 |
  |
|
|
|
|
#41 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
تأأخرتي حيل يالغلا
عسى ماشر ..؟؟ عموما نتظر البارت |
|
|
#42 |
|
|
البارت .. الرابع..!! .............................. .............في دنيتك " غصبٍ " عن الكل بقى ! " الموت " أهوَن من حياتي { بدونك خايف عليّ من " قسوة " الوقت أشقى ؟! - مافيه أقسى من } مفارق " عيونك " بعدشهرين من بعد ماتوظف ياسر بالاتصالات وترسم وصارت احواله مستقره.. صار يحن لايام الماضي واضناه الشوق واتعبه ومو قادر يتحمل انه يعيش الايام الجايه من دون وعد صار شغلهالشاغل كيف يرجع يخطب وعد مره ثانيه وكيف يقنع خاله ياسر بالسياره وهو راجع من الاستراحه وكان الطريق مظلم وشبه خالي لانه خط بري .. هنا صارت الافكار توديه وتجيبه ياسر : لازم ما افقد الامل ايه لازم ارجع اخطبها مره ومرتين والف لين مايقتنع خالي ان وعد لي انا احب وعد ومستحيل اتخلى عنها... هنا ياسر يضغط يده بقوه ع الدركسون ويزود السرعه وماحس ياسر بنفسه الا وهو قدام البيت،، ياسر .. يدخل البيت وكان البيت هدوء وانواره خافته راح لغرفته وهو مليان تعب وهموم وهو رايح لغرفته مر ع غرفه الوالده وشاف نور غرفتها شاعل ياسر بعد ماوقف لحظات عند باب غرفه أمه وبتردد يدق ياسرالباب بكل هدوء ام نادر: من؟ ياسر: انا يمه ياسر ام نادر وهي قاعده ع سجادتها: هلايمه حياك ياسر يفتح الباب ويدخل شاف امه ع سجادتها ويبوس راسها ويقعد ع حافه السرير ام نادر تقوم وهي تضب سجادتها وتجلس جنبه ع السرير ياسر : الله تقبل الله منا ومنك ام نادر: وياك وجميع المسلمين ياسر بصوت هادئ: يمه ابيك بموضوع ام نادر تبتسم: كنت حاسه ان عندك شئ قول يمه وش بغيت ياسر: يمه..... وينزل راسه ويسكت ام نادر: ايه وش يمه ....كمل ياسر: يمه ابي ارجع اخطب وعد مره ثانيه ام نادر وهي تناظره :ان شاء الله يمه بس انت عارف رائ خالك بهالموضوع ياسر: ايه عارف والله عارف بس حاولي تقنعينه يمه انا بسكن بالرياض يعنى بسكن بنته بمدينه مو قريه ام نادر تتنهت: ان شاء الله يا يمه بكره اكلم خالك واحاول اقنعه ياسر: ايه يمه تكفين مابي غير وعد ام نادر: اه الله يجعلها من نصيبك ياوليدي ويريح بالك وتريحني معك ياسر يقوم من السرير ويبوس راس امه: يمه تأمرين بشئ بروح انام ام نادر: لاسلامتك يمه ياسر يطلع من غرفه امه بعد مافجر القنبله الي كانت كاتمه ع صدره ويروح غرفته ويمسك الجوال ويفكر يكتب رساله لوعد يراضيها فيها ياسر وهو حاط راسه ع المخده لا مو الحين راح اجلها لين مابعد الخطبه ارسلها مسج وقولها كل الي بقلبي وان شاء الله تسامحني اه ياوعد ليت الايام الجايه تجمعنا وقعد طول اليل يفكر بوعد وذكرياته معها.. لين ماغفى ع احلى ذكريات بحياته ..وكان عنده أمل ان السعاده بتجي بكره ؛ بتجي بكره .............................. ْ~ْ~ يآلريآض شوفي حزينك ضآق ب { همومه وفآض إرًسْمِيً ..الفَرًحْةَ بِ عْيْنّهَ يَرًحَمْ آمْكَ يآلرًيْآضَ بمطار الرياض كانت منال تمشي وهي خايفه وتناظر يمين ويسار تدور ع خالها نايف فجأه تشوف خالها نايف قاعد ع الكرسي ويناظر ساعته منال تقرب ناحيته منال: السلام عليكم نايف بصوت عالي: هلا هلا وعليكم السلام وتسلم منال ع خالها الي وقف و ضمها بقوه نايف ينتبه ليد منال المكسوره: اف اف سلامات وش فيك؟ منال:الله يسلمك يا خالي مافينى الا كل خير نايف: عسى ماشر وش الي سوى بيدك كذا؟؟ منال: الشر مايجيك بس طحت من الدباب نايف: اها قولي كذا انتم يابنات الشرقيه متهورات منال وهي منحرجه من خالها: ههههههه *خالها نايف الي عمره 32 كان متزوج ويدرس بمصر وهو اصغر خوالها لكن لمى رجع من مصر صارت بينه وبين زوجته مشاكل فطلقها وكان عنده ولد اسمه خالد وعمره 4 سنوات و عايش مع امه نايف يشيل شنطه منال السحب ويأخذها لسيارته منال تمشي وراء خالها وكانت خجلانه منه لانها ماشافته من زمان ويركبون السياره ... نايف: شلونكم وشلون الربايع هناك واخوانك؟ منال: والله كلهم بخير ويسلمون عليكم نايف: الله يسلمهم من كل شر منال: وانت وشلونك ؟ وشلون خلودي مشتاقه اشوفه نايف: الحمدالله طيبين وخلودي هذا مجنني كل يوم تعال بابا ابي سياره ابي كوره واحنا ماعلينا الا نفذ اوأمره منال: هههه ربي يخليه لك نايف: ههه امين.. الا وين نوال اختك ليش ماجأت ؟ منال: والله عندها جامعه نايف: عندها جامعه ولا ابوك هالشري ماستخسر يرسلكم يالثنتين عشان امكم تشوفكم.. منال هنا عصبت من كلام خالها وتحاول تمسك نفسها: خال الله يرضى عليك هذا ابوي لاتجيب طاريه بالشينه نايف: ايه هذا لوكان ابوك فيه خير محد يجيب طاريه بالشينه بس ابوك مافيه خير عشان كذا محد يذكره بالزينه منال مسكت نفسها و ماحبت تتجادل مع خالها وهي توها جايه منال: كانت ساكته طول الطريق وكانت حاسه انها مجروحه من كلام خالها نايف الي ماقدر مشاعرها وهي توها جايه وكانت عارفه مدى الكره الي يكنونه خوالها لابوها هنا منال تنكدت وتمنت انها ماجأت لكن تذكرت انها جايه عشان امها فما كان يهما بهالوقت الا ان تكحل عيونها بشوفه امها فكانت تعد الدقائق والثواني بشوق للوصل لبيت خالها وتضم امها وتقول لها... يمه كِمّ كآإبوسّ آلآإيآإمّ آفزعنََيّ ! ............... وآمسيتّ بآحضآنِ آشبآإح تهآدينيّ | سمِّي عَليّ / مآعآإدّ كبريّ يمتعنيّ ................... طِفلّه بحنآنكّ , لوّ شآإبتّ بيّ سنينيّ , ! .............................. .. بعد مامرت ثلاثه ايام من زياره عهود لغلا بالمستشفى والي ماقدرت تشوفها لان الزياره كانت ممنوعه عهود كانت قاعد ع التلفزيون مع امها واختها جنى بحضنها تحاول تنومها لان الساعه صارت عشر وهي مانامت عهود: يمه شوق متى بتجي؟ ام راكان: والله مدري تقول لادخلت الشهر التاسع بتجي عهود: ايه الله يهون عليها والله مشتاقه لها مره ام راكان: بتجي قريب ان شاء الله وبتقعد عندنا لين بعد ولادتها وبتشبعين منها عهود: وناسه بصير خاله عن قريب ويقاطع فرحه عهود جوالها عهود تناظر الجوال وكان المتصل رقم غريب عهود تحط اختها جنى ع الكنبه وراحت غرفتها تشوف مين؟ عهود ترد: الو صوت مبحوح وبل يالله ينسمع: مرحبا عهود تلصق اذنها بالجوال تحاول تسمع: مرحبتين مين معي؟ الشخص المتصل: هلا عهود .. معك غلا.. أخت ايمان عرفتينى؟ عهود يعلى صوتها: هلا هلا والله بغلا ايه اكيد عرفتك وهل يخفى القمر غلا بصوت واطئ: ربي يسلمك يارب عهود: شخبارك الحين بشري؟ غلا: تحت رجاء الله.. و انتي اخبارك؟ عهود: بخير يمال الخير غلا: عهود انا اسفه اني ازعجتك معي عهود: لا افا حنا خوات مافيه ازعاج ولاشئ غلا: تسلمين ياقلبي بس عهود انا محتاجه اشوفك ضروري عهود: والله جيتك ياغلا قبل ثلاث ايام ومارضوا يدخلوني غلا: ايه ادري ياقلبي بس اليوم طلبت من الدكتور ان يخلينى اشوفك انتي بس وقلت له انك حاله استثنائيه و الحمدالله وافق.. تقدرين ياعهود تجيني بكره ؟ عهود: ابشري من عيوني غلا: تسلم عيونك يارب بس لاجيتى للمستشفى قولي لرسبشن اسمك عشان يدخلونك لانى عطيتهم اسمك.. عهود: ان شاء الله ولايهمك غلا: عهود سامحينى ان ازعجتك وتعبتك معي عهود: لا غلا ترى والله من زعل مابينا هالكلام غلا: ربي يسعدك اشوفك بكره ع خير عهود: ع خير ان شاء الله غلا: مع السلامه عهود: من قال سالم وتصكر عهود الجوال وهي قلقانه وتفكر ياربي وش تبي غلا مني وش هالشئ المهم الي يخلى غلا تدق علي وتطلب من الدكتور يسمح لي بزيارتها ؟؟؟ وبهالحظه يدق الباب راكان بسرعه ويدخل راكان وهو يبتسم وفاتح يده يبي يضمها: عهود اختى حبيبتى عيوني دنيتى عهودتناظره بتعجب وتبعد يده وتبتسم: وش عندك؟ وش هالذرابه هاه راكان: ههه حرام عليك وانا ماني ذرب عهود: هههه الا ذرب ونص بس وش عندك اليوم شكلك مبسوط ع الاخر؟ راكان: اكيد احد يخطب ومايكون مبسوط عهود وهي مصدومه وحاطه يدها ع وجها: ايش خاطب خاطب من؟ ومتى؟ وكيف؟ راكان: ايه احم احم اليوم خطبت عهود وهي فاتحه عيونها ع الاخر: من جدك طيب منهي الي خطبتها؟ راكان : نوال وفيه غيرها يعنى افكر اخطبها عهود تحط يدها ع فمها نوال من جدك أنت ولاتمزح راكان يناظر عهود : ايه من جدي ليش وش فيها نوال؟؟ عهود: لالا مافيها شئ بس ماقلت لي قبل انك بتخطب كذا فجأأه تخطبها ولاتعلمنا ولاشئ راكان: هو مو خطبه خطبه عاد لاتكبرين الموضوع انتي.. بس اليوم رحت لعمي بمجلسه وقالت له اني ابي اخطب نوال عهود كانت مستصيبه لانها عارفه ان نوال ماتبيه وهذا الشئ الي كان مخرب عليها فرحتها بخطبه أخوها عهود: والله زعلتني منك تروح من دون تقولي ليش؟ ماني اختك وبعدين انت متأكد من مشاعر نوال ناحيتك ولا كذا خبط لزق تخطب راكان هنا يسكت ويناظر عهود وكان حاس ان فيها شئ راكان: عهود أمانه نوال تحب احد؟ ولا ايش عهود: يؤه لالا وش هالتفكير نوال اصلا مو راعيه حب وخرابيط بس مدري يمكن ماتوافق ع هالزواج راكان انقلب وجهه : ايش وليش ماتوافق؟ وش فينى انا عشان ترفضني؟ عهود: مافيك شئ يابن الحلال بس مدري انا اقول كذا بس راكان: طيب عهود طلبتك حاولي تكلمينها اليوم وتشوفين رائيها بالموضوع عهود وهي تعفس وجها وتضرب راكان ع كتفه ابشر ماطلبت شئ شوي واكلمها راكان الي انقلبت فرحته لتوتر وقلق : طيب .. يالله انا رايح مع العيال لاكلمتيها ابيك تقولين لي وش رائيها امانه ياعهود ماتخبين علي ولاحرف كل شئ تقوله لك تقولينه لي.. عهودالي حست ان خاطر اخوها انكسر: طيب يالغالي ولايهمك.. ويطلع راكان بعد ماحس بخيبه أمل وان حلم حياته مراح يتحق والاهم الي كسر ظهره انه موعارف شعور نوال تجاهه .. عهود تمسك راسها وتقعد ع السرير ياربي منك ياراكان ع هالعجله وتمسك الجوال وتدق ع نوال |
|
|
#43 |
|
|
أحيآن أحس : إني ( وطن ) متلي نآآس وأحيآن .. أحس بوحدتي و ( أ ت ح ط م ) ! .... نوال الي كانت قاعده بالغرفه لحالها وفاتحه الاب وطفشانه وتناظر سرير منال الي كان خالي وحست وقتها بالوحده وكيف ان منال كانت ماليه عليها حياتها نوال بداخلها.. يالله يامنال والله ماتسوي حياتي من دونك مدري كيف لو ماكنتي موجوده بحياتي كيف راح حياتي بتكون .. اه فديتك وربي احبك يا اغلى اخت بالدنيا.. هنا تجي نوال فكره .. خلنى ادق عليها الحين اكيد قاعده هي و امي ومبسوطين ويسولفون وناسيني نوال تمسك الجوال تبي تدق ع منال الا جوالها يدق بيدها عهودتي تتصل، نوال ترد: هلا بعين السيح هلا عهود: ههه هلا بك نوال: الله جابك يختى كنت توني بكي عهود: ليش افا ليكون دريتي نوال: هاه عن ايش دريت ؟ ؟؟ عهود: هاه ماتدرين طيب ليش كنتي تبين تبكين؟؟ نوال: من الطفش يختى من راحت منال الرياض وانا حالتي حاله عهود: اها نوال: تعالي صدق عن ايش مادريت؟ عهود وهي متردده تتكلم: هاه ايه .. ام عن الخطبه نوال: اي خطبه من الي انخطب ليكون انتي ترى عاد كفايه ماتحمل خيانات اول شئ منال وسفرتها والحين انتي عهود: هههههههه لالا يالمرجوجه مو انا الي انخطبت نوال: هاه من ليكون هدى لالا تصدمينى عهود: يؤه انتي اصبري مستلجه يختي نوال: لغز هو من الي انخطب اخلصي عهود: أنتي نوال وهي فاتحه فمها: انا عهودبصوت واطئ: ايه انتي اليوم راكان خطبك اليوم من عمي << وهنا كانت عهود حاطه يدها ع قلبها وتنتظر رده فعل نوال.. نوال تشهق: ايش .. وهذا من سمح له هاه؟؟؟ كيف يتجرا ويخطبني عهود:حتى انا تفاجئه والله ماكان عندي علم نوال وهي معصبه: عهود من جدك تتكلمين أنتي عهود: وربي توه قالي قبل شوي نوال: عهود لالاخوك هذازودها تراه رافع ضغطي والحين كملها عهود: ليش يانوال حرام عليك والله راكان يحبك وطيب وشاريك نوال: شاريني ولا بايعني أنا مابيه غصب هو؟؟ واصلا انا ماأعده الا مثل اخواني تركى وعبدالعزيز وياليت توصلين له هالكلام مع السلامه عهود: بس يانوا...طوط وتقفل نوال الخط::::: .............................. .................... .............................. .......... هدى الي غابت بهالفتره عن البنات كانت مشغوله بالبحث عن ابوها ومازالت تدق ع المستشفيات وكان عندها أمل كبير انها راح تلقى ابوها هدى يوصلها خبر من أحد المستشفيات الي بالدمام بأنه في قسم الامراض النفسيه عندهم شخص مختل عقلياً.. ولايعرفون هويته لان الي وصله للمستشفى ... فاعل خير لقاه بالطريق.. هدى الي بد قلبها يدق وماتدري وش تسوي وماتقدر تروح لقسم الامراض النفسيه طرت في بالها فكره انها تتصل بتركى الي وعدها انه راح يساعدها بس كيف تجيب رقمه ؟؟ فجأأأه تذكرت ان رقمه بجوال امها هدى تدخل غرفه امها الي كانت تتروش بالحمام وتفتح جوالها وصارت تبحث عن اسم تركى وفجأه لقته من ضمن القائمه بدأت تنقل الرقم بسرعه لجوالها وتروح لغرفتها بسرعه هدى خايفه ومتوتره تدق ع تركى هدى :يالله مستحيه ادق عليه ياربي وش اسوي ؟مافي غيره بيساعدني يلا عشان ابوي كل شئ يهون وتمسك الجوال وتدق ع تركى .. تركى الي كان قاعد مع راكان وليد في مقهى بالخبر وكانوايسولفون ويضحكون وبهالحظه يدق جوال تركى رقم غريب تركى يناضر الرقم باستغراب وهو رافع حواجبه : اص شباب بكلم تركى يرد: الو هدى وهي منحرجه: هلا تركى سمع صوت بنت خق : لحظه لحظه ويقوم من عند الشباب ويطلع بره المقهى تركى بصوت رومانسي: هلا والله وغلا بالقمر هدى وهي مستغربه: قمر بعينك لو سمحت هذا جوال تركى ولا لا؟ تركى يبلع ريقه: هاه ايه انا تركى من معي؟؟ هدى استحت لانها هزئته: ام ان ا هدى تركى مو مستوعب : من هدى؟ هدى بصوت حاد شوي: ليه كم هدى تعرف انت؟ انا هدى بنت عمتك تركى طاح وجه : ايه هلا هلا بهدى لا بس ماتوقعت انك تدقين علي هدى هنا حست بشوي اهانه: معليش اسفين يابو الشباب بس انا ماني داقه العب بس ابي منك خدمه اذا حاب تساعدني زي ماوعدتني ولا لا تركى فيه الضحكه ع اسلوب هدى: لالاعادي لاتأسفين تأمرين أمر وانا عند وعدي أكيد وش الخدمه الي بغيتيها ؟ هدى: الله يسلمك يارب.. بس ابيك تشوف شخص بمستشفى بالدمام مجهوله هويته وهوموجود بقسم الامراض النفسيه وبصراحه اناخايفه اروح لهالقسم وعشان بعد ما ابي انصدم مره ثانيه ..فياليت تروح وتشوفه تركى بصوت عالي: لالا ولاتفكرين تروحين.. انا اصلا تكفلت بالموضوع وانا من ذاك اليوم وانا مؤكل كذا شخص اعرفهم يدورون ابوك وبعدين تعالي ماخلصنا من سالفه التدقدق بهالمستشفيات هدى وهي معصبه: لا ماخلصنا ..انا بدور ابوي بنفسي كيفي تبي تساعدني جزاك الله خير ماتبي منت مجبور سلام تركى : تعالي تعالي . هدى وهي معصبه: نعم تركى: وش دعوه زعلتي.. انا بس مابيك تنشغلين عن دراستك بهالموضوع هذا قصدي ...وانا وعدتك ياهدى اني راح ادور ابوك بكل مكان حتى بره السعوديه فخلاص ارقدي وأمني و اذا عمي ابو فارس حي راح تكون رجعته ع يدي ان شاء الله .. هدى بعد ماهدت شوي وعيونها أمتلت دموع من كلام تركى الي حست انه سند لها.. هدى: مشكور ياتركى الله يجزاك خير تركى :وياك يارب ..اي خدمه ترى أنا موجود ياهدى هدى : ماتقصر والله .. يلا مع السلامه.. تركى : مع السلامه ويبي يقفل الخط هدى نست تسأله وبصوت عالي: يؤه هيه هيه انت تعال تركى: يضحك هههه: تهشين غنم انتي هههه وين أجي؟ هدى حست بخجل بس تسوي انها عاديه: هههه هاه لا اقصد متى بتروح للمستشفى؟ تركى: بكره ان شاء الله أول ما اطلع من الدوام هدى: طيب .. ..أبي وتسكت تركى: وش تبين قولي؟ هدى: بس طلب صغينون.. امانه اذا طلع هالشخص مو ابوي لاتكلمني وانا بفهمها بس اذا ابوي امانه انك تدق علي تركى: ابشري لك ماطلبتي هدى : تسلم ..طيب مع السلامه تركى :مع السلامه تركى يصكر الخط اه يالبيه يهالصوت مع ان فيها نسبه عرابجه ودفاشه هالبنت.. بس عسل وربي ويتذكر يوم تناديه هيه هيه تعال ويقعد يضحك ههههه ويرجع للشبا بالمقهى ............... تركى يقعد ع الطاوله الي فيها الشباب تركى: عسى ماتأخرت وليد وهو يشرب معسل يبتسم: الا تأخرت بس شكلك ماحسيت بالوقت الي مأخذ قلبك تتهناب ههههههه الشباب ههههههههههههههههههه راكان يناظر تركى: اما والله حركات ياتركى الاخ طلع حبيب ههههه تركى: ههه الله يرجكم لالا هذا واحد من الشباب يبي مني خدمه وليد: علينا وش فيك أجل اختبصت لمى رديت كنه بنت الي مكلمتك مو ولد راكان: ههههه اكفش ياوليد وليد: ههههههههههههههه تركى: ههههه لاختبصت ولا شئ بعدين أنت اخر واحد تتكلم ياوليدوه ولانسيت حبيبه القلب الي يبدا بحرفها بحرف الميم هاه اعلم وليد وهو حاط الشيشه بحلقه يكح كح كح وليد :الله يرجك ياتركي اي حبيبه قلب .. انت الا تخلي عندي حبيبه ماعندي هالسوالف ياولد عيب راكان: هيه وانا الاطرش بالزفه علموني وش السالفه الظاهر طلعتوا حبيبين وانا مدري الشباب هههههههههههههههههههههههههههههه ههه تركى: اسأله .. الاخ يوم كنا بالشاليهات هاه كان عايش جو ع البحر وبهاليل و يرسم ع الرمل وراسم قلب wmوحاط حرفين راكان : ياعينى ع الحب هههههههههه وليد أرتبك وحس بأحراج و يضحك بصوت عالي ههههههههههههههههههههههه الله يرجك ياشيخ هذا حرفي وقلبته فيها شئ أحب نفسي يأخي تركى : ايه حرفك قالبه هين يالله نمشيها لك هههههههههههه راكان : ههههههههه يالله ياحبيبين انا ماشي للبيت وراي دوام تأمرون شئ ياقيس وعنتر زمانكم الشباب هههههههههههههه لاسلامتك ............................ بالجامعه عهود قاعده بالكلاس وتناظر ساعتها و تستنى نوال الي تأخرت نوال تدخل الكلاس وتناظر مكان تجلس فيه عهود: تنادى نوال وتأشر لها عشان تجلس جنبها نوال تناظر عهود بنظره محترمه وتروح تقعد بعيد عنها عهود تناظر نوال: يؤه هذي شكلها زعلانه مني طيب انا وش ذنبي؟؟ ياربي من نوال ذي لازعلت انتهت المحاضره بعد ساعتين مرت ع نوال وعهود وهم كل وحده بمكان وطبعاً البنات بالكلاس حسوا ان فيهم شئ لانهم دائم مع بعض مايتفارقون الا هالمره نوال تقوم بسرعه وتشيل كتبها من ع الطاوله وتطلع من الكلاس عهود تطلع وراها وتسرع بخطواتها عهود: نوالوه وقفي بلاسخافات نوال توقف: نعم وش تبين؟؟ عهود: نوالوه وجع... الحين أخوي خاطبك انا وش ذنبي بالله هاه؟؟؟ نوال هنا تفكر بسؤال عهود : هاه والله مدري وتضحك هههههه عهود: ههههههه الله يرج بليسك بس لازعلتي تزعلين ع القبيله كلها نوال تعصب مره ثانيه: يختى قهرني راكان هذا وقته انا ناقصه مع الطفش والوحده الي عايشته يجي يزيدني عهودتمسك نوال بيدها أمشي بس بلاتحلطم بعدين نتكلم بهالموضوع الحين البنات بالكفتريا ينتظرونا ............ بالكفتريا وعد وهدى ينتظرونهم وعد: ياربي من الجامعه كئيبه من دون منال هدى: هيه ياهوه اشوف ماني ماليه عينك وعد: ههههههه لبى قلبك الا ماليتها ونص بعد بس يختى فقدناها والله هدى : والله صادقه لها وحشه الدبه الا صدق وين نوال وعهود؟ وعد: يؤه عاد هالثنتين تشوفينهم يسحبون رجولهم الحين هدى: ههههه اي والله وعد تلمحهم وهم جأين من بعيد: شوفيهم جاو اف اف نوال شكلها ولابد نوال تجى وترمى الشنطه ع الطاوله: السلام هدى وهي تشيل قلاص الكابتشينو من الطاوله: هيه أنتي يالعاصفه رجيتى الطاوله يمال الرجه نوال ماترد ع هدى .. عهود: تقعد السلام عليكم بنات وعد+ هدى وعليكم السلام وعد: نوالوه وش فيك معصبه ؟؟ نوال وهي متكتفه :مافيني شئ يختي هدى: عهود وش فيه ابو الهول معصب البنات ههههههههه نوال: مافي شئ يضحك ولا تضحكون ع سخافتكم عهود: يؤه سالفه طويله بعدين اقولها لكم وعد: لالاقوليها الحين نوال تناظرعهود :"قولي لهم عمايل اخوك يالله قولي عهود بصوت عالي: أف لاحول منك يانوال.. والله مايسوى ع اخوي الي خطبك قسم منتي وجه خطبه انتي هدى+ وعد وشهو خطبه هدى تحط يدها فوق فمها: لوليش نوال تحط يدها ع فم هدى اص اص فضحتينا البنات ههههههههههههههههههههههههه وعد: نوالوه مالت عليك حتى مالت أحد ينخطب ويزعل عهود: خليها فاهمه الحياه غلط نوال: ايه انا فاهمه الحياه غلط وأخوك السوبر مان ماشاء الله عليه فاهم الحياه صح عهود: ياربي صبر من عندك.. كل كلمه والثانيه تقول أخوك وأخوك هدى: طيب نوالوه ليش ماتبينه وش فيه راكان يختى جمال وأخلاق طالع ع اخته وتأشر ع عهود عهود: أحم أحم شفتى الناس الي تعرف الذوق مو انتي مالت بس هدى: عهود خليه يهون من نوال ويخطبنى ترى والله اوافق ههههههههههه البنات ههههههه وعد: لالا انا يجي يخطبني ومهره علي ههههه عهود:هههه شنسوي القلب ومايهوى مايبي غير نوالوه هالفاهيه هدى: نوالوه بلاحركات دلع وتغلي وافقي نوال تمد بوزها:ياربي منكم انتم ماتفهمون مابيه ؟ بالعربي وبالانجليزي مابيه غصب هو وعد: لا طبعاً مو غصب بس انتي فكري واستخيري نوال: مابي افكر ولا شئ قالت مابيه وخلاص هدى: هههه انا عارفه ليه ماتبينه؟ عشان الكوره الي صكتك بوجهك البنات هههههههههههههههههههههههههههههه هههههههه نوال: ياسخفك ياهدى بس عهود: المهم نوالوه ترى انا ماني حاضره المحاضره الثانيه نوال حست بتأنيب الضمير: ليش عهود زعلتي اني ماجلست جنبك عهود: هههههههههههههه لا ياحلوك احد يزعل منك أنتي بس والله عندي موعد بالمستشفى نوال: طيب بس انتي عندك غياب يالغبيه عهود: ايه ادري بس انتى شاطره بالتمسكن عند الدكاتره تعذري لي عند الدكتوره قولي عندها موعد ضروري وعد: هههههههههه انا اشهد انها شاطره ونص .. وخاصه بتصيرين حماتها ابشري بالواسطات هههههههه البنات هههههه نوال تناظر وعد نظره غضب ... هدى: عهود وش موعده؟؟ عهود: هاه موعد فحص بالمعده تعورني هدى: اها سلامتك اجل عهود: الله يسلمك ياقلبو.... نوالوه دقي ع سواقكم يجي عشان يوصلنى لموعدي ولاخلصت رجعت وخذيتك من الكليه نوال : اوكيه وتدق ع السواق وينتهي البريك وكل وحده من البنات راحت لمحاضرتها !! الا عهود الي راحت تقابل غلا بالمستشفى من دون ماأحد يدري .............................. .................... .............................. ......... إذا شفت المطر أفتح يدك وأجمع الي تقدر عليه ! شفت الي جمعته!! هذه غلاتي عندك! تبي تعرف ايش غلاتك عندي ؟ باقي المطر الي ماقدرت يدك تجمعه ، بالديره ام نادر وأمل زوجه نادر قاعدين يتقهون قهوه العصر أمل الي كانت واقفه ع الشباك أمل :ماشاء الله ياخاله بدت تمطر الجو خيال ام نادر وهي ماسكه التلفون عشان تدق ع أخوها محمد ماشاء الله تبارك الرحمن الله يرزق المسلمين وتنتظر الخط يشبك معها ام نادر: السلام عليكم محمد: هلا وعليكم السلام ام نادر: شلونك ياخوي وشلون اعيالك؟ محمد: بخير ماعلينا طيبين وأنتم اخباركم؟ ام نادر: ماعلينا الا زود النعيم محمد: عسى عسى ام نادر: الله يسلمك يارب ..الاوش لون الجو عندكم؟ محمد: والله الجو معتدل لاهو برد ولاهو بحر ام نادر: والله احنا بدأت تمطر علينا الحين محمد: ماشاء الله عليكم والله عاد الحين مع هالجو يبيلكم خيمه وشبت ضوء ياسلام ام نادر: اي والله ..يالله سير علينا وأبشر بالخيمه والضوء محمد:ان شاء الله لنا جيه عن قريب بس خلي العيال يخلصون الدراسه وان شاء الله نجيكم ام نادر: ان شاء الله الا ياخوي بغيتك بموضوع !! أمل الي كانت واقفه ع الشباك من سمعت طاري سالفه قفلت الشباك و أقعدت قريب من ام نادر وقطت اذونها وصارت تسمع ام نادر وش تقول محمد: خير أمري ام نادر: مايأمر عليك عدو بس ياأخوي طلبتك الولد جنني مايبي غير بنتك وعد محمد يقاطعها: لاحول ماخلصنا ياوخيتى من هالموضوع ام نادر: اسمعني ياخوي فديتك ياسر الحين توظف بالاتصالات وصار له شهرين من توظف والحمدالله اوضاعه مستقره وبيسكن بالرياض ان شاء الله والي تأمر فيه ترى هو حاضر ياخوي لاتحرمهم من بعض ياسر ولدك مثل ما وعد بنتك وانت عارف انهم يبون بعض وان كان ع البعد ياسر يقول متى ماشتقتو لها ارسلها لكم بالطياره وكلها ساعه وهي عندكم لاتعقد الامور وانا اختك ولاتظلمهم محمد حس بأن اخته افحمته بكلامها وماله حجه يرفض محمد: ابشري يصير خير ان شاء الله ام نادر: يعني ماعندك خلاف محمد : من ناحيتى ماعندي خلاف بس الشوار الاول والاخر بيد البنت وهي بكيفها ام نادر الي الفرحه مو شايلتها لان اخوها وافق ولانها متأكده ان وعد مراح ترفض ام نادر:ان شاء الله الله يكتب الي فيه الخير يالله ياخوي اشوفك ع خير محمد: ع خير ..... ام نادر تصكر التلفون وهي مبسوطه أمل وهي من دون نفس : وش فيك خالتى فرحانه ان شاء الله وافق ام نادر: ايه الحمدالله يقول ماعنده خلاف ام نادر تمسك الجوال بشر ياسر أمل وهي تعفس وجها: ايه بشريه تلقينه الحين بيطير من الفرح لادرى امل وهي حاقده وتقول بنفسها مالت ع حظك يختى طار الرجال من يدنا ان شاء الله يارب يتفركش هالزواج ولايتم ع خير ام نادر كانت تتصل ع ياسر بالجوال ياسر كان طالع من صلاه العصر وشاف ولد جيرانهم وقعد يسولف معه عند الباب ياسر يرد ع جواله: هلا يمه أم نادر: ياسر وينك انت؟؟ ياسر : أنا عند الباب اسولف مع صالح ولد ابو صالح ام نادر: ايه اجل ادخل بسرعه ابيك ضروري ياسر: خير ان شاء الله ياسر يستئذن من صالح ويدخل البيت ياسر اول مادخل وهو يسرع بخطواته حس ان امه فيها شئ يمه يمه ام نادر: هنا هنا بالمجلس يامك ياسر يدخل: السلام عليكم امل وام نادر وعليكم السلام ياسر: وش فيك يمه؟؟ ام نادر تبتسم: ابشرك خالك وافق ياسر بصوت عالي: بالله يمه.. ويضم امه ويبوس راسها ويدها أمل تقول بقلبها مالت ع اخوك نادر بس ليته يحبنى مثل ماتحب وعد أمل وهي حاطه طرحتها ع وجها: مبروك ياخوي ياسر تستاهل كل خير ياسر وهو منحرج لا انه مانتبه لها اول مادخل الله يبارك فيك ياأمل ام نادر: ايه اخيراُ خالك وافق وقال ماعنده خلاف بس الشور الاأول والاخر بيد وعد ياسر هنا تذكر انه كان مزعل وعد بأخر مسج ارسله لها وانه جرحها بكلامه وأكيد للحين وهي زعلانه منه.. امل: هانت دائم الشور بيد وعد ان شاء الله أجل خير ياسر : ان شاء الله .. يالا يمه انا رايح لواحد من العيال ينتظرنى عشان أمره ام نادر: الله معك ياولدي انتبه من الطريق ولاتسرع الجو مطر يمك ياسر: ان شاء الله .... ياسر يطلع من البيت وهو طاير من الفرح ومايدري وش يسوي و وده يركض بالمطر ومحد يوقفه ويركب سيارته ويتوجه لرياض الي تبعد عن ديرتهم ساعه وهو بالطريق اشتد المطر وصار يمطر بغزاره وأظلم الجو من كثر الغيوم وكان صوت الرعد معطي للجو رهبه ياسر ماقدر يكمل سواقه من كثر ماهو فرحان و يوقف ع جنب الخط ويطلع من السياره وكان المطر يمطر بغزاره ياسر يوقف جنب السياره ويرفع راسه لسماء ويغمض عيونه ويفتح يده وبصوت عالي يقول ياسر: ياربي أجعل وعد من نصيبي واذا وعد مو من نصيبي يارب أخذ حياتي مابيها ويقعد ياسر ساكت لثواني وهو يفكر يارب اخاف وعد ترفض بس لا مستحيل وعد تحبني وأكيد بتوافق وعد لي وأنا لهابأذن الله ويصرخ بعلى صوته يناس اناحب وعد وابيها ا و بهالحظه تمر عليه سياره وتضرب هرن(بوري) وهي ماشيه طوط ياسر ينتبه لنفسه وكنه فايق من حلم ويناظر حوله شاف انه واقف بجنب الخط و ملابسه كلها مويه يركب السياره ويأخذ المنديل ويمسح الماي عن وجه وشعره الي أمتلى من قطرات المطر مثل ما أمتلى قلبه فرح بهاليوم ويمشي ياسر ع الخط الرياض بأقصى سرعته وكانت نبضات قلبه أسرع من مشيته .............................. .................... .............................. .. |
|
|
#44 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
مشكوره ياقلبي
بارت روعه نتظر البارت الجاي |
|
|
#45 | |
|
|
اقتباس:
العفوحبيبتي انتي الأروع غلاتي :0154::0154::0154::0154::0154: |
|
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
