 |
  |
|
|
|
|
#76 | |
|
|
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
اقتباس:
عيونك الحلوين مشكوره حبي لاعدمناهالتواجد |
|
|
|
#77 |
|
|
الوقت متعب والبشر زادوا التعب مليون داء لذا نويت أرحل بعيد وأستقر بغربتي.. لاضقت سلّيت القلم وندهت باقي الأوفياء يادلّتي , وياسبحتي , ويادمعتي , وياشمعتي في بيت ابو نادر.. نادر الي وقف سيارته عند باب البيت ونزل منها بسرعه ودخل البيت وهو مستعجل اول مادخل بالصاله صار ينادي : ياسر ياسر ام نادر وأمل الي كانوا قاعدين بمجلس الحريم ام نادر سمعت صراخ نادر قامت وطلعت لصاله : وش فيك تصارخ وش تبي بياسر؟ وطلعت وراها أمل تشوف وش السالفه .. نادر: يمه وين ياسر ؟ ام نادر : نائم بغرفته .. ليش وش صاير؟ نادر بصوت متردد: قبلوه بالبعثه .. وكان عارف ان هالكلام بيضايق امه ويزعلها لانها كانت رافضه ان ياسر يروح بعثه.. ام نادرهنا صارت تبكي و وطاحت ع الكنبه امل الي شافتها وتمسكها : سمله عليك تعوذي من ابليس ياخاله ؟ نادر الي شاف امه كذا ..و يقرب ناحيتها ويمسكها: يمه استهدي بالله .. بيروح يدرس ويأمن مستقبله ويرجع ابرك له من القعده هنا لاشغله ولا مشغله ام نادر وهي تبكي: قله الدراسه الا بكندا ..تبون تأحذون ولدي مني .. وقلبتها مناحه نادر : يمه ياحبيبتي محد مأخذ ولدك منك بس هذا مستقبله .. وهنا نادر يغمز لا امل تهديها وتكون جنبها.. ويروح بسرعه يصحي ياسر ياسر الي كان نائم بغرفته ومايدري ان الدنيا مقلوبه بره عشانه هنا نادر يفتح الباب ويفتح النور ويقرب ناحيته : ياسر ياسر قوم ياسر وهو يرفع الفراش عن وجه وصار يالله يفتح عيونه: وش فيك؟ نادر : قوم ياخي انقذنا من الموقف الي حطيتنا فيه ياسر وهو يستعدل : اي موقف ؟ نادر: اقبلوك بالبعثه .. ياسر يقوم بسرعه ويمسك نادر وبصوت عالي : من جد تتكلم الله يبشرك بالخير نادر: بس.. ياسر هنا يسكت : بس ايش؟ نادر: بس امك من درت وهي قالبتها مناحه روح شوفها.. ياسر: لاحو ولاقوه الا بالله وينها؟ نادر : بالصاله تعال.. ويطلع ياسر ونادر ويروحون لامهم الي كانت تبكي وحالتها حاله .. ياسر: احم احم ياولد أمل هنا تتغطى بسرعه .. نادر الي كان قدامه: تعال تعال تغطوا ياسر يدخل الصاله وشاف امه ماسكه طرحتها وتبكي كان موقف مره محزن.. هنا تقطع قلب ياسر ع أمه .. و يجي بسرعه ويبوس راس امه :يمه تكفين لاتبكين والله لايردها بعثه الي خلتك تبكين ام نادر ساكته وماترد عليه وبس تبكي.. نادر: يمه لاتخافين عليه كل عطله وهو عندنا ان شاء الله .. ام نادر بصوت متقطع : يروح ماني ماسكته ياسر :والله ماروح يالغاليه الا وانتي راضيه ام نادر تبعد يد ياسر عنها وتقوم لغرفتها وهي تبكي.. .............................. .................... . ياسر ينتهت: يالله يعنى يوم انفتح لي باب أمل ابد منه حياه جديده يرجع يتقفل بوجهي .. نادر: يابن الحلال مراح يتقفل ان شاء الله.. ولاعليك امي بتبكي شوي وبعدين بترضى ياسر : مستحيل اروح وامي كذا يانادر .. ماشفت شكلها وربي يقطع القلب نادر يناظر امل: امل روحي شوفي امي وحاولي تهدينها وتطيبين خاطرها.. امل تقوم : ان شاء الله.. نادر يناظر ياسر: من قالك بتروح وامي كذا راح تقتنع ان شاء الله وهي الي بتقولك روح بنفسها ياسر : ياربي مدري ليش انا وين ماروح القاها مقفله بوجهي ؟ نادر يضربه ع كتفه: ماتضيق الا تفرج ياخوي..و هونها وهي تهون ان شاء الله ياسر : ان شاء الله .. يلا انا قايم اشوف امي.. ويروح لغرفه امه .. ياسر وهو يدق باب غرفه امه : يمه ادخل ؟ امل الي كانت عند خالتها ام نادر : تفضل ياسر ويدخل ياسر .. السلام عليكم امل&ام نادر : وعليكم السلام أمل تقوم : يلا انا اخليكم .. وتطلع من الغرفه ..بعد ما استغلت هالموقف و زرعت فكره خبيثه براس ام نادر ياسر يبوس راس امه ويدها: افا الحلو زعلان ام نادر بعد ماهدت: لا يابوي ماني زعلانه . بس تعرف قلب الام ياسر: يالبى قلبك.. ولايهمك يما خلاص البعثه بكنسلها ولايصير خاطرك الا طيب ام نادر: لا يابوي هذا مستقبلك .. وانا موافقه وراضيه تروح بس ..بشرط ياسر الي انبسط من كلام امه: امري عيوني لك يالغاليه وش هالشرط؟ ام نادر: ابيك تتزوج ابرار اخت أمل قبل تسافر وتأخذها معاك هنا ياسر يترك يد امه : يمه وش تقولين ؟ ام نادر: يابوي ديار الغرب فيها الفساد بكل مكان وابيك تروح وانت متزوج ومحصن عمرك احسن لك ياسروهو حاس ان امه مسكته من اليد الي تعوره: يمه انا مستحيل اتزوج ابرار ولاغير ابرار خلاص فكره الزواج انا شايلها نهائياً من بالي .. ام نادر بصوت عالي: ليش يابوي ليش؟ تبي تحرمني من اعيالك؟ ياسر : يمه تكفين قفلي هالسيره وسالفه البعثه خلاص انسيها .. ويطلع ياسر من غرفه امه وهو معصب ومتضايق وكان عارف ياسر ان هالافكار مو افكار امه افكار امل زوجه اخوه نادر.. ياسر وهو داخل غرفته يصكر الباب بكل قوته ويقفله ويقعد ع السرير ويحط يده ع راسه ياسر: ياربي ليش كل ماجيت افرح واعيش مثل الناس القى الحزن بوجهي ..ياربي انا وش سويت بحياتي عشان كل هذا يصير لي؟ هنا ياسر ينتهبه لنفسه .. استغفر الله اللهم لا اعتراض والحمدالله ع كل حال... بهالحظه الباب ينفتح لكن كان مقفول .. نادر: ياسر افتح الباب.. ياسر يتنهت اه ويقوم يفتح الباب ويروح يقعد ع السرير نادر الي دخل: ياسر انت ليش تعقد الامور ؟؟ ياسر الي كان معصب : انا الي اعقدها ولا زوجتك بافكارها كل كلمه والثانيه قالت تزوج اختي نادر هنا مصدوم: هذا جزاها تبي تزوجك اختها وشاريتك لانك رجال ياسر وهو معصب: انتم كيف تفهمون انا مابي اتزوج خلاص.. نادر: ياخي هالبنت ماتفوت وكفايه مايبون عرس ولاشئ بس مهر وملكه ياسر وهو يناظر اخوه: نادر انت صاحي ولا مجنون .. السالفه موسالفه مهر وملكه السالفه اني راح اظلم البنت معي لان قلبي وكلي مو معاها.. نادر: بعد الزواج بتحبها كلنا كذا ياسر: الا انا غير,, قلبي ماحب الا وحده ومستحيل يحب غيرها.. نادر: ياسر فوق من احلامك تبي تضيع مستقبلك عشان هالحب والخرابيط بكره هالوحده تتزوج وتخليك .. ياسر يقعد ع السرير وبصوت واطئ: نادر يرحم امك اسكت لاتزيدني .. والبعثه خلاص كنسلوها وريحوني نادر :براحتك .. بس ترى محد خسران غيرك ويطلع ويصكر الباب وراه.. ياسر الي كان قاعد ع السرير يرجع ع وراء ويحط راسه اه ياربي محد حاس فيني .. تعبت والله تعبت كل ماقول هانت القاها تتصعب ويطلع لي شئ جديد يغير علي حياتي.. ْ~ يازمان العجايب وش بعد ماظهر كل ماقلت هانت جد علم جديد أن حكينا ندمنا وأن سكتنا قهر بين قلب عنيد وبين راس عنيد ْ~ |
|
|
#78 |
|
|
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
..ال خبر تقول بغيآبك : تعآل .. وأنآ أكثر بالوله منها ][ أبيك ][ عطني عآد آلحل يابن الحلآل .؟! يآ ( تجي ) ،، يآ ( باخذ الديره وأجيك ) ْ~ بمطار الرياض يوصلون اعيال ابو عبدالعزيز عبدالعزيز & تركى & منال & نوال.. وهنا يأخذون سياره اجره ويتوجهون لبيت خالهم نايف الي كانت ساكنه فيه امهم بعد انفصالها من ابوهم .. في بيت الخال نايف .. ام عبدالعزيز كانت تنتظر قدوم اعيالها ع احر من الجمر وكانت مجهزه المعجنات والكيك ومكشخه البيت لاستقبالهم .. وماهي الا دقائق الا وجرس الباب يندق .. ام عبدالعزيز الي كانت بالصاله تنادي الشغاله تفتح الباب. لهم.. وهنا منال ونوال ..كانوا اول من دخل ام عبدالعزيز الي شافتهم مقبلين عليهاو بصوت عالي: هلا والله ومرحبا وطبعاً هنا نست ام عبدالعزيز زعلها ع منال.. منال نوال يمشون بخطوات سريعه ويضمون امهم والي تبوس راسها والي تبوس يدها هنا يدخل تركى ويشوفهم: هيه خلصتوا امي بقوا لي شوي الكل ههههههههههههههههه تركى يقرب ويبوس راس امه .. وحشتينى يالغلا ام عبدالعزيز: وانتوا والله وحشتوني هنا يدخل عبدالعزيز الي كان اخر واحد لانه كان يحاسب التاكسي يجي بسرعه ويبوس راس امه : شخبارك يالغاليه؟ ام عبدالعزيز الي كانت تمسح دموع الفرح: بشوفتكم انا بخير وبعد السلام قعد الكل يتقهوى ويسولفون ويضحكون .. منال الي كانت ع اعصابها تبغاهم يفاتحون امها بالموضوع .. هنا منال تغمز لتركى .. يعنى تكلم تركى يأشر لها ان عبدالعزيز هو الي بيتكلم ام عبدالعزيز الي انتبهت لهم وحست ان فيهم شئ ام عبدالعزيز وهي تناظرهم : صدق ماقلتوا لي وش الموضوع الي جاين عشانه؟؟ .. وماكان في بال ام عبدالعزيز الا انه موضوع خطبه او زواج لمنال اوتركى هنا الكل يسكت وصاروا يناظرون عبدالعزيز.. عبدالعزيز ينزل فنجال القهوه.: يمه.. بصراحه احنا جاينك نبيك بموضوع بس ابيك ماتستعجلين بالرد واعرفي ان هالموضوع مايخصك انتي وابوي بس لا يخصنا كلنا ام عبدالعزيز وهي مو فاهمه شئ: وش السالفه تكلم؟ عبدالعزيز: يما .. ابوي يقولك حياك ارجعي للبيتك ولعيالك .. هنا ام عبدالعزيز تعصب وتوقف : والله ما ارجع لو تنطبق السماء ع الارض منال ونوال هنا صاروا يصارخون : لايما تكفين منال : تكفين يما بس زعل .. لمتى خلاص ارجعي لبيتك .. تركى يحاول يسكتهم: نوال منال .. بس ولا كلمه عبدالعزيز: ليش يمه ؟ فهمينا.؟ ام عبدالعزيز: بيت انهت فيه ما ارجع له.. وابوكم خلاص طابت النفس منه معاد ابيه تركى يقوم ويبوس راس امه : يما طلبناك تكفين كلنا جاين عشناك كذا تخذلينا وتردينا ام عبدالعزيز الي صارت تبكي: جيتكم ع عيني وراسي يا ابوي بس لاتجبروني ع شئ مابيه نوال الي كانت تبكي: يما الله يخليك ارجعي ام عبدالعزيز تقعد ع الكنب وصارت تبكي : انتم ماتحسون فيني تبوني ارجع بس مافكرتوا بالاهانه والظلم الي سببها لي ابوكم عبدالعزيز يجي جنبها: يمه ابوي تندم ع كل الي سواه وهو الي ارسلنا لك ام عبدالعزيز : وهو ليش ماجاء بنفسه يعرف يهين ويظلم بس مايعرف يتأسف منال وهي تمسح دموعها: يمه علمينا سبب المشكله تكفين يمكن نقدر نحلها عبدالعزيز يناظر منال بنظره حاده : منال هذا مو وقته .. ام عبدالعزيز: الاهذا وقته عشان تعرفون كيف ابوكم ظلمني و ليش انا رافضه ارجع له ابوكم المحترم .. لمى خذيت ورثي من ابوي سلمته له كله وكنت مأمنه عليه عنده وقلت له.. ياطلال حلاك هو حلالي تصرف فيه وبعد فتره خذا ابوكم كل حلالي وحطه بالاسهم وصار انهيار بالاسهم وخسرت كل ورث ابوي فيها . . صح اني زعلت بس قلت هذا مو بيده والفلوس تتعوض .. وسامحته وبعد فتره سألني خالكم فيصل عن ورث ابوي لانه كان يبيني اشارك معهم بمشروع وقلت له ان طلال ساهم فيها بالاسهم وخسرت فلوسي كلها بالاسهم.. هنا اخوي فيصل عصب وهزئني وبعد يومين تجي شكوه من المحكمه ع ابوكم انه سارق ورثي.. وكان خالكم فيصل مقدم الشكوه باسمي لاني كنت موكلته ع حلالي قبل.. وانا والله ماكنت اعرف شئ عن الموضوع ابوكم هنا ظلمني وصدق انه انا الي رافعه الشكوى مع خالكم وطردني من بيته بال وماخلاني اخذ شئ غير.. عباتي وكنت ابكي واترجاه انى ارجع للبيت. لكن قفل الباب بوجهي وكان وقتها انتم بالمدرسه .. ورحت لبقاله قريبه من بيتنا ودقيت ع عمكم راكان الله يجزاه خير ويرحمه وجاء وخذاني وهناك دقيت ع اخواني وجاو وخذوني .. وهذي كل السالفه.. الكل كان يسمع السالفه وهم منصدمين من ابوهم وظلمه وكيف ماتثبت وتأكد قبل يظلم امهم وهنا عرفوا حجم المشكله الي كانت بين امهم وابوهم .. عبدالعزيز: لاحول ولاقوه الا بالله منال : بس يما خلاص انسى الماضى ابوي تغير وتندم ع الي سواه فيك وهو الي طلبنا نرجعك ام عبدالعزيز:خلاص يامي انا ابي انسى الماضى عشان كذا مابي ارجع لابوك تركى: يما امرى اطلبي بالي تبين راح يجيك .. تبين فلوسك الي راحت والله ارجعها لك بس ارجعي ام عبدالعزيز وهي دموعها ع خدها: انا مابي شئ ابي كرامتي الي انهانت كل هالسنوات ترجع لي منال: يما.. والله ابوي يحبك الى الحين والدليل انه ماطلقك. ام عبدالعزيز: ابوك من نذالته ماطلقنى بس عشان ما اتزوج غيره.. بس ابيكم تقولون لابوكم ..ياليت يكمل جميله و يطلقنى ويرسل لي ورقتي ولا راح اطلب خلع منه هالمره وهنا تقوم وتروح لغرفتها وهي تبكي .... منال ونوال الي كانوا يبكون وحسوا ان المشكله بدال ماتنحل تعقدت اكثر عبدالعزيز يناظر تركى: وش الحل الحين؟ تركى : الحل ان ابوي يجي ويتفاهم معها ويراضيها بنفسه منال : خلاص خلوا ابوي علي انا اكلمه واقنعه.. نوال: انا بروح اشوف امي وتروح نوال لامها الي قعدت بغرفتها تبكي وهي تتذكر جروح الماضي .. منال تأخذ الجوال وتدق ع ابوها.. ابو عبدالعزيز الي كان قاعد بمكتبه ومتوتر و ينتظر خبر عن ام عبدالعزيز .. وكان ابو عبدالعزيز بداء يحن للماضي ولايام نوره ولكن كان يكابر قدام اعياله .. بهالحظه يدق جواله .. ابو عبدالعزيز يرد بسرعه .. ابو عبدالعزيز : هلا منال: هلا يبا شخبارك؟ ابو عبدالعزيز : بخير يمي .. انتي شخبارك وشخبار اهل الرياض؟ منال: والله طيبين ماعلينا ابو عبدالعزيز : عسى عسى منال وهي تبلع ريقها: يبا .. قلنا لامي الي قلت لنا .. ومارضت ترجع معنا ابو عبدالعزيز: اها يعنى مارضت ترجع.. وش تقول ؟ منال: تقول .. تقول تبى ترجع لها كرامتها اول .. يبا تكفى هي تقول هالكلام لانها زعلانه بس . بس انت لازم تجي .. وتفاهم معاها وتحلون المشكله بينكم .. ابو عبدالعزيز : لو تنطبق السماء ع الارض ماجيت وخليها تقعد مكانها لاتجي احسن ويصكر الخط بوجه منال................. .. تكابرنا ع العشره ولابه غيرنا خسران.. هنا منال تنزل الجوال وصارت تبكي .. عبدالعزيز : لاحول منال بسك بكاء وش قالك؟ منال : يقول لو تنطبق السماء ع الارض ماجيت اراضيها .. تركى: ياذا السماء والارض الي بتنطبق والله شكلهم كل واحد معند عبدالعزيز : احنا سوينا الي علينا وهم بكيفهم يبون يرجعون لبعض هذا شئ راجع لهم هنا منال توقف وهي تبكي: لا مو ع كيفهم .لمتى ع كيفهم يعيشونا. . .و تطلع من الصاله وتروح لامها بغرفتها... عبدالعزيز يناظر تركى: هذي وش فيها؟ تركى : اسكت هذي مو راضيه تتقبل تعيش من دون امي .. لوتدري وش سوت فينا عبدالعزيز: اف وش سوت ؟ تركى: قلبت البيت علينا لمى درت و سوت مناحه واجهت ابوي وامي بالموضوع عبدالعزيز: يعنى مو ابوي الي قالهم ؟ تركى: لا هي طاحت ع كرت العائله وعرفت ان ابوي ماطلق امي.. وحشرتنا عبدالعزيز : وليش اول مره تشوف بطاقه العائله .. تركى : لا هي كانت تشوفه وتضن انه قديمه وان ابوي ماغير البطاقه من بعد طلاق امي لكن بعد زواج نوال شافه البطاقه بعد ماجددوها وشالوا نوال منها وعرفت ان ابوي ماطلق امي .. عبدالعزيز: كل هذا يطلع من منال الثقيله والرزينه ماصدق لوقلت نوال قلت لك يمكن .. تركى: اسكت بس قطعت قلبي حسيتها ع كبرها الا ان بداخلها طفله مجروحه بفقدان امها و اصلا هي الي له الفضل بتلين راس ابوي بسالفه رجوع امي .. عبدالعزيز : والله خواتي يعانون ومحنا حاسين فيهم .. الله يعينهم بس وظلوا اعيال ام عبدالعزيز عندها يومين يحاولون فيها ويقنعونها ولكن كانت ام عبدالعزيز رافضه الرجوع نهائياً.. وحتى لو جاء ابو عبدالعزيز يراضيها مراح ترجع بالعكس زادت الامور للاسوء وكانت طالبه الطلاق او الخلع .. ورجعوا للشرقيه اعيال ابو عبدالعزيز بعد محاولتهم الفاشله في اقناع امهم بالرجوع لبيتها الي هجرته من سنوات .. وكان عندهم بصيص من الامل بقناع ابوهم يروح ويراضيها لعل وعسى ترجع المياه الى مجاريها... لا تلتفت يمي .. ولا تحتريني ! انا / هنا [ وقفت ركابي ] وريّحت , للماضي الي كان [ بينك وبيني ] , رفعت [ يمناي الكريمه ] .. ولوّحت , ْ~ |
|
|
#79 |
|
|
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
ْ~ في بيت ابو وليد::: شهد الي كانت توها راجعه من السوق مع امها.. وهم داخلين الصاله ..كانت شهد شايله الاكياس وحاسه ان جسمها مهدود وتعبانه من الفرفره بالسوق هنا شهد تناظر بالصاله وتحاول تثبت نظرها.. شافت ابوها وليد بالصاله واقفين وكانوا حاطين قدامهم ع الطاوله ..كيكه وحلويات ... ام وليد وهي تناظر وتبتسم : شسالفه ؟ يوم ميلاد من؟ ابو وليد & وليد يضحكون ع تخمينات ام وليد .. شهد وهي مستغربه: شسالفه ياجماعه؟ ابو وليد تعالوا قربوا عندي لكم مفاجأه .. شهد وامها وهم يقربون وكانوا حاسين ان فيه خبر حلو.. ام وليد: بشر.. شهد: حمستونا وشهي؟ ابو وليد يناظر شهد: مبروك ياحبيبه بابا بتصرين احسن دكتوره بالدنيا شهد هنا ماصدقت الي تسمعه وتصارخ : لول وتضم ابوها وصارت تناقز من الفرحه .. وكانت شهد مقدمه بكليه الطب من فتره وتوه طلع قبولها والبركه بواسطه ابوها .. وليد وهويعفس شعرها : مبروك يادكتوره .. شهد وهي تشيل يده من شعرها : الله يبارك فيك ياخو الدكتوره شهد وليد: عشتوا ..من الحين بدينا بالغرور الكل يضحك .. هههههه هنا ام وليد صارت تبكي وتبوس شهد: انا بصير عندي بنت دكتوره .. شهد وهي تمسح دموع امها: يؤه يمه لاتبكين تكفين..خليني فرحانه.. ابو وليد يحاول يغير الجو ويأخذ السكينه: يلا تعالوا نقطع كيكه الدكتوره وبعدها تجهزوا بنروح نتعشى بره شهد الي وقفت بالنص بين امها وابوها: الله لايحرمني منكم يارب .. و كلهم يمسكون السكين وصاروا يقطعون الكيكه سواء .. وبعد التقطيع صاروا يأكلون الكيكه ..وهم يسولفون ويتكلمون عن مهنه الطب ويشجعون شهد ويرفعون معنوياتها.. وليد وهو ينزل صحن الكيك : يلا ياجماعه انا استئذن ابو وليد : ع وين ؟؟ .. الحين كلنا بنطلع نتعشى بره .. وليد: والله مواعد الشباب مقدر اتأخر عليهم .. ام وليد : خله ع راحته ابو وليد: الله معك بس انتبه لاتسرع وليد ان شاء الله .. يلا سلام .. ويطلع وليد بعد مافرح مع اخته الي راح تصير دكتوره وترفع راسهم .. .............................. .................... ................... بالسياره وليد يأخذ الجوال ويدق ع تركى .. تركى يرد : هلا وليد: هلا فيك تركى : وليدوه وينك منت جاي ؟ ترى شوي بتبدا المباراه وليد : الا الحين جايكم بس انتم وين محلكم؟؟ تركى : احنا باستراحه عبدالرحمن ع طريق العزيزيه تذكرتها؟ وليد : ايه تذكرتها يلا انا الحين جايكم .. ويقفل الجوال.... وليد وصل للاسترحه الي كانوا فيها الشباب متجمعين ومتحمسين مع المباراه الي كانت حماسيه وكانوا يصارخون ويعلقون ع الحكم وع العيبه .. ومر الوقت .. الى ان صفر الحكم معلن انتهاء المباراه بخساره فريق برشلونه امام فريق ريال مدريد هنا الشباب الي يشجع برشلونه زعلوا وعصبوا وبدوا يحطون الوم ع الحكم . وعلت اصواتهم بين مؤيد وبين معارض ... وشوي شوي بدوا الشباب يستئذنون واحد وراء الثاني الى ان فضت الاستراحه.. ومابقى الا وليد وتركى وعبدالرحمن وراكان.. راكان : شباب انا رايح اجيب لنا عشاء تبون مشاوي؟ تركى : اي شئ يابن الحلال يسد الجوع بس .. راكان : يلا اجل لاحد يروح ربع ساعه اجيب العشاء واجي وليد:راكان ..تكفى مر ع اي محطه وانت جاي وجيب معك علبه زقاير .. تركى يلف عليه: انت ماتقولي متى تبطل هالزقاير الي يتذبحك ؟ وليد :قريب ان شاء الله.. ادعولي عبدالرحمن: الله يفك منها.. وليد: امين تركى : بندعي لك.. بس لازم يكون عندك عزم تتركها .. ياخي انت كذا تنتحر بالبطئ وليد: خلاص يابن الحلال مايسوي علينا زقاره عطيتنا هالمحاضره.. تركى يناظره : ابي مصلحتك ياخوي.. هنا عبدالرحمن يقاطعهم : تركى .. تركى : هلا عبدالرحمن : نسيت اقولك الاهل موصينى يبغون رقم الوالد ه .. تركى وهو مستغرب: ليش؟ عبدالرحمن وهو منحرج : احم .. بصراحه طالبين القرب منكم.. تركى وهو مصدوم: لنا الشرف والله بس لمن لك ولا لاخوك؟ عبدالرحمن : لي انا .. بصراحه انا من زمان ادور ع عروس .. وبعرس راكان الاهل شافوا اختك وكلموني عنها .. وانا مراح القى احسن منكم نسب تركى : لنا الشرف والله.. ولو هي ذبيحه ماعشتك بس والله الشور مو بيدى بيد ابوي والبنت هنا وليد الي من سمع الكلام حس كأنها صاعقه وطاحت ع راسه وماقدر يستحمل : يلا شباب انا استأذن تركى يناظره وهو مستغرب:وليد اقعد وش فيك؟ وليد: لاتذكرت شغله ضروريه ولازم اروح تركى : طيب انتظر العشاء الحين بيجي تعشى بعدين روح وليد : لالا تعشوا انتم يلا سلام.. ويطلع وليد وهو حاس انه مخنوق ومايدري شيسوي .. تركى الي كان يناظر وليد .. وحس ان وليد فيه شئ ولكن ماحب يبين لعبدالرحمن عبدالرحمن : يلا عطني رقم الوالده تركى يفتح الجوال يلا سجل عندك ..055 وليد وهو بالسياره وكان خايف منال توافق ع عبدالرحمن لانه صديق اخوها تركى واكيد تركى بيقنعها وبتوافق وهنا حس وليد ..ان منال راح تروح من يده.. ياربي وش اسوي .. وش الحل ؟؟ ليتنى ماقلت لامي تأجل الخطبه وبهالحظه يدق جواله ..وليد وهو يناظر لشاشه الجوال : ( تركي طلال.. يتصل بك) وليد يحاول يسوي انه طبيعي: هلا يابو طلال تركى: هلا وليد. اسمع وليد : هلا تركى : ابيك تمرنى بكره بالمكتب عندك شئ؟ وليد: لاعادي اقدر استأذن واجيك.. تركى : خلاص انتظرك وليد : اوكيه ع خير.. ويقفل وليد الجوال وهو حاس ان الدنيا تقفلت بوجه ويروح لبيتهم واول مادخل الفله صار يدور ع امه بكل مكان بالفله هنا تذكر وليد انهم طالعين يتعشون احتفالاً بشهد وعرف انهم الى الحين مارجعوا .. وليد يدخل غرفته وهو متوتر ويمسك الجوال وده يكلم منال ويعترف لها بكل شئ بس ماقدر يسويها ..أه يمه وينك وهنا يرمى نفسه ع السرير وصارت الافكار توديه وتجيبه لحد ماغفى ونام وهو ماحس بنفسه بعد ساعتين ..وليد الي صار يتقلب وفجأه يقوم شاف نفسه نايم بالبنطلون والتيشرت والجزمه هنا يناظر الساعه وكانت الساعه 1 اليل.. وليد يقوم للحما يغسل وجه ويغير ملابسه وينزل ع الدرج بخطوات ثقيله ومهمومه و حاس انه موقادر يمشي ويدخل للمطبخ ويسوي له كافي لعل يصحصحه شوي .. وليد الي كانت حالته حاله يقعد بالصاله.. وكانت الصاله وقتها شبه ظلام و مافيه الانور خافت جاي من أخر الصاله .. وكانت عيون وليد ماتشوف الا سواد.. مثل ماسودت الدنيا بعينه واظلمت وصاريفكر لومنال راحت من يده كيف بيعيش؟ ومر عليه الوقت وهو موحاس بنفسه وماصحى من كابوسه الا ع صوت اذان الفجر الي صدع بكل مكان وزاويه بالفله .. هنا وليد ينتبه لنفسه وخاف احد يشوفه بهالحاله ويطلع لغرفته ويغير ملابسه وينزل لصلاه وبعد الصلاه صار يمشي بسيارته من الى الى ان وقف بسيارته ع طريق الكورنيش وصار يتأمل منظر البحر الهادى والسماء الي تزينت بطلت الشمس عليها والي بدت تشرق شوي شوي وترسل خيوط اشعتها ودفئ نورها في كل مكان وبهدوء وخفه.. وليد وهو حاس ان راسه بينفجر من كثر التفكير هنا يتذكر تركى الي قاله يمره بمكتبه و يناظر الساعه الي كانت 6 ونص وليد يمسك الجوال ويدق ع تركى الي كان توه طالعه من البيت بيروح الدوام تركى وهو يفتح باب السياره .. يرن جواله هنا يطلع الجوال من جيبه وصاريناظر ( وليد. يتصل بك) تركى يرد: هلا وليد: هلا ..صباح الخير تركى : صباح النور وليد: انت وينك بالمكتب ؟ تركى : لاوالله انا توني طالعه من البيت وليد : خلاص اجل انا سابقك ع المكتب تركى وهو يناظر الساعه حس ان الوقت بدري : يلا انا جاي الحين .. ويقفل الجوال .............................. ............ وليد يوصل لمكتب تركى وصار ينتظره بسيارته وهو يفكر ياترى وش يبي تركى منه؟ بهالحظه يوصل تركى المكتب ويسفط بسيارته وينزل .. وينزل وليد ويسلم عليه ويدخلون لمكتب تركى بمكتب تركى.. تركى: وليد تشرب كافي ولاشاهي؟ وليد: ايه تكفى ابي كافي يعدل راسي .. من امس مارقدت تركى: سلامات ليش؟ وليد هنا يتلعثم : مدري ياخوك جاينى ارق مو طبيعي .. تركى يناظره بنظره غريبه .. الله يعينك .. ويرفع السماعه ويطلب من المقهوجي يجيب لهم 2 كاس كافي وبعد ماوصل الكافي .. وليد يأكل حبتين بندول ويشرب كافي وكان وقتها تركى قاعد يناظره وليد : ايه تركى وش الموضوع الي تبينى فيه؟؟ ترى ماعندي الا نص الساعه واروح الدوام تركى وهو يناظر وليد : .. وليد .. انامن اكون بالنسبه لك ؟ وليد وهو يناظره ومستغرب من سؤاله: وش تقصد بسؤالك؟ تركى: جاوبنى انت الحين وبقولك وش اقصد.. وليد: امم اخوي الي ماجابته امي ولد خالي وحبيبي وكل شئ.. تركى : ههههههههه الله يسلمك اما حبيبى كثر منها وليد: هههه اجل ماتبي حبيبى ..خلاص اسحبها ياكلمه ارجعي مكانك تركى : اسمع وليد دامني مثل اخوك خلك معاي صريح وصدقني سرك في بير مراح يطلع لاي أحد.. وليد وهو مو فاهم شئ: تركى وضح .. المقدمات هذي كلها وش نهايتها؟ تركى : وليد لاتحسب اني غبي انا عارف الي يدور في بالك ومتأكد انك تبي منال اختي وتحبها صح انا بصراحه كنت شاك بس تصرفك أمس اثبت لي هالشئ.. وليد الي انصدم وهو يسمع كلام تركى: وش تقول انت؟ تركى: وليد لوخبيت ع الناس كلها مراح تخفى علي انا اكثر واحد عارفك وفاهم المهم مو هذا موضوعنا . موضوعنا تبي منال اختي تعال اخطبها وانا بصراحه اتمنى منال تكون عندك ولاعند غيرك وليد الي نزل راسه وحس انه مكشوف من تركى وكان منحرج منه.. وليد: والله ياتركى مدري وش اقولك دام اوراقى انكشفت قدامك انا بصراحه احب منال وابغاها بالحلال ..بس تركى: بس ايش؟؟ وليد: بس اخاف اخطبها وترفضني .. وهذا الي مخلينى للحين ما اتقدم لها اخاف تصدمني .. تركى : ياشينك انت وافكارك .. لو كل الناس تفكر زيك محد خطب وتزوج المهم خل هالموضوع علي .. انا الي راح اكلمها ولايهمك وليد الي حس انه مطمن لكلام تركى : متى راح تكلمها اليوم؟؟ تركى : هههههههه مستعجل ولاخايف من عبدالرحمن .. لاتخاف من ناحيه عبدالرحمن انا كلمت امي امس وقلت لها ان عبدالرحمن مايصلح لمنال.. ولو كلمتك ام عبدالرحمن قولي لها البنت رفضت صح عبدالرحمن صديقى ورجال.. بس انت اولى فيها من الغريب.. وليد: صدق الله يبشرك بالخير تركى : هههههه اثقل يارجال انا اخوها عيب وليد: ههههههههه الله يريحك قسم من امس ماقدرت انام تركى : ياخي انت معذب نفسك لو انك قايل لي من زمان كان ضبطت امورك وزوجتكم مير انت ذابحك الحياء .. وليد يناظر ساعته : ههههه يلا ياتركى انا رايح الدوام والله يخليك يابوطلال ولايحرمنا منك جمايلك ع راسي من فوق .. المهم اذا كلمتها رد علي تركى: احم احم اشوف ماجات هالدعاوي الا يوم ضبطت امورك وليد : هههههه اكيد وراك مصلحه .. يلا سلام ياحبيبي تركى: خخخخخخخخ من قال سالم ويطلع وليد من مكتب تركى وهو حاس انه مبسوط والدنيا مو شايلته ولكنه كان خايف ان هالفرحه تطير برفض منال له .. .............................. .................... .............................. .... في بيت ام فارس .. هدى الي وصلها مسج الي تبشرهم بقبولها بجامعه الطب والي ارسلته لكل البنات .. هدى .هنا. تقر انها تسوي احتفال بسيط لبنت خالتها شهد.. وتدق ع منال الي كانت من بعد رجعتهم من الرياض ..صايره انسانه هاديه وقاعده تتقبل واقعها شوي شوي هنا يدق جوالها .. منال وهي تناظر الشاشه ( هدى.. يتصل بك) منال ترفع الجوال وترد : هلا هدى: هلا منوله شخبارك؟ منال: بخير الحمدالله هدى: وخالتى ام عبدالعزيز شخبارها يوم جيتوها؟ منال : والله ماعليها طيبه .. انتي شخبارك؟ هدى :طيبه .. اسمعي منالوه نبي نسوي احتفال بسيط لشهوده وش رايك؟ منال: والله فكره حلوه متى؟ هدى: بكره ان شاء الله منال: اجل خلوها في بيتنا احسن عشانه فاضي هدى : اوكيشن بكلم البنات بس انتبهي تعلمون شهد بنقول جمعه بنات عاديه منال : اوكيه.. واتفقوا البنات ع انهم يسون حفله بسيطه بمناسبه قبول شهد بكليه الطب وباليوم الثاني تجمعوا البنات ( عهود & نوال& وعد& منال & هدى ) بدري.. قبل تجي شهد وكل وحده منهم البست بالطوا ابيض وسماعات اذن ... وجايبين كيكه بيضه مكتوب عليها ( مبروك يادكتورتنا) وكانوا مزينين الصاله بالبلونات البيضه نوال الي كانت تطل من شباك الصاله الي يطل ع الحوش هنا شافت شهد جايه.. نوال تصارخ جأأأأأأأت وبسرعه يطفون الانوار شهد تفتح الباب وتدخل وشافت الصاله ظلمه : هذولا وين راحوا ؟؟ ليكون بيتجمعون في بيت خالي ابو راكان وتوها بتطلع جوالها من شنطتها.. الا عهود تولع الانوار والبنات يصارخون: سبرايس ويركضون عندها ويضمونها ويسلمون عليها وعد: مبروك يادكتورتنا شهد: فديتكم والله .. الله يبارك فيكم هدى:شهوده ترى انتي احسن وحده فينا بتصيرين دكتوره ولا كلنا فاشلات نوال : هههههههههه انا اشهد الكل ههههههههههههههه شهد: واي اشكالكم تجنن بالبالطوا منال تجيب بالطوا شهد: هاك شهوده هذا بالطوك البسي خذي بروفه من الحين وعد:ههههههه احنا ترى تقليد بس انتي الاصل هدى بنات اقعدوا اقعدوا عندنا مشهد تمثيلي انا وعهود عن الطب عهود هنا تناظرهدى: انا هدى : ايه انتي تعالي بس .. نوال : يلا.. لاتأخرون ترى نبي نأكل الكيكه بسرعه هدى وهي ساحبه عهود معها ورايحه للمطبخ: لالا خمس دقايق بس بالمطبخ .. عهود: هدى وش مشهده وانا وش دوري؟ هدى : اسمعي انتي روحي واقعدي بالصاله .. عهود وهي تتكتف : وبعدين ؟ هدى : اسمعي يالخبله لاتستعجلين .. انتي الدكتوره شهد طيب وانا المريضه بكون مصابه وبجي اركض بقول دكتوره دكتوره وانتي يعنى تسعفيني .. عهود: ياسخفك بس وش هالمشهد فاشل هدى: انتي اسخف ..روحي بس خلينا نستهبل شوي عهود: طيب امري لله.. وراحت عهود بالصاله هدى تحوس بالمطبخ وتدور ع علبه فيمتو .. وتناظر الشغاله لينا الي كانت واقفه وتناظرها هدى : لينا فيه عصيرفيمتو معلوم؟ لينا: ايوه فيه معلوم .. و تروح تجيب علبه الفيمتو وتعطيها هدى هدى تأخذ علبه الفيمتو وتحطه ع وجها وتسوي انه دم وانها مصابه بهالحظه يدخل تركى من الباب المطبخ الخلفي بعد ماراح من باب الصاله وقالت له منال انه فيه بنات بالصاله .. تركى الي اول مادخل كانت هدى واقفه و معطتيه ظهرها وقاعده تخبص بوجها من الفيمتو وكانت لابسه البالطوا الابيض تركى هنا صار يناظر ويقول بنفسه وش ه الدكتور الي عندنا ؟ تركى: احم ياولد هدى هنا لفت بسرعه عليه وكان وجها كله احمر من الفيمتو تركى هنا اختلع .. وصار يدقق بالملامح و عرف انها هدى وخاف عليها.. ع باله تنزف ولاشئ ونسى نفسه : بسمله عليك وش فيك ؟ ويقرب ناحيتها.. هدى هنا تشهق وتغطى وجها وتصارخ : لالا وخر عني تركى: وش هالدم ؟فيك شئ؟ هدى تبي تهرب منه و ماتقدر لان واقف بوجها هدى وهي مغطيه وجها بيدها: لالا مو دم فيمتو وخرا.. تركى هنا شاف علبه الفيمتو الي ع التيبل وسمعها تقول مو دم فيمتو.. فهم السالفه و رجع ع وراء وصار يضحك ضحك هستيري هدى هنا طلعت تركض من المطبخ وراحت للبنات بالصاله تصارخ تركى كان ميت ضحك عليها ويقول بنفسه:هههه قسم هالبنت سفاحه.. وكان يفكر وش ناويه تسوي؟ ويناظرالشغاله لينا الي حضرت الموقف وكانت تضحك معه تركى يناظر لينا: مجنون هذا بنت صح لينا تضحك وتهز راسها بايه.. عهود الي كانت قاضبه الوصيه ومسويه انها الدكتوره شهد شافت هدى جايه ناحيتها تركض و وتمسكها : تعالي ياحبيبتى لاتخافين انا الدكتوره شهد راح اعالج جروحك هدى الي فاقعه ضحك ومنحرجه بنفس الوقت : وخرى والله انتي خبل وموصى .. وتقول للبنات السالفه .. هنا البنات فقعوا ضحك ع موقف هدى خخخخخخخخخخخخخخخخخخخخخخخخخخ منال : وانتي دايم مسويه لاخوي افلام مرعبه هههه هدى : اه ياقلبي .. دكتوره شهد عالجينى تكفين وتطيح ع الكنب شهد الي كانت فاهمه قصدها : هههه لا اسفه علاجك مو عندي انا ماعالج مرضى القلوب هدى تقوم وتناظره وهي منحرجه: وجع وش تقصدين ؟ عهود: ههههههه اقول روحي غسلي وجهك بس.. صاير كنك طمطوم الكل ههههههههههههههههههههههههههه وكانوا كل البنات فاهمين هدى وعارفين وش فيها حتى لو ماصرحت وقالت كانت حركاتها العفويه وبرائتها دايم تفضحها وتفضح مشاعرها.. ْ~ مدري هو إن العيب في شَرح الإحسآس ولاّ النفوس من الحقيقه / خجوله ! ْ~ |
|
|
#80 |
|
|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
وآآآآآآآو الله دمار يسلموا ايديكِ حبيبتي بس يلا وين البارت التاني متحمسه اشوفه سي يا |
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ