 |
  |
|
|
|
|
#81 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
وآآآآآآآو والله دمار يسلموا ايديكِ حبيبتي بس يلا وين البارت التاني متحمسه اشوفه سي يا |
|
|
#82 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
من عيوني ياالغلا
لاعدمناتواجدك الله يسلم قلبك دمتي بسعاده |
|
|
#83 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
البارت .. التاسع .. ْ~ سآعة غضب / قلت : روح .. وقآل لي : طيّب ومن يوم ماقال : طيّب / مآني بـ طيّب ..! ْ~ في بيت ابو راكان.. راكان وهو راجع من الدواام بدري ..يدخل البيت وكان حاس بعطش فضيع ويروح المطبخ يشرب ماي .. واول مادخل المطبخ شاف امه قاعده تطبخ الغداء وتغسل المواعين .. هناا راكان عصب راكان:السلام علكيم ام راكان: وعليكم السلام .. جيت ابوي تبي احط لك غداء .. راكان وهو يناظر امه تغسل المواعين : يمه اتركى عنك المواعين خلي البنات يغسلونهاا ؟ ام راكان: لاماعليك كلها كم صحنين راكان وهو كان يناظر امه ومنقهر: عهود وينهاا؟ ام راكان : تعبانه ونايمه .. ليش بغيت شئ منها؟ راكان: وش فيهاا؟ ام راكان: عليها حراره ومزكومه.. راكان: طيب ونوال ليش ماصحتيها تسوي الغداء بدالك؟ ام راكان:لايابوي خلها نايمه.. هنااا راكان يصعد لغرفته وهو معصب ويفتح الباب بقوه ع نوال اللي كانت نائمه نوال تقوم ع صوت الباب اللي انفتح بقوه وصارت تناظر راكان اللي كان واقف وهو معصب راكان بصوت عالي: انتي ماتستحين ع وجهك نائمه هناا وامي هي اللي تطبخ الغداء وتكرف لك نوال اللي كانت تحاول تفهم السالفه: اناا .. مدري ع بالي عهود تطبخ الغداء؟ راكان : عهود تعبانه ولو هي صاحيه ماكان قصرت .. وانتي وش شغلتك بهالبيت اميره شايفه نفسك ع ايش؟ نوال وهي ماتدري وش تقول وحسه العبره خانقتها : بس انا مادريت ان خالتي هي اللي تطبخ وبعدين انا ماعرف اطبخ ولا كان طبخت راكان هناا يقرب ناحيتهاا وهو معصب ويحط عينه بعينهاا وبصوت عالي: تعلمي الطبخ وش وراك بس شغلتك بالحياه اكل ومرعى وقله صنعه نوال هناا تعصب: اسمع ترى انا ماني خدامه عندك واذا بطبخ بكيفى.. راكان اللي كان بقمه العصبيه يمسكها مع شعرهاا ويصارخ بوجها: نوال مليون مره قلت لك لاتردديني فاهمه .. والله لو مو حشمتن لعمي لمسحت فيك البلاط الحين.. نوال اللي كانت تبكي وتبعد يده عن شعرها: اي اي وخر عني راكان اللي معصب وماهو حاس بنفسه من كثر العصبيه :اقول فارقي لمى اغراضك وفارقينى وورقتك توصلك اليوم قبل بكره. ولاعاد ابي اشوف وجهك مره ثانيه بهالبيت نوال اللي كانت تبكي وهو مصدومه من كلام راكان : طيب ياراكان تبي تطلقني وتطلعني من البيت لك الي تبي .. وراحت تركض لعهود بغرفتهاا وهي تبكي راكان هناا ينتبه لنفسه : يالله انا وش قلت .. وش سويت الله يلعنك ياشيطان ويطلع وراهااا .. .............................. .................... ............... نوال تدخل غرفه عهود وهي تشاهق من البكاء ... عهود اللي كانت نائمه وتعبانه تقوم ع صوت نوال اللي طاحت جنب سريرهاا و صارت تبكي بصوت عالي .. عهود تنقز من فراشهااوهي خايف وبصوت مبحوح : بسمله عليك نوال وش فيك؟ نوال وهي يالله تتكلم من البكاء: عهود راكان.. بـ بـ بيطلقنى . عهود تحط يدها ع فمهاا: اف ليش وش صاير؟ راكان اللي كان واقف عند باب غرفه عهود وكان يسمعهم وهو متحسف ع الكلام اللي قاله لها وكان قلبه متقطع عليها وهي تبكي .... نوال وهي تبكي : يقول ليش ماطبختي الغداء بدال امي.. عهود وهي تحاول تهديهاا: بس عشان هالسبب التافه .. لاماتوقع يسويها راكان يحبك ومايسويها نوال : لاراكان معاد يحبنى واخاف يسويها ويطلقنى . .وتناظر عهود.. عهود انا انا احبه ومقدر اعيش من دونه.. عهود هناا تناظرهاا وهي مبسوطه من اللي تسمعه : نوال من جدك تحبينه ؟ نوال وهى تنزل راسهاا ع الارض:اي والله ياعهود والله حبيته من كل قلبي راكان اللي سمع هالكلام سند راسه ع الجدار وحس انه بحلم ..يتمني مايقوم منه .. عهود: نوال اسمحيلي .. اقولك انتي غلطانه ليش ماتبينين له هالحب صدقينى راح يشفع لك اشياء كثيره عنده.. نوال وهي تمسح دموعها:خلاص معاد ينفع ياعهود .. انا كرهت راكان فيني وبحركاتي التافها.. راكان الحين يكرهني ومايبينى ..والدليل اول مشكله صارت بينا قال لمى اغراضك وروحي عهود: اكيد كان معصب وقال كذاا من وراء قلبه .. هناا راكان ما استحمل اللي يسمعه .. و يدق باب الغرفه اللي كان مفتوح عهود وهي تناظره : هلا ادخل.. نوال ناظرته وبسرعه نزلت عيونهاا بالارض وصارت تمسح دموعها راكان وهو يناظر نوال : عهود ممكن تخلينا لحالنا شوي عهود تقوم : اخذوا راحتكم.. وتطلع من الغرفه وتصكر الباب وراها راكان هناا قاعد ع السرير ويناظرها بنظره حاده.. وساكت نوال قاعده ع الارض قباله ومنزله عيونها بالارض وتمسح دموعهاا.. راكان: نوال .. ويسكت نوال تناظره ونزلت عيونها بسرعه راكان: نوال .. تدرين انك عيوني اللي اشوف فيها و انك دنيتى وحياتى كلهاا نوال اللي انحرجت من هالكلام .. راكان : وابيك تحطين شئ واحد في بالك اني مستحيل اكرهك مهما سويتي .. نوال منزله راسها وساكته .. راكان: بس انا مارضى ع امي تشتغل وتتعب وانتي حضرتك نائمه هذي امي يانوال جنتي وناري .. نوال بصوت مبحوح: والله ماكنت ادري ان خالتي تطبخ . والله لو دريت كنت ع الاقل بساعدها... راكان يبتسم لها: اصيله يانوال .. وانا عارف انه هذا اللي بتسوينه لودريتي انااسف كنت معصب وقلت اللي قلته نوال وهي تبتسم ع خفيف: وانا بعد اسفه . واوعدك من اليوم اتعلم الطبخ راكان وهو مبسوط منها وخاصه من اللي سمعه:فديتك والله .. واناا من اليوم راح اقدم ع شغاله تساعدكم وتساعد امي نوال تناظره بنظره خجل : مشكور ماتقصر راكان : نوال.. نوال: لبيه راكان : لبى قلبك .. نوال تكفين طلبتك جاوبينى بصراحه تحبينيى ؟ هناا نوال اختبصت وانحرجت وصارت تمسك شعرها وترجعه ع وراء.. راكان: نوال جاوبينى تكفين وكان راكان ميت ع ما يسمع هالكلمه من نوال نوال تهز راسها بنعم .. راكان : لالا: قوليها شفهي لاتحرميني منهاا. تكفين. قوليهاا نوال اللي كانت مستحيه وحست باحراج منه تغطي وجهاا بيدها راكان.: قوليها تكفين نوال :.. اااا.. احبك راكان وهو ويناظرها ومو مصدق وحاس انه اسعد انسان" بس قولي بعد؟ نوال وهي مغطيه وجهاا : واموات فيك .. هناا راكان يصارخ بصوت عالي: نوال صرصور ورااك هناا نوال تفك يدها من وجهاا وصارت تصارخ وتنط ع السرير وهي واقفه : وينه وينه؟ راكان هنااا يناظرهاا وهوفاقع من الضحك ههههههههههههههههههههه اخيراا شلتي يدك عن وجهك يازينك بس .. نوال هنا عرفت انه مقلب وكانت منحرجه منه وتضحك ع هبالهاا: ياسخفك بس.. وتطلع من الغرفه بسرعه وتروح لغرفتها.. راكان هنااا اللي ميت ضحك عليهاا وع برائتهاا .. حس انه بيطير من الفرح وهو يملك هالانسانه رجع ع وراء وانسدح ع السرير وكان فاتح يدينه وصار يستنشق الهواء اللي لاول مره كان يحس بدخوله لصدره وخروجه.. بهاللحظه تدخل عليه عهود.. وشافته منسدح ع سريرهاا.. عهود وهي واقفه : راكان.. راكان يستعدل ويقوم : هلاا عهود: راكان طلبتك لاتقسى على نوال .. نوال اعترفت لي قبل شوي انها تحبك وماتقدر تستغنى عنك راكان هناا يبتسم لها: ادري.. سمعت كل شئ عهود: هههههههه حتى انت جاتك العدوه راكان: اي عدوه؟ عهود: ههه خلاص دامك سمعت كل شئ مايحتاج اعيد لك .. و الله يخليكم لبعض راكان : امين ويخليك لناا يا اطلق اخت .. ويطلع راكان من الغرفه عهود اللي كانت تعبانه وحاسه راسها يطبخ من الحراره تحط راسها ع المخده : اهـ ياربي تعبانه بهاللحظه يدق جوالهاا .. عهود تتلمس الجوال اللي كان تحت مخدتهاا .. وتناظر الشاشه وهنا شافت( غلا .. يتصل بك) عهود اللي كانت متشوقه لغلا واخبارهاا واللي صارت بينهم علاقه قويه وحب في الله .. عهود وهي ترد: هلاااا وغلاااا غلاا:هلا فيك والله عهود: شخبارك ؟ غلا: بخير الحمدالله .. وانتي اخبارك؟؟ عهود: والله طيبين طاب حالك وفالك غلا: دووم يارب عهود: وش علومك بعد .. انتي الحين وين؟ غلا: والله علومي تمااام . وانا للحين بمكه عهود: ماشاء الله وكيف صحتك لحين؟ غلا: والله ياعهود ..احس اني تشافيت من المرض ومعاد احس بأي الم ولله الحمد ودي اسكن بمكه ولا افارق الحرم ْ~ ودي اني مـا اتعـداك يالبيـت الحـرام وودي ان اعيش فيك العمر كله وامـوت الله اكبـر لا اذن المـذن وكبـر الامـام واصبحوا زاكين الانفاس من خلفه صنوت وابتـدأ يرتـل ونظـم بترتيلـه زحـام وأنتهى من ركعته وابتدأ يدعـو قنـوت الله الله الله الله علـى شعـور الـوئـام جعل صوت مـآهر المعيقلي بعد مليون صـوت ْ~ استمريت هالفتره كلهاا اتسبح من ماي زمزم واشرب منه واقرى قران والله ياعهود حسيت براحه نفسيه غيرطبيعيه عهود اللي كانت تسمع هالكلام ووهي حاسه انها مبسوطه وفرحانه لغلاا عهود: الحمدالله .. والله يتم عليك صحتك وعافيتك يارب.. غلاا: عهود عندي لك بشاره .. والله اول ماعرفتها ..قلت اول من يستأهل ابشره هي عهود والله حتى اهلي مابشرتهم للحين .. عهود وهي حاسه قلبهاا بيطير من مكانه: وشهو غلا بشري غلا: ابشرك انا حامل بالشهر الاول .. عهود: جد الله يبشرك بالخير يارب ويثبته غلا: والله ياعهود انى فرحانه احس مالكه الكون .. والحمدالله الدكتور يقول وضعي تحسن ومافيه ضرر ع الجنين عهود: الحمدالله .. غلا: مشكوره ياعهود ع كل شئ سوتيه لي والله لاجأت بنت لاسميها عهود عهوداللي كانت دموعها ع خدها وهي تبتسم : لايا غلا الشكر لله انا ماسويت شئ غلا: والنعم بالله.. بس عهود انت ماتدرين كيف تغيرت 0 درجه والسبه انتي عهود: الله يزيدك ولايغير عليك غلا :: يلاا ياقلبى .. بس حبيت اسلم عليك وابشرك .. عهود: الله يسلمك يارب وخلينا نسمع صوتك غلا: ان شاء الله يلا مع السلامه عهود: من قال سالم.. وتصكرعهود الجوال وهي دموعها ع خدهااا وكانت فرحانه ومبسوطه .. وهي تشوف كيف غيرت انسانه كانت يائسه ع فراش المرض تنتظر الموت يخطفها بأي لحظه. الى انسانه دبت الحياه فيهاا و معنوياتها صارت عاليه ومرتفعه .. عهود وهي حاسه بالرضى من نفسها .. ياربي لك الحمد والشكر انا مابي من الدنيا لا مكسب ولا ارباح أبي لامن طرى ذكري تقول الناس ياطيبه ْ~ |
|
|
#84 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
يقول آحبك و طعناته بقلبي ماهي شويه اجل لاجا يكرهني دخيلك كيف بيسوي ..! ْ~ في بيت ابو عبدالعزيز .. منال اللي كانت قاعده بالصاله وتتفرج ع التلفزيون ومطوله ع صوت التلفزيون .. ابو عبدالعزيز اللي كان جاي من بره وهوداخل الصاله.. لفت انتباهه الصوت العالي والازعاج اللي كان بالصاله ويناظر شاف منال قاعده تناظر التلفزيون .. ابو عبدالعزيز بصوت عالي عشان تسمع : منال قصري ع التلفزيون بتسمعين جيراناا انتي؟؟ منال اللي ناظرت ابوهاا وتأخذ الريموت اللي كان ع الطاوله وبكل هدوء تطفئ التلفزيون ابو عبدالعزيز يناظرها ومستغرب من تصرفهاا: قلت لك قصري ع التلفزيون ماقلت لك طفيه.. منال وهي تناظر التلفزيون اللي كانت شاشته سوده وساكته ابو عبدالعزيز يناظرهاا بعصبيه.. ويروح يدخل مكتبه ويصكر الباب وراه بقوه .. منال هناا تغمض عيونهاا من قوه صوت الباب اللي صكره ابوها بقوه .. وصارت منال تناظر التلفزيون اللي كان طافئ وكانت سرحانه وتفكر بحياتهم .. وكانت متضايقه ومالها خلق لاحد.. مدري علامي صار مالي خلق.. صدري استضاق وصارت النفس شينه ...:( ْ~ بهاللحظه يدخل تركى اللي كان جاي من بره .. وهناا شاف منال قاعده وتناظر التلفزيون وهو طافئ تركى : الحمدالله والشكر .. هيه انتي وش تشوفين والتلفزيون طافي؟ منال هناا تناظره .. وماترد عليه.. تركى يقول بنفسه ليكون هذي استجنت ولا شئ.. ويجي يقعد ع الكنبه مقابلهاا تركى: منال انا اكلمك ردي علي؟ منال اللي كانت تناظر التلفزيون هنا تناظره: وش تبي؟ تركى: ابي اعرف وش قاعده تناظرين؟ منال: ولاشئ.. قاعده اشوف حياتناا.. تركى وهو مستغرب: وش حياتناا؟ منال تناظره وببرود: انت وش تشوف الحين؟ تركى وهو مستغرب من سؤالها: ماشوف الا شاشه سوده منال : وصلت خير هذي حياتنااا .. وتقوم تبغى تروح لغرفتهااا بعد ماحست انهاا صايره انسانه متمرده ع اللي حولها ومجتمعها.. تركى يقوم وراها : منال استنى .. هنا منال توقف : امر تركى : منال وش فيك وش الي قالبك ماكنتي كذاا؟ منال وهي تناظر : تركى تبي شئ انا بروح انام تعبانه.. تركى : ابيك بموضوع بس انتى بهالوضع مايصلح اقولك .. الموضوع يبيله تفكير وانا حاس انك متضايقه ومالك خلق.. منال اللي كانت حابه تعرف الموضوع .. لاعادي مافيني شئ .. قول وش عندك؟ تركى : اوكيه جيبي لي كأس شاهي والحقيني بغرفتي .. منال : طيب .. وتروح للمطبخ وتسوي لـ تركى كأس شاهي وتصعد فوق لغرفته ....................... بغرفه تركى .. منال تدق الباب وتدخل .. وتحط كوب الشاهي ع الطاوله اللي جنب سرير تركى تركى اللي كان يناظرها من دخلت .. تركى يمد يده للكوب: مشكوره منول منال اللي قعدت بالكرسي اللي قدامه وبصوت هادئ : العفوو تركى يشرب شوي من الشاهي وينزل الكوب : منال اسمعي اللي بقوله لك وابيك تتروين بقراراتك ولاتستعجلين بالرد.. منال اللي مو فاهم شئ: طيب.. تركى : منال .. وليد ولد عمتي خطبك مني .. منال وهي تناظره بنظره تعجب: ايش قلت ؟؟ تركى : اللي سمعتيه .. وليد رجال كفو وانسان متعلم ومثقف وكفايه انه ولد عمتناا وعارفينه والاهم من هذا كله . انه ... ويسكت وهو يناظرها .. يحبك وشاريك.. منال اللي كانت تعابير وجها تدل ع انها مصدومه.. تركى: مراح تلقين مثله انسان يحبك ورجال كفووو منال بصوت عالي: مابيه تركى وهومصدوم من رده فعلها السريعه : منال وش مابيه ع طول.. فكري بالموضوع واستخيري بعدين ردي منال : قلت لك مابيه وخلاص تركى اللي كان كاسر خاطره وليد وحاس فيه : منال حراام عليك الولد يحبك .. منال : من اللي كاذب عليك .. هذا انسان اصلا مايعرف الحب تركى : منال اسمعينى .. هو جاني بالمكتب وقالي بنفسه محد قالي منال: وانت صدقته اصلا هو بالذات يكرهني وهو انسان مريض.. انا عارفه ليش يبي يتزوجني عشان بس يعذبني تركى وهو مصدوم من تفكير ها: منال وش هالتفكير حرام عليك تظلمين الرجال وليد واناا اعرفه اكثر من نفسي مايكذب ومستحيل يكون تفكيره مثل ماتقولين منال وهي تناظر تركى: تركى الدعوه اجباري ولا اختياري تركى: منول ياحبيبتى اسمعينى اناا اخوك تتوقعين اقطك بيد واحد يعذبك او يكرهك تتوقعين ردي؟ منال تهز راسها : بلاا تركى:منال لاتستعجلين بقرارك بعدين تندمين .. منال : صدقنى ياتركى انا ووليد مانتوافق مع بعض تركى :طيب ليش؟ تكرهينه؟ منال : لا انا ما اكرهه ولا اكره احد بس..انا حاسه ان هالانسان مو مناسب لي تركى: منال يختى اخذي اللي يحبك ولاتأخذين اللي انتي تحبينه منال : هذا اذا كان يحبنى اصلاا .. تركى : منال لاتظلمينه.. ويقولهاا سالفه عبدالرحمن يوم خطبهاا وكيف وليد تضايق وما قدر ينام واعترف له بمكتبه منال كانت تسمع السالفه وهو مصدومه .. معقوله وليد .. اكثر انسان جرحني بالحياه وزعلني وضايقنى يطلع يحبنى مستحيل تركى يقطع ع منال افكارها.. : منال ..فكري زين اناا مراح اخذ منك رد الحين ابيك تراجعين نفسك وتتخذين قرارك وانتى عاقله وفاهمه وراح تعرفين مصلحه نفسك ... منال تقوم : ان شاء الله .. وتطلع لغرفتهاا منال وهي داخله غرفتها ترمى نفسها ع السرير .. ياربي ماني مصدقه حاسه انه تمثيليه من وليد قدام تركى وليد يكرهني وشغلته بالحياه بس يعذبني وينرفزني .. لالا مستحيل يكون يحبني ومستحيل اتزوجه مستحيل ........ .............................. .................... .................... تركى .. اللي من طلعت منال صار يفكر بوليد : مسكين ياوليد ظنك كان بمحله وكنك عارف ان منال راح ترفضك.. الله يعينك لو منال ماقتنعت فيك وغيرت رايهااا .. هناا تذكر حاله.. اهـ ياربي اخاف هدى مأخذه فكري عني مثل منال ماهي مأخذه فكره عن وليد ساعتهاا وش بسوي ؟؟ بهاللحظه يدق جواله.. تركى يأخذه بسرعه ويناظر ( وليد .. يتصل بك) تركى يرد: هلااا وليد: هلا تركى .. شخبارك؟ تركى : بخير ماعليناا .. وانت علومك؟ وليد: طيب الحمدالله تركى : عسى عسى وليد: ياخي وينك لك يومين ساحب علي مارديت علي؟ تركى يضحك : هههههههه يمه منك شكل عندك الحاسه السادسه ولاوش دراك اني توني الحين مكلمهاا.. وليد: جد .. هاه بشر وش قالت؟ تركى اللي ماحب يصدمه : والله تقول بتفكر وتستخير وبتشوف .. وليد: طيب ماحست من رده فعلهاا انها موافقه ولا رافضه تركى: تبي الصراحه ياوليد.. وليد اللي حس ان قلبه بيوقف : ابي الصراحه تكفى .. تركى : مدري حسيتها مأخذه فكره عنك انك تكرها وتبي تعذبها زي كذاا مدري كيف جابت هالفكره الغبيه براسها.. وليد اللي حس ان توقعاته صابت وبصوت حزين : يعنى بترفضني ؟ تركى: والله ما ادري انا قلت لها انك تحبها وفكري زين بالموضوع وردي لي وليد اللي حس بخيبه أمل : خلاص مو مشكله اللي كاتبه ربي بيصير .. تركى اللي حس من صوت وليد انه متضايق: ان شاء الله تكون من نصيبك وليد: ان شاء الله .. يلا مع السلامه تركى : من قال سالم .. ويصكر الجوال تركى .. اللي كسر خاطره وليد وكان حاس فيه لانه مجرب وعارف كيف الحب وكيف لوكان مو متأكد من مشاعر الطرف الثاني تركى.. الله يكون بعونك ياوليد ... .............................. .................... .............................. وليد اللي من قفل الجوال .. وهو ماسك راسه وحاس بألم في صدره.. كله مني اناا اللي كرهتها فينى وبأفعالي .. اناا اللي بينت لها جانب الشر اللي فينى استأهل ..استأهل اللي يصير فيني.. ويرفع راسه .. يارب رحمتك.. وهناا صار وليد يفكر كيف يثبت لمنال انه يحبهاا ويشيل الفكره السوده اللي براسها عنه هنا يمسك الجوال وصار يكتب مسج لهاا. ْ~ ياترى ..! الأياااااااام تسمح وألاقيك..؟؟ ولا يكون آخر لقانا رسايل.!!!! .............................. ........ منال اللي كانت قاعده بغرفتهاا وحاطه وجها ع المخده وتفكر وش اللي قاعده يصير بالدنياا وماتدري تصدق الكلام اللي قالها تركى او تكذبه بهاللحظه يوصلها مسج منال ترفع وجها عن المخده وتأخذ الجوال و تفتح المسج وتناظر .. وكان المسج من وليد ( منال .. انا احبك وربي ..ومابي غيرك انتي كل شئ بالنسبه لي صدقينى يامنال لو رفضتينى اناا مدري وش راح يصير فينى .. منال انا مراح اجبرك علي ..لكن ابيك تتأكدين والله يشهد علي اني احبك من كان عمري 15 والى هاللحظه وعمري مافكرت احب غيرك .. سامحينى اذا غلطت عليك يوم .. واذا كان بعدك هو قسمتي ماني ع الله معترض) منال كانت تقراء المسج اللي صعقهااا ...معقوله ماني مصدقه وليد يكن لي هالمشااعر كلهاا ولا لحظتها ابداا كيف.. بين لي كرهه وحقده وهالمشاعر مابينها لي ابداا.. ليكون هذا تكميل لتمثيليته .. اخاف انه يخدعني ويبي يجيب راسي .. لو يحبني صدق .. كان القلوب عند بعضهاا .. ليش قلبي ماحس فيه .. ياربي اخاف يخدعني .. وهناا منال تمسك الجوال وتقفله .. مثل ماقفلت ع قلبهااا ومنعت اي مشاعر تسلل داخله وكانت متأخذه بقرار نفسها انها ترفضه وتبعد عن هالحب اللي كانت تشك بمصداقيته .............................. .................... ......... بعد يومين .. تركى اللي كان قاعد بالدوام ويفكر بسالفه وليد ومنال اللي الى الحين ماردت ولاعطتهم حق او باطل تركى: صدق .. انا وش انتظر؟؟ ليش ماقول لامي تخطب لي هدى بنت عمتي عشان اعرف وارتاح اذا هي تبينى ولا لا.. وهناا يمسك الجوال ويدق ع أمه .. ام عبدالعزيز اللي كانت متعوده تقوم الصبح هناا يرن جوالها .. ام عبدالعزيز ترد بعد ماشافت اسم تركى : هلا ابوي تركى : هلاا يماا شخبارك ؟ ام عبدالعزيز : بخير جعلك بخير تركى : جعله دوم ام عبدالعزيز: ويااك يابوي .. وشخبار اخوك عبدالعزيز واهله كلموكم من راحو؟ تركى : ايه كلمونا امس من امريكا يقولون بشهر 6 ان شاء الله بيرجعون لسعوديه ام عبدالعزيز: ان شاء الله تخلص هالدوره وتفكهم من هالسفريات والغربه تركى: امين .. يماا ام عبدالعزيز: لبيه ابوي تركى: يماا .. ابيك تخطبين لي ام عبدالعزيز: صدق .. الله يفرح قلبك مثل مافرحتني تركى : امين ام عبدالعزيز : تبينى اخطب من بنات خالك ؟ تركى: لالا يمه ام عبدالعزيز: هاه اجل؟ تركى : يمه ابيك تخطبين لي هدى بنت عمتي لطيفه ام عبدالعزيز:ماشاء الله ونعم الاختيار ياولدي ابشر اليوم اكلم عمتك واقولها .. تركى : ايه يماا تكفين اليوم لازم ام عبدالعزيز : هههه طيب يابوي ابشر .. تركى : الله يبشرك بالجنه ..يلا يالغاليه تأمرينى بشئ ام عبدالعزيز : لايابوي سلامتك تركى : الله يسلمك .. مع السلامه .. ويصكر الجوال وكان تركى مبسوط ومتأمل خير بهالخطبه .. ويقول بنفسه يارب ان هدى تكون عكس منال بتفكيرهاا وتوافق علي .. |
|
|
#85 |
|
|
•°•
لآ صآرً مثلگ بالمحبهہ....•°حبيبيے•° ملزوًمہ أبزًهدً فيے غلآ النآسً...•° وً أغليگ •° ْ~ في بيت ام فارس.. ام فارس اللي قاعده تتقهوه بالصاله وتتفرج ع التلفزيون هناا يرن تلفون البيت .. ام فارس بصوت عالي : نجوده جيبي التلفون هنااا نجود : ان شاء الله يمه .. وتسحب التلفون وتقربه عند امهااا ام فارس ترد: هلا ام عبدالعزيز: هلا ومرحبتين .. كيف الحال؟ ام فارس بخير والحمدالله .. انتم اخباركم؟ ام عبدالعزيز: بخير الله يسلمك ام فارس : ياجعله دوم ام عبدالعزيز :الله يسلمك .. وشلون الجو عندكم؟ ام فارس: والله بدا يرطب الجو .. ام عبدالعزيز: سبحان الله مسرع الجو مايتغير.. ام فارس: والله صادقه يوم عج ويوم مطر ويوم حر الله يعين بس ام عبدالعزيز: امين .. لطيفه ياوخيتى بصراحه انا داقه ابيك بموضوع ام فارس : عسى ماشر تفضلي ام عبدالعزيز: لا ان شاء الله خير.. بصراحه انا داقه اطلب يد بنتك هدى لولدي تركى ام فارس اللي فرحت بهالخبر :هذي الساعه المباركه والله ام عبدالعزيز : الله يبارك بيامك.. ام فارس: والله تركى ولدي وانا اللي مربيته ومراح القى احسن منه لبنتي بس خبرك ياوخيتى لازم نأخذ شور البنت.. ام عبدالعزيز : أأكيد من حقهاا.. ام فارس :ان شاء الله لاشفت رائ البنت رديت عليك ام عبدالعزيز : ان شاء الله .. المهم لاتبطون علينا بالرد .. يلا مع السلامه ام فارس: من قال سالم .. وتصكر السماعه ام فارس كانت فرحانه لان تركى رجال وكلن يتمناه وياما وقف معاهم مواقف رجوليه وخاصه بعد غيبه ابوفارس من البيت وكان له معزه خاصه بقلب عمته لطيفه.. فكانت مراح تلقى احسن منه لبنتها هدى ام فارس تطلع فوق لغرفه هدى وتدق الباب هدى : اللي كانت بغرفتهاا وقاعده ع النت وكانت تشارك بمواقع اجنبيه للبحث عن المفقودين وماخلت موقع مارسلت لهم صوره ابوهاا وبيناته .. بهاللحظه ام فارس تفتح الباب عليهاا هدى تناظرها : هلا بالغلا اقلطي ام فارس وهي تبتسم : وش تسوين ؟ هدى هناا تقفل الصفحه اللي كانت فيها صوره ابوهاا : بس قاعده اتفرج ع المنتديات ام فارس اللي قعدت جنبها ع السرير: اهااا . طيب صكري ذا البلاء منك ابيك بموضوع هدى من سمعت طاري موضوع صكرت الاب من دون شعور: هاه وش موضوعه؟ ام فارس وهي تبتسم : لاتخافين خير ان شاء الله هدى: ان شاء الله قولي يمااا .. وكان في بال هدى انه موضوع يخص ابوهاا .. ام فارس: اليوم جاءك خطاب هدى اللي حست باحراج من امها وبتردد: من؟ ام فارس: تركى ولد خالك .. تو خالتك ام عبدالعزيز كلمتني .. هدى اللي كانت مصدومه واختصبت وماتدري وش تقول : هاه يمه من جدك؟ ام فارس بنبره حاده: ايه وهذا موضوع فيه مزح هدى حمر وجها من الحياء: طيب يما انتي وش رايك؟ ام فارس: لو علي كان خذيتك الحين وديتك بين خالك زوجتكم هدى بصوت عالي : والله .. وش شايفتنى صخله تقطينى هالقطه .. ام فارس تضحك ع عياره بنتها: ههههههههههههه المهم انتي موافقه .. هدى اللي قلبهاا من داخل يرفرف من الفرح وكانت منحرجه من امهاا: رائي من رايك اللي تشوفينه يماا ام فارس تبوسها مع راسها: بعدي بنتي اللي تسمع شور امهاا .. بس صلي صلاه استخاره الحين يلاا هدى : ان شاء الله وتطلع ام فارس من الغرفه .. هدى هناااا تمسك قلبهاا يمه قلبي .. معقوله انا بحلم ولاعلم وتتذكر اخر موقف كان بينهم وهي حاطه الفمتو ع وجها ههههههههه شكلي اعجبته والفمتو ع وجهي وتمسك الجوال وتروح بسرعه تدق ع البنات تقول لهم السالفه ........ .............................. .................... .............................. .......... بالليل تركى اللي كان بالاستراحه مع الشباب يجيه اتصال من امه تبشره انه عمته موافقه والبنت موافقه.. هنااا تركى يصكر الجوال وهو ماصدق خبرر .. راكان اللي يشوف تركى والابتسامه شاقه وجهه : تركى وش فيك وش اللي مفرحك فرحناا معك؟ تركى وهو ماسك الجوال يبي يدق يبشر ابوه : خطبت اليوم وافقواا علي .. راكان وليد يناظروه بأستغراب ومو مصدقين .. راكان: اخ منك ولاتعلم ..تخطب من ورانااا وليد: من هي اللي خطبتها؟ تركى : خطبت بنت عمتى لطيفه وابشركم وافقت.. وهناا يرد ابو عبدالعزيز ع تركى ... تركى يكلم ابوه ويبشره بخبر الموافقه وكان مبسوط وفرحان .. وليد اللي نزل راسه وصار يقارن نفسه بتركى وكيف انه خطب منال له يومين وماردت عليه ولا ع مسجه اللي ارسله لهاا.. وكان حاس ان منال راح ترفضه ..وكيف هناا تركى يخطب بيوم ويجيه الرد كان يقارن حظه بحظ تركى .. هناا حس انه لا غناه ولارفاهيته ولامنصب ابوه يقدر يشترى له السعاده اللي الحين تركى فيهاا.. وليد يقوم ويطلع من الاستراحه ويروح البيت وهو متضايق وزعلان ... كسرت بخاطري يومي أجيك بلهفتي محتاج عن العالم تمنيتك بأحزاني معي توقف تحريتك وناديتك وحس القلب بالإحراج رجعت وخاطري مكسور وحزني فوق ما يوصف خلاص أقول من قلبي " أنا آسف على الإزعاج " " وآسف منك ياقلبي حطيتك بهالموقف " |
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ