صوتها وهي تشوف الكل مجتمع والمكان مرتب ترتيب حفلة الكل يغني مع المسجلة Tanti auguri a te Happy Birthday To lateen رااكان يضمها سنة حلوه يا لا بيلااااا دمعت عيوني وأنا أشوفهم كلهم ملتفين حولي الهدايا غرقتني والكل يبارك لي فعلا حسيت بالعائلة وكانت مفاجئة فرحتني تجاهلت كونها عيد ميلاد بس مجرد جمعتهم كلهم عشاني أسعدتني بدر هههههه يللا الحين يا توتا طفي الشموع " اونو،دوي،تري" 1 2 3 طفيتها كلها بمساعدة تاله وراكان المراجيج لأنه ما عاد فيني حيل أنفخ البيبي بيطلع من فمي بالنهاية على طاري البيبي دارت عيوني بينهم أدور بسام شفته واقف يكلم بندر بالأحرى بندر يكلمه وهو ساكت لف رفع عينه لي يناظرني نزلت عيوني على طول وانا انشغل بتقطيع الكيكه معهم يلدا توتاااااا افتحي فمك بسرعة فتحت فمي بضحكة تخبي اللي بقلبي أكلت الكيكة يميي طعمها فضيييع راكان أكيد حبيبتي توصيات بسام هالكيكة من نابولي تدرين ؟؟ زفرت كفاية والله أنا إنسانة قاعده اتعذب بكل ثانية تمر بوجودي معاه شربت من العصير وأنا اجلس بتعب ناظرت أمي جدتي كانت تقول إنه أعياد الميلاد حرام امي بابتسامة كلنا ندري بس إياد بس وشو ما في عذر ضحكت أمي خلاص عاد لا تدقق إياد بابتسامة أيام الواحد يشتهي يسوي الغلط وبعدها يندم عليه حسيت بشي مضايقني ناظرت تاله تلو ممكن تطفي المسجل لأنه راسي راح ينفجر آبشري يا قلبي كم تونا عندنا راكان مليون علبة ايطاليا معروفة بسمك التن ضحكوا كلهم عليه ناظرته بقهر شقصدك ما في غير لتين وحده تاله نقزت وااااو يعني اعترفتي انك توناااا هزيت راسي الحمدلله والشكر الله يعقلك بس وغمزت لها كذا بتروحين لعبدالله تاله تتلفت اسكتي واللي يرحم امك للحين بسام زعلان علي انا بتعقيدة ليه؟؟ ااحم بعدين اقولك بعدت عنها وأنا ناويه اسحب ع الموضوع خييير تخيلت أقولها أخوك بـ... يا فشيلتيي نو نو رويدا بابتسامة عقبال مية سنة توتا ابتسمت لها وأنا احضنها آميين بوجودك يا رب * * * DON'T frown. You never know who is falling in love with your smile لا تتجهم، أنت لا تعلم من سيقع في حب ابتسامتك نهاية الجزء الخامس والأربعون . خالص تقديري لكم بائعة الورد |
|
|
#100 |
|
|
رد: رواية خنقت الورد يا يمه وبيديني انكسر ذبلان
مشاء الله تبارك الله لا حول ولا قوة إلا بالله ولا تضره
بسم الله الرحمن الرحيم الجزء السادس والأربعون [ خِـذلآنْ ] إن كان الفراق هو ما تصبو إليه فهو لك .. نفذه لا تتردد اجلدني بسياطه فلن تكون سياط الفراق أقسى من سياط " الخـذلآن " سجانتي مهلا.. قولي أجيبيني هل قيدك الدامي يوما سيثنيني؟؟ سكر باب الغرفة عليها وقفله طلع لهم بملامح جامده : حنا بنظل هنا ! الجميع سكتوا كل واحد يعرف الحقيقة بنفسه ومقر فيها لكن ساكت مسائل العشاق ماحد يقدر يتدخل فيها لأنه واحد من الاثنين بيتضرر هذا إذا ما كان اثنيناتهم قمت آخذ أغراضي وأنا موقنة تماما إنه لتين ما وافقت أصلا بسام ما يكذب قال بنظل هنا ما قال وافقت بس ملامحه وتعبه سكت الكل تفاجأت بخالتي نجد وهي توقف قدام أبوي بدر لو سمحت إذا لتين مو موافقه ما أقدر أخليها هنا وأروح إنت تعرف إنها حامل بدر بضيق تعوذي من الشيطان يا نجد ما بيصير إلا الخير إنتي شايفه الوضع ما أقدر اتصرف أكثر من كذا يلدا بتوتر بسام مستحيل يأذيها ما يحتاج نخاف أكثر من كذا مسحت دموعها بس ممكن أي ضغط يأثر على حملها ضمها بندر بحنان وهو يمسح ع ظهرها يممه دخيلك لا تتوترين أكثر بسام لو طلع وشاف كل هالحوسة بيعند أكثر رويدا تقطع النقاش بعد هدوءها يللا قوموا خلينا نطلع خليهم يحلوا مشاكلهم سوا ومثل ما قالت يلدا مستحيل بسام يأذي لتين بشي إِنْ جِيّتْ أَنَا مِشْتَاقْ لِكْ قِلْتْ مَا أَقَرِبْ وِإِنْ غِبْتْ عَنْكْ قِلْتْ يَا قُوّ قَلْبِكْ و إِذَا تِبَعْتَكْ شَرْقْ إِنْتْ تِغَرِبْ وِلَا جِيْتْ اَبَمْشِيْ غَرْبْ غَيَرْتْ دَرْبِكْ أَنَا تِعَبْتْ عِنَادْ وِإِنْتْ مَا تِتِعَبْ يَاخِي بِتَهْدِمْ حُبْنَا خَافْ رَبِكْ كان ودي أصرخ أكسر الأغراض أي شي بس عشان يفهمون إني ما أبي أجلس معاه يااااربي وش هالمصيبة دخل وقفل الباب وراه فصخ جاكيته وجلس ع السرير وهو يفصخ شوزه وقفت قدامه وأنا أقاوم دوختي وشعوري بالغثيان وبرجا الله يخليك خليني أروح معهم رفع راسه لي بهدوء خلاص راحوا نامي الحين أكيد إنتي تعبانة بعد كل هالحوسة تخصرت بقهر ودموعي تجمعت ليه خليتهم يروحون أنا قلت لك ما ابي اظل معاك وقف مقابلني وثبت كتوفي حاولت ابعد يدينه عني برجفة لكنه ما تحرك ظل ماسكني من كتوفي وبحنان نانا ناظرني قولي إنك تحبيني وبخليك تروحين الحين بهاللحظة ناظرت عيونه ما قدرت.. ما قدرت أقولها صعب علي أنا ما تعودت أناظر عيون بسام وأكذب الحين بهاللحظة مو قادره أقولها اللي أحس فيه أكبر من الحب شي غريب ينفرني منه هذا من الوحام بس هو مو راضي يفهم ارتجف جسمي بلمسته بعد قميصي وناظر السلسلة اللي أهداني ياها بيوم سفره بالخبر للحين مقيده نحري لمحت نفس النظرة اللي كانت ترتسم بعينه بالخبر قبل لا أعرفه نظرة كلها إصرار..تساؤل وأسى حب وعتاب خنجر طعن صدري نزلت دموعي بتعب أترجاك شيل يدك هزيت راسي بخوف بعد يدينك عني بعد يده على طول انزين تعالي نامي بعدت عنه ما أبي أنام معاك ابتسم ابتسامة خفيفة ما بقرب منك بس بعد ما أقدر أطلع برا الجو باارد وشكله بينزل مطر ناظرته ما كان يكذب ساعدني انسدح ع السرير أعطيك كوتي تلبسينه؟؟ أومأت براسي اييه جابه وهو حطه عليّ غيرت رأيي على طول حطيت يدي على فمي شيله عني ريحته جابت لي الغثيان شاله ورماه ع الكرسي الخشبي بزاوية الغرفة غطاني زيين وانسدح ع الطرف الثاني من السرير قمت جلست على حيلي رفع راسه شفيك؟؟ برمت شفتي ببكي معليش تعطيني ظهرك بسام بعصبية خلاص عاد لتين زودتيها وش مسوي لك مانتي طايقتني لهالدرجة مسحت دموعي بدون ما أرد عليه ما راح يفهمني وهو بهالعناد زفر وهو ينسدح بالمقلوب يعني مو بس عطاني ظهره صرت ما أشوف منه وهو نايم إلا رجوله انسدحت مره ثانية وقلبي يدق مو قادره أنام هل يحق لي مغايضتهن ..! بأنك لي , لا لهن .. آآآخ يا طلال والله أشك إني بشيب قبل الأربعين هههههههه عسى ما شر وش مسويه فيك بنت أخوي وافي وهو يشغل اللاب قول وش ما سوت؟؟ ههههههه تستاهل يوم قلت لي بخطبها قلت لك فارق السن كبير وتعتبر بزر بالنسبة لك هااا عن الغلط هي صح مجننتني شقاوة بس بعد مجننتني حبا ابتسم طلال أجل وش له هالشكاوي اصبر عليها وبتعقل تنهد تخيل بس رايحه السوبر ماركت بدون إذن مع السواق وداليا اللي على أساس ما يطيقون بعض بس سبحان الله في المشاوير تطلع المحبة طلال وش سويت إنت طيب ما بعد أسوي شي أبغا حل يعقلها قالك بتسوي مغامرة ضحك طلال لين ما دمعت عيونه وافي يسوي جدي الحين قاعد اقولك عشان تضحك حضرتك طلال بضحكة والله وحشتني هالبنت أول ما أجي ان شاء الله بزوركم حياك إنت متى راجع؟؟ بكره إن شاء الله إن شاء الله توصل بالسلامة يللا أشوفك قفل منه لأنه لمح جمانة داخله عقد حواجبه وتظاهر بإنه منشغل بشغله ع اللاب وقفت قدامه : وافييي رفع عينه ونزلها شتبين؟؟ مدت بوزها ناظرني : مشغول حدي قفلت شاشة اللاب بقهر وهي ترص على أسنانها لما أتكلم معك لا تناظر اللاب يعني هو أهم مني رفع حاجب إذا بتسألين هالسؤال قولي لنفسك السواق أولى مني تروحين معه ولا تفكرين حتى تطلبين الإذن مني أنا زوجك نزلت عيونها بطفولية انزين غلطت وما بعيدها رفعت راسها وهي تأشر عليه إنت بعد غلطت ترى وافي بدهشة أنا؟!؟ تكتفت بحده قلت إني بزرة صغر عيونه وهو يخبي الضحكة بذمتك هاللي سويتيه مو بزرنة وشو اللي مغامرة عدنان ولينا حنا غمضت عيوني بغيض يعني الزفت داليا خرت الأول والآخر عنده ناظرته بغيض تتمسخر حضرتك؟؟ ابتسم ببرود لا ابرر تصرفاتك انزين سامحني أحد يقول سامحني بهالطريقة شوي وتسطريني كف على وجهي شديت على أسناني بعصبيه قلت لك سامحني ما رد وظل يناظرني قربت منه بتسامحني وإلا شلون سحبني طيحني بحضنه وهمس وإلا شلون؟؟ ابتسمت وأنا اضربه كف خفيف هذي وإلا شلون حقتي بعد يدي بصدمة مصطنعة تضربين زوجك؟؟ ضحكت ضرب الحبيب زي أكل الزبيب ابتسم شوفي مين وراك؟؟ دخلت داليا وهي تناظرني بطرف عينها بسته ع خده بقوة يا روحي إنتااا متى بنروح اليوم ابتسم وافي وهو يهمس حرام عليك لا تقهرينها ابتسمت وأنا احط راسي ع كتفه اوكيه اتفقنااا وتثاوبت بنعس بروح أنام عشان أفضى لليلة وقمت وأنا مطنشتها حسيت ودها تذبحني وتشرب من دمي بهاللحظة هههههههه تستاهل هذا جزا اللي يحط راسه براس جمون بنت الفهد المطر والليل , والبرد وأنا فاقدينك وأنت تسرف في الغياب ♥ ~ بنص الليل كان المطر قوي بشكل مرعب الرعد والبرق يهز البيت هز بسام نايم عرفت من نفسه المنتظم مستغرق بالنوم كأنه صار له فترة مو نايم عادة نومه خفيف مره فزيت وأنا اضم اللحاف صوت الرعد قشعر بدني وغصب عني قربت من بسام لقيته نايم وجهه للسقف انسدحت جنبه لمعة السما بنور البرق ضوى لي المكان شوي وشفت وجه بسام المرتخي بأمان حطيت راسي ع المخده جنبه أقاوم تعبي بس الخوف اللي فيني أكبر ما قدرت قمت جلست ع حيلي يعني لا أقدر أنام جنبه ولا أقدر أرجع مكاني المكان يخوف أول مره أجيه تعوذت من الشيطان وأنا أنام جنب بسام وأعطيه ظهري فتح عيونه ناظرها وابتسم هنا قدرت عينه تغمض بسلام لا تحلم أحلاماَ صغيرة ! أنت أعظم بكثير من أن تحلم أحلاماً صغيرة ! يقول والت ديزني : لو استطعت أن تحلم ، استطعت أن تحقق حلمك قصيت أطراف الصورة الزايدة حطيت عليها شوية صمغ ولصقتها بأول الصفحة أخذت قلمي الأسود السائل وخطيت تحتها بندر الصايغ [ آخر أحلامي ] ..! سكرت الدفتر وحطيته بالدرج تحت علبة فاضيه زفرت وأنا انسدح ع السرير يااا رب هو حلم لكن إذا ما حققته ارزقني الأحسن منه قمت عن سرير قفلت باب غرفتي شغلت المسجل وربطت على خصري وبديت رياضتي المفضلة قعدت ارقص اللين حسيت عضلات خصري تستنجد الرقص حل لأي دهون زايدة عند الخصر ابتسمت مو من كثر دهوني لكن عادة أحب أمارسها فتحت الدولاب طلعت لي ترينق وبلوزة كت بينكية أخذت منشفتي بدخل اتحمم دق الباب عقدت حواجبي تفضل دخل وهو ساكت ناظرته حياك خالد وش فيك؟؟ زفر بعصبيه بنت خالك المحترمة رفضتني تنهدت بداخلي وبعدين من هالموضوع اللي مو راضي يتقفل ابتسمت له وإذا؟! بنات منصور ملي القصور ناظرني بقهر إنتي عارفه وش قاعده تقولين؟؟ سارا وهي تترك الأشياء ع التسريحه وتقرب منه خالد افهم فكر بعقلك شوي هذا اللي قاعد تسويه وش فائدته غير حرق الأعصاب والقهر وتظل تاكل بنفسك هذا اللي ربي كاتبه إنه يارا ما تكون لك لا تفكر بالموضوع أنا بخطب لك وحده تنسيك يارا وطوايفها ناظرني لا إنتي من جد فيك شي وجا بيطلع تخصرت بس اعترف إنه كلامي واقعي وصحيح لف عليها وهو ماسك مقبض الباب مو هو هذا اللي مستغرب منه أول مره تكوني واقعية وبعيده عن عالم الخيالات وتركني لحالي ناظرت نفسي بالمرايا سمعتي وش قال؟؟ ضحكت على نفسي حسيت إني مو أنا اللي كنت قاعده اتكلم قبل شوي رجعت أخذت المنشفة ودخلت الحمام آخذ لي دوش منعش يمكن أنام على خيال ناااس!! آللهُم أنّت وحدك تعلمُ ما أتمنْآه فـ : حققه ليّ يآ آ آ آ ربَ جلست بتعب فيصل يساعدني براحة الحمدلله هذا الدكتورة قالت كل شي تمام ارخيت راسي ع صدره بس ولدك متعبني وبعد باقي له أقل شي شهرين لين يطلع ضمها لصدره ولدي!! المشكلة ما أقدر أأدبه وهو ما بعد يطلع ضحكت ع الخفيف يعني ناوي عليه من الحين يا ويلك مني ابتسم والله ناوي بس ما أعتقد ضحكت وهي تمسك بطنها المتحجرة حبوو وإذا طلعت بنت لا عاد إذا طلعت بنت بتاخذ كل الدلع دخلت خالتي سلاف وهي تهلي أخيرا حنيتو علي وشفتكم فيصل يبوس راس أمه والله يا يمه هالمره قدرت علي لمار عادة ما أخليها تطلع من البيت بس الحين لأننا كنا بالمستشفى جلست جنبها بحنان ووش قالوا لكم لمار بابتسامة الحمدلله كل شي تمام مسحت ع كتفها الله يقومك بالسلامة يا قلبي آميييين إن من بدأ المآسي ينهيها...! ومن فتح الابواب يغلقها ومن اشعل النيران يطفيها.. ريف توسكانا// 9:30 a.m تحركت بكسل ورجعت بنام حسيت إني على شي دافي فتحت عيوني شفت نفسي نايمه ع صدر بسام وهو حاط يدينه تحت راسه يتأمل السقف قمت على حيلي بسرعه : إنت شلون تسوي كذا ناظرني وهو يعدل جلسته أنا؟! بعدت شعري عن عيوني اييه إنت ليه خليتني أنام عندك أخفى ابتسامته أنا اللي كنت خايف من المطر ؟! طاح وجهي رمشت بعفويه بس أنا ما حضنتك سكر أزرار قميصه الفوقيه والله وش أسوي إذا إنتِ لما تنامين ترجعين لتين الأوليه وبنظرة لتين زوجتــي بلعت ريقي كذاب إنت اللي خليتني آجي عندك ماحد قالك تجيبني بهالمكان ابتسم قومي غسلي وجهك عشان أحط لك الفطور قمت بسرعه عن السرير وأنا متضايقه ومرتبكة أحس إنه بأي لحظة بيهجم عليّ صاير تفكيري سوداوي بس ما أنلام بعد اللي سواه الحقير ذاك طلعت من الحمام وأنا أنشف وجهي شفته داخل وبيده صينية أشر لي اجلسي جلست ع السرير حطها قدامي كوب من الكافي باللاتيه مع قطعة تشيز كيك أخذت الملعقة وأنا أناظره قام لا تناظريني كذا بطلع من نفسي وطلع وتركني بحالي قعدت آكل بشويش والله ماحد قاله يغصبني على شي ما ابيه؟! . يتبع |
