تعبنا ثلاث اسنين نتظر تخرجنا
بدينا بسم الله وبه حنا تعلمنا
هذا إحنا بنات وحقنا أمانينا
ياما في أيام تمنينا واليوم حقنا
رسمنا الفرحه على شفه اهالينا
بدهن العود طيبنا به اراضينا
ْ~
بيوم الخميس وبعد انتهاء الامتحانات وغثاها ,,كان هاليوم يوم تخرج شهد من الثانويه
شهد الي كانت فرحانه بهاليوم وبتخرجها بتقدير ممتاز وبنسبه عاليه 98%
وكانت الفرحه عامه الكل..
وخاصه ام وليد الي كانت مبسوطه بنجاح بنتها وبنسبتها الي ترفع الراس
الساعه 4 العصر تجمعوا البنات عند شهد بغرفتها
وكانت موعد ابتداء حفله التخرج بعد المغرب..
شهد الي كانت توها جايه من الصالون : بنات وش رايكم بتسريحه شعري كذا حلو
هدى: الله يهبل شهوده طالعه كنك ملكه
وعد الي كانت ترسم كحل لنوال..
وعد وهي معصبه: نوالوه لاترمشين كثير كذا دمعتي و خربتي الكحل
نوال الي صارت عيونها تدمع : اح اح يختي مقدر عيوني تدمع غصب
وعد وهي تمسح دموع نوال بهدوء: لاحول انا وش الي قردني
وخلاني اتميلح عندك وارسم عينك
نوال: امسحي وانتي ساكته ههه
وعد: ههههههه بعد هذا جزاي تكعميني اوريك ..
نوال: امون صح ههه
عهود ومنال الي كانوا حايسين يدورون فيش كهرب (بلاك) عشان الاستشوار
منال: شهوده ماعندكم فيش 220
شهد: والله مدري دوري عندك
منال: مافيه دورت..
شهد : روحي شوفي بغرفه وليد يمكن تحصلين
منال من سمعت طاري وليد خافت
منال: لالا يختي انتي روحي شوفي اخاف يطلع علينا
شهد: لالا هو مو هنا رايح يجيب الكيكه
عهود: يالله منول مافي وقت شوي بيأذن المغرب امشي ندور لنا فيش
منال: يالله امشي نشوف
هدى وين رايحين بجي معكم
وراحوا الثلاثه (هدى وعهود ومنال ) ..لغرفه وليد بعد ماتأكدوا ان وليد مو موجود بالبيت
اول مادخلوا الغرفه منال حست برهبه وشعور غريب
وكنها داخله غرفه اشباح..
ويطلعون البنات من غرفه وليد وهم ميتين ضحك خخخخخخخخخخخخ
ويروحون لشهد والبنات الي كانوا بغرفه شهد..
يتزينون ومانتبهوا لثلاثي الشرس وين اختفوا كل هالوقت ؟
ومر الوقت بغرفه شهد والبنات يتزينون ويتكشخون وخاصه
ان هالحفله راح يجون فيها.. صديقات شهد وبنات عمها وعماتها
وع الساعه 7 ام وليد تفتح باب الغرفه شهد
ام وليد: ماشاء الله وش هالزين..
شهد: عيونك ياماما الي تزن
ام وليد: بنات لاتنسون تقرون المعوذات الناس ماتعطي خير
هدى: لاخاله احنا العين تجي ولاشافتنا تقول لابرجع هونت
الكل خخخخخخخخخخخخخخخخخخخخخخخخخخخ
ام وليد: الله يقطع سوالفك ياهدوي.. المهم شهوده حبيبتى انا وام سامي وام مازن وعماتك بنقعد بالصاله فوق قولي للخدم يجيبون القهوه والشاهي والحلا لنا فوق
شهد :ان شاء الله يمه
نوال: عمه الدجيه وصل؟
ام وليد: ايه وصلت صاحبه الدجيه من زمان .. بس الحين تضبط وتشبك الوايرات
البنات كلهم لول وناسه
وعد: يالله بنات خلونا نرقص قبل يجي احد
وينزلون البنات تحت بالصاله وبدوا المعازيم يجون شوي شوي
حتى امتلت الصاله الي تحت بالبنات والمعازيم..
وكان من ضمن المعازيم صديقه شهد أسيل الي كانت اكبر منها بسنتين
لكن كانت صديقتها من يوم ماكانوا بلندن
وكانت اسيل مره دلوعه وفيها غرور مو طبيعي ومو شايفه احد
نوال: هدو شوفي اسيلوه ذي تدبل الكبد
هدى: مره .. اسكتي ودي اقوم امسح روجها ذا الصارخ بالارض
نوال: هههههههه ياليت
أسيل الي كانت تشرب العصير ورافعه عيونها فوق
شافت منال وهدى يناظرون فيها
نزلت كأس العصير ع الطاوله وصارت تمشي وهي رافعه خشمها فوق وتمايل بمشيتها
وكانت لابسه كعب عالي وتقرب جنب منال وتقعد
اسيل: اهلين
منال: هلا
اسيل: انتي منال بنت خال شهد صح؟
منال: ايوه وصلتي خير
اسيل: ايوه شهد دايم تكلمني عنك..
هدى الي كانت جنب منال تدوس رجل منال وتقول بأذن منال بصوت واطئ
هدى: منالوه وش تبين بهالمليغه تكلمينها؟؟
منال: تغمز لهدى وتقولها بصوت واطئ اص
اسيل: من هذي الي جنبك؟
منال: بنت عمتي هدى
اسيل: اها..
هدى بأذن منال: وجعاه
منال ماسكه الضحكه قدام اسيل
بهالحظه تجي شهد عندهم وهي مستعجله ..
شهد: بنات تكفون ابي مساعدتكم . وحده منكم تروح للخدم تقولهم
يطلعون لوليد من باب المطبخ الخلفي ويأخذون الكيكه منه
هدى : اقول امشي بس
وراحت منال وهدى وراء اسيل الي كانت تركض قدام المعازيم والناس..
اسيل تطلع من باب المطبخ الخلفي ..
وشافت وليد واقف وهو ماسك الكيكه ويشرب زقاره..
اسيل بكل تميع ودلع: اهلين وليد
وليد الي انصدم لانه يعرف اسيل.. كانت تدرس معه بنفس الجامعه بلندن
وكان ابوها صديق ابوه..
وليد وهو مصدوم: اسيل وش تسوين هنا؟
اسيل: جايه اخذ كيكه شهوده قالت لي
وليد وهو معصب: روحي داخل ونادي الخدم يالا هذا مو شغلك..
اسيل: اخص عليك ياوليد هذا جزاي جايه اشوفك..
وليد: بلاكلام فاضي ادخلي داخل لاتشوفين شئ مايرضيك
منال وهدى يدخلون المطبخ وماشافو اسيل بالمطبخ ..
هدى: وين راحت ذا المايعه ؟؟
وكانوا الخدم بالمطبخ قاعدين
منال تسألهم: مافي شوف هذابنت هنا..
الخدامه: يس مدام في روح هنا بره وتأشر ع الباب الخلفي
هدى تجر منال :امشي بسرعه قايله لك هذي وراها بلاء بس ماتصدقينى
وتقلد صوت منال( احسن الظن بالناس )..
اسيل: هات الكيكه اشيلها عنك وتقرب جنب وليد
وليد: قلت لك فارقي داخل ..
اسيل: وليد حرام عليك لاتعذبني .. انا احبك ياوليد
وبهالحظه تفتح هدى ومنال الباب بكل قوتهم طخخخخخخ
و هنا كانت الصدمه اسيل مع وليد الي ماكان يفصل بينهم سوى خطوتين ..
منال تشهق وتحط يدها ع فمها
هدى بصوت عالي: ماشاء الله الحبايب هنا ليكون خربنا الجو عليكم ولا شئ؟
اسيل الي كانت مرتبكه : خير انتي وياها وش تبغون؟
وليد الي حس انه تجمد بمكا نه وكان موقفه صعب ومو قادر يبره..
وليد وهو معصب: اقول انتي وياها ادخلوا داخل وبلاقله ادب يالله اشوف...
(منال وهدى من هول الموقف نسوا انهم طلعوا كاشفين قدام وليد)
هدى: نعم نعم اصلا انت اخر واحد يتكلم عن الادب ياقليل الادب..
منال: تسحب هدى : هدى تعالي .. لا تكلمين ناس ماتستحي امشي بس لانوسخ انفسنا فيهم
اسيل: والله ماوسخ غيركم اصلا انا انظف منكم ومن الي جابوكم فاهمين
منال بصوت عالي: تخسين الا انتي.. يالي ماتربيتي الشرها مو عليك
ع ولد الرجال المحترم الي واقف معك ..
وليد ماتحمل الكلام الي يسمعه من اسيل ومنال ويمسك اسيل من كتفها ويدفها
وكان يبغى يتخلص من هالموقف بسرعه ويصارخ: يلا اذلفوا داخل يالله
منال الي خافت منه وهو معصب و تسحب هدى ويدخلون داخل بالمطبخ..
منال هناماسكه نفسها لانها حست بغيره وقهر لكن ماكانت تبين لاحد
منال انصدمت من شعورها
وكانت تقول بداخلها( معقوله اغير ع وليد وليش؟؟ ياربي انا وش صاير لي)
اسيل تدخل وراهم وهي معصبه ..
اسيل وهي تصارخ: انا ابي اعرف انتم وش دخلكم فينا هاه صدق ناس حشرين
هدى: احنا حشرين تعالي اعلمك الحشر ع اصول وتمسك اسيل من كشتها
وصارت اسيل تصارخ اي
اسيل وهي تبكي: لالا شهد اسمحيلي انا ما اقدر استحمل ناس سوفاج كذا..
انا رايحه للبيت.
هدى: روحه بلارده ان شاء الله..
منال: ولاعاد اشوفك معتبه باب الفله فاهمه..
شهد هنا تعصب ع منال : منال خلاص الى هنا وحدك عيب عليك تطردين ضيوفي
منال تناظر شهد بقهر: العيب ياشهد انك تستقبلين ناس واطيه في بيتك هذا العيب
اسيل : مقدرت تتكلم وتطلع من المطبخ وهي تبكي
شهد راحت وراها
نوال: بنات وش السالفه علمونا
هدى & منال قالوا للبنات الي شافوه وسمعوه من اسيل وهي تقول لوليد انا احبك..
عهود: اوف ياقوها صدق ماتستحي
وعد: والله اجل زين تسون فيها..
بهالحظه شهد تدخل المطبخ وهي معصبه ع البنات
بعد ما اقنعتها اسيل ان البنات غيرانين منها وتهجموا عليها
شهد: بنات انتم ع عينى وراسي بس مايصير تسون كذا بيوم تخرجي
وخاصه باعز صديقاتي..
منال: شهد حبيبتى احنا اسفين بس والله ماقدرنا نشوف الغلط ونسكت
شهد: اي غلط اسيل تقول انكم تهجمتوا عليها كذا من دون سبب
هدى: ياربي ع هالبريئه و انتي صدقتيها
عهود: شهود حبيبتي اسمعي من البنات اول واسالي الخدم كانوا شاهدين ع الموقف
شهد: يالله انا اسمع فهموني وش اساس هالمشكله؟
وقعدوا البنات يقولون لشهد ويعلمونها وش صار
شهد: من جدكم بنات.. والله وطلعتى وقحه يا اسيل
وانت ياوليد شغلك عندي والله لا اعلم ماما عليك
هدى: اي والله امشوا بنات بحط لي رقصه خاصه هههه
احس اني مبسوطه
البنات هههههههههههههههههههه
وعد تمسك شهد: يالله ياحلى خريجه افرحي بيومك ولايهمك احد
شهد: هههه فديتكم بنات
وراحو البنات كملوا الحفله بعد ماقطعت شهد كيكه تخرجها وارقصوا وانبسطوا
ونسوا سالفه الهوشه او بالاحرى تناسوها
الا منال الي كانت مجروحه ومصدومه من الي شافته بس كانت تكابر
وتبين انها مبسوطه وانه مأثر فيها الي شافته
وكانت بقراره نفسها مصدومه من غيرتها ع وليد ومشاعرها الي مافهمتها..
وكانت البسمه مافارقت شفاها لكن كانت هالبسمه رسمه بس من دون ماتحس وتشعر فيها
اما شهد كانت مبسوطه وطايره من الفرح لان هاليوم كان بالنسبه لها كيوم عيد
.............................. .................... .....................
وليد بعد الموقف الي انحط فيه طلع من الفله وهو متضايق
وكان مابين عيونه الا صوره منال وهي حاطه يدها ع فمها بكل عفويه وبرائه
وليد: أه يامنال ليتك تدرين انه محد دخل هالقلب غيرك
الله لايبارك فيك يا اسيل لاحقتني بكل مكان بلندن وهنا
والله حسابك عندي بيكون عسير وماكون انا وليد ولد فهد..
وبهالوقت وليد يفكر كيف راح يوضح ويفهم منال
انه مظلوم وانهم افهموه غلط..
وليد يتوجه لبيت صديقه بدر الي كانوا الشباب متجمعين عنده
في مجلس بدر الشباب كانوا يلعبون بلوت وسوالف وضحك
الا وليد الي كان ساكت وماوقف شرب زقاير وباين ان فيه شئ
بدر الي كان يناظر وليد الي كان سرحان ومو صوبهم
بدر يقوم ويقرب لوليد
بدر : اها كان قلت كذا من اول
وليد: والله لو تشوفهم كيف يوم طبوا علينا تقول الهيئه ياشيخ مو بنات
بدرهنا يفقع ضحك : هههههههههههههههههههههاي
وليد: هههه قسم كلونا اكل .. وكل وحده السانها يطول اذانها
بدر: هههههههههههههههههههههههه يويلى تخيلت شكلك .. ويمسك بطنه من الضحك
وليد: حتى انت تتشمت اقول بروح البيت ارقد ابرك لي يمكن انسى الي صار اليوم شوي
بدر الي ماقدر يمسك نفسه من الضحك: تعال تعال يارجال هههههههههه
وليد يأشر له انه رايح ..
ويطلع وليد من مجلس بدر ويركب سيارته وصار يمشي بالشوارع وهو يفكر بالموقف
وكيف انه كل ماجاء يصلح الامور بينه وبين منال ترجع تخرب من جديد
ويفكر ياترى قالوا لشهد ولالا؟
افكار كانت تزيد الصداع براس وليد الي حس بألم شديد براسه
ويفتح درج السياره ويطلع بندول ويأكل حبتين
وصار يدور ع علبه الماي الي بسيارته و مالقى
وكانت مرارت البندول بحلقه مثل مراره الهم بقلبه..
وليد يدخل الفله ع الساعه 1 وطبعاً البيت كان مليان عفسه
وشاف شهد تشيل الهدايا والخدم ينظفون المكان
وام وليد قاعده تضب معهم الاغراض
ام وليد: هلا ابوي تعشيت
وليد والحزن كاسيه: ايه يمه متعشي
ام وليد: وش فيك يابوي تنس شئ؟
وليد: لابس راسي يعورني ابي انام
ام وليد: ارقد يا ابوي ريح عمرك
وليد يركب الاصنصير لانه حس انه رجوله مو قادره تشيله
وهو بالاصنصير شاف شهد واقفه ترقبه بنظرات حاده فيها حقد
وصارت تناظره لين صعد فوق وغاب عن نظرها
وليد يقول بنفسه : اف اكيد قالوا لها ولا ليش شهد تناظرني بهالنظرات
يالله ماني ناقص..
ويدخل غرفته ويولع النور وينزل شماغه وثوبه ع الشماعه
وتوه بيحط راسه ع السرير
الا يشوف ورقه صغيره ع مخدته مكتوب فيها
( نام ياوليدوه ترى نوم الظالم عباده .. وراسمين فيس غبي )
وليد يناظر مو مصدق وش السالفه ومن الي كاتبها؟
ويناظر حول الا يشوف صورته الي جنب السرير عليها ورقه صغيره
ويأخذها ويقراها
وكان مكتوب فيها
( ياشيخ لو هذا انا كان انتحرواموت احسن لي ولا اعيش جيكر وشين هع )
هنا وليد عصب ويفكر من الي كاتب هالاوراق ؟
بس اكيد شك بالبنات..
وتوه بيطلع من غرفته الا يلفت انتباهه ورقه ع المرايا الي بالتسريحه
ويجي وهو معصب ويسحب الورقه
وكان مكتوب فيها( لو انا مرايتك ياشيخ كان انكسر ارحم لي هههههاي)
وليد لا السالفه طالت وتشمخت ويطلع من غرفته ويروح لشهد بغرفتها ويدق الباب
ومافي احد يرد عليه ..
شوي الا شهد الي كانت جايه من تحت و شاله الهدايا معها
وليد الي نسى موضوع الموقف: شهد احد داخل غرفتي اليوم ؟
شهد تناظره بنص عين: ام ايه البنات كانوا يبون فيش( بلاك) ليش؟؟
وليد: من البنات؟
شهد: بنات خالي
وليد: ايه منهم بالتحديد
شهد: منال وعهود وهدى
وليد: من متى هالكلام؟
شهد قبل المغرب ليش؟
وليد مارد ع استفسار شهد : اها طيب..
ويروح بسرعه لغرفته وهو معصب ويصكر الباب بكل قوته
وليد: اوريكم يعنى حتى قبل الموقف الي صار شالين علي وفيكم شركم من قبل..
و صار يناظر بالغرفه فيه اوراق بعد؟
وهنا يلمح ورقه ع كتابه الي ع مكتبه
ويروح بسرعه ويأخذ الورقه الي كان
مكتوب فيها( مسوي يعني مثقف وانت من جنبها هههه)
وليد من دون شعور عفس الورقه وصار يضغط عليها
وليد : اخخخخخ لو امسكم بيدي لا اقطعكم ياتافهات..
ويروح لسريره ويحط راسه ع المخده اه ياربي خلاص معاد فينى اتحمل
ويمسك راسه اه
ومن شده الالم يمسك المخده ويضمها ع راسه وهنا حس بشئ تحت المخده
ويتلمس وكانت ورقه تحت المخده ..
ويطلعها ويناظر فيها لكن هالمره
الورقه كان مضمونها غير وكان مكتوب فيها
(وليد.. كيف تنام وترتاح وانت عارف انك جرحت انسان بدنيتك
وبكيته ..وكيف تنبسط وتلذ بتعذيب غيرك
وليد.. وين قلبك الطيب؟ وين روحك الحلوه والطاهره؟
كلها راحت بالغربه؟؟؟؟؟؟؟؟؟؟)
وليد حس ان هالكلام من منال لانه الكلام الي يطلع من القلب يوصل للقلب
وليد: اكيد هذي منال انا متأكد قلبي يقولي انها هي هذا اسلوبها..
اه ليتك تفهميني وتسامحيني يامنال والله احبك
بس مدري كيف عنادك صادف غروري
وهنا يستنشق وليد الورقه الي كانت فيها بقايا عطر يدها..
وهنا وليد من دون مايحس راح بعالم ثاني وهو عالم الارواح وطلعت روحه ومات
زي ما كل يوم نموت احنا .. الموت المؤقت وهو النوم..
يآعمي روح ولاتسأل وابيك بخير تذكرني
أنا غصبن علي عايش غصب متحمل طعونك
يجيني سهمك الطايش وأضمه لخاطر عيونك
ترى المفروض تتكلم عن الي فيني تسألني
إذا أنت إنسان ما تفهم شسوي فيك علمني
بعد مرورو شهر من حفل تخرج شهد..
هدى الي كانت نايمه بغرفتها تصحى ع صوت ام فارس فوق راسها..
ام فارس: هدى قومي قومي
هدى الي حست ان فيه شئ لانه مو من عوايد ام فارس تدخل غرفتها وتصحيها
دايم ترسل كانتي لها..
هدى الي صارت تبق عيونها من الخوف: بسمله الرحمن الرحيم يمه وش فيكم؟
ام فارس : قومي عمك حمود جاء من الديره وتحت بالمجلس قومي سلمي عليه يالله
هدى: يؤه شخباري عمي حمود ماذكره الا وانا بزر وش ذكره فينا غريبه!!
ام فارس: قومي وخلي عنك الهذره الزايده ..
و البسي لبس زين وساتر لاتفضحينا عند عمك
وانزلي سلمي عليه..
وتطلع ام فارس من الغرفه..
هدى تغطي راسها بالمخده : يؤه مالي خلق انزل اسلم اصلا ماتوقع يذكرني
بس والله غريبه وش ذكره فينا عقب هالسنين
بس هذا عمي من ريحه الغالي لازم اقوم اسلم عليه
وتقوم هدى من السرير وهي تتثاوب اه اه
وتغسل وجها وصارت تحوس بالدولاب تدور لبس ساتر ومحتشم عشان عمها حمود
هدى : ياربي وين تودي ملابسي ذي اشك انها تأكلها
وتصارخ كانتي كانتي
وتطل من الدرج كانتيوه
كانتي الي كانت مشغوله مع ام فارس بالمطبخ
سمعت هدى تصارخ راحت تركض وتوقف ع الدرج
كانتي: ايش ابغى انتي؟؟ وتوقف ع جنب وتميل خصرها
هدى: وقفي عدل اذا كلمتك يمال ميلان بالعمود الفقري
كانتي: يؤه وش انتي قرقر واجد ايش ابغى انا في شغل ماما مطبخ
هدى: وين هذا انا بلوزه اسود وتنوره اسود هذا انا البس جامعه؟؟
كانتي: ليش انتي لبس هذا فيه نفر موت..
هدى : والله محد بيموت غيرك ياكانتيوه اوريك تطنزين بعد وتنزل من الدرج عليها
هدى من دون نفس : زين رايحه وتطلع من المجلس وتروح لغرفه امها
هدى: لاحول وش هالعم يحرم ماحلل الله حتى ماخلاني اسلم عليه
الحين من وين اجيب له برقع وصارت تحوس بغرفه امها
ولقت في صندوق امها برقع متعفس وحالته حاله و تنفضه وتلبسه وتحط طرحه ع راسها
وتنزل من الدرج وهي تغنى ماهقيت ان البراقع يفتني لين شفت ضبى النفوذ متبرقعاتي اي اي
الا تشوف كانتي واقفه ع باب المطبخ وتضحك عليها
هدى : ليش تضحكين اول مره تشوفين ظبي لبس برقع وترفع البرقع تطلع السانها لكانتي
وترجع البرقع ع وجها
كانتي مات ضحك ع هالحركه هههههههههههههههههه
وتروح هدى لهم بالمجلس بعد مالبست برقع وتغطت ..
اول مادخلت هدى عليهم الكل كان منصدم من شكلها
وهنا فارس وسحاب ونجود فقعوا ضحك ههههههههههههههههه
هدى: هههه الله حي النشامه .. هاه عم يصير اسلم عليك الحين ولا لا
عمها حمود: ايه كذا بعدي بنتي الله يحيتس ويبقيتس تعالي سلمي علي وانا عمتس
وتسلم هدى عليه وتقعد جنبه وتهدد فارس الي فاحط عليها من الضحك
عمها حمود:والله ياعمتس ماكني اشوف مبرقعتس الا امي عمشه الي انتي مسماتن عليها
هدى: وشهو كيف جأت ذي انا اسمي هدى ياعم مو عمشه
عمها حمود: اجل انتي مهب اسمك عمشه
هدى وهي تبتسم: لاياعم انا اسمي هدى
عمها حمود: قطعا وش هالاسم الشنيع عز الله ان اخوي ماعرف يسمي
لو ان اسمتس عمشه ولا وضيحه كان زين
هدى منقهر من عمها : لاسمله علي اسم زين وعاجبني..
عمها حمود ماعجبه كلامها.. ويأشر بعصاه في وجها :قومي بس صبي لي قهوه
هدى: تبعد العصا عن عينها زين عم الله يهديك عينى لاتشلها..
انت ماتعرف تكلم لازم بالعصا يعني..
شكلك متعود ع هش الحلال( الابل) هع
ام فارس: تغمز لها بعيونها وتبقها عشان تسكت ولاتراد عمها..
عمها حمود: اعقبي تغطي جعلتس البقعاء الي تصوعتس
هدى تذكرت ان برقعها ع راسها: لاحول ولاقوه الا بالله معليش اسفين كفرنا عشانا نأسفين البرقع
وتسحب البرقع وتغطى وهي معصبه
ام فارس: معليش يابو فلاح البنت ماتعودت عليه عشان كذا تنسى
عمها حمود: ايه وينتس عنها ليش ماتعلمينها مخليتها كنها من بنات المدينه
الي مايستحون و يمشون عند ابوانهم وعمانهم مفاريع
هدى: عمي الله يرضى عليك عادي وش فيها كلكم حلال علي ليش اتغطى؟
عمها حمود: من زين وجهك يوم تفرعين لو ان وجهك زين كان قلنا مايخالف
فارس يقرب عند هدى وهو يضحك: هههه تستاهلين كان خليتى عنك المراد
هدى الي عصبت: فارسوه ضف وجهك عني لاحط حرت عمي حمود فيك
وتطلع هدى من المجلس
وتلحقها ام فارس
وخلوا فارس مع عمه حمود بالمجلس يتعشون
هدى وهي ترمى البرقع ع الكنب: يؤه يمه ماصارت بقعد البس برقع في البيت
وش هالطقوس الغريبه الي عند عمي
ام فارس: كذا اهل ابوك كل حريمهم كذا يلبسون براقعهم في بيوتهم
و انتي عشان حشمتن لعمك الكبير البسي عنده برقع
وبعدين تعالي .. انتي ماتستحين ترادينه اسكتي وخلاص
لازم تعلمينه انك انتي صح وهو غلط
هدى وهي تقعد ع الكنبك والله كيفه انا بقول الي اشوفه صح
ع كيفه يمشينا
ام فارس ترمي عليها برقعها : ايه كيفه هذا عمك الكبير وفي مقام ابوك
وتروح لمطبخ وتخليها
هدى تلحقها ام فارس للمطبخ : يمه يمه من الي جابه عندنا شكله شايب مايعرف يسوق
ام فارس: ولد فلاح نزله ورجع لديره
هدى: يعنى بيطول عندنا
ام فارس: الله واعلم يمكن شهر
هدى: لا شهر وانا البس برقع في البيت مستحيل
لا ويقولي وتقلد نبره صوته: من زين وجهتس يوم تفرعين
ام فارس : هههههههههه بس عيب تقلدين عمك امشي نتعشى بس
هدى وهي مبوزه: مابي سد نفسي عمي مع هالبرقع
وتروح هدى لغرفتها وتدق ع نوال وتقولها وش صار وش سوى فيها عمها
نوال : الي كانت ميته ضحك عليها
نوال: ههههههه والله تصدقين هدى لايق عليك عمشه هههههههه
هدى: يؤه نوالوه بدينا بالشماته بدينا
نوال: ههههههههه هدو تكفين نفسي اشوف عليك البرقع ههههههه اي يابطني ههههه
هدى: نوالوه وصمه جعلك ان شاء الله تأخذين شايب من الديره يلبسك برقع
نوال: هههههه سمله علي وجع استغفري
هدى: ماني مستغفره الا بشرط تجوني بكره
نوال: هههه من عيوني بس استغفري ..
هدى: هههه استغفر الله يالدبه
نوال :خلاص بقول للبنات وبنحاول نجيك ارد لك خبر بكره ان شاء الله
هدى: طيب يالله سلام
نوال: مع السلامه يا عمشه ههههههههه
هدى: نوالوه ماينقالك شئ انتي
وتسكر الجوال
وبهالحظه هدى تسمع صوت فارس ينادي
هدىىىىىىىىىىىىىىىىىىىىىىى عمشه
هدى تطل من الدرج خير وش تبي بعد انت ؟
فارس: امشي عمي يبيك
هدى: لا ياربي ارجع البس برقع تهئ ياربي وش كثر اعاني
وتلبس برقعها وتروح لعمها بالمجلس
اول مادخلت الا عمها حمود: هلا بعموش هلا وينتس وانا عمتس رقدتي
هدى: لاعم بس رحت ارتب دروسي شوي
عمها حمود: وش تبين بهالدروس اقعدي عندي ترى انا ماجيت من الديره الا عشانتس
انتي وخوانتس
هدى: فيك الخير والله ياعم
عمها حمود: تصدقين وانا عمتس والله اني حبيتس من بد اخوانتس احب البنت الشقرديه والمعانديه
هدى استانست: ايه ياعم مو انا طالعه ع جدتي عمشه اكيد بطلع شقرديه
فارس يقطع حديثهم: الا يا عم ديرتنا وينها عن الرياض؟
العم حمود: افا ياذا العلم ماتعرف ديرتك وديره جدانك
ويحط العصا ع شوارب فارس والله من شفتك مقرمطن ذا الشارب كنه
فاراً مأكله وانا غاسلن يدي منك
هدى فحطت ضحك: هههههههههه خلك منه عم ذا خكري مايعرف شئ
العم حمود: والله وصارت البنت احسن منك يالضعفه والله يبيلى اوديك معي الديره
واعلمك علوم الرجاجيل
فارس: هاه لا ياعم انا رجال وش فيك الله يسامحك بس اسال كم بينها وبين الرياض من كيلو
ويناظر هدى بحقد ويأشر لها بيده اشاره تهديد
هدى تبي ترفع ضغط فارس: ايه صح فارس لازم تروح مع عمي
وتشوف ديره جدانك مايصير كذا ماتعرفها هع
فارس وهو معصب منها: ياليت تنقطينا انتي بسكوتك بس
وقعدت هدى عند العم حمود بعد مارقدوا اهلها كلهم
والعم حمود مستمر بالسوالف والهياط وكنه شريط منفلت
هدى الي جاها النوم وملت من القعده عند عمها حمود الي كل ماجأت بتقوم مسكها
وحلف عليها بالطلاق وقعدها
هدى تقول بنفسها والله ذالبرقع له فوائد يحجب تعابير البائيسن مثلي عن الناس
هدى: الا يا عم ماودك ترقد اخاف سهرتك وانت شكلك تعبان
العم حمود: لا عادي يابوتس متعود احيانا مارقد الا مع صلاه الفجر
هدى تقول بنفسها: يويل قلبك ياهدى .. شكله مطول اول مره اعرف ان الشيبان يسهرون للفجر
ومرت الساعات الي حست هدى انها ثقيله مره
والعم حمود مازال يقص قصص الاولين ع هدى واحداث صارت بالديره قبل ينولد
وشوي يشيلها شيله ويقصد
ياونتي اي اي اي اي اي
هدى ترد وراه وتهز راسها: اي اي اي
عمها حمود: يا ونتي ونة خلوج من النوق اوق
هدى: حاطه يدها ع خدها : اوق
عمها حمود:على ولدها بالتهاليك معتاق ..اق
هدى : اق
عمها حمود: أقفوا بها ربع (ن) مع كل خنتوق.. اوق
وقامت تلفت للحوير بالأشفاق.. اق
هدى الي صارت ماترد ولاتشيل وراء عمها
لانها نامت من دون ماتحس
العم حمود: عمشه ياعمشه انتي معي؟
هدى ماترد عليه لانها بسابع نومه ولاحياه لمن تنادي
ويرجع يكمل قصيدته...
قامت تصعفق بين صافق ومصفوق.. اوق
وأحفاه من ضرب العصا كل مرهاق.. اق
و طخخخخ و يضرب بالعصا رجل هدى
هدى تقوم مختلعه : اوق .... اق اوق.. بسمله وش فيك اح.. خلصت قصيدتك؟؟
عمها حمود: لاماخلصت.. انتي الي وينتس رقدتي
هدى تمسك رجولها اح .. وانت ياعم الله يهديك ماتعرف تنادي الا مسط بهالعصا
العم حمود: ابيتس تزينين لي قهوه ذي بردت
هدى تقول بخاطرها: امك يالبلشه ماعرف ازين قهوه وش اقوله الحين؟
هدى تأخذ الدله : ان شاء الله ع خشمي ازين لك احلى قهوه
وتروح للمطبخ ياربي هم كيف يزينون قهوه؟؟؟؟؟؟؟؟؟؟
وهنا يخطر ع هدى فكره راحت حررت القهوه الي بالدله
ورجعتها بالدله مره ثانيه وجابتها لعمها
وصار عمها يشرب القهوه فنجال وراء الثاني ويثني عليها
العم حمود: ماشاء الله ياعميشه وش هالقهوه الزينه اثرتس سنعه
هدى وهي فيها الضحكه بس البرقع راحمها ومخفي ملامحها
: ايه ياعمي مو تقول اني طالعتن ع جدتي عمشه
اكيد اجل بصير سنعه
العم حمود: بعدي بنتي السنعه.. يالله ياعموش تسن النوم جاني هاتي فراشي
هدى ماصدقت خبر : هاه بترقد تبي فراشك ..ابشر من عيوني
الي تشبه عيون جدتي عمشه
وتجيب له فراشه وتروح لغرفتها بعد ماحست انه هم وانزاح عنها وتحط راسها
وهي معاد تشوف شئ وتخمد
.............................. .................... .............................. .................... .......................
باليوم الثاني والساعه تشير الى 4 ونص عصراً
هدى تصحى من النوم بالغصب عشان البنات بيجون عندها
هدى وهي قاعده بالصاله وهي عيونها ذبلانه من النوم وخاصه انه عمها حمود كان مسهرها معه
هدى تنادي كانتي: كانتي كانتي
ام فارس الي كانت نازله من فوق: وش تبين بكانتي؟
هدى : ابيها تسوي لي كافي وتسوى لنا حلا بنات خال بيجون
ام فارس الي تقعد قريب من هدى: كانتي راحت تودي القهوه لعمك توه يصحى
حتى ماتغدى شكلك سهرتيه امس
هدى: انا الي سهرته ولا هو الي ماخلاني ارقد .. اي ياراسي ..
ام فارس: انا عندي طريقه حلى بسيط وسهل بروح انا اسويه للبنات
هدى: تسلم ايدينك يام فارس مقدما
ً.. ..
ام فارس وهي رايحه للمطبخ: المهم لاجاو بنات خالك خلوكم عاقلين
ومابي حركه كانتي تت و خلو عنكم حركات المصبنجيه( يعنى حركات اعيال)
لاتفضحونا عند عمك حمود عاد هو لامسك علينا شئ مسك
هدى بصوت عالي : ان شاء الله يمه بنصير عاقلين وتصارخ كانتي
كانتي الي كانت داخله لصاله وتوقف وتحط يدها ع خصرها: ايش ابغى انتي ؟
هدى الي كانت متسنده ع الكنب : كانتي سوى لي كا.. وتناظرجهه كانتي
وفجأأه فقعت هدى ضحك
نوال وعهود ومنال وهم داخلين للحوش
عهود: بنات خخخ ماني متخليه شكل هدى بالبرقع
منال: هههه يؤه احس كنها ام خماس هع
نوال: هيه انتم وش هدى!! ترى غيرت اسمها صارت عمشه
البنات كلهم خخخخخخخخخخخخخخخ
فجأأأأأأه الا صوت أحد يصارخ : امسكوه
انابو فلاح ابوه امسكوه
البنات كلهم يناظرون جهه الصوت
وبصوت واحد : يم ه
وكان خروف كبير متوجه ناحيتهم و والعم حمود وراءه
وكان ماسك السكين يلحق الخروف والسواق يركض معه
ا ما الخروف فصار يركض وراء البنات الي شلوا الحوش بصراخهم
هدى وام فارس وفارس وكانتي.. الي كانوا داخل البيت اسمعوا الصراخ وطلعوا يشوفون
وش السالفه ؟؟
هدى وهي واقف عند باب الحوش وتضحك ع اشكال البنات الي كانوا يركضون بالحوش
وكل ماحاول يدخلون البيت الا الخروف بوجهم
ام فارس بصوت عالي: تعالوا ههههه لاتخافون بنات ؟
العم حمود يأشر بعصاته بعد ماوقف من التعب من المطارد وراهم
: امحق بنات حدوه وامسكوه.. يعني بيأكلكم انتم الي بتأكلونه يمال الي ماني بقايل
هدى وهي ميته ضحك: وانت ياعم لازم تسوي انك بيتر يعني
العم حمود: وش بيتلا جعل تبتر جنوبتس .. قومي امسكي الخروف مع اخوتس
هدى: لايمه اخاف
العم حمود: قوم انتس ماهب من جدتس عمشه ريح
الي كانت تذبح الخروف وتصلخه في نص ساعه
ام فارس: خلهم يابو فلاح بنات الجيل التالي خوفات يخافون حتى من ظلالهم
وصار فارس يلحق وراء الخروف لين اطرحه ع الارض
ومسكه ويساعد السواق ويربطونه
البنات كلهم راحوا يركضون عند هدى
هدى الي كانت لابسه برقع طبعاً عشان حكم قرقوش العم حمود
تجي وتضم عهود الي قربت منها
عهود: يمه من انتي وتحاول تبعدها عنها؟
هدى: انا هدى يالدبه.. وترفع برقعها وتطلع السانها عليهم
نوال ومنال الي واقفين وراء عهود
هههههههههههههههههههههههههههههه هههههههههههه
هدى: وش رايكم بالفلكلور الشعبي حقي ختير صح
منال: هههههه تحفه قسم
نوال: هدوي اقصد عموش هع لاتصدمينى ..ليكون هذا هذا عمك حمود؟
هدى: هههه ايه هذا عمي حمود بشحمه ولحمه
الي مسوي انه بيتر فتى المراعي هههههه
وكان منظر العم حمود وهو رافع الثوب والسروال لنص الساق
والعصا بيده ولحيته البرتقاليه والعيون المكحله
ع قصر طوله وكرشته يفطس ضحك
البنات الي علاء ضحهكم ك
ام فارس: اص قصروا حسكم . يالله.امشوا داخل
ويدخلون البنات بالصاله بعد ماسلموا ع ام فارس وهدى وقعدوا يتقهون
وتعليقات ع هدى الي نسفت برقعها
وصار تقلد المسلسلات البدويه
وع موقف الخروف والعم حمود الي صار معهم
ام فارس قامت وراحت لغرفتها خمس دقائق وجأت
ام فارس وكانت جايبه معها براقع
وراح العم حمود يتروش ويغير ثوبه ويتكشخ ويتبخر بعود عشان البنات
لعل وعسى وحده منهم تعجب فيه وهذا كان تفكير العم حمود
وكان العم حمود عيونه زايغه و يموت بشئ اسمه حريم
ولو يشوف طرف عباه حرمه حط رجله وراها
البنات وهم قاعدين لحالهم بالصاله
وكانوا لابسين براقعهم وقاضبين وصيه ام فارس الي راحت تزين العشاء
هنا يدخل عليهم فارس وشافهم قاعدين جنب بعض وشكلهم واحد بالبراقع
.. قعد يضحك عليهم ههههه
فارس يقصد لهم:
صادفني ثلاث احترت وياهن
ابهرني صحيح وقمت اطالعهن
طولهن واحد ولبستهن ومشاهم
والله أعلم بعد يمكن طبايعهن
زاهيات براقعهن و .....!
لعن أبو جدهن ما احلى براقعهن
ويقرب جنب نوال: والله انك احلى وحده لابسه برقع
نوال: هيه انت خير ترى محد طلب رايك
فارس وهو مصدوم : بسمله نوالوه وجع والله ع بالي انك عهود
ويدخل العم حمود عند البنات بالصاله ويقعد بالارض
ويحكم ع البنات يقعدون معه ع الارض
ولان نظره ع قده فمن حسن حظ شهد ما انتبه لها انهاحاطه لاثمه
وقعد العم حمود يسرد ع البنات مغامراته وشجاعته وهو في فتره الشباب
والبنات كانوا ساكتين ويناظرون في بعض
وذبحهم الملل والطفش من سوالف العم حمود
العم حمود يحط حلقه العصا ع رقبه هدى ويجرها( عنده
هدي: اي اي اي عم وش فيك انا انسانه ماني صخله
العم حمود : اقربي ابيتس بحكوه راس
هدى وهي تبعد العصا عنها: اي.. أمر عمي
وتقول بخاطرها : يارب هذا مايعرف يتكلم لازم العصا معه تكلم
هدى تناظر: اي وحده ماشوف احد زين كل الدعوه عيون تناظرني
العم حمود: ذيك الدونيه الي اصغرهن
هدى: ايه هذي شهد بنت خالتي
العم حمود: وش اسمها مهد؟
هدى : لالا وش مهد اقول شهد
العم حمود: شهد ايه.. طيب هي معرسه
هدى: هاه وشهو لالا وتفقع ضحك ههههههههههههههه
لانها عرفت مقصد عمها حمود
وكان العم حمود معجب بشهد ولا شل عينه من عليها
اما البنات كانوا قاعدين يشوفون الحوار المغلق بين هدى وعمها
ومايدرون وش الي دار بينهم من حكي
هنا العم حمود طغت عليه مشاعره الجياشه وقعد يهل قصائد غزليه لعيون شهد
وهدى الي كانت فاهمه وش مقصد هالقصائد وفاقعه ضحك
لكن ماكان مبين عليها والبركه بالبرقع
العم حمود: وش بلاكن ساكتات رددوا وراي: يالله
شفت العذارى بس ماشفت مخلوق
البنات: مخلوق
مثل اللذي شفته يلاعب جديله
البنات : جديله
حوّل مع الشريان ثم راح من فوق
البنات: فوق
حتى تسل ثم شبّ الفتيله
البنات: فتيلله
طفل ٍ يسوق الزين والزين له سوق
البنات: سوق
في سوقته للرمش عينه بخييله
البنات: بخيله
في مشيته يقبل مع البيض برفوق
البنات: برفوق
من شاف زوله قال كيف نغديلله
البنات : نغديله
هدى كانت تأشر للبنات وتأشر ع العم حمود وشهد
نوال فهمتها: فقعت ضحك وتقول لعهود الي فهمته وقعدوا يضحكون
شهد: بصوت واطئ وش فيكم؟
عهود: العم حمود مطيح عندك الظاهر اعجبتيه
شهد: وع وع وش يبي هذا انا رايحه فوق ابرك لي وتقوم
العم حمود نقز: على وين يالغزال الشارد؟
شهد تناظره ولاترد عليه وتطلع لغرفه هدى
البنات ماتوا ضحك على شهد المعصبه والعم حمود خخخخخخخخخ
وهنا يقطع ع ضحك منال نغمه جوالها مسج
منال الي كانت ميته ضحك و ماهي قادره تمسك نفسها من الضحك
تفتح الجوال وهنا تسكت منال فجأه
وكان المرسل وليد
( هلا منال انا بصراحه وعدت نفسي اني مراح ارسل لك مره ثانيه
بس الحين انا مضطر اقطع الوعد الي وعدت فيه نفسي وارسل لك
منال صدقينى انتوا فهمتوا الموقف غلط
السالفه مو زي منتوا فاكرين
انا مابينى وبين اسيل اي علاقه والله
بس هي الي دايم تتلصق فينى من كنت بلندن
وبعدين انا قلت لشهد ترسل الخدم مدري كيف طلعت هي علي
والله ماجاك الا الصدق يامنال
وترى انا ماني مجبور اوضح لك
بس ماحبيت انك تفهمينى غلط
لا اكثر ولا اقل)
....................
منال الي اختبصت من قرت المسج وتروح بسرعه ل انشاء رساله
وصارت تكتب رد لوليد
عهود تقرب جنبها: وش تكتبين؟ هاه
منال الي ارتبكت هاه: لا بس وعد تبي مني شغله وقاعده ارد عليها
( منال من بعد مانقطعت المسجات بينها وبين وليد فتره
و من بعد ما انقذها تغيرت مشاعرها تجاهه ماصارت تكره مثل قبل
و خاصه من شافت صورته الي كانت بغرفته جاها شعور غريب ناحيته
فماحبت البنات يدرون بمسج وليد وخاصه بهالوقت مع ازمه العم حمود
عهود: اها طيب انا ونوال بنروح فوق نشوف حرم حمود هههه
منال : هههههه الله يقطع شركم.. طيب روحوا و انا لحقتكم
وتروح نوال وعهود بالسراقه لاينتبه لهم العم حمود الي كان يكلم ولده فلاح بالجوال
ويسأله عن احوال الديره ويوصيه ع الحلال
منال كتبت مسج لوليد وحطت الجوال ع الصامت
وراحت للبنات فوق بعد ماعتذره ميه عذر من العم حمود عشان تطلع فوق
العم حمود: ياعمشه وش بلا بنات خالتس شكلهم ماجازت لهم القعده معي
هدى وهي ترقع : هاه الا ياعم بس هم راحوا يصلون العشاء
وانا بعد بروح اصلي معهم الساعه 9 ماصلينا
وبالموت اقتنع العم حمود وخلى هدى تلحقهم فوق بعد ما وعدته انها بتنزل البنات يقعدون معه
لاخلصوا صلاه
وليد الي كان قاعد ع الطاوله ويشرب زقاره ويناظر صديقه بدر
الي كان متحمس وهو يلعب بلياردوا
هنا يوصل وليد مسج
وليد يفتح المسج وكان من منال
........
( وليد.. وش المطلوب مني يعني اصدقك وأكذب عيني
لاتبر ياوليد الموقف كان واضح وضوح الشمس
بعدين ليش تبر لي ؟؟
من انت عشان يهمني موضوعك
وليد اقولك بصريح العباره.. تراك ماتهمني ولايهمني وش سويت وماسويت
واذا انت خايف اني اهددك زي ماسويت فينا لاتخاف ياوليد مو انا الي اسويها
لاني اكبر من هالحركات .. وليد بليز اطلع من حياتي ..
انت اكثر انسان اكرهه بالدنيا)
..................
وليد من كثر ماهو مجروح وخاصه من عبارت منال الاخير
من دون مايحس ترك الجوال من يده وغمض عيونه وهو حاس بألم بقلبه
هنا يطيح الجوال ع الطاوله الي كان وليد متسند عليها
طخخخخخخخخ
بدر الي كان يضحك مع واحد من الشباب انتبه لصوت الي كان صادر من جه وليد
و لان الصاله كانت شبه هاديه فكان الصوت مسموع
بدر يناظر وليد الي كان منزل راسه ع الطاوله وحاط يده الثنتين ع راسه
بدر يستأذن من الي معه ويتوجه ناحيه وليد
بدر: وليد وليد وش فيك تعبان؟
وليد يحرك راسه بعلامه لا ويناظر بدر بنظره يأس
بدر: بسمله أجل وش فيك يارجال فهمني ؟؟
وليد بصوت واطئ:بدر تقول انا ماهمها وتكرهني تتوقع صدق كلامها؟
بدر: يمسك يد وليد: وليد وش فيك ومنهي الي انت ماتهمها؟؟
وليد: الي بنجن بسببها
بدر يأخذ الجوال وصار يقراء المسج
بدر: وليد فهمني وش السالفه و منهي صعبه المنال هذي؟
وليد يوقف وهو يتنهت و يأخذ الجوال : بدر حبيبي.. انا الحين تعبان
ومافيني اتكلم بكره اقولك كل شئ
ويطلع وليد من صاله البلياردوا وهوحاس ان الدنيا قافله بوجه
وان حظه لايمكن يجيب له منال..
وليد وهو بالسياره رايح للبيت: خلاص يامنال وعد مني مراح تشوفين مني مسج ثاني
مابي انجرح منك أكثر كله مني خليتها تكرهني انا غبي غبي
ياربي ليش صرت انجرح منها الحين وكل كلمه تقولها صرت احسب لها الف حساب
و انا الي قبل ماكنت اهتم بكلامها ولاتجريحاتها
ليش هالكلام اثر فينى.. اه يامنال قسم زاد حبك بقلبي قسم زاد وفاض
البنات وهم داخلين ع شهد بغرفه هدى
وكانت شهد قاعده تسولف مع صديقتها بالبلاك بيري
نوال وهي داخله الغرفه: هههههههه الله حي مرت العم حمود
عهود: هههههههه منتي بهينه شهود كل هالقصائد الي اقلقنا فيها طلعت عشانك
عهود+ نوال هههههههههههههههههههههههههههههه
شهد هنا تعصب: اف مالت عليه بس وخرواعنى ماني فاضيه لكم..
قاعده اسولف مع الهام
نوال تغمز بعينها لعهود: ههههههه عاش مصرف
وبعد شوي تصعد منال للبنات فوق وبعدها لحقتها هدى
و تجمعوا البنات بغرفه هدى وصاروا يضحكون ويعلقون ع شهد الي عصبت عليهم
بهالحظه يسمعون البنات صوت العم حمود ع الدرج
ياعمشه يامهد وينكن جعلكن الي ماني بقايل؟
منال: هههههههه الحمدالله انه ماناداني
نوال: مهد ماتسمعين يناديك
البنات هههههههههههههههههههههههههههههه هه
منال تغمز لنوال عشان تسكت: خلاص هدوي حبيبتى يمزحون
هدى وهي معصبه:لاحبيتي هذا مو مزح هذا سب والي يسب عمي كنه يسبني
عهود: بنات خلاص بلاحركات مبزره
شهد : يؤه ياملغكم بنات والله قعد ت العم حمود صارت ابرك من قعدتكم
منال: ايه قولي كذا انه معجبك بس ماتبين تقولين مستحيه هههه
البنات كلهم خخخخخخخخخخخخخخخخخخ
شهد الي صار وجها الوان: ياسخفك انا بروح لبيتنا ابرك
منال تمسك شهد وتبوسها : يختي امزح والله امزح ..
لاحول انتم ماينمزح معكم انتي وبنت خالتك
هدى: وش فيها بنت خالتها هاه وش فيها
وبهالحظه ينفجر الباب عليهم بقوه طخخخخخخخخخخخخخخخخخخخ
وكان العم حمود ومعه عصاته وكان معصب
البنات كلهم بصوت واحد: يم ه
العم حمود: والله اني داري انكم تكذبون علي ياقليلات المروه والشهامه
انا ابو فلاح ابوه.. بنيات يكذبون علي
البنات الي اختبصوا و كل وحده تدور برقعها وينه؟
هدى تبي تسعف الموقف و تجي تركض وتوقف بوجه عمها وتفتح ايدينها
عشان تغطي ع البنات
هدى: عم عم البنات مفرعات صد صد مناك
العم حمود الي معصب طرخ بالعصا بكل قوته ع يد هدى
هدى تصرخ من قو الضربه : اي يمه.. وتحط رجلها بره الغرفه خافت تجيها ضربه ثانيه
البنات شافوا هدى حطت رجلها بره الغرفه قروا يلحقونها
نوال وعهود يبون يهربون ويتصادمون في بعض
وراحوا يركضون ويتخبون وراء منال الي كانت واقفه جنب شهد بزاويه الغرفه
العم حمود الي كان معصب: انا بزر يوم تكذبون علي هاه والله لاوريكن
يالي ماتستحن
منال تحاول ترقعها: اء عم اء حنا كنا نايمين بس اخوي دق علينا يقول بيجي يأخذنا وقمنا
العم حمود: اخوتس قال بيجيكن هاه ويأخذ العصا ويمسط منال وراها نوال وعهود
الي قعدو يصارخون وكل وحده تحتمي بالثانيه
من شده الضرب فروا هرباً لغرفه ام فارس الي كانت هدى داخله فيها ومقفله الباب
نوال: تدق الباب ع هدى بقوه : هدى فكي الباب بسرعه
وتفك الباب هدى ويدخلون ويقفلون الباب وراءهم
هدى وهي خايفه: وين شهوده؟؟
منال تحط يدها ع فمها: يؤه شكلها نشبت مع عمك
حرام روحي شوفيها
هدى: لالا مستحيل تبيني اصير اليوم جنازه
شهد الي ماقدرت تطلع لان العم حمود واقف عند الباب والعصا بيده وعيونه تولع شرار
كان شكله مخيف لشهد الي قعدت تبكي
العم حمود: رحمها خاصه انها شهد وكان مبسوط بداخله وهو يتمقل فيها وهي مفرعه
العم حمود: روحي روحي وانا ولد عمتس ماني بضاربتس ماتستاهلين الضرب غيرك الي
والله يستأهله انا ادري انتس اجوديه مير شينات الحلايا
الي يكذبون علي انا ديني ودين واحد يتسذب علي
شهد سمعت هالكلام ماصدقت خبر
شهد وهي ترتجف: شكراً عمي
وطلعت للبنات الي كانوا محتمين بغرفه ام فارس وقافلين الباب عليهم
غيرك توسم وتوريها يدها الي كان خط العصا بيدها لونه احمر
منال: ههههههه اي والله قالوها المحبوب في راحه والمبغوض في الساحه
نوال: قسم طاح قلبي قلت بس هتلر طلع من قبره وجانا
البنات هههههههههههههههههه
شهد تمسح دموعها: هههه قسم اني صرت ارتجف تقولون شابكيني بكهرب220
خاصه انكم رحتوا وخلتوني لحالي.. يمه عمك يخوف
عهود: والله ماله داعي عمك يوم يضربنا من جد خير لازم غصب نقعد معه
هدى: لا مو هذا قصده قصده ليش تكذبون علي
شهد: انا رايحه لبيتنا والله القعده هنا مامنها أمان اخاف الحين يطب علينا مره ثانيه
وتأخذ الجوال وتدق ع وليد
عهود: والله حتى انا اروح بيتنا ابرك لي .. بدق ع راكان
منال: عهود تكفين بنروح معك شوفي راكان يوصلنا ع دربكم
تركى سهران مع ربعه ماضنتي بيجينا الا متأخر
نوال تناظر منال وكانت مقهوره منها لانها ماتبي تركب مع راكان
هدى: ياشينكم تخلوني لحالي وانا تحت التهديد ههه
البنات هههههههههه
شهد: هههه والله امك جابتك لحالك مالنا شغل فيك
هذا عمك تحمليه
هدى: تهئ اخ منكم خيانات
بهالحظه تدق ام فارس عليهم الباب الي كانت توها جايه من اختها ام وليد
هدى تفتح الباب
هدى : ماما حبيبتي ماشفتي وش صار فينا
ام فارس: بسمله وش فيكم ؟ وبعدين وش قعدكم بغرفتي؟
البنات يعلمون ام فارس السالفه
ام فارس مات ضحك عليهم وع تعليقات البنات
نوال : هههه عمه فاتك انا اول ماهجم علينا بغيت ارفع يدي استسلم هع
ام فارس: هههههههههه الله يقطع سوالفكم
هدى: يمه أنتي متأكده ان هذا عمي اخاف يطلع من الجيش الاسرائيلي
البنات ههههههههههههههههههههههههه
ام فارس بنبره حاده: هدى عيب تقولين ع عمك كذا
هدى: يمه ماشفتنى كيف هجم علينا ومسطنا كان عذرتيني
ام فارس: ادري انه غلطان بس عاد انتم كبروا عقولكم هذا شايب يعنى شبه مخرف
لازم تحترمونه وتعدون تصرفاته ولاتزعلون منه
منال: ولايهمك عمه اصلا مازعلنا منه بالعكس سوى لنا اكشن ههه
البنات ههههههههه
البنات اطلعوا من غرفه ام فارس الي تبغى تنام
وراحوا لغرفه هدى
ومر الوقت عليهم بين سوالف وضحك وتعليقات ع اشكالهم بلحظه الهجوم
وكانت كل لحظه تمر عليهم تهدد البنات بهجوم اخر من قبل العم حمود
شهد يدق جوالها وكان وليد الي واقف عند باب البيت ينتظرها تطلع
وبنفس الحظه راكان يدق ع عهود عشان يطلعون
وطبعاً راكان جاء بسرعه البرق لانه عرف ان نوال راح تركب معه
وكان كاشخ ومابقى عطر ماعطر فيه السياره
هدى تستكشف الطريق للبنات الي كانوا خائيفين ان يطلع عليهم العم حمود فجأه
وكان الدرب أمان ..
والبركه في برنامج بالساحه عن الابل الي اندمج العم حمود عليه ونسى البنات
منال وعهود ونوال وشهد وهم يودعون هدى عند باب البيت
وكان وليد وراكان نازلين من سيارتهم واقفين بنص ال
يسولفون عند سياراتهم
وكانت سياره وليد واقفه وراء سياره راكان
البنات يطلعون من البيت
منال وعهود ونوال يتوجهون لسياره راكان
وشهد تتوجه لسياره وليد اخوها
وليد الي كان يناظر منال الي جأت عينها بعينه و ركبت سياره راكان
اذا ناظرني بعيونه انسى كل مافي الكون
واذا جاني وقابلني أعيش بعالم ثاني.....
وليد بقلبه: هذي منال اي والله منال وش عندها راكبه مع راكان
وحس بلغيره من راكان
وماكان يدري ان راكان خاطب نوال ومايحب الانوال
راكان: يالله الاهل جاو اشوفك ع خير
وليد وهو حاس بغيره: يالله ع خير
وكل واحد منهم راح يركب سيارته ومشى..
............................
بسياره راكان
نوال اول ماركبت : كح كح حشى وش هالعطر اشرقنا
منال: تدوس رجل نوال : وش فيه يازين ريحته يهبل
راكان يركب السياره: السلام عليكم
منال: وعليكم السلام
نوال كانت ساكته ........
راكان: كيف الحال يابنات العم ان شاء الله طيبين؟
منال: بخير جعلك بخير
وتضرب نوال تبيها تتكلم
نوال بصوت واطئ : ماني راده ارتاحي
هالكلمه طاحت بأذن راكان الي كان يراقبهم من المرايا
راكان انقهر من نوال لي كانت ماتبي ترد حتى السلام عليه
وكان راكان عند أمل كبير ان نوال راح تحبه في يوم من الايام
هنا لقاها فرصه يسمع نوال الاغنيه الي دايم يسمعها ويتذكرها فيها
وكان يقصد بهالاغنيه انك لي يانوال غصب ولاطيب
فشغل المسجل وكانت اغنيه
...
الله يهنيك فيني والله يهنيني فيك
يا عسى تبقى بيديني ويا عسى ابقى بديك
ان طلبت اعطيك عيني والله ما تغلى عليك
الي بينك وبيني اغلى من الدنيا ذيك..
عهود الي كانت قاعده قدام لفت ع البنات وراء وتغمز لمنال
منال فيها الضحكه لانهم كلهم فهموا حركه راكان
نوال بصوت واطئ عند اذن منال: منالوه خليه يصكر المسجل
منال:والله عندك السان قولي له انتي
نوال تسكت شوي وكانت منقهره من حركه راكان الي احرجها قدام البنات
وصارت تسمع كلمات الاغنيه الي زادتها قهر
هنا نوال تكلمت: راكان
راكان الي كان سرحان مع الاغنيه وكان حاس ان هالكلمات طالعه من قلبه
راكان ينتبه لنوال: هلا أمري
منال هنا تمسك يد نوال وتصغط عليها عشان تسكت
منال تشاور نوال: اص لا تفضحينا
نوال تبعد يد منال عنها: راكان لوسمحت ممكن تطفي المسجل ماسمع اغاني
راكان الي كان يناظرها بالمرايا : تأمرين أمر ويطفي المسجل
عهود تلف ع نوال وهي مصدومه وتقول بخاطرها من متى ماتسمعين؟
منال الي كانت معصبه ع حركه نوال وعارفه ان هالحركه راح تجرح راكان وعهود بنفس الوقت
منال تشاور نوال بصوت واطئ : مالك داعي .. شغلك بالبيت يالي ماتستحين
نوال: وخرى عني ماني رايقه لك
راكان الي كان فاهم من حركه نوال انها من جد كارهته وماتطيقه
ويقول بخاطره الظاهر ياراكان مافي أمل نوال تحبك
هنا راكان كساه الحزن الي بأن ع ملامح وجهه
.............................. ............
بسياره وليد
وليد: شهد الي ركبوا مع راكان مو بنات خالي ابو عبدالعزيز؟؟
شهد: مدري والله.. منال الي قالت لعهود
قولي لراكان يوصلنا معكم لانه مافي احد يوديهم للبيت
تركى سهران مع ربعه ومراح يجيهم الا متأخر
وليد الي حس بغيره من راكان: اها.. منال الي طلبت يوصلونهم طيب
وليش ماقالت لك انتي؟
ولا مو عادينك بنت عمتهم ولاكيف؟؟
شهد وهي ماسكه البلاك بيري حقها: يؤه وانا وش دراني عنهم
كيفهم يروحون مع الي يبون
وليد هنا يسكت وصار يفكر بكلام منال الي بالمسج
انه مايهمها ولايعني لها شئ وصار يفكر بالموقف
وليدهنا يربط الاحداث: ليكون منال تحب راكان!!
صح ليش انا ماطرى في بالي قبل
منال قالت اني ماهما اكيد فيه شخص ثاني بحياتها يهمها
وراكان ولد عمها واقرب لها مني وخاصه ان خالي مايحب ابوي
لالا ياربي كل هالتخمين يكون غلط
يقطع ع تفكير وليد شهد: وليد وليد هدى السرعه كذا بتذبحنا؟؟
وليد ينتبه لنفسه وكان ماشي بأقصى سرعه و يهدى السرعه ع خفيف
لكن نبضات قلبه كانت اسرع لانه حس بلحظه ان منال يمكن تكون لغيره
ويموت حب حياته بلحظه غير محسوبه
شهد تناظر وليد الي حست ان فيه شئ: وش فيك وليد فيك شئ؟
وليد وهو يتنهت : هاه.. لالا مافيني شئ
...
تعبت أكابر الجرح ..
وأخفي طعون الآه فيني
تعبت أقول مافيني شئ
وأنا كل شئ فيني
...