 |
  |
|
|
|
|
#51 | |
|
|
اقتباس:
الله يسلم قلبك حبيبتي وياك يالغلا لاعدمناطلتك قلبي |
|
|
|
#52 |
|
|
البارت ,, الخامس ,, يا يمه اليوم انا راحل بلا هالدمع عالخدين ترى روحي تودعني بحالك ذا تشديها ابي يمه تضميني كما طفل على الإيدين ابي فحضنك تخليني إلين الروح اخليها منال الي كانت تجهز شنطتها عشان اليوم رحله رجوعها للخبر وكان بالها مشغول مع اختها الي ماصارت ترد ع جوالها منال تقول بنفسها : ياربي وينها هذي .. شكلي بدق ع عهود عشان تروح لنوال تطمني عليها ع الاقل مافينى اصبر لين اروح لهم منال تمسك الجوال وتدق ع عهود بنت عمها عهود الي كانت نايمه و ماترد ع جوالها لانه كان صامت منال: ياربي هذولا وش فيهم مايردون؟؟ وبهالحظه تدخل عليها امها ام عبدالعزيز: هاه جهزتي اغراضك يا امي منال: ايه يمه خلصت ام عبدالعزيز تناظر منال بنظره حزن . والله بفقدك.. تعودت عليك كنتي ماليه البيت علي.. وهنا مامسكت ام عبدالعزيز نفسها وضمت بنتها وصارت تبكي منال الي كانت تداري من اليوم دمعها لاتنزل ..ماقدرت تمسكها وصارت تبكي مع امها منال وهي تمسح دموعها وتبوس راس امها: فديتك والله ياتاج راسي ودنيتي .. بشتاق لك والله .. بس لاتخافين ان شاء الله اول مانعطل بنجيك و نسنتر عندك وانعثك بعد ام عبدالعزيز وهي تبتبسم من ابتسامه منال الي حاولت ترسمها ع اشفاه امها: ان شاء الله ..والله بيكون احلى يوم الي تغثوني فيه . بس هاه يمي ماوصيك الله الله بأختك.. وحاولي تكلمين ابوك وتقنعينه يغير رائه وهو يسمع لك منال: ان شاء الله يمه و لاتوصين حريص نوال في عيوني ام عبدالعزيز: يالله يمي ترى خالك نايف تحت يستناك بقى ساعه ونص ع رحلتك عشان يميدكم توصلون ع وقت الرحله لان الشوارع هنا زحمه منال: ان شاء الله الحين جايه بس البس شوي ونازله.. وتنزل ام عبدالعزيز لصاله عند اخوها نايف وكان نايف هو اكثر واحد من اخوانها مهتم فيها و في بناتها مع انه اصغر واحد في اخوانه لكن كان احسنهم واخيرهم لان الباقين ملتهين بدنياهم واعيالهم واشغالهم منال تشيل شنطتها وهي نازله لصاله الي كان قاعد فيها خالها نايف وامها وكانوا ينتظرونها فجأأه منال تشوف شنطه سفر مع خالها نايف منال وهي مستغربه: خالي ع وين رايح؟ نايف: انا رايح معك حجزت اليوم بالانتظار.. و قالوا لي احتمال كبير فيه مقعد لي ان شاء الله القى مقعد برحلتك منال: ليش خالي عندك شغل بالشرقيه؟؟ نايف: لا رايح اتفاهم مع ابوك هذا المتخلف وشوف وش نهايتها معه!! منال : لاتكفى خالي مانبي مشاكل انا بتفاهم معه وهو يسمع لي وان شاء الله يغير رايه نايف بصوت عالي: انا رايح رايح الله لايعوق بشر وبتفاهم معه بنفسي .. ويشيل شنطته يالله انا بالسياره بسرعه لاتأخرين ويطلع نايف لسيارته بعد ماقر انه يروح لشرقيه مع منال عشان يتفاهم مع ابو عبدالعزيز منال تناظر امها: يمه هذا من جده.. تكفين يمه لايروح قسم ان تكبر المشكله وتعقد اكثراذا تدخل خالي نايف بالموضوع وابوي معه قلب وسكرمايتحمل انفعالات ام عبدالعزيز: عجزت فيه والله عجزت من اليوم وانا اقوله منال بتروح وبتفاهم مع ابوها وبنشوف اذا ماقتنع وغير رايه ذيك الساعه تدخلنا.. بس خالك عنيد ماتعرفينه منال وهي تلبس عبايتها وتحط الطرحه ع راسها: ياربي منه كذا بتزيد الاموراكثر تعقيد بروحته يالله يمه انا ماشيه توصين بشئ .. وتقرب لامها وتضمها ضمه قويه و بهالحظه تمنت منال ان الزمن يوقف فيها وهي ضامه امها.. ام عبدالعزيز الي صارت تبكي: لايمك سلامتك بس زي ماوصيتك انتبهي لاختك منال وهي تمسح دموع امها بيدها : ابشري يالغلا يابعد قلبي والله بس تكفين يمه مابي اشوف هالدموع مره ثانيه كلها اقل من شهر نخلص امتحانات والا احنا عندك ام عبدالعزيز: ياليت والله منال تودع امها وتبوس راسها بعد ماقضت معهاسبوع وفي هالاسبوع نست منال همومها ومشاكلها وخاصه مشاكلها مع وليد الي طول هالفتره وهو موقف مسجات عنها منال وهي طالعه من باب ال تسمع دعاء امها الي يشرح الصدر.. ام عبدالعزيز بصوت عالي ومن قلبها: ربي يحفظك ويحرصك واودعتك الله يانظر عيني .. منال الي نزلت دموعها وهي تسمع هالدعوه الصادقه وتقول بنفسها: والله لايحرمني منك يايما.. دعوة أمي//// ولا عاد يبقى.. ل أبتساماتي شفاه و الدمع يلقى راحته .. وسط كمّي و أن كان فيه أنسان يسعفني / دْعاه لاشك تشرَح خاطري [ دعوة امّي ] .............................. وفي مطار الرياض توصل منال وخالها نايف للمطار وكان باقي ع رحلتهم نص ساعه وكان فيه نداء لرقم رحلتهم الي متوجها لمنطقه ا لشرقيه بأنه ع الركاب التوجه لطياره منال كانت واقفه جنب خالها نايف الي كان معصب لان فيه شخص خذا مقعده الي كان محجوز له بالانتظار لانه تأخر خمس دقايق نايف كان يتهاوش مع المسؤال عن الحجوزات منال لمى شافت الاصوات علت والناس تناظرهم راحت وقفت بعيد وخالها نايف كان يصارخ ويهدد ويوعد يقدم شكوى منال وهي واقفه بعيد : ياربي من خالي نايف ذا عصبي مره ودمه حار الله يستر منه لو يتواجه مع ابوي قسم ان يصيرون كبريت ونار.. يارب استر فجأاه يجيها خالها نايف وهو معصب نايف: منال مالقيت لي حجز خلاص روحى انتي واركبي الطياره لاتطوفك الرحله وانا ان شاء الله بقرب فرصه راح الحقك منال تقول في نفسها الحمدالله انه مالقى مقعد عشان مايروح معها وهو معصب كذا منال: ان شاء الله.. يالله خالي اشوفك ع خير مع السلامه وتسلم عليه بعد ماوصاها انها أول ماتوصل لمطار الدمام تكلمه وتعطيه خبر وتروح منال وتركب الطياره الي ماهي الالحظات واقلعت متوجها جهه الشرق منال وهي بالطياره تفكر بنوال وبالبنات وكانت مشتاقه لهم مره واكثر شئ كانت مشتاقه له لشرقيه ولجوها بعد ماغابت اسبوع عن الهوى الشرقي.. .............................. .................... ......................... أنا } عُمري.. مطار أيٌام » مواجِع نظٌمت رِحلات ..ْ~ ألم حاجِز .. حِزن راجعِ تذاكر همٌ شارِيها [ !! ] وبعد مامرت ساعه من اقلاع الطياره توصل الطياره بمطار الدمام منال الي كانت شايله شنطتها السحب وتدور ع تركى الي ماكان مايرد ع جواله ولمى تعبت من كثرالمشي راحت وجلست ع مقاعد الانتظار وتنتظر تركى الي تأخر عليها فجأه تذكرت خالها نايف الي وصاها نها اول ماتوصل تدق عليه وهنا تطلع جوالها وتدق عليه واطمنه انهاوصلت.. وهي تصكر الجوال الا تشوف واحد جاي ناحيتها وتحاول تدقق بملامحه منال تناظر ياربي هذا هذا .وليد ولا انا مشبه عليه؟؟ فجأأأه يقرب اكثر ناحيتها هنا منال دقات قلبها تدق بسرعه: ياربي هذا وليد وش جايبه هنا؟؟ وليد يقرب عندها و ينزل نظارته الشمسيه ويناظرها: منال؟ منال وهي حاقده عليه : ايه منال.. خير وش تبي؟ وليد هنا يحاول يمسك نفسه: اولا حمدالله ع السلامه منال وهي مالها نفس ترد عليه: الله يسلمك وليد: ثانياً.. تركى رايح يلبق السياره بالمواقف .. و ارسلني اجي اخذك امشي معي بلاكثره حكي ويأخذ شنطتها منال: هيه هيه جيبها وتسحب الشنطه منه ماني رايحه معك لين يجي تركى؟ وليد يناظرها بنص عين ويناظر حوله احد شافهم: وش فيك انتي كل هذا خوف.. خايفه اسرق الشنطه ولاخايفه مني؟؟<< وكان يناظرها بنص عين منال وهي معصبه : من انت عشان تخوفني اصلا انا ماخاف الا من ربً خلقني . وتناظره من فوق لتحت . وتجر شنطتها وتمشي ؟ وليد يلحقها ويوقف بوجها :ع العموم حبيت اساعدك بس الظاهر منتي وجه مساعده منال توقف لان وليد وقف بوجها وصارت تناظر الناس لاحد ينتبه لهم منال : وفر ع نفسك محد طلب منك مساعده .. وتسأله بصوت حاد .. وين تركي ؟ وليد وهو مقهور وبصوت عالي: قلت لك تركى راح يلبق السياره بالمواقف و شكلك ماتفهمين عقلك ع قدك منال تناظره وتسحب شنطها: ياشينه قطه الوجه بس وتروح تمشي لبوابه الخروج وليد وهي متنرفز من كلمه منال: اوريك يامنالوه اجل انا قاط وجهي الشرها علي انا الي وافقت وجيت مع تركى مصدقه عمرك والله منال وهي طالعه من بوابه الخروج الا تشوف تركى بوجها هلاتركى تركى: هلا هلا حمدالله ع السلامه منال: الله يسلمك تركى : وينه وليد ماشفتيه منال: من وليد؟ تركى : ولد عمتى من يعنى .. انا قلت له يروح يشوفك وان راحت البق السياره منال: وليش جايبه معك؟؟ تركى: تحقيق هو كنا طالعين لمشوار الا تذكرت انى تأخرت ع موعد وصلولك وحطيت رجلى وجيت ماكان فيه وقت انزله بهالحظه وليد يجي عندهم منال توهقت ان وليد يقول لتركى انه شافها ومارضت تجي معه منال تسبق وليد عشان مايتكلم قبلها: هلا وليد اخبارك؟ وليد وهو مصدوم منها ومستغرب بهالتغير المفاجئ: هاه بخير وانتي حمدالله ع السلامه منال: الله يسلمك تركى : انت ياوليدوه ع كبر عيونك ماشفتها ولا عيونك ديكور بس منال وتركى هههههههههههههههههههههههههههههه هه وليد وهو معصب بداخله وعرف ان منال ماقالت لتركى انها شافته ومارضت تجي معه... وليد وهو بداخله مقهور : ههههههه لا وش درانى كل الحريم لابسين اسود كنهم اكياس زباله تركى وهو يسحب الشنطه: لالا عاد حدك هذا سترهم وغطاهم ماينقال عنه زباله منال الي كانت مولعه ومعصبه من كلام وليد:خله هذا اصلا شكله علماني تركى هههههههههههههههههههه بصراحه اشك فيه انه علماني ههه و يروحون منال وليد وتركى ويركبون السياره منال كانت قاعده وراء وليد الي صار يضبط المرايا الي جنب الدريشه عليها وطول الطريق وهو يخزها ويناظرها وكان قاصد يحرجها منال انقهرت من نظراتها وتقول في نفسها هذا مايستحى جنب اخوي ويخزخز فينى صدق معادبه حياء وتطلع نظارتها الشمسيه من الشنطه وتناظره نظره تحدى وتلبسها وليد هنا انقهرمنها بس يحاول يمسك نفسه قدام تركى تركى ينتبه لمنال الي لابسه النظاره الشمسيه تركى: منالوه وش عندك ؟؟احد يلبس نظاره وبقى نص ساعه ع اذان المغرب ههههه وليد: يضحك هههههههههههههههه فاهمه الحياه غلط منال: تكلم تركى :ادري مافيه شمس بس فيه هنا بالسياره ذبانه جننتنى ع عيوني وليد هنا فهمها انها كانت تقصده فانقهر وحس انه بداخله مولع .. تركى الي ماكان فاهم شئ: طيب يالذكيه افتحى الشبك خليها تطلع منال: فتحته بس مافي فائده ماتستحي هالذبانه تركى : هههههههه فيه ذبانه تستحى عليك طلعات انتي هههههه وليد الي كان ساكت وعارف ان الكلام كان موجه له وع كثر حبه لمنال الا انها اكثر وحده جننته بتحديها وعنادها وكان يحاول يقهرها بشتى الطرق وظلت منال ساكته طول الطريق الي بين الدمام والخبر وكانت تعد الثواني ع وصولهم للبيت وليد وتركى يسولفون سوالف شباب وبالسيارات وبالاسهم .............................. .................... ....................... ..في مدينه الخبر.. يوصلون منال وتركي وليد للبيت ويدخل تركي بسيارته لحديقه البيت,, واول ماوقف بحديقه البيت .. تنزل منال من السياره وهي تركض بسرعه ونست وليد وتركي الي صاروا يضحكون عليها .. تركى يناظرها ويضحك بصوت عالي ويفتح الشباك: هههههههههه شوي شوي يالبزر ترى البيت مو طاير وليد الي كان يضحك عليها وحس انه ع قوتها وعنادها الا انها فيها حركات عفويه وطفوليه فأبتسم .. رغم القهر الي سببته له بالمطار.. تركى: هاه وليدوه ماتبينى اوصلك لبيتكم؟؟ وليد: ايه يرحم امك توبه اركب معك فرفت فينى الشرقيه كلها تركى: ههههههههه ويحرك تركى السياره ويطلع من الفله عشان يوصل وليد ....... منال الي تدخل البيت وهى تركض السلام ياهل البيت هوهو انا جيت ابو عبدالعزيز كان بمكتبه الا يسمع صوت منال ويطلع من مكتبه ابو عبدالعزيز: هلا هلا والله منال تجي بسرعه وتضم ابوها وتبوس راسه منال: هاه ماوحشتك ابو عبدالعزيز وهو مبسوط بشوفت بنته: الا اكيد وذي يبيلها سؤال منال تناظر حوالها الا وين نوال وشينت الحلايا لينا؟ هنا.. لينا توها طالعه من المطبخ منال: اوه لينا شخبارك كويس؟؟ لينا وهي تضحك: كويس منال: لينا وين نوال ؟ لينا : فوق نوم .. وقعدت منال الي كانت لابسه عبايتها مع ابوها بالصاله ربع ساعه يسوالفون ويخذون علوم بعض منال: يبا انا بروح اغير واتروش واشوف الدبه الي راقده وانزل نتعشى سوى المهم لاتروح منا ولا منا ابو عبدالعزيز: لالا ماني رايح انتظركم وصحى اختك تتعشى معنا من امس ماشفتها منال: ابشر وتروح تركض ع الدرج وتدخل غرفتها الي اشتاقت لها وحست انها كنها مفارقتها سنه مو اسبوع منال وهي داخله الغرفه لقتها مظلمه وتولع النور وشافت نوال نايمه ع سريرها وضامه مخدتها منال : نوالوه يالدبه وتنط ع نوال بالسرير وتهزها قومي انا جيت نوال من الفرحه نقزت وهي كشتها منتفشه من المجفف نوال تحك عيونها من النور الي اجهرتها : بسمله انتي منال انا بحلم ولا علم منال تعطى نوال كف الا علم منال ونوال ههههههههههههههههههههههههه ويضمون بعض منال: ماشاء الله اشوف بغيابي مستحله حتى سريري نوال: ههه شسوي ماقدرت انام الا لمى نمت ع سريرك منال: ياشيخه حلالك المهم شخبارك الحين؟ نوال تتنهت: زفت ..منال تكفين خلينا ناسيه شوي قسم مانمت من امس من كثر مافكرت انى بكون زوجه راكان منال: يالله عاد جينا للجد نوالوه وش فيه راكان؟ ليش ماتبغينه؟ نوال: و انتي بعد صرتى مثلهم يختى ماحبه ولا ابيه منال: طيب طيب لاحد يعصب خليك كذا مروقه امشي نتعشى مع ابوي وابشري بعد العشاء امسك ابوي واكلمه وابشري مالك الا الي يرضيك نوال: لالالا يرحمك شيبانك مالي وجه اشوف ابوي بعد ماصرخت عليه وبعدين انا زعلانه عليه ومابي اكلمه.. منال: نوالوه لاتصرين غبيه امشي نزل نتعشى وانتي سوى نفسك انك زعلانه ولاتأكلين كثير مو ترمين الصحن وتسوين نفسك زعلانه ههههه عشان تكسرين خاطر ابوي نوال: هههه قولتك يعنى اسوى كذا منال: ايه اسمعي كلامي وبتشوفين وبعدين عندي لك هدايا لاقبل من امك مصدقه انك بنتها صغيره مالت وتكش ع وجه نوال وتمسك شعر ها وتنفشه نوال: والله وه فديت امي انا.. يختى كان خشيتها معك بالشنطه وجبتيها منال وهي رايحه تتروش ههههههه تخيلي بعد نص ساعه منال تخلص ترويش وتنزل هي ونوال تحت عند ابو عبدالعزيز الي كان ينتظرهم ع العشاء .. ابو عبدالعزيز الي كان قاعد بصدر الصاله ويوم شاف منال ونوال نازلين ابو عبدالعزيز: هلا هلا بالحلوين منال : ياعينى ع الغزل الي كذا لوكنت ا دري كان كل يوم رايحه الرياض ههه ابو عبدالعزيز: هاهاهاهاها نوال: الي كانت تمشي وراء منال وتناظر الارض وهي ساكته ابو عبدالعزيز: يالله يابوك حطوا العشاء خلونا نتعشى منال تنادي لينا حطي العشاء ويروحون يتعشون ع الطاوله وكان ابو عبدالعزيز ماشال عينه عن نوال الي كانت طول الوقت ساكته وتلعب بملعقتها بالصحن ويقول بنفسه ..( اه يابوك مابي اجبرك ع شئ بس اخاف عليك والله اخاف بعد عينى تزوجك امك واحد من اعيال خوالك الي ماهمهم الا الفلوس) منال تقطع ع ابوها تفكيره : الحمدالله شبعت.. يازين اكلك يالينا اشتقت له ابو عبدالعزيز: هههه يعنى ماشتقتى الا لاكل لينا بس ههه منال: لا طبعا لكم كلكم وبعد مانتهى الكل من العشاء راحو لصاله نوال صعدت فوق لغرفتها.. منال الي كانت تشرب شاهي تنزل البياله : يبا ابو عبدالعزيز: ياعين ابوك امري منال: يبا ابي اكلمك بموضوع بس توعدني ماتعصب نوال الي راحت فوق كانت قاعده بالصاله الي فوق و تطل عليهم من الدرج وتسمعهم ابو عبدالعزيز الي كان مروق برجعت منال: اوعدك قولي.. منال: يبا نوال ماتبي راكان وهذا قرارها مانقدر نجبرها عليه ابوعبدالعزيز يستعدل بقعدته: طيب .قولي لي وين تلقى احسن من راكان .. ولدنا ونعرفه ورجال كامل والكامل وجه منال: والله يبا ادري ان راكان رجال ومحد يعيفه بس هي ماتبيه هذي حياتها يبا.. ابوعبدالعزيز: يابوك انتي الكبيره والعاقله عقلي اختك وفهميها ان الزواج مو لعبه ابي ومابي وخليها تعرف اني احبها وادور مصلحتها.. منال: طيب انا بقولها هالكلام بس اذا ماقتنعت وش السوات؟؟ ابو عبدالعزيز: مافي سوات.. انا عطيت راكان كلمه مستحيل اتراجع فيها الا اذا هو غير رائه ذيك الساعه وقال مابيها هنا راح انبطل هذا الزواج نوال الي كانت فوق وتسمعهم( ياربي رحمتك.. وراحت تبكي لغرفتها) منال ماقدرت تقنع ابوها وطرت عليها فكر منال : يالله يبا تأمر بشئ انا رايحه ارقد دايخه ابو عبدالعزيز: لا سلامتك بس زي ماقالت لك اقنعي اختك منال: ع خشمي ولايهمك ابو عبدالعزيز: عليه الشحم منال تصعد فوق لنوال الي كانت تبكي بالغرفه منال تدخل الغرفه شافت نوال تبكي منال: لاحول يانوالوه وش يبكيك الحين؟؟ وانتي ماتدرين وش قال ابوي؟ نوال وهي تمسح دموعها وبصوت عالي: الا ادري .. سمعت كل شئ قلتوه ابوي مصر الا يزوجنى يبي يمشينا ع كيفه منال: ماشاء الله وانت ماتخلين حركاتك قاعده تصوخين علينا نوال: ايه يختى انتم تكلمون عني لازم اسمع منال: اجل سمعتى كلام ابوي مايحتاج اعيده لك نوال: ايه لاتقنعينى لانى مراح اقتنع في راكان لو ايش منال: من قالك بقنعك ..اختى واعرفك محد يقنعك بشئ ماتبينه بس اسمعي انا عندي فكره نكلم عهود ونقولها توصل كلام لراكان انك ماتبينه وانخليه هو الي يقنع ابوي انه يفركش هالزواج نوال: لالا عهود مابي ادخل عهود بالموضوع وبعدين نفسيتها تعبانه هاليومين ومابي ازيدها.. منال: افا وش فيها؟؟ نوال: مدري بس فيها شئ مضايقتها منال: طيب وش نسوي كيف نوصل لراكان هالكلام نوال: انا بكلمه بنفسي الحين منال: وشهو يالله بس وش هالجرائه الي عندك نوال:مالي غير هالحل ..وعهود مابيها تدخل بينى وبين راكان وتخرب علاقتي فيها منال : مجنونه انتي تسوينها مو غريبه عليك نوال: ايه مجنونه وبتشوفين الحين وتأخذ جوالها الحين بكلمه منال: تمسك الجوال وهي مصدومه منها : نوالوه وين جاك رقمه هاه؟؟ نوال :جبته بطريقتى الخاصه منال: كيف جبتيه؟؟ علمينى بسرعه نوال: خذيته من جوال تركى وهو نايم اليوم منال تضرب وجها: يويلى .. صدق انك ماتستحين يمال الي ماني بقايله وش هالجراء الي عندك تخيلي تركى حس عليك وقام وش بيكون موقفك هاه انا ابي اعرف من الي مخربك.. اسبوع بس الي غبت فيه صرتي كذا نوال: منال انتى ماتحسين الي انا احس فيه كان ماقلتى كذا انا بكلمه وبتفاهم معه عادي هو ولد عمي ومثل اخوي.. منال وهي تناظرها و مصدومه منها ومن جرائتها منال : يالله كلمي الفشيله ترى بوجهك مو بوجهي انا نوال تناظر منال وماردت عليها وتحط الجوال الي كان يدق باذنها .............................. ............... |
|
|
#53 |
|
|
نوال وهي حاطه السماعه بأذنها وتنتظر راكان يرد طوط طوط طوط ومنال كانت تناظر نوال وهي مصدومه.. راكان يرد راكان : الو نوال تتلعثم" اء ....وتسكت راكان: الو الو من معي ؟ بترد ولا اسكر نوال ترد بصوت واطئ: مرحبا راكان بصوت حاد: مرحبتين من معي؟ نوال: انا ...نوال راكان وهو مصدوم : نوال نوال وهي تبلع ريقها: ايه نوال ياراكان راكان وهو قلبه يدق وحالته حاله: هلا والله شخبارك نوال؟ نوال وهي مستحيه : طيبه راكان : عسى عسى نوال: ام راكان.. راكان : هلا امري نوال تغمض عيونها عشان ماتشوف وجه منال الي فاتحه عيونها وتناظرها نوال: راكان ياليت تسمع الي بقوله وتفهمه وماتزعل مني راكان الي كان خايف من كلام نوال: قولي ولايهمك مابينا زعل نوال: راكان انا بصراحه اعدك اخو لا اقل ولا أكثر.. و مثل تركى وعبدالعزيز بالضبط ومعزتك من معزتهم راكان من قوه الكلام ..حس بألم بقلبه وكنه خنجر طعن في صدره وكان ضاغط ع الجوال بيده ومغمض عيونه وساكت وماتكلم... نوال وهي حاسه فيه: راكان انت معي؟؟ راكان: معك يانوال ..كملي نوال: راكان والله اسفه ادري اني وقحه اكلمك واقولك هذا الكلام بس و الله ابوي ماترك لي مجال يبي يجبرني .. وانا عارفه انك ماترضاها باختك انها تنجبر ع شئ ماتبيه راكان الي كان يسمع كلام نوال الجارح والي حس انها ماقدرت مشاعره تجاهه راكان: لا من حقك يانوال ومحد له حق يجبرك ع شئ ماتبينه ومن حقك ترفضيني.. نوال: رفضت بس ابوي معند وموراضي يسمعني .. ياليت انت تكلمه راكان وهو ضاغط ع نفسه ويكابر : خلاص ولاتزعلين يانوال انا اكلم عمي وافهمه ان حنا ماناسب بعض وافركش هالخطبه ولا تزعلين نوال: والله راكان اعتمد عليك وعد.. راكان: اعتمدي وعد نوال :مشكور والله ماتقصر والله اسفه سامحني راكان الي كان قلبه يعتصر ألم : لاعادي لاتأسفين ولا شئ كل شئ وقسمه ونصيب تأمرين بشئ نوال حست بنبره صوته حزينه: لاسلامتك بس امانه لاحد يدري اني كلمتك حتى عهود طوط راكان قفل الخط .............................. .................... .......................... نوال تنزل السماعه اف اف صكر الخط بوجهي ..ماخلاني اكمل كلامي .. منالوه شكله زعل منال الي كسر خاطرها راكان: والله وش تتوقعين منه يصفق لك يعني.. وانتي ماخليتى كلمه شينه ماقلتيها ..حرام عليك قسم انك مجرمه اصلا انتي وجه ..احد يحبك مالت عليك بس مالت نوال: يؤه منال لاتزديني انا ادري اني جرحته قسم كسر خاطري بس وش تبينى اسوي انا مابي اتزوجه واظلمه معي انا ماحبه بالعربي الفصيح افهموها ياعالم يؤه منال: وجع قصري صوتك لايسمعك ابوي يعمك كيف تصارخين صدق نوال وهي معصبه خلي الي يسمع يسمع مايهمني.. وتسحب البطانيه وتنسدح ع السرير وتغطى وجها منال: ايه يا النعامه ارقد ارقدي وش عليك قلتي الي بخاطرك وارتحتي وهالمسكين كلاها .. والله ماتستاهل ياراكان حبيت لك عربجيه ماتعرف الحب وش هو؟ نوال وصوتها مكتوم: اهيه ع هالسيره خلاص قفليها يختي وخلينا نخمد منال وهي رايحه تطفى النور : اخمدي اخمدي بس وتطفئ انوار الغرفه مثل ماطفئ الامل والسعاده بقلب راكان راكان اول ماقفل الخط رمى الجوال بحنبه و وحاط يده ع صدره ونزلت دموعه غصباً عنه.. ليش كذا يانوال ليش.. ليتك تدرين وش كثر احبك قسم لو تطلبين عيوني عطيتك كيف تبيني اكلم عمي وابعدك عن دنيتى كيف ؟؟ انتي روحي من دونك انا ميت .. كل هالافكار كانت تدور بقلب وعقل راكان الي حس انه مخنوق ومو قادر يتنفس .............................. ........... [ذبلت انوار../ الشواآرع..وانطفىآ ضيء ال ح روف,!~ .. يطلع راكان من دون شعور من البيت ويناظر ال وين اروح بهاليل ياربي وين؟؟ ويركب سيارته وصار يدور بالحي ويمشي ويمشي بهالشوارع وماهو عارف ع وين فجاآآآآآآه وقف السياره وهو مو حاس بنفسه .. ويناظر حوله شاف انه كان واقف عند بيت عمه ابو عبدالعزيز ْ~ حماك الله يا بيت ليا مني بغيت آجيه.. توقفني تقاليد العرب دون بيبانه .. ْ~ راكان: اه يانوال ودي اصرخ واقولك احبك تكفين لاتخليني بس اهم شئ سعادتك انا مايهمني لو اتعذب ويحط راسه ع الدركسون وسرح بعالم الجرح .. هنا ينتبه راكان لحاله ويقوم ويحرك سيارته ويرجع للبيت ولمى وصل دخل البيت راح للمطبخ يشرب ماي بعد ماحس ان ريقه ناشف.. وهو داخل المطبخ شاف عهود تسوي لها شاهي وتغني ..... راكان بصوت واطئ وثقيل: السلام عهود تصارخ وتحط يدها ع قلبها: يمه خوفتني ماتعرف تكح انت ولا تحنحن ولاتبي تخوفني بهاليل راكان وهو باين ع وجه الحزن: عهود.. عطينى ماي عهود واقفه وتناظره وحست ان فيه شئ وتصب له ماي وتعطيه راكان يشرب الماي وبصمت يطلع من المطبخ ويروح لغرفته.. عهود: يمه وش فيه اخوي؟ اكيد صاير له شئ اعرفه اذا فيه شئ يبين ع وجه ويقطع عليها تفكيرها صوت الشاهي الي فاح وانكب ع الفرن عهود: يؤه وتطفى الفرن وتأخذ الشاهي وتروح لغرفتها بعد ماحست ان نظر عينها اخوها فيه شئ مكدر خاطره .............................. .................... .............................. .................... ... بالجامعه بعد البريك الاول هدى وعهود ونوال قاعدين يسولفون هدى: وينها منالوه ذي ابي اشوفها تغيرت سمنت ولا ضعفت نوال: هههههه نعنبوك تغير ترى كل المدى اسبوع ترى عهود: بنشوف زانت ع جو الرياض ولا شانت هدى تصارخ وتأشر ع منال: جأأأأأأأت الزعيمه وتقعد تطبل ع الطاوله( وسعوا الملعب لزين العذارء في وصول ) نوال تصفق ع خفيف وماكان لها خلق وعهود تصفق وتغني معهم منال وعد كانوا ميتين ضحك ..لان البنات الي بالكفتريا كلهم صاروا يناظرون خبال هدى ونوال وعهود منال لمى قربت لهم : وعودي خلينا نرقص نقازي وتمسك يد وعد ويقعدون يرقصون نقازي لين وصلوا عند البنات البنات بالكفتيريا الي يضحكون والي ناقدين والي يناظرونهم بنص عين منال : هههههه السلام يالطقاقات البنات: هههههههه وعليكم السلام وتنط عهود ع منال وتضمها وتسلم عليها وهدى تضم منال وتسلم عليها وعد : ههههههههه قسم مصخرنا انفسنا هههههه شوفوا البنات يناظرونا نوال: ماعليك منهم كفرنا خليهم يولون نطبل ونرقص فيها شئ وقعدت منال تسولف للبنات وش سوت بالرياض وبالمطار بوليد البنات هههههههههههه هدى: احسن خليه يستاهل ماجأه قاط وجه وعد: هيه منالوه ليكون نسيتي هدايانا منال: افا وهذا شئ ينسى عشان تعلقوني بالمشنقه ههههههه وعندي لكم هدايا من امي بعد عهود: لول فديتها عمتى ام عبدالعزيز منال : فديتك انا. اسمعوا بنات شرايكم تروحون معي بعد الدوام للبيت نتغداء واوريكم وش شريت نوال: اي والله بنات ونكلم شهوده تجينا وعد: خليه العصر نروح للبيت نغير ونرتاح والساعه 4 نتجمع وش رايكم منال: براحتكم البيت بيتكم باي وقت عهود: ايه حلو العصر عشان نتفق مع شهد تجي وينتهى البريك الاول وكل وحده راحت لمحاضرتها .............................. .................... ... بكلاس مستوى ثاني علم نفس نوال وعهود يسولفون نوال: عهودوه ماقالت لك شفتى الفستان جلد الثعبان الي شفناه بالنت الي اعجبنا عهود تحاول تتذكر : ايه وش فيه؟؟ نوال:شفته بمحل بالراشد ب900 وبعد التخفيضات ب 500 عهود: معقوله لالا ماصدق اصلا شكله غالي حيل بالالف نوال: لاحول اقولك شايفته بعيوني الثنتين عهود: لالاأكيد مو هو شكله تقليد .. نوال: تعصب يؤه عهودوه قلت لك هو نفسه قسم بالله .. طيب دامك مو مصدقه وش رايك ؟؟ عهود: في ايش؟ نوال: لاطلعنا البريك الثاني نروح نشوفه عهود وهي فاتحه عيونها ع الاخر: وشهو نروح الراشد من جدك انتي؟ نوال: ايه وش بيصير يعنى نروح نشوف الفستان ونتقهوى و نروح البيت عهود: ليش ناسيه عندنا محاضره ياحلوه نوال الي على صوتها: يؤه نطنشها عاد بلادفاره زايده انتي الدكتوره تنتبه لهم: الي وراء بدون صوت انتي وياها نوال وعهود يسكتون.......... نوال بصوت واطئ : انا بروح بتروحين معي ولا لا؟ عهود: ايه بروح معك بس قسم خايفه ليشوفنا احد.. نوال: مهب شايفنا احد ارتاحي.. خلينى ارسل مسج لهدو اقولها عن المشروع وراح ارسل لمنال مسج اقولها ان حنا طالعين الساعه 10 ونص لان ماعندنا محاضره الغت عهود: يمه منك راس مدبر من جد نوال: هههه طالعه عليك هع ... بكلاس علم النفس مستوى أول هدى قاعده بالكلاس وتلعب بشعرها وهي طفشانه فجأه يوصلها مسج وتنور شاشه جوالها الي كان صامت هدى تفتح المسج وكان من نوال هدى تقرى المسج: واي وناسه وش عندهم ؟؟ الراشد مره وحده بعد ساعه ونص تنتهي المحاضره ع خير.. وبدأ البريك 2 عهود ونوال وهم طالعين من الكلاس الا هدى بوجهم نوال: بسمله هههه ماتوصين واقف تنتظرينا هدى: ههههه أكيد دام السالفه فيها هياته لاتوصين.. اصلا استاذنت من الدكتوره وطلعت ماقدرت اكمل المحاضره عهود: هههههههههههه والله متحمسه هدى: ايه مره.. الا وش عندكم بتروحون لراشد بهالحزه؟؟ نوال: ايه بوريكم فستان الي شفناه بالنت تذكرينه الي جلد ثعبان هدى: ايه من جدك لقتيه بالراشد؟؟ نوال: ايه عهود مو مصدقه قلت امشي اوريك اياه هدى: لول انا الي بشتريه نوال: طيري بس انا الي بشتريه يالله امشوا بسرعه السواق بره ويطلعون البنات من الجامعه بالسواق بعد مانبهته نوال مايعلم ابوها وبيعطونه بغشيش وهم بالطريق قريب من الراشد وكان ال زحمه لانه وقت خروج العمال بريك للغداء .............................. .................... البنات قاعدين يسولفون بالسياره وفجأأه تطلع عليهم سياره من جه اليمين وتصدم فيهم طخخخخخخخخخ ويلف السواق السياره وتصدم بالرصيف نوال + هدى+ عهود كانوا يصارخون ويبكون نوال وهي تبكي : اشهد ان لا اله الا الله هدى: يمه اهئ اهئ عهود الي كانت تبكي وميته من الخوف مافكرت الا بأخوها راكان وتمسك الجوال وتدق عليه عهود: راكان الحقنا صار لنا حادث راكان: وشهو احد منكم صار فيه شئ؟ عهود: لالا كلنا طيبين ضربه خفيفه راكان:وينكم فيه الحين بالدمام؟ عهود: لالا بالخبر ع طريق الراشد راكان : خلاص لاتحركون انا جايكم نوال الي كانت ماسكه راسها من قو الضربه و تصارخ ع عهود: ياغبيه ليش تكلمين راكان.. الحين بيدري ان حنا كنا بنروح لراشد هدى: لالا مراح يدري بنقول كنا نوصل وحده من البنات بالخبر .. اهم شئ يطلعنا من هنا .. ماتشوفين الناس كيف مالتمه علينا والمرور شوي بيجي نوال: الله يستر بس وبعد مناقشات وهواش مع صاحب السياره الثانيه يجي محي الدين السواق الي كان نازل يتفاهم معه ويركب السياره نوال وهي معصبه ع سواقهم:محي الدين انتا مافي شوف هاه مخ مافيه.. ابغى كلو موت هاه محي الدين: انا مافي سوى مشكل هزا نفر مافي كويس اجي سياره انا نوال: انا شوف انتا هذا نفر اصدم سياره احنا.. انتا في روح اصدم رصيف يعنى ثنين حادث انتا سوي انا كلام بابا عهود: نوالوه خلاص وش ذنبه صار الي صار الحمدالله انها جات ع كذا\ محي الدين كان معصب وعنده عزه نفس هالسواق غير طبيعيه محي الدين:روح كلام بابا انا مافي مشكل انتوا كلوا مشكل انا كلام انتي ابغى روح راشد وكلام مافي كلام بابا نوال تشهق :يؤه بيفضحنا ذا هدى الي خافت وتحاول تهدى الامور: محي الدين انتا كويس هذا نوال مجنون خلي ولي بس مافي علم بابا بليز بعدين بابا سوى احنا موت حرام احنا سمسيم انتا بنتي محي الدين معصب وكان ساكتولايرد على هدى.. شوي راكان يدق ع عهود عهود ترد بسرعه عهود: هلا راكان: انا قريب منكم بس عندكم بس زحمه شوي واوصل لكم البنات كانوا ينتظرون راكان وهم خايفين هدى: عهود لاسالك راكان قولي ان حنا رحنا نوصل وحده لبيتها زين عهود زين خلاص فهمت محي الدين قاعد يتسمعهم وناوي يرد كرامته منهم بعد التهزء الي جاه من نوال قدام البنات .............................. ... راكان يوصل عندهم ويدق الشباك نوال الي كانت جنب الشباك تفتح الشباك وهي ساكته عهود الي كانت قاعده بالنص :راكان راكان يقرب من الشباك نوال ترجع لوراء وتلصق بالكرسي راكان الي لفت انتباهه حركه نوال : حمدالله ع السلامه يالله انزلوا اوصلكم للبيت وينزلون البنات ويركبون سياره راكان راكان كان واقف مع محي الدين ويتكلمون وكان باين ع محي الدين انه معصب نوال: ايه عاد الحين محي الدين من يسكته هذا.بيقعد يتشكى لين يطلع نفسه برئ عهود: حرام عليك انتي ترى الغلط ع السياره الثانيه مو ع محي الدين هو الي طلع علينا هدى : ايه صادقه وكانوا البنات بالسياره يناظرون راكان ومحي الدين وطبعاً مايسمعون وش يقولون لانهم واقفين بعيد راكان الي كان واقف و يسمع محي الدين الي كان باين من شكله انه متفاعل وهو يتكلم فجأأأأأأأأأأأأه راكان تتغير ملامح وجه وصار يناظر البنات بنظره قويه عهود شافت نظره اخوها راكان عرفت ان فيه شئ: الله يستر وتبلع ريقها ويخلص راكان مع الكلام مع محي الدين ويجي ويركب السياره وهو معصب بس ماسك نفسه ويحرك السياره واول ما مشوا راكان وهو يناظر قدام: عهود انتو مو جامعتكم بالدمام؟ عهود وهي ترتجف: ايه راكان أجل وش جابكم بالخبر هاه عهود ماتعودت تكذب ع اخوها عهود: والله كنا.. تقاطعها نوال : كنا نوصل صديقتنا ساكنه بالخبر راكان الي كان شايل ع نوال .. لانه ضربتين بالراس توجع امس جرحته بكلامها واليوم بعد بتصرفتها الطايشه جرحته مره ثانيه راكان وهو معصب ويصارخ: تشب انتي بس ولا كلمه فاهمه اصلا مو مخرب اختى غيرك ع بالكم تستغفلوني يعنى ما ادري انكم رايحين لراشد غبي انا غبي نوال الي كانت مصدومه من كلام راكان: اصلا انا ماخربت احد ياليت تحترم نفسك و بعدين مالك شغل فيني فاهم هدى تحاول تهدى نوال: نوالوه خلاص خلاص عهود الي كانت تبكي: راكان والله كنا... راكان يقاطعها:مابي اسمع ولا صوت وحده منكم فاهمين.. شغلكم موهنا بس خلونا نوصل بيت عمي وهناك يشوف لكم حل مع هالهياته البنات طول الطريق كانوا خايفين والي تدعي والي تتشهد وبهالحظه كانت نوال ترسل لمنال مسج (منال حاولي تطلعين بدري وتجين للبيت فيه مشكله صايره ) تركى الي كان توه واصل للفله وهو نازل من سيارته الا يشوف راكان داخل بالسياره للحديقه وهو يسرع تركى وقف يناظر ومستغرب راكان جاي هالحزه ومعه البنات؟؟!!! راكان وهو نازل من السياره وبصوت عالي: تركي تعال شوف المهزله شوف اخر دلع ابوك وين وصلنا البنات ينزلون من السياره وهم خايفين .. نوال هنا عصبت لانه كان يقصدها : انت مالك شغل بدلع ابوي وين وصلنا اذا كنت ولي امري ذيك الساعه تكلم راكان يناظرها بعصبيه : قريب ان شاء الله اصير ولي امرك واكسر راسك بعد نوال: تخسى الا انت تركى الي كان مصدوم وماهو فاهم شئ وانقهر من اسلوب نوال لولد عمه تركى يصارخ ع نوال : نوال وجع واص ولا كلمه يالله روحي داخل ويلف ع راكان .. وش فيكم فهموني؟؟ هدى خافت ان تركى يفهمهم غلط وحبت توضح له: والله ياتركى كنا نبي نروح نشوف فستان عاجبنا وصار لنا حادث خفيف وبس هذي كل السالفه راكان: ايه صدقناكم مايوجد هالفستان الا بهالراشد هاه العبو ا ع غيرنا مو علينا تركى الي من سمع طاري الراشد عصب: نعم نعم وين؟؟ الراشد هدى ترد ع راكان: ايه مايوجد الا بالراشد مو مصدقنا بكيفك و بعدين كلن يرى الناس بعين طبعه شف انت وش تسوي بالراشد وتحسب الناس زيك راكان الي حس ان هدى تبي تشوه سمعته قدام نوال واخته راكان يصارخ بصوت عالي: اقول اصلا انتي ماعليك شرها ماعندك والي ولا عندك ابو يربيك بس الشرها ع اختي ونوال الي وراهم رجال عهود وهي تبكي و تمسك راكان اخوها : راكان لا تكفى خلاص .. هدى الي كانت واقف قدام راكان وتركي . بعد ماسمعت هالكلام هنا سكت ,, وحست كن احد صطرها ع وجها وصارت تناظر راكان وتحط يدها ع فهمها وكانت هالكلمه اقوى كلمه سمعتها هدى بحياتهامن بعد رحيل ابوها تركى هنا صرخ: راكان خلاص لاتزودها هدى بصوت متقطع وهي تبكي وتأشر ع نفسها: اءنا اءنا ما تربيت ياراكان ولاعندي والي .. وصارت تبكي بصوت عالي وراحت تركض لداخل الفله وراحت وراها نوال عهود وهي مقهوره من راكان : راكان حرام عليك حرام وتروح وراهم راكان كان ساكت ومايدري كيف طلع منه هالكلام تركى الي تقطع قلبه ع هدى: راكان ياخي انتي ما تعرف تثمن كلامك مو حرام عليك انت ماتدري ان اي كلام عن ابوها يجرحها.. راكان الي ماكان يدري كيف طلع هالكلام منه: قسم بالله ماكنت اقصد بس هي استفزتني وخلتني اقول الي قلته تركى يمسك راكان: لاحول ولاقوه الا بالله امش معي للمجلس وتعوذ من ابليس .............................. .................... ................... بساحه الجامعه كانوا منال وعد قاعدين يسولفون لحالهم وعد تفضفض لمنال وتقولها وش صار معها وكيف كان خيارات ابوها صعب بأنه خيرها بينه وبين ياسر وكيف انه يحاوليبعدها عن ياسر بشئ الطرق منال: الله يعينك ياوعد اختيار صعب والله بس انا لو منك بختار ابوي طبعاً وعد: ادري يامنال مستحيل افضل ياسر ع ابوي بس لازم اقنعه يمكن يقتنع ويغير وجه نظره ماني قادره افكر يامنال تعبت والله تعبت منال : ان شاء الله ياوعد يقتنع ابوك وتكونين من نصيب ياسر بهالحظه منال يوصلها مسج منال تمسك الجوال وتفتحه منال وهي تقرى المسج وقفت: وعد.. اهلي فيهم شئ يمه قلبي.. وتحط يدها ع قلبها وعد: وش فيهم؟وريني المسج اشوف وتأخذ وعد وتقرى يؤه الله يستر ان شاء الله منال تكلم السواق محي الدين منال: محي الدين وينك؟ تعال بسرعه جامعه محي الدين: مافي انا سياره خربان في اصدم سياره ثاني منال: يمه..متى هذا صار؟ وبنتي كلوا فيه سوا سوا انتا محي الدين: ايوه ماما بس الحين في شيل بابا راكان ودي بيت منال وهي عيونها فيها دموع: محي الدين بنت كلو كويس محي الدين: ايوه مدام كويس وتصكر منال الجوال : وعد تكفين وصلينى للبيت البنات صاير لهم حادث وعد: سمله عليهم صار لهم شئ منال: لا محي الدين يقول انهم طيبين وعد تكفين كلميهم اعصابي تلفت وعد تدق ع عهود الي طمنتهم انهم بخير منال : الحمدالله يارب.. وعد دقي ع سواقكم تكفين ابي اروح لهم الحين وعد: كلمته يقول جاي بالطريق وعد+منال.. يطلعون من الجامعه رايحين للبيت وكان وقتها الساعه 2 وعد تدق ع امهاوتستئذنها ان البنات صار لهم حادث ورايحه تشوفهم مع منال وتوصل منال الي كان قلبها يدق بسرعه من الخوف ع البنات مع انها تطمنت عليهم انهم بخير لكن مسج نوال كان يقول شئ ثاني انه فيه مشكله ثانيه صايره تركى وراكان الي كانوا بالمجلس الي بره و كان المجلس جدارنه قزاز فجأأه تدخل سياره للفله وصار يناظرون منهي سيارته؟ فجأاه منال تنزل بسرعه وتركض داخل الفله وعد تمشي بخطوات سريعه وراء منال راكان يناظر تركى: منهم هالبنات؟ تركى: هذي منال وأكيد الي معها خويتها راكان يتنهت لانه عرف ان البنات مسوين مؤتمر داخل عليه منال تركض ع الدرج نوال بنات وينكم؟؟ وعد تركض وراء منال منال تفتح باب غرفتها وتناظر شافت هدى راميه نفسه ع السرير وتبكى ونوال وعهود جنبها منال الي كانت وعد وراها ومايدرون وش السالفه منال: بسمله وش فيكم؟ هدى وش فيها بنات؟ وتقعد وعد ومنال ونوال تقولهم وش صار وهي معصبه وتصارخ وعهود الي كانت حزنانه ع موقف اخوها الي انصدمت ان هالكلام يطلع منه وماكانت تحب احد يجيب طاري اخوها بالشين حتى لوكان غلطان منال وهي معصبه: نعنبو ا بليسكم ما فيكم صبر للعصر تروحون تشوفون الفستان وانا يانوالوه تكذبين علي محاضرتنا الغت هاه طيب اوريك نوال : خلاص يختي رحنا وصار الي صار حنا الحين بمشكله هدى الي من اليوم ماسكت وانتي فاضيه منال تناظر هدى: هدى حبيبتى انا متأكده ان راكان مايقصد صدقيني زله السان هدى ترفع وجها من السرير وعيونها كلها دموع:لالا مو زله السان هذا الي الكلام الي بقلبه واكيد الكل يفكرون مثله.. اجل انا ماتربيت وقليله ادب ليش عشان ماعندي ابو وترجع تبكي وتحط راسها ع السرير وعد : لاحول هدى خليك واثقه من نفسك ولاعليك من اي كلام كلنا عارفينك وعارفين تربيتك ومحد يقدر يقول فيها شئ عهود: والله راكان مايقصد وانا متأكده انه الحين متندم تكفين هدى لاتزعلين منه هو مثل اخوك هدى تقوم توقف وتمسح دموعها : الي رجله بالماي مو مثل الي رجله بالنار انتم ماجربتوا هالشعور الي انا الحين عايشته وحاسه فيه وكيف شخص ينظر لك بنظره دونيه منال تكفين ودينى البيت الحين منال : طيب اكلم تركى الحين منال تدق ع تركى تركى يرد: هلا منال: هلا تركى . ابيك تودينى انا وهدى لبيتهم تركى : طيب.. بس اسمعي منال حاولوا تهدونها مابيها تروح لبيتهم وتشوفها عمتى ام فارس كذا وتحس ان فيها شئ.. وقولي للبنات سالفه الراشد لاتطلع لاحد منال : ان شاء الله.. بس متى بتودينا تركى: بعد ساعه كذا خليها تروق شوي منال طيب .. سلام منال تصكر السماعه تركى يقول بعد شوي بيودينا ويقول السالفه لاتطلع لاحد فاهمين.. نوال تقوم: فاهمين.. اجل انا بروح اجيب لكم ماي نبل ريقنا شوي وجايه وعد: نوالوه حبيبتى عندكم بندول ترى راسي مصدع حيل نوال: طيب يالعجوز يامكثر شكاويك البنات وهدى هههههههههههههههه منال: ايوه يانوال الله يوسع عليك طلعينا من جو الكئابه الي عايشينه عهود: اي والله .. هدى تكفين انسى كل شئ صار اليوم هدى الي هدت شوي : ع بالكم اني راح انسى مراح انسى بس بردها له والله لاخليه يندم ع كل حرف قاله ماكون انا هدى بنت عبدالله شهد الي تدخل عليهم فجأأأأأأأأاه هاي قيرز ماشاء الله ومرسلين مسج وتقولون الساعه 4 الجمعه اشوفكم متجمعين الحين منال: هلا هلا والله وتقوم تسلم عليها وتسلم شهد ع البنات شهد تناظر هدى الي حست فيها شئ: سلامات هدى وش فيك شكلك مزكمه؟ هدى تناظرها وماردت.. وعد شهود تعالي معي نروح نشوف نوال الي راحت تجيب ماي شكلها تحفر بير ماصارت البنات ههههههههههههه راحت وعد وشهد تحت عند نوال بالمطبخ وطبعاً قالوا لشهد السالفه كلها شهد: ماي قاد ..قسم انكم متهورات نوال: ياربي عشان نبي نشوف فستان متراهنين عليه صارت هالقضيه وعد: عشان تعرفون تكذبون علينا .. ترى حبل الكذ ب قصير شهد: مسكينه هدى ماتستاهل والله احس جأت الطقه براسها وعد وهي تبلع حبه البندول: حتى منال من وصلها مسجك يانوال وهي مسكينه ماتدري وين تروح وش تسوي بهالحظه منال وهدى وعهود ينزلون من الدرج نوال الي طالعه من المطبخ وشاله الصينيه الي فيها جيك الماي :ع وين؟؟ منال: تركى دق قال اطلعوا بروح اوصل هدى نوال: لحظه هاك هدى ماي اشربي قبل تروحين هدى: لا مابي شكراً شهد: يؤه لو انى داريه ماكان جيت وعد: ماعليش خيرها بغيرها وانا بعد تعبانه بروح البيت وتطلع منال وهدى بالحديقه وكانوا البنات نوال وعد وشهد وعهود واقفين عند الباب هدى وهي طالعه شافت راكان واقف مع تركى عند السياره هدى ترجع :شهد تعالي ابيك شوي هدى تمسك شهد ع جنب :شهد تكفين اخذي عهود روحوا المطبخ او فوق اي مكان بقول كلام لراكان مابيها تسمعه مابي اجرحهامثل ماجرحنى راكان انا مجربه وحاسه بألم الجرح كيف يكون.. شهد: ابشري ولايهمك هدى وشهد يرجعون هدى وهي طالعه من باب الفله شهد: عهود حبيبتى تعالي ابيك شوي عهود راحت مع شهد هدى ومنال يقربون من السياره عشان يركبون تركى بصوت واطئ: راكان فرصتك تعتذر منها راكان وهو مرتبك: هدى يا اختي ..انا اسف والله ترى ما اقصد اشك بتربيتك وانتي بالعكس متربيه واحسن تربيه بس زله السان وانا اخوك هدى الي كانت مجروحه منه تفتح باب السياره وتناظر راكان: هدى: لاعادي لاتأسف ..اصلا انت ماعليك شرها ومنقود .. لانه ماعندك ابو يعلمك علوم الرجال وكيف تتكلم مع بنات الرجال.. وتركب السياره وتصكر الباب طخخخخخخ راكان الي كان الكلام قوي مره بحق عصب تركى: يمسك راكان ..امسك نفسك يارجال كلام حريم لاترد عليها وتكبر السالفه بينكم راكان : كان معصب ويناظرها وفجأأه لفت نظره البنات الي يطلون من الباب وعرف انه اكيد نوال معهم حس ان الدنيا سوده بعينه وكيف انهان قدام البنات و اغلى انسانه.. راكان يروح ويركب سيارته ويحرك بسرعه ويطلع من الفله ويدق ع عهود عشان تطلع له بره الفله نوال وعد الي كانوا واقفين عند الباب ويسمعون الحوار نوال: كفو والله بعدي ياهدى وعد: واي وش هالكلام قوي مره مايصير كذا حرام نوال: لاخليه يستأهل البادي اظلم زي مايقولون وعد: ايه: بس حرام هو ولد خالها مايصير تقول كذا نوال: الا يصير ويصير وش حاشرك انتي خليها ترد كرامتها شوي وعد: يؤه والله مدر ي عنكم عائله شرسه خلوني اروح لبيتنا بس .. سلام يالدبه سلمي ع عهود وشهد تركى الي ركب السياره وهو ساكت ومايدري وش يقول وكان منصدم من كلام هدى القوي ويحرك السياره وهم بالطريق كان الصمت سيد الموقف هدى الي كانت تفكر بنفسها .. ياربي ليش انا ليش .. قبلها تركى يشك باخلاقي واليوم راكان ياربي ليش كذا العيب ؟فينى ولافيهم.. يارب رحمتك ارحم ضعفي ونزلت دموعها تركى يقاطع افكار هدى وبصوت واطئ : كح كح .. هدى هدى الي كانت معصبه ومالها خلق لاحد: نعم تركى: هدى ممكن نتكلم بهدوء ومافي داعي للعصبيه هدى وهي مالها خلق: تكلم احد ماسك منال: فيها الضحك بس تحاول تمسكها تركى: بدينا هذي بدايتها.. هدى ساكته ماترد تركى:ع العموم بس حبيت اوضح لك ان راكان متندم ع الي قاله وهو والله من رحتوا داخل وهو يقول انه ماكان يقصد وبالعكس تربيتك مافي زيها بس هو كان معصب شوي يعنى لاتأخذين ع كلامه هدى: وهو حاطك محامي عنه يعنى ولا ايش؟ تركى وهو متنرفز من اسلوبها وخاصه قدام اخته: لا ماحطني محامي ولاشئ.. بس حبيت اوضح لك الي شفته. هدى: ع العموم كل شئ واضح ومايحتاج توضح شئ.. وصل له هالكلام ترى كلامه ماهمني لا هو ولاغيره.. وانا متربيه احسن منه ومن غيره ..تركى الي فهم انها كانت تقصده بكلامها تركى: والنعم فيك محد قال فيك شئ انتي تربيه ابوفارس وام فارس ونعم التربيه هدى: ماعليك زود وتسكت هدى بعد ماطلعت الي بقلبها.. ورجع الصمت يعم السياره. وبعد دقائق معدوده يوصلون لبيت هدى تنزل هدى لبيتهم تركى ومنال الي كانوا يناظرونها وهي تمشي بخطوات ثقيله ومهمومه تركى يلتفت ع منال: منال.. اسمعي لا ابوي ولا احد يدري بالسالفه فاهمه منال: اكيد: ان شاء الله تركى: انا اتفقت مع راكان مايجيب طاري لاحد ولا لبوي وانا دقيت ع محي دين وعدني انه مراح يوديهم لاي مكان مره ثانيه منال: ماعليك حتى هم خذوها درس مستحيل يتعودونها تركى: ان شاء الله نفع معهم هالدرس.. وانتهاء هالنهار بعد ما امتلت القلوب بحقد وضغينه ع بعض و تجريحات في كرامه بعضهم و مواجهات وصراعات قويه .. كانت كفيله انها تنسيهم مدى صله قرابتهم بعض .. مآضَرنيْ إلا الذين " عرفتَهم " ! .... جزَى آلله خيراً / كُل مَن [ لَستُ أعرِف...ْ~ |
|
|
#54 |
|
|
دكتور عالجني.. اذا عندك علاج .. مجروحه عيت لاتطيب الجروحي..!! ْ~ وعد الي راحت للبيت بعد ما شافت موقف (هدى وراكان) وكيف كل واحد جرح الثاني ونسى صله القرابه الي بينهم .. وكيف الناس عايشه ع تجاريح في بعضها وعد تدخل البيت وتقعد بالصاله حست انها مهدوده وجسمها يألمها ومافيها حيل تطلع لغرفتها انسدحت ع الكنبه وهي لابسه عبايتها وصارت افكارها توديها وتجيبها وكيف ان موقف هدى كان يذكرها بموقف ياسر معها لمى ارسل لها المسج و كان كلامه بالمسج اقوى من طعن الخناجر بصدرها.. وكيف قط هالكلام وراح وخلها وهي تتعذب مع هالجرح ولافكر يواسيها وكان هالجرح اقوى جرح بحياتها لانه من اغلى انسان ماتوقعت منه يجي يوم ويجرحها فيه هنا وعد تناظر صوره ابوها الي كانت معلقه ع جدار الصاله وصارت تناظر صورته وتأملها اه يا يبا ليتك تحس فيني وتحس كيف انك تعذبني بقرارتك بهالحظه يدخل ابو مشاري الي كان جاي من الدوام ابو مشاري: اهلين الحبايب هنا وعد تستعدل بقعدتها : هلا هلا بالغالي وتقوم تبوس راسه ابو مشاري: سلامات وش فيك منسدحه بالصاله ولابسه عبايتك بتروحين مكان؟ وعد: لالا بس تونى جايه وحسيت ان جسمي مهدود ماقدرت اصعد لغرفتى ابو مشاري الي حس بخوف ع بنته:بسمله عليك.. قربي اشوف ويحط يده ع جبهتها اف اف عليك حراره وعد: هاه لاماتوقع علي حراره بس الجو كان حار برا ابو مشاري: لالا يابوك لاتهملين عمرك امشي معي للمستشفى الحين وعد: لا يابه تكفى مابي اروح المستشفى اصلا مافينى شئ بس الحين اروح ارتاح واكون بخير ابو مشاري يقوم من مكانه: اصلا هالايام وانتي شكلك مو عاجبنى وجهك مصفر وماتأكلين ودايم نايمه وعد: لابس عشاني احاتي الامتحانات الي جايه والتخرج ابو مشاري: الله يوفقك يمي.. بس لازم نطمن عليك يالله انا استناك بالسياره وعدهنا سكت لانه مافي مجال للنقاش وعد تقول بنفسها: ياربي منك يا يبا ليش كذا؟ متحكم بكل شئ بحياتي وتمشينى ع كيفك ترمي الشيله ع وجها وتطلع مع ابوها بالسياره وعد تتأمل ابوها الي كان باين انه خايف عليها ويسوق بسرعه ابو مشاري: وعد امي لازم نسوي لك فحوصات شامله وعد : لايبا مايحتاج انا طيبه مافينى الا العافيه ابو مشارى: حتى لو طيبه ابي اتطمن عليك .. ماتشوفين كيف وجهك شاحب وجسمك هزيل وعد الي كانت حاسه بدوار السياره ومالها نفس لنقاش: براحتك يبا وعد وابو مشاري يوصلون للمستشفى. وعد تقعد بقاعه انتظار النساء وصارت تناظر وتأمل بالجالسين وبهالحظه تسمع وحده تنادي ياسر ياسر تعال.. وعد هنا صار ينبض قلبها بسرعه وارتبكت وصارت تناظرفيه أحد انتبه لها وكان ولد صغير واقف عند براده الماي يشرب الولد: لحظه يمه اشرب ماي لاينشغل في كلام الناس تفكيرك.. يكفي سميك اذا نادوه يربكني . . وعد تتنهت : يالله يا ياسر حتى سميك من الاطفال يربكني وتحط يدها ع راسها ياربي وين اروح مقدر انسى ياسر مقدر هنا تدخل المرضه : وعد محمد.. وعد الي كانت غارقه بأفكارها تنتبه لنارسه ..: يس يس وتروح مع المرضه الي قالت لها ان ابوها سبقها عند الدكتور وتدخل ع الدكتور وتشوف ابوها والدكتور قاعدين يتكلمون وعد: السلام عليكم الدكتور+ ابوها : وعليكم السلام ابو مشاري: تعالي يمي جنبي وعد تجي وتقعد بالكرسي جنب ابوها الدكتور وهي يقرى بالملف: اخبارك وعد؟ وعد: الحمدالله طيبه الدكتور: سلامات وش فيك؟ وعد الي ماتدري وش تجاوب: هاه علي حراره ابو مشاري يقاطع وعد: دكتور ماتأكله وجسمها هزيل وجها اصفر ياليت تسوي لها فحوصات تشوف الدم عندها كويس الدكتور يناظر وعد: شفتى كيف ابوك خايف عليك.. ليش متأكلين كذا تخوفينه عليك وعد: تبتسم ابو مشاري: ماعندي غيرها يادكتور اكيد بخاف عليها الدكتور: الله يخليها لك وعشان نطمنك بنسوي لها فحوصات شامله المرضه تنادي وعد: كم هير مدام وصارت تشوف حرارتها وضغطها وحلقها هنا الدكتور يقوم من مكتبه ويجي عندها وصار يتفحص وعد الي طلع ان عندها حراره خفيفه الدكتور يناظر ابو مشاري: فيها حراره خفيفه بس عشان نطمنك لازم الحين تروح مع المرضه للمختبر عشان نأخذ تحليل دم منها عشان الفحوصات وعد الي كانت تخاف من الابر : لا يبا مابي تحليل دم تكفى الدكتور يبتسم: ماشاء الله انتي كبيره وتخافين لاشكلك تدلعين ع ابوك بس وعد تمسك بكتف ابوها وهي تناظر الدكتور بنظره حقد ابو مشاري: حبيبتى لازم عشان نطمن عليك و لاتخافين انا معك وتروح وعد وابو مشاري والمرضه للمختبر المرضه تجهز الابره وعد شافت الابره صارت تبكي كنها بزر: لايبا تكفى مابي ابو مشاري الي كان ماسكها: لاتخافين الم خفيف بس المرضه تجي بالابره وتطلب من وعد تجلس بالكرسي وتمد يدها وعد وهي تبكى : لالامابي يبا انا طيبه مافينى شئ ابو مشاري: ادري يابوك بس نطمن نشوف الدم زين عندك ولا لا يالله عاد انتي كبيره وش خليتى للبزران وعد تضم ابوها بقوه وهي تبكي وهنا تسحب المرضه يدها ابو مشاري كان ضامها بقوه.. هنا وعد الي حاطه وجها ع صدر ابوها ومغمضه عيونها وكانت ستنشقت حنان ابوها الي لايمكن يعوضها عنه شئ بالدنيا وهنانست وعد ألم الابره الي كانت بوريدها وبعد ساعه تطلع التحاليل الي اظهرت ان وعد معها فقر دم ونقص فتيامينات وصرف لها الدكتور ادويه وفتيامينات وعطاها موعد بعد شهر وهم راجعين للبيت وعد تفكر بالي صار اليوم وكيف كان حب ابوها وحنانه و خوف عليها بأين اليوم كوضوح الشمس وكيف ان حب ابوها راح يحرمها من ياسر ياربي مابي اخسر ابوي هو شمعتي ولا ابي اخسر ..ياسر هو دنيتي بس ياسر جرحني و راح والحين رجع يبينى بعد ايش؟ بعد ماتعودت ع غيابه وع جرحه هنا وعد تذكرت كلام ياسر الي جرحها وقهرها روح يا ياسر روح وكمل غيابك ولاتلتفت يمي هالكلام كله كان يقوله عقل وعد .. لكن قلبها كان يقول شئ ثاني اه ياربي بس انا احبه و مقدر اعيش من دونه والله مقدر حياتي ماتسوى من دونه ماتسوى ابو مشاري الي كان يسوق بسرعه ومنتبه لوعد الي كانت تناظر الشباك هدى السرعه شوي: وعد يابوك؟ وعد: لبيه.. يبا ابو مشاري: لبى قلبك.. وعد يا ابوك انا عارف وش فيك.. بس لازم تنسين وتعيشين حياتك وتهتمين بصحتك وعد الي كانت مو فاهمه شئ: انسى ايش يبا؟ ابو مشاري.. تنسين ياسر ايه يابوك انسيه امحيه من عقلك وقلبك وعد الي كانت مصدومه من كلام ابوها وسكت وحست ان ابوها كنه قاعد يقرى افكارها ابو مشاري: وعد حبيبتى انا رديت لعمتك قبل يومين وقلت لها انك رافضه ياسر وتبين تكملين دراستك وقلت لهم يقفلون الموضوع.. وعد الي كانت مصدومه : ايش؟ ليش .. وبداخلها كان ودها تصرخ بوجه ابوها والدنيا سواء.. وتقول كافي تعذيب ارحموني تكفون كافي ابو مشاري: حبيبتى ابيك تعرفين شئ واحد اني احبك اكثر شئ بالدنيا وكل شي اسويه لمصلحتك وقلتها لك مراح ارضى لك تعيشين بعيد عني وبديره خلاص انتهاء هالموضوع و ماعاد ابي اسمع طاريه وعد من الصدمه والقهر الي فيهاماقدرت تتكلم وحست الدنيا تدور فيها وهنا تسند راسها ع وراء ومغمضه عيونها ماتبي تشوف شئ ابو مشاري يناظر فيها ومتقطع قلبه عليها بس كان هالمنظر اهون عليه من ايشوفها عايشه بعيد عنه وبديره وكان مستحيل يخليها تتزوج ياسر الي عايش بديره ومستواه المادي ضعيف وحاط في باله انها مع الايام بتنسى ياسر وكان يظن ابو مشاري ان سعاده بنته بالقصور والفلوس مادرى ان الحب لاجمع بين شخصين ينسيهم وين ساكنين وكيف عايشين..و هذي أكبر سعاده بالعالم لمى الحب ينسيك الدنيا ومافيها وعد الي كانت ساكته و دموعها ع خدها من تحت الغطاء الي كان ساتر دموعها وحزنها وألمها ابو مشاري: وعد أمي ..لاوصلنا للبيت اكلى علاجك وارتاحي ولاتفكرين بشئ الزم ماعليك صحتك يابوك وعد وهي مخنوقه من القهر و حاسه بضيقه بصدرها وتقول بنفسها:أه يبا تفكر بصحتى هو بقى فينى شئ صاحي بعد هالخبر والقرار الي صدرته تقتلني بالحياه وتبينى ارتاح كيف؟ بعد لحظات الي حست وعد انها طويله وهي ماسكه عمرها قدام ابوها يوصلون للبيت وعد اول مادخلت البيت راحت لغرفتها ع طول وقفلت الباب بسرعه ورمت نفسها ع السرير وصارت تبكي من اعماق قلبها وكانت مع كل دمعه تنزل من عينها كانت صوره ياسر مرسومه فيها.. وكانت تتذكر ابتسامه ياسر ضحكته &سوالفه& مسجاته& حبه كل شئ كان يمر عليها وعد تتنهت:أ ياياسر ليتك تدري وش كثر معزتك وحبك بصدري بس القدر مايبي يجمعنا ياربي رحمتك ساعدني وصبرني يارب وعد من كثر مابكت وتألمت وتزاحمت صور ياسر بأفكارها نامت وهي ماحست بنفسها وماقسى من نومه الي فاقد غالي.. احيانا يشوف الي فاقده بأحلامه واحيانا يوافق حلمه واقعه ولايشوفه.. وهذا كان حال وعد.. لا حلم جآبك و لا بواقعي جيت ............... شفت آلبخت لا مآل وشلون صآير ..! ْ~ْ~ ######################### (آمتحآني) صعب .. رز وآنتبه وبعدهآ يآلله عسآنآ نستريح ل (سؤآل) يزيد قدر مرتبه بس يآ (شآطر) ترد لآ تطيح ومع بدايه امتحانات الفصل الثاني انقطعو البنات هالفتره عن بعض وكل وحده كانت مشغوله بالمذاكره وبامتحناتها وفي بيت راكان الساعه 12 اليل.. عهود تكوى ثوب راكان وحاطه الكتاب جنبها وشوي تكوي وشوي تناظر الكتاب وتحفظ وكان امتحان بكره ماده صعبه ويالله تلحق عليها بالمذاكره وبهالحظه يدق جوالها وكان المتصل ايمان.. هنا عهود تناضر الجوال وتفكر وش عندها ايمان داقه هالوقت؟ ياربي ارد ولا لا لامراح ارد اكيد تبي تكلمنى بموضوع غلا عهود هنا تتنهت اه مو وقته يا ايمان والله مو وقته وتأخذ الجوال وتحطه ع الصامت.. راكان الي يدخل بهالحظه: هاه يالدبه خلصتي ثوبي ولا قاعده تسولفين بالجوال عهود: لا والله ماكلم بس كنت اشيك ع الجوال . وترمي عليه ثوبه. هاك ثوبك ترى اذيتنا ماكن احد عنده بكره اجتماع بالدنيا غيرك راكان: هههه اخ منك يالدفشه الناس تعلق الثوب مو ترميه كذا عهود: ههههه و انا كم مره اقولك انا غير الناس وتأخذ كتابها وتطلع لغرفتها تكمل مذاكره باليوم الثاني بالجامعه عهود كانت توها طالعه من قاعه الامتحان بعد مازفت لان الامتحان كان صعب والاسئله كانت تعجيزيه وهي طالعه من الكلاس مع نوال الي كالعاده مزفته معها وقاعدين يتحلطمون ع الامتحان الا ايمان بوجهم.. ايمان : هاي بنات عهودالي ارتبكت: هههلا ايمان نوال: هلا ايمانوه ويسلمون ع بعض ايمان: اخباركم بنات وكيف امتحانكم اليوم؟ نوال تبوز: يختي كالعاده زفت ايمان: اف ليش لهدرجه صعب عهود: مره موت كله من هالدكتور مريضه نفسياً ايمان: الله يعينكم.. بنقعد نسولف كذا واقفين نوال: لاطبعاً امشوا نروح للكفتريا عهود: لامافينى ادق مشوار للكفتريا ايمان: حتى انا نوال : يؤه اجل انثبروا هنا يالعجز وانا بروح اجيب لنا شئ نشربه بعد مانشف ريقنا هالامتحان ايمان تمسك بيد عهود وصاروا يمشون بساحه الجامعه مع بعض ايمان بعد صمت طويل: عهود عهود: هلا ايمان: عهود ابي اتكلم معك بصراحه.. عهود: امري ايمان: عهود.. ليش تتهربين مني عهود: هاه من قالك اني اتهرب منك اصلا ليش اتهرب؟ ايمان: مدري والله بس حسيت.. ماتردين ع مكالماتي ولا مسجاتي ومعاد اشوفك بالمره عهود: ماكنت اتهرب بس كنت منشغله بالامتحانات شوي ايمان : طيب وش رايك نقعد ابي اكلمك بموضوع عهود: اوكيه عهود تقعد هي وايمان ع كرسي بمر جانبي بعيد عن الازعاج وزحمه البنات عهود ظلت ساكته ومرتبكه لانها عارفه الموضوع الي راح تتكلم فيه ايمان ايمان: عهود .. اختي غلا قطعت قلبي كل يوم تدق علي وتسألني عنك لانك من طلعتي منها مارديتي لها خبر عهود هنا تذكرت منظرغلا وهي ع سريرها الابيض وماتدري وش تقول لا ايمان.. عهود : والله ادري اني مقصره معها ..وانا اسفه اني مارديت عليها بس زي منتي عارفه يا ايمان هذا موضوع يبيله تفكير وانا بصراحه بالوقت الحالي مقدر افكر فيه الا لمى اخلص امتحاناتي ايمان: طيب اهلك يدرون بالموضوع ولا لسى؟ عهود: لالا محد يدري حتى بنات عمي مابي احد يعرف لين اخذ قراري بل اول ايمان: اوكيه براحتك بس تكفين لاتطولين حتى لوكنتي رافضه مابي اختي غلا تعيش ع أمل بقرارك اكثر من كذا وفجأه تنصدم عهود وهي تناظر بالارض: ان شاء الله مايصير الا كل خير ايمان: عهود..لاتنسين ان اختى غلا اختارتك من بين كل البنات لانها عارفه انك فيك الخير ومراح تخيبين ظنها ومراح تلقى غيرك يساعدها ويريحها عهود الي كانت تعبانه من هالموضوع وفي صراع بين عقلها وقلبها هنا يدق جوالها.. عهود ترد بسرعه لانها تبي تتهرب من الموضوع : هلا نوال نوال: وينكم انا بالكفتريا بتجون ولاجي انا؟ عهود: لالا خليك احنا جاينك الحين ايمان تناظر عهود الي حست انها ماتبي طاري هالموضوع بالمره عهود وهي تقفل الجوال: ايمان امشي نروح لنوال تنتظرنا بالكفتريا ايمان : لاحبيبتى انا مشغوله بروح للمكتبه عندي تصوير اوراق وحوسه وبعدها طالعه للبيت وراي امتحان بكره صعب عهود: براحتك يالغلا ايمان : اشوفكم ع خير بكره وسلمي ع نوال عهود: اوكيه ياقلبي ع خير ايمان تمسك بيد عهود بقوه: عهود اوعدينى تردين ع غلا بسرعه بعد الامتحانات عهودالي حست بأحراج من تهربها: وعد ان شاء الله وسلمي ع غلا وخليها تعذرني ايمان : معذوره يالغلا يالله مع السلامه هنا تترك يد عهود وتروح عهود هنا حست بضيقه وحزن كيف انها كانت تتهرب من مواجه ايمان وغلا الي تأملوا فيها الخير وعلقوا فيها أمل كانت خايفه من مواجهتهم لانها ما تبي تضعف قدامهم وينكسر قلبها ع غلا وتوافق عهود ماتقدر تتحكم بقلبها ومشاعرها الي دايم تطغى ع تفكيرها وعقلها والي مستعده تضحي بنفسها ع حساب سعاده غيرها.. عهود: تقعد ع الكرسي لانها حست بحمل ثقيل ع كتافها ياربي لهدرجه انا قاسيه تركت هالمريضه تتأمل فيني خير ولارديت عليها حتى بمسج يقطع ع تفكيرها وحزنها نغمه جوالها عهود ترفع الجوال بهدوء وتناظر كان المتصل نوال عهود ترفع الجوال بصوت حزين: هلا نوال بصوت عالي ومستلجه: عهودوده وينكم ترى طفشت وانا قاعده لحالي عهود : يالله جايتك الحين بس كنت اودع ايمان نوال: ليش موجايه معك؟ عهود: لا عندها شغل بالمكتبه وبعدهابتطلع للبيت نوال: طيب وش تنتظرين انتي؟ تعالي ومري هدى وشوفي خلصت امتحانها جيبيها معك عهود: طيب الحين اروح اشوفها وتقفل الجوال أه يانوال ياحظك عايشه حياتك و ماعندك شئ يشغلك ولاهم يتعبك وينكد عليك حياتك ليتنى مكانك والله لاكون اسعد انسانه.. هذا حال المهوم لمى يوصل لقمه الهم ينظر لغيره و يحسدهم ع حياته ضآعتّ معَآني قصتّي |وأحتَرتّ|وشلُونّ أسترِيّح..؟ كُليّ إجَآبآتّ وعَذآبّ وبَعّض صَمتيّ أسّئلَه .. عينّي بهَآ [ العَبّره ]وأنآ دآخلّي قلّبٍ جريّح.. وإحسَآس يحيّى بدآخلّي وأرجَعبِ.. قسّوه أقتُله .. /محّتآر / أبكّي وأبتسمّ وأضحَك وأعآندهُم وأصيّح.. صآرَتّ حَيّآتي كُله( مَهّزلَه فيّ مَهّزلَه |
|
|
#55 |
|
|
كذاب من قال المحبه / تساَهيل.. راحو ضحيتها عيال / الحمايل .. ْ~ بالاسبوع الثاني من بدايه الامتحانات .. وكان مابقى الا ايام معدوده وتنتهي فيها الامتحانات وبكذا تنطوي السنه الدراسيه صفحاتها وذكرياتها الحلوه والمره.. معلنه رحيل عام دراسي .. شهد الي خلصت امتحانات قبل البنات بأسبوع.. ترسل مسج للبنات وكان المسج.. ( هاي .. بنات اخباركم؟وحشتوني مره مره حبيت اقولكم الخميس الجاي حفله تخرجي في بيتنا المصون وياويلها وسواد ليلها الي تعتذر تراكم كلكم مطلوبين امنياً بالحفله هع انتظركم حبايبي/ سي يا.. شهوده الحلوه) نوال الي كانت قاعده ع الكنبه و تقرى المسج: منالوه قريتى مسج شهد منال وهي فاتحه الكتاب وتذاكر بصوت عالي واخلاقها قافله : ايه قريته نوال: تقول الخميس الجاي حفله تخرجها منال: طيب.. روحي بشري امك نوال: هههه ياسخفك منال: انتي اسخف.. اقولك ايه قريته تروحين تعيدين لي الكلام يعنى مافهم انا نوال: مالت بس محد يسولف معك انتي منال: هذا وقت سولف . نوالوه خلينا اذاكر ولا عشان بكره عندك اوف بتقلقينا نوال: خلاص ذاكري يمال الاسئله السهله ان شاء الله منال: يالبيه.. شكراً يالبى قلبك كثري من هالدعاوي تكفين نوال: ان شاء الله ع ماي نوز منال: عليه الشحم المعفن هههههههههه نوال: هههههه وجع .. يالله بس انا نازله اشوف التلفزيون يقلون اليوم فيه فلم خقاق ع ام بي سي فور وتحرك حواجبها لمنال منال وهي منقهره: اخ منك يالنذله مفروض تقعدين مع اختك تواسينها وتأزرينها وتسوين لها كافي ينشطها نوال: لالا مالي شغل بأحد.. امي جابتني لحالي وتفتح الباب وتطلع منال ترمى المخده ع الباب وبصوت عالي: اوريك يانوال بعد بكره عندي اوف والله لاردها لك يالنذله تهئ .............................. .................... .............................. ...... نوال تنزل تحت وكان البيت هدوء ومظلم ومافي الا نور الابجوره الي بالصاله وكان الكل نايم لان الساعه كانت 1 اليل.. تروح نوال للمطبخ وتسوي لها سندويشات وشاهي وتقعد بالصاله وتوها مسكت الريموت بتشغل التلفزيون تذكرت نوال ابوها: يؤه اخاف ابوي يقوم علي ويشوفنى قاعده ع التلفزيون ويعطينى محاضره طويله وعريضه ماني ناقصه محاضرات انا بروح للمشب( بيت الشعر ) بره اشوف التلفزيون ع كيفي محد يزعجني ولايشوفني ابوي وتشيل نوال الصينيه وتطلع للمشب الي بره ولمى قربت من المشب الا تسمع صوت بالمشب نوال وقفت بجنب الباب الي كان مردود شوي وصارت تسمع من هذا صوته؟؟ تركى يتكلم : ياسيف ياخوي كيف افهمها وابين لها اني احبها وابيها.. خلاص احس خربت كل شئ بيدي.. حتى لو اخطبها ماضنتي بتوافق .. اقولك شاله علي مره تركى يسكت وكان يسمع لسيف نوال لمى سمعت الكلام بقت عيونها وقربت اكثر السالفه فيها حب وخطبه ياحبيبي.. تركى: ادري والله اني غلطان بس ماقدرت امسك نفسي لمى سمعت كلامها و الحين هي مأخذه ع خاطرها مني ومدري كيف اتأسف منها واصلح الفكره الي مأخذتها عني احس من بعد هالموقف شاله علي مره تركي يسكت شوي تركي: يؤه انت ماتعرفها هذي عنيده وقويه ولسانها وش طوله مدري والله كيف حبيتها الحب اعمى زي مايقولون.. نوال وهي تحاول تقرب وتلصق اذنها بالباب لانه كان فيه هواء وما صارت تسمع زين مالت الصينيه الي كانت ماسكتها بيدها وطاح كأس الشاهي منها ع الارض وانكسر طخخخخخخخخخخخخخ نوال : تشهق وتحط يدا ع فمها يؤو تركى سمع الصوت نقز بسرعه و فتح الباب بقوه هنا شاف نوال مرتبكه وحالتها حاله وتحاول تلم القزاز تركى الي كان مصدوم : نوال وش قاعده تسوين هنا ؟ نوال وهي مرتبكه: هاه كنت جايه ادور شاحن جوال تركى الي كان خايف تكون نوال سمعت الكلام الي دار بينه وبين صديقه سيف تركى بنبره حاده: طيب.. من متى وانتى هنا؟ نوال تونى الحين وانا بدخل المشب صدمه الصينيه بالباب وطاح الكاس وانكسر تركى: طيب طيب لمى القزاز يالله لاحد يدوسه نوال من الخوف: ان شاء الله ان شاء الله تركي بعد ماقفل الجوال بوجه صديق عمره سيف لمى سمع الصوت .. راح لغرفته وهو يفكر ياترى نوال سمعت كلامه مع سيف ولا لا تركى وهوداخل الغرفه يولع النور ويحط الجوال ع التسريحه وصار يناظر نفسه بالمرايا يالله لو يكون نوال سمعت الكلام اكيد بتقول لمنال وين اودي وجهي من خواتي.. اكيد راح تنهز صورتي قدامهم .. بس ماتوقع انها اسمعه شئ ..الله يقطع ابو الحب وسنينه بس كل هالافكار المتضاربه كانت براس تركي نوال الي كانت تلم القزاز اخ منك ياتريكي ماتوقعتك كذا طلعت راعي بنات و تحب بعد .. اه بس ليتنى اعرف منهي الي جابت راسك؟ وخلتك تحبها ولا بعد ناوي تخطبها لازم اقول لمنال .............................. ............... منال بعد صكرت الكتاب ونبهت جوالها ع الساعه 3 عشان تقوم وتراجع تحط راسها الي تحس انه ثقيل من المعلومات ع المخده وتوها بتغفي الا باب الغرفه ينفتح بقوه الا هي نوال: منال منال قومي منال هنا تنقز من سريرها وتحط يدها ع قلبها : بسمله الرحمن الرحيم وجع وش فيك؟. نوال: منالوه عندي لك سالفه خطير منال: وهي نبضات قلبها تنبض بسرعه من الخوف: نعنبو بليسك كل هالهجوم عشان تقولين سالفه انتي شكلك منتي مرتاحه لين ترقديني بمستشفى شهار نوال: بلا تحلطم زايد اسمعي الي بقوله وعقبها نوديك شهار ونرقدك هناك ع كيف كيفك هههههههه منال: سمله علي ان شاء الله انتي.. اخلصي وش عندك نوال: اسمعي .. وتقول لمنال الي سمعته من مكالمه تركي وصديقه منال مصدومه : من جدك انتي؟ اخافك خابطه السالفه وماسمعتي زين نوال: اقولك بأذني سمعته محد قالي منال: اف اف منت بهين ياتركي نوال: شفتي يما تحت السواهي دواهي منال: عادي لاتكبرين الموضوع طيش شباب و اغلب الشباب يمرون فيها نوال: لالا السالفه اكبر هذا يبي يخطبها ويتزوجها منال: يؤه معقوله ماني مصدقه بصراحه..تركي الي مسوي انه شخصيه ودايم يسب بالحريم ومايعترف بالحب والخرابيط يطلع يحب!! نوال: شفتى .. والله انا وانتي عايشين بالكهف الناس طلعوا يحبون واحنا راقدين منال: هههه تقصدين من غير تركي راكان صح نوال هنا تعصب: من جاب طاري راكان الحين هاه منال: اجل من غير تركي مافي غير راكان بس تصدقين اول شئ طلع راكان عنتر زمانه والحين تركي والله يستر من الي بيطلع بعد. . اعيالنا طلعوا حبيبين ههههه نوال: والله تنكتين انتي وجهك بس مافي وجه مقارنه بين راكان وتركي راكان يحبنى لاني بنت عمه ومن العائله بس وتركي ماندري يحب من ؟ اتوقع وحده من بره العائله وحده تعرفه وتكلمه لانه باين انها يعرفها مره منال الي كانت مقهوره من اخوها الي صدمهم : والله صادقه.. الله يهديه بس نوال: امين بس اموت واعرف منهي؟ نفسي اشوفها اشوف ذوق تركي ذا الي مسوي شخصيه علينا منال: خلاص الله يرج بليسك وين جبتى لي هالسالفه نكدتي علي ..روحي بس خلينى ارقد شوي وراي امتحان احس مافي شئ لصق بمخي نوال: خلاص ارقدي الله يغير ع عدوينك ياتركي كنت ناويه اسهر واكيف ع التلفزيون كله من عيونك يالدبه منال وهي حاطه راسها ع المخده ومغمضه عيونها ايه هذي حوبتي .. يالله اص خلينى ارقد وماهي الا دقايق معدوده حتى راحت منال بنوم عميق وتركت نوال الي قعدت طول اليل تفكر بأخوها تركي وبالكلام الي سمعته وكيف ان المظاهر خداعه وخاصه بهالزمن.. .............................. .................... .............................. ... اليوم الثاني في بيت ابو عبدلعزيز كانوا العائله متجمعين ع العشاء وكان معهم ع السفره عبدالعزيز وساره الي جاو يتعشون عندهم ابو عبدالعزيز: منال يمي خليتى عشاء لاخوك تركي منال وهي تأكل: لايبا دقيت عليه قال انه بيتعشى بره نوال الي شافت دانه طالعه من المطبخ مع لينا ومن دون شعور رمت الملعقه بقوه ع الصحن وصارت تصارخ: دندونه امي تعالي عند عميمه تعشيك ابو عبدالعزيز يعصب ع حركتها: نوال عيب عليك تصارخين وانتي ع الاكل احترمي النعمه نوال الي حست بأحراج قدام عبدالعزيز وساره: ان شاء الله يبا منال فيها الضحكه وتناظر نوال: لالا بتجي عندي انا الي بعشيها ساره: لافديتكم عشتها لينا قبل شوي بالمطبخ وتجي دانه عند ابو عبدالعزيز وتقعد بحضنه: فيه العافيه ياعيون جدو منال : ايه صدق عبدالعزيز ياخوي العزيز طلبتك عبدالعزيز وهو يبتسم: عطيتك يالدبه وش عندك منال: لاحظوا قال عطيتك مو تراجع بكلامك ابو عبدالعزيز: الله يعينك قطيت هالكلمه ترى بتمسكها عليك الكل هههههههههههههههههههه منال: هههه ايه لازم الواحد يكون قد كلمته عبدالعزيز: طيب ياشيخه قلنا عطيناك امري انتي بس منال: انا بكره عندي اوف يعنى ماعلي بكره امتحان تكفى اسهروا عندنا اليوم من زمان عن سويره ام الخلاقين ساره:ههههههه هين يالدبه انا سويره ام الخلاقين وتبينى اسهر عندكم عبدالعزيز : هههههه طيب ماعندي مانع هذي ساره عندك اذاودها منال: الا ودها لول وناسه نوال: وانتي وش دراك انه ودها يمكن ماتبي تسهر عندك تغصبين المره بعد صدق ماتستحين منال: ههه ههه انا وسويره نصطفل بعدين انتى وش دخلك اصلا عندك امتحان بكره يعنى مراح تسهرين معنا وتحرك حواجبها نوال تناظرها بحقد: اشهد انك نذله منال: رديتها لك ههههههه ابو عبدالعزيز: هههههههههههه مدري متى تكبرون ياذا البنات ابو عبدالعزيز: وين يكبرون يبا وانت مدلعهم ابو عبدالعزيز : الله يخليكم لي وادلع اعيال اعيالكم الكل: أأأأأأمين ويقوم ابو عبدالعزيز وهو شال دانه الحمدالله ساره: فيه العافيه عمي ابو عبدالعزيز : الله يعافيك.. جيبوا لنا الشاهي بالصاله يابنات منال: ان شاء الله يبا ...................... وبعد العشاء نوال طلعت تذاكر بغرفتها وابو عبدالعزيز قعد معهم شوي وراح ينام بغرفته وقعدت منال وساره وعبدالعزيز يسولفون وخذتهم السوالف لين الساعه 12 اليل عبدالعزيز يناظر ساعته: ساره ماودك نمشي الساعه صارت 12 منال: يؤه لا تو الناس عبدالعزيز: وين تو الناس ياحلوه ترى وراي دوام بكره بس عشاني قلت كلمه ونشبت منال: هههههههه طيب ساره: يالله حبيبتى لاعطلتوا ان شاء الله اجي واسهر عندكم منال: ان شاء الله وعد ترى ساره تبوس منال: وعد ياقلبي وبعد ماراحو طلعت منال لغرفتها وقعدت ع المسن تشيك ع بريدها وبهالحظه تجيها اضافه غريبه منال: ياربي من؟ بقبل وبشوف مين!! mzajeeh مراحب.. أضنآإني آلشوق مرحبتين mzajeeh مين معي؟ أضنآإني آلشوق انتي منال؟ mzajeeh ايوه من من انتي؟ أضنآإني آلشوق بصراحه ماتوقع تعرفينى بس انا اعرفك mzajeeh كيف؟ تعرفينى وانا ماعرفك أضنآإني آلشوق بصراحه انا جايه وطالبه مساعدتك.. منال اثق فيك؟ mzajeeh شوفي اختى بصراحه الثقه هالايام شبه معدومه بس دامك جيتي لعندي فا ابشري بعزك وثقي تماماً انى راح اساعدك لو طلع بيدي أضنآإني آلشوق توعديني يامنال mzajeeh اوعدك تفضلي أضنآإني آلشوق بصراحه يامنال انا مو بنت انا ولد mzajeeh فيس مصدوم *_* ولد وكيف تعرفني؟ أضنآإني آلشوق سالفه طويله انا بصراحه ماعرفك شخصياً بس سمعت عنك كلام طيب وانك انسانه طيبه . mzajeeh طيب اخوي شوف ترى انا ماضيف شباب ولا اتكلم معهم بس عشاني وعدتك اني اساعدك راح اسمع لك .. أضنآإني آلشوق فيك الخير والله mzajeeh فابغى اعرف الحين من انت وكيف اساعدك؟؟ أضنآإني آلشوق انا ياسر ولد عمت وعد صديقتك mzajeeh فيسات مصدومه *_* *_* ياسر الي كان خطيب وعد ماغيره ؟ أضنآإني آلشوق ايه ياسر الي كان خطيب وعد زي ماقلتي mzajeeh بصراحه ماني مصدقه حاسه ان السالفه مقلب أضنآإني آلشوق والله انه مو مقلب منال انا تعبان والله ماجيتك الا لان الطرق انسدت بوجهي انا حاس اني بموت من كثر الهموم طلبتك ساعدينى mzajeeh الله يكون بعونك اخوي والله حاسه فيك بس ممكن اعرف كيف جبت ايميلى؟ أضنآإني آلشوق بصراحه انا عندي بسورد ايميل وعد كنت ادخل عشان اضبطه لها قبل وشفت ايميلك وكنتي كاتبه توبك منول فعرفت انك منال صديقه وعد الي دايم تكلمنى عنك وانك اقرب صديقه لها mzajeeh طيب وكيف تبينى اساعدك وانت عارف ان الامر لاهو بيدي ولابيد وعد .. كل شئ بيد ابوها أضنآإني آلشوق لا كان بيد وعد بس هي ماعادتحبنى خلاص ولاتبيني. mzajeeh ياخي حرام عليك تظلمها والله مو بيدها أضنآإني آلشوق لا يامنال الامر كان بيدها بس هي الي رفضتني اجرحتني يامنال mzajeeh اخوي بصراحه انت الي بالبدايه جرحتها .. برسالتك الي قالت لها فيهاروحي خلاص مابيك وكل واحد يروح بطريق والحين تبيها ..كيف هي الدعوه لعبه؟ أضنآإني آلشوق منال انتي مقدره جيتي عندك؟ mzajeeh مقدرتها اخوي وع العين والراس والله أضنآإني آلشوق منال لاتزيديني تكفين.. انا مابي الاشئ واحد بالعالم ابي وعد تكفين يامنال ابيها mzajeeh فيس يبكي ..طيب وش يطلع بيدي اخوي والله مابيدي حيله أضنآإني آلشوق بس ابيها تكلمنى ابي اعرف ليش رفضتني ابي اقتنع مو مصدق انها رفضتني mzajeeh شوف اخوي صدقني الرفض ماجاء من وعد جاء من خالك واصلا هي ماتدري انه رد لكم الا بعد يومين.. انا اسفه اني اتدخل بأموركم بس هذا الي اعرفه وحبيت انك تعرفه أضنآإني آلشوق لا اختى لاتأسفين انا الي اسف اني ازعجتك بس تكفين ابي اسمع منها خليها ترد علي mzajeeh طيب ارسلها مسج ولا كلمها أضنآإني آلشوق عجزت ادق وارسل صار لي اسبوعين مو راضيه ترد علي حتى ايميلها معاد تدخل mzajeeh يمكن مشغول بالامتحانات طيب اسمع اخوي انا بيدي شئ واحد اني ادق عليها واخليها تدخل مسن وتفاهمون مع بعض وانا طلعوني من الموضوع.. أضنآإني آلشوق اوكيه .. انتظرك mzajeeh برب أضنآإني آلشوق تيت ........................ منال تأخذ الجوال وتدق ع وعد وتقولها السالفه ولازم تدخل ضروري وعد ترفض تكلم ياسر كانت ماتبي تنبش الجروح والماضي وعد : لايامنال قولي له يروح مابي اتكلم معه منال: وعد تكفين قولي هالكلام له وطلعينى من الموضوع وعد: طيب خلاص انا الحين داخله ........................ أضنآإني آلشوق ؟؟؟؟يرسل تنبيهات منال وينك اكيد قاعدين تتفقون علي mzajeeh لاحول ولاقوه الا بالله وش فيك اخوي وين قاعدين بحرب حنا نتفق عليك أضنآإني آلشوق طيب وينها ليش مادخلت؟ تكفين منال خليها تكلمني بس ابي اقولها كلمتين mzajeeh طيب طيب اصبر يابن الحلال الحين انا اقنعتها شوي بتدخل.. .............................. ................ بعد دقائق وعد تدخل مسن وكانت مرتبكه وخايفه وحاسه بحنين وحزن و شعور ماعرفت تحد اتجاهه لانه صعب ينوصف هالشعور بهالحظه.. mzajeeh اخوي ياسر هذي وعد دخلت انا هنا تنهتي مهمتي أضنآإني آلشوق مشكور وبيض الله وجهك mzajeeh العفو اخوي وجهك ابيض بس انا الحين مضطره احط بلوك والعذر منك والسموحه أضنآإني آلشوق معذوره يابنت الرجال .............................. .................... ....... وعد الي كانت قاعده ع المسن ودموعها ع خدها لانها بدت ذاكرتها ترجعها للوراء وتذكر ايامها مع ياسر أضنآإني آلشوق وعد وعد وعد لجل الوعد لبيه أضنآإني آلشوق لبى قلبك ليش ياوعد ليش كذا اهون عليك؟؟ لجل الوعد وش الي ليش؟ أضنآإني آلشوق ليش هدمتي كل شئ ليش رفضتيني لجل الوعد مو هذا الي كنت تبيه مو انت الي قلت لي روحي انتي بطريق وانا بطريق من الي هدم كل شئ انا ولا انت ياياسر.؟ أضنآإني آلشوق وعد انا ادري اني غلطان و ما انكر هالشئ بس خالي ماترك لي مجال حسيت بأهانه وكنت وقتها معصب وقلت الي قالته لجل الوعد طيب.. وانت الحين جاي تحاسبني ع اني رفضتك يعني؟ أضنآإني آلشوق وعد ادري انك زعلانه مني بس وعد انا احبك وادري انك تحبيني ليش ترفضينى ليش؟؟ لجل الوعد ياسر خلاص تكفى رحمني شوي انا مابيدي شئ وابوي الي رفض مو انا أضنآإني آلشوق بس خالي قال الشور بيدك ليش وعد تسوين فيني كذا لجل الوعد ياسر انا عمري ماكذبت عليك ولا راح اكذب قلت لك ابوي الي رفض والله مو انا أضنآإني آلشوق وعد بذمتك.. عادك تحبينى ولالا .............. وعد ماترد أضنآإني آلشوق يرسل تنبيه وعد قولي الصدق اذا ماتحبينى وماتبينى قولي لي الحين رح ياياسر واروح وصدقينى راح اطلع من حياتك نهائياً لجل الوعد فيس يبكي.. اه ياياسر ليتنى ماحبك كان هانت اشياء كثير عندي أضنآإني آلشوق لاتكذبين علي ياوعد وش الدليل انك تحبينى اول شئ رفضك لي لجل الوعد والله مو انا الي رفضتك ياياسر افهمني ياخي أضنآإني آلشوق انا الي فاهمه الحين وعارفه انك معاد تحبيني ولا تبيني لاني مو من مستواك ولد فقر انتي تبين واحد نفس مستواك وعنده خير وفلوس يعيشك برفاهيه.. لجل الوعد ياسر كفايه تجريح وظلم تكفى كفايه كل هالحب ومابين بعينك انا وش بيدي اذا ابوي رافض يزوجنا أضنآإني آلشوق.. خلاص مابيدك شئ وروحي واطلعي من حياتي انا اصلا غلطان الي ذليت نفسي قدام منال عشان وحده ماتستأهل حبي أضنآإني آلشوق.. يبدو غير متصل.. سيتم تسليم الرسائل التي قمت بارسالها اليه عندما يقوم بتسجيل الدخول .............................. .................... ............ وعد هنا طاحت ع الكيبورد وصارت تبكي وتألم وكأن ياسر حط ع جروحها ملح ليش ياياسر ليش حرام عليك كذا تظلمني ليتك مارجعت وزدت جروحي جروح ماعلموك ان الجروح النازفه ,, تكره المس ..!! mzajeeh ترسل اشارات تنبيه لجل الوعد ماترد................... mzajeeh وعد وينك وش صار؟؟ ردي لجل الوعد يبدو غير متصل.. سيتم تسليم الرسائل التي قمت بارسالها اليه عندما يقوم بتسجيل الدخول تقفل وعد المسن والاب وترمي نفسها ع سريرها وتحتضن مخدتها الي كانت تواسيهاطول فترت حزنها والمها تعبت أنا أشكي للوساده حنيني... وأخفي بقلبي لهفته وانكساره ... وأشوف عمري ينطوي من سنيني ..... يبس بعد ماكان يغري خضاره... أنا أعترف اني خسرت وعطني ...... يدك عشان أهنئك بالصداره... |
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ