 |
  |
|
|
|
|
#91 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
الــبـارت .."الثاني عشر والاخير" في بيت ابو مشاري.. وعد تصحى الصبح بدري وهي هادئه.. بعد ما كانت كل الليل نايمه وكانت تفضل الهروب من واقعها بالنوم.. ..ياصبآح الأنكسآر وخاطرن مامل تجبيره.. وعد وهي جالسه بحديقه البيت وكان معها كوب كافي .. وكانت تفكر بنفسهاا . .لمتى راح اعيش ع اطلال ياسر وحب ياسر لمتى؟ ياسر سراب وحلم بحياتي لايمكن يصير واقع لازم اصحى منه لازم.. هناا تحط راسها ع الطاوله بعد ماحست ان عقلها يناقض قلبهاا ياربي.. ساعدني انسى ياسر.. ابي انسى ..ابي اعيش حياتي.. وعد ترفع راسها بسرعه بعد ماطرت عليها فكره انها تستشير منال ع سالفه خطبتها وعد تدق جوال ع منال.. منال اللي كانت صاحيه بدري .. عشان تعطى ابوها علاجه مع الفطور .. وكانت توها بتطلع من الغرفه الاجوالها يدق .. منال تناظر الجوال اللي كان ع السرير وتقرب ناحيته وتشوف الشاشه (وعودي ... يتصل بك ) منال ترد.. : مرحباا وعد: مرحبتين .. صباح الخير منال : صباح النور والسرور وعد: شخبارك منول ؟ منال: بخير ياقلبي ؟ وانتي وعد : طيبه منال: دوم يارب.. وش عندك قايمه من الصبح وعد: والله كانت نائمه الليل كله.. منول منال: لبيه.. وعد: لبيتى حاجه .. منول انا محتاره مدري وش اسوي؟ منال : في ايش ياوعد محتاره ؟ وعد: تذكرين فهاد اللي قلت لك شفته بسورياا .. منال: ايوه تذكرته وش فيه؟ وعد: رجع يخطبنى مره ثانيه وتقول امه انه متعلق فينى ومايبي غيري.. وياسر يامنال سافر لكندا وارسلي مسج وقالي مراح ارجع لسعوديه وعيشي حياتك.. مدري شسوي يامنال محتاره.. منال بصوت حازم :وعد ليش تحتارين كل شئ واضح قدامك .. فوقي لنفسك العمر يركض ياوعد اخذي اللي يحبك ولاتأخذين اللي تحبينه .. وافقي ع فهاد اللي يحبك وشاريك وياسر امحيه من حياتك خلاص ياوعد ياسر راح ولايمكن يرجع. وحتى لو رجع مراح تكونون لبعض هذي الحقيقه اللي تتهربين منهاا.. وعد اللي كانت تسمع كلام منال ودموعها ع خدهاا.. وعد وهي تمسح دموعها: بس يامنال اخاف اوافق ع فهاد واظلمه معي وانا قلبي مو معه.. منال: لاياوعد شيلي هالوساوس من راسك صدقينى لاتزوجتيه راح تحبينه وتنسين ياسر وابو ياسر.. وعد:منال والله ادري انه ياسر خلاص سراب وانتهى من حياتي بس ماني قادره انساه منال: روحي الحين وصلي لك ركعتين واستخيري وادعي ربك يسهل امورك صدقينى الله مراح يخيب ظنك.. وعد اللي حست بالراحه من الكلام مع منال : ان شاء الله .. يلا قايمه اصلى .. اكلمك بعدين.. منال : اوكيه .. يلا سلام يالغلاا.. .............................. .................... .................. في بيت ابو عبدالعزيز.. ابو عبدالعزيز اللي كان منسدح ع السرير وهو حاس بتعب بجسمه وكان اقسى من احساس التعب الشعور بالوحده .. هناا صار يفكر ابو عبدالعزيز .. بنوره ..ولو انهاا كانت الحين جنبه كانت راح تخفف عنه كثير .. ابو عبدالعزيز يتنهت: اهـ يانوره مكانك خالي ومحد يقدر يسده ابداا.. ~ { ذكــرى قــــديمه } ،،، حطها بين قوسين ! مـــاكل (من يفقد ! )،، يعـــوّض غــــيابه ! ~ ْ~ بهاللحظه منال تدق الباب وتفتحه وتطل بوجها البشوش وهي تبتسم : صباااح الخير وكانت لمنال ابتسامه مميزه تريح ابوهاا فيهااا .. ابو عبدالعزيز وهو يبتسم لها:صباح النور.. منال وهي تحط صينيه الفطور ع الطاوله : يلاا يبااا هذا الفطور اكل زين.. عشان اعطيك علاجك.. ابو عبدالعزيز كان يبتسم ويتأمل فيهاا ..: منول امي .. منال اللي كانت تضبط الصينيه ترفع شعرها عن وجها :لبيه ابو عبدالعزيز: لبى قلبك.. منول ابوي تعالي جنبي ابيك.. منال للي كانت مستغربه وش يبي ابوها منهاا وتجي تقعد جنب ابوهاا : هلايبا امر ابوعبدالعزيز : منول يابوي .. انتي و وليد صار لكم فتره مخطوبين .. لمتى وانتي مأجله الملكه والزواج ؟ هناا منال حست بأحراج من ابوهاا بس تحاول تبرر موقفها :يبااا هذا شرطي وهو وافق . . وانا مراح اتزوج ابداا الا لمى اشوفك طيب وصحتك احسن من قبل.. ابو عبدالعزيز بصوت عالي شوي: انا طيب ومافينى الا العافيه .. لاتضيعين حياتك ومستقبلك عشاني. يمي . منال : يبااا انت ريح بالك ولاتفكر بهالامور اهم شئ الحين هي صحتك ابو عبدالعزيز: انا مراح ارتاح وتزين صحتى الا لمى اشوفك في بيت زوجك هناا منال ..ماكانت تبي تجادل ابوها عشان ماينفعل ويتعب عليهم ..: ان شاء الله قريب .. يلا يبا اكل فطورك لايبرد ابو عبدالعزيز وهو يناظرهاا :منول امي جهزي شنطتي منال هناا تناظره وهي مصدومه : ايش ؟ ابو عبدالعزيز: يعنى لازم اعيد لك الكلام ..قلت لك جهزي شنطتي منال : ليش وين بتروح يبااا؟ ابوعبدالعزيز : تذكرت شغله كان لازم اسويهاا من زمان منال: بس يباا مايصير انت تعباان وصحتك ماتتحمل سفر ابوعبدالعزيز: اسمعي الكلام ولاتجادلينى جهزي شنطتي .. منال تقول بنفسها:.. ياربي منك يا يبااا عنيد وراسك يابس .. ابو عبدالعزيز وهو يناظرهااويقول بخاطره : لوتدرين وين بروح يابوك ..ماكان حاولتي تمنعينى ابد.. ويأخذ الجوال ويتصل ع تركى .. عشان يدبر لهم حجز.. منال تقوم تجهز شنطه ابوهاا .. وهي ماتدري وين راح يسافر .. وكانت زعلانه ع ابوهاا كيف يروح وهو صحته كذااا.. ........ وبعد الساعه اربع العصر وفي مطار الدمام.. تقلع الطياره اللي كانت متوجها الى مدينه الرياض واللي كان من ضمن الركاب.. ابو عبدالعزيز وتركى اللي اصر انه يرافق ابوه وهو بحالته الصحيه هذي .. ْ~ جيتك ...وأنا فيني من ألشوق بركـان جيتك ..وبركاني من ألشـوق ثايـر جيتك ... أنا حروف ومعاني وقيفـان مثـل.. ألسحابـه لاقبلـت بالبشايـر جيتك ...وله من زايد ألبعـد شفقـان جيت أشتكيلك مـن لهيـب ألسعايـر جيتك ...جروح ٍ نزفها داخل أنسـان تنزف من طعون ٍ لجـت بالضمايـر ْ~ْ |
|
|
#92 |
|
|
عسى الزمان اللي جمعناا ع الطيب يبقى على طيبه ونبقى حبايب..~ ْ~ بعد سنتين .. هنااك ع شاطئ الشرقيه .. كانت العائله كلهاا متجمعه بهاليوم بشاليه .. وكانوا الرجال فارشين فرشه بره الفله وقاعدين قريب من الشاطئ .. وكان ع راسهم ابو عبدالعزيز ..اللي تحسنت صحته وصار أحسن من قبل والبركه بأم عبدالعزيز اللي رجعت لبيتها ونورته بعد مانطفت شمعته كل هـ لسنوات اللي مرت.. وكان ابو عبدالعزيز يسولف مع ابو وليد.. اللي صارت علاقتهم قويه ببعض وخاصه بعد ماتقاعد ابو وليد من شغله بالسفاره وصار اغلب الاوقات فاضي .. وجنب ابو وليد كان.. نايف .. اللي كان قاعد يتأمل بالبحر من قرب .. واللي كان جاي من الرياض يتمشى بالشرقيه هو وزوجته عهود وبنته طيف ولده خلودي.. ..اللي خذاه من امه بعد ما استئذن منهاا انه يجي يتمشى معهم لشرقيه .. وكان قدام نايف ع الشاطئ .. راكان.. اللي كان ماسك ولده سلطان اللي عمره سنه ونص ويمشيه ع الشاطئ وهنااا بجهه ثانيه بعيد شوي عنهم .. تركى ووليد اللي كانوا متكفلين بالشوي .. وكان واقف معهم ويساعدهم فارس.. اللي كان يدرس بامريكاا.. وكان راجع يقضى الصيف مع اهله .. بعد ماكبر وعرف ان حبه لعهود كان حب مراهقه وطيش .. وبداخل الفله .. كانت ام فارس.. اللي مايئست من عوده ابو فارس وكان عندها امل دفين بداخلها برجعته ولكن كملت حياتها بتربيه اعيالها ,, وكانت ام فارس قاعده مع .. ام عبدالعزيز وام راكان وام وليد اللي كانوا يسولفون ويضحكون وهم يتذكرون الماضى .. وع الشاطئ قعدوا البنات ع الرمل بعيد شوي عن الرجال .. نوال اللي كانت تشوف راكان مع ولدها سلطان يمشون ع الشاطئ واللي قرب جنبهم نوال بصوت عالي: راكان انتبه عليه تكفى لايطيح بالبحر وتوسخ ملابسه راكان وهو يضحك وبصوت عالي : طيب لاتخافين ماسكه .. وكانت جنب نوال .. عهود اللي كانت منومه بنتهاا طيف بحضنهاا و كان قاعد جنبهاا خلودي هناا عهود تفتح علبه العصير: خلودي هااك حبيبي اشرب خلودي يأخذ العصير ويشربه .. وكانوا البنات قاعدين يسولفون .. هدى اللي كانت حامل بالشهور الاوله.. تصارخ : اي بنااات احس كبدي لايعه وابغى ارجع شسوي ؟ منال اللي صارت حرم وليد من قبل كذاا شهر: لاتكفين يرحم امك لاحد يقرفناا.. شهد اللي كانت تدرس طب وكانت مخطوبه من ولد صديق ابوهاا: هدوون شوفي البحر وراك .. تبين ترجعين روحي هنااك بليز.. هدى : يؤؤؤؤؤؤؤؤؤه منكم محد يتشكى عندكم انتم؟ نوال : ههههههه الا والله من الدلع ذابحك كلنا حملناا وتعبناا ماتشكينااا كثر ماتشكيتى انتي .. عهود: هههههه خليهاا ذابحتها الرقه والنعومه الله يالدنياا وين ايام الدفاشه ياهدون هدى هنا تناظر عهود بنظره حقد ..وتدور ع شئ قريب منها عشان ترميه عليها وهناا تشوف علبه مويه .. وتأخذ العلبه وتفتحها وبحركه سريعه تكبها ع وجه عهود عهود اللي صارت تشاهق من الماي البارد وتصارخ : لالا بنتي يالدبه .وهناا قامت طيف تبكي وهي مختلعه .. البنات هههههههههههههههههههههههههههه هدى: يؤؤؤه نسيتها والله .. عهود عقابن لك تشيلينهااا وتحطها بحضن هدى هدى : ههههه هاتيهاا اصلا انا من اليوم ابيها تقوم هههه جات من الله شهد : وهـ يازينهاا ..منوله تكفين جيبي لناا وحده مثل طيف بس ابيها شوي متبتبه نوال : هههههههه شهد ليش احد قايل لك منال عندها بقاله تبيع بزران اشكال والوان.. البنات ههههههه عهود: هههه تشرط بعد .. منال وهي تناظر نوال وعهود : ان شاء الله اجيب لك احسن من بزرانهم بعد.. ماعليكم منهم منقهرين بهاللحظه توصل ساره وعبدالعزيز .. اللي كانوا كالعاده اخر الواصلين ويوقف عبدالعزيز بسيارته بقريب من الفله .. هدى اللي شافتهم: شوفوااا سارونه جأأأأت .. ساره تنزل من السياره وهي تشيل بنتها منال والشغاله شايله بنتها الثانيه نوال وكانت ساره وعبدالعزيزرزقهم الله بتوام بناات قبل 6 شهور.. واللي سماهم عبدالعزيز ع خواته منال ونوال .. هنا عبدالعزيز ينزل من السياره و معه بنته الكبيره دانه ويروح جهه الرجال يسلم عليهم منال شافت ساره تروح عندها وتسلم عليهاا منال وهي تشيل البنت من ساره: هذي مين انا ولا نوال ساره : هههههههه لا هذي سميتك .. منال : ياسمله عليهاا تزنن ساره : منوله خليها معك بروح اسلم ع عماتي بالفله منال : اوكيه وتروح ساره للفله ... منال تروح عند البنات وتقعد عندهم : وهـ يازين سميتى نوال اللي كانت توها جايه بعد مأخذه نوال الصغيره من الشغاله : لا حبيبتى سميتى احلى منال : نعم لا سميتي انا احلى نوال : لا انااا احلى هدى وهي تعطي عهود بنتهاا: هيه انتي وياهااا .. ترى انا كبدي لايعه خلقه لاتزيدوني .. شهد: ياااربي احس اني قاعده بحضانه هههه البنات هههههههههههههههههههههه عهود: هبي اذكري الله شهد: ماشاء الله ماشاء الله .. بعد لايجي بزرانكم شئ تقولون شهد البنات ههههههههههههههههه .............................. .................... ...................... وبعد الغداء وليد اللي خلص من الغداء يدق ع جوال ع منال .. ويقولها تجي تتمشئ معه منال اللي جأت عنده وصاروا يتمشون ع الشاطئ.. وليد وهو يأشر ع البحر: منول شفتى هذااك المكان.. منال وهي تناظر: ايه وش فيه.؟ وليد:هذاا احلى مكان تدرين ليش ؟ منال: ليش ؟ وليد : لان هالمكان اللي انقذتك فيه.. منال : ههههههههههه يؤه مايسوى عليناا انك انقذتنى .. شكلك بتقعد تذلني كل شوي وليد: ههههههه اكيد لين تعجزين حتى احفادناا راح اقولهم اني انقذت جدتهم المتهوره منال تترك يده وتتخصر: نعم انا متهور طيب طيب وانا بقولهم ان جدهم كان اقشر وليد : هههه حرام عليك اناا كنت اقشر منال : بعد اقشر شوي عليك وليد يناظرها : طيب انا اقشر الحين اغرقك مره ثانيه واعلمك من اللي اقشر .. تعالي ويحاول يمسكها منال: يمه لا ..وتروح تركض.. وليد يركض وراهاا: تعالي يالخبله امزح .............................. .............................. .................... ............................. وهناااك بالجهه الثانيه من الشاليه .. تركى ماسك هدى اللي تمشي شوي شوي وتوقف من التعب تركى: لاحول وش فيك ؟؟ كنك عجوز هدى: ياخي تعبانه كله من ولدك اللي في بطنى .. احس الدنيا قاعده تدور فينى تركى : لالا دامه من ولدي طلول هالتعب اجل ارتاحي وتقعد هدى وتركى ع الرمل مقابل البحر ... وكانوا يفكرون بمستقبل البيبي اللي جاي بالطريق.. .............................. .................... ................... وبداخل البحر.. نايف اللي استأجر لانج بسواقه.. وخذا عهود وبنته ولده خالد رحله باللنج عهود وهي قاعده باللنج وماسكه بنتها طيف وكان خالد واقف ع حافت اللنج مع ابوه عهود: نايف تكفى انتبه لخالد امسكه لايطيح. نايف يناظرهاا وهو يبتسم ويمسك خالد ويجي يجلس جنبهاا نايف: عهود خايفه ع ولدي؟ عهود وهي مستغربت منه: نايف وش هالسؤال اللي يهديك ..ااكيد اخاف عليه لان ولدك هو ولدي نايف يناظرهاا وهو يبتسم : ربي يخليك لي يااطيب قلب بالدنيا شفته عهود اللي انحرجت منه : ويخليك لناا ياتاج راسنااا ومشى اللنج فيهم وكان نايف جالس جنب عهود اللي ماسكه بنتهاا وخالد جنبهاا وكانواا يناظرون البحر .. والسماء اللي اختلط زراق لونها بصفار شمسها اللي شارفه ع الغروب فكان منظر يدل ع ابداع الخالق .. فسبحان الله .............................. .................... ............. وبجهه المراجيح .. كانت نوال وراكان رايحين للمراجيح عشان يلعبون ولدهم سلطان.. راكان هناا يركب ولده سلطان بالمراجيح وصار يمرجحه نوال وهي خايفه عليه: تكفى راكان انتبه لايطيح راكان: يؤؤه ترى اقلقتينى انا ابوه واخاف عليه قبلك.. انتي لاتحاتين بس نوال وهي تناظر المراجيح: يالله ياراكان نفسي اركب مرجوحه راكان يناظرها وهو يضحك : يلاا تعالي اركبي نوال تناظر حولهم وكان المكان شبه فاضي : جد راكان ترى اصدق راكان : ياشيخه صدقي والله ماخليها بخاطرك تعالي بس ويسحبهاا نوال: لووول ونااسه ...وتركب المرجوحه اللي جنب مرجوحه ولدهاا وصار راكان مره يدفهاا ومره يدف سلطان... نوال وهي طايره بالسمااء: هههههه وناااسه راكان فديتك والله ... وه بس احبك .. راكان: هههههههه فديتك والله انااا .. لو اني دارى ان هالكلام الزين بيجينى لاركبتي مرجيحه كان كل يوم بركبك مرجوحه نوال : هههههههههههههههههههههه .............................. ....... وبالجهه الثانيه عند سياره الايس كريم .. كان عبدالعزيز واقف يشترى ايس كريم لبنته دانه وساره وعماته .. وكان معه فارس اللي كان يوصل الايس كريم لهم بداخل الفله ... .............................. .................... ....... وبجهه الرجال.. شهد اللي قعدت مع ابوهاا وخالها ابو عبدالعزيز بعدا ماراحوا الشباب ومابقى غيرهم .. وصارت تسولف معهم عن مهنه الطب وكيف دراستهاااا وعن طموحاتها المستقبليه وكانت تسمع لنصايحهم ومشورتهم .. ْ~ وهناااك نحوا المجهول .. مازال ابو فارس مفقود .. رغم بعض الاخبار الغير موثوقه بأنهم وجدوا سيارته بطريق بري بمنطقه مهجوره بين السعوديه والكويت والى هذا الساعه الذي احدثكم فيهاا لم يعود ابو فارس ولم تصلنا عنه اخبار .. ْ~ الله يـرجـع كـــل غـالــي لغـالـيـه والله يــرد الشـمـل مابـيـن الاحـبـاب ْ~ |
|
|
#93 |
|
|
شفتكـ مع الي صار غيري حبيبكــ وأحتارت الدمعة بعيني وصديت..~ ْ~ وهنااك بكندا... وتحديداً بالعاصمه ..أوتاروا وعد اللي كانت مع زوجها فهاد بكنداا .. بعد ماجاته دوره عمل مدتها 3 سنوات و صار لهم من راحوا سنه تقريباً.. وكان باقى لهم سنتين ع ماتخلص دوره زوجهاا .. وعد اللي كانت تتعشى مع زوجها بمطعم بحري.. وكان جنبها جلاسه بنتها ..لمار.. اللي كان عمرهاا 10 شهور فهاد يقوم : وعودي استنى هناا شوي بروح احاسب واجي وعد: طيب وجلست وعد تناظر بنتها اللي كان نائمه جنبها .. وتناظر الناس اللي بالمطعم بهاللحظه يدخل شخص من الباب المطعم .. وكان ستايله شوي اوربي لكن كانت ملامحه عربيه .. وكان يمشي متجه ناحيه الطاوله اللي مقابله وعد وعد اللي كانت تناظره... فجأأأه بأنت ملامح هذا الشخص لوعد.. وعد هناا تصرخ بداخلها و بدون صوت : ياااااااااااااااسر مستحيل هذاا ياسرر لا اكيد يشبهه وكانت متجمده مكانهاا وهي تناظر ه .. هنااا يقرب ياسر من الطاوله اللي كانت مقابله وعد .. وما كان منتبه لهااا.. واول ماقعد ع الكرسي رفع راسه و ناظر قدام .. هنااا ياسر يغمض عيونه ياربي هذا حلم ولا علم وصاار يناظر وعد اللي كانت متحجبه وتناظره ولاشالت عينها منه ياسر اللي انصدم : وعد .. ياربي هذي وعد معقوله وتوه بيقوم عشان يجي ناحيتهااا ويتأكد .. بهاللحظه .. يجي فهاد ويوقف قبال وعد.. وهناء كان فهاد مثل الحاجز اللي حال بين ياسر ووعد... وعد اللي انتبهت بسرعه لنفسها وتنزل عيونهاا وتقول بنفسهاا : لاااااا ياربي معقوله هذا ياسر ليش القدر يجمعناا الحين ليش و بعد كل هالسنين .. هناا تحاول تنبه عمرها .. بس خلاص ياوعد ياسر صار ماضي وانتهى وفهاد هو حاضرك و دنيتك.. وكانت وعد تحب فهاد اللي غرقها بالحب والحنان .. فهاداللي انتبه لوعد اللي سرحانه: وعد وش فيك؟ وعد اللي ارتبكت : هاه لامافينى شئ.. انت حاسبت خلاص فهاد: ايه حاسبت وعد: يلا اجل نرجع للبيت ..احس اني تعبانه شوي فهاد: يلاا.. براحتك ويقوم يشيل بنته لمار من جلاستهاا ويروح يمشي وعد هنا تقوم و تأخذ شنطتهاا وجلاسه بنتهاا وكان ياسر يناظرها ويتأملهااا وهنااا نزلت دموع ياسر... اهـ ياوعد.. ليتني ماشفتك . .بعد ماحاولت اتناسااك وابعد طيفك عن بالي اشوفك الحين اقبالي ومع غيري اهــ يالقهر ليتنى مت ولاشفتك مع غيري.. ْ~ شفتك بعيني مع غيري وبكيت .. ناظرت عيني عيونك وادمعت .. ارتعش جسمي ابوقف ما قويت .. ودي اكتم عبرتي وغصب طـــــلعت.. ْ~ وعد هنااا تناظره ياسر واللي انتبهت لدموعه اللي نزلت ع خده ..هناا نزلت دموعهاا و هي عينها بعينه ودارت ظهرها بسرعه ومشت ... مشت وعد .. وتركت وراها عالم ياسر وحبها الخالد بقلبه ودموعه الصادقه لهاا .. وودعت بهذي اللحظه ..حب صادق شأت الاقدار ان لا يكتمل .. وعد وهي تمسح دموعهاا . خلاص ياقلبي ..ياسرماضي لايمكن يعود ... ْ~ مآبقى يآقلب مـن عمـركـ : كثيـر : | عيـش | عمـركـ ودّع المـآضي ورآكـ واتـركـ اللي : بـآع : دآم إنكـ بخ ـيـر بآكـر الأيآم تجبـر لـكـ | عـزآك | ْ~ .. همسه شكر خاصه ْ~ شكر خاص لشخصيات القصه الحقيقيه.. والذين اقحموني بعالمهم وسمحوا لي بكتابه جزء بسيط من واقعهم ومعاناتهم .. والذي مزجته بخيالي لتصبح لكم روايه سطرتها لكم هناا وان كان هناك جمال بالروايه .. .فهو لجمال ارواح وقلوب من سكنوا الروايه وجسدوهاا وهم شخصياتها الحقيقه .. ونأسف لنهايه المؤسفه.. فهنااك واقع وحقائق لانستطيع ان نغيرها .. ْ~ منقول |
|
|
#94 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
:sdgsdgh:ياالله عليكي ياغروب كان ودي ماتنتهي هالروايه حسيتها جزء مني الله يامحلاها شخصيات في بالي لايمكن انساهم يامحلا وناستهم وبراءت البنات تهبل والله وقصص حبهم اروع واروع بس نها يتها احزنتني ماقهرني الاياسر هو الوحيد الي ماتزوج ولا اخذ حبيبته ياحرام يلا الله يعوضه يارب تسلمين يامميزه دمتي مميزه
|
|
|
#95 | |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
اقتباس:
ياحبي انتي التميزوجودك غناتي لاعدمناهالطله دمتي غاليه |
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
