 |
  |
|
|
|
|
#86 |
|
|
البارت .. العاشر... مُو كِلْ مِنْ يَبَكِيْ يُمُوُتْ !.. ولا كِلْ حِزْن يِكْسِرَ الصَوُتْ بـ سُكُوتْ.. يِمْكِنْ يِكُوُنَ الحِزْنْ [ أَحْيَانَاً ] : أَمَلْ ! في بيت ابو عبدالعزيز .. منال اللي قاعده بغرفتها وفاتحه الجوال وتتأمل وتفكر بمسج وليد وقاعده تراجع حساباتهاا.. وهذا بعد مامر اسبوع وهي ماردت على وليد بالموافقه او الرفض.. منال بنفسها.. ياربي صدق هذاا يحبنى ولاكذبه من كذباته انا حاسه ان هالكلام طالع من قلبه بس اذا يحبنى صدق ليش سوي فينى كل اللي سواه ؟ وليش كل تصرفاته كانت تدل ع كرهه لي .. بهاللحظه يدق جوالهاا اللي بيدها هنا منال فزت من الخوف .. وتناظر الجوال (خالي نايف .. يتصل بك) منال ترد.. ياهلاااا نايف: المهلي مايولي. هههه منال: ههههه هلابك نايف : شخبارك؟ واخبار اخوانك؟ منال: والله كلنا بخير .. وانت؟ نايف : بخيرر ماعلي منال: عادك هناا بالشرقيه؟ نايف : ايه ومطول بعد الله يعين بس منال: امين .. طيب وليش ماتسير علينااا نايف: والله مشغول.. اهلكونا بالدوام ما اطلع الا العصر وع طول اناام وماقوم الا الليل يعنى نظامي مخربط منال: يؤؤه الله لايضيع تعبك ان شا ء الله .. نايف : امين .. الا منول منال : لبيه نايف:منول ابي اخذ رايك بموضوع ؟ منال: امر وشهو؟ نايف: امم انا بصراحه ابي اخطب بنت عمك .. منال : هههههه اجل اعجبتك الشاميه .. نايف: هههههههه .. تبين الجد اعجبتنى حيل .. بس تهقين توافق علي وانا مطلق وعندي ولد منال:شوف خال.. عهود اذا اقتنعت بشخصك ماتهمها هالامور .. لان عقلها كبير.. نايف: ان شاء الله .. طيب تكلمينهاا؟؟ منال : ابشر بكلمهاا الحين .. بس لازم تكلم اخوها راكان قبل .. لان عهود مراح توافق اوترفض الا لمى تشوف رائي اخوهاا نايف : خلاص الحين اكلم تركى يروح معي لراكان .. منال : الله يكتب اللي فيه الخير نايف: اامين .. يلااا لاتنسين تكلمينهاا منال وهي ماسكه ضحكتها: لا ابشر الحين اكلمهاا .. وتصكر الجوال.. منال: ههههههههه وش السالفه يوم الخطبه العالمي .. وليد وتركى والحين خالي نايف هههه وتمسك الجوال ..وتدق ع عهود عشان تفاتحها بالموضوع .. عهود ترد : هلاااا منال : اهليييين عهود: هلابك .. شخباركم؟ منال : بخير وانتم اخبااركم ؟ واخبار اختى الدبه؟ عهود:والله ماعليناا طيبين واختك الدبه تزقح منال : دووووم يارب.. عهود: هاه منول شصار ع خطبتك ؟ للحين ماخذيتى قرارك ؟ منال هنا تتنهت : لا للحين .. المهم خليك مني الحين انا داقه ابيك بموضوع عهود: وشهوو؟؟ منال: عهود .. تدرين ان اليوم اكتشفت ان هالاسبوع يوم الخطبه العالمي عهود: ههههههه ليش من خطب غير تركى ووليد منال : ههه خالي نايف .. عهوداللي تذكرت موقفها معه: جد خطب من؟ منال : خطب الشاميه عهود تحاول تستوعب : اي شاميه ؟ منال: انتي يالخبله ههههههههههههه عهود: طووووووووووووووووووووووط ــــــــــــــــــــــــــــــ منال : الو الو .. وجع هذي من جدها قفلت الخط بوجهي منال ترجع تدق وهي تضحك .. عهود ترد: نعم خخخ منال: عهودوده وجع اللي يشوفك يقول مقطعها الحياء ليش تصكرين بوجهي عهود: هههه هاه والله مدري حركه لاشعوريه... منال : ههههه.. طيب اسمعي يالخبله .. الحين جينا للجد خالي نايف من شافك يقول اعجبتيه وخاشه مزاجه والحين بيروح يكلم اخوك راكان وقالي اكلمك واشوف رائك وش قلتي مبدئياا؟؟ عهود اللي انحرجت وتلعثمت : بصراحه منال مدري الموضوع يبيله تفكير منال: اكيد فكري واستخيري .. بس عهود والله خالي نايف مايتفوت مو عشانه خالي لا بس خالي نايف رجال بماتعنى الكلمه والله محد قام بأمي الاهو مع انه اصغر اخوانهاا .. عهود: فيه الخير والله ..بس منال انا مراح اخذ قرار الا لمى اشوف رائي امي واخوي راكان منال: من حقك اكيد بس اول ماتأخذين قرارك دقي علي تيب عهود: ان شاء الله منال: .. يلا يالدبه سي يوو عهود: سي ياا منال تصكر الجوال وهي تفكر ياربي وش صاير بالعالم كلهم خطبوا بوقت واحد .. اكيد العيال قاعدين يشجعون بعض.. وتنزل تحت وتقعد بالصاله .. وبصوت عالي : ليناااا لينااا لينا للي طلعت من المطبخ:نعم منال: عشاء خلاص؟ ليناا: ايوا كلاس منال : طيب فيه احد مجلس؟ لينا : فيه بابا تركى وباابا وليد منال هناا سمعت طاري وليد: اف هذاا وش جايبه .. شكله بيقعد يسنتر عندناويتميلح لين اوفق عليه ايه هين .. لينا تقطع ع منال تفكيرها: حطى عشااء؟ منال :ايوه حطي عشاء .. تعالي بابا كبير وين ؟ لينا وهي تأشرع ع المكتب : هناا مكتب منال :خلاص جهزي العشا ء ووديه لمجلس حق 3 نفر طيب .. ليناا : طيب وراحت ليناا للمطبخ ..تحط العشااء.. منال تدق باب المكتب ع ابوها عشان تقوله يتعشى مع العيال بالمجلس وتدق ..محد يرد منال وهي تقرب اذنها عند الباب: يبااا ادخل محد يرد عليهاا........... منال اللي خافت .. تفتح الباب بسرعه وتدخل المكتب وهناا شافت ابوها طايح ع مكتبه و بيده علبه حبوب فاضيه .. تناثرت حباتها ع المكتب هناا منال تصاااااااارخ: يباااااااااااااااااااااااااااا اااااااااااااااااااا اااااااااااااااااااااااااااااا اا وتجي تركض ناحيه ابوها وتحاول تصحيه وتسحبه لكن جسم ابوها كان اثقل منهاا.. ليناا اللي سمعت صوت صرااخ منال جااءت تركض وتدخل عليهاابالمكتب : اش فيه اش فيه.؟ هناا شافت منال .. اللي تحاول تصحى ابوهاا وهي تبكي .. منال تناظر ليناا اللي واقفه عند الباب هناا تصارخ: ليناا نادي تركى بسرعه لينا اللي كانت خايفه تروح تركض للمجلس اللي بره وهي تصارخ بالمجلس كان وليد جالس لحاله وكان يتفرج ع التلفزيون ويشرب زقاير.. بعد ما استئذن منه تركى.. انه يشوف خاله نايف اللي كلمه وقال له عن الموضوع وطلب منه يوصله لبيت عمه ابو راكان ... ليناا تدخل المجلس ع وليد وهي تصارخ : بابا تركى بابا تركى وليد اللي نط من الخوف ويقوم بسرعه وبصوت عالي : ايش فيه؟ ليناا وهي تلهث من كثر ماصارخت وركضت : بابا.. بابا كبير في طيح يمكن موت .. وليد هناا سمع طاري موت .. ويركض بسرعه لداخل الفله والشغاله ليناا تركض وراه .. واول مادخل وليد الصاله سمع صوت منال تصارخ وتبكي : يبااا رد علي تكفى .. وليد يتوجه ناحيه الصوت ويدخل المكتب وهناا شاف خاله قاعد بالكرسي وطايح ع مكتبه ومنال واقفه عنده تصارخ وتحاول تصحيه هناا وليد يجي بسرعه يبعد منال عنه : وخري وخرى ويشيل خاله بسرعه. ويطلع فيه . منال اللي جابت لها الشغاله لينا عباتها بسرعه .. تلبس عباتهااا وتروح تركض وراء وليد اللي كان يحاول يسدح خاله بالسياره من وراء.. منال وهي تبي تركب السياره وليد بصوت عالي : منال ارجعي منال اللي كانت تبكي ..ماترد عليه وتفتح الباب من الجهه الثانيه وتركب السياره وتحط راس ابوها بحضنهاا وطول الطريق كانت تبكي وماسكه راسها ابوهاا وتقرى عليه المعوذاات.. وليد كان يسوق بأقصى سرعه وماكان يوقف لاي اشاره ... وبعد 10 دقايق يوصلون للمستشفى .بوقت قياسي بقسم الطوارئ ... يدخل ابو عبدالعزيز لغرفه العناايه والحالات الطارئه .. وفي ممر المستشفى .. منال كانت منهاره و حالتها حاله وتبكي بصوت عالي ... وليد اللي كان يناظرها وهي رايحه جايه .. تقطع قلبه عليهاا وليد كان ينتظر تركى الي اتصل عليه: وينك ياتركى تجي تهدئ اختك .. وكان كل اللي بممر المستشفى يناظرونهاا.. هناا وليد ماحب انها تكون فرجه للكل .. و يقرب ناحيتهااا ويحاول يقعدها بالكرسي: منال اقعدي وان شاء الله خالي يقوم الحين وهو طيب منال تسمع كلامه و تقعد ع الكرسي وهنا تناظره وهو واقف قدامها: تكفى وليد ابي ابوي .. وليد اللي كانت كاسره خاطره: ان شاء الله يامنال الحين يقوم ويرجع احسن من قبل منال اللي قعدت ع الكرسي وهي ماسكه راسهاا وكان بهالوقت ماجاء في بالها غير ابوها و ضحكات وسوالفه ونظراته.. وكانت تون بصوت واطئ .. هناا يقطع ع تفكيرها وليد اللي جاب لها ماي .. :منال اشربي .. وهدي نفسك ولاتضعفين خليك قويه زي ماعرفنااك .. منال هنااا تناظر وليد وعيونها كلها دموع وكانت هالنظره نظره ضعف وانكسار منها .. وتأخذ الماي منه .. وليد اللي بعد عنهاا عشان تأخذ راحتها وهي تشرب الماي.. وبهاللحظه يجي تركى .. منال هناا شافت تركى قامت بسرعه تبكي : تركى ابوي تركى هناا يضمهااا ويحاول يهدهااا : خلاص منال تعوذي من ابليس تركى يناظر وليد: للحين ماطلع الدكتور؟ وليد : لا والله للحين تركى يأخذ منال و يقعدون ع الكراسي وكان يهديهاا ويمسح ع راسهاا.. وليد اللي واقف بعيد عنهم ..وكان يناظرهم.. ويشوف كيف رحمه الاخو بأخته بهاللحظه يوصل للمستشفى خالهم نايف وراكان ... وبقسم الطوارئ .. يدخل راكان ونايف وشافوا تركى ووليد ومنال ويقربون ناحيتهم راكان وهو خايف ع عمه: تركى وش صار؟ تركى : والله مدرى طاح عليناا وماندري وش فيه.. نايف وهو قاعد جنب منال وحاط يده ع كتفهاا : منال ابوك طيب ان شاء الله لاتخافين منال بصوت مبحوح وبعد ماهدت :ان شاء الله .. راكان يروح يوقف جنب وليد.. تركى: منال روحي مع خالي للبيت واناا راح ادق عليكم اول مايطلع الدكتور ويقول وش فيه.. منال بصوت عالي: لا ماني رايحه لين اشوف ابوي نايف يغمز لتركى يعنى خلهاا... بهاللحظه يطلع الدكتور من غرفه الطوارئ.. الكل هنااا قام بسرعه عند الدكتور .. تركى : دكتور بشررر الدكتور : الحمدالله عدى مرحله الخطر نايف: وش فيه يادكتور ؟؟ الدكتور : انخفاض شديد بالسكر والضغط وتقريبا هي بوادر جلطه.. لكن الحمدالله لحقنا عليه ..لو تأخرتوا خمس دقايق كان راح تكون جلطه .. الكل : الحمدالله.. الحمدالله تركى: طيب دكتور ممكن نشوفه الحين؟ الدكتور : ممكن بس لاطولون خمس دقايق لانه توه فايق ومحتاج راحه تركى: ان شاء الله .. ودخلت منال وتركى وخالهم نايف ع ابو عبدالعزيز اللي كان توه فايق وكان جمسه مغطى بالاجهزه .. منال هناا ماتحملت تشوف ابوها كذاا وتجي تركض وتطيح ع صدره ابو عبدالعزيز بصوت واطئ: منول يابوك لاتبكين انا مافينى الا العافيه ويمسح بيده اللي كان فيها ابره المغذى ع راسهاا تركى هناا يسحبهاا وبصوت واطئ باذنها: منال امسكي نفسك عشان ابوي لايتضايق نايف: حمد الله ع السلامه يابو عبدالعزيز.. ويبوس راسه وهناا نسى نايف كل الكره والزعل والحقد اللي كان يكنه لابو عبدالعزيز وشاف كيف الانسان بقوته وهيبته يصير انسان ضعيف ووديع للمرض ابو عبدالعزيز: الله يسلمك يارب تركى : ماتشوف شر يالغالي ابو عبدالعزيز: الشر مايجيك منال بعد ماهدت وهي تشوف ابوها طيب ويتكلم معهم: يبااا فيه شئ يعورك.. ابو عبالعزيز اللي يحاول يطمنها: لايابوك مافيه شئ يعورني ..بس انا اتدلع عليكم منال وتركى ونايف : هههههههههههه نايف: يحق لك يابو عبدالعزيز غالي .. ابو عبدالعزيز: الله يسلمك من طيبك تركي: يلاا منال روحي مع خالي نايف للبيت .. العيال بره يبون يدخلون يسلمون ع ابوي منال : طيب وتبوس راس ابوهااا .. يبااا تأمر بشئ ابو عبدالعزيز : سلامتك يابوي الله الله في البيت منال : ان شاء الله يبااا.. وتطلع منال وخالها نايف من الغرفه وكان قدام الغرفه راكان ووليد اللي ينتظرونهم يطلعون عشان يدخلون ... هناا منال تناظر وليد اللي جئت عينها بعينه وكان ودها بهاللحظه تروح تشكره ع كل شئ سواه لابوهاا ووقفته معهاا.. بس كان فيه شئ يمنعهاا و راحت تمشى مع خالهااا اللي خذاهاا ووصلهاا للبيت ....... |
|
|
#87 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
منال توصل للبيت .. منال وهي داخله الصاله .. هنا وقفت للحظات وصارت تناظر كيف البيت بدون ابوها ..؟ وكانت تبكي وهي خايفه انها تفقد ابوها وتنحرم من حسه بالدنيا .. ساعتها وش راح تسوي وكيف تعيش من دونه؟ وكانت تتذكرت كيف كانت تعانده وتضايقه بكلامهاا ..هناا ماتحملت وتطيح ع ركبتها بالارض وترفع راسهاا ..يارب رجع لي ابوي سالم والله مراح ازعله مني مره ثانيه .. بهاللحظه تدخل عليهاا نوال وعهود وام راكان اللي كانت شايله بنتها جنى اللي من سمعوا الخبر جاءو بسرعه .. نوال شافت منال طايحه بالارض: منااااااااااااااااااال منال تقوم ويضمون بعض وصاروا يبكون وعهود وام راكان كانوا يبكون معهم نوال وهي تبكي: منال ابوي وش فيه؟ قولي منال تمسح دموعها وتحاول تهدى نوال: ابوي طيب اغمى عليه والحين صحى الحمدالله ام راكان: الحمدالله مايشوف شر ان شاء الله منال : الشر مايجيك خالتي وقعدواا كلهم بالصاله هادين بعد ماطمنتهم منال انه فاق وكلمهاا وقررت ام راكان وعهود ونوال ينامون عند منال عشان مايتركونها لحالها.. .............................. .................... .............................. ...... باليوم الثاني العائله كلهاا ..تجمعت في بيت ابو عبدالعزيز وكان بالصاله الكل قاعد ام فارس وهدى وام وليد وشهد وام راكان وبنتها عهود ومنال ونوال ... وبالمجلس كان.. فارس وراكان وليد وابو وليد ونايف .. الا تركى اللي كان رايح يطلع ابوه من المستشفى .. وكانوا كلهم بانتظار ابو عبدالعزيز اللي سمح له الدكتور بالخروج لان صحته تحسنت و صار يقدر يطلع بعد ماصرف له الدكتور بعض الادويه ... وكان ابو عبدالعزيز بالنسبه لهم شمعه العائله وسراجهااا وكان له معزه خاصه بقلب كل واحد منهم.. وبعد لحظات يوصل ابو عبدالعزيز للبيت وكان الشباب باستقباله بالحوش وسلم عليهم ودخل داخل يسلم ع خواته وبناته .. بالصاله يدخل ابو عبدالعزيز اللي كان مسندله تركى .. البنات هدى وعهود وشهد .. شافوا تركى راحوا يركضون للمطبخ .. منالونوال بسرعه يروحون لابوهم يسلمون عليه ويسندون له وهناا يطلع تركى ويروح للمجلس عند الشباب .. هناا الكل كان يسلم ع ابو عبدالعزيز وفرحانين بشوفته.. ام فارس وهي تمسح دموعهاا: حمدالله ع السلامه ياخوي ابو عبدالعزيز وهو يقعد ع الكنب: الله يسلمك يارب ام راكان: طالع من الشر ان شاء الله.. ابو عبدالعزيز: الشر مايجيك وبعد ماقعد ابوعبدالعزيز شوي معهم استئذن يطلع لغرفته يرتاح وهناا طلع ابوعبدالعزيز اللي كانت منال مسنده له ..لغرفته يرتاح وبعد الغداء .. الكل راح لبيته بعد ماتطمن ع ابو عبدالعزيز انه بخير وعافيه وكحل عيونهم بشوفته .. .............................. .................... ............. بعد يومين من هالحادثه.. منال تصحى الظهر ع منبه الساعه اللي نبهته علشان علاج ابوهاا منال تغسل وجهاا بسرعه وتروح للمطبخ تجيب غداء ابوهاا وتصعد له بغرفته وبعد ماتغداء ابو عبدالعزيز وكلى علاجه وتطمنت منال عليه .. تطلع من الغرفه بعد ماشافت انه غفى .. منال وهي طالعه من غرفه ابوهاا وهي تصكر البا ب بهدوء الا تركى بوجهاا تركى: هاه شلون ابوي ؟ منال : اص قصر صوتك.. الحمدالله احسن تركى بصوت واطئ :نايم منال : ايه تركى وهو يناظرها : اممم طيب تعالي ابيك بغرفتي منال: طيب انزل صينيه الغداء واجيك . بغرفه تركى .. تركى منسدح ع السرير وقاعد ينتظر منال .. منال هناا تدق الباب .. وتفتحه منال وهي داخله تناظر تركى وكنها عارفه الموضوع اللي راح يكلمها فيه.. منال وهي تقعد : هلا تركى امر تركى يناظرها ويستعدل بقعدته: احم .. منال تدري ان لك الحين اسبوع وزود مارديتى علي ؟ منال بصوت واطئ : ادري تركى : منال ترى مايصير كذا تقعدين معلقين الولد كذاا.. توصلتي لقرار ولا لسى .. ؟ منال اللي سكتت شوي وهي تتذكر وقفت وليد معهاا ونظراته لهاا ا بالمستشفى للي حست انه عيونه صادقه ولايمكن ان العيون تكذب .. تركى يقاطعهاا: منال وش قلتي .. منال هناا تنتبه لتركى وبصوت هادئ : موافقه تركى هناا ماصدق ويوقف: من جد منال موافقه منال تبتسم ع خفيف: ايه موافقه مو هذا اللي تبيه ؟ تركى : ايه .. بس اهم شئ الي تبينه انتي .. منال وهي تبتسم : خلاص تركى قلت لك موافقه .. بس بشرط تركى: امري وشهو؟ منال: مابي خطبه ولازواج الحين لين يسترد ابوي عافيته ويرجع زي قبل .. تركى : ولايهمك راح اقوله .. هناا تركى يمسك الجوال : يلاا ببشر وليد تشوفينه الحين بيطير من الفرحه منال اللي حست بالاحراج من اخوهااا تبتسم وتطلع من الغرفه .. .............................. .................... ............... وليد اللي كان توه جاي من الدواام وهو تعبان وهلكان ..يدخل غرفته ويغير ملابسه ويرمى نفسه ع السرير بعد ماطفئ انوار الغرفه وكأن ناوي يأخذ قيلوله .. وليد وهو حاط راسه ع المخده وتوه بيغفى .. الا جواله يدق وليد بنفسه.. يالله من هذاا اللي يدق هالحزه .. ويأخذ جواله ويناظر .. ( تركى طلال.. يتصل بك) وليد يرد وهو نعسان: هلا تركى : هلابك .. نائم يالدب وليد: لاتوني كنت بناام تركى: قوم قوم بس اخذ البشاره بعدين اخمد وليد هنااا قام من السرير بسرعه وقلبه يدق : هاه بشررر تركى: ابشرك ..الله قردني وبتصير نسيبي ههه وليد : والله ههههه .. الله يبشرك بالخيررررررررر تركى: توها عطتني ردهاا وع طول كلمتك .. يلا روح اخمد .. هذاا اذا جاك نوم وليد : ههههههه اي والله طار النوم .. تركى: الله يتمم عليكم .. وليد: ااامين .. ماقصرت بيض الله وجهك تركى وجهك ابيض.. يلا يالحبيب سلام وليد : سلام .. ويقفل الجوال .. وليد: ياربي انا بحلم ولا علم .. اهـ يارب ماني مصدق منال بتكون من نصيبي .. وهنا حس وليد انه اسعد انسان بأنه راح يملك اغلى انسانه عاش ع حبها وترعرع طول هالسنين فكان مافى احلى من انتصار الحب ع القدر ْ~ أشكركـ يآ دنيتي .. لقيت نصفي الثآني .. عآنيت قبل من سنينٍي .. صبرت ..! والله ظفر بي .. الحين لقيته وهو قدآمي من سنينٍي .. أوعدكـ ربي ..! دآمك وهبته ..؟ ووهبتني له ..؟ [ أحفظه وأحطه في عيوني ] ْ~ |
|
|
#88 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
البارت .. الحادى عشر (11) يمه من اللي باقي من بعدكم حي يمه من إيسوي لنا ماتسوين.. يمه بدت ترجف من أسكاتك إيدي يمه ياليتك لو بكلمه تردين.. يمه خطير الحال ماينفع الكي يمه من يجفف دموع المساكين.. ْ~ في بيت ابو نادر ياسر اللي كان توه راجع من التخيم مع ربعه واللي كان مده تخيمهم بالبر يومين يدخل البيت الساعه 10 الصبااح ياسر وهو داخل الصاله : احم ياولد .. ياأهل البيت مافي احد يرد عليه .. ياسر يناظر ويتفحص المكان .. يقول بنفسه :الانوار كلها شاعله غريبه ومحد يرد.. ويمشى ياسر لمجلس الحريم ويناظر فيه مافي احد ويروح المطبخ .. ولاشاف احد ياسر : غريبه امي نايمه لهالحزه مو من عوايدهاا.. ويروح لغرفتهاا وهناا شاف باب الغرفه مفتوح ويناظر بالغرفه شاف سجاده امه مفروشه ع الارض استغرب الوضع ويروح يشوف في الحمام مالقاهاا .. ياسر هناا بدا يخاف من هالوضع ويروح لغرفه اخوه نادر وصار يدق الباب ..: نادر & أمل .. ياولد ... لكن لاحياه لمن تنادي هناا يطلع جواله بسرعه ويتصل ع اخوه نادر ويقول بنفسه .. ياربي هذولا وين راحواا ومخلين بيبان البيت مفتوحه كذاا وصار يدق ع جوال نادر اخوه.. هناا يرد نادر بصوت عالي: يااسر وينك ؟ ياسر اللي حس ان فيهم شئ : وش فيكم ؟ انا توني واصل البيت .. نادر: احنا بالمستشفى امي تعبانه شوي ياسر: ايششش وش فيها امي .. نادر:تعبت علينا الفجر وديناها المستشفى ياسر : طيب اناا جايكم بأي مستشفى انتم ؟ نادر: احناا بمستشفى . التخصصي. بالرياض ياسر بالرياض؟ نادر: ايه مستشفى الديره نقلوهاا بسياره الاسعااف لرياض ياسر: طيب يلا جايكم.. ويصكر الجوال بسرعه .. ويركب سياااارته وكان ساحب الطبلون وهو يفكر بأمه نظر عينه وكان خايف عليهااا ويحاتي وش فيها... وبعد ساعه يوصل ياسر لمستشفى التخصصي بالرياض بالمستشفى .. ياسر يشوف اخوه نادر واقف يتكلم مع الدكتور ويجي بسرعه ناحيتهم .. ياسر يسمع الدكتور يقول لنادر: والله حالتها حرجه مره هناا ياسر كان مصدوم وهو يسمع هالكلام عن حبيبه قلبه امه .. نادر: طيب دكتور فيه أمل لو لقينا لها كليه تتحسن حالتهاا الدكتور: شوف اخوي بهالوضع صعب انه نجرئ لها عمليه لكن ننتظر لين تتحسن حالتها وان شاء الله نشوف نادر: طيب دكتور والحين وش راح تسون لهاا الدكتور: والله ياخوي مالها حل الا غسيل كلى لان الكليتين عندها فيها فشل .. ياسر اللي سمع هالكلام وحس ان حيله مهدود وفكره منشل ومن دون شعور يتلمس الكرسي اللي وراه ويقعد الدكتور: يلا عن اذنكم.. ويروح.. نادر يلف وراه ويشوف ياسر اللي قاعد ع الكرسي وماسك راسه نادر: ياسر.. استهدي بالله ياخوي ان شاء الله مافيها الا الخير ياسر يناظر نادر وهو عيونه مليانه دموع: نادر. امي فيها فشل كلوي. نادر نزل راسه: للااسف ايه.. بس ان شاء الله تتحسن ونقدر نزرع لها كليه ياسر يقوم : وينهاا؟ امي وينهاا؟ نادر يقوم يهديه : هدى نفسك .. ويمسكه بيده .. تعال معي .. ويروح ياسر ونادر لغرفه العنايه اللي ترقد فيها امهم وكانت عندها أمل اللي تبكي .. نادريفتح الباب: أمل تغطى معي ياسر ويدخل ياسر بعد ماتغطت أمل .. ياسر وهو يشوف امه كنها جثه هامده ..ولاتحس فيهم.. ماقدر يمسك نفسه وصار يبكى ويقرب عندهاا ويمسك يدهاا بقوه وصار يستنشقها و يبوسهاا وهو يبكي .. نادر اللي يمسح دموعه بشماغه: ياسر بس خلاص بتقعد تبكي مثل النسوان .. ومرت الدقايق وكان الكل يناظر ام نادر اللي كانت ماتتحرك وبعالم ثاني .. بهاللحظه يدخل عليهم الدكتور المناوب ويطلب منهم يطلعون لانه ممنوع الزياره وخاصه لمريض بهالحاله الحرجه .............................. ............. وبعد يومين .. ياسر ونادر اللي كانوا نايمين بشقه قريبه من المستشفى وكانت الساعه تقريبا 2 الليل .. هناا يدق جوال نادر .... نادر يقوم مفزوع ويشيل شماغه عن وجهه ويأخذ الجوال بسرعه ويرد وكانت أمل زوجته امل وهي تبكي وتصاررخ: نادر خالتي خالتي نادر يوقف وهو حاس ان الدم تجمد بعروقه: وش فيهاا امي ياسر اللي كان نايم يقوم ع صراخ نادر امل وهي تتكلم كلام مقطع : خالتي خذوها لاغرفه الانعاش توقف القلب عندهااا ياسر وهو ماسك نادر: وش فيهاا امي تكلم ؟؟ نادر سمع كلام امل يقفل الجوال بوجها ويطلع من الشقه وياسر يركض وراه.. ويوصلون المستشفى بسرعه وهم داخلين قسم العنايه الفائقه هناا يسمعون صراخ امل .. خالتى لا خالتي نادر وياسر اللي طاحت اشمغتهم بالارض وهم يركضون وهناا يشوفون الممرضات يطلعون من الغرفه سرير وكان فيه شخص مغطى بشرشف ابيض ياسريركض بسرعه .. ويفتح الشرشف هنااا يصرخ ياسر: يماااااااااااااااااااااااااااا اااااااااااااااااااا اااااااااااااااااااااااااااااا اااااااااااااااااااا ا نادر اللي طاح بالارض وصار يبكي : لالا ياسر يمسك جسد امه اللي كانت جثه هامده وبلا روح وصار يهزهاا : يمه قومي تكفين يمه قومي هنا الممرضات يحاولون يمسكونه ويبعدونه عنهااا نادر اللي من طاح بالارض ماقدر يقوم وكانت امل ماسكته وهي تبكي: اهــ يا خالتي .. وكانت أمل تبكى ع ام نادر .. اللي كانت بالنسبه لها اأم ربتها واحتوتهااوعدتهاا حسبت بنت فكانت خساره أمل بخالتهاا خساره عظيمه ماتتعوض بالنسبه لا أمل.. ياسر اللي انهاار من كثر ماصارخ وبكى ..يقعد بالارض بعد ماخذوا ام نادر الله يرحمها لثلاجه الموتى .. فكانوا الثلاثه امل ونادر.. وبعيد عنهم شوي ياسر قاعدين ع ركبهم بعد ماخارت قواهم من هول الصدمه والفاجعه.. والحزن اللي استحل قلوبهم بعد مافقدوا عمود البيت وشمس دنياهم... العزاء.. في بيت ابو نادر صار العزاء اللي امتلى البيت بالمعزين والمترحمين عليهااا وبالليل من اول ايام العزاء يوصل ابو مشاري واهله اللي ألمهم الخبر الى بيت اخته ام نادر .. وعد وام مشاري اللي ادخلوا ع الحريم وكان وعد مره متأثره بوفاه عمتهاا واللي ظلت طول الطريق تبكي .. لان ام نادر كانت لها معزه خاصه بقلب وعد .. ام مشاري ووعد يسلمون ع الحريم اللي امتلت الصاله ومجلس الحريم منهم أمل اللي شافتهم ضمت ام مشاري وصارت تبكي بصوت عالي ام مشاري تحاول تهديهاا :ادعي لها بالرحمه ياأمل أمل بصوت متقطع الله يرحمهاا وعد تضم أمل وصاروا يبكون.. وبعد مامرت الساعات وخلص العزاء وفضى المكان من المعزين ومابقى غير ام مشاري وعد وأمل .. بهاللحظه يدخل ياسر بصوت مبحوح: احم ياولد هناا وعد سمعت صوت ياسر..خفق قلبهاا بسر عه وحست بالحنين له وكان هالشعور كفيل ينسيها وحزنها ع ألمها بوفاه عمتهاا أمل وهي تتغطى : ادخل ياسر متغطين وعد وام مشاري اللي تغطوا ... ياسر يدخل: السلام عليكم الكل وعليكم السلام ام مشاري بصوت عالي: احسن الله عزاك ياياسر ياسر وهو منزل راسه : الله يجزاك خير ام مشاري: الله يجعلها من ضيفان الجنه يارب ياسر: امين يار هناا وعد تتكلم بصوت واطئ: عظم الله اجرك ياسر هناا لمى سمع صوت وعد رفع راسه وصار يناظر.. وبسرعه نزل راسه: الله يجزاك خير ومشى بسرعه لغرفته ... ياسر وهو يدخل غرفه أمه ..يصكر الباب وراه وينزل شماغه ع وجهه ويطيح عند الباب وصار يبكى وهناا يشوف سجاده امه وشرشف الصلاه حقها مرمي ع الارض .. بسرعه يأخذ شرشف الصلاه .. ويضمه لصدره وصار يشمه وهو يبكى ليش ياربي ليش تحرمني من احبابي ومن عيوني الثنتين حرمتني من وعد والحين من امي ..يارب صبرني ولاتحرمني من جنتك .. وهناا تذكر امه.. وابتسامتهاا اللي غابت عن الدنياا وودعتهم. ياسر:يمه وينك ؟؟ لمن تخلينى تكفين ارجعي يمه.. وصار يبكى طول الليل مثل طفل فاقد أمه بوقت نومه .. ْ~ يمه ترى الدنيا بدونك ولاشي يمه فديتك بالعمر .. لاتموتين.. يمه كفيف العين ماحس بالضي ماشوف أحد غيرك ولوهم قريبين.. ْ~ .............................. .. وبعد مانتهى العزاء اللي استمر 3 ايام فضل ابو مشاري يقعد يومين بعد عشان يكون جنب اعيال اخته اللي كانوا بهالوقت محتاجين لوقفته فكان ياسر طول هالايام اللي مرت يناام بغرفه امه وع سريرهاا وكان كل مكان بغرفتهاا باقيه فيه ريحتهاا وحسهاا .. وكان نادر اكثر من ياسر صبر وتحمل ..وكان مؤمن بقضاء الله وقدره اما امل فكانت هاديه وصابره ومحتسبه والفضل لام مشاري ووعد اللي كانوا واقفين معها ويصبرونهاا.. فكانت أمل اكثر وحده متأثره لانهاا فقدت ونيسها بهالبيت اللي هي ام نادر .. بعد يومين يستعدون عائله ابو مشاري ام مشاري ووعد ومشاري ومشعل لرجوع لشرقيه بعد ماقضوا خمسه ايام بالديره فكانوا كلهم حزنانين ع فقدان ام نادر .. الا مشاري ومشعل.. اللي كان كل همهم يلعبون مع اعيال الديره وينبسطون فكانت الطفوله احلى شئ فيها انه لايوجد بقاموس عالمها حزن والم .. ابو مشاري اللي كان راكب السياره مع مشعل ومشاري وينتظرون ام مشاري ووعد يطلعون عليهم.. وكان عند الباب نادر وياسر اللي كان يودعون خالهم واهله هناا تطلع ام مشاري وتركب السياره.. وعد اللي تأخرت وهي تتكلم مع امل وتودعهاا وتوصيها تكلمها اذا احتاجت اي شئ وعد وهي طالعه من البيت شافت ياسر واقف ويناظرهاا وكأنه كان ينتظرهاا هناا وعد صارت تناظره ويناظرهااا وكل واحد منهم رجعت به الذاكره الى وراء .. وصاروا يتذكرون ايامهم مع بعض وسوالفهم وضحكهم وزعلهم ورضاهم ع بعض ... هناا ابو مشاري يدق هرن لوعد اللي كانت واقفه عند الباب وعد تنتبه لعمرها وتروح بسرعه تركب السياره.. نفسي تبيك وخاطري منك مكسور وكسر الخواطر شين ياداعج العين كحلت عيني بالنظر يوم مريـــــــــــت ولا انا ادري اني مفلس(ن) من حنانك |
|
|
#89 |
|
|
من ظلآم الليل جيتك يـ الصبآح و آلأمل فيك أنت بعد آللهِ .. كبير بدد بـ نور الأمل خضر آلجرآح و قلّي إن اليوم هِذآ .. يوم خير ! وبعد مامر شهر ونص ع وفاه ام نادر .. في بيت ابو راكان .. وبيوم خميس .. كان زواج عهود ع الخال نايف و اللي اتفقواا انه يكون زواج عائلي .. وهنا صار كل شئ بسرعه لان الخال نايف جاته دوره ببريطانيا فماحب يروح الا وهو متزوج عشان يأخذ عهود معه.. منها يكون شهر عسل ومنها تكون معه في غربته فتمت مراسم الزواج في بيت ابو راكان المتواضع.. بغرفه عهود .. تجمعوا البنات مع الكوفيره اللي كانت تضبط عهود وتسوي لها المكياج والتسريحه عهود وهي تناظر البنات بالمراياا: بنات ارفع شعري ولا انزله منال تجي جنبها: خليها ترفع لك اللي قدام واللي وراء خليها تنزله وتلفلفه ع خفيف شهد: ايه صح بيطلع احلى هدى وهي تناظرهاا: اهـ يابختك متى يجي يوم عرسي .. نوال تضربها ع راسها انتي الحين تملكواا بعدين فكري بالزواج وعد: ههههه مستعجله البنت شهد: ايه يختى متى بتملكون هدى؟ هدى تناظر منال ونوال: اسألي اخوهم مالت بس لنا مخطوبين شهرين والاخ للحين ماتحرك .. منال : خخخخخخخخ هدى يمال العرس اهجدي.. اخوي عنده اشغال اول مايخلصها بيتملك لاحد يموت علينا بس الكل هههههههههههههههههههههه هدى: ايه احسن حتى انا ماني مستعجله خلينى اتمتع بالعزوبيه نوال تمسك كتف هدى : حطي عينك بعينى .. هدى تبعد وجه نوال عنها: يمه انتي وعدساتك تقولين قطوو البنات هههههههههههههههههههههههههههه وكانوا يضحكون ع هبال هدى ونوال عهود: اللي كانت تناظرهم بالمرايا وتضحك ع خبالهم وسوالفهم وهذا اللي هون عليها رهبه العرس هنا تدخل شوق شاله بنتهاا ديمه ..: عهود ماخلصتي يلا شوي بيدخل المعرس عهود: يؤه لا شوي .. منال : يؤؤؤه لحظه وتروح بسرعه تجيب فستان عهود.. وكانوا البنات يساعدون عهود بلبسهاا واللي تلبسها ساعاتهاا واللي تربط لها جزمتهااا واللي تلبسها عقدهااا .. هناا عهود كانت مبسوطه بجمعه البنات حواليهاا .............................. .................... ............. بالصاله عهود تقعد ع الكوشه وكانوا عماتهاا يسلمون عليها ويباركون لهااا بهاللحظه يتغطون الحريم ويدخل ابوعبدالعزيز ماسك المعرس وراهم كان راكان اخوهااا.. عهود شافه عمهاا ابو عبدالعزيز : تذكرت ابوهاا الله يرحمه .. وهناا نزلت دموعهاا نوال اللي كانت كاشفه لان الكل حلال عليهاا .. تجي بسرعه وتمسح دموع عهود نوال بصوت واطئ : عهود قلبي امسكى نفسك شوي.. و هناا يقعد نايف بجنب عروسته بالكوشه وبدت المصوره تصور المعاريس وهم مع ابو عبدالعزيز والمعاريس مع راكان . .وكانوا البنات يناظرون عهود اللي كانت منزله راسهاا وباين عليها الحياء.. هدى وهي تناظر عهود وصارت تذكر انها بتروح بريطانياا وراح يفقدونهاا نطت ع منال وصارت تبكى هدى وهي متمسكه برقبه منال.. منال: هدى خلاص خنقتينى .. وخرى ..وتحاول تهديهاا هدى وهي تترك منال :ب منال بنفقدهاا والله .. منال وهي تمسح دموعها:مفروض مانبكي ندعي لها بالسعاده.. هدى: الله يسعدها يارب .. منال : أأمين.. وكان الكل سعيد وفرحان لزواج عهود ..الا فارس اللي كان زعلان لانه كان يحب عهود وعنده طموح عالي انه راح يتزوجها رغم فارق السن بينهم ... بالصاله.. يقوم المعرس ويطلع مع راكان وابو عبدالعزيز ويركب سيارتهوكان ينتظر عروسه و كانت ام راكان تبكى وتبوس عهود اللي صارت تبكى.. وهي تشوف امها كذااا وكانت شوق ومنال يلبسون عهود عباتهاا.. صاروا البنات يودعونهاا وتطلع عهود .. وتركب السياره مع زوجها نايف بعد ماتركت البيت اللي رباها وهي صغيره وعزهاا وهي كبيره .. .............................. .................... .............................. بعد اسبوع من زواج عهود.. وفي بيت ابو مشاري بالتحديد.. ام مشاري قاعده بغرفتهاا تقرى قران وكانت خاشعه وترتل وتتمعن في اياته.. بهاللحظه يقطع عليها صوت جوالهاا اللي كان يدق ام مشاري .. هناا تناظر الجوال .. ( ام فهاد .. يتصل بك ) ام مشاري ترفع الجوال وترد: هلااا ام فهاد: هلا ومرحبتين ..كيف الحال؟ ام مشاري: بخير يسرك ام فهاد: عسى عسى ام مشاري: وانتم شخباركم وشخبار العيال والبنات ؟ ام فهاد: والله كلناا بخير الحمدالله ام مشاري: ياجعله دوم ام فهاد: اقول يا وخيتي .. ام مشاري: امري. . ام فهاد: والله ياوختي ولدي فهاد من رفضتوه اول مره وهو رافض يتزوج مايبي غير وعد وانا بصراحه مستحيه منكم .. بس هو اللي الح علي الا اكلمكم مره ثانيه ام مشاري : اممم والله يا ام فهاد الشور بيد البنت هي اللي رفضت ولا انا وابوها والله موافقين ومراح نلقى احسن من ولدكم يصون بنتناا ام فهاد: مايخالف ياوخيتى كلميهاا مره ثانيه وحاولي تقنعينها .. الولد متعلق فيهاا مره ام مشاري: ابشري ياوخيتى اكلمهاا واشوف ام فهاد: لاتبطين عليناا ام مشاري : لا ان شاء الله .. ام فهاد: يلا مع السلامه ام مشاري : من قال سالم ... .............................. .................... .............................. ........ |
|
|
#90 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
سـآفرت ناوي اتركـ الحب لحظـآت.. لقيت طيفكـ بالسفر محتويني.! حاولت ابعد عن خيالكـ مسافات.. الله حسيبكـ وين مارحت فيني.! ْ~ بالديره.. وبالتحديد في بيت ابو نادر.. ياسر يجهز شنطته لسفر لكندا.. بعد ماجاته الموافقه للمره الثانيه والفضل كان لابو صديقه اللي توسط له ان يكون من اوائل البعثه وكان ياسر كارهـ البيت وكارهـ الديره والسعوديه كلهااا بعد غياب أمه .. وكان يبغى يسافر عشان ينسى همومه واحزانه ويتركها وراهـ .. وكان باقي ..ع موعد انطلاق رحلته ساعتين .. ياسر بعد ماجهز الشنطه .. يطلع من غرفته ..ويمر ع غرفه امه اللي كانت خاليه وظلمه.. ْ~ والدار ظلمه كانت أمي تنيرهـ .. يايمه وينك؟ من دونك خلا البيت .. ْ~ ويفتح الباب وصار يناظر الغرفه اللي صارت من عقب ام نادر غرفه اشباح.. وهناا يلفت انتباه سجاده امه اللي كانت ع السرير.. هناا ياسر يسحبهاا ويشم ريحتهاا بنفس عميق .. وهنااا تذكر ياسر أمه وحنانهاا وريحتها اللي مازالت عالقه بسجادتها.. ياسر ماقدر يمسك دموعه اللي نزلت حزن والم ع فقدان امه .. ياسر يمسح دموعه ..ويفتح الشنطه ويحط سجاده امه فيها .. ويروح بالصاله وشاف امل ونادر قاعدين ينتظرونه.. ياسر يجي بخطوات سريعه ويضم اخوه نادر ضمه قويه وكأنه ضمه وداااع مابعدها لقااء.. ياسر وهو يمسح دموعه : الله الله ياخوي باأمل .. نادر : ولايهمك بعيوني امل اللي سمعت هالكلام من ياسر صارت تبكي لان ياسر كان بالنسبه لها حسبت اخوهااا وكانت امل بعد وفاه ام نادر تغيرت كثير وصارت انسانه حساسه وطيبه وتحس بالي حولهاا وكانت هذه البذره اللي زرعتهاا ام نادر بأمل.. فنبتت وطلع ثمرها الحين.. نادر: وانت ياخوي انتبه لنفسك ياسر: لاتوصي حريص ياسر وهو يناظر امل اللي كانت متغطيه ولكن باين انها تبكي ياسر: امل ياختى الله الله بابو سيف امل وهي تمسح دموعها: ابو سيف بعيوني لاتحاتيه.. ياسر : الله يسلمك يابنت الاجواد يلااا فمان الكريم .. اودعتكم الله .. ويطلع ياسر بعد ماودع اخوه نادر وزوجته امل .. وهو مايدري هل راح يسمح لهم القدر يلتقون مره ثانيه ولا لا ياسر وهو يمشى ع طريق الرياض متوجه ناحيه مطار الرياض.. وكان ياسر يتأمل بالشوارع والانارات واللوحات اللي راح يفقدهاا .. وبالمطار يوصل ياسر وصار ينزل الشنط بجهت الشحن .. وراح يجلس بكراسي الانتظار ينتظر اعلان موعد رحلته . ياسر هناا يتذكر حب حياته "وعد " اللي قرار انه راح ينسى حبها وراهـ ويعيش حياته من دونه هناا يطلع جواله ويكتب لهاا مسج .. وصار يناظر الجوال الى ان تم الارسال .. بعد دققتين يعلن الموظف .. ان على ركاب الرحله رقم 315 المتوجها الى كندا الصعود الى الطائره ياسر يقفل جواله ويحطه بجيبه .. ويروح يركب الطياره .. وكان ياسر يناظر من شباك الطياره االاراضي السعوديه اللي بدت تغيب عن نظر ياسر كل ما ارتفعت الطياره الى فوق فكانت الغيوم مثل القدر اللي حال بين ياسر وبين وعد والسعوديه .. وبهاللحظه بالذات يمرطيف وعد من قدام عينه ... هناا ياسر يغمض عينه بقوه لعله يحتفظ بطيفهاا داخل عيونه.. وبعد لحظات تبعد الطياره ..مودعه اراضي السعوديه .. وهنا ياسريودع قلبه وحب طفولته وعد وجميع أحزنه وألمه بفقدان امه قبل ان يودع اراضي السعوديه ... .............................. .................... .............................. . في بيت ابو مشاري .. وعد اللي كانت قاعده بغرفتهاا ومتحضنه الاب توب وتتصفح مواقع النت بهاللحظه يوصلهاا مسج .. وعد من كثر ماهي مندمجه بعالم النت ماعطت المسج اي اهتمام .. بهاللحظه تدخل عليها امهااا.. ام مشاري: وعود امي شتسوين؟ وعد اللي نزلت الاب توب من حضنهاا عشان امها ماتعطيها محاضره عن اخطار الاب توب وعد: بس اتصفح النت ام مشاري اللي قربت وقعدت ع حافه السرير مقابلتهاا ام مشاري: طيب امي ابيك بموضوع وعد تنزل الاب ع جنب : هلا يماا امري .. ام مشاري وهي متلبكه وخايفه ان هالسيره تضايق وعد: امي اليوم كلمتنى ام فهاد .. وعد تناظرها مستغربه : ايوه وش تبي ؟ ام مشاري : تقول ان ولدها متعلق فيك ومايبي غيرك وطلبت منى اكلمك مره ثانيه وعد اللي تضايقه من هالسيره: اف هالزواج غصب يعنى.. ام مشاري : لا مو غصب يمي بس الفرصه ماتجى للانسان الا مره وحده وفهاد رجال ماينتفوت ..واهله ناس طيبين معاد نلقى مثلهم بهالزمن .. وعد اللي سكتت وصار تناظر امهااا.. ام مشاري : تعوذي من ابليس يابنتى وفكري زين وبمصلحتك وتقوم ام مشاري وتطلع من الغرفه.. وعد اللي تنكد خاطرهاا .. كانت ساكته وهي محتاره بأمرهاا.. هناا وعد تفكر تستشير منال وتأخذ الجوال عشان تكلمهاا.. وهنا تنتبه للمسج اللي وصلهاا.. وعد تفتح المسج وهنا تتفاجئ بأن المرسل .. ياسر.. ( وعد.. انا الحين بالمطار ومسافر لكندا ومراح ارجع لسعوديه نهائياً وعد عيشي حياتك وانسينى انا وانتي لايمكن القدر يجمعناا بالدنيا واتمنى ان الله يعوضناا ويجمعنا بالجنه .. ..تحياتي.. كان هناا عابر سبيل مر بحياتك ورحل .. ياسر ) ْ~ إن سألوكـ عن حضرتي .. قلهم .. "عابر سبيل" جابهـ القدر لدنيتي .. واليوم .. شــدّ للرحــيــل..!! ْ~ هناااا وعد اللي صارت دموعها تنزل وهي مشاورتهاا .. تدور اسمه بالجوال من دون شعور وتدق عليه .. وهناا يرد عليهااا.... ان الهاتف المطلوب لايمكن اتصال به الان.. وعد.. هنااا صارت تبكى وتقول بخاطرهاا.. لاتروح ياسر تكفى لاتروح وتخلينى .............................. ......... بعد شهرين .. في بيت ام فارس .. كان هاليوم ملكه هدى ع تركى .. والكل مبسوط وفرحان ومحتفل بهاليوم نوال وهي داخله ع هدى بالغرفه ..: للللوليششششششش مبروك مابغيتواا وتسلم ع هدى اللي كانت الكوفيره تستشور شعرهااا هدى: الله يبارك فيك... هههه نوال : يعنى ماتملكتوا الا وانا اجر كرشتي وكانت نوال حامل بالشهر الرابع هدى : شنسوي لك انتي اللي توقيتك غلط نوال : لاوالله .. اسكتي الحين ..لاخلي سلطان .. يطلع من بطني ويرفسك هدى: ماتقدرين عندي واسطه انا مرت خاله هههه وعد: هيه نوالوه خليهاا حتى بيوم ملكتها مناقر انتي وياهاا هناا منال وشهد يدخلون عليهم ... شهدوهي تسلم عليهاا: مبرررررررررروك وش هالزين هدى تغطى وجهاا بنات خلاص ترى استحي منال : ههههههه لاتكفين ترى مو لايق الحياء عليك هههه البنات هههههههههههههههههه وعد: خلي الحياء لتركى احناا تراك مكشوفه عندنا ههههه هدى والكوفيره تجر شعرهاا بقوه : اي .. شوي شوي انتي ترى هذاا شعر مو زوليه الكوفيره : حاضر ياحبيبتى اسفين معليش بهاللحظه يدق جوالهااا وكانت عهود.. هدى ترد بسرعه: هلاا والله عهود: هلا فيك مبررروك ياهدون ياااحلى عروس هدى: لبى قلبك بس .. انتي الوحيده الذربه فيهم عهود: هههه وقلبك .. ليش وش سووا فيك؟ هدى ليتك تشوفين وش سووا فينى بناات شربت العوانس وتناظر منال وشهد وعد .. مالت بس عهود: خخخخخخ ياويلك هدى : يختى اقلقلوا راسي يتطنزون علي ماكن احد بيتملك بالدنيا غيري عهود: ههه يازينك ياهدون ياليتنى عندكم اليوم .. المهم ماعليك منهم منقهرات .. ويلاا ياقلبي الله يوفقك.. لاتملكتوا دقي علي طيب هدى: ابشري من عيوني يلاسلام .. منال : اف اف هدون بدت الخياانات اجل احنا عوانس هاه شهد: اي والله هذي توها ماتملكت بدت بالعياره وعد: هههه خلوها بنات تراها ماصدقت تعرس هدى تلف عليهم وتسحب شعرها من يد الكوفيرا: نعم نعم والله لو مو اليوم ملكتي لاوريكم شغل الله نوال: اشوى اجل انه يوم ملكتك البنات ههههههههههههههههههههههه وبعد ساعه ام فارس تنادي هدى اللي نزلت ونزلوا معها البنات وكان بالصاله اخوها فارس معه دفتر الملكه وهنا توقع هدى اللي صارت بهالتوقيع حرم تركى .. ام فارس تبوس بنتهاا وهي تبكى هدى هنا تذكرت ابوهاا .. وكانت امنيه حياتها تتزوج وابوها موجود جنبهااا هناا تثول بنفسها: ياليتك يايباا كنت حاضر بهاليوم معي ..كان كملت سعادتي بوجودك ونزلت دموعها اللي ماقدرت تمسكهاا وهنا صارت تمسحها بخفيف وصار الكل يسلم عليها ويبارك لها وبعد دقايق يجي فارس ينادي هدى عشان تقعد مع تركى اللي كان ينتظرهاا بالصاله الجانبيه .. هدى اللي كانت خايف وتمسك بمنال : منال تكفين تعالي معي منال تضحك: هدى وش فيك خايفه ترى اخوي مايعض بس يأكل هنا البنات فقعواا ضحك ههههههههه هدى: والله رايقه.. فارس: هدى اخلصي بسرعه انا معك .. وتروح هدى مع اخوها فارس لصاله الجانبيه اللي كان فيها تركى ينتظر وكان ع احر من الجمر .. هدى وهي تدخل الصاله الجانبيه تركي يقول وهو يضبط نفسه : السلام عليكم ويمد يده .. هدى اللي وقفت بعيد شوي و تمد يدهاا وهي لافه وجهاا من الحياء وتحاول تتلمس يده وتوصل لهااا ولاوصلت له.. فارس يناظر حركه هدى الغبيه واقفه بعيد وتمد يدهاا وهي لافه وجهاا هناا يدفها ع قدام... هدى هناا تتقدم ووتنشب جزمتها بالزوليه .. وفارس يحاول يقربها و يدفها يبيها تقدم بعد هناا تحاول هدى تمسك نفسها ماقدرت وتطيح ع وجها عند رجول تركى تركى هناااا يوم شافها.. طايحه عند رجوله .. فقع ضحك هو وفارس ع شكل هدى هدى اللي كانت معصبه من حركه فارس وضحكهم عليها لكن كانت ماسكه نفسها وتحاول تقوم.. تركى ينتبه لها ويوقف شوي ضحك ويمسك يدها ويقومها: بسمله عليك ياقلبي عسى ماتعورتي.. هدى اللي كانت تناظرهم وهي معصبه و ودها تقوم تكفخهم بس من سمعت كلام تركى.. حست باحراج وسكتت.. فارس يناظر تركى وهو مرفع حواجبه: هيه وش هالكلام احترم نفسك.. تركى : خخخخ ياخي زوجتي كيفي .. فارس: زوجتك اذا راحت بيتك بس عندناا لا .. تركى: اقول هويناا بس.. لو اخذها الحين محد يقدر يردني فاهم .. فارس اللي عصب : خير تأخذهاا الدنيا سايبه هدى وهي تشوف كيف خربوا يوم ملكتها بهواشهم و هناا بصوت عالي : بس انت وياه وش هالحركات بزران انتم تركى: هههههه وش فيكم عائله عصبيه ترى امزح فارس: ايه زين ع بالي بعد .. ويناظر فيهم المهم لاطولون ويطلع تركى: عشتواا يتحكم فيناا بعد .. واول ماطلع فارس يروح تركى ويقعد جنب هدى هدى تبعد.. وتركى يقرب .. وهدى تبعد .. وتركى يقرب وهدى تبعد.. وتو تركى بيقرب ... هدى وهي معصبه: شوف ان قربت.. ترى انادي اخوي ايكفخك تركى اللي كان مبسوط بحركاتها الطفوليه وعفويتهاا: هههههههههههههههههههههههههه تركى ويناظرها بنظره تمسكن : افاااااا واهون عليك ياهدى هدى هناا استحت ونزلت راسهاا تركى: امانه جاوبي اهون عليك هدى وهي تبتسم: لا طبعاً تركى : يافديتك والله .. ويعدل شماغه .. طيب قلبي ابغى اسالك سؤال محيرني من زمان ممكن تجاوبينى عليه؟ هدى تناظره وهس مستغربه : اسال.. تركى : ليش ذاك اليوم في بيتنا كنتي حاطه ع وجهك فمتو تبين تخوفين مين؟ هدى هناا ماقدرت تمسك نفسهاا وفقعت ضحك هههههههههههههههههههه تركى : هههههههههههههههههه اعترفي .. ومرت عليهم الساعات وهم ماحسوا بالوقت و كانوا يضحكون ويسولفون وشوي تركى ينرفزهاا ويضحك عليهاا... وكان هذاا اليوم بالنسبه لهم احلى يوم مر عليهم بحياتهم ْ~ مثل الجلكسي ضحكتك بأول الليل من أسمع الضحكه همي يولي وإلا السوالف كنها دلة الهيل يازين حظي أتقهوى وأحلي |
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ