ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة (ماكل من يضحك مع الناس مبسوط ياكثر من يضحك ونفسه حزينه) يوجد هنا (ماكل من يضحك مع الناس مبسوط ياكثر من يضحك ونفسه حزينه) هنا تنقل الروايات المكتملة فقط

فساتين العيد


 
قديم   #21

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

تكمله البارت الثامن

سلطان انا بروح ارقد تصبح على خير وانت ارقد وراك قعده باجر

وطلع سلطان غرفته لينام

سلطان : وين ارقد طيرت الرقاده كله

طلع باتجاه حجرته وبخاطره " الله ياخذك يا ثاني كان لازم تاخرنا مالت عليك

وعلي مرابعك شفكني الان من سلطان دامه حطني براسه "

شاف نور الغرفه شغال عرف انها لسى صاحيه طق الباب يستأذن عليها لكن

ماجاه الرد دخل شافها ع سجادتها رافع كفها للسما وتدعي الله

ام سلطان : يارب ان تهدي عيالي لطريق وتبعد عنهم عيال

الحرام وتفرحني فيهم يارب العالمين

حمدان: امين ان شاء الله

ام سلطان : انت رديت

حمدان يستخف دمه : لاطلعت

ام سلطان : حمدانوه اصطلب عاد

حمدان بلهجة مصريه وهو ينحني باتجاه امه يبي يحظنها :

مال الأمر زعلان

احنا مايخلصناش زعلك ابدا ياجميل

ام سلطان وهي تدفه بعيد عنها : صك عني

حمدان : افا يمه اهون عليج وانا حبيبك وليدك حمدان اصغر

عيالك

ام سلطان : والريم وميثه وين راحو

حمدان : ام كل وحده بيت ريلها مافي غيري انا هني

معاك وقرقوش

ام سلطان وهي تضرب صدرها : يالله سترك من قرقوش هذا

حمدان : خخخخخخ يمه علامك هذا سلطان اخوي

ام سلطان : مسود الوجه هذا كلام تقوله على اخوك العود

حمدان : مسامحه يمه

ام سلطان : رح دارك خلني اوطي راسي شوي قبل الاذن

حمدان : طرده يمه

ام سلطان : ايه يالا عطنا مقفاك

الصبح الساعه 7:30

*سلط ان *

صحي على صوت المنبه يالله شلون الان بقوم فيني رقاد كله

هذا من حمدانوه

هذا الولد بيب اخرتي اكيد بعده للحين خايس رقاد

قمت تسبحت مريت على حجرة حمدان السموحه اقصد خرابة حمدان طقيت الباب

ماكو رد رديت وطقيت ثاني مره محد رد علي فتحت الباب المشهد الاعتيادي

الكنادير بكل مكان تلقاها مكتب الكمبيوتر مزبله بصراحه هذا الولد شلون عايش

بهالعفن مو عارف شقيت طريقي الين ماوصلت اخيرا الشبريه رفعت الغطا بس

مالقيت احد استغربت الصراحه ...هذا وين راح ؟!!!!!!!!!

نزلت تحت الصاله لقيت الوالده تقهوى حبيتها على راسها :السلام عليكم

الوالده : وعليكم السلام

سالتها : يمه وين حمدان

ردت : اخوك من الساعه سبع وهو طالع

سالتها : وين راح ؟

جاوبتني : الشركه

فتحت اعيوني مو مصدق الي اسمعه حمدان طلع الشركه مستحيل اكيد قص على

امي وراح ينام عند واحد من ربعه يعرفني ان صحيت وهو راقد بغسل شراعه

استاذنت من امي وطلعت باتجاه الشركه

اول ماوصلت ناظرت ساعتي كانت ثمان ونص وقلت بخاطري " ياويلك ياحمدان

وسواد ليلك ان مالقيتك " على طول اتجهت لمكتبه فتحت الباب من غير لاستاذن

شفته لاول مره من زمان ماقعد ع المكتب اوبس اقصد نام ع المكتب
قربت له طقيت ع المكتب لكن لاحياة لمن تنادي

زدت الطق ع المكتب حمدان بصوت كله نوم : انزين يمه شوي شوي

صرخت عليه : حمدانوه

فز من نومه مخترع ع الاخيروقام وقف على حيله كنت بضحك على شكله لكن

مسكت نفسي

قلت له : غسل ويجهك والحقني ع مكتبي

حمدان : ان شاء الله

عشر دقايق وهو في مكتبي رتب شكله

قلت له : اجلس لا تتم واقف على راسي

يلس الين ماخلصت الملفات الي بديني سالته : انت ياي الشركه ليه

قالي : انت الي قلت امس

رديت عليه : يعني يت بس لاني قلت لو ماتكلمت ماكان شفت رقعت ويهك

تم ساكت عرفت ان كلامي ماعجبه

قلت له : حمدان انت عمرك الحين 23 جامعتك وخلصتها الان صار لازم تجابل

شغلك هذا حلالك ولازم تعرف شلك وشعليك

حمدان جاوبني : انت وين رحت

قلت له : افهمني ياخوي اليوم انا فوق التراب باجر تحته من يدري شيصير لك

بغمضة عين مابي يصيرلك الي صارلي عقب الوالد الله يرحمه

حمدان : جعل يومي قبل يومك لاتقول هالكلام يا سلطان

ابتسكت من نبرة الخوف الي سمعتها بصوته : بسم الله عليك ياخوي انت توك

شباب انا خلاص راحت علي

حمدان : الاعتراف بالحق فضيله

انفجرت انا وياه ضحك قلت له : الان عطني مقفاك بشوف شغلي

سالني : انزين انا شسوي

قلت له : روح البيت نام لا يشوفك الموظفين نايم على مكتبك ومن بكرة تبدأ

دوامك سامع

ابتسم لي :يخليك لي ياخوي وحبني على راسي وطيران ع البيت

رجعت غرقت في كوم من الملفات الي مالها

نرجع للسعوديه الحبيبه (جدة)

في قاعة الافراح مشغول قد شعر راسه يتاكد من كل شي بنفسه العشاء الضيافه

ع الطاولات حتى الكوشه تاكد من زينتها حاس نفسه فرحان وايد اخيرا

بتصير نور له وحده كلها ساعات

رن تلفونه رف يشوف من كان ابوه : هلا يبا

تركي: وينك فيه

رد عليه : يبا انا بالقاعه اتاكد من التجهيزات

ابوه : حسبي الله على ابليسك من ولد اقول مو ناوي تملك ان شاء الله

تركي : الان ؟!!
ابوه : لا بكره اكيد الان عرسك مابق يعليه الا ساعات اسمع

تروح الان الفندق بدل ملابسك وجيب المملك وتعال سامع

تركي : ان شاء الله

راح بسرعه اخذ له شاور بسرعه طالع بدقنه : يوه يبغاله

تضبيط ..مايخالف اضبطه باليل

وصل لبيت عمه معاه المملك دخل المجلس الكل يبارك له

حظرو كل الاهل من الرياض لزواج تركي ونور ..

تركي كان متشق من الفرح اخيرا نور صارت حرمته حلم

الطفوله اخيرا تحق

على النقيض تمام نور كانت في حاله من الاكتئاب الحزن الي

تحاول تخفيه بابتسامه مصطنعه عن تاكلها جدتها ولا تسمع

نغزات من بقية افراد العائلة الكريمه

بعد ماوقعت ع الورقه كانت يدها ترتجف بحجرها قربت منها

حنان حطت يدها على يد نور وضغطت عليها توقفها عن

الرجفان : اهدأي الجزء الصعب راح

خلاص ماله داعي هالتوتر

قالت لها نور: احس نفسي وقعت على ورقة وفاتي

حنان نهرتها : لا تقولين هالكلام الا شهادة ميلادك الجديده

انسانه جديده انولدت للحياة استقبليها بفرح بتفائل

نور بتشائم : اخاف تنتهي قبل لا تبتدي

حنان : البداية دوم صعبه ولابد من التعثر لكن هذا مايعني

النهايه ابتسمي الان

 
قديم   #22

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

البارت التاسع

يمطر لغيري من حنانك سحابك
ويموت قلبي ظامي بين اياديك
رجيت عطفك بس طال الرجا بك
لين انقطع باليأس كل الرجا فيك

صار وقت الظهر الكل صار بحالة استنفار !!!

خبركم عرس يعني صوالين فساتين وحوسه وزنبليطه

البيت اخيرا فضي مابقي الا العروس وامها وعمتها وطبعا

هتلر اوه سوري اقصد الجده

* نور *

دخلت غرفتي ابي ارتاح شوي مانمت امي ابدا الكل يقول

شي طبيعي العروس كذا ماتنام كل العرايس معروف خوفهم

شسبابه الا انا خوفي غير !!!

خوف ماني قادره احطله حدود خوف احسه رح يدمر

مستقبلي هذا ان كان لي مستقبل!!!

ياترى مارح يجي اليوم الي يعايرني فيه تركي بالماضي ؟!

اصلا انا ماني قادره اصدق انه بيتزوجني حبا فيني

احساسي يقول شعوره بالذنب او رغبته بالانتقام مني

لاني رفضته او.....او ....او .... فرضيات واسئله كثيره

مالقى لها اجابه ....


لفت نظري علبه محطوطه ع التسريحه اول مره اشوفها

جذبني الون كانت حمرا وايد ملفوفه بالتل الذهبي فتحت

العلبه...

كان القاع كله مفروش بورد كان في علبه صغيرونه فتحتها

لقيت فيهاطقم ناعم من الذهب الابيض وبجنب العلبه

الصغيرونه كان في مصحف مغلف بالمخمل الاحمر كتجليد


واخر شي كان في ظرف فتحته بلهفه ابي اعرف من الي

ارسل لي هالهديه

لقيتها رساله من اغلى الناس على قلبي كتبو لي

اول كلام مني انا حنان طبعا بحكم السن بسم الله نبدأ

احم احم والله يانور كبرتي وصرتي عروس

تعرفين نور انتي ماكنتي اختي الكبيره ابدا انتي

صديقتي المقربه وامي الصغيره واحيان كنت احسك بنتي

مدري شلون كذا بس هذاحساسي وصح رح افقد بعد

مستودع اسراري رح افقدك وايد ..

رح افقد رنة ضحكتك رح افقد عصبيتك صمتك حتى

سرحانك رح افتقده وايد !!!

اتمنى من كل قلبي يكون تركي يستاهلك وان زعلك

تلفون بسيط تلاقيني عندك لا اطلع شياطيني كلها فيه

واخليه يشوف النجوم بعز الظهر

نور ياقلبي اعطي نفسك فرصه تعيشين حره بلاقيود

وصدقيني مارح تندمين ابدا

احبك حنان

اوف مابغت تخلص اختك العله هاي نور انا ليلى

اسمعي نفس الكلام الي كتبته حنان فوق ابغى اقوله لك

فمافي داعي اعيده يعني مو كثرة حبر حرام التبذير

نور رح افتقد وايد رح افتقد شريكتي بالغرفه ارح افتقد

من اشكيلها من اخرعها باخر اليل ح افتقد حتى قومتك

من النوم مزوعه!! رح افتقد مشورتك

وعقلك الكبير الي تجيله ساعات يخبصها بس يظل كبير

اتمنى لك التوفيق ان شاء الله واول بنت تجيبينها

سميها علي سامعه

اموت فيك ليلى

اخيرا جا دوري مابغو يعطوني القلم هذا كله

لاني الصغيره مالت عليهم دب

قوه النوري ياحلى عجيز بالسعودية كلها

ماخلو لي كلام اقوله لكن خذيها نصيحه مني حتى

لو تشوفيني مبزره لكن احيان المبزره يطلع منهم حكم

لاضاق صدرك مالك الا القران رح يهدي سرك ويريحك

واقبلي على حياتك الجديده بتفائل وقدمي الخير

تلقيه ان شاء الله شي بعد ان لعب زوجك بذيله

تلفون اقصه له

مع حبي مريم

ملحوظه مهمه

طبعا الهديه قطا كلنا دفعنا فيها من الي وفرناه

ترى حنانوه شاركت بمكافاتها وانا ومرايم بالمصروف نتمنى

الطقم يعجبك ترى دوخنا البياع الين ماتفقنا ....

وترى الهديه مو بقيمتها الهديه بمشاعر من يهديها <<نرقع مو

وسلام معطر من قلوبنا اخواتك الحلوات



ضحكت وايد على اسلوب اخواتي بنفس الوقت سالت دموعي

ماتوقعت يحملون هالمشاعر لي الكلمات رغم بساطتها

وعفويتها الا انها اثرت فيني وايد

ضميت الرساله لصدري حسيت اني اضم خواتي وكل تفكيري

صار منصب في كيف رح اقدر على بعدهم ؟!!!

في الامارات

رجع اخيرا من الشركه تاخر اليوم كانت تنتظره ع الغذا

سلطان : السلام عليكم

ام سلطان : هلا ياوليد عليكم السلام علامك ابطيت

سلطان : انشغلت بمشروع عندي وماسيت بالوقت

ام سلطان : ياولدي العمر يخلص والشغل مايخلص ..

بروح انشب لك الغدا

سلطان: تغديتوا ؟

ام سلطان : انت عارف ماقدر اتاخر ع ادويتي

واخوك خايس رقاد

سلطان : بروح اقومه

ام سلطان : خله بحاله وتعال كل بالمطبخ

بالمطبخ جلست معاه ع الطاوله وكانت تناظره وهو ياكل

* سلطان *

كانت يالسه تراقبني وساكته طول الوقت عرفت انها تبي ترمس

بموضوع لكن مو عارفه من وين تبتدي .....

قلت لها : يمه فيج شي

ردت : مافيني الالعافيه

قلت : اجل علامك ساكته ماترمسين مو بعادتك

قالت : وليه ارمس وانا اعرف ان رمستي رح تضايقك

حطيت الملعقه من يدي وناظرتها : بترمسين عن شيخه

امي : ايه شيخه ياولدي مايصير حرمتك لها شهر عند اهلها

وانت ماتسأل عنها

رديت : يمه شيخه بترد يوم يطيح الي براسها

امي وماعجبها كلامي : ياسلطان مايصير هالكلام

وانا عايشه معاكم واعرف شلي يدور امبينكم

ياولدي انت مقصر بحقها تخرج من صباح الله خير

وماترد الا حزت الغذا والنوم كانه فندق مو بيت

ياولدي حرمتك لها حقوق عليك

سلطان بخاطره " اه يومه لو تعرفين سبب زعلها "

رديت عليها :يمه شتبين يعني اودر شغلي واقعد يمها

سلطان : انا ماقلت شذيه لكن ...اسمع ياسلطان لو لي غلاه

عندك روح وراضي شيخه البنيه ماتستاهل

سلطان ان شاء الله بروح لها باجر

امي بحزم : لا اليوم

سلطان : تامرين امر بروحلها ان شاء الله عقب العشا

امي ابتسمت : الله يريح قلبك ياولدي شرات مانت مريحني

خلصت غداي وطلعت حجرتي نمت ماحسيت بنفسي ونشيت

العصر رحت اخلص شغلي لجل اروح لشيخه العشا

في السعوديه (الصالون )

*مريم *

جا دوري اخيرا بوضع المكياج تعبت وانا استنى مابغو يخلصون

الخبيره : شلون فستانك

قلت لها : فوشي

الخبيره : طيب فيه أي لون ثاني

جاوبتها : لا

الخبيره طيب بس ممكن تشيلي الطرحه لاتنعدم من الفونديشن

وعشان كذا رح يكون جزء من جبهتك مو متغطي

بلعت ريقي بصعوبه اخر شي محتاجته الان هو خلع الطرحه

كله من تحت راسك ياحنان قلت لها مابي صالون ولامكياج

لكنها ماتسمع قلت لها :

مو مشكله انتي حطي الان الاساس وكملي شغلك

(سحبت الطرحه الين اخر الجبهه )

استغربت الخبيره بس كملت شغلها واثناء وضعها للشدو على

عيني : مارح تسوين شعرك ؟

سؤالها مافاجأني لانه كان متوقع : خلي يكون عندي شعر بالاول

بعدين اسرحه!!

الخبيره مسكينه حسيتها انصدمت من كلامي :

عفو مافهمت شقصدك ؟!!

رجعت طرحتي على روى وانكشف راسي كان املس وايد

قلت لها : هذا قصدي انا اعاني من الوكيميا واخذ علاج

كيميائي وهذي اثاره

الخبيره : اسف ماكنت اعرف مو القصد احرجك

ابتسمت لها : ولا يهمك عادي انا تعودت

الخبيره : مأجوره ان شاء الله

رديت عليها : امين

الخبيره : طيب مو معقول رح تقعدي بالطرحه في العرس مو ؟

قلت لها : ايه انا افكر احط اكستنشن

الخبيره : كويس في عندنا وحده خبيره بتركيب التوصيلات

رح تركبلك اياها وصدقيني مستحيل احد يعرف انه مو شعرك

فرحت وايد لمحاولة الخبيره تخف عني

قلت لها : اوكي

دخلت علينا حنان شافتني بلا طرحه ابتسمت لانها حست انس

تخلصت اخيرا من خوفي اني اواجه الناس بدون طرحه

قلت لها عن رغبتي بحط شعرفرحت وايد وراحت تكلم

المصفه بنفسها

بعد صلاة المغرب اخيرا خلصنامن الكوافير

واتجهنا للبيت نلبس الملابس ونروح للقاعه

بالسيارة

ليلى : اكبر يالا ودي بيت

اكبر : ليلى انيت مايعرف يسوي سلام

انا وحنان فطسنا عليها ضحك مسكينه دوم اكبر يفشلها

ليلى : ولا يهمك عمي انا غلطانه حقك علي السلام عليكم اكبر

كيسا حال هي ؟ (كيف حالك )

اكبر : وعليكم السلام .خذا شكر هي تم كاسي

ليلى : تشي كي

قلت : حلو قلبنا هنود

حنان ترطن مع اكبر تعاندي : اكبر ميري بابا كها؟(اكبر وين ابوي )

اكبر : مجي معلوم نهي (ماعرف )

ليلى : ميري امي اور دادي ماه ؟(امي وجدتي )

اكبر : ان كر (في البيت )

عاد وصلت حدي لازم اوقفهم لو ماوقفتهم رح يكملون : خلاص عرفت انكم

ترطنون فكوني راسي صدع

طبعا انفجرو ضحك علي لانهم متعمدين واكبر مو مصدق

يضحك الدوب وحنان تبي تغايضني: يا غصت كسكلي ؟ (ليه هالعصبيه )

سكت مارديت عن انفجر فيها وصلنا البيت بدلنا هدومنا

صلينا العشا واتجهنا للقاعه طبعا ماسمحت لنا حنان

نشوف نور قال سبرايس قال

اذكرت شي وايد ضحكني كنت نازله ع الردج بعد

مالبست فستاني وبيدي عبايت

 
قديم   #23

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

تكمله البارت التاسع

جدتي الي كانت بوجهي فتحت عينها ع الاخر سالت وهي

متشكه : مريم هاذي انتي ؟


ابتسمت وقربت لها: ايه هاذي انا شرايك

اول مره المح الدمع بعيونها : تخبلين يابنتي اقري على نفسك

عن ينظرك احد

قلت لها : ان شاءالله

سالتها : حلو الشعرعلي ؟تخيله لو صدق

قالت لي : فيه او من غيره بتمين حلوه الله يشفيك يابنتي

ويجي اليوم الي اشوفك فيه عروس

في خاطري " الجانب الحسن بمرضي ان جدتي حنونه علي

اكثر من خواتي الحمد الله "

قلت لها : امين ويطول لنا بعمرك خلينا نطلع السياره

سالتني : وين ليلى وحنان ؟

قلت لها : حنان بتجلس مع نور وليلى وامي وعمتي بالسياره

قالت : اجل مشينا

الامارات
*سلطان *


بعد العشاء رحت ازور شيخه حرمتي وبنت عمي بنفس الوقت

دقيت الرس فتح لي ثاني وهو اصغر من شيخه بسنتين عمره 23

استقبلني بترحيب ثاني : حيالله ولد العم

قلت له : الله يحيك شلونك ياثاني

قالي : الحمد الله وينك ياريال ماقمنا نشوفك

رديت عليه وانا متفشل الصراحه : مشاغل الدنيا

قام وقالي : بروح انادي حرمتك ادري جاي عشانها ..وهو واصل

عند الباب التفت وقال .سلطان هذا بيت عمك وتجيه باي وقت

والي بينك انت وحرمتك مارح يأثر ابد في علاقتنا احنا اهل والدم

مايصير ماي ابد

ابتسمت له هذا هو ثاني عاقل وراكز مدري ليه اخوي ماخذ من

طبعه رغم انه ربيعه من ايام الطفوله

بعد نص ساعه دخلت علي كانت لابسه جلابيه ومو متعدله

شيخه : السلام عليكم

وقفت لها : وعليكم السلام شحالج شيخه

ردت علي : الحمد الله شحالك انت ربك بخير

قلت: الحمد الله تمينا اكثر من ربع ساعه ساكتين

* شيخه *

ياربي ليه يانا دامه بيقعد ساكت شنو يبي يحرق اعصابي ولا

يعذب قلبي !!!!

حاولت اسرق نظرات له طالعت ويهه ياربي عمري ماشفت

واحد بحلاوته ..

عيونه الوزيه الي بلون العسل ولا بشرته المايله للسمره

جبينه العريض وخشمه الشيوخي ..

ويلي رفع نظره انتبه اني اخزه ....ويل حالي من هالبسمه

تكوي قلبي كوي ليتك ترحم حالي ياسلطان

الوقت صار طويل ومليت من الصمت وقفت بطلع ايب

شي يشربه فشله له نص ساعه ماشرب شي

وقفني : وين بتروحين

قلت له : بيب لك عصير

قال : ماني ياي عسب اشرب

قلت له وانا ايلس : اجل ليه ياي

قالي يستفزني : بيت عمي وكيفي وقت مابغيت يت

قلت له وانا متنرفزه : اجل شحقه خليتهم ينادون علي

قالي : انا ماقلت هذا اخوج الي ناداج

وقفت بطلع من الميلس زخني من يديني وقال : انتي على طول

جبريت محد يقدر يسولف معج

مارديت عليه سحبت يدي من يده كان نفسي احط راسي

على صدره واظمه واقوله اشتقت لك بالحيل لكن عزت نفسي

منعتني اعق عمري عليه كافي الي تحملته

سالني : مابتردين لبيتج

قلت له : ارد حق منو ؟

قال : حق عمتج وحقي

سالته : انت من صجك تبيني ارد ولا جاي عشان ترضي عمتي

مارد علي قلت لها وانا ابتسم بسخريه : كنت عارفه لكن كذبت

عمري قلت يمكن حس فيج اخيرا يمكن فقدج ..لكن ماشي

فايده انت ثلج ولا عمرك رح تحس

حرج علي : شيخه

قلت له : أي شيخه انت ليه جاي بس تبي تعذبني بشوفتك

اسمع ياسلطان انا ابي طلاقي لطقني ياسلطان

طلقني

اتفاجأ من طلبي وقال : انتي ينيتي أي طلاق الي تبينه

قلت له : وليه تبين اقعد على ذمتك ؟ انت حتى الحب

ماتحبني ؟تخرج من صباح الله وماترد الا للنوم قولي ليه مو

عسب تتفادى شوفتي ؟

قالي : الحب مو كل شي

قلت له وانا ابكي بحرقه : الا كل شي اذا ماكو حب ماكو موده

ماكو رحمه ليه تعيش مع انسان وانت عايفنه ليه

انا مارضاها على نفسي ياسلطان مارضاها

خلنا مثل مادخلنا بالمعروف نفترق بالمعروف

قالي : انا مو بعايفنك يابنت عمي ولاتنسين مامر ع زواجنا

سنه وانتي تبين الطلاق

قلت له باصرار : ايه ابيه ولاتقول كلام الناس هذا اخر همي

سالني : انتي شاورتي هلج بكلامج

قلت له : هذا شي يخصني والقرار بالاول والاخير لي انا وحدي

قالي: شيخه انا شاريك

قلت له : وانا بعت

قالي : بهالسهوله تقولينها

قلت له وانا احاول استجمع قوتي : لو كنت بمكاني كان سويت

هالشي محد يقبل على نفسه عيشه الغصيبه

سالني : اغصبوج اهلج علي

قلت بخاطري " غصبني قلبي عليك "

قلت له واناضحك بسخريه : انا الي مغصوبه او انت سلطان

اشوفك قمت تنكت

حرج علي : انا مافي احد يغصبني

قلت له : الا بالعرس انغصبت غصبتك ذكرياتك غصبتك اليازية

شفت نظرت الذهول بعينه قالي...............

انتهىىىىىىىىى
اشوفكم على خير في البارت الجاي تقبلوا تحياتي

 
قديم   #24

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

البارت العاشر

قالي: اليازيه ؟!!!!!!!!

قلت له بكل حرقه : ايه اليازيه ..اليازيه ...

قالي : ليه تحين الي مات

قلت له : لو مات كان هذا حالنا اقراب واغراب

قالي: انتي توهمين

ابتسمت بسخريه وقلت له : اتوهم .؟! يجوز ليه لا !! انا موافقه

ع رمستك انا توهم بس ابيك تحط عينك بعيني وتقولي انك

خلاص نسيت اليازيه حط عينك بعيني وقولي انك ماتذكرها

قولي انك مو عايش على ذكراها قولي انك

ماتشوفها فيني قولي القصايد حق منو تكتبها ؟

حق منو ؟تحلم حق منو ياسلطان ؟!!!

هزني من اكتافي وصرخ بويهي : اليازيه ميته تفهمين

شنو يعني ميته ؟!

صرخت بوجه قلت له : مات الجسد لكن ذكرياتها احلامها

هي بكبرها عايشه بقلبك مامات انت معي وفكرك كله فيها

جاتني صفعه قويه منه الغريبه مابكيت ....

حطيت ايدي ع خدي : لهالدرجه رمسي عنها يعذبك ؟! هالكثر

تحبها...ليت لي نص هالحب كان سكت وماشكيت

سلطان قالي وهو محرج : لاترمسين عنها


قلت لها : وليه لارمس وانا اشوفها بكل مكان بحناك الي مطر

لغيري وتبخل فيه علي في اهاتك في ضحكاتك حتى

حروف شعرك ...وعديت له ابيات

قدرت أنساك في وهمي
وفي الواقع تعبت أنساك
قدرت أنساك في بوحي
وفي صدري ألم ناداك
أنا الي كنت لك وحدك
وضعت اليوم من بعدك


وخى عيونه الارض وتم ساكت قلت له : سلطان انت ابد

ماحبيتني ولا اعطيت عمرك فرصه تحبني عشت بعالمك الخاص


عالم لك وليازيه عالم انا ابدا مو جز منه (وخنقتني العبره

لكن رصيت على عمري عن اضعف اكثر قدامه )

انت الشي الوحيد الي خلاك تاخذني هالوجه ...وجه اليازيه

رفع بصره ناظرني مو مصدق رمستي كملت ايه وجهي انت

تشوفها فيني تشوف اليازيه ماتشوف شيخه ..تعرف انا قمت

اعاف هالوجه لانه يذكرني بخيانتك.........

قالي : خيانه؟

قلت له : ايه خيانه خنت حبك لليازه بزواجك مني وخنتي مع

ذكراها تم ساكت قلت له وانا طالعه من الميلس : السان

يكذب لكن العيون فَضْاحه.......... فَضْاحه

ياسلطان .. انطر ورقة طلاقي

طلعت من الميلس دخلت حجرتي دفنت راسي بالمخده بكيت

حرقه... وبكيت الم بكيت ع فراق الحبيب ....وبكيت من مرارة خيانه ....

انا استاهل ...انا استاهل ..ليتني ماحبيته ليتني ماقلت ايه

ليتني ماخذته .......

اخ ياليازيه حرمتيني منه وانتي حيه وحتى بعد موتك ماصار لي ...اه

رجعت بذاكرتي خمس سنين ورى يوم جاء تركي بيتنا هو

وعمتي استغربنا الزياره لان بالعاده عمتي ماتاخذ موعد ولزمت

يكون ابوي موجود !!

اذكر شلون كنا متوترين مو عارفين سبب الزياره ومن بين كل

توتري كنت فرحانه وايد اني بشوف سلطان ...حبيبي الي

احتفظت بحبي له سر بيني وبين نفسي ومابحت لحد ابد عنه

حتى اليازيه توأمي ماقلت لها ....

بعد ماطلعو قوم عمي من بيتنا جمعنا ابوي وقالنا ان سلطان

ياي يخطب اليازيه !!!!!!!

اتذكر شلون انصبغ وجهها حيا وشلون وقامت تركض لحجرتنا

وانا اسمع صوت خواني يبركون لها وخواتي مستانسات الكل

فرحان لها بتاخذ سلطان الريل الي تمناه كل البنات بعايلتنا

اخلاق وجمال وفلوس انا وحدي ماحسيت بالم

حسيت بحسره حسيت بخنجر طعني بالظهر شلون شلون

يخطبها وانا ؟!

انا الي احبه ..معقول ماحس فيني؟!... خطبها ليه؟ شتفرق

عني ؟!

احنا توأم ..شفيها زود ياسلطان ..انسحب من اليلسه وطلعت

حجرتي شفتها على سريرها وضامه دميتها الدب بصدرها اول

مادخلت ركضت علي مسكت

ايديني ودارت بي وقالت ؟اخيرا ...اخيرا انخطب لا والمعرس

سلطان ...بصير حرمته وبيصير ريلي ..بيصير حقي انا وحدي ....

سألتها : تحبينه ؟!

جاوبتني : ارتاح له وايد وتعجبني شخصيته والحب بعد الزواج

ماقدرت احبس ادموعي سالت على طول ناظرت دموعي


سالتني : ليه البكاء ؟

لايكون تحبين سلطان ؟

خبطتها خفيف على ايدها وقلت لها : يالسبال هذي حزن

لفراقج وفرح لج واجبرت نفسي ع الابتسام وضميتها لصدري

بخاطري" اخ لو دريتي عن الي في قلبي اخ ياسلطان

تمنيتك لي وصرت لغيري "

وجاء يوم عذابي ...يوم العرس... شفت الفرحه بعيون اليازيه والشوق بعيون

سلطان ....وعرفت كيف الموت وانت حي ... حسدت اختي بذاك

اليوم وبنفس الوقت دعيت لها بالسعاده والتوفيق


جاني الخبر يا صاحبي واظلم الكون
قدام عيني ثم نطقت الشهاده
على العموم اقولها الف مليون
مبروك من قلب شكاله بعاده
مبروك لا يهمك سواليف وضنون
من عاشق يهديك فرحه فواده
سو الفرح اليوم وابليس ملعون
والى يشب النار يجني رماده
انا اول العالم على الصاله يلفون
اول معازيم الفرح والحداده

*في السعوديه*

 
قديم   #25

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

*نور *

اوف اخرا خلصت شعري ذبحتني ... الان شبيلبسني هالفستان ؟!!

ناديت حنان تساعدني وماقصرت و بعد جهد خلصت لبسي

قالت لي : واو نوري طالعه حلوه

قلت لها : يعني انا من اول شينه؟

ضحكت علي وباستني ع خدي : الا انتي شيخة الزين

قلت لها : ايه رقعيها

حنان : خخخخخخخ انتي لايهمك راي الاهم راي زوجك

رنت الكلمه بادني زوجي وبدأت الافكار تجي وتروح وقلبي يدق بسرعه

قلت لحنان امنعها تكمل : تكفين مو ناقصني قلق

حنان : هههه قومي قومي اكبر تحت بنروح القاعه

وصلنا القاعه دخلت للغرفه المخصه لي وبدأت المصوره

باخذ الصور ذبحتني اضحكي ..اوقفي ...اجلسي...بغيت اذبحها

عند الرجال

تركي كان جالس بالبشت الاسود بصدر القاعه والكل يبارك

ويسلم عليه وبما ان العرس بجده لازم يكون فيه طرب والدنيا

كلها ربشه

شاف شخص جاي عليه ماصدق عينه قال اكيد يشبه وقف

قدامه الشاب بقامته الطويلة نسبيا ..وكان هو

*تركي *

وقف قدامي ماصدقت عيني ان هذا هو يالله شقد تغير بهالسنه

كبر ضميته لصدري كاني اضم ابني مو اخوي

قلت له : اشتقت لك وايد

بندر : وانا بعد مبروك يابو محمد

ابتسمت له : اشوفك كبرت

بندر ضحك : انت كل سنه تقول هالكلام

سألته : سلمت ع ابوي وعمي

بندر : ايه نعم شفتهم وسلمت

تذكرت شي: انت مو قلت ماتقدر تجي الا عقب شهر

قالي : انا اخذت اجازة اسبوع ماقدر افوت عرسك

ابتسمت له وقلت بمكر : عرسي ولا تبي تشوف العروس

قالي : هذا اخر شي يهمني

قلت له اغير الموضوع لاني حسيته تضايق : امي تدري انك جيت ؟

قالي : لا ماتدري بخليها سبرايس لها

شوي ونادوني عشان اتصور مع نور كان نفسي اروح لها

ركض بس عاد استحيت شيقولون علي مشفوح

*نور *

طلبو تركي يجي يتصور معي ترجيت حنان انها تقولهم ماله

داعي : حنان

تكفين مابيه يدخل اخاف يصير فيني شي

قالت لي : نور شفيك مجنونه انتيايش اقولهم ولله اختي ماتبي

زوجها يدخل

قلت لها بترجي : حنان خايفه والله خايفه

قالت لي : ترى هو تركي مو وحش

سمعنا نحنحه عن الباب عرفنا انه جا قلت لها بعفويه : حنان

شيلتي ...

حنان طالعتني وهي خلاص طفشانه مني : لا والله شرايك

اجيب العباية والنقاب يكون احس واريح لك ..نور هذا زوجك

*حنان *

لبست برقعي وعباتي لان تركي داخل حاولت اطلع لكن نور

حلفت ماتقعد بالغرفه معاه لحالها وبما اني اعرف زين انها

رح تسويها استسلمت

دخل علينا تركي كان مستحي وايد حتى انه ماسلم

قلت له : هاي يالاخو تراك داخل على مسلمين

حسيته تفشل مني ياحرام ونورايل كانت ترتجف ابتسمت

ع شكله

تركي : انتي لازم تفشلين الواحد السلام عليكم ارتحتي

عمتي حنان

قلت له : ايه ياوليدي وعليكم السلام

وجلست ع الكرسي الي جنب المصوره وقلت له تعال تصور مع

حرمتك وخلصنا اقرب لاتسوي فيها مستحي

اعرف ان ودك تنط جنبها

نور طالعتني بنظره معناها شتهبين انتي لكن طبعا عملت

نفسي ولا شايفتها ....تركي ضحك ع اسلوبي ونظرات نور

قلت له : لا اشوى تعرف تضحك

قالي يفشلني الدب : انت عليك لسان الله يعين اخوي

فشلني الدب ماعرفت شقول

طلبت المصوره يقربون من بعض وتكون وجيههم بوجيه بعض

انا طبعا كنت المتفرجه ونور المرعوبه المرتجفه وتركي

المتشق ضحك

نور مو قادره ترفع عينها فوجهه لان الحبيب فاتح عيونه ع

وسعها يخزها

حست باحراج نور فحاولت الطف الموقف : تركي شوي شوي

على عيونك لاتطيح من محاجرها

تركي يستفزني : كيفي حرميت انتي شدخلك

طبعا طاح وجهي بس على مين : وانا اختها واقولك اختي

مضايقه من نظراتك ..بس يارجال تقول مو شايف حرمه بحياتك

تركي : عمرك شفتي واحد عنده قمر ومايقعد يخز فيه

هنور مسكينه صار وجهها احمر من الاحراج وانا نفسي

انحرجت ..الدب حس فيني وقال : حنان عطينا مقفاك

نور بسرعه : لا حنان تكفين اقعدي

تركي : بس انا مابيها ازعاج بصراحه

نور قالت له وهي منفعله : وانا ابيها وترى هذي اختي

ماسمحلك تقول عنها ازعاج

تركي ناظرها وهو رافع حواجبه وع شفايفه ضحكه : لا والله

نور استحت لانها حست اخيرا ع نفسها ...انفجرنا انا وتركي

ضحك عليها

قلت لهم وانا طالعه : اصلا انا طالعه لان خلاص الزفه بعد شوي

ومابيها تفوتني ..صح تركي امشي بشويش ترى الفستان

ثقيل ع النوري

تركي يهزلي راسه : حاضر عمتي اوامر ثانيه

قلت له وانا طالعه خلاص : لا بس اذا تذكرت بقولك

طلعت وتركتهم رحت اخذت لي مكان حلو اشوف الزفه عدل

انطفت الانوار و امتلت القاعه برح البخور و صوت الموسيقى

الكلاسيكيه صدح واضواء الشموع زينت الطاولات

ع الجهه اليمن من المسرح دخل تركي واليسرى نور يمشون

باتجاه بعض وسط صوت الزغاريد ودموع امي وعمتي

التقو بنص الطريق مسك يدها واتجهو للمكان المخص لهم

الكوشى الي طغى عليها الاحمر الخمري والذهبي كانت بانتظار

الملك والملكه

وقفو واجهو الناس اخذت لهم المصوره كم صوره وهم واقفين

بعدين جلسو بدل مكان الدبله وهي سوت نفس الشي شربو

العصير وطلعو الامهات يسلمو عليهم

نور اول ماشافت امها بدت تبكي وامها مو مقصره معاها

جات الجده وخرتهم عن بعض : موضي ذكري ربك البنيه تزوجت

وخري هناك

ام نور : هذي بنتي اول فرحتي

الجده : ماختلفنا وهي وين رايحه كلها الرياض حثوة حصى

ام نور سكت لانه مو وقت نقاش

دخل ابو نور وعمها يسلمو عليها وعلى تركي

ابو نور : مبروك ياتركي ..الله الله بنور هذي امانه عند

تركي : بعيوني ياعمي لاتوصي حريص

ابو نور : وهذي هقوتنا فيك ياولدي

ابو نور باس بنت على جبينها وضمها لصدره : وجا اليوم الي

انتي فيه عروس ماتخيلتك يوم تبعدين عني

نور : كانت تبكي وماتكلم

ابو نور وهو يرفع راسها ويمسح دموعها : مابي اشوف دمعه

بعيونك انتي عروس اضحكي يانور اذا تعزين ابوك اضحكي

نور ماكسرت كلام ابوها مسحت دموعها وابتسمت ..سلم عليها

عمها وصى تركي عليها

شوي وقالو ان اخو العريس بيدخل عاد هني الكل استغربواولهم

حنان الي المفاجاة الجمت لسانها

 

أدوات الموضوع



الساعة الآن توقيت السعودية الرياض و الدمام و القصيم و جدة 12:25 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0