 |
  |
|
|
|
|
#46 |
|
|
رد: ماكل من يضحك مع الناس مبسوط ياكثر من يضحك ونفسه حزينه
ورحت ركض للصاله جبت الازهار واعطيتها اياها : that is for you ضمتني لصدرها : شوكرا شوكرا سارا قلت لها وانا امسح دموعها : لا تعطلينا بسرعه غيري فرقعت اصابعها وقالت : هوا ضحت عليها : هين تقلديني وضحكنا سوى *سلطان * صارلي ساعتين واقف عند البيت ابي ادخل اشوفها ابي اتطمن عليها ابي اعتذر لكن شفيد وهي حتى بقصيدها جرحتني .. كارهتني ياشيخه شلون قلب حبج لي كره شلون .. استجمعت شجاعتي عديت السور نزلت من سيارتي ...مالقيت سيارة ثاني غريبه يكون للحين مارد الساعه عشر طقيت اليرس فتحت لي ميري : اهلا بابا سولتان قلت لها : اهلا ميري وين بابا ثاني قالت : بابا ثاني يروح دينر مع ماما ميثا قلت لها : وماما شيخه قالت : ماما شيخه بهيره مالها قلت لها : انزين وين حيرتها انا مايدلها مشيت قدامي الين ماوصلت باب حيرتها طقيت الباب قالت : دشي ميري فتحت الباب : قوة شيخه شفت الصدمه على ويهها : انت شتسوي هني شلون تدخل هني قلت لها : هذا بيت عمي وهذي حيرة حرمتي وقفت وهي صاده الصوب الثاني : ليه يت ياسلطان قلت لها : جيتك بعد غيبه وانا كلي اشواق تدفعني لوصلك جروحٍ غميقه جيتك حنينٍ ذاب والدمع دفاق احساس شاعر مايبور برفيقه جيتك آلم والشوق محرقني احراق في خافقي ضحكه ومليون ضيقه جيتك وقلبي للغلا دوم ينساق يكفخ مثل حرٍ سبوقه طليقه جيتك وهم البعد ماهوب ينطاق وصمتك فتح بين الحنايا طريقه اعتذر والعذر هو سيد الاخلاق عاشقك موج البحر ما بل ريقه جيت التمس عطفك علي الفضا ضاق قلت الصحيح ولا جهلت الحقيقه جيت ارتجي وصلك بعد هم وافراق الشوق جارح والمشاعر رقيقه الى ذكرتك تنطوي كل الاوراق وكثر الصبر ماعاد والله اطيقه ذكرى جميله والزمن صار بواق فرق نفوسٍ بالمحبه غريقه * شيخه * لما انفتح الباب ماصدقت عيني ماصدقت ان الي واقف قدامي سلطان .. ماتوقعت ابد يريع بعد كلامي القاسي بعد القصيد الي عديته .. لكنه يا .. يا ني ياني يعتذر اول ماسمعت ابياته حسيت بقلبي يعتصر يعتصر شوق له يعتصر محبه يعتصر خوف من ان شعوره يبرد ويريع مثل ماكان التفت صوبه طالعته ... طالعت عيونه وكن النظر رمس عني وعنه عيوني : ارحمني ولاتطالعتي جذا عيونه : غصب عني الشوق اتعبني عيوني : الشوق ؟! عيونه : ايه الشوق اشتقت لج اشتقت لضحكتج لشوفتج اشتقت حتى لهوشتج عيوني : تكفى لاتعذبني عيونه : تكفين رديلي عيوني : صعب والله صعب عيونه : ليه عيوني : خايفه عيونه : من شو ؟ عيوني: اخاف يوم يموت الشوق وترجع اتنساني عيونه : حاشاني انسى عمري ومانساج .. من يحبج يانظر عيني مستحيل بيوم ينساج عيوني : نفسي اصدق عيونه : صدقي والله ماكذبت عيوني : وان انجرحت عيونه : صدقيني مال الجرح بينا مكان قالي : بتسامحيني ونبدأ من جديد ابتسمت : ليت بيدي ازعل عليك قرب مني حبني على جبيني وقال : الله لايحرمني منج ابتسمت : ولامنك الا ويرن تلفونه وكان المتصل حمدان ومارد عليه : هذا مايعرف يتصل الا بوقات غلط قلت له : حرام رد عليه فديته ماقصر معانا طالعني بلوم : لاتفدينه قدامي ضحكت عليه : حرام عليك تعرف انه شرات ثاني قالي وهو حايس بوزه : حتى ولو انا اغار قلت له : فديت الي يغارون قالي وهو يتقرب مني اكثر: فديت الي يتفداني دفرته عني : سلطان قالي : تراني ريلج جيت برد الا والباب ينطق قال : ياربي هذيل متسلطين علي حمدت ربي وبعدت عنه وقلت: ادخلي ميري ثاني : ميري منو هذا انا .. الشيخ سلطان نعم شتبي ؟ سلطان يا وقف ينب يوحط ايده ع كتفي : بغيت حرمتي ثاني اقتر ب وسحبني من ايدي وصار ماسكني : مالك حرمه عندنا يالله ياتيسر بيتكم قال له : زين الشيخ ثاني بس وين ميثه وقام ينادي عليها ثاني : شتبي بحرمتي ؟ قاله : ماهي حرمتك اختي بتروح معي ثاني : لا يابوك هذي حرمتك خذها وسوي بها الي تبا .. خلك من حرمتي خبطته : هين يالهرم وانفجر الكل ضحك .. يومتها رجعت بيتي انا وسلطان وقلوبنا ع بعض استقبلتني عمتي بالزغاريد والترحيبات وحمدان خذ عصاه وقام يرزف هو واخوه يلست اضحك عليهم .. ضحكت من قلبي حلو الانسان يرد لبيته *احمد * يالسه وزعلانه حاولت ارمسها عطتني طاف قربت منها وقلت : فديت الزعلانين انا تمت تلعب مع ولدها ولا حتى عطتني نظره قلت لها : اهون عليج ريامي ارمسج ماتردين الريم : طاف اقترب مني بندر الصغير : باباتي ... لئبه ايلو شلت وتميت احبحبه : انت الي حلو بندر تضايق مني وتم يصيح اقتربت مني ريامي واخذته : زين جذيه صيحته شلون بيسكت وخذته مني وحاولت تسكته قلت لها : لو ادري كان صيحته من زمان عطتني نظره قلت لها : عسب ترمسين معي ... مقدر انا على زعلج سكت بندر اخيرا كان حاشرنا اقتربت مني : لا والله مره اهمك شلون تروح انت وتودروني قلت لك نترياهم عسب نسلم عليهم مارضيت بيون تعبانين وتركتني بالبيت ورحت لربيعك قلت لها : الريال دق علي ونزلت اقابله كان يبي اشياء وايد للبيت وانا رحت اساعده قالت لي : لا والله وعطتني ظهرها لفيتها علي وقلت : والله العظيم .. وبعدين انا حتى ماقربت من بيته تشرينا وعطيته اغراضه ويت سالتني : يعني ماشفت حرمته قلت لها : لا ماشفتها قالت : خاطري اشوفها قلت لها : بتشوفينها وبترمسينها انتي ليه مستعيله قالت لي : انا ابي احد ارمس معاه يونسني تعبت وانا مجابه الطوف قلت لها : عندج الجارت ليه ماتسيري عليهم قالت لي: وع مابقي الا عيال الحمرا وعوه .. اخيرا ياني حد من بلاد العرب ضحت عليها : الله يقطع بليسج .. انزين بتعشيني ولا اتم يوعان ابتسمت : يخسى الجوع الان الاكل يكون زاهب * حنان * هذا الي ناقص البس ملابسي قدامه اما انه يقهر بشكل .. ضيع علي انتعاش النظافه ... طلعت لقيته يدور بالدولاب التفت لي : حنان انتي غيرتي مكان الاشياء قلت له : ايه قالي : طيب لوسمحتي ممكن تطلعين ليه ملابس انا بدخل اتسبح وخذ منشفته ودخل يتسبح انقهرت منه هذا مره عايش الدور اني حرمته ... طنشته ورحت المطبخ طلعت العيش وعملت لي سندوتش جبن وجلست اطالع التلفزيون شوي وان هذا جاي واقف قدامي ولاف المنشفه على خصره وشكله معصب من غيرمارفع عيني فيه : وخر ابغى اشوف التلفزيون سحب الريموت من جنبي وطفى التلفزيون وقال : ممكن تناظريني يوم اكلمك حنان " اما عليك جسم يهد ابليس العدو تقول مبيت بالنادي كشخه ..صدق ماعدك الفه الرجال يهاوشك وانتي تخزينه " رفعت عيني وقلت له : نعم قالي : ينعم بحالك ... وين ملابسي قلت له بكل برود : بدولابك قالي : انا مو قايلك طلعي ملابسي قبل لاتسبح قلت له وانا اوقف رايحه للمطبخ : اعتقد انك مو بزر عشان اجهزلك ملابسك مسكني من ذراعي بقوة وسحبني لصدره وقال : حنان لاتختبرين صبري .. روحي طلعي ملابسي بالطيب شكله كان معصب ع الاخير بصراحه خفت يضربني رحت طلعت له ملابسه وجيت بطلع من الغرفه للصاله كان واقف عند الباب وقف قدامي وسد الطريق قلت له : ممكن توخر هز راسه بمعنى لا انقهرت منه : قلت طلعي ملابس وطلعنا لايكون تبغاني البسك اياها كمان ؟ ابتسم وقال : فكره حلوه بصراحه فتحت عيوني ع الاخير : من جدك انت ؟ قالي : شوي شوي امزح ... حنان انا اسف ماكان قصدي اعورك قلت له : ترى مشيتها بمزاجي المره الجايه الي تفكر تسوي معي ذي الحركه والله يابندر ماكون بنت عبدالله ان ماخليتك تندم عليها قالي : تهديني قلت له : افهمها زي ماتفهمها قالي : ع العموم اعترف بخطأي لكنك تستفزين الواحد قلت له : عن اذنك طلعت وسبته خرج من الغرفه وجلس معاي يطالع التلفزيون .. ماكنا نتكلم اصلا ماكان بينا أي توافق عشان نتكلم قام ورجع معاه فوشار حاطه بزبديه غميقه شكله يشهي مره جلس قريب مني مد لي الفوشار : تفضلي قلت له : ما با حطه فوق حضنه وقالي : كيفك بنفسي مالت عليك يالطفس ماصدقت مايعرف يعزم زي الناس وطالعته من طرف عيني قالي : انا اعزم مره وغيرها لا تبي تسوي نفسك ثقيله بكيفك ذنبك على جنبك قلت له وانا اوقف : تصبح على خير دخلت كنت تعبانه مره وكنت ناويه اقفل الباب لكن بعد نظرته هاذيك وربي خفتيكسر الباب ع راسي هم يقولون انتي شر الحليم اذا غضب وانا شكلي وصلتها لراس خشمه ... دخلت وتلحف بصراحه ماقدرت انام اولالمكان وثانيا خايفه مدري كم مر من الوقت علي بالسرير يمكن ساعة يمكن اكثر اول ماسمعت الباب ينفتح غمضت عيوني وغطيت راسي بالشرشف * بندر* شفتها وهي تتغطى وعرفت انها مو نايمه ... كان نفسي اقولها لكن ماحبيت احرجها ... شكلها كذا خايفه رغم قوتها وقوارتها الا انها خايفه وهذا عرفته من كثر ماتقلب ازعجتني والله ماقدرت انام مع ان بيني وبينها مسافه وفوق كذا عاطيها ظهري ومالتفت لها ... ياربي جابتلي القلق البنت ذي قمت وقعدت ع السرير قلت لها حنان ممكن تقومي عارف انك مو نايمه انتهى وان شالله يكون الاجزاء عجتبكم وانتظروا باقى الاجزاء لا تنسوا الردود الحلوه او الوحشه اى حاجه يابنات وشكرا لكم |
|
|
#47 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
كنت اتمنى ان يكون فى رد على الموضوع بما ان ما فيش رد اولا : انا زعلانه خالص ثانيا : ما حبش انزل القصه مش كامله هانزل كل البارات القصه مره وحده |
|
|
#48 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
* بندر* شفتها وهي تتغطى وعرفت انها مو نايمه ... كان نفسي اقولها لكن ماحبيت احرجها ... شكلها كذا خايفه رغم قوتها وقوارتها الا انها خايفه وهذا عرفته من كثر ماتقلب ازعجتني والله ماقدرت انام مع ان بيني وبينها مسافه وفوق كذا عاطيها ظهري ومالتفت لها ... ياربي جابتلي القلق البنت ذي قمت وقعدت ع السرير قلت لها حنان ممكن تقومي عارف انك مو نايمه قامت وقعدت : خير طالعتها وقلت لها : اعرف انك خايفه وموقادره تنامي قاطعتني : انا ماني خايفه من شي انا مو قادره انام لاني ماتعودت ع المكان طالعتها بنظره متفحصه ارتبكت منها : اكيد مو خايفه؟ ماردت علي قلت لها .: انا مو بغبي ولا ساذج تضحكين عليه بذي الكلمتين .. لازم تعرفي ان الرجال مايلمس المره الا اذا كانت تعجبه وداخله مزاجه ويعني لاتزعلين انتي مو من النوع الي ممكن يعجبني قاطعتني : يعني من باب الفضول لا اكثر النوع الي يعجبك شيطلع زي ريم مثلا .. صدمتني : الريم ردت علي : ياتري بيضاء او سمرا ام حلوه يوه سؤال غبي ماعتقد انك كنت رح تصاحبها اذامو بحلوه قلت لها اعاندها : ايه نعم مو بس حلوه الا تجنن قالت لي بغيض: الله يهنيك وجات ترجع تلف بتنام قلت لها : اشرايك اعرفك عليها اعطتني نظره وانفجرت بوجهي : انت ماتستحي بكل قواره تقولي اعرفك عليها اول مره اشوف رجال يعرف حرمته على صحبته *حنان * مدري ليه انفجرت بوجه قهرني مره اول شي انا مو من النوع الي يعجبه ليه سياره على غفله وانا مو بداريه لا ويبغى يعرفني ع الخايسه حقته جد مايستحي قالي : عادي خليلك مو درن وبعدين فرصه تشوفين زوجها صدمني الا صعقني : متزوجه قالي برود : ايه وزوجها صديقي قلت له وانا اوقف ومعصبه حيل : ايا قليل الحيا يالي ماعندك نخوه كيف تسمح لنفسك تخون صاحبك جد ماتستحي هذا جزات الرجال الي فتحلك بيته ودخلك فيه صدق شين وقواة عين ماشوفه الا مسطح ضحك ع الاخير : خخخخخ ههههههههههاي للحظه فكرته استخف قالي : حلاتك غيرانه ؟ قلت له : ههه (بسخريه ) من قال اني غيرانه .. لمعلوماتك المره ماتغار الا اذا حبت وانا لو انت اخر رجال بالمعموره ماسلمت لك قلبي قالي : لهدرجه ماستاهل ؟ قلت له : انت مو من النوع الي يعجبني قالي : واي نوع الي يعجبك قلت له : اولا شي مايكون خاين ومايحفظ حُرُمات الناس قالي : مو انا الي اخون صاحبي وارفع عيني على اهله ريم هذي زوجة احمد صديق عمري وعندها منه ولد اسمه بندر على اسمي يعني ويكون بمعلومك بس الريم ماتناديني الا ياخوي لاني بنظرها اخو وهي نفس الشي اخت وبس بيني وبين نفسي ارتحت ان طلع ماعنده حركات نص كم وذي الشغلات قالي : شوفي يابنت الناس خلينا نسوي اتفاق اشرايك نكون اخوان قلت له : اخوان قالي : ايه اخوان نعيش انا وياك اخوان انتي تقومين بمسؤليات الاخت اتجاه اخوها وانا بالمثل قلت له : انت من جدك ولا تاكل بعقلي حلاوه قالي : لا حلاوة ولاجبن انا جاد ع الاقل بنخلص من مناقراتنا قلت له : بكل سرور قالي : زين قلت له : زين ياخوي العزيز وريني عرض قفاك قالي : ليه ان شاء الله قلت له : بنام .. وماف ياخ ينام مع اخته بحجره وحده قالي : تحمليني الين ماشتري لي سرير قلت له : زين انخمد قالي : نعم قلت له : انخمد يعني نام اوف تراك اخ مزعج عطيته ظهري وسويت نفسي بنام ....... بصراحه كنت مره فرحانه فكرته مره عجبتني ع الاقل رح ابطل انظر له كزوج ومكن اتقبله هو صحيح انه ثقيل طينه لكنه صريح وهذا الي عجبني فيه يوه انا تعبانه ابغى انام *احلام * مصدقنا انه صحي اخيرا من غيبوبته .. الدكاتره منعونا ندخل عليه لانهم عاطينه منوم .. بالله ماكفاه كل ذاك النوم نبي نشوفه نبي نكحل عينا فيه الصبح الساعه ثمان اول ماجا الدكتور ماتركناه الايوم سمح لنا نشوفه .. نقلوه غرفةخاصه اول مادخلت ....... السلام عليكم كان رافع ظهر السرير عشان يقعد زي الناس ويقدر يفطر .... ابتسم لي ابتسامته الساحره : وعليكم السلام امي اول ماشافته بدت تبيكي ضمته لصدرها واستمرت تبكي عبدر الرحمن : لا لايالغاليه كله ولا دموعك انا ماتحملها امي : اخ ياوليدي مو بديني انت عبدالرحمن الغالي جا ريان وهو يسحب امي من عبايتها : يمه وخري خليني اسلم عليه امي : خلوني والله ماشبعت منه روان : يمه هو صحن مرقوق وخري ترى احنا نستنى من اول امي استسلمت لخواني اول واحد ريان ارتمى بحظن عبد الرحمن وصار ضامه بقوه وبدأ يبكي ... ليه كنت بتروح ليه كنت بتخليني .. انا من لي غيرك ابوي راح وخلاني وانت انت بعد كنت بتروح كلمات ريان قطعتقلوبنا كلنا .. ريان الوحيد الي ماعرف ابوي كان صغير ماتم سنتين ماعرف ابو غير عبد الرحمن عبدر الرحمن وهو يمسح على شعره : افا تبكي ياريان من متى الرجال يبكون وش خليت للحريم ( ريان قام يمسح دموعه بكم البلوزه ) وانا مارح اروح مكان بقعد معاك الين مازوك وازوج عيالك روان : وانا ما بتزوجني خبطتها على راسها : مستعجله الاخت روان : انا شفتكم نسيتوني قلت اذكركم ... هي انت وخر خلني اسلم وقامت تسحب ريان من بنطلونه ريان : شوي شوي ياكونان ردت عليه روان معصبه : هين ياتاز روان بكل دلع سلمت على عبد الرحمن وفضلت حاطه راسها على صدره تعاند بريان وريان كان معصب ع الاخير عبدر الرحمن فهمها : خخخ حليلها الي تدلع ع اخوها روان : ماستاهل يعني عبد الرحمن : الا تساهلين ونص ريان : امدح فيها عشان محد يقدر يكلمها قلت لهم هي انتو خلاص انا بقي ما سلمت نزلت روان من جنب عبدالرحمن اقتربت منه بسته على راسه ماقدرت امنع دموعي قلت له : ماتشوف شر .. يالغالي ورميت نفسي بحضنه عبد الرحمن : احلام كل هذا عشان مارحتي العرس خبطته ع كتفه بالخفيف توجع : اخ شهقت : يعورك ؟ مالحق يرد الا وامي : الكسر ياحلام ان شاء الله ماصدقت ولدي يقوم واني تخبطينه طبعا ريان وروان فطسو ضحك وشماته عبد الرحمن ضمني بزياده : شفيكم على احلام ها يمه ترى والله امزح وان خبطتني الا ذبحتني مو مهم انا كلي فدوة للعيون الحلوه قلت له : الله لايحرمني منك يارب قال : ولا منكم انا من غيركم اصلا ماسوى روان : زين انك عارف ضحكنا كلنا عليها سمعنا طق ع الباب .. عرفنا انه الدكتورعدلنا انا والوالده نقاباتنا وجلسنا بعيد على جنب .... دخلت النيرس وسحبت ستارة الحائط فصار مانشوف الكتور ولا اخوي بس نسمع اصوات دخل الدكتور وكان سعودي : السلام عليكم عبد الرحمن : وعليكم السلام الدكتور : شلونك ان شاء الله احسن عبدالرحمن : الحمدالله كل شي من الله زين الدكتور : اخ عبد الرحمن لو تبي احد تتكلم معاه ممكن اطلبلك الطبيب النفسي او اذا تحب انا ممكن اسمعك عبد الرحمن : ماله داعي هذا نصيب من رب العالمين الدكتور : ونعم بالله استغربت طبيب نفسي ليه اخوي شفيه انخبل الدكتور .....امي سالت الدكتور من ورى الساتر : ياولدي طمني عبد الرحمن فيه شي الدكتور : تمني ياخاله مافيه الا العافيه ... تامرون ع شي عبد الرحمن وامي : سلامتك اول ماطلع سالته : عبد الرحمن شعندك ؟ ابتسلم لي : ولا شي بس رجلي اليسار بتروها امي ضربت صدرها وانا شهقت قلت له :ليه ماقالولنا ؟ قال : الدكتور لما شافكم حريم ومامعاكم احد ماقالكم ماحب يفجعكم روان كانت تبكي وريان معاها : بس حبايبي انامافيني شي امي : ليه بتروها وهي تشاهق بالبكا عبد الرحمن : يقول الدكتورور ان عظامة الساق تهشمت تمامامع الحادث وان التجبير مارح يجيب فايد وان مابتروها ممكن تسببلي مضاعفات او تسم امي : اخ ياوليدي فيني ولا فيك عبد الرحمن : الله يهديك يايمه ... شهالكلام كله مقدر ومكتوب انا طلبت منهم يرسلون لس احد من وحده الاطراف الصناعيه وبيجي باليل ياخذ مقاسي واول مارح يلتأم الجرح رح ابدأ التدريب عليه ورح اكمل حياتي عادي لاتخافون قلت له : ان شاءالله مابيصير الا الخير سألنا : انتو مع من تجون المستشفى ردت روان : مع أكبر عبد الرحمن مستغرب : من اكبر هذا رديت عليه : اكبر سواق صحبتي الي وصلناها معانا يوم الامتحانات ... هي تعرف ان ماعندنا سواق وقالت لابوها الرجال جازه الله خير جا واطمن عليك لما كنت بغيبوبه وخلا السواق لنا متى مابغيناه ويشوفون الي قاصرنا والله مدري وين نودي وجهنا منهم امي: اشهد انه نشمي وماقصر علينا مو زي ..عمامك قاطعتها : يمه مو وقت ذا الكلام امي : وانا صادقه .. وينهم عمامك ولا حد منهم طل مو كان الي بالمستشفى ولدهم منهم وفيهم . .ولا كأننا عرضهم سايبينا حريم مالنا حد نشد ظهرنا فيه الله وحده يعلم شكان حالنا لولا صديقتك واهلها ... الغرب صارو اقرب لنا من اهلنا عبد الرحمن : يمه خلاص الرجال ماقصر معانا وانا ان شاء الله بتصل فيهم واشكره .... عمامي الله يهديهم ماعرفونا واحنا صغار بيعرفونا كبار احلام لو سمحتي اعطيني رقمهم بتصل عليهم واشكرهم قلت له : اسمحلي ياخوي مايصير اعطيك رقم البنت قالي : احلاموه من قال ابغى رقم البنت انا ابغى رقم اهلها بيتهم قلت له : يؤ سوري بس لاني متعوده ادق على جوالها مو مشكله هاك رقم البيت .. كتبته ع ورقه عندهاوحطتها جنبه قالنا : خلاص روحو البيت أمي : شفيك ياولد تطردنا قال : يمه انا ماطردكم لكن خلاص مو شفتوني واطمنتوا علي كلها يومين وبيطلعوني وخلال اليومين لا وحده فيكم تجيني .. . عيب الناس سوت معانا جميله مو حلوه بحقنا نستغلهم كذا قلت له : بس ياعبد الرحمن قالي: لا بس ولا يحزنون خلاص جيتكم مالها داعي امي : راسك ناشف زي ابوك مافي فايده عبدالرحمن : الحمدالله انكم عارفين طلعنا من عنده واتجهنا للبيت قلنا لاكبر خلاص لا يجينا وشكرناه امي عطته بظرف فلوس لكنه رفض ياخذه وقال انه ياخذ راتب علي سواه الساعه 5 فجرا بشيكاغو بندر : حنان .... حنان قومي حنان مفزوعه : مريم فيك شي بندر ابتسم : حنان هذا انا بندر حنان استوعبت انها مو بيتها اخيرا : خير في شي بندر : ماتبين تكلمين اهلك حنان طالعته بعصبيه : بالله مقومني وجه الفجر تقولي مابتكلمين اهلك بندر : ههه انتي نسيتي فرق التوقيت الحين الساعه 10 بجده حنان : ايه صح بندر : اجل قومي صلي الفجر ... وبعد الصلاة بندق عليهم منزل ابو نور الكل جالس بالصالة يتقهوى ليلى : يبا خير ليه مارحت الشغل ابو نور : عندك مانع ليلى : لا دواس خخخخخخخخخ ابو نور: ياباسط مريم : ايه يبا شعندك جالس بالبيت ام نور : خسكن الله من بنات ... شعليكن جالس ولا مو جالس فوق راسكن هو مريم : اها عرفت يبا انت مستني حنان تتصل صح ليلى : اخ من ولد عمنا القحروطي ( هالكلمه تنقال بمنطقة الحجاز ومعناها بخيل ) ام نور : عيب يابنت مريم : صادقه ليلى قحروطي ونص .. لاتزعل ولد اخوك ايه بس شوف له من يوم ماراحوا اختي ماكلمتنا ابو نور : بسكم عاد كلتو ولد اخوي ... اولا الرحله من هني الين شيكاغو 15 ساعه وين يلحقوا يكلمونا وناسين فوارق التوقيت ماكمل ابو نور عبارته الا والتلفون يرن ومريم وليلى جري عليه ليلى : الو المتصل : السلام عليكم ليلى : هلا وعليكم السلام والرحمه ... ازيك ياعريس اخبارك ايه وازي البنت اختي دي وحشتني خالص وبعدين يالقحروطي توك متذكر تتصل ها لا يكون وقت تخفيض المكالمات المتصل : لو سمحتي عم عبدالله موجود ليلى " اخ يالفشله شكله مو بندر " ها لحظه بناديه ليلى وتحط السماعه : يبا في واحد يبيك ع التلفون ابو نور عطاها نظره تموت .. مريم تستاسر ليلى :خخخخ حلوه الفشله ليلى : انكتمي ...لاقوم اذبحك ع التلفون عبدالرحمن : السلام عليكم ابو نور : هلا وعليكم السلام ... من معي ؟ عبد الرحمن : انا عبد الرحمن ال.... ابو نور : والنعم والله عبد الرحمن : ماعليك زود .. عم عبدالله انا اتصلت اشكرك علي سويته معاي ومع اهلي .. وصدقني مو لاقي كلمات تعبر عن شكري ابو نور ابتسم : لا ياولدي ماله داعي الناس للناس عبدالرحمن : تسلم ياعمي وان شا ءاله كله في ميزان حسناتك ابو نور : تسلم ياولدي ودامك تقولي ياعمي ... ياريت تخلي السواق عندكم .. الين ما تتعافى كليا عبد الرحمن : لا ياعمي ماله داعي انا كلها يومين واطلع من المستشفى ابو نو ر: وياولدي وان طلعت انا عارف بطبيعة حالتك خليه رح يفيدك عبد الرحمن : بس يعني ابو نور : لا بس ولا حاجه .. ولا تشيل همنا احنا عندنا من يسوي مشاويرنا عبد الرحمن : والله انا ماني عارف وين اروح من كرم فضلك ابو نور : لا تزعلني منك بذا الكلام احنا مابينا هالشي عبد الرحمن : مشكور عمي ماقصرت في امان الله ابو نرو : في امان الكريم >> اثناء تلك المحادثه بندر وحنان كانو يتصلون وحنان كانت معصبه ان التلفون مشغول << حنان : اوف لسى مشغول بندر : ايه لسى حنان : اخاف يكونوا ناسين السماعه بندر: احتمال حنان : بندر لو سمحت دق ع تلفون ابوي بندر : عمي بيكون بالشغل حنان : طيب دق على جوال العنز ليلوه بندر دق الرقم بعد ماخذه من حنان : ماترد حنا ن عصبت : وبعدين بندر : خلينا نجرب على البيت شوي يدق حنان على طول سحبت السماعه حنان : الو ابو نور ابتسم : هلا حنان حنان : هلا ياتاج راسي ياكل هلي وناسي ابو نور : الله هذا كله لي اجل ورجلك حنان : ماعليك منه ... انت الحب الاول والاخير ابو نور : ههههههه ولا بتعقلين حنان : بو طبيع ابو نور : حنان شلونك يابنتي شخبارك حنان الحمدالله تمام بندر كان يشو ف لهفة حنان ع اهلها حب يخليها تاخذ راحتها وراح يتسبح ابو نور : حنان كيف رجلك معاك ان اشاء الله زين حنان : لا الحمدالله تمام مو مقصر معي بشي ... يبا وين امي ابو نور : خخخ هني الكل جالس يسحب السماعه خذي امك ام نور : الو حنان حنان : هلا ياكل حنان وروح حنان ام نور وهي تبكي : حنان تمنيني انيت بخير بندر يعامل زين يأكلك مو مقصر معاك حنان : شوي شوي يمه انا الحمدالله تمام وبندر مو مقصر معاي ابدا تطمني ام نور : اكيد يابنتي حنان : والله يمه ماكذب عليك ليلى قدرت تسحب السماعه : الو كيفك يالخسفه حنان : احسن من وجهك يالعنز ليه ماتردين ع الجوال ليلى : والله مرمي بغرفتي .. ها بشري كيف شيكاغو" وبصوت واطي" ومزاينها حنان : خخخخخخخخ شيكاغو بارد ومزاينها ماشفت منهم احد ليلى : خساره حنان : خلك بمزاين بلادك احسن لك ليلى : خخخخخخخخخخ نبي نسوي تحسين حنان : مالت عليك عطيني مرايم مريم : هلا وغلا حنان : اهلين ياقلبي اخبارك مريم : الحمدالله تما م وانيت شخبارك واخبار بعلك العزيز حنان : الحمدالله انا بخير وبعلي بخير ... انتي شخبار جلساتك تروحينها مريم : الحمدالله جلساتي كلها اوكي امس كانت اخر جلسه حنان : شقال الدكتور مريم : المعتاد ادويه ومسكنات حنان برجاء: ماتفكرين في مرمي قاطعتها : حنان حتى وانتي مسافره ارحميني حنان : انتي ليه ماترحمين نفسك وتسوينها مريم : اقولك وين رجلك ابوي يبيه حنان : بندر في يتسبح ( هنا بندر نزل من الحمام الله يكرمكم وكالعاده لاف المنشفه بس على خصره )لحظه ..... بندر تعال ابوي يبيك بندر يجلس ع السرير : الو السلام عليكم ابو نور : وعليكم السلام شلونك بندر : الحمدالله عمي شخبارك انت المكالمه بنين بندر وابو نور كانت وصايا على حنان اثناء كلام بندر حنان واقفه وتخزه وهو مو منتبه لها " جد انك حلو والبنات ينخبلون عليك ... مالوم الامريكيه يوم جات تعاكسك اخ صدق ان تذبح.... عليك عيون ياي حلو العسلي المخضر ولاخشمك الواقف تقاطيعك البارزه معطيتك منظر رجولي ونظرتك شي اما جسمك حكايه ... اشفيك ياحنان انهي تخزينه .... شيقول عليك لو انتبه لك ... والله مانلام هو ليه متفصخ ... حشى جنيتي يابنت " بندر : حنان حنان الحبيبه توها انتبهت له : ها شفيك بندر : شفيك لي ساعه اكلمك حنان : معليه مانتبهت بندر : اوكي ممكن تعطيني ملابس حنان : والله ياخوي العزيز ( وشدت على اخوي ) طلع ملابسك بنفسك عن اذنك انا رايحه اتسبح بندر : لكن ..... حنان : سوري اخذم نفسك بنفسك <<وراحت تسبح >> حنان بعد ماخرجت من الحمام مالقت بندر ... هذا وين اختفى الجزء العشرون للفرح يوم هليت في قلبي هبوب ما اظلم زماني يوم عن الكون غايب لك بسمة تتملك الكون بالطيب ولك نظرة سوت بروحي العجايب نازل من ع الدرج وباذنه تلفونه حمدان : ياقلب حمدان وطوايف حمدان ........... يالوتي حمدان : افا انا لوتي ...... ايه نعم حمدان : انا زعلان ......... دق راسك بالطوفه حمدان : انزين دوري حد يرمسج بعدين ... لا عاد تكفى تعرفني احب اغلس حمدان : فديت الغلسين انا ام حمدان للسلطان : طالع اخوك مسود الوجه يرمس البنيه قدامنا لا حيا ولاحشيمه ..... حمدانوه يالسبال حمدان : لبيه .........طريت اذني حمدان : فداني ........ من قال حمدان وهو يجلس : انا قلت ........ واثق الاخو حمدان : وايد ... هي ترى خسرتيني وايد مع السلامه ام حمدان : ايا جليل الحيا ترمس البنيه قدامنا لاحيا ولا مستحى حمدان وهو يجلس : امايه شفيها انزين قدام ويهج ولا من قفاج ام حمدان تاخذ فنجان فيه غسول وتطش حمدان فيه حمدان : لا اميه خيستيني سلطان : خخخخخخ دواك مسود الوجه حمدان : انا وابويا عليكم كلتوني بقشاري حرمة اخويه دافعي عني شيخه وهي تضحك : ماروم رجع تلفون حمدان يدق .. حمدان من شاف الرقم ابتسم بمكر وحط التلفون بوجه امه : شوفي امايه هي الي متصله مو انا هن الي يربعن وراي ام حمدان تسحب التفلون وتفتحه : ياجليلة الحيا ... يامسودة الوجه ماتستحين تدقين ع الصبي وابويا عليج خبري الريايل الي يرابعون ورى البنيات مو البنياتهن الي يرابعن ... انتي ماتخافين الله ماتخافين من اهلج وعلى سمعتهم ..ماترمسين ولا ماترومين يومج تدرين ان الغلط راكبنج من ساسج لاراسج .... اميه ذكري ربج انا الريم ام سلطان تاخذ كرتون المناديل وترميه ع حمدان : شحالج بنتيه الريم : بخير امايه شحالج انتي وحال اخواني ام سلطان: الحمدالله كلنا بخيروعافيه وشحال ريلج ولد ج الريم : مايشكون باس يالغاليه ... ولدج مسود الوجه شحقه مسكر بوجهي ام سلطان : براويه السبال ماعليج منه الريم : فديته اخوي مارضى عليه ام سلطان : ايه معلوم بتفدينه يومه ماصخ شراتج الريم : افا انا ماصخه ام سلطان : وتلوعين الجبد بعد وين بندر برمسه الريم : معلوم دامج تبين حبيب القلب .. بندر مو هني سار ويا ابوه ام سلطان : بنتي متى بتيونا الريم : والله ماعرف الين الحين احمد مول ماعنده اجازات ام سلطان : الله كريم الريم : اميه سلطان رد حرمته ام سلطان تطالع شيخه وسلطان يساسر ها : ايه الحمدالله شوفيهم عدالي الريم : اجل عطيني شيخه برمسها ام سلطان تناول شيخه التلفون لكن سلطان يسحبه من يدها : نعم شيخه ريم شو بغيتي الريم : بسم الله زيغتنيه انت شو تبا انا قلت شيخه ماقلت سلطان سلطان : وانا حرمتي ماترمس بتليفونات الريم : يامصخك سلطان : ماتستحين تسبين اخوج العود الريم : ماتستحي تطفر باختك الوسطيه سلطان : سودا الريم : عدال يالابيض .. عطني حرمتك اشوف سلطان يعاند : مابا الريم عصبت : سلطان وبعدين حرام عليك المكالمات غاليه سلطان : بس بعطيج اياها رأفه بولد عمي مسكين كل يوم وثاني وانتي مخسرتنه الريم : محد قاله ياخذني ويبعدني عن هليه سلطان : بل مو بلسان عليج الريم: اذكر ربك عن تنظرني سلطان : مو بذاكر خذي هذي هي شيخه شيخه وهي تضحك : خخ هلا ريموه الريم : ضحكتي بليا ضروس شيخه : بشكيك لسلطان الريم : دخيلج مافيني اتحمل مصاخته اكثر ... مبروك ردتج لبيتج شيخ : الله يبارك فيج الغاليه الريم : وشلون سلطان معج ان شاء الله زين ترى ان زعلج قوليلي ترى اسنعه لج شيخه بصوت واطي : فديته مو مقصر سلطان الي كان مشغل الرادار : فديتج انا حليلها شيخه استحت وخذت التلفون وراحت بعيد حمدان يناديها : هي تلفوني سلطان : خاف ربك موب ماكلاه *ع التلفون * الريم: هذا اخوي ماعنده سنه ولامذهب شيخه : بسج عاد كله ولا ابو راشد الريم : معلوم رضيتي عليه اليحن من يروم يقول عنه كلمه شيخه : تدرين اني راضيه عليه من زمان الريم بجديه : نساها شيخه : يقول الريم : مصدقته شيخه تنهدت : تبين الصج انا اعرف زين انه مستحيل ينساها ... وان ذكراها لسى بقلبه ... صح معاملته لي احسن بوايد وبديت احس بحبه وحنانه علي لكن كل هذا مايعني انه نساها الريم : شيخه انا ماقصد اضايقج بس انتي بنت عمي وصديقتي واخت ريلي شيخه تبتسم : ولا يهمج ريماني انا مو بزعلانه ... انا ماكنت احلم ان سلطان بيوم رح يحبني رح يشتاقلي الريم : انتي تستاهلين كل خير واخوي عمي اذا ماحبج يبوس ايده مجلب يومانج حبيتيه مو وجه نعمه ذا الصبي شيخه : ريموه مارضى عليه ترى الريم : حسبي الله طريتي اذني خلاص مسامحه شيخه : شحال اخوي ولده الريم : طالعو سألت عن اخوها ولده وانا عطتني بولباس شيخه : ههه ترمسيني من اول معناته زينه الريم : وهم زينين ماعليه خلاف كاهم وصلو وتسمع ريم تصارخ ... احمدحرام عليك كم مره قلت لاتاخذله كاكاو خيس هدومه احمد : من ترمسين الريم : شيخه اندوك ارمسها ...شيخاني رمسي اخوج بسير اغسل لبندر ايداته احمد سحب السماعه : مرحبا ملاين ولايسدن شيخه : مرحبا باجي فديت هالحس احمد : سلمتي يالغاليه شحالج وحال عربانج شيخه : مايشكون باس ومن صوبك احمد : الحمدالله ... بيتج ؟ شيخه : ايه بيتي احمد : فديت العاجل انا شيخه تعرفين ان المره مالها الا بيتها ومهما كبرت المشاكل بين الريال وحرمته ماتكون بالهرب شيخه : ان شاء الله ماتصير أي مشكله عقب اليوم احمد : ان شا ءالله .. وان بدر من رجلج شي ترانا خوانج عزوتج شيخه : ماتقصر ياخوي ... وان شاء الله مابيصير شي احمد: اندوج الريم كلتني ويلي منها ....... هين ياحمد براويك شيخه : وابويا عليكم متى بتعقولون الريم : ليه الشيخه شايفتنا ميانين شيخه : سلامة الميانين منكم الريم : هين ان ما شكيتج لاخوي ماكون الريم شيخه الحريم شيخه : هذا ان سمعج اصلا الريم : يعجبني الواثق ... اقول شيخاني عندي لج نصيحه روحي لاقرب صالون واعملي نيو لوك شيخه : ليه؟ الريم : شيخه انتي من اعرستي ماغيرتي بشكلج .. وكنتي تقلدين اليازيه بتسريحاتها وطريقة لبسها شيخه قاطعتها : تدرين زين ليش الريم : اعرف بس هذا قبل الحين هو تغير وانتي تغيري ارجعي الريم الي قبل الي تحب الضحك والغشمره شيخه الي كانت مسكته بشياكتها واناقتها شيخه الي كنا نتظر المناسبات عشان نشوف شنو استايلها عسب نقلدها شيخه : اخاف اغير وماعجبه الريم : ابصملج انك رح تعجبينه ... حبيبتي الريايل يحبون التغير ... واذا تبينه ينسى .. بيدج تنسينه كوني شيخه شيخه الكشخه شيخه : خخخ ان شاء الله عمتي الريم : انزين نا بقفل اخوج بيطلقني والسبه الفاتوره شيخه : بسم الله عليكم ان شاء الله ربي مايغير عليكم ابد الريم : امين سلمي شيخه : يوصل بمان الله *أحمد* كنت اطالعها وهي ترمس ... هالبنيه كل يوم تخبلبي اكثر واكثر ..صدقوني عمري ماتخيلت اني رح احبها بيوم .. عمرها مالفت انتباهي كانت بالنسبه لي بنت عم لا اكثر ولا اقل .. كبرت انها محيره لي وان الزمن طال ولا قصر باخذها ...خذتهاتنفيذ لعرفنا .. تخيلت ان بيتنا ر ح يكون مصح عقلي .. جنونها نشاطها حركتها بالنسبه لي كان خارج عن المألوف تذكرين باليهال وبيني وبينكمانا كنت اعتبرها ياهل ع الرغم من انها كانت بال يوم خذتها .. بتسألوني شلون حبيتها بقولكم ماعرف كل الي اعرفه اني احبها ... الا اموت عليها واموت ع خبالها ولسانها وكل شي فيها .... تمت تزقرني وانا مانتبهت فحرجت الريم : احمدوه قلت لها : طريتي اذني قالت : الحمد الله ع السلامه ذبحتنيه وانا ازقرك وماترد قالت لها : سوري مانتبهت قالت : اها مانتبهت .. الي ماخذ عقلك قلت لها وانا اتنهد عسب اغايضها : اه من الي ماخذن عقلي قالت وهي تحاول تكتم غضبها : الله يهنيك ويهنيه رفعت ايدي : امين عطتني نظره ... وابتعدت كانت تلبسه دخلت عليها شفتها مشغوله مع بندر او تتشاغل ... قلت لها : تضايقتي من غير اهتمام : من شو قلت : من رمستي قالت لي : مايهمني قلت لها : مايهمج ..اجل ليه بوزج شبرين قالت لي : يتراوالك قلت لها : اها زين برايج ويت بطلع نادتني : احمد التفت وقلت : لبيه ياقلب احمد ابتسمت لي ابتسامتها الساحره : مابنروح نزور قوم بندر قلت لها : الا بس انتي زهبي عمرج قالت لي : انا زاهبه ... انا بشل بندر وانت شل الاكياس قلت لها : ان اشاء الله ... لبسي شيلتج * حنان * اوف لي اكثر من ساعه جالسه لحالي .. هذا الادمي وين اختفى مادري ولاكلف نفسه حتى يقولي انا طالع .. غريب امره ... انا جيعانه وابغى اكل شكلي رح اسويلي فطور واطنشه |
|
|
#49 |
|
|
رد: ماكل من يضحك مع الناس مبسوط ياكثر من يضحك ونفسه حزينه
كنت لابسه بنطلون جنز بقصه فضفاضه مع قميص بالون الاسود مخصر شوي باكمام طويله مافيه أي زخرفه ولبست جاكيت جنز يوصل للخصر شعري رفعته ذيل حصان يعني الحين صار ينمسك زي الناس اخ على عيني اني ماقدر اقصه .. وطبعا مافي أي اكسسورات باستثناء ساعتي الرياضيه الي من سواتش خخخ اتذكر امي شلون نشفت ريقي الين مارضت اشتريها تمت تقول ساعات رجال واكبر من يدك وشهالخبال وهلم جرا سمعت رن الجرس استغربت الصراحه من الي بيجي الحين ؟ بندر معاه مفتاح ... يمكن نسي مفتاحه الله اعلم .. رحت الغرفه جبت لي شيله تحجبت زي الناس فتحت الباب شفت مره وبيدها طفل شكلها جد حلوه وابتسامتها احلى واحلى قالت : السلام عليكم ابتسمت : هلا وعليكم السلام قالت لي: انتي حنان مو حرمة بندر ابتسمت : انتي الريم ؟ وهذا بندر ؟ ضحكت : ايه بشحمها ولحمها قلت لها : والله موبشايفه شحم والحم مشكوك فيه الريم : خخخخخخخ لا دمج خفيف قلت لها : تفضلي دخلي الريم : واخيرا قلتي دخلي تعبت وانا واقفه ع الباب قلت لها : انتي مسويه نفسك ضيفه وانتي راعية بيت الريم قالت وهي تجلس : تسلمين الشيخه كلج ذوق خذيت منها بندر : ماشاء الله حلو الريم : احم احم طالع علي فديتنيه قلت لها : اول مره اشوف احد يتفدا نفسه الريم : انا غير قلت لها : من هالناحيه انا متأكده قالت لي : وينه قلت لها : منو ؟ قالت لي : ريلج السبال وينه فيه قلت لها : ايش ؟زبال؟ فطست ضحك : سبال يعني قرد بالاماراتي قلت لها : اها ... قلت لها : طلع ...الا والباب ينفتح دخل بندر بيده كتب شكله كان بالمكتبه ومعاه واحد يقول هود هود حرمته قالت هدا هدا ... شكلها كلمات للاستأذن بيني وينكم ماكنت مرتاحه لاني كاشفه اول مره اسويها لكن عاد شنقول الضروره بالمطار بهدلوني الله يبهدلهم فكي الغطاء والي يناظرني بخوف كاني جايه من كوكب ثاني حتى كان في مره كبيره صرخت وقالت الحقو ارهابيه معاها حزام ناسف ... شي يتعب القلب ويديمه ان دينك او رمز منه اصبح دلاله للاجرم ... شي كل ماذكره يضيق صدري .. نرجع للواقع بندر : هلا ام بندر شحالج ربج بخير الريم : لا هلا ولا مسهله بندر : افا ليش زعلج مسود الويه قالت له : ايه نعم زوجها : انا بندر : اعترف شسويت بالبنيه زوجها : يبن الناس والله ماسويت شي ..ريموه انا شسويت قالت : من قال ؟ بندر : مو تقولين انه مزعلج قالت : انا قلت مسود الويه انت شايف ريلي ويهه اسود شوف بياضه ولا الثلج زوجها : احم احم بندر : شوي شوي قالت : وين رحت وتركت حرمتك لعنبو ماتستح على ويهك مودر مره بلاد غريبه بين الطوف بلا انيس ولا ونيس قال لها بندر : ول بالعه راديو انتي خبطه زوجها : اذكر ربك عن تنظر حرمتيه بندر قال : يكون زين ع الاقل ترتاح من لسانها زوجها : بهاذي صادق عصبت الريم : لا والله انت وياه دورو من تطبخلكمبعد جذيه بندر وهو يحط ايده على كتفي حسيت بالاحراج : الله يخلي حرمتي لي الريم : معلوم طاح كرتي الحين احمد : هلا اختي مبروك ان شا ء الله قلت له : الله يبارك فيك احمد : اختي عديني شرات اخوج ... ان زعلج هالخايس وادري بيزعلج تخصه التغليس سأليني انا ماعنيت منه قليل ... عرفي ان عندج اخ هني عون وسند الريم قالت : احم احم واخت مستعده تفلع راسه ضحكت : ماتقصرون والله من طيبكم بندر : انزين ممكن اعرف شبالاكياس هاذي الريم تبتسم : ريوق بندر: زين وليه ماتكلمتي من اول وخذ الاكياس ع المطبخ بسرعه الي يبي ياكل يجي وان ماتبون والله توفرون قلت له وانا مفتشله : عيب يالمفجوع احمد ضحك : عادي متعودين حطينا الاطباق ع السفره وكان في اكلات غريبه انا بصراحه ماعرفها وبالنسبه لي كانت اكتشاف .. الفطور كان متع سوالف وضحك ماتوقعت اني رح اندمج معاهم بسرعه بعد الفطور بندر واحمد دخلو المكتب وانا والريم فضلنا بالصاله نتقهوى * بندر* اخذت لي انا واحمد نسكافيه ودخلنا المكتب .. هذا مكاني المفضل عالمي الخاص فيني .. المكتب هيئته شرقيه مئه بالمئه كاثاث وزخرفه وع الجدار في لوحه كبيره تمثل الصحراء خيام وقوافل مبتعده وطيور تحوم بالسماء ... وع جدار ثاني معلق اسلحه بطريقه عشوائية احب اقضي وقتي فيه لما ابغى افكر ابغى احس اني بديرتي ... جلست انا واحمد ع كرسين متقابلين احمد سالني : ها شرايك بالعرس قلت له وفاهم قصده : ماصار شي من الي تقصده ولا بيصير احمد باستغراب : ماصار وفهمنها امامارح يصير مشكوك فيها قلت له : انا وياها اتفقنا اننا نكون اخوان احمد شرق بالنسكافيه : كح كح كح .. شو قلت له : الي سمعته احمد : بالله هذي رمسة عقال قلت له : هذا الي صار احمد قالي : البنيه ماتضايقت من كلامك قلت له : بالعكس طارت من الوناسه .... احمد انت اخوي وماخبي عليك شي البنيه ماتباني .. وافقت بس عشان ترضي ابوي وعمي مو لاني عاجبها ياخوي انا وهي مانقعد مع بعض الا تهاوشنا ... تصدق اننا بيوم عرسنا تهاوشنا وحكاه على سوايا حنان قالي: ههههههههههههههههههه قلت له : اضحك وشعليك مو انت الي سمعت كلام مثل السم قالي : زعلك كلامها قلت له : ماخبي عليك حسيت بالاهانه ... حسيت بالحزن قالي : اسالك وتجاوبني بصراحه قلت له : اكيد قالي : تعجبك ؟ قلت له : منو حنان خخخخخخخخ قالي: ماقلت شي يضحك قلت له : توني اقولك نتهاوش تقولي تعجبك قالي: مو بشرط قلت له : ريح نفسك الشيخ مالها بقلبي مكان قالي : والله انت ابخص بعمرك قلت له : زين ممكن الحين نطالع دروسنا *حنان * خخخخخ هالبنيه تحفه مدري كيف اندمجت معاها ا حس نفسي اعرفها من زمان وحسيت بيني وبين نفسي بلوم لاني ظنيت فيها ظن السوء ..ولدها ياي يجنن تختوخ شوي وابيضاني وضحكته شي كنت ماسكة الولد العبه : ياقلبو انتي يزني يزني الريم تضحك : خخخخ والله ولقيت لك معجبات يابندر ضحت عليها : خخخخ مو أي معجبها الا حنان بنت عبدالله يطول ولدج الريم : عدال انتي بس الي تمنين نظره من ولدي قلت لها : ههههههههه القرد بعين امه الريم : قرد ريلج قلت لها : نعم نعم ترا ماسمحلك الريم : وانا استأذنت عشان تسمحين انا اوردي سبيته قلت : وتعترفين بعد الريم قالت : افكورس انا ماخاف خخخخخخخخ قلت لها : شرايك تسولفين لي عن نفسك يعني اذا ماعندك مانع الريم : عندي دواس ينفع قلت لها : من قاص عليك وقايل ان دمك خفيف الريم : محد قال انا عارفه لاني مخفته بالماي قلت لها : ويك ويك بايخه الريم : شرات ويهج قلت لها : هيء (شهقه ) بيتي وتسبيني الريم : اوبس نسينا تعالي بالمر اسبج ونرجع قلت لها : خخخخخخخخخ والله مو بصاحيه الريم : خخخ توك تدرين سمعي ياطويلة العمر انا اسمي الريم راشد ال... طبعا تعرفي اني اماراتيه وهذا واضح من رمستيه ام عمري 20 متزوجه من احمد ولد عمي وربيع ريلج عندي بندر سمي ريلج ام ماكملت دراستي اناماكنت شاطره اولا وثانيا عرست وحملت بسرعه ماوحالي تهنى بالعرس هههه ام عندي اخين الكبير سلطان هذا معرس واقدر اقول عنه انه ابوي الي رباني عقب موت الوالد الله يرحمه معرس له سنه وماخذ اخت احمد شيخاني وعندي الاخو المينون حمدان قلبه ع الكل وحنون وايد وبنفس الوقت عليه غلاسه ماتنطاق هذا بعده عازب وشكله جذيه بيعنس ضحكت عليها : خخخخخخخخخ حلوه يعنس الريم قالت : خخخخخ والله اني صادقه ها الصبي من يسمع طاري العرس يودر الميلس ويطلع ركيض تقولين لاقعنه عقرب ...ومن في ايه ميثه عمرها ماخذه ثاني ولد عمي تخيلي هو اصغر عن احمد بعشر شهور قلت لها : ماشاء الله الله يحفظه بس لاحظت انكم خوان ماخذين خوات الريم ابتسمت : صح اوب يماعنده غيراخ واحد واحنا عندنا البنيه لولد عمها وانتي سولفي عن نفسك حنان : ام اسمي حنان عمري 20 يعني شراتك كنت ادرس الين ماتزوجت ادرارة اعمال والحين رح اكمل انتساب عندي ثلاث خوات نور الكبيره هذي عمرها 22 ومتزوجه من عشر ة ايام تقريبا وماخذه تركي اخو بندر وعندي ليلى هذي مرها وتدرس تقنيه طبيه ومريم عمرها 17 وهالسنه ثانويه عامه الريم سالتني : ماعندك اخوان قلت لها : لا .. كنت اتمنى يكون عندي اخو عزوه سند وانا صغيره كنت اسمع البنات يتكلمون عن اخوانهم وعن خوفهم علهم عاطفتهم غيرتهم بيني وبين نفسي كنت احسدهم بصراحه وقرت اني اكون لخواتي الاخ الي مانرزقنا فيه الريم : يعني اسفه ع التطفل ابوج ماكان نفسه بولد ؟ ضحكت عليها : تصدقين مره سالنا ابوي هالسؤال قالنا ليه اتمنى الولد واناعندي بنات يغنيني عن مية رجال كملنا انا وياها سوالفنا الين ماطلع رجلها وراحت معاه حاولنا نعزمهم ع الغذا لكنهم رفضو *عبد الرحمن * كنت جالس لوحدي .. اخ الوحده صعبه والعجز اصعب .. تذكرت رجلي حسيت بالالم والحسره صعب ان الانسان يفقد جزء من جسده بهالبساطه لكن هذا قدر رب العباد ولازم نرضى .. لاز ياعبد الرحمن ماتضعف لازم تكون اقوى من قبل لازم ميبان عليك الانكسار لاجل اهلك ... اهلك الي مالهم بهالدنيا غيرك دخل مرض من قسم الاطراف الصناعيه اخذ مقاسي تكلم معاي وكان يرفع من معنوياتي وقالي ان العضو رح يكون جاهز عقب اسبوع بعد ماطلع كنت ابغى انام .. يمكن هرب من مشاعر الحزن الي تملكتني يوم شفت رجلي لاول مره وهي مبتوره وملفوفه بالشاش اندق الباب استغربت من الي رح يجي .. دخل علي ابتسمت اول ماشفته هلا والله هلا بالنسيب عبدالله : لا والله اهلا وسهلا انت واحد ماتستحي تعرف ذا الشي قلت له : ليه قالي : الحين انا صاحبك من سنين وفوق كذا قريب ان شاء الله وتصير خال عيالي قلت له : خخ خال عيالك .. املك عليها بالاول قالي : والله اختك تدلع مو راضيه .... هذا مو موضوعنا .. ا نت كيف تطيح بالمستفشى وانا مادري ومادريت اليوم الا بالصدفه يوم جيت الشركه وسالت عنك قلت له : انت كنت مسافر و .. قاطعني : وخير ياطير واذا مسافر من بعد المسافه .. والله لو بالصين كان رجعت انا ماعندي اعز منك يا عبدالرحمن انت اخوي وصديقي الوحيد ابتسمت : ماتقصر والله يابومتعب بس انا طول الوقت كنت بغيبوبه وماصحيت الا امس قالي : المهم الحمدالله ع السلامه واجر وعافيه قلت له : الله يعافيك ويخليك لي سالني : متى بيطلعونك من هني قلت له : بعد يومين .. لكن لازم اجي اراجع عشان جلسات العلاج الطبيعي قالي: اها طيب ليه الاصابه كبيره ؟ قلت له : ابد بترو ساقي شفت الصدمه على وجهه : لاحول ولا قوة الا بالله .. قلت له : ونعم بالله الحمدالله ساق ولا الاثنين وانا احسن من غيري ابتسم لي : طول عمرك قوي وماتنكسر تنهدت بالم : ماكذب عليك واقولك ان السالفه ماتفرق معي .. الا والله اني احس بنفسي مكسور وعاجز لكن ماقدر ابين ما اقدر اقول قدامي اهلي سويت نفسي طبيعي وقمت اضحك لكن بقرارة نفسي انا اتقطع اتقطع ياخوي حط ايده ع كتفي : ليته فيني ولا فيك ... عبد الرحمن مو عيب انك تحس بالالم وصدقني فاهمك وحاس فيك لكن خلك واثق من نفسك خل هالالم دافع لك بالحياة دافع يخليك تنجز وتفوق انت ماشاء الله من اشهر رجال الاعمال واسمك يرن رن انت انقذت ابوك من الخساره وكبرتها الين صارت الي هي عليه اليوم وان شاء الله رح تستمر بالتقدم ومارح يوقف بوجهك شي وانا رح اكون جنبك وكل الي وقفو معاك باول الطريق رح يكونون معك اعتبرنا عقازك الي تستند عليه ابتسمت : اشهد انك نشمي ياعبودي عبدالله : عبودي بعينك ان شاءالله احم احم هذا دلعي ماتقوله الا حرمتي قلت له وانا افهم قصده : ان صارت حرمتك فتح عيونه : نعم لايكون بترجع بكلامك ؟ قلت له : والله لو تبغى تملك بها اليوم املكت لك وخذها بيتك الاخ ابتسامته من الاذن للاذن : لو بي كان رحت جبت الشيخ الحين لكن انا مارضى اخذ بنت مساعد كذا ... لازملها عرس تتكلم عنه جده كلها ابتسمت له : ماتقصر يابو متعب .. وقف وقال : تامرني على شي قلت له : وين خلك عندي قالي : لا بروح البيت تعبان ابغى انام قلت له : زين الله يحفظك قالي وهو مستحي : عبدالرحمن لاتفهمني غلط بس عطي رقمي الاهل لو احتاجو شي او صارلهم شي لاسمح الله قلت له : تطمن في سواق وفر خدماتك قالي : مالت عليك مع السلامه * بعد مرور 3 شهور * عبد الرحمن لاقى بتدريباته ع الساق الصناعيه صعوبه الا انه قدر يتفوق عليها ورجع لشغله بكل عزيمه ونشاط احلام وليلى ومريم .. بدت دراستهم وبدأ معاها الكرف تركي نور الاوضاع مستقره واخيرا ترك بعد شهر من زواجه رجع للشغل بعد كلمتين بالعظم من جدته ( انت مو ناوي تروح شغلك كله لاصق بحرمتك تركي : جدتي انا عريس الجده : لك اكثر من شهر ترى اخرتها بتزهق منك تركي يطالع نور : زهقتي الجده نطت : ايه زهقت من بكره ارجع شغلك تركي : امرنا لله ) سلطان وشيخه .. حتى الان مستقره حياتهم حمدان انعدل وصار يداوم بالشغل حتى قبل سلطان الريم واحمد ... حياتهم ماشيه اوكي ولدهم مجننهم بندر وحنان الاخ والاخت مبسوطين ع الاخير تعودو على بعض وبندر يسمي حنان خوي (صاحبي ) لان الحبيبه مو مقصره محسته انها ولد بمعنى الكلمه وصار يطالعلها من هالمنطلق لغاية يوم ... كان احمد عازم الريم ع العشى وطبعا مافي احد يكون مع الولد الا حنان الريم مستحيه : حنان والله مستحيه بس حنان قاطعتها : لاتقولين كذا احنا زي الاخوات مابينا هالشي الريم : ماتقصرين والله انا جبت لك كل الاشياء الي تحتاجينها وترى الاكل بالحافظه حنان : ريم والله عارفه شفتها روحي واستانسي ولا اشوف وجهك انتي ورجلك الا بكره سامعه ... يالله بسرعه روحي بعد لعب وجهد جهيد وبعد مانتف شعرها ناملها بندر الصغيرون ... نام على حظنها حنان كانت تحس وجهه بكل نعومه وشعرها نازل على وجهها قامت وبحركة عفويه ترجعه ورى اذنها بندر كان يراقبها طول الوقت لاول مره شاف حنان ناعمه ..لاول مره شاف انها انثى صورتها وهي حاطه بندر بحجرها ونظرتها له انحفرت بخياله بندر " من يصدق حنان حنونه كذا " قرب منها : هاتي رح اوديه الغرفه انحنى اخذه من عليها ماكان مركز .. تركيزه كله كان على وجهها حنان : بندر خلاص يالله شيله ابتسم بندر واخذه حطه السرير جات هي وحطتله مخدات من الجوانب عشان لايطيح غطته بشرف وتركت الباب مفتوح طلعت هي وياه الصاله اول ماجلست ع الكنبه فتحت بكلتها عشان تلم الشعر الي طالع بندر انتبهلها حنان رجعت تلم شعرها بالكامل بندر" ليه ترفعينه خليه مفتوح احلى " لكن طبعا ماتجرأ يبدي رايه خاف يجيه شي منها حنان : خير فيه شي بندر : اقول ماتزعلي حنان : هات الي عندك بندر : اول مره احس انك بنت حنان بنص عين : سوري يعني لكن انا اول مره اشوف ان عندك عاطفه وحنان حسيت هالشي من معاملتك لبندر الصغير ولاطول الوقت احسك واحد من اخوياي حنان حز بخاطرها كلامه لكن على مين : والله عاد احاسيسك خلها نفسك ماتهمني تصبح على خير بندر : حنان لحظه حنان التفت له : اسمع يابن الناس لاتحط بالك اني انجرحت من كلامك قلت لك من قبل واقولها لك من جديد انت اخر انسان ممكن يهمني بالكون وترى انا اؤمن بحريه الاراء عن اذنك حنان بنفسها " هذا الي باقي الاخ بندر جالس يقيم درجة الانوثه عندي مالت عليه ... معقوله انا مابان انثى لهالدرجه ... خليك منه مابقي الا تفكرين بكلامه مغرور على ايه ياحسره وجع انام احسن لي * غرفة نور وتركي * نور : انت كيف تفهم اقولك وخر عني مو طايقاك تركي : نور لاترفعين صوتك نور : ياخي انقلع انقلع من قدام وجهي تركي يمد ايده يبي يهديها : وخر ايدك لاتلمسني مو طايقتك مو طايقه لمستك انت كيف تفهم ... ماتحس ماعندك مشاعر اقولك مابغاك تركي عصب منها : وانا الي مايباني مره ماباه الف وطلع قفل الباب وراه بقوة نور خذت تحفة عندها ورمتها ع الباب وتكسرت لقطع قطع زي قبلها الي انكسر *سلطان * اخيرا رديت تأخر وايد بالشغل يلست ع القنفه عسب ارتاح شوي شفت ملابسي ع الشبريه زاهبه .. ياتني شيخه وعطتني الفوطه : تسبح الين مازهب لك العشى قلت لها : انا شبعان من هالجمال قالت: لا ماينفع العشى بتعشى اعرفك اكيد ماطاح شي بطنك من الغذا قلت : انا احبج يزوي شفت ابتسامتها بهت وقالت انا بسير ازهب العشى ماستوعبت اني ناديتها باسم اختها الا بعد ماطلعت من عندي *حنان * سمعت جرس الباب يرن طالعت الساعه الحين الساعه 1 قمت من النوم شفت بندر طالع فتح الباب وكانت الريم بندر : الريم خير فيه شي ؟ الريم بدت تبكي.. جريت عليها : ريم خير الريم اول ماشافتني ارتمت بصدري قلت لها : شصار احمد صارله شي بكت : لا بندر : حنان خذيها داخل عندك وانا بشوف احمد الريم من وسط بكاها : لو سمحت بندر مابى اشوفه بندر وانا فهمنا انهم متخانقين قلت لها : ولا يهمك بندر رح نام عند صاحبك والريم بتقعد هني بندر : زين .. ان احتجتو شي اتصلوا راح بندر وتركني انا وريم اعطيتها ملابس عشان تتسبح ورحت اسوي لنا هوت شوكلت تمهيدا لجلسه كلام طويله |
|
|
#50 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
الجزء الحادي والعشرون ليتني دم بوريدك أدخل القلب واشوف هل انا ساكن بوسطه او احد غيري لفاه ليتني حبر بيدينك اقلب افكارك حروف اكتب الي قد كتمته وما تبي غيرك يراه ليتني ظل بنهارك ليتني بليلك طيوف اسهر اليل بخيالك واسمعك لا قلت اه *نور * ارتمت ع السرير وهي تبكي دموعها غرقت مخدتها .. اخ ياقلبي ... ليتك ياربي خذت عمري قبل لا اسمع اه ليه ياتركي ... طالعت من الشباك لقيت السياره موجوده معناته انه ماطلع ... شكله بالحوش .. لبست لي روب بيت ونزلت ... كان جالس قدام المسبح وشكله سرحان ناديته : تركي تنهد من غير لا يتلفت : نعم جايه تكملين الهوشه هني عضت ع شفتي وقلت : طلقني ... طلقني ياتركي التفت لي وهو مذهول : اطلقك ؟ جنيتي ؟ قلت له وانا اتظاهر بالصلابه : الا عقلت لو سمحت زي مادخلنا بالمعروف نطلع بالمعروف طالعني والشر من عينه : اهي لعبه ؟ نور هذا زواج قلت : ادري وانا اعرف شقول قالي: وممكن اعرف ليه تبين تطلقين قلت له وانا قلبي يعتصر : لاني مو قادره اتحمل العيشه معاك قالي : نور انتي شاربه شي فيك يابنت الحلال سبتك في الصباح مافيك شي ايش الي قلبك قلت له : تعبت من التمثيل قالي: تمثيل ؟ قلت له وانا تقطع : ايه تمثيل لاتكون تصدق اني احبك غلطان انا عمري ماحبيتك ولا رح احبك ولا رح انسى يوم انك سبب عذابي الي تعذبته من انا طفله اكرهههههك اكرهههههك وهذاني اقولك طلقني احفظ قدرك وطلقني تركي قال : وان قلت ماني مطلق ؟ قلت له : وترضى على نفسك تقعد مع وحده ماتباك ؟ قالي : شتقولين لوح ماحس قلت له باصرار : برفع عليك قضية خلع قالي : لا والله ومجهزه بعد الردود قلت له : ماله داعي نطولها وهي قصيره انا ابي طلاقي ومن بكره برد بيت اهلي قالي : تبين تردين عند اهلك ردي لكن طلاق لا تحلمين فيه حتى لاحج البقر ع قرونه مافيه طلاق قلت له وانا اصرخ : ياخي مابيك قالي بكل برود : مايهمني المهم رغبتي ... لعلمك رح اخليك معلقه لا متزوجه ولا مطلقه مو تركي الي ينلعب فيه يانور طلع وتركني غرقانه وسط المي ... طلعت غرفتي لميت اغراضي بشنطه صح ماخذتها كلها .. لكن هذي كفايه ....بعد ساعه رجع تركي * تركي * اخ ياقلبي لين متى بتعذب الين متى يجرحونك من تحبهم .... ليه يانور ليه العذاب هذ ا كله ... طلاق على طول طلاق ... ليه شالسبب انا شقصرت شذنبي ...ليه مانسيتي الماضي زي مانسيته ليه ... ليه توهميني بحبك ليه ماكملتي تمثيل ..ياربي انا شسويت بدنيتي عشان اتعذب كذا .. هين يانور ان ما رجعت لك الطاق طاقين ماكون تركي واحلمي بطلاقك فتحت الباب بعصبيه عليها وقلك وانا ارمي التذكره ع الارض : هذي تذكرتك ياهانم الطياره عقب ساعه لمي عفشك انا استناك تحت وهناك رح تلقين اكبر يستناك شوي ونزلت والشغاله وراها شايله شنطتها وركبنا السياره باتجاه المطار في السياره طلعت لها شيك ورميت بحظنها قالت : شهذا من غير لا اطالعها : شيك قالت لي : لا توني ادري ...ليه الشيك قلت لها : مصروفك كل شهر رح ارسلك مصروف حطت الشيك ع الطبلون وقالت : خل فلوسك لك مابيها واهلي مو بعجزانين عن مصاريفي قلت لها وانا احاول اكتم الغيض الي فيني : انتي حرمتي يعين مسئوله مني ومحد رح يصرف عليك غيري خذي الشيك وحطيه بشنطتك طنشتني وماردت : نور خذي الشيك بالطيب اخذت الشيك وحطته بالشنطه وصلتها المطار الين مادخلت صالة المغادره دقيت ع اكبر : اكبر انت في مطار قال: ايوا بابا قلت له : زين نور كلو ساعه ونص يجي اوكي استنى انت اكبر : زين بابا ... بابا تركي ماما نورانت في مشكل تركي : اكبر بلا لقافه .. ومع السلامه *شيخه* اه ياسلطان لين متى بتعذبني الين متى ... تميت اجهز بالعشى حطيته بالصينيه قمت امسح دموعي الا وحست بشخص يحظني من وراي همس عند اذني وقال : والله انها زلة لسان واني قصدتج انتي قلت له : اتركين لو سمحت لفني عليه وصرت مقانه اول ماجات عيني بعينه رجعت دموعي تسيل مسح دموعي بيداته وقال : تكفين الا هالدموع والله انها اشد عندي من طعن الخناجر قلت له : مانسيتها ؟1 قالي وعيونه ع الارض : اكون جذاب ان قلت نسيتها نزلت راسي وقلت بخاطري" ليتك جذبت وماعترفت " قالي وهو يرفع راسي عسب يشوف عيوني : ان ماكنت وفي لها ولذكراها شلون بكون وفي معج ؟ و تأكدي ان للياز ذكرى جميله وانتي لج الخفوق ونبضه سالته : متأكد ياسلطان ؟ متأكد انها بس ذكرى ؟ ابتسم بوجهي : ورب البيت انها ذكرى ابتسمت له وهو بادلني الابتسامه وحبني ع جبيني الا ونسمع : احم احم الا وابتعد عني سلطان بسرعه وانا وجهي صار طماطمه دخل حمدان : انتو ماعندكم جناح تغزلو فيه براحتكم مو بالمطبخ عيب والله ماعرفت وين اودي ويهي من حمدان تلومت وايد منه اما سلطان قاله : ياربي من ذا الصبي انت حد مصلتنك علي كل شوي وطالعلي ماقدر اقعد مع حرمتيه شوي الا وانت ناط تراك طفرتني حمدان ضحك : خخخخخ حرمتك اصلا الي قالت ماتبي تقعد معاك صح شيخاني فتحت عيوني منصدمه من كلامه اما هو خذاله خبطه ع راسه : مسود الوجه ماتستح تدلع حرمتيه جدامي قالي : عافنا الله تراها بنت عمي وبعدين حرمتيه حرميته محد عرس غيرك .. حليلج شيخاني شلون تحملينه سلطان : حمدان عطني مقفاك اشوف حمدان قاله : مو بعاطنك شي وانا يوعان وبتعشى معك وبسهر بعد بجناحك سلطان طفر منه : حمدان حمدان : ياخوي علامك تصارخ حد قالك اني اصمخ اسمعك تكلم بهدوء امايه نايمه عن تصحى سلطان قاله : هذا الصبي بلا احساس حمدان قاله : عيب عليك تقول عني جذا انا كلي مشاعر واحاسيس مرهفه صح شيخه انا كنت ناقعه ضحك ماقدرت ارمس ابد سلطان محرج وحمدان ثلج اخر شي سلطان قر ينسحب قالي : انا ساير جناحنا هاتي العشى شيخه والتفت لحمدان والله ان يت لاذبحك قلت له : ان شاء الله بعد ماسار حمدان رمسني بجديه : شيخه شلونه معاج ؟ ابتسمت : الحمدالله زين حمدان : شيخه ان صار شي او رجع لعاداته القديمه قوليلي انا اخوج قلت له : ماتقصر يابوشهاب ..ازهبلك العشى حمدان : انا تعشيت عند الميث بس قلت اطفر بريلج شوي سيريله عن ينفجر ضحكت : ان شاء الله *حنان* خرجت من الحمام ( والجيمع بكرامه ) قلت لها : نعيما الريم ابتسمت مجامله : الله ينعم بحالك ... وجلست ع الطاوله حطيت قدامها الهوت شوكليت مالمسته اكتفت بالنظر للفراغ الي قدامها من غير لاتكلم .. احترمت صمتها وماحبيت اتطفل عليها لكني ماقدرت اسكت يوم شفت دموعها بدت تخونها وتنزل ع خدودها حطيت ايدي على ايدها وضغطت طالعتني وقالت : تعرفين اصعب شي تحسه مره ؟ هزيت راسي بمعنى لا .. ابتسمت وقالت : ان شاء الله ماتذوقين النار أي بقلبي ابد سألتها : شصار الريم ؟ قالت : شافها ... قلت : منو هي قالت : حبه القديم .. الحب الي عمره ماطاله ( حسيت بصدمه ) ابتسمت لمنظري وقالت : ماتوقعتي ان احمد له غراميات ؟ قلت لها : ايه احمد مبين عليه انه يحبك قالت : وهو يحبني .. لكن الى الان حبها بقلبه مامات قلت لها: شدراك قالت لي : العيون فضاحه ياحنان العيون تبوح بخفايا النفوس العيون فضحت حبها له .. وعيونه كانت كلها شوق ولهفه حتى كفوفهم كانت مشتاقه قلت لها : تعرفينها قالت : اسمها سارا ... امريكيه سعوديه ... تدرس بالجامعه وكانت تحبه لكن احمد عمره ماصرح لها بمشاعره لها وكان ينكرها كونه متزوج ولازم يحترم زواجنا ... قلت لها : يمكن تظلمينه قالت : حنان كل مره تعرف متى يكون قلب زوجها لها ومتى يكون لها فيه شريك ... عارفه السهره كانت حلوه وقمة بالرومانسيه الين شافها تقولين حد صب ماي بارد عليه التفت غصب عني صوب مايناظر شفت مره سبحان الي خلقها حسيت ان شكلها مألوف بياضها عيونها الخضراء شعرها البنيوجسمها المرسوم رسم عارفه اول ماشافته تغير وجهها الضحكه اختفت عيونها امتلت بالدموع حسيتها شوي وتطيح اقتربت منا بكل ثقه سلمت عليه لامست يدها يده شفت الشوق شفت اللهفه التفت لي حسيتها بتاكلني اكل بعيونها قالت لي : شلونك مدام فرصه سعيده قلت لها : انا اسعد .. ماعرفتنا احمد لو سمعتي هزت صوته : هذي سارا ياريم ابتست ابتسامه صفراء وانا بداخلي اتقطع : سارا اخيرا شفتك سمعت عن وايد قالت لي : وانا احمد حكالي عنك كثير انت محظوظه كثير برجل يحبك هالقد قلت لها : بركت دعا الوالدين .... تفضلي ليش واقفه قالت : لا ماحب اقطع عليكم رومانسيتكم وبعدين اصحابي مستنيني فرصه سعيده قلت لها : انا الاسعد * بندر* انت اكيد مجنون ومو بصاحي شلون تقولها انها سارا احمد قال : ماقدرت اجذب صدقني حتى لوجذبت الريم تعرف قلت له : بعدك مانسيتها بعدك تحبها قالي : مادري اول ماشفتها حسيت بالحنين ... بندر انت اكثر واحد تعرف شكثر كنت احبها قلت له: هذاك قلت كنت يعني ماضي والمفروض يكون انتهى قالي: هذا الي كنت احسبه الين ماشفتها صرخت بوجهه : والريم ؟ قالي: احبها والله العظيم احبها قلت له: ياعيني عماره مو بقلب الريم بالدور الاول وسارا بالثاني قالي: لاتمصخر قلت له : والله من غيضي اتمصخر .. الريم ماتستاهل انك تجرحها انك تخونها بمشاعرك ... هذي زوجتك وام ولدك قالي: صدقني والله احبها بس مدري سارا حركة مشاعر فيني قاطعته : حركة مشاعر غرورك ... مافي رجل مايتمنى تجيه بنيه بزين سارا وتقوله احبك وانت كنت واحد من المحظوظين القلائل بالدنيا وجاتك سارا وعرضت حبها لك ..لكنك رفضته وتحب اذكرك شقلت لها "سارا خلينا اخوان انا ماحبج الا شرات الاخت " تعرف شنو اخت ياحمد ؟ يعني محرمه عليك انت الي حدت العلاقه مو احد غييرك والحين تقولين تحس بشوق وحنين وهالخرابيط لاتخسر حرمتك عشان شي مايسوى ياحمد احمد ابتسم بسخريه : انت تشوف نفسك اهل للنصايح .. ليه ماتنصح نفسك قبل غيرك تحب حرمتك وتموت عليها لكن ماعندك الشجاعه انك تصارحها ماعند الجرأه انك تلغي اتفاقك السخيف معاها قلت له : احمد قالي : شاحمده ..هذي الحقيقه وانت تدريبها زين وانت تعرف اني كنت اميللها ولو ماكنت الريم بنت عمي كان خذتها عليها .. انا افكر اترتبط فيها قلت له وانا معصب : مستحيل اسمحلك تسوي هاشي مستحيل اسمحلك تدمر حياتك بدينك قالي وهو معصب : من انت عشان تسمح او لاتسمح .. انت رحت ولا جيت مجرد صديق غربه كلها فتره وماعاد اشوف رقعه ويهك قلت له وانا متحسر : مشكور يجي منك اكثر وطلعت من الشقه وتركته ع الدرج لحقني وقفني : بندر التفت : نعم الشيخ نسيت شي تبي تقوله ؟ حسيته متفشل مني ع الاخير : بندر والله اسف مو قصدي مدري شفيني قمت اعق الرمسه من غير ماثمنها قلت له : احمد انا اخوك وابي مصلحتك لاتعلق نفسك باوهام ...لاتدمر زواجك انت والريم قالي: ان شا ءالله لاتهتم بيصير كل شي زين ... اطلع الحين قلت له : مابي قالي : كيفك نام بال قلت له : بل ماصدقتك ........ ورجعنا الشقه جلسنا انا وياه متقابلين ...سالته : يبان علي ؟ سألني : شو؟ طالعته بنص عين : تدري عن شنو اسأل ابتسم : وليه ماتقولها ؟ قلت له : يمكن لاني مو متأكد منها ابتسم : اسأل قلبك ومارح يكذب عليك قلت له : وانت سألته قالي : بندر تكفى لا نفتح هالموضوع قلت له : احمد انا خايف عليك انت عندك مره تموت عليك كانت سندك بمحنتك وشريكتك فرحتك وقبل هذا كله بنت عمك لحمك ودمك قالي: بندر لا تفكر ابد ان حبي للريم قل لا والله او اني اشوف فيها نقص وسارا تتميز فيه عنها لا ابدا لكن يوم شفت سارا صدقني حسيت بالحنين مو اكثر ولا اقل عارف لما عصبت علي الريم وازعلت حسيت بسعاده حسيت شكثر انا مهم عندها وبنفس الوقت صرت خايف اني اخسرها ابتسمت وانا مطمئن : لا تخاف مارح تخسرها بأذن الله الريم عاقله هذي بس ثورة غضب ورح تهدأ ابتسم لي : ان شاء الله ... والحين ارمسني عن الي بقلبك وخلينا نسترد عزوبيتنا قلت له وانا اضحك : مو بقلبي شي قالي : معقول توك تسال اذا باين ؟ قلت له : انت وسوست لي انا ماحب قالي : جذاب قلت له : كيفك اذا ماتبي تصدق قالي : اذا تحبها قولها .. اعتقد انها تحبك قلت ليه : منو حنان تحب ؟ قالي : ليه مو انسانه مو عندها مشاعر قلت : عندها لابوها امها خواتها لكن انا مستحيل قالي: ماتهتم فيك ؟ قلت : عادي مافي شي مبالغ فيه زي أي اخت تعتني بشؤون اخوها عصب علي :رجع يقول اخت ... ياخي انت ماتفهم هاذي زوجتك حرمتك يور وايف ... قال اخت قال بندر عندي سؤال ومتلوم منك بس لازم اسالك اياه لاني قمت اشك طالعته بنص عين : اسأل اخ احمد اسأل انت مو وراك شغله اليله الا انك تحق معي قالي: اول شي اوعدني انك مارح تعصب ولا تأذيني ابد قالت : دام هذي المقدمه كلها معناته سؤالك بايخ شرات وجهك اوعدك اخ احمد مارح اسويلك شي اسأل وفكني ابي انام قالي وهو يبتعد لجهة غرفته : بندر انت رجال رجال يعني يعجبوك النسوان مو انت فاهم صح هي لحظات الي ماستوعبت السؤال وقمت له : ايا قليل الحيا صدق ماتعطي وجه ان ماراويتك ليه الاخ تسأل لاكون بصبصت لك يادوب دخل غرفته وطق الباب بالمفتاح : انت صدق ماينوثق بوعودك طقيت الباب بقوه : افتتح يالهرم قالي: مو بفاتح ونام بليا مخده ولا بطانيه |
