 |
  |
|
|
|
|
#96 |
|
|
رد: رواية عذابات روحي تحكيها جروحي
[البارتـ الـ........] عابرة سبيلٍ رماها الزمانُ على أكفِّ الرحمة، أصبحتُ أرتجي رحمتهم !!أبحث عن ملاذٍ يؤويني بعد أن ضحيتُ بنفسِي لأجلهم ، لكنهم لم يأبهوا لي وبـآعو قلبي بأرخصِ الأسعار وأبخسها... حست ببرد وهي تدور بالشقة ، ماعندها حتى ملابس شتوية ، سكان الجو هادئ بالمرة وهذا اللي خلاها تنعس وراحت تنام === في بيت ابوفهد الساعه 8 الليل /غرفة سارة تحديدا سارة : والله احسها سخييفة ملاك: جد رافعه راسها على مدري وشو .؟؟!! ماتعرف تشرح ولا أحنا اللي نصحح لها أخطائها وفوق كل ذا تهزئ وتنقص سارة:بالطقاق اللي يطقها أهم شي نخلص من هالسنة بخير ملاك: اي والله دق الباب ملاك:لحظة ساارة قامت ملاك من على السرير ،فتحت الباب فيصل: مساء الخير ملاك: مساء النور فيصل :خذي شاورمـآ داافية جايبها لك ملاك ابتسمت : تسلللم فيصل : منو تكلمين ؟ ملاك بخبث : وش دخلك ؟ فيصل:ابسحبب الشاورماا ؟ ملاك: لا والله مشتهيتها اكلم مرتك نذآكِر فيصل: آهـآ الله يوفقكم << فيصل كان وده يدخل ويسحب التيلفون ويسولف معاها بس لكما قالت له ملاك انهم يذاكرون خلاهم على راحتهم ومشى رجعت ملاك:يالله فيصل يشم ريحة صوتك سارة :هههههههههههههههههه ملووكه من جد فاصلة شلون يعني يشم ريحة صوتك ملاك:ههههههههههههههههههههههههه هههههههههههههههههههه الله يقطع ابليسسك سارة : وش فيه؟ ملاك: ابببد جاايب لي شاورمااا لذيذة ساررة : بالعافية ملاك: الله يعافيك ،يلا خل نكمل وتموا يذاكرون ========== في هالوقت الساعه 9 المسااء في بيت ابوتركي كان تركي طالع يجيب العشا وفي البيت بس هدى وجوليا ووليد ومنى جوليا بنرفزة:هدى وينك؟ هدى نزلت : هلا خالتي جوليا : تعالي بسررعه آآخخ هدى خافت عليهاونزلت بسرعه راحت جنبها:وش اللي يألمك خالتي ؟ جوليا:كله بسببك مو قايلة لك لا تغسلين الدرج بالليل هدى: خالتي مو انا اللي غسلتهـ جوليا:يعني الخدامة تكذب وانتي صادقة الخدامة: ماما هدى يقول لي انا يبي يموت ماما جوليا ويطلعها من بيت انا جوليا تسوي نفسها منصدمة:ها؟ هذي اخرتها خل يرجع ابو تركي واتفاهم معك ولا زوجك اللي مامنه خير الله ياخذه بحاد قاطعها صراخ هدى : لاتدعين عليه مااسمح لك جوليا : بعد طلع لك لسان والله لأوريك نجوم الظهر دخل تركي ومعاه العشا وهدى كانت تبكي بس ماخلته ينتبه لها صعدت تركض فوق هو رمى العشا وراح وراها خاف فيها شي الخدامة : اش رايك ماما ؟ جوليا بخبث :لك مني فلوس واجد اذا سويتي واجد مشكلة لماما هدى اوك؟ الخدامة تهز براسها :اوك ماما دخلت الحمام وقفلت الباب ومسحت دمعها وطلعت بعد ماحاولت تغير ملامحها ولا كأن شي صار طلعت من الحمام شافته جالس على الكنبه هدى من وراه :ويين سرحاان ؟ تركي رفع راسه:اسرح بمنو غيرك هدى بحيا: الله يخليك لي تركي: وش فيك اول ماسمعتي الباب ركضتي على الدرج ؟ هدى وهي ترقع السالفة:هااا ولا شي بس كان شكلي مو حلو ورحت اعدله قبل تلمحني تركي:اكيييد هدى : اكيدين تركي:طيب انا زعلان بالمرة عليك هدى :ليه؟ تركي: أولاً لا تركضي وانتي حامل لايصير فيك وفي البيبي شي هدى ابتسمت: ان شاء الله اخر مرة ثانيا وشو؟ تركي:انتي تعرفي انك بعيني انسانه ثانية يعني شكلك مهما كان يعجبني هدى : تسلم تركي: هدى اكييد هذا السبب ؟ هدى : يسس ،قوم يلا نتعشا مع خالتي مسكينة بحالها تركي: يلا ======= في الصباح الساعه 6 على الفطور وجدان : يمه دعواتك اليوم الاختباار صعب ام فهد: الله يوفقك يمه فهد:يمه انتبهي على نرجس لا تخلينها تتحرك واجد نرجس ناظرته وابتسمت نرجس : عشان البيبي بس صح فهد: عشانك والبييبي بعد نرجس:تسلم وجدان وهي تاكل التوست:سبحااان مغير الاحوال مااقدر على الفلم الهندي فهد بعصبية :وجداان وجدان : اوف خلاص سكتنا الكل قام يضحك على خبالها نزلت سارة وكانت لابسه عبايتها سارة:صباح الخير الكل:صباح النور ام فهد: وين يمه؟ سارة : الجامعه ام فهد:طيب تعالي افطري سارة : ان شاء الله باكل شي بالبريك ام فهد:حرام اللي تسوينه بنفسك يمه سارة باست راس امها وغمزت لها:لاتخافين على بنتك نزل خالد:صباح الخير<<باس راس امه الكل :صباح النور خالد:يلا سارة سارة : يلاا نرجس وهي متلثمه : انا بروح الشقة خالد:اجلسي انا بطلع ام فهد اشرت لها تجلس وجلست طلعوا وركبت السيارة خالد:كيف المذاكرة معاك؟ سارة:تعببببت والله هلكت خالد: الله يوفقكم سارة بخبث :انا وحدة ولا اخاف صيغ الجمع للاحترام خالد:هههههههه فاهمتني سارة:هههههههه ====== في شقة فهد مريم:حرام عليه يوم كامل تاركني لوحدي ماكلف نفسه حتى اتصل سمعت صوت الباب انفتح سوت نفسها لاهيه بالتلفزيون فهد بحزم:السلام عليكم مريم التفتت عليه:وعليكم السلام لحظات صمت بينهم فهد:فطرتي؟ مريم بقوة :يهمك؟ فهد:اكيد مريم:اسسفة ماعندي اي كلام معاك فهد:نعم ؟؟ الظاهر مو عارفتني عدل ع العموم بتطول جلستك هنا واهلي مابتعرفيهم بسرعه لان زوجتي حامل واخاف اذا قلت لها عنك يصير فيها شي مريم وهي تقوي حالها رفعت حاجبها وقالت بسخرية : عادي ماهمني كنت موجود معي ولا لاء فهد بعصبية:انتي وش فيك وش اللي مغيرك؟ مريم انفجرت وقامت تبكي مثل الطفلة :انت ماتحس مو كفاية اللي صار تاركني يوم لوحدي بهالشقة الفاضية انا مع الجدران واحد مو حرام علي<<ماكملت كلامها الاطاحت منهارة اسرع لها فهد وشافها ترتجف برد وشفايفها جافه باين انها مو ماكلة شي تذكر ان الشقة فاضية مافيها غير المويه رفعها ووداها الغرفة ترتاح كان بيدق على سعود بس تذكر لو درى سعود نرجس اختهـ فقال مالي الا خالد اخوي دق على خالد اللي كان بالمستشفى خلص شغله وجلس يشرب كوفي بهدوء دق جواله:هلافهد فهد:خالد تعال بسرعه ابيك؟ خالد بخوف :امي فيها شي ؟؟ فهد: لا انا مو بالبيت خالد:فيك شي فهد؟ فهد:تعال شارع .....حي ..... انا هناك وبشرح لك كل شي خالد:اوك جايك يلا باي فهد:وانت جاي جيب معاك رز من المطعم اوك خالد بتعجب:اوك سكر من اخوه وهو مستغرب منه طلع فيصل من غرفة المريض وقال:ياهوووووو ويين العقل ؟ خالد:فيصل اشتغل مكاني ساعه وراجع فيصل بتعجب : اوك طلع خالد بسرررعه اما فيصل تم يفكر وش فيه خالد شاف بنت جايه عنده :الدكتور خالد موجود ؟ فيصل:مستأذن انا مكانه البنت :اهاا اذا رجع قول له في وحده تبيك ضروري فيصل:لا ياشيخة وش تبين بهـ؟حركات البنات السخيفة خالد مايعرفها متزوج الرجال البنت :والله ماابي منه شي بسأله بس سؤال ؟ فيصل:خير اختي مريضة ؟ البنت: لا بسأله عن فهد اخوه وين ساكن؟ فيصل:هههههههههههههههههههههه يعني وين في بيتهم طبعا البنت هاذي سمر اخت مريم والحين يمكن فيصل يعرفها / تابعوني ببارت جديد والاحداث الجديدة ان شااء الله كثييرة جوليا اش خطتها الجديدة اللي بتخلي البيبي اللي ببطن هدى يطيح ؟ فهد وش بيقول لخالد وكيف بيفسر له الموقف وخالد اش ردة فعله ؟ فيصل وش راح يعرف من سمر ؟واذا اكتشف الحقيقة؟وش بيصيير ؟وخصوصا ان عمار يتحدى فيصل ؟ الاحداث تحتدم وكل شي بالبارت الجاي ترقبوهـ |
|
|
#97 |
|
|
رد: رواية عذابات روحي تحكيها جروحي
يـآدنيتي كـآفِي عذآب أمنيه شفت بسببها العتـآبـ وياخوفي تفرقني عن الأحباب والأصحابْ سمر:انـآ اتكلم جد اذا رجع خالد قول له سمر الـ...... تبيك ضروي فيصل:بصفتك منو؟ سمر:أخت زوجة أخوهـ<xd فسروها فيصل بصدمة:شنوو فهد متزوج؟؟؟!! سمر:ايه انا اخت زوجتهـ أبي خالد يدلني عليها طلبتك اذا تعرف وين مسكنها والله محتاجه لها<<قامت تبكي فيصل وهو محتار:خلاص اختي ارجعي البيت بس ادري وين اقول لك سمر:اوكـ طلعت من عنده وهو محتـآآآآآآآآر وبرااسه مليون فكرة ======= وصل خالد المكان اللي وصف له فهد وشافهـ خالد بخوف:هلا فهد فيك شي فهد:تعال معي خالد:وين؟ فهد:لشقتي؟ خالدوهو يمشي معه:فهد جنيت شقتك هنا؟ فهد: أنــــــآ متزوج ياخالد خالد وقفهـ وقال:وش قلت ؟متزوج ومن متى؟ ومنو ماخذ ؟وليه ماخذ على مرتك فهدوهويفتح باب الشقة :أنـــــــآ متزوج وصار لي يومين تزوجت أبي عيال خالد:بس مرتك حملت قبل يومين اللي افهمه انك ماتبيها فهد: يوم اللي يأست ورحت اتزوج البنت بنفس اليوم طلعت نرجس حامل خالد وهو يحط يدينه على راسه رجع لورى وغمض عيونه وقال:وش هالمشكلة اللي طيحتنا فيها ياخوي انت تدري ابوي وطبعه فهد: مو هذا المهم المهم مشكووور ماقصرت بروح اخليها تآكل من يومين مااكلت ولاشربت شي غير ماي خالد بصدمة:فهد انت شتقول حارمها من الاكل حرااام عليك ظالم ياافهد فهد:يكفي عتاب ياخالد يكفِي خالد بحدة :قوم لها قوم فهد دخل عليها شافها صحت حط الأكل جنبها قال: أكلي أخوي خالد هنا بيدخل يسلم عليك مريم بضعف هزت راسها باايه وتلثمت دق الباب خالد ودخل وهو منزل راسه خالد:السلام عليكم مريم بصوت خفيف:وعليكم السلام خالد: أخبارك الحين ؟ ان شاء الله تمام مريم : الحمدلله خالد:سامحينا على القصور مريم:معذورين ياخوي خالد:يلا استأذن ماتشوفين شر مريم:الشر مايجيك فهد:خالد ابيك لحظة طلع مع اخوه الصالة فهد:خالد الحين مشكلة أبوي اذا عرف وزوجتي خالد:يافهد غلطتك ماهي بسهله فهد:مافي الا حل واحد خالد:وشو؟ فهد:اطلقها خالدبعصبية: تطلقها؟؟!!انت فاكر بنات الناس لعبة بيدينك فهد واجه امي وابوي بالحقيقة فهد:انت مجنون تبي ابوي يطيح بالمستشفى خالد:غلطتك ياخوي ماتتصلح بطلاقها خل نرجس تولد ونخبرهم بعدها فهد:هذاا رايك؟ خالد:اييه بس عيشها بأمان وكل شي وفر لها ولا تتركها فهد:آآوك نشوف خالد:يلا اخليك روح جنبها واهتم بها فهد :مع السلامة مشكور ياخوي ماتقصر ضمه خالد وقال:واجبي يااخوي طلع خالد وهو شايل هم أخوهـ === الساعه 4 العصر الكل مجتمع ببيت ابوسعود البنات والحريم بالصالة والرجال بالمجلس في الصالة ام سعود:من زمان عنكم ام فهد:ياختي العيال عندهم اختبارات هذآ اللي خلآنـآإ مانجتمع ام سعود: معذورين ياختي ألا أخبار فيصل ياختي ان شاء الله تعافى ؟ ام فيصل:الحمدلله بخير بعده ياخذ العلاج ملاك:احم احم بسسكم لاتطرون حتى اسمه سارة انحرجت وقالت:ملييك اعقلي ترآ حتى أنـآ بيدي مفتاحك ملاك:وش بتسوي ؟ سارة طلعت الجوال بتدق على خالد ملاك: لا والله خلااص ريم:هههههههههههههههههههه شحلاتكم بسس لولوة:اعصاابك انتي شمسويهـ بعقل أخوي مطيرتهـ ريم انحرجت الكل قام يضحك وجدان:وين هدى ؟ ريم :كلمتها من شوي الحين بتجي تركي بالموت رضى لها لأنها تعباانهـ بس حاولت فيهـ والحمدلله رضى تجي ==== في بيت أبوتركي هدى : يلا خالتي جهزنا جوليا:لحظـــــــــة هدى:منى وينك؟ تركي:وش فييك مستعجله؟ هدى : اشتقت لأهلي اشتقت للبناات الله يهديك بالموت تخليني اطلع والله انا والبيبي بخيير تركي يسوي نفسه متضايق : يعني جلستي معك مملة ؟؟ هدى ابتسمت:لآآآآآ ميين قال ؟ انا بس اقول خلني اطلع تركي:لا خلاص زعلت يلا بوديك الحين وعلى راحتك بالرجعه هدى ببراءة:لا تركي والله مااقصد لا تزعل خلاص انا بظل شالت لثمتها من عليها والعباية بعد تركي ماتحمل وانفجر ضحك:هههههههههههههههههههههههههه هههههههههه بسرعه تصدقين هدى كشرت:تلعب عليي اوريك راحت لعنده وضربتهـ وتركي مسوي حـآله يتألم يعني وهي ضرباتها كأنها طفلة جاءت جوليا:والنهاية مابنمشي ..الحمدللـه والشكر بزارين تركي:واللــه يامرت أبوي ..أنــــــــــآ وزوجتي أحرار باللي نسسويهـ يلا مشينا ======= في مجلس الرجـآل ابوسعود:واللـه فقدنا أبوتركي ابو فهد: ان شاء الله يرجع بالسلامة سعود:اقوول شباب وينهـ فهد؟ خالد: قال لي اعتذر منهم عنده شغل هاليومين سعود: كثــرانهـ أشغاله وش عندهـ؟ فيصل يهمس لخالد:ترآ عرفت السالفه كلهـآ خالد:اش تتكلم عنهـ؟ فيصل:عن فهد اقول لك بعدين صراخ ابوفهد:ياخالد يافيصل خالد وفيصل اخترعوا:سم ابو فهد:سم الله عدوك ،احنا بنروح الشركة وانتو وصلوآ أمهـآتكم وأخواتكم خالد وفيصل: ان شاء اللــَّه ===== في شقة فهد فهد:مريم سامحيني على اللي صار مريم : مسامحتك مااحب اشوف احد ينكسر بسببي فهد:انا عارف ان اخوك عمار اجبرك بس صدقيني رح اعيشك احلى حياة بس ابيك توعديني انو مهما صار تتحملي مريم وهي مبتسمة:أوعدك بس انت اوعدني ماتتركني اببد فهد ضم المشردة وقال: أوعدك ========= الساعه 9 المسـآء قام الكل يطلع من بيت ابو سعود فيصل وخالد بسيارة وحدة جايين ركب الكل السيارة خالد:أخبارك خالتي ؟ ام فيصل:بخير الحمدللـه وانت اخبارك يمه؟ خالد : الحمدللـه التفت على ملاك خالد:أخباار ملووكتي؟ ملاك ووجهها انصبغ احمر:الحمدلله ام فهد:اخبارك يمه فيصل؟ فيصل:الحمدلله بخير خالتي انتي اخبارك؟ ام فهد: الحمدللـه بخير فيصل يناظرها من المراية :اخباار الحلووة ؟ سارة بارتباكـ: الحمدلله دق الجوآلـ خالد:هلا شنووو وش فيه؟؟ انتهى الباارت |
|
|
#98 |
|
|
رد: رواية عذابات روحي تحكيها جروحي
البارت الخطييير
خالد:خلاص انا جااي يلاباي ام فهد:يمه خالد وش فيك؟ خالد:ها لايمه ولاشي بس واحد من ربعي مسوي حادث ام فهد: وش صار عليه؟ خالد:مدري يمه مدري فيصل ناظره وبهمس قال:فهد؟ خالد هز راسه:اييهـ فيصل : وش فيه؟ خالد وهو يشغل كاسيت قران ويعلي عليهـ:بعدين اقول لك خل نوصلهم اول فيصل:اوكِ ملاك وهي تلتفت على خالتها :خالتي خلي سارة معانا اليوم تنام خالد:انتي تعالي ملاك:لا اليوم سارة ام فهد :على راحتكم خالد:اوك بكرة تجين انتي ؟ ملاك:اوك وصلوا ام فيصل ونزلت مع سارة وملاك اما وجدان مارضت تجي معهم تبي تنام بكيير اا هم بيسهرون ووصلوا ام فهد ووجدان البيت ==== في السيارة خالد حكى لفيصل السالفة خالد:مدري وش مسوي؟ فيصل:اهدأ ياخالد بديت توترني وينها شقته بعييدهـ؟ خالد: ايه شوي ==== في بيت ابوسعود في غرفة ريم ماسكة الجوال ريم:والله مدري على راحتكم انتو؟ لولوة:والله ودي قريب ريم:على راحتك بس عطيني خبر قبل لولوة:اوك يلا باي جـآء مازن ريم بخجل : باي ===== في بيت ابوتركي في شقة تركي وهدى جالسين على التلفزيون ومبسطين هدى : تركي تركي:هلـآآ هدى:ودي نطلع بكرة نشتري اغراض للبيبي تركي:من عيوني آمري يـآ أم محمد هدى:صدددق اذا ولد بتسميه محمد ؟ تركي:اييه محمد يذكرنا بالمرحوم الله يرحمه خصوصا انه يشبهك اكيد هدى : يالله جد وناااااااااااااااااسه تركي:بس هدهدي اوعديني ماتنزلين تحت وانا مو موجود هدى:اوك بس خالتي تحتاجني تركي : ماعليكِ من احد انتي قفلي باب الشقه وبس هدى ابتسمت:تـآآمر أمرر تركي:يسلمووو لي ======== في شقة فهد خلوووه الله يخليكم ماسوا شي طلعوه وجلست بالزاوية تبكي ودموعها على خدها دقت على عمار مريم:عمار الله يخليك اخذوا فهد تعال الله يخليك عمار : وش دخلني به؟ مريم:عمار هاجموا البيت حرام عليك تعال؟ عمار:اقول يلا بسس <<سكر بوجهها هذا اللي صار من شوي وهي تسترجع الاحداث مالقت الا خالد وصل خالد وكان معه شخص ثاني تلثمت وعيونها الحمرة اللي وااضحه مريم:الله يخلييك روح لهم اخذوه بيقتلوه الله يخليك خالد:اهدأي يامرت اخوي اهدأي وسمي بالله راح جاب كاس مويهـ وحطه على الطاولة :اشربي مويهـ وسمي بالله قفلي الشقة عليكِ بروح اشوف وش صار؟ فيصل:اختك بتجيك كل يوم ان شاء الله كلمتني اليوم مريم:صدق ؟ فيصل:ايه والله يلا اخليك خالد:قفلي الباب وخذي هذا رقم جوال فيصل اي شي تبينه وما رديت دقي على فيصل ولد عمي أوك مريم:اوكٍ ========== جالسه تدور بالشقة تبي تناام تعباانه بس كيف تنام وفهد مو بالشقة ولا حتى قال لها بيجي ولا لاء؟ دقت عليه مرة ثانيه<<الرقم الذي طلبته لايمكن الاتصال به الان>> نرجس:اوووووووووف وش فيه مايرد..؟؟ان شاء الله خير ============ في مركز الشرطة الضابط:اعترف قلت لك بلا لف ودوران فهد:والله ماعندي شي الحين اعطيهم ومو انا اللي بقتهم الضابط: وش تفسر وجود اغراضهم بسيارتك لا بعد شقتهم اللي حاجزهاغصب عنهم فهد:منو قال؟ انا ادفع لهم كل شهر الضابط :والنهايه دق الباب الضابط:اهل المتهم موجودين اخليهم يدخلون الضابط: ايه دخلوا فيصل وخالد:السلام عليكم الضابط:اوووه فيصل وخالد ياهلا فييكم فيصل:هلا بك زوود باسم الضابط باسم:انتم اهله؟ خالد:اخوي الضابط باسم :سامحوني بس متهم بسرقة خالد:وشو؟ الضابط:ممتلكات الجيران وصاحب الشقة خالد :منو قال؟ الضابط:كل الادله تثبت هالشي فهد:والله يخالد ماسويت شي خالد:ادري ياخوي اوك انا بكفله وبدفع لهم اللي يبون الرجال:50000 الضابط:لا مايصلح ابتزاز اقل من 5000 ماتقدر الرجال: اوك 5000 وعطاهم المبلغ وطلع فهد بعد ماشرطوا عليه يدفع شهرين ايجار الشقة رجع فهد الشقة واتصل على نرجس وطمنها وقال لها انه مع ربعه في شغل وتطمنت ونامت ورجع مع مريم وقال لها ك اللي صار وطمنها ===== في بيت ابوفيصل كصعدوا فوق يجيبون الشبساات والكاكاوات والغازيات ملاك:سووووويررر جيبي الجالكسيي الاحمر لي ساارة:اذا سبقتيني صار لك وحملو الاغراض وقامو يركضو على الدرج وملاك تلحق سارة اللي مو عارفه بالموت تمشي من الاغراض نزلوها كلها بيتابعون الفلم عليها دخل فيصل البيت وسمع حركة في هاللحظة ملاك:سااااااارة في موييه اخر الدررج سارة ماسمعتها وانزلقت وبتطيح بالارض طاحو كل الشوكلاتات وهي صدمت بشخص عرفته من ريحة عطره رفعت راسها:فيصل؟؟ فيصل:عيونه؟؟ سارة نزت راسها وبعدت عنه ونزلت تجمع الكااكاوات وهو نزل يجمعه معاهاا ملاك :ههههههههههههههههههههههههههههه ههههههههه والله اشكالكم توووحفففه انت وياها في الطييحة فيصل:اقول لايكثثر بسس سارة:كل منك ملووكه فيصل:ههههههه اهدأي حبيبتي ماصار شي سارة تقوم بصعوبه فيصل ناظر رجولها:تألمك ؟؟ سارة :اييه التوت ملاك جابت الضماد وجلست تلفه وفيصل يساعدها فيصل:اوقفي عليها الحين سارة وقفت بصعوبه:احسسن من اول ملاك:سامحيني حبيبتي والله مو قصدي سارة ابتسمت لها :مازعلت منك ملاك:نروح نشوف الفلم سارة :يلا فيصل: وانا مطنشين وجودي مافيهـ عزيمة لي ؟ ملاك:اوكِ تعال فيصل:لآ برووح اناام بكرة وراي دواام عندي عملية بكرة يلا تصبحون على خير سارة وملاك: وانت من اهله فيصل : انتبهي على حالك اوكِ حبيبتي سارة بخجل:اوك صعد فيصل غرفته يناام وهو يفكر بموضوع فهد اما ملاك وسارة جلسوا بالصالة وبسطووا ع الفلم مع الشيبساات والخربطيشناات ===== بعد مرور شهر على الاحداث في الصباح الساعه 8 فهد:يلا حبيبتي مااوصيك على نفسك انتبهي لحالك وللبيبي اللي ببطنك نرجس:اوك فهد بس طمني اول ماتوصل باس راسها وطلع لبست عبايتها وطلعت وراه فهد بس راس امه ويدينها:يلا يمه مع السلامه ام فهد:الله يسلمك يالغالي انتبه على حالك يمه بارده امريكا اخذت لك لبس دافي فهد: ماقصرت ام جاسم جهزت كل شي نرجس استحت ونزلت راسها ام فهد:الله يخليكم يارب ويخلي لكم عيالكم وتبلغون فيهم نرجس وفهد:ان شاء الله فهد يلتفت :ويين سارة وخالد ووجدان ؟ ام فهد:نايمين اليوم الجمعه اجازة اخوك والبنات اجازة بعد فهد:رايح اسلم عليهم راح لغرفة اخواته بالاول دق الباب صحت سارة وفتحت الباب سارةوفيها النوم:هلا فهد وش فييك ؟ فهد:يلا يالغاليه مع السلامه سارة :بتسافر ؟ فهد:اييه لمدة شهر وراجع بعدين عندي شغل اهتمي بنفسك وبأمي وبنرجس مااوصييك سارة وهي بتبكي :لييه تطول ؟ ضم فهد اخته وقال:شسوي ياختي شغل ادعي ارحع بالسلامه بعدين ابي اشوفك اخر مرة مبتسمة مو زعلانه ابتسمت سارة :تروح وترجع بالسلامه جلست وجدان وقامت تسلم عليه وجدان:فهوووووووودييي والله بشتااق لك ناظرتها نرجس نظرة خلتها تقوول:بس بس بلا غيره بلا وجع خلاص سحبت كلامي فهد:هههههههههههههه الله يقطع شرك وجداان ضمت اخوها وقالت :مع السلامه انتبه على حالك فهد بابتسامه : ان شاء الله سارة :اتصل علينا اول ماتوصل وجداان :احم احم مرته هنا سكتي لا تذبحك الكل:ههههههههههههههههههههههه فهد:اوصيكم على نرجس اهتموا فيها ولاتتعب سارة :نرجس بعيوني يخوي نرجس: تسلم عيونك حبيبتي فهد:بروح اسلم على خالد راح غرفة اخوه دخل يـآآآآآآآه من زمان مادخلها غرفة الطفولة كيف كانو يلعبو فيها بالرم من ان الاثاث تغير بس ملامح الغرفه ماغيرها الزمن وخالد البزر الحن صار رجال وقريب يتزوج وتصير عنده عيلة شاف الغرفه هادية وخالد نايم بتعب تردد انه يصحيه بس تذكر الشي اللي بيطلبه منه وصحاه حركه :خالد خالد اصحى ابيك ضروري جلس خالد وعدل وضعيتهـ:هلاا فيك شي؟ فهد:ههههههههههههههههه قول صباح الخير بالاول خالد:ياخي مجلسني من النوم عشان صباح الخير فهد:ههههههههههه<<وبحده قال: لا موضوع ثاني انتبه خالد لصوت اخوه وقال: خير ي شي؟ فهد:خالد ياخوي انا بسافر اليوم لمده شهر امريكا عندي شغل هناك انتبه للوالدهـ وللوالد ولسارة ووجدان وانتبه على حالك وحريمي انتبه عليهم وخصوصا مريم وحيدة الحين اوك خالد:بس صعبه اروح واجي عليها فهد:تحمل الله يخليك عشاني خالد:اوك من عيوني ياغالي فهد:تسلم عيونك ضمه خالد وتموا فتره فهد:بشتاق لكم خالد:احنا اكثثر ياادووب بتوحشناا فهد:وانتو اكثر والله ،لاتنسى خالد انا بروح لمريم الحين وبوصيها اي شي تبيه تطلبه منك انت عارف اخوها وطبعه ماعندها غير الله ومن ثم احنا نزل وودع الكل ومشى راح لشقته الثانية اول مادخل :مريومتي ويينك ؟ مريم كانت نايمه بعمق من سمعت صوته فززت وقاامت بسرعه:صباح الخير فهد:صباح النور مريم :غريبه جاي هالوقت ؟ فهد:اشتقت لك وجييت الشوق جابني مريم :لا والله جد وش فيك فهد؟ فهدقرب منها وحط يدينه على كتوفها وقال:مريم عندي شغل لمدة شهر بأمريكا واليوم بسافر انتبهي على حالك اي شي تبينه اتصلي على خالد اخوي اعتبريه اخوك وهو مابيقصر معك . مريم:هااااااا شنوو تقوول ؟؟ لحظة فهد ليه الحيين ؟؟وانا مع مين ابقى ؟. فهد: كلمت اخوك بيجيب اخوانك معك ياسر وسمر مريم بفرح:صدددق فهدابتسم:اي والله وقلت لك اي شي تبيينه قولي لخالد اوك مريم بحزن:اوك بس طويل شهر فهد:سامحيني حبيبتي غغصببن عني مريم:انتبه على حالك ودق علي اول ماتوصَل فهد:ان شااء الله طلع من جيبه فلوس وعطاها :بتحتاجينهم مريم :فهد الله يخليك لاتقطعني اتصل فهد: ان شاء الله حبيبتي يلا مع السلامه باس راسها وطلع بعد ماهدأها لانها قامت تبكي ====== في الظهر الساعه 1 وصل عمار وجاب اخوانه لشقتها اول مادخل ياسر:ماااااااااااااااااااامااا ااااااا مريم مريم ضمته بلهفه وقالت:ياعيوووووووووونهااا انت وضمت سمر اما عمار فسلم وطلع سمر:اشتقت لك موووت ريوومه مريم : وانا اكثثر ياااعيووني اخبار ياسر بالدراسة وانتي اخبارك ؟ سمربحزن:الحمدلله ماشي الحال مريم:فيك شي؟ سمر:عمار مايرضى يعطي ياسر مصروف ولا انا يعطيني قمت اعطي ياسر فطوري بالصباح عشان يفطر به مريم ضمتها :حبيبت وانا ويين ؟ سمر:والله لو ماامساعدة هالعايلة الطيبه كان ماعرفت وين رموك؟ مريم:وش قصدك؟ سمر:واحد من اهلهم اسمه فيصل هو الل قال علمني وين شقتك ولا عمار مو ناوي اببد يجيبنا وجيتنا دفع ثمنها زوجك فهد لعمار اخوي مريم: يالله لييه عماااااااار تغييير سمر:يااااارب يلا قاطعتها مريم:لا حبيبتي ل تدعين عليه يظل اخونا وان شاء الله يرجع بيوم من الايام لوعيه قاموا يسولفون وجهزوا الغدآ وجلست مريم تذاكر لياسر وسمر راحت تنام وترتاح حست بالاماان جنب اختها ===== في بيت ام محمد حساام:يبه الله يخلييك ابومحمد:اعققل قلت لا اهتم بدراستك حسام :يبه وش فيها اذا اشتغلت معاك؟ ابومحمد :بس تخلص دراسه انا اعينك وش تبي بعد؟ حساام : اوووف دق جوال بسام اللي كان يضحك على اخوه بسام:هلا فرووس فارس:هلا فييك يلا مشينا بسام:اوك ا م محمد تأشر له خل يدخل بسام:تعال سلم على الوالد والوالدة فارس:اوك يلا باي دخل فارس وسلم عليهم ام محمد:هايمه فارس وين رايحين؟ فارس:نتونس بالبحر بس ام محمد :اهاا الله يجعل ايامكم كلها وناسه الكل:اميييييين ابومحمد:انتبهوا وانتم تسوقون بشوويش لا تستهبلون مثل ذولا الشباب ؟ حسام :اوك بابا بااي ========= بعد مرور يومين يوم الاحد الظهر خالد وصل بكير من المستشفى وراح غرفته ودق على ملاك ملاك:هلا خالد:هلاوغلا ملاك:هلا بيك خالد:اخبارك حبيبتي ؟ ملاك:الحمدلله تمام وانت؟ خالد:تمام بسماع صوتك ملاك:تسلم خالد:مممممم عندك شي المغرب؟ ملاك:لآآ لييه؟ خالد:بس اشتقت لك ابي اطلع معاك فيها شي؟ ملاك بحيا: لا خالد:اوك حلوو تجهزي المغرب بروح انام ارتااح عشاان اصحى المغرب ونشووفك يااقمر ملاك:بس عاادي يلا باي خالد:باي ====== في بيت ابوتركي جوليا:الحمدلله على السلامه ابو تركي :الله يسلمك ياغالية جوليا:والله وحشش البيت بدونك ابو تركي:تسلميين وليد بيجي لأبوه يسوي نفسه زعلان:بابا بابا ابو تركي:تعااااال يعيوون ابووك اخذه وضممه وقال : وين تركي ؟ جوليا بقلبها:ماينسى هالتركي اببد؟ جوليا:بالدوام ابوتركي:وهدى ؟ومنى؟ نزلوا هدى ومنى هدى باست راس خالها وقالت: الحمدللـه على السلامه خالوو او تركي:الله يسلمك ياحبيبة خالها منى:الحمدلله على السلامه بابا ابوتركي:الله يسلمك ياروح بابا جلس يسولف معاهم لما جاء تركي سلم عليه وجلسو يسولفون ====== المغرب الساعه 8 فيصل:اققووول بسس خف عليينااا يالاخ خالد:هههههههههههههههه ليه مو عاجبك؟ فيصل:خايف اختي تجيها جلطة خالد:في عدوينها يارب فيصل:هههههههههههههههههههههه يالدووب ماوراك شي اما انا برجع للمستشفى خالد:ههههههه يوم لك ويوم عليك بكرة انت فاضي بهالوقت روح اطلع مع سارة فيصل:اكيييد بطلع معها نزلت ملاك خالد:هلاا هلااا هلاا برووحي ملووكتي ملاك :هلا فيك وبقلبها<<الاخ مزودها مدري وش فيه فيصل:احم احم نحن هنا ركبت معا ه السيارة ومشو بالطريق دق جوال خالد خالد شاف الرقم وتغير وجهه حاول يكون طبيعي قدامها اكيد بتشك وبتسمع الصوت حط السماعات باذنه وكلم منهم مريم :مافيه مويه جيب معاك وانت جاي الله يخليك؟ خالد:ان شاء الله اجيب وانا جاي ملاك لاحظت ارتباكه ودققت بالصوت كان مسموع شويه مو صوت رجال صوت بنت سكر من المكالمة ملاك:منوو؟ خالد:واحد من الربع يبيني اجيب معاي مويه بارده ملاك:اكييد؟ خالد التفت عليها:وش قصدك ؟ ملاك برود :ولا شي وصلوا المطعم ولما طلبوا الاكل رن الجوال مررة ثانيه وكان صوت صرآآآآآخ :الحقني ياخاللد الحقنني الشقة تحتررق خالد بخوف:شنووووووووووووو جااايالحيين اطلعو بيت الجيران لو حتى بالشارع انتي واخوانك سكرت وانتبه لملاك اللي ضربت على الطاولة ودموعها تسيل على خدها قالت:خااااااااااين والله خااااااااين ياخالد روح لها روح انقذها واحد من الربع هاأأ؟؟ودني البيت ؟ خالد:لا تفهمين خطأ مافي وقت تعالي معي ملاك:لا توصلني دق على فيصل يجي ياخذني ومنو قال بروح معك خالد قرب منها وهو يتألم من داخله:لاتفهمين خطأ ملاكي ملاك:لا تنطق اسمي على لسنك ابعد ابعععععععععد وطاحت مغشي عليهـآ كانت مرهقه من الدوام ولا نامت العصر ولا تغدت حملها خالد السيارة وراح بها لشقة اخوه فهد؟؟ ياترى اش بيصيير انتهى البااااااااارت |
|
|
#99 |
|
|
رد: رواية عذابات روحي تحكيها جروحي
البارت الـــــ
بطيبتي كسبت الكل بلحظة وبلحظة انهدت اركـآني دخيلك يا[ملـآكـ] افهميني ترآ الظلم من الأحباب أشد علي من لبسي اكفاني سـآمحيني ..سامحيني ملآكي دخلها السيارة ورآح لشقة أخوهـ وصَل وشاف سيارات الاطفاء مجتمعه وتخمد النيران رآح يشوفـ مريم وينها شافها جالسه مع اخوانها بالزاوية راح لها :قومي معي مريم وهي خايفه:وين ؟؟ وأنا بقى لي مكان خالد:أفا تقولين هالكلام يامرت اخوي واحنا وين رحنا يلا قوومي ركبت معاه السيارة وشافت اللي نايمه مريم:منوو؟ خالد:زوجتي مريم:الله يوفقكم وصلها بيت اخوها مريم :بترجعني بيت اهلي خالد:ايه بس اليوم على ماادور لك شقه صعبه الحين الكل يدري مريم :اهاا اوكِ بس عمار خالد:لاتشيلي همه دق على عمار عمار:خيير وش تبي ؟ خالد:اببد الخير بوجهك اخت احترقت شقتها تعال اخذها وبكرة بحجز لها شقه مااقدر اوديها البيت الحين عمار:والمقابل؟ خالد:وش تقول اختتك هذي ولا نااسي ؟ عمار:اختي وزوجها وين؟ خالد:اوك انزل اخذها بسرعه عمار:اوك بـ500 ريال الليلة خالد:انزل انت بسرعه سكر خالد منه مريم:يبي فلوس مو؟ خالد:عادي مريم :انا بعطيه خالد:خلي فلوسك لك احنا اهل جاء عمار وعطاه خالد الفلوس واخذ اخته واخوانه ووداهم الشقه دخلت مريم وراحت لغرفتها اللي حنت لها بس ماشافت شي من اشياءها عمار قضى على كل شي باعه طاحت على الارض وقامت تبكي عل حياتها اللي تدمررت جاتها اختها سمر ضمتها وقامت تبكي معها جاء ياسر:ماما ليه تبكين ؟ قامت له مريم وضمته وقالت :لا حبيبي انا مستانسه لاني معكم ياسر:ماما انا جوعان مريم مسحت دموعها وهي تكابر:قم حبيبي نسوي لنا شي ناكله ==== عند خالد صحاها وشربها مويه ملاك بصرااااخ:ودني بيتناا انت ماتفهم سمعت كلامك معها روح لها ليه ماتبي احد يدري خلاص طلقني ولا رح اقول لأحد اببببببببببعد عني ياخاااين ابعد <<وقامت تضربه وتحاول تبعده عنها خالد:ملاك حبيبتي سمي بالله واستهدي خل اقول لك السالفه ملاك وصراخها يزيد:قللللت لك ابي اروح البيت ودني بيتنا <<التفتت تدور على شنطتها :ويينها يالسارق بعد تمنعني من اهلي خالد:اوك بوصلك البيت بس اهدأي سكتت ملاك ودموعها تنزل بحرارة وصلوا بيت ابوفيصل دخلت البيت وهي تصارخ وخالد وراها جت ام فيصل : بسم الله عليك وش فيك يمه ملاك:يمه الخاين والله خاين خليييه يطلقني لعب علي يمه خالد:ملاك حرام عليك افهمي السالفه ام فيصل:وش صار؟ ملاك بصراخ :تزوج يايمه تزوج يمه خليه يطلقني اطلع برررررررررره بررررررررره نزل ابو فيصل : وش صاير ؟ ملاك راحت لأبوها ودموعه على خدينها :يبه الخاين متزوج وعنده عيال لعب علي يبي فلوسي بس سمعته يقول كذا خالد فهم وش تقصد هو ومريم يتكلموا عن عمار مو عن خالد يبي فلوسها ابوفيصل :ماتوقعتك كذا ياخالد انت انت ياخالد منك الخطأ للأسف من اليوم ورايح ماابي اشوفك بالبيت هنا ملاك:اطلع بررره خالد بانكساار:رح اطلع ياملاك بس ظالميني سامحني عمي سامحيني خالتي ،أحبك ملاك دخل فيصل رجع من الدوام شاف خالد طالع ولأول مرة دموعه على خده تسيل فيصل:خاااااااااااااالد خالد ماعطاه وجه وركب سيارته ام فيصل: النذل الحقير الواطي لعب على اختك يافيصل لعب عليها فيصل:شنو تقولوون خالد مستحيييييييييل فاهميين ملااك :متزوج يافيصل متزوج وعنده عيال فيصل :شنووو العبوا على غيرري وش فيه خالد ؟ ام فيصل :عساااااااه الموووت ونرتااااااااااااح منــــــــ ماكملت جملتها الا اصوات برره وصراخ فيصل حس بكتمه ورآح بسررعه برره شاف الناس مجتمعه دخل بوسطهم وهو يقول:ان شاء الله مو الغالي شافه كتله من الدم ماميزه الا لما مسح الدم عنه فيصل بصرااخ :خاااااااااااااااااااااااااااا اااااااااااااالد طلع ابوفيصل وشاف ولدهـ منكب على اخوه او روحه الثانيه ابو فيصل : وش صاار وش فيه خالد؟؟ رفعه:خالد يبه قووم قوم يبه سامحني ياغالي خالد فيصل التفت لأبوه: اللي قلتوه صااار ظالمين جات الأسعاف واخذته ركب معاه فيصل والاهل لحقوهم بسيارتهم في المستشفى الكل درى بالسالفه من ابوفيصل سارة منهاره وهي تصاارخ:اخووووووي رااح حراام عليكم ملاااك اخوي رااح رااااااح جاء لها فيصل وضمها وقال:يكفي ياسارة يكفي ان شاء الله بيقوم ملاك وهي فاقده الوعي:اناااااااااااا السبب لا بس هو يستااهل يستااهل ابو سعود:الله يهديه ويقومه بالسلامة فيصل ماتحمل نظرات الكل لروحه وصرخ :انتم ظلمتوووه والله ظلمتوووه ابوفهد:لا تدافع يافيصل ادعي له يطلع بالسلامه بس هو غلط بعد فيصل بعصبية وبصراخ:لا ماغلط ، البنت اللي كانت معك ياملاك بالسيارة مو زوجته هذي زوجة فهد الثانيه الكل انصددمم فيصل: اييه نعم زوجة فهد واخوانها يملاك للأن فهد سافر وصى خالد عليها لأنها بنت مالها احد غيرناا ظلمتييه ياملاك ظلمتوه يااهله مو حرام عليكم ارتااحو الحين ارتااحو بس اذا راح خالد عرفوا اني انتهيت فاهميييييييييين دخلت وصرخت:كلااام فيصل صح انزوجة فهد مو خالد اللي ظلمتوه نرجس:مستحييييل انتي كذاابه وتلتف على فيصل انت كذااب فهد يحبني يمووت فيني مايسويها كذاابيييييييييييننن<<وقامت تبكي ام سعود: اهداي يمه اهدأي حبيبتي نرجس:ييـــــــــــــــــــــــ ـــــــــــــــــــــــــــمه <<وطاحت مغشي عليهااا الكل اجتمع عليها وشالوهاا ريم:ويين سارة ؟ الكل التفت يدورها راح فيصل اللي كان يحبس دموعه غصب شافها واقفه عند باب غرفة اخوها فيصل:حبيبتي صلي على النبي سارة :وش تبووون بعد وش تبون وصارت تضرب بفيصل فيصل:انا فيصل ياسارة سارة :فيصل قتلوا اخوي فيصل : ادعي له يطلع بالسلامه حبيبتي سارة:ماابي اشووفهم اكرههم كلهم ماابيهم طلع الدكتور ام فهد:ولدي وش فيه ؟ الدكتور:احنا عملنا اللي علينا ابو فهد:يعني شنو؟ الدكتور:انتظروا واذا ربي كتب له عمر بيظل الحادث كان قوي ملاك انهارت وطاحت على الارض وقامت تصارخ:اناااااااااااا السسسبببب انااااا السببببببببب قامت وراحت لغرفتهـ وتمت تناظره من ورى الباب وقالت: خالد ققوم مابعد نطلع قوم وين بترووح قوم معي ليه ماترضى تفتح انا ملاك خالد افتح الغرفه وصارت تضرب بالباب جاء لها فيصل وضمها وقال:ادعي له ياختي يقوم بالسلامه التفت على سارة شافها طايحة مغشي عليها حملها وكانت ترجف اطرافها بااردة ومو بوعيها فقدت الاحساس بكل شي فتحت عيونها وقامت تكلم فيصل على انه خالد هو صحيح يشبهه ونسخته وقالت:خالد واخيرا قمت ======= انتهى البارت خالد اش بيصير عليه ؟ مريم وش ردة فعل الاهل منها ؟ فيصل وش موقفه الحين ؟ سارة وملاك وش بيصير عليهم ؟ نرجس وموقفها ؟ التقي بكم ببارت جديد واثارة جديدة ....... تحياتي لكم |
|
|
#100 |
|
|
رد: رواية عذابات روحي تحكيها جروحي
تجنن حبيبتي متشوقين نعرف شو صار
|
