 |
  |
|
|
|
|
#71 |
|
|
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
البارت .. السابع .. متشابهه كل اليالي **** اما ليلتنا غير من فرحنا للحب نغني **** واحساسنا احساس طير اليله من قدنا في فرحنا وحبنا **** الكل يدعي معانا الله يتمم بخير اليله ليلتنا غير... بعد شهر من الاحداث الي مرت .. وفي ليله خميس من نصف الشهر كان زواج راكان من بنت عمه نوال الي صار خبر الزواج مفاجاء للكل والبركه بابو عبدالعزيز الي تكفل بكل شئ وعجل هالزواج الي كان صعب بالنسبه لنوال وراكان بنفس الوقت نوال الي تقبلت الواقع وكانت هادئه بهاليله عشان خاطر امها .. راكان ع كثر ماهو فرحان بزواجه بنوال الا انه كان خايف من الايام الجايه وحاسب لها حساب وانه كيف يتعايش مع انسانه ماتحبه فكان هذا اقسى شئ عاناه راكان .. بالفندق .. وتحديداً بغرفه العروسه كانت الكوفيرا توها باديه تسوي تسريحه ومكياج لنوال بعد ماخلصت من منال وام عبدالعزيز وصار دور العروسه.. ام عبدالعزيز الي حضرت قبل الزواج بأسبوعين وسكنت بشقه مفروشه هي واخوها نايف وكانت منال ونوال دائماً عندها لان ام عبدالعزيز رافضه تدخل بيت ابو عبدالعزيز عقب هالسنين.. ام عبدالعزيز وهي جايبه كوب عصير : نوال امي اشربي العصير نوال: لا يما مابي ام عبدالعزيز: اشربي يمي .. ماكليتى شئ من اليوم اخاف تدوخين علينا هنا منال تغمز لنوال عشان لاترد امها نوال : طيب .. وتأخذ الكاس العصير وتشربه... وبعد نص ساعه نوال خلصت لبس ومكياج وصارت كنها ملاك بصوره انسان ام عبدالعزيز وهي تناظرها: فديت امي انا وتبوسها و صارت تقراء عليها المعوذات هنا نوال نزلت دموعها.. منال: يؤه هيه لالا يرحم امك لاتخربين المكياج ماقلنا ع الله تخلصك وتأخذ منال المنديل وصارت تمسح دموعها بحذر عشان الكحل مايسيح وبهالحظه يدخلون عليهم البنات والعمات يسلمون عليها ويباركون لها .. هدى: لول وش هالزين نوالوه اخ يالخيانات مكياجك احسن منا وعد: هههه اكيد هي العروس يالخبله عهود: ياربي يستر ع اخوي من هالزين اخاف تجيه جلطه نوال كانت تبتسم للبنات ومنحرجه من عماتها شهد: اذكر ي الله اخاف تصرعينها انتي وتجيها جلطه البنات هههههههههههه عهود: لا ابشرك عيني بارده بهالحظه تدخل ام راكان وشوق الي كانت حامل وبدايه شهرها التاسع ام راكان تسلم ع ام عبدالعزيز: مبروك علينا ياوخيتي ام عبدالعزيز : الله يبارك في حياتك شوق تجي لنوال وتبوسها : مبروك ياقلبي .. سمله عليك طالعه قمر وتقبص خدود ها نوال تبتسم ومنحرجه من شوق الي صار لها شهور ماشافتها منال وهي تسلم ع شوق وتخصر : شواقه وانا ماني طالعه قمر ولا بس حماتك هاه؟ شوق : ههههههههه الا انتي الزين كله منال وهي تناظر البنات: هههههههههه ا اشوى ع بالي بعد وعد : يمه منك يامنول بدينا بغيره البزران هههههههه البنات ههههههههههه ام وليد وام راكان وام فارس لمى خلصوا سلام نزلوا تحت عندالمعازيم الي كانوا بصاله الفندق وقعدوا البنات مع ام عبدالعزيز الي رفضت نوال انها تروح وتخليها الى ان جاء وقت الزفه بالصاله بداء الاستعداد لزفه العروسه .. نوال وهي نازله لصاله الي كان بين الصاله والدرج باب نوال تمسك بيد منال: منال خايفه وتناظر امها :: يمه خليك جنبي تكفين ام عبدالعزيز: كلنا جنبك يامي لاتخافين منال: نوالوه لاتخافين انا ناشبه لك بلصق جنب المصوره نوال هنا تبتسم لها: فديتك ايه تكفين ترى بخلي عيني عليك منال تحاول تضحكها: هههه حشى رادار مو عيون ذي ههه نوال : تضحك ع خفيف و بعد ماخفت انوار الصاله وشعلوا الانوار الي ع الطاولات وبداء الدخان يطلع من جوانب الجسر بهالحظه .. هدى وعهود يفتحون الباب ع مصرعيه .. وهنا تطلع نوال ع المعازيم ع نغمات زفتها الي اختارتها لها منال وهنا صارت نوال تمشي بخطوات بطيئه وبأمر من المصوره.. بسم الله المعبود والرحماني.. وازكي صلاتن ع النبي العدناني ع عروساً حسنها يسبقها... تمشي ويتبعها نظر الاعياني عروسنا كل الي حسن يكسيها ...والبدر يخجل لو يطالع فيها هي عذبتن والشعر مايوفيها... لو فيها غن وابدع الالحاني الف الصلاه والسلام الف الصلاه والسلام عليك ياحبيب الله محمد ... وكانت نوال وقتها حاسه انها بطيح من كثر الاحراج والخوف ونبضات قلبها تبض بسرعه وكان اكثر شئ مخوفها انها راح تدخل حياه جديده بعيده عن ابوها ومنال واخوانها والاهم انها راح تكون حرم راكان الي ماهي قادره تحبه وتقبله .. نوال توصل للكوشه وتقعد .. وهنا يجونها البنات كلهم ويصورون معها ويرقصون عندها وكانت ام عبدالعزيز ماسكه نفسها واقفه جنب نوال الي حست كيف الدنيا تجرئ بسرعه وهي تشوف بنتها الصغير الي كبرت و صارت عروس.. هنا يقطع ع تفكير ام عبدالعزيز صوت الطقاقه الي تطلب من الحريم يتغطون عشان المعرس والرجال بيدخلون .. ام عبدالعزيز تنادي منال تجيب عبايتها ... وهنا ينفتح الباب وكان بالمقدمه .. المعرس راكان وبجنبه عمه ابو عبدالعزيز الي كان ماسكه وراهم تركي وعبدالعزيز وخالها نايف ويمشون لين وصلوا ع المنصه ويبوس راكان راس عمته ام عبدالعزيز الي باركه له وقعد جنب عروسته ... ابو عبدالعزيز وهو يبوس راس نوال : مبروك يمي ونوال كانت ماسكه نفسها لاتبكي قدام الناس.. وهنا يناظر ابو عبدالعزيز ام عبدالعزيز الي واقفه جنب بنتها ابو عبدالعزيز وهو مرتبك: مبروك يانوره تهنيتئ بما ربيتي .. هنا ام عبدالعزيز حست بتوتر: الله يبارك فيك ياطلال ويهنيك .. ويروح ابو عبالعزيز ويوقف بجنب راكان وهنا صار يناظر ام عبدالعزيز الي كانت متغطيه وتناظره . ولمى جاءت عينها بعينه بسرعه لفت وجها للجه الثانيه وكان بهالوقت تركي وعبدالعزيز وخالهم نايف يرقصون بعد ماطلبت منال من الطقاقه اغنيه خاصه لخوانها وخالها.. وكانت بالجهه الثانيه بالمنصه البنات الي تغطوا وصاروا يناظرون تركى وعبدالعزيز ونايف وهم يرقصون .. وبعد ماخلصوا رقص الكل تصور مع المعاريس .. و بعد ماطلع ابو عبدالعزيز وتركى ونايف وعبدالعزيز من الصاله الى صاله الرجال وهنا بدت الطقاقه تودع المعاريس.. راكان وهو ماسك يد نوال وصاروا يمشون بطء لين طلعوا من الصاله وراحوا لغرفتهم الي بالفندق .. وقضوا البنات باقى ساعات العرس بالرقص والضحك وبعد 4 ساعات انتهى العرس ع خير وكان هاليوم الكل فرحان ومبسوط لان بهالعرس تجمع شمل الحبايب.. .............................. .................... .............................. ............. بغرفه المعاريس ... نوال قاعده وهي خايفه ومرتبكه وعيونها بالارض وقطعت مسكتها من كثر ماهي متوتره راكان الي طفش وهو يناظرها وكانوا ساكتين وماكان يدري وش يقول وهنا يأخذ التلفون ويطلب لهم عشاء.. وبعد ربع ساعه وصل العشاء راكان وهو يحط العشاء ع الطاوله وهو يناظرها: تعالي تعشي .. نوال تناظره بنص عين: مابي عشاء.. راكان الي انقهر من هالنظره : احسن موفره وكان راكان مأخذ ع نفسه سياسه جديده انه مراح يذل نفسه لها مهما كان وانه راح يوريها العين الحمراء بتعامله لانه لكل فعل رده فعل.. نوال بعد ماقال لها هالكلام انقهرت منه وتقول بخاطرها : سخيف هنا نوال تقوم تغير ملابسها وبالموت فكه فستان العرس.. ولبست بجامه بيضه وعليها بالطوا طويل ولمى طلعت شافته للحين يأكل ..ناظرته ومشت جهه المرايا وصارت تمسح مكياجها.. راكان وهو يأكل ويناظرها: والله لاكسر راسك يانوالوه شايفه نفسك علي اوريك هنا يخلص اكل راكان ويغسل يده ويروح ينام .. نوال بعد ماخلصت تمسيح مكياجها وخلت مكياج خفيف بوجها.. ناظرت ع طاوله الاكل مالقته موجود : نوال هذا وين راح؟ وكانت ميته جوع وصارت تمشى بهدوء تشوف وين راح وهنا شافته نائم ع السرير نوال : احسن فكه منه .. وتروح بهدوء لطاوله الاكل وصارت تأكل بسرعه وهي خايفه يطلع عليها ويشوفها ولمى خلصت اكل وكانت تعبانه وتبي تنام صارت تدور مكان تنام فيه : ياربي وين انام ؟ وهنا تشوف الكنبه الي بالصاله وتروح تنسدح عليها وكان التكيف مره بارد .. ماقدرت تنام من البرد نوال تقوم وهي تتراجف : ياربي وش هالبرد ..وتروح ادور لها بطانيه تتلحف فيها مالقت وهنا تشوف راكان نائم ع السرير ومتحلف بمفرشين .. نوال بخاطرها: ياسلام انا هنا ذابحني البرد والاخ متحلف بمفرشين هين .. وتروح تمشي بهدوء لين قربت عنده وتقرب جنب السرير وتناظر وجهه وكان باين انه نائم هنا صارت تسحب البطانيه منه بشوي شوي عشان مايحس فيها.. وبهالحظه يقوم راكان وهو مختلع: بسمله وش فيك؟ وش قاعده تسوين انتي ؟ نوال هنا من الخلعه تركت المفرش وخافت: هاه لا بس .. بس ابي بطانيه برد راكان بداخله يقول : خسى البرد والله .. بس كان.. يكابر قدامها هاك ويرمي البطانيه عليها : اخذي لاحد يتجمد علينا بس.. تراك الحين بذمتي نوال وهي تعفس وجها: شكرا راكان وهو يبتسم : عفوا .. اي خدمه لاتردك الا يدك .. ويرمي عليها مخده هاك مو لانمت تجين مثل الحراميه تجرجرين من تحتي اخذي من الحين نوال وهي مقهور ه و تأخذ المخده وهي تناظره بحقد وتقول بنفسها :ياملغك وتروح لصاله وتنسدح ع الكنبه وتتحلف وتنام راكان الي يناظرها وهي رايحه : يافديت هالزول ياحراميه .. ويحط راسه ع المخده وينام وكان التعب الي صار لهم بهاليوم كافي ان يخليهم ينامون بسرعه ومن دون تفكير وكان هذا اول يوم زواج لراكان ونوال .................... .............................. .................... .............................. .................... ........................... اليوم الثاني نوال وهي راقده وفاتحه فمها من التعب ومو حاسه بنفسها راكان الي يمر عليها وصار يضحك ع شكلها. نوال الي كانت غارقه بالنوم حست بأن احد واقف ع راسها هنا تفتح عيونها شافت راكان واقف ع راسها ويضحك نوال هنا تنقز وتعدل شعرها : خير فيه شئ يضحك ؟ راكان هنا فقع ضحك : هههههههههه اي والله فيه وجهك وانتي نائمه قسم نكته نوال وهي تناظره بعصبيه و ترمى البطانيه وتأخذ بالطوها وتلبسه : الحمدالله والشكر قله العقل مصيبه وتروح للحما راكان هنا يعصب عليها: تعالي تعالي وش قلتي ؟ نوال ماترد عليه وتدخل الحمام.. راكان : هين والله لا اوريك نجوم القايله ويقعد وهو معصب ع الكنبه ينتظرها تطلع بعد دقائق نوال تطلع من الحمام وصارت تناظره وتمشي راكان بنبره حاده: هيه انتي تعالي نوال وهي واقفه بعيد : ماني جايه وش تبي؟ راكان وهو ماسك عقاله وشماغه ويجي ناحيتها بسرعه وعيونه تولع شرار هنا نوال شافته خافت وقعدت ع الارض وصارت تبكي : يمه لاتضربني تكفى راكان هنا يناظرها وهو مستغرب هذي الي توها مسويه قويه الحين تبكي وهنا رحمها ويمد يده لها: هاتي يدك قومي لاتقعدين بالارض نوال وهي تمسك اصابع يده وتقوم راكان وهو يحط وجهه بوجها : نوال .. حطي في بالك ترى مو انا الي امد يدي ع مره .. نوال وهي تمسح دموعها ولاتناظرها لانه حست نفسها سخيف قدامه يوم خافت منه راكان تعالي اقعدي خلينا نتفاهم .. ويروح ويقعد ع الكنب وتجي نوال وراه وتقعد وهي ساكته.. وتمسح دموعها.. راكان: نوال انا وانتي انجبرنا ع هالزواج صح نوال وهي تناظر قدام ولاترد عليه .. راكان: نوال انا ماطلبت منك تحبينى لاني عارف ان هالشئ مو بيدك بس ابي منك شئ واحد ابيك تحترميني انا رجال ولي كياني.. ولا ابيك تطولين السانك علي.. لانه عيب البنت تطول السانها ع رجال فكيف لو كان زوجها .. وانتي بنت اصول وتعرفين العيب وانا يانوال من ناحيتي صدقينى مراح يجيك مني الا كل خير لاني احبك .. نوال هنا مامسكت دموعها وصارت تبكي لانه كلام راكان لها كان مؤثر راكان كان يكره يشوف دموعها: خلاص يانوال مو كل شئ تبكين انتي الحين كبيره يلا انا رايح اجيب فطور ولاتقولين مابي .. ومن وراي تروحين تأكلين هنا نوال ماتحملت وفقعت ضحك : ههههههههههههههههه وحست بأحراج انه كان كاشفها امس .. راكان: ههههههههههه يالبى الضحكه ايه كذا اضحكي نوال حست باحراج منه وقامت بسرعه ودخلت الغرفه وصكرت الباب لانها تبي تغير ملابسها ... راكان الي كان يناظرها : اه يانوال ليتك تفتحين قلبي وتشوفين وش كثر انا احبك ويروح يدق ع مطعم الفندق ويطلب فطور وصار ينتظره .. بهالحظه تطلع عليه نوال لابسه تنوره تحت الركبه جنز غامق وبلوزه حمره وكانت رافعه شعرها وحاطه روج احمر هنا راكان صار يناظرها ونسى نفسه وصار يحرج نوال بنظارته نوال وهى تمشي شافته يناظر فيها نوال بصوت مرتبك: متى بنروح للغداء؟ راكان : هاه لافطرنا وخلصنا ع الساعه 11رحنا لان امي داقه علي تقول لاتأخرون وهنا يندق الباب الفطور وصل .. راكان وهو رايح يفتح الباب يوقف ويناظرها .. المهم نوال اقري المعوذات قبل نروح ترى الناس ماتعطي خير .. ويروح يفتح الباب ويجيب الفطور وبعد ما افطروا وخلصوا كشخ راكان وترسم بالشماغ وتعطر وبعدها نزل ينهي اجراءات الفندق ويسلمهم مفتاح الغرفه وراحوا لبيتهم.. .............................. .................... .............................. .................... .. في بيت ابو راكان كان الكل قاعد ينتظر المعاريس .. البنات الي كاشخين بالصاله وينتظرون نوال متى تجي.. منال : يالله تأخروا مفروض يجون قبل يجي احد من المعازيم هدى : اصبري شوي بيجون.. منال: يختى الكوفيره فوق بغرفتها تنتظرها ومعصبه تقول ليش العروس تأخرت هدى: ماعليك منها .. بس تشوف الفلوس تنسى العصبيه بهالحظه عهود تجي: بنات الحين هم عند الباب توني كلمت راكان يقول عند الباب هم شهد : اشوى جاوا قبل احد يجي وبهالحظه تدخل نوال عليهم بالصاله الكل قام يحيها ويسلم عليها العمات والبنات .. وخاصه ام عبدالعزيز الي ضمتها وصارت تسألها: هاه يمي افطرتي نوال بخجل: ايه يمه افطرت شوق :حبيبتى عهود ودي نوال لجناحها فوق عهود: يلا نوال من اليوم الكوفيره تستناك ويطلعون البنات كلهم مع نوال الي بدت الكوفيره شغل فيها بمكياج واشتشوار ولبست فستان اخضر لنص الساق وكانت فاكه شعرها وكان شكلها مره ناعم ونزلت ع المعازيم وصاروا يسلمون عليها ويباركون لها وكان صوت الديجيه شال المكان الي رقصوا عليه البنات وزعوا الشوكلاتات والحلويات وبعد صلاه العصر الكل راح لبيته ..ومنال راحت مع امها لشقتها بعد ما استئذنت من ابوها.. انها راح تنام عند امها هاليومين وكان ابو عبدالعزيز حاس بمنال الي كانت حزنانه ع فراق نوال وماتبي ترجع البيت من بعدها وهو خالي .. ............................. |
|
|
#72 |
|
|
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
ماعاد يرضيني وفى ولا يزعلني جفى متساويه في خاطري ظلم العرب وانصافها ولا تاقف الدنيا على شمع الغرام الي طفى بعض الشموع انا اتعمد كسرها واتلافها تعبت ادور فالقلوب البارده ليلة دفى والقى استغلال النفوس وكذبها واجحافها وبعد مرور 3 اسابيع من زواج نوال .. الساعه 12 اليل منال كانت قاعده بالبيت لحالها وكان ابو عبدالعزيز مسافر لمصر يقضى بعض اشغال شركته .. وتركى نائم بغرفته فكان شعور الوحده قاتل بالنسبه منال ..والي ماحست بهالشعور الا بعد زواج نوال منال وهي حاسه انها مخنوقه وماهي قادره تتنفس وتفكر لو ان امها معها مكان ماحست بهالشعور منال: يارب رحمتك هون علي هالضيق وانس وحدتي .. وتنزل تحت وصارت تتمشي بالبيت وتناظر لعل وعسى تلقى شئ يونسها ويبعد عنها شبح الوحده وكانت كل مكان تمر فيه تتذكر جمعتها هي ونوال وتذكر سهراتهم مع بعض .. هنا منال ماتمالكت نفسها و نزلت دموعها ماشاروتها.. وتقول بخاطرها : الله يهنيك ويسعدك يانوال ياشين دنيتي من دونك وبهالحظه تناظر منال مكتب ابوها الي تركه مفتوح وكان الباب مردود ع خفيف .. منال: غريبه ابوي ماقفل مكتبه اكيد كان مستعجل ونسى وتدخل منال مكتب ابوها الي كان يرفض ان احد يدخله وهو غير موجود منال وهي تقعد ع مكتب ابوها جاءها فضول وصارت تتفرج بكتبه والمقالات الي يكتبها وصار تفتش بدروج المكتب وهنا شافت صورهم وهم صغار هنا ابتسمت منال لصوره.. وهنا يلفت انتبها ظرف بني مربوطه بخيط ..منال تستغرب شكله وحست ان هالظرف فيه اشياء مهمه وتأخذه و تفتحه وصارت تقرى بالاوراق الي موجوده بداخل الظرف .. وكان باين انها اوراق مهمه وصارت تقرى ورقه ورقه وكان من ضمن الاوراق عقد زواج ابوها وامها .. وهنا صارت تدور ع عقد الطلاق وينه ؟ وبهالاثناء .. طاح بيدها كرت العائله وصارت تقرى وكان كرت العائله جديد باين من تاريخه لانه شايلين نوال منه لانها انضافت بكرت راكان.. وهنا منال تناظر كرت العائله ..شافت ان الموجود بطاقه العائله اول شئ اسم امها .. زوجه وبعدها هي.. ابنه وهنا كانت الصدمه لمنال وصارت تناظر وتأكد وماهي مصدقه عيونها منال: معقوله ابوي ماطلق امي ليش اجل عايشين كأنهم منفصلين وامي بالرياض واحنا هنا كل هالسنين الي راحت.. وابوي يطلع ماطلق امي لالا مستحيل وصارت تبكي وتأخذ الجوال ومافكرت انها بنص اليل وتدق ع نوال.. نوال ال كانت نائمه قامت مفزوعه وشافت الساعه وكانت الساعه 1 اليل وتناظر من المتصل كان المتصل منال هنا نوال خافت اكيد فيها شئ وترد بسرعه نوال: الو منال وهي تبكي : نوال نوال وصارت تبكي وماتقدر تتكلم نوال هنا تصارخ وماسكه قلبها: وش فيكم منال؟ راكان الي كان نائم قام ع صوت نوال وعرف ان الي تكلمها منال منال وهي تشاهق من البكاء: نوال ابوي ابوي نوال وهي تصارخ: وش فيه ابوي تكلمي ؟ منال بصوت متقطع : ابوي يانوال ماطلق امي.. امي ع ذمته الى الحين نوال من الصدمه : منال.. وش تقولين انتي.. انتي متأكده وصارت تبكي منال : والله يانوال والله وتقولها الي شافته بالاوراق راكان هنا يمسك نوال: نوال و شفيهم وش الي صاير؟ منال هنا سمعت صوت راكان استحت شوي : نوال خلاص بكلمك بكر وصكرت الجوال وهي تبكي وكانت طايحه بالارض تحت مكتب ابوها وحاسه انها بكابوس وماتدري متى تصحى منه .. ............................. نوال وهي تبكي بعد ماقفلت الجوال راكان: نوال وش الي صار وقفتي قلبي؟ نوال بصوت متقطع : منال تقول .. تقول ان ابوي ماطلق امي راكان هنا صار يناظرها وبصوت واطئ : ادري نوال هنا تناظره بصدمه : ايش تدري؟ راكان : ايه ادري و الكل يدري بس انتي ومنال الي ماتدرون نوال هنا حست الدنيا تدور فيها وكنها بحلم وصارت تصارخ : كذاب انت كذاب كلكم كذابين كلكم وطاحت بالارض وصارت تبكي بحرقه راكان يجي ناحيتها بسرعه ويضمها ويحاول يهديها: نوال تعوذي من ابليس وماتدرين يمكن تصلح الامور وترجع امك لابوك نوال وهي تبكي : بعد ايش ياراكان بعد كل السنين واحنا محرومين من امي ؟؟ وتقوم بسرعه وتأخذ جوالها وتدق ع منال راكان يمسك الجوال منها :نوال لاتدقين عليها وتزيدينها كفايه الي هي فيه نوال تبعد يد راكان وخر عني وصارت تدق .ز منال الي كانت طايحه بالارض بمكتب ابوها وتبكي هنا جوالها يدق منال تاخذ الجوال شافت نوال تتصل وتردوهي تبكي: الو نوال بصوت مبحوح: شفتي يامنال ... طلع الكل يدري بس انا وانتي الي ماندري منال هنا تقوم : ايش وش تقولين انتي نوال : الكل يدري يامنال الكل الا انا وانتي عايشين بوهم طول هالسنين هنا منال من قوه الصدمه رمت الجوال ونزلت راسها بالارض وصارت تبكي بصوت عالي ليش يايبا تسوي فينا كذا ليش ليش ياعالم ليش وهنا تذكرت تركى اخوها الي نائم بغرفته وتروح تركض وهي تبكي .. ...................... نوال : الو منال منال وين رحتي ومافي احد يرد عليها نوال: راكان الحقني منال ماترد علي راكان يأخذ الجوال منها كله منك : الو منال الو محد يرد راكان البسي بسرعه نروح بيت اهلك نشوفها نوال الي بسرعه تدور عباتها وتلبسها و تطلع هي وراكان ويتوجهون لبيتهم .. بدون محد ينتبه لهم من اهل البيت .. .............................. .................... .......... منال وهي تفتح باب الغرفه بكل قوتها ع تركي الي كان نائم وصارت تبكي وهي تناظره تركى هنا يقوم ع صوت الباب الي انفتح عليه بقوه تركي يمسح عيونه ويشغل الابجوره وصار يناظرها : بسمله منال وش فيك؟؟ منال تناظره بنظره قهر وهي تبكي تركي : منال وش فيك تكلمي؟ ويقوم من السرير ويجي ناحيتها منال والكلام يالله يطلع منها: ت تتركي انت تدري ان .. ان .. ان ابوي ماطلق امي هنا تركي يناظرها وهو مصدوم : من الي قالك؟ ابوي منال تصارخ بوجهه : مالك شغل من الي قالي سألتك جاوبني تدري ولا ماتدري تركي هنا نزل راسه : للاسف ادري هنا منال ماتحملت وصارت تضربه ع صدره : حرام عليكم ليش تسون فينا كذا ليش.. ياتركى ياخوي ليش ماعلمتونا ليش تركى الي مسكها ويحاول يهديها :منال استهدي بالله لاتسوين كذا منال وهي تصارخ: وخر عني : كل هالسنين واحنا عايشين باوهام.. وشبح طلاق امي و بالنهايه طلعت كذبه من اكاذيبكم.. تركى يمسكها: خلاص منال خلاص منال :.. كلكم كذابين كلكم مجرمين الله لايسامحكم .. اه يايمه وهنا ماقدرت تستحمل وتطيح من طولها ع الارض تركى يصرخ : منال ويمسكها ويشليها بسرعه بهالحظه تدخل نوال عليه نوال: منال.. وش فيها منال ياتركي .. تركى: جيبي عباتها بسرعه وكان وقتها راكان ينتظرهم بالصاله لانه سمع صوت تركي فعرف انه راح يحل المشكله نوال تجيب عبايه منال وتحاول تلبسها ويودونها المستشفى بالمستشفى فاقت منال الي كانت هادئه وساكته بعد ماعطاها الدكتور ابره مهديه وطلب منهم يخلونها بالمستشفى لمده ساعتين بس تحت الملاحظه.. وكان نتيجه الاغماء صدمه قويه اثرت ع الضغط عندها وبعد ساعتين ..ارجعو ا للبيت بعد ماطلبت نوال من راكان انها تقعد عند منال فطبعاً راكان وافق لانه منال بهالوقت محتاجه لاختها.. بغرفه منال .. منال نائمه ونوال تناظرها وتبكي ع حال اختها وحالها وكيف ان الي حولهم كلهم ظلموهم كل هالسنين الي اوهموهم فيها ان ابوهم طلق امهم بالثلاث وانه لايمكن يرجعون لبعض الا بعد ماتزوج غيره ويطلقها وبعدها تكون حلال لابوهم.. بالمشب الي بره.. تركى الي جالس وحالته حاله ومعه راكان .. راكان يحط يده ع رجل تركي : تركي هدا نفسك وانا اخوك تركي: اه ياراكان .. جاء هاليوم الي كنا حاسبين له حساب وخايفين منه وجاء اليوم الي يتعذبون ويحسون فيه مثلي .. راكان: الله يهديكم لو معلمينهم من زمان ماكان صار الي صار تركى: هذا ابوي وش اسوي له هو الي خبئ عليهم هالشئ يقول مولازم خواتكم يعرفون راكان : طيب .. وعمي ليش يسوي كذا؟ تركى : لان ابوي عارف انهم لو عرفوا راح يحاولون يرجعونهم لبعض ولان ابوي مايقدر عليهم وراح يضعف قدام الحاحهم.. راكان: والله مساكين .. مايستأهلون . الله يهدي عمي بس تركى : امين .. راكان يقوم :يلا انا رايح كلها ساعتين وروح لدوام.. وانت ماعندك دوام؟ تركى : .. لانا بستأذن اليوم مقدر اروح واخلي خواتي بهالحاله راكان : يلا اجل مع السلامه ولاحتجت شئ دق علي تركى : من قال سالم .. ان شاء الله.. وراح راكان للبيت وترك تركى .. الي كان حاله مثل حال خواته ولكن يكابر قدامهم وكأنت هالحقيقه الي نكشفت قدام خواته واقعه الي كان يتهرب منه كل هالسنوات ومهما كابر تركى قدام الكل وكان له شخصيه وهيبه الا انه بداخله طفل مجروح انحرم من امه .............................. .................... ......... الساعه 6 الصباح.. تركى الي كان توه راجع من بره وجايب معه فطور ويروح لغرفه خواته ع طول منال الي نامت شوي وصحت .. مثل ماصحت من كابوس حياتها نوال وهي تناظرها : منال تبين اجيب لك شئ تشربينه؟ منال تهز راسها بلا هنا يندق الباب .. تركي وهو يفتح الباب : السلام عليكم نوال ومنال بصوت واطئ : وعليكم السلام تركى وهو شال معه سندويشات فلافل وجبن ويناظر منال: شلونك الحين؟ منال بصوت واطئ : طيبه تركي : يلا جبت لكم فطور .. سندويشات شغل عدل ويحطه قدامهم. تركى يناظرهم وكانت كل وحده ساكته وتناظره تركي : بنات اسمعوني .. انتم كبار وعاقلات والي صار مراح يغير شئ من الواقع سواء ابوي طلق امي ولا ماطلقها خلاص هم لايمكن يرجعون لبعض لذلك .. مانبي ابوي يدري بالموضوع وانكم دريتوا مانبي نضايقه و صدقوني ابوي ماخبئ هالشئ عليكم الا لمصلحتكم منال تناظره بحقد: اي مصلحه؟ تلعبون ع نفسكم انتم ولاتلعبون علينا تركى مصدوم من رده فعل منال: منال محد يلعب عليكم افهمينى ولاتقاطعيني منال وهي معصبه : مابي افهم احد لو انا ماشفت الاوراق بعيني كان لين اموت محد علمني وخلتونا عايشين ع كذبه من اختراعاتكم.. تركى : اسكتي ولاعاد اسمع منك هالكلام منال: مراح اسكت طول هالسنين ساكتين ولا نجيب طاري لابوي عشان مانضايقه الحين لا مراح اسكت من حقي اعرف كل شئ .. نوال تمسك نوال تحاولي تهديها.: منال خلاص . تركى الي مايدري وش يقول ويرقع لانه عارف ان تصرف ابوه و تصرفهم كان غلط المهم.. ابوي لايدري بالي صار وانكم دريتوا فاهمين و يقوم ويطلع من الغرفه منال بعد ماطلع تركي : ايه هين .. نوال تناظرها: منال وش ناويه تسوين؟ منال: والله لاخليهم يندمون ع كل دقيقه وثانيه عشتها انا وانتي ع هالكذبه نوال من تقصدين ؟ منال : كلهم واولهم امي وابوي .. مراح اسامحهم بالي سواه فينا وهنا نزلت دموعها وصارت تبكي منال: نوال ليش احنا مو اوادم ماعندنا مشاعر واحاسيس ليش مافكروا فينا مايدرون ان حنا نتعذب اكثر منهم هم اشتروا راحتهم واحنا شرينا العذاب والحرمان.. وصارت تبكي نوال وهو دموعها ع خدها: منال ماتدرين يمكن هالشئ خيره يمكن امي ترجع لابوي ونعيش زي قبل منال وهي تمسح دموعها: ماضنتي يانوال.. الي انكسر عمره مايتصلح .. نوال: طيب لاتقولين لابوي ان حنا عرفنا منال: نوال انتي بعد مثلهم لمتى تبينا نمثل هالكذبه قدام ابوي الين نموت يعنى؟ اذا هم عرفوا يمثلون علينا كل هالسنين انا ماعرف امثل مثلهم .. نوال: لا ماقلت لك مثلي بس مو الحين .. منال :متى؟ قول لي متي .. نوال انتي ماعليك انا الي بواجه ابوي وامي بنفسي ؟ .............................. .................... .............................. ............... في بيت ابو راكان في اليوم الثاني ..شوق الي كانت نائمه بغرفه عهود تقوم ع ألم الطلق شوق تنادي عهود الي نائمه جنبها: عهود عهود اي اي.. وتمسك ظهرها عهود تقوم وهي خائفه: بسمله عليك وش فيك؟ شوق وهي تعض شفايفها من الالم: عهود الم فضيع شكلي بولد صحي راكان بسرعه بس امي لاتدري تكفين .. عهود: طيب طيب و تروح بسرعه تدق ع راكان غرفته راكان الي قام مفزوع ويفتح الباب وشاف عهود وجها مختبص: عهود وش فيكم؟ عهود: راكان بسرعه شوق بتولد راكان يلا اجيب مفتاح السياره وجاي وخذ راكان عهود وشوق للمستشفى من دون ماتدري ام راكان الي كانت نائمه لانهم ماحبو يعلمونها ويخوفونها وبعد 4 ساعات والساعه6الصبح ولدت شوق. وجابت بنت مثل القمر . راكان الي نائم بكراسي الانتظار لانه عنده دوام وتعبان هنا عهود تصحيه : راكان راكان . راكان وهو يشيل الشماغ عن وجه: هاه بشري ولدت؟ عهود: ابشرك صرت خال .. جابت بنوته . راكان : جد مبروك مبروك.. وهي شلونها الحين؟ عهود: طيبه الحمدالله راكان : طيب بشرتوا امي عهود: لا للحين راكان: خلاص انا الي بشرها عهود: طيب.. انا بروح معك هي الحين ترتاح وبرجع لها الظهر وراحت عهود مع راكان للبيت. .............................. .................... ........... ام راكان الي كانت قاعده ع سجادتها تنتظر وقت الاشراق بهالحظه يدخل عليها راكان وعهود.. راكان: ابشري ع شوق بنت عهود : مبروك يمه صرتي جده ام راكان الي ماكانت مستوعبه : والله .. ولدت متى ؟ عهود توها قبل ربع ساعهود ام راكان الي صارت تبكي:ليش ماصحتوني اروح معها؟ عهود: يمه لاتبكين تراها طيبه وبنتها بعد.. وهي الي مارضت اني اصحيك راكان: خلاص يمه الحمدالله انهم بخير وطيبين .. عهود: بروح ابشر نوال.. راكان: نوال مهب فيه عهود وام راكان يناظرونها: ليش وينها؟ راكان : بس نائمه عند اختها من امس لان عمي مسافر وهي قاعده لحالها ام راكان: اها.. يلا جل بروح ابشر عماتكم عهود: وانابروح ابشر البنات.. وطلع راكان لغرفته يلبس وطلع بعدها للدوام. .............................. .................... .............. العصر.. كل العائله تجمعت عند شوق بالمستشفى يهنونها بالمولوده الي سمتها.. ديمه.. ام وليد وهي شايله ..ديمه: ماشاء الله ربي يحفظها .. ماخذه ملامح كثير منك ياشوق شوق: ايه يقولونه ام فارس: ايه اشوفها زينه دامه طالعه ع امها شوق وهي منحرجه: الله يسلمك ياعمه .. عهود: ترى خلاص من اليوم اسمها ام ديمه لاحد يناديها بشوق شهد: شوق يعنى الحين اسمك ام ديمه ..مو لازم يكون ولد عشان نقول ام فلان هدى وهي تضرب راس شهد : شهد يرحم امك مانبي أساله غبيه شهد وهي تمسح راسها: وش دخلك انتي ياحشريه انا اسال شوق الكل هنا يضحك ع هدى وشهد شوق : شهوده حبيبتى عادي بنت ولا ولد يسمون الام اذا ماعندها اعيال باسم اكبر بناتها شهد: اها وبهالحظه تدخل نوال عليهم وتسلم ع شوق وع الكل نوال : مبروك ياشوق تتربي بعزك ان شاء الله شوق الله يبارك فيك وعقبالك ان شاء الله نوال: ان شاء الله ..عطيني اشوفها .. عهود الي كانت شايله ديمه تعطيها اياها عهود: شوفي ياديمه هذي مرت خالوا نوال والكل هههههههههههههههههه هدى : الا صدق نوال وين منال ؟ماقلتوا لها نوال: هاه.. الاتدري انا جايه من عندها بس تعبانه مزكومه وعليها حراره شوي ايه صدق ترى وصتنى اوصل سلامها لك ياشوق وتعذر منك تقول بكره ان شاء الله بتجيك شوق: فديتها الله يسلمها ويشفيها .. لاعادي اهم شئ صحتها وبعد دقايق ينتهي وقت الزياره والكل راح لبيته .............................. .................... .............................. ..... في بيت ابو عبدالعزيز منال الي قاعده بسريرها ورفضت تزور شوق وخاصه انها عرفت ان الكل عندها ولانها ماتبي تشوف احد من عماتها واهلهم كلهم كانت حاسه بحقد تجاهم لانهم كلهم كانوا يدريون وكلهم اشتركوا بتمثليه الكذب مع ابوها.. منال حست بداخلها قهر وبركان يطبخ وهي تحس انها انخدعت من اقرب الناس لها. بهالحظه يدق جوالها منال تناظر الغاليه يتصل بك.. منال ترد بصوت مبحوح: هلا ام عبدالعزيز: هلا يمي شخبارك؟ منال برود: بخير ام عبدالعزيز: وينك من امس مادقيتى علي ؟ منال ساكته .. وتحاول تمسك نفسها لاتنفجر قدام امها.. ام عبدالعزيز: الو الو وينك؟ منال: اسمعك يمه.. ام عبدالعزيز الي حست ان فيها شئ: منال امي فيك شئ؟ منال : لايمه عدلي سؤالك قولي وش الي مافيك يابنتي؟ ام عبدالعزيز الي مافهمت منال وش تقصد: وش فيك .. وش الي صاير ؟ منال تقاطعها : يمه.. متى ترجعين بيتك ؟ هنا ام عبدالعزيز انصدمت: هاه وش تقولين انتي واي بيت تتكلمين عنه؟ منال: يمه خلاص بس كذب خلاص .. الى متى ناوين تخبون علينا الين نموت يعني؟ ام عبدالعزيز: تحاول تراوغ انتي وش تقولين فهميني؟ منال هنا نزلت دموعها وصارت تبكي : يمه يرحم امك وابوك تحت التراب انتي الي فهميني.. وش الي قاعد يصير؟؟ تكفين يمه فهميني ام عبدالعزيز الي كانت ساكته وصارت تبكي وماترد ع منال.. منال: يمه دامكم ماتبون بعض ليش ابوي ماطلقك؟ ليش انتي للحين بذمته ؟ والله يايمه ان الطلاق صار عندي اهون من هالوضع الي حنا فيه ام عبدالعزيز هنا تعصب : خلاص يامنال لاترجعيني للماضى وتنبشين الجروح وهالسؤال اساليه ابوك مو تسالينى انا وتصكر الجوال بوجه منال ............... هنا منال رمت الجوال وصارت تبكي .... وتحط راسها ع المخده .. ليش تسون فينا كذا ليش؟ وتناظر لسماء يارب رحمتك ماني قادره اعيش بعد الي عرفته .............................. .................... ............... وبعد مامرت ساعات ومنال قاعده بغرفتها وكانت بهالحظات تسترجع ذكريات حياتها مع امها وابوها وتذكر اقسى لحظات حياتها يوم علموهم بخبر انفصال امها وابوها.. هنا تسمع صوت ابوها .. الي توه واصل من السفر وكان بالصاله ويناديها: منول يامنول منال الي حست انها بركان ثاير بينفجر بوجه العالم كله هنا منال تفتح الدولاب وتطلع دفتر صغير وتنزل لابوها الي كان بالصاله يناديها وينتظرها.. منال وهي نازله من الدرج.. ابو عبدالعزيز : هلا بالزين هلا منال وهي ساكته وتجي تسلم عليه منال بصوت هادئ: حمدالله ع السلامه ابو عبدالعزيز الي كان مستغرب هالبرود منها: الله يسلمك منال وهي تحاول ماتحط عينها بعين ابوها: شلونك يبا؟ ابو عبدالعزيز:بخير يابنتي .. انتي وش فيك تعبانه؟ منال تناظره : انا .. لا بالعكس طيبه ابو عبدالعزيز وهي يقعد ع الكنبه : تعالي ابوك اقعدي جنبي مشتاق لكم مره منال وقفت وصارت تناظره وكأنه فيه حاجز انبنى بينها وبين ابوها من بعد ماعرفت الحقيقه وكانت تتأمل ملامح ابوها الحاده وتقول بنفسها اهنيئك يايبا كنت بارع في تمثيل الدور ؟ ابو عبدالعزيز وهو يناظرها: امي منول فيك شئ انتي؟ نوال اختك فيها شئ؟ منال هنا تنتبه لنفسها وتقعد ع الكنب:لا كلنا بخير والحمدالله ابو عبدالعزيز الي حس ان منال فيها شئ : عسى .. بس انا حاس ان فيك شئ؟ وشهو يابوك ؟ منال تناظره وتنزل عيونها: يبا.. ابو عبدالعزيز الي حس انها فيها شئ يتعدل بقعدته .. هلا ابوي منال: يبا .. انا حابه اعتذر و واتأسف ابو عبدالعزيز: ع ايش؟ منال : لاني كذبت عليك.. ابو عبدالعزيز وهو متعجب: كذبت علي في ايش؟ منال هنا تمد لابوها الدفتر الصغير الي بيدها: هذا دفتر مذكراتك يبا الي كنت تدوره واتهمنا الشغاله انها هي الي رمته.. انا اسفه يبا .. انا الي خذيته وكنت حابه احتفظ فيه .. ابو عبدالعزيز الي كان معصب ويأخذ الدفتر وصار يناظره ويناظر منال : منال كل هذا يطلع منك وانتي الكبيره تمدين يدك ع شئ مو لك وتخلينى اتهم الشغاله واخصم من راتبها والسبه انتي.. منال ودموعها تنزل: يبا انا اسفه .. انا جربت وعرفت ان الكذب اقسى شئ يواجه الانسان بحياته وخاصه لاجاء من اغلى ناسه واهله وشفت كيف الشخص مهما علاء قدره ومعزته يطيح من عين احبابه من مجرد كذبه كذبها.. عشان كذا انا قررت اني ما اكذب بحياتي ابد.. انا اسفه يبا سامحني وقامت بسرعه لغرفتها وهي تبكي ابو عبدالعزيز الي كان ماسك دفتر مذكراته وهو حاس ان منال كانت تقصد شئ من هالمحاضره الي قالتها هنا يقوم بسرعه لمكتبه ولمى قرب من المكتب شاف الباب مفتوح هنا نغزه قلبه وتذكر انه نسى يقفل الباب.. ويدخل مكتبه ولمى قرب لمكتبه وصار يناظر وهنا شاف الاوراق متناثره ع المكتب والارض والدروج مفتوحه وكان المكان فوضه هنا ابو عبدالعزيز يلم الورق بسرعه ويناظر الاوراق الي متنأثره وهنا عرف منال وش كانت تقصد وعرف ان هاليوم الي كان خايف منه طول حياته جاء ابو عبدالعزيز ماتحمل وقعد بكل قوته ع كرسي مكتبه وهو حاس انه مخنوق ومو قادر يتنفس وصار نفسه يصعد وينزل بسرعه وهنا صار يدور بالدرج حبوب القلب حقت الزوم ولقاها مرميه بالدرج ويأخذها ويأكلها... .............................. .................... .............................. .............. في مقهى بالخبر.. كانوا الشباب متجمعين .. راكان الي كان يشرب كابتشينو وينزل الكوب: تركى.. تركى الي كان لاهي يسولف مع وليد ينتبه لراكان: هلا راكان: الا صدق شخبار منال الحين؟ وليد الي كان مصدوم ويناظر راكان ويفكر وش فيها؟ وليش راكان يسأل عنها؟ تركى :يعنى احسن من قبل تقبلت الواقع وليد: ليش وش فيها؟ تركى يتنهت: يابن الحلال عرفت ان ابوي ماطلق امي وانهارت علينا.. وليد ينسى نفسه : سمله عليها.. هنا يعطيه تركي نظره قويه وليد الي ارتبك : اقصد سلامتها ماتشوف شر تركى : الله يسلمك .. مو مشكله بكره تنسى راكان: الله يعينهم والله كانت صدمه قويه بالنسبه لهم . . وليد: اي والله صدق خالي غلطان مفروض علمهم بالصدق من اول مايخليهم زي كذا ينصدمون .. بهالحظه يقطعون عليهم صديق تركى عبدالرحمن الي كان تركى ينتظره من اليوم .. عبد الرحمن: السلام عليكم الكل يقوم: وعليكم السلام وبداو يسلمون عليه ومر الوقت عليهم بين ضحك وسوالف الاوليد الي كان باله مو معاه يفكر بمنال وبالي صار لها.. هنا راكان يناظر ساعته: اف الساعه 11 ونص .. يلا ياشباب وراي دوام عبالرحمن : هههه الا وراك مدام شكلها حاشرتك ع التأخير الكل خخخخخخخخ وليد: يلا حتى انا استأذن.. عندي حكومه مو مدام هههه وراح وليد وراكان وظل تركى وعبدالرحمن تركى: عبدالرحمن انت قلت لي عندك موضوع مهم وشهو؟ عبدالرحمن : ايه صح .. ماحبيت اتكلم قدامهم وانت موصينى لاحد يدري تركي: خير وش الموضوع؟ عبدالرحمن: انت مو وصيتى ادور شخص بهالاسم ... تركى : ايه .. لقيته ؟ عبدالرحمن : ايه لقيت شخص بالسجن بنفس الاسم بس ابيك تروح معي تشوفه وتأكد تركى هنا بصوت عالي : من جدك تتكلم عبدالرحمن: اي والله .. بس ماني متأكد هو الي ادور عليه ولا لا تركى: والله ان طلع هو بيكون سويت خير بعائله كامله .. عبدالرحمن: ان شاء الله ..خلاص .. بكره مرني بالدوام وانا اطلع وياك عند خالي تركى: وش دخل خالك؟؟ عبدالرحمن: خالي هو رئيس السجن . تركى : اها خلاص بكره الصبح وانا عندك .. بس صدق ماتعرف وش قضيته؟ عبدالرحمن: والله حسب ماقالي خالي تهريب مخدرات.. هنا تركي مصدوم : ايش؟ تهريب مخدرات.. ماتوقع انه ابو فارس مستحيل عبدالرحمن : مافي شئ مستحيل بهالعالم ياتركي. يلا انا استأذن اشوفك بكره ع خير ويروح عبدالرحمن بعد ماترك وراه تركى الي حس ان تفكيره مشلول ومو قادر يتسوعب السالفه معقوله يطلع ابوفارس الي الكل كان يشهد له باخلاقه واستقامته.. مهرب مخدرات ... ْ~ من كثر صدمآتى بنآس قريبين.. قمت آتحرى صدمتى من آظلآلى.. ْ~ |
|
|
#73 |
|
|
البارت .. الثامن .. بعد عشرة عمر: راحت: ليالي طوال من فرقاك سألت وجيت تشكيني ؟ وتطويني مع همك هداك الحظ والا الشوق!! خانتك دنياك غريبه أنت هذا انت او واحد مثل رسمك باليوم الثاني .. تركى يصحى ع صوت المنبه المزعج الساعه 6 ونص .. هنا يصحى تركى ويطفى المنبه .. وصار يتقلب ع السرير وبلحظه تذكر انه اليوم بيروح يشوف الشخص الي بالسجن وهنا ينقز من الفراش ,, ويروح يتروش ع السريع ويلبس بسرعه ويطلع .. بالطريق تركي يفكر:ياربي لو يطلع هالشخص ابو فارس وش راح اقول لعمتي وهدى وفارس اقولهم لقيت ابوكم مهرب وبالسجن والله بيكون صدمه قويه لهم .. . وبهالحظه يوصل تركى لمكتب عبدالرحمن صديقه.. تركى يدق عليه جوال عشان يطلع له .. وبعد دقائق .. يطلع عبدالرحمن ويركب مع تركى بسيارته.. عبدالرحمن وهو يصكر الباب: السلام عليكم تركى: هلا وعليكم السلام عبدالرحمن : شلونك؟ تركى : اه اسكت ماني بطيب يارجال من قلت لي امس وانا احاتي .. عبدالرحمن : ياخي تعوذ من ابليس يمكن يطلع مو هو.. تركى :والله ودي انه يطلع هو .. وبنفس الوقت ماودي ,,مدري كيف احس تفكيري مشت.. عبدالرحمن : وضح كيف ودك وماودك؟ تركى: ياخي ودي انه يطلع هو عشان اهله يعرفون وينه ويرتاحون . ودي يطلع مو هو لانه بتكون صدمه لاهله ولنا كلنا مهرب مخدرات ياخي قويه.. عبدالرحمن: انت وش قلت لي يقرب لك .. ؟؟ تركى: زوج عمتي .. عبدالرحمن : الله يعين بس .. من كم لكم فاقدينه؟ تركى : تقريباً اربع سنوات ونص عبدالرحمن : يالله عمر والله .. خالي يقول انه مسجون من زمان بسجن الشمال وماله الا فتره بسيطه تقريباً 3 شهور من نقلوه بسجن الشرقيه.. تركى : لاحول ولاقوه الا بالله .. وكان تركى عنده احساس كبير انه راح يطلع هالشخص هو ابوفارس .. وكان خايف انه يطلع هو .. وقتها وش بيكون رده فعل اعياله وعمته.. بهالحظه يتذكر تركى موقف هدى يوم كانت رايحه تشوف الشخص الي بالمستشفى تركى بنفسه: اه ياهدى الحين والله حسيت بشعورك والخوف الي جاك وعرفت وش كثر عانيتي وكان تركى اكثر شئ هامه هدى لانها هي اكثر وحده متأثره بغياب ابوها.. وبعد ربع ساعه يوصل تركى وعبدالرحمن للسجن الرئيسي بالدمام.. ويتوجهون لمكتب مدير السجن .. .............................. .................... .............................. .................... وبمكتب مدير السجن .. خال عبدالرحمن.. يدخل عبدالرحمن وتركى المكتب .. عبدالرحمن: السلام عليكم تركى: السلام عليكم الخال سلمان يوقف : وعليكم السلام .. هلاهلا وبدوا يسلمون ويرحبون في بعض سلمان وهو قاعد بمكتبه وكان مقابله .. تركى وعبدالرحمن سلمان: تركى .. تركى: هلا سلمان: الحين راح اطلب السجين حمد .. وراح اخليكم تقعدون الحالكم بس ابيك تنتبه منه وتكلم معه بهدؤ لان هذا مجرم خطير وله سوابق بالقتل.. تركى هنا كان مصدوم وصلت للقتل ..وكان متوتر وحالته حاله تركى : ولايهمك بس راح اشوف هو الشخص الي انا ادور عليه ولا لا سلمان : اوكيه .. راح اخلي عندك عسكري للاحتيط .. تركى بداخله : يارب ما يطلع هو مجرم وقاتل لالا مستحيل يكون ابوفارس.. هنا سلمان يرفع السماعه :: ياعسكري جيب السجين رقم 9 حمد فلاح .. تركى كانت هذي اشد الحظات الي مرت عليه بحياته ..وكان باين عليه التوتر والخوف .. عبدالرحمن يناظره : تركى خلك قوي . بهالحظه يدق الباب العسكري ويفتحه وكان جايب معه السجين رقم 9 ويدخل العسكري ومعه السجين .. هنا يوقف تركى وصار يناظر السجين الي كان وجهه مليان تجاعيد الي خطتها له سنينه وغير الندب والجروح الي كانت بوجهه وكان وجه شاحب ونظرات عيونه حاده هنا عبدالرحمن وسلمان يستأذنون ويطلعون من الغرفه تركى الي حس انه مشلول وماهو قادر يتحرك السجين الي قعد بالكرسي الي قدامه ويناظر فيه السجين حمد: انت ياولد.. تعرفني يوم انك طالبني .. تركى الي قعد بالكرسي الي قدامه وبصوت متقطع : والله مشبه عليك ياعم. ممكن اعرف اسمك كامل؟ السجين حمد يحط رجل ع رجل:شوف البطاقه الي عندك تركى : شفتها بس اسمك ثلاثي بالبطاقه.. انا ابي الرباعي السجين بستهزاء: وش تبي فيني بتخطبني موافق هاهاهاهاها تركى الي سكت وصار يناظره وحس ان مخه ع قده: طيب ياعم ممكن اعرف عندك اعيال؟ السجين حمد: اهوه ع هالتحقيق .. عطني زقاره واعلمك.. تركى: والله مامعي ..تكفى ياعم جاوبني انا ادور ع شخص بنفس اسمك.. السجين حمد: لا ماعندى خلنا اتزوج اول بعدين اجيب اعيال.. تركى هنا تأكد ان هالشخص مو ابو فارس الي يعرفه:الله يرزقك .. مشكور ياعم السجين حمد: العفو اي خدمه يالنشمي ترى احنا في خدمه الشعب .. وهنا يجي العسكري ويأخذ السجين حمد لزنزانته .. تركى هنا يسجد سجده شكر لان فقدان ابو فارس اهون ان يلقونه بهالشكل .. هنا عبدالرحمن وسلمان يدخلون عليه عبدالرحمن: هاه بشر تركى يقوم ويقعد ع الكرسي : اه الحمدالله موهو والله كنت خايف يطلع هو.. سلمان: الحمدالله ع كل حال.. ان شاء الله تلقونه بأحسن حال.. تركى: الله يسلمك يارب ..اسفين تعبناك معانا.. سلمان: لاتعب ولاشئ احنا حارين لطيبين .. هنا تركى يشكر الخال سلمان ع هالخدمه ويطلع تركي وعبدالرحمن من السجن بعد ماوعدهم الخال سلمان انه راح يتكفل بالبحث عن ال عم ابو فارس بسجون المملكه ويروح تركى يوصل عبدالرحمن لمكتبه ويطلع بعدها ع شغله وهنا حس تركى انه هم وانزاح عن صدره .. .............................. .................... .............................. ................ في بيت ابو عبدالعزيز .. منال قاعده بغرفتها وماتبغى تطلع منها عشان ماتشوف ابوها ..ولا احد كانت زعلانه من الكل لانها حست انهم استغفلوها طول هالسنوات الي مرت فضلت العزله .. ومن كثر الطفش وهي قاعده بين اربع جداران فتحت النت وصارت تتصفحه وهناصارت تقرى مقالات ابوها الي كان ينزلها بزاويه صفحه من مجله اسبوعيه وهنا شافت كيف ابوها طالع مثالي باسلوبه وديمقراطيته قدام الناس ماتحملت وقفلت الصفحه والنت كله .. منال: اه يايبا كل حياتك تمثيل بتمثيل مافيها ولاذره مصداقيه.. بهالحظه يدق جوالها.. منال تناظر شاشه الجوال وكانت نوال يتصل بك.. منال ترد: هلا نوال: هلا منول شخبارك؟ منال : بخير فديتك انتي اخبارك؟ نوال: والله طيبين منال: واخبار شوق ؟ وبنتها نوال: اليوم طلعت عندنا .. منال ترى فشله ماجيتي تسلمين عليها.. منال: والله ادري بس نوال ماني طايقه اشوف احد نوال: منال خلاص اضغطي ع نفسك شوي وتعالي سلمى ع بنت عمك وش ذنبها المسكينه ماتسلمين عليها وتباركين لها بأول فرحتها.. الكل جاها حتى البعيدين وانتي القريبه ماتجينها .. منال : خلاص لاتقلقين راسي ..العصر ان شاء الله جايتكم نوال: ايه هذي اختي الي اعرفها اوكيه حياك .. يلا تامرين بشئ منال: لاسلامتك .. وتصكر الجوال ... .............................. .................... .......................... نوال وهي تصكر الجوال .. هنا يدخل عليها راكان وهو يبتسم .. راكان: السلام عليكم نوال: وعليكم السلام راكان:من تكلمين ؟ نوال تناظره بنظره ليش تسأل وبصوت عالي: من اكلم يعنى اختي فيه غيرها . وقامت.. راكان يمسكها مع يدهاويحط عينه بعينها : مره ثانيه لاسألتك جاوبي ع قد السؤال وبلاطوله السان فاهمه نوال تبعد يده .. وتطلع من الغرفه واول ماطلعت من الغرفه وقفت وحست بتأنيب الضمير نوال: يالله مني ليش انا اعامله كذا والله اني سخيفه وهنا تتنهت. وتنزل تحت وبنفس الحظه ..راكان يقعد ع السرير ينتهت: اه يانوال لمتى تعامليني هالمعامله ومتى تحترميني وتحسين فيني..؟ متى راكان كان اكثر من نوال يتعذب بهالزواج لانه كان يحب نوال ومايحب يجرح مشاعرها بعكسها الي ماكانت تهتم فيه ولابمشاعره.. بالعصر والساعه تقريبا 4.. منال توصل بيت عمها وكانت جايبه معها حلويات ومعجنات عشان تجملها عند شوق الي تأخرت ماسلمت وباركت لها بالمولوده.. وكان عند باب بيت عمها راكان وليد الي كانوا ناوين يروحون مشوار سواء هنا وليد وراكان صاروا يناظرون منال الي نزلت من السياره لحالها وليد الي اختبص من شافها وصار قلبه ينبض بسرعه وخاف شوقه يفضحه قدام راكان.. وكانت منال هالمره طلعت من البيت من دون ماتقول ولاتستأذن من ابوها لانها ماتبي تشوفه ابدا.. منال تقرب جنب الشباب الي واقفين عند الباب وكانت شايله اكياس المعجنات والحلويات وكانت تناظرهم بنظره حزن لانها حست ان الكل صايرين يخدعونها منال بصوت هادئ مره: السلام عليكم وليد وراكان: وعليكم السلام منال توها بتمشي راكان يقاطعها: منال جايه لحالك مع السواق؟ منال وهي ماتناظره وبصوت هادئ : ايه ماعندي احد يجي معي.. راكان : طيب وشغالتكم؟ منال: مشغوله وليد الي فضل السكوت هالمره وماحب يتدخل لانه عارف ان منال بحاله ومايبي يزيدها راكان: طيب ليش مادقيتى علينا نجي نأخذك؟ منال وهي ترفع عيونها من الارض: تأمر بشئ راكان يناظرها ومستغرب من رده فعلها: لا منال تسكت ..وتدخل داخل.. وكانت منال مالها خلق نقاش وجدال بالمره .. وليد: راكان وش فيك عليها هي في حال استجوابك كفايه الي هي فيه.. راكان: وليد هذي بحسبت اختي ومارضى انها تركب مع السواق الحالها اخاف عليها وليد: كلنا نخاف عليها بس مو كذا تستجوبها عند الباب قل لاختها تقولها ولا لتركى راكان: انا مستغرب ان عمى راضى لها تجى لحالها وانا اعرفه شديد من هالنقطه وليد:ياخي هالبنت تكسر الخاطر ع كل الي يصير لها الا انها تسوي انها قويه راكان: الله يعينها عمى ظلمهم كثير.. يلا يارجال امش تأخرنا ع الشباب ويروحون يركبون سياراتهم ويحركون وطول الطريق وليد يفكر بمنال وحاس بمعناتها الي تحاول تخفيها عن الكل : اه يامنال لو ادري انك بتوافقين علي والله لا اخطبك من اليوم قبل بكره واتزوجك وابعدك عن هالوحده والمجتمع الي انتي عايشه فيه واحطك بعيوني واعوضك عن كل شئ.. .............................. .................... ........................... في بيت ابو راكان .. منال قاعده عند شوق وام راكان ونوال وعهود وسوالف وضحك وكانت منال تحاول تبين انها طبيعيه .. منال وهي شايله ديمه .. :ياقلبس تزن.. شوق بنتك نتفه ودي اكلها شوق: هههه حلالك .. عهود: لاوالله ماقلت ع الله اصير خاله.. تبين تأكلينها خلي بنتنا بس الكل هههههههههههههههههه ام راكان : ان شاء الله تصيرين قريب خاله والبركه بنوال نوال الي حست بأحراج من عمتها تبتسم لهم منال تناظر نوال: وع اصير خاله من وراء نوالوه عز الله بيجون بزرانها حشرين مثلها لاتكفين نوال قولي لهم ماعندهم خاله اخاف ينشبون لي زي امهم.. الكل ههههههههههههههههههههههه عهود: لاحرام عليك يمكن يطلعون مثل اخوي حبيبين نوال: ماشاء الله عليكم انتي وياها اشوف ماني عاجبتكم شوق: ههههه ماعليك يانوال منهم هذوي سوالف العوانس المنقهرات ههه الكل هههههههههههههه ام راكان: سمله عليهم لاعوانس ولا شئ لاحقين ع العرس وغثاه.. منال: اي والله لاحقين خلينا نعيش حياتنا بس عهود: اي والله في احلى من العزوبيه شوق: بهذي غلبتوني .. والله مافي احلى من العزوبيه والراحه نوال : شوق ياأم وجهين مسرع قلبتى .. خليك بصفي شوق: ههههههههههههه مالي خاتمه ترى ومر الوقت بالسوالف والضحك وكانت منال تتعمد تخفى حزنها وزعلها من الكل وتقول بنفسها.. هم مالهم ذنب ابوي هو السبب بكل شئ بهالحظه يدق جوالها.. منال تناظر الغالي يتصل منال ترد بصوت واطئ: هلا ابو عبدالعزيز بنبره حاده: منال وينك؟ منال ترد برود : في بيت عمي.. رايحه اسلم ع شوق ابو عبدالعزيز: وليش ماقلتي لي ؟ واستئذنتي مني منال بنبره مستفزه : نسيت ابو وعبدالعزيز: نسيتى .. طيب لارجعتي لي كلام معك .. ويقفل الخط بوجها منال تقفل الخط وهي شاين وجها.. وكانت وقتها ام راكان رايحه للمطبخ وشوق لاهيه ترضع بنتها وعهود قاعده جنب شوق نوال الي كانت جنب منال وبصوت واطئ نوال: من ؟ منال: ابوي نوال: وش يبي؟ منال: يسأل ويني نوال تحط يدها ع فمها : وليش ماقلتي له.. منال : لا ولا ابي اقول له ولا اشوفه نوال: منال خلصنا من هالسالفه منال ترفع صوتها شوي : لا ماخلصنا هنا عهود وشوق ينتبهون لهم وحسوا ان فيهم شئ عهود : وش عندك مسوين مؤتمر نوال : لا مؤتمر ولا شئ بس ابوي هزاء منال منال الي حست بأحراج قدامهم وتناظر نوال بحقد : نوالوه انتي كل شئ عندك تهزائ شوق : ليش افا منال: لا بس دق يسأل وينى..؟ لاني نسيت اقوله اني طالعه عهود: غلطانه مفروض علمتيه انك بتجينا تعرفين عمي .. مايحبكم تطلعون الا بأذنه شوق:ماعليه نست وبعدين دامها عندنا مراح يقول شئ نوال : ايه اصلا الحين تلقينه نسى السالفه بهالحظه يدق جوال منال مره ثانيه .. لكن هالمره كان خالها نايف منال تأخذ الجول وتناظر من المتصل.. شوق : والله يامنال احسك مهمه مع هالاتصالات منال: ههه شفتى اني امراءه مهمه بالمجتمع .. وترفع السماعه منال: هلا ومرحبا نايف : اهلين بالحلوين منال : هلا بك نايف: شخباركم ؟ واخبار الربايع كلهم؟ منال: بخير جعلك بخير وانت اخبارك؟ نايف: بخير ماعلينا منال : وامي شخبارها؟ نايف : طيبه ماعليها.. ليش ماتكلمينها انتي؟ منال هنا توترت: الا اكلمها نايف: ماقالت لك اني عندكم بالشرقيه منال وهي مصدومه: لا والله ماقالت لي .. وش عندك؟ نايف : عندي دوره لمده شهرين وصارلي يومين من جيت منال: اها.. نايف: منول انتي فاضيه.. منال: ايه فاضيه بغيت شئ ؟ نايف: ابيك تنظفين شقتى ولاعليك امر.. من العج الي جاء البارح والشقه مليانه غبار وانا الربو متأزم معي هاليومين حتى امس مانمت فيها نمت عند واحد من الربع منال: افا من عيوني والله انظفها .. بس انت وين شقتك ؟ نايف : قريب منكم بالخبر منال: خلاص لاجيت اطلع بأخذ الوصف منك نايف: يالبى قلبك ماتقصرين .. يلا مع السلامه منال : وقلبك . ومن قال سالم منال تصكر الجوال ... يحليله خالي نايف هنا بالشرقيه نوال: جد وش عنده؟ منال : عنده دوره لمده شهرين؟ عهود: وش يشتغل هو؟ منال: مدري والله عسكري مدري ضابط زي كذا شوق : ماشاء الله هو مارجع زوجته منال: لاخلاص زوجته تزوجت اصلا وعليها بنت من زوجها الثاني شوق الله يعوضه بنت الحلال الي تسعده الكل: امين منال : ايه نوال عهود تروحون معي انظف شقته يقول كلها غبار ومايقدر ينام فيها نوال : لالا يرحم امك غبار انا ماني ناقصه امس ماقدرت انام من الربو منال : اجل انطقى اصلا انتي مامنك نفعه الكل ههههههههه عهود: ههههه ولايهمك انا بروح معك .. منال فديت الناس الذربه مو الي يتعذرون .. عهود: ههه لحظه بقول لامي واشوف وتروح عهود تستأذن من امها الي وافقت ع طول لان منال مامعها احد .............................. .................... ......................... بشقه الخال نايف .. توصل منال وعهود لشقه ومعهم المناشف والمنظفات وكان وصف الخال نايف لشقته واضح .. وكانت الشقه دور ارضي عند باب الشقه .. عهود: منالوه يالذكيه كيف ندخل الشقه الحين وين المفتاح؟ منال : خالي يقول تلقون المفتاح تحت الدواسه .. وترفع الدواسه الي عند الباب وتطلع المفتاح عهود: والله عنده حركات خالك .. منال وهي تفتح الباب : خخخ حركات ونص تعالي بس ويدخلون الشقه وصاروا ينظفون ويمسحون ومرت ساعتين وهم بكرف وكل وحده مشمره ذرعانها وسيقانها بهالحظه يجي خالها نايف وصار يدق الجرس ويدق وكان صوت الجرس واطئ مره ماينسمع وخاصه منال مشغله المكنسه الكهربائيه وتكنس وعهود حاطه الايبود بأذنها وتسمع اناشيد.. ويدق جوال ع منال نفس الحكايه لاحياه لمن تنادي.. عند الباب .. نايف: يالله هذولا مايسمعون المشكله اني اسمع صوت المكنسه وهنا طرى ع الخال نايف فكره وهي ان يدخل عليهم من البلكونه الي كانت قريبه من الارض بحكم انه ساكن في الدور الارضي عهود الي كانت تمسح قزاز البلكلونه وسرحانه مع الانشوده بهالحظه والجو كان ظلام بالبلكونه يطب نايف بالبلكونه بسرعه ,, وع طول يفتح باب القزار ومانتبه لعهود الي كانت معطيته ظهرها تجيب الملمع من ع الطاوله وع لفه عهود الا تشوفه يبي يدخل هناعهود من دون شعور ومن الخوف .. تمسك باب القزاز بسرعه وتصكر ع يده ونص كتفه وهي تصارخ : حرامي منال حرامي وهو يصارخ: يدي كسرتي يدى منال الي كانت بأخر الصاله تنتبه لعهود الي كانت تصارخ : حرامي حرامي منال تناظر الا تشوف خالها نايف يصارخ .. يدي يدي منال تجي تركض بسرعه وتمسك عهود : عهود وخري هذا خالي نايف عهود سمعت منال تقول خالي نايف حطت يدها ع فمها وراحت تركض للغرفه وتصكر الباب عليها.. منال وهي تفتح الباب القزاز لخالها .. سلامات خال سلامات نايف وهو ماسك يده: اح اح.. لابارك الله في عدوها كسرت يدي منال تقعد خالها ع الكنبه وهي فيها الضحكه ..سلامتك . معليش ماكانت تدري انك خالي نايف يناظرها بسرعه وهو يتألم : الا تعالي من ذي الشاميه الي معك؟ منال هنا فقعت ضحك : خخخخخخخخخخ ماشاء الله هذا وهي مصكره يدك امداك قزيت وشفت نايف: خخخخخ شسوي عينى جات بعينها الا صدق ليكون من الي تستأجرينهم ينظفون البيوت منال هنا ماقدرت تسكت من الضحك: ههههههههههه لالا هذي بنت عمي نايف: وليش ماعلمتينى انها بتجي معك ع بالي انتي ونوال بس كان ماطمرت من البلكونه.. منال: ايه صدق وليش طاب من البلكونه كان دقيت الباب نايف: دقيت لين عجزت الظاهر انكم صمخان.. اي يايدي روحي دوري لي فكس بس معينت خير من هالنفعه .. منال :ههههه طيب طيب وكان وقتها عهود فاتحه باب الغرفه خفيف وتسمع وش يقولون وكانت خايفه مره منه بعد الي سوته فيه وتروح منال تدور فكس ولقته بغرفته وتجيبه وتدهن يده وكتفه الي ورم خفيف منال: خال معليش لاتزعل منها.. ترى ماتدري والله انك خالي نايف وهو يمسح يده: لا بالعكس انا الغلطان خوفتها والله مالومها بالي سوته ..تأسفي منها وقولي لها ماكان يدري انك موجوده بالشقه كان ماجاء اصلا.. لاتزعل مني منال: لا ماعليك اصلا هي ماتزعل من احد .. يلا بروح اشوفها اكيد المسكينه حالتها حاله .. .............................. .................... .......... منال وهي تدخل ع عهود بالغرفه وكانت وقتها عهود واقفه عند الباب منال اول مادخلت: فقعت ضحك هي وعهود وماقدروا يسكتون منال:ههههه الله يقطع شيطانك يده مورمه خخخ عهود وهي حاطه يدها ع فمها: احلفي خخخخخخخخخ منال : والله هههههههه توني ادري انك قنديزر .. عهود: هههه هو اصلا سخيف قسم طاح قلبي من الخوف احد يدخل من البلكونه منال: يختى دق الباب والجوال وانا مشغله المكنسه ماسمعته.. يلا حصل خير ايه صدق ترى يتأسف منك ويقول لو درى انك جايه معي ماكان جاء الشقه اصلا عهود: ادري سمعته منال تناظرها بتعجب : عهودوه جاتك عدوه نوالوه هههههههه عهود: هههههههه شسوي خفت انه صار فيه شئ منال اجل سمعتي يوم قال شاميه هههههههه عهود: احم احم : ايه خخخخ منال: خخخخخ ايه شاميه من جنبها .. اصبري اروح اشوفه يبي شئ وتطلع منال وتروح لخالها الي كان منزل ثوبه وماد يده الي تورمت خفيف منال: خال تبي اسوي لك كمدات .. نايف: لالا انا الحين بطلع وانتوا كملوا تنظيف منال: طيب.. نايف: اسمعي ترى بجيب لكم عشاء لاتروحون نص ساعه وجاي.. منال: لا خال الله يسلمك .. مايحتاج تجيب عشاء احنا شوي بنروح نايف: لا مايصير تعبتكم معي وماعشيكم .. ويلبس ثوبه .. يلاه خلي جوالك معك لاتكررين المأساه منال تبتسم: خخخ طيب ويطلع خالها نايف من الشقه الي كانت تعج بريحه الفكس عهود تطلع من الغرفه: يؤه منال فشله قسم ..كاسره يده ويعشينا منال : خخخ قسم حركاتك نفس حركات نوال سبحان الله . بس تدرين احسن شئ فيكم اني ماعيد لكم السالفه سامعينها مايحتاج عهود: خخخخخخخخخ ايه ترانى متأثره منها مره .. منال: يلا خلينا نكمل تنظيف قبل يطب علينا مره ثانيه وكملوا عهود ومنال تنظيف الشقه ولمى وخلصوا تشطيب عطروها وكشخوها.. بهالحظه يندق جرس الباب منال تروح بسرعه و تناظر بالعين السحريه شافت خالها نايف واقف وهنا تفتح الباب وكان جايب لهم عشاء وايس كريمات من باسكن روبنز منال : يؤه خال ليش كلفت ع نفسك .. نايف: مابه كلافه هاك تعشوا وانا بقعد بالمجلس اذا خلصتوا قولي لي اوصلكم منال وهي تأخذ من خالها الاكياس : لا ياخال شوي السواق بيجينا لاتعب عمرك نايف: اما عاد تركبون مع سواق تالي اليل وانتم بنتين بس منال: تو الساعه 9 نايف :المهم روحي تعشي لايبرد العشاء وانا بنسدح بالمجلس ولاخلصتوا قولي لي اوصلكم منال : طيب.. وتوها بتروح تذكرت انها ماسألته يبي عشاء.. منال وهي راجعه: خال اجيب لك عشاء نايف : لالا انا تعشيت منال : طيب بالعافيه .. وتروح منال لعهود ويقعدون بالمطبخ يتعشون .. منال: والله توني ادري ان خالي راعي حركات ههه عهود: كيف راعي حركات ؟ منال: عاد لاتستغبين انتي .. كل هالعشاء والايس كريمات والتوصيله عشان عيوني انا ولاعيون الشاميه ههههههههه عهود بغت تغص: كح كح حسبي الله ع شيطانك وش هالتفكير منال تناظرها وهي تضحك: خالي واعرفه عهود: اقول اخلصي بس خلينا نروح البيت وتوبه مره ثانيه اغامر واروح معك منال: هههههههههههههههههههههههه ماتقدرين عهود: اقدر وكملوا البنات عشاء ولمى خلصوا قالت منال لخالها يوصلهم بالسياره.. كانت منال راكبه قدام وعهود وراء وكان الصمت سيد الموقف هنا الخال نايف كانت دقات قلبه سريعه وكان حاس بشعور غريب ماحس فيه من زمان .. وكان يقول بخاطره.. معقوله هالبنت الي بغت تكسر يدي تقلب كياني كذا وبهالسرعه.. ومر الوقت لين وصلوا لبيت ابو راكان وهنا نزلت عهود وكان الخال نايف يناظرها لين دخلت البيت.. ومنال تناظره وهي تبتسم : خال امش يلا نايف هنا ينتبه لمنال :هاه .. طيب وش فيك مستعجله؟ منال : ماني مستعجله بس كنه طولنا واحنا واقفين .. نايف يناظرها وهو يسوق لا ماطولنا بس انتي فيك عجله منال: خخخخخ طالعه ع خالي الي ماستنى نفتح الباب وطب من البلكونه نايف هنا فقع ضحك: خخخخخخخخخخ يمه منك يام السانين الاصدق بسألك بنت عمك هذي مخطوبه منال وهي ماسكه ضحكتها: لا ليش تسأل؟ نايف: لابس كذا منال : اها.. وكانت فاهمه قصده .. وبعد لحظات يوصلون لبيت ابو عبدالعزيز وكان خالها نايف يتحاشى يشوف ابوها منال: خال انزل تقهوى عندنا نايف : لالا وقت ثاني منال : يلا اجل مع السلامه وهنا .. تودع خالها وتنزل |
|
|
#74 |
|
|
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
يا بوي ليه تبكي كل ما شفتك وعينك لي أخاف أموت يا بوي وقبل الموت تبكيني كفى يا بوي لا تبكي وأنا موجود معك وحي يا بوي لو تموت الناس ما تسوى دموعك ذي وأنا يا بوي ميت قبل أموت وأنت محيني قسم بالله يا بوي لأجل عيونك شربت الغي شربت الهم والحرمان وبحر الويل يسقيني منال وهي داخله الفله وكانت الساعه وقتها 10 ونص تقريبا وهنا تدخل الصاله الي كانت شبه ظلمه وتوها بتصعد ع الدرج الا صوت ابوها وراها: وقفي هنا.. منال تلتفت وتناظر وراها شافت ابوها قاعد بأخر الصاله ومنزل شماغه وشكله باين انه معصب ابو عبدالعزيز بصوت عالي : تعالي هنا منال هنا خافت بس تسوي قدامه انه مايهمها.. منال وهي تقرب بخطوات بطيئه وكانت حاقده بقوه ع ابوها: هلا ابو عبدالعزيز وهو معصب يوقف: منال انتي وش صاير فيك الناس تكبر تعقل انتي تنهبلين منال تناظره وبكل هدوء: ليش وش سويت؟ ابو عبدالعزيز بصوت عالي : وش سويتي قولي وش ماسويتي ؟ وش تسمين حركات البزران الي تسوينها .. اول شئ تمدين يدك ع مكتبي واغراضي وتفتشين بمكتبي مثل الحراميه وثانيا : تروحين وتطلعين من دون اذني ولحالك مع السواق وتقولين ماسويت شئ؟ منال وهي تناظره ابوها وتقول بخاطرها: والله مو كثر الي سويته فينا.. وكانت حاسه بهالحظه بكره لابوها غير طبيعي وصار معاد يهمها خاطره هنا يدخل تركى وصار يناظر وش السالفه .. وليش صوت ابوه طالع ابو عبدالعزيز : خساره يامنال طحتي من عيني بعد ماكنت اشوفك انتي غير عن كل البنات هنا منال ماتحملت كلام ابوها الجارح .. وترد عليه وهي تحط عينها بعينه : طحت مثل ماطاح ابوي قبلي من عيوني هنا ابو عبدالعزيز يعصب ويقرب ناحيتها: تشب ولاكلمه ويرفع يده يبي يضربها تركى يقرب ناحيه ابوه بسرعه ويمسك يده تركى: تعوذ من ابليس يبا هنا منال تغمض عيونها وكانت دموعها تنزل وصارت تبكي ابو عبدالعزيز مسك نفسه وصار يناظرها بغضب وبرحمه في نفس الوقت منال وهي تبكي : اضرب يبا تكفى اضرب خلني لاكرهتك يكون معي حق .. تركى هنا يصارخ: منال خلاص يلا روحي لغرفتك ولاكلمه منال ماترد ع تركى وصارت تبكي و تناظرهم بنظره حقد ابو عبدالعزيز كان ساكت وهو معصب ويناظرها وهنا شاف بعيون منال الي شافه بعيون نوره لمى صارت المشكله بينهم وظلمها .. تذكر الماضى ورجعت به الذاكر الى وراء.. وهنا ماحب يعيد الخطا ويفقد منال مثل مافقد نوره بلحظه غضب.. تركى يمسك منال: بلا هالنظرات امشي لفوق ..ويسحبها ومنال كانت تناظر ابوها وتبعد يد تركى عنها هنا ابو عبدالعزيز يفتح يده لها: تعالي .. منال ماصدقت الي تشوفه .. وراحت تركض وتضم ابوها وتبكي تركى يناظر ومستغرب تصرف ابوه الي كان قبل ثواني معصب ويبي يضربها منال وهي تبكي وضامه ابوها بقوه : يبا ليش تسوي فينا كذا ليش؟؟ ابو عبدالعزيز كان ساكت وضامها بقوه ودموعه تنزل ع خده هنا تركى كان مصدوم من رده فعل ابوه وكيف ان ابوه بهيبته وشخصيته تنزل دموعه وكان اول مره يشوف دموع ابوه وضعفه .. فعرف هنا ليش ابوه خبئ ع منال ونوال وماعلمهم بالحقيقه لانه يكون قدامهم شخص ثاني .. منال وهي يالله تتكلم : يبا تكفى رجع امي تكفى.. لاتحرمنا منها اكثر من الحرمان الي شفناه ابو عبدالعزيز كان مايقدر يتكلم لانه ماسك نفسه لاينهار قدامهم وهنا يترك ابو عبدالعزيز يد منال بسرعه ويبغى يروح لمكتبه .. منال هنا تلحقه : يبا تكفى يبا رجع امي.. وهنا تتعثر منال وتطيح ع الارض وماكان فيه شئ تتمسك فيه غير رجول ابوها منال وهي طايحه وماسكه رجول ابوها.. وكان موقف مؤثر لبو عبدالعزيز وتركى منال: يبا تكفى ابوس رجولك رجع امي .. ابو عبدالعزيز ماتحمل ويمسك يد منال ويرفعها لفوق ويضمها وصار يبكي معها تركى الي صار يبكى معهم وهو يشوف ضعف ابوه قدامهم ودموعه ويشوف منال الي بعنادها رافضه تستلم وتعيش واقعها بدون امها الدمع ماهو عيب رح علم الي ... يقول عمره مابكى في حياته .. الدمع مايقطع صلاة المصلي .. والضحك مثل إبليس يقطع صلاته .. ْ~ تركى يسحب منال : خلاص منال خلي ابوي يرتاح منال تترك ابوها وهي تمسح دموعها ابوعبدالعزيز .. يروح لمكتبه ويصكر الباب وراءه منال هنا راحت تركض لغرفتها بعدت مافجرت كبت ابوها ودموعه الي كان يداريها طول هالسنين لاتنزل قدام اعياله .. .............................. .................... ..................... منال الي دخلت غرفتها ورمت نفسها ع السرير وصارت تبكي لانها حست انها ظلمت ابوها وقست عليه بالكلام وعرفت ان ابوها بداخله احزان اكثر منهم .. بهالحظه تركى يدق الباب ويدخل عليها بعد ماغسل وجه .. تركى : منال خلاص بسك .. قلبتي البيت بكاء واحزان منال الي تستعدل بقعدتها وصارت تمسح دموعها : تركى غصب عنى والله غصب تركى: الحمدالله عبدالعزيز ونوال مهب فيه ولاشافوا الي شفناه من دموع ابوي منال تنزل راسها: تركى تكفى رح شوف ابوي وتطمن عليه تركى:لا انتي الي مفروض تنزلين وتبوسين راس ابوي وتعذرين منه ع طولت السانك حرام عليك الي تسوينه فيه ابوي مايتحمل .. احنا ماندري الي حصل بين ابوي وامي لازم نلتمس لهم العذر اكيد شئ اقوى الي فرقهم .. ولا مستحيل ابوي وامي يفترقون ع شئ تافه ويشتونا معهم.. منال بصوت مبحوح: بعد الي شفته من ابوي اليوم عرفت ان ابوي يعاني اكثر منا وانه مو عاجبه هالوضع الي هو فيه تركى : زين عرفتي .. يلا غسلي وجهك وسوي عصير ليمون لابوي وروحي بوسي راسه وتأسفي منه منال: تركى تعال معي طيب.. تركى: لا انا كذا راح احرج ابوي خليك انتي بس منال : طيب .. وتقوم منال وتوها بتروح الحمام . لفت ع تركى الي قاعد ع السرير ويناظرها وهي كاسره خاطره.. منال : تركى الله لايحرمني منك ياخوي وتركى هنا ابتسم لها: ولا منك يام السانين ويطلع تركى ويروح لغرفته وكان مو مصدق الي شافه من ابوه ومنال وكيف بلحظه تفجرت مشاعرهم وألمهم ودموعهم مع بعض.. .............................. .................... ............ منال بعد ماسوت العصير راحت لابوها بمكتبه ودقت الباب ابو عبدالعزيز الي حس براحه نفسيه بعد مابكاء وطلع الغصه الي كان حابسها بحلقه طول هالسنين .. ابو عبدالعزيز : هلاتفضل منال تفتح الباب وهي تبتسم لابوها: ادخل ابو عبدالعزيز يبتسم لها: ادخلي يابوي انتي الداخله واحنا الطالعين منال تجي بخطوات سريعه شوي وتحط العصير ع الطاوله وتبوس راس ابوها منال: يبا انا اسفه ع كل شئ سويته وقلته سامحني ولاتزعل مني ابو عبدالعزيز:مسموحه يما وانتي احد يزعل منك منال: فديتك والله.. يلا اشرب هالعصير ترى بيدي مسويته ابو عبدالعزيز: هاها يازينك يامولينكس منال : هههههههه .. يلا يبا انا استأذن انت اشرب العصير وارتاح وتسكت شوي ... يبا ترى مافي شئ يسوي بالدنيا يزعلك يالغالي ويكدر خاطرك وسع صدرك.. وتبتسم له ابو عبدالعزيز لمى سمع هالكلام من منال حس كأنه بلسم ونزل ع جروحه ابو عبدالعزيز: الله يحفظك يمي ويخليك لي منال: امين ويخليلك لنا ياتاج راسنا .. وتو منال بتطلع من المكتب هنا يتكلم ابو عبدالعزيز: منول منال توقف وتناظره : لبيه ابو عبدالعزيز : لبيتى حاجه.. وهنا بصوت متردد: امي ابيك لاكلمتي امك تقولين لها اذا بترجع لبيتها حياها الله البيت بيتها هنا منال ماصدقت الي تسمعه : يبا جد ..وتروح تركض وتضمه . فديتك يبا وتبوس راسه ابو عبدالعزيز وهو يبتسم .. فديتك انا منال : مشكور يبا ابو عبدالعزيز : العفو يمي .. وتروح منال تركض تبشر تركى .. ................... منال وهي تدق باب غرفه تركي تركى تركى تركى الي كان منسدح ع السرير قام بسرعه من سمعها وحس عندها شئ مهم : ادخلي منال وهي تفتح الباب وتركض ناحيته : تركى ابوي يقول كلمي امك وقولي لها اذا بترجع لبيتها حياها تركى وهو مصدوم ويوقف: من جدك انتي؟؟ منال : والله والله ما اكذب تركى : اخ منك جبتي راس ابوي ولينتيه .. قسم انك اطلق اخت منال وهي تضحك: تكفى تركي دق ع امي وقولها الحين. تركى : وليش ماتدقين عليها انتي منال بصوت واطئ: لاهي زعلانه مني تركى : حتى امي ماسلمت من شرك يام السانين منال : شسوي كنت مقهوره تركى يقلدها كنت مقهوره.. حسبي ع شيطانك بس .. ويأخذ الجوال ويدق ع امه منال تنط عليه تكفى تركى حط سبيكر تركى يدفها زين وخرى كتمتينى .. ويحط سبيكر ام عبدالعزيز ترد: هلا ابوي تركى : هلا بست الحبايب شخبارك يما؟ ام عبدالعزيز: بخير يابوي .. انت شخبارك وشخبار خواتك؟ تركى : ماعلينا كلنا بخير الحمدالله ام عبدالعزيز: عسى عسى هنا تركى فكر ان الموضوع مايصير يقوله لها بالتلفون .. تركى: ام وعلومكم بعد ام عبدالعزيز: طيبين .. انت فيك شئ؟ تركى يحاول يراوغ: يمه .. يمكن هالاسبوع نجيك انا ومنال ويمكن نوال وعبدالعزيز يجون معنا ام عبدالعزيزخافت: ليش ؟ وش فيكم؟ تركى يضحك : ههههههههه يمه الله يهديك اعيالك ومشتاقين لك ام عبدالعزيز: تركى لاتكذب علي وش فيكم قلي تراك طيحت قلبي؟ تركى : لا الصدق يما نبيك بموضوع لاجيناك بتعرفينه ام عبدالعزيز: طيب متى بتجون؟ تركى : هاليومين ان شاء ا لله واحنا عندك.. يلا سلام يالغاليه ام عبدالعزيز: يلا مع السلامه ابوي الله الله بخواتك تركى وهو يكش ع منال : لاتوصين حريص سلام .. ويصكر الجوال منال : تركى ليش ماقلت لها ؟؟؟ تركى : منالوه من جدك هذا الموضوع ينقال بجوال لازم نروح لها ونقولها منال : طيب متى بنروح لرياض؟؟ تركى : مدرى انا بكلم عبدالعزيز الحين و اقوله كل شئ واتفق معه منال: وانا بعد بروح اكلم نوال واقولها تركى : وصيها لاحد يدري .. منال : طيب .. وطلعت منال لغرفتها تكلم نوال .. وهي طايره من الفرحه وحاسه انها ملكت الدنيا .. وكانت تتأمل ان امها راح تسامحها وترضى عليها.. ْ~ أقبّل قاعة أقدامك وغسلها بدمعاتي يا يمّه .. كل مافيني يناديلك أنا ندمان طلبتك؟.. قولي سامحتك وردي لوجهي بسماتي |
|
|
#75 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
ماشاء الله بآآين عليها حلوه هالروايه... اعدك غآآليتي بقراءتهآآ في اقرب وقت... |
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ