 |
  |
|
|
|
|
#31 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
تكمله البارت الثالث عشر حنان اول مانتبهت ليده : شيل ايدك عني بندر : لك ماطلبتي ...هو تركها من هنا وهي طاحت على وجهها من هنا بندر فقع ضحك على حنان حنان قامت تنفض عباتها : سخيف مايضحك بندر : وبعدين لسانك الطويل هذا حنان : جيب مقص وقصه وكلمت طريقها ...مشي وراها بندر ..وهو يضحك عليها ...وصلو السياره لقو ليلى تنتظر ليلى : ليه تاخرتو بندر ويضحك : اختك طاحت على وجهها ليلى : حنان تعورتي حنان : لا تصدقين هالكذاب بندر : انا مو كذاب ليلى : بس فضحتونا احنا بالشارع ...بندر لو سمحت ودنا البيت بندر : تامرين امر واتجهوا للبيت ..... *تركي * يالله بندر وحنان كيف رح يعيشون حياتهم مع بعض هذول ماتحملو ساعه بوجيه بعض ..الله يستر بندر عنيد وحنان اعند ..شكل حرب البسوس راجعه من جديد ... جلست في الصالون الين ماجا العشى مرت اكثر من نص ساعه من راحو غريبه الى الان ماخرجت ممكن تكون مستحيه مني ..نور بطبيعتها خجوله ..طيب انا الين متى رح استنى بموت جوع ..ومو حلوه اكل من غيرها رحت طقيت عالباب لكن ماسمعت أي رد طقيت مره ثانيه وثالثه مافي أي رد !!! معقول تكون نامت ..يمكن ..لا ماعتقد فتحت الباب كان النور مطفي فكرتها نايمه جيت ابي اقفل الباب لكني تنبهت للصوت ..كان اشبه بصوت الونين فتحت النور وانصدمت من الي شافته عيني ...كأن السنين رجعت لنفس ذاك اليوم شفتها بزاوية الغرفه ضامه رجولها لصدرها ودموعها مغرقه وجهها قربت جهتها وبكل خوف سالتها : نور حبيبتي شفيك انتفضت بمكانها وصارت تمد ايدها اتجاهي وتحاول تقول شي بس مو قادره من بكاها اسرعت خطاوي جهتها... وقفت على حيلها... ولصقت بالجدر ...وصارت تصارخ : وخر عني ....لا تقرب ...يمه ..يوبا انصدمت من خوفها ..معقول نور تخاف مني لدرجه هاذي : نور حبيبتي اهدي نور بعصبيه : لا تقرب مني سامع لاتقرب قلت لها اطمنها : طيب مارح اقرب بس انتي اهدي تمت واقف بمكانها فكرتها هديت قلت لها : تعالي ماتبين تعشين هزت راسها بالموافقه .. استغليت الموقف قربت منها اكثر بدأت من جديد تصيح مسكتها من ايدها قامت تضربني ..بصعوبه قدرت اتحكم بيداتها صار وجهي بوجهها... طالعتها شفت جمال الكون كله فيها... . وشفت الخوف بعيونها !!! سحبتها من ايدها وجلستها ع السرير ..وجلست انا على ركبتي ع الارض وقلت لها : نور مابغاك تخافين مني انا زوجك واحبك ..نور انتي وافقتي غصب نور هزت راسها من غير اي كلمه ابتسمت بمراره : هذا شي ماكنت اتمناه لكن بما ان زواجنا صار شي واقع ابغاك تعرفين اني مارح اغصبك على شي ..ولك عهد الله الشاهد عليه اني مالمسك ولا اقرب منك دامك عايفتني ...تطمني يانور ... قمت اخذت مخده وشرشف من الدولاب وطلعت من الحجره سمعت الباب انقفل بالمفتاح اكثر من مره تمدت عالصوفا الطويله ..اه اخر شي توقعته هالخوف ..لهذي الدرجه انا مخيف ؟!! اخ يانور ليتك تدرين شكثر احبك ماكان هذا حالك غمضت عيني بتعب يمكن اقدر انام شوي وانسى عذابي * في بيت ابو نور * خرجت شايله لحافها على كتفها طقت الباب واذن لها بالدخول ليلى : سلام حنان ومريم : وعليكم السلام مريم : خير اشوفك جايبه عفشك معك ليلى بحزن وهي ترمي الحاف ع الارض وتقعد ع السرير : الغرفه مو حلوه من غير نور ... فقدتها وايد حنان : طبيعي هذي اول ليلة لها برى البيت ليلى والدموع بعينها : مالي دخل ابي اختي ...جيبولي اختي حنان : ليلى بلا هبل نور تزوجت مريم وبدت دموعها هي بعد تنزل : بس ليلى والله حتى انا مشتاقه لها حنان مسويه نفسها القويه وهي من جواها تتقطع شوق لنور : بس ادعولها ربي يوفقها ..ترى ان تسمعنا امي تفتح مناحه .. سكتو البنات ...مريم : حنان كيف كان المشوار مع الخطيب حنان فتحت عينها بدهشه : أي مشوار ..كلها روحت الفندق ليلى : لاتسأليها اساليني انا مريم : تكفين ليلى شصار ليلى بخبث : قولي شنو ماصار مريم : حكي يابنت حنان : شتحكيك ماصار شي ليلى : ماصار شي اجل هذيك النظرات شتطلع ولا الورده الي ع التسريحه من وين جات ؟!!!! مريم بصدمه : الورده منه ليلى تكمل كذبتها : ايه اشتراها من محل الهدايا بالفندق لها لا وطول الطريق مشغلنا محمد عبده (وقامت تغني ) يالعيون الي تصيب ولاتسمي كنت احب الجرح منك لو مايتبارى بالعقل سمي وبالخفاق سمي رغبتين كلها يمك تبارى مريم : ول كل هذا يطلع منه اما انه مايستحي حنان عصبت : هي انتي لاتصدقين اختك جالسه تخرف الورده من باقه نور وبصراحه تلاسنا انا وياه ليلى : والله زين ما نتفت شعره ..طبعا حكت ليلى مريم الهوشه مريم : والله عيب ياحنان ..ليه كذا شيقول عليك حنان : يستاهل اهو الي استفزني مريم : بعدين بيقول مابيها حنان : فرقاه عيد مريم : بكيفك والله ..الا احلام ليه ماجات العرس ليلى : والله مادري قالت لي انها جايه بس ماجات حنان : يمكن عندها ظرف ليلى : مادري عنها ...زعلتني مره وعدتني واخلفت مريم : بني ادم مايدري شممكن يصير له دقي بكره عليها واطمني عليها ليلى : معاك حق حنان : اقول يالا انخمدوا ترى احس نفسي منتهيه خلاص مريم : الحال من بعضه نامت مريم جنب ليلى وحنان لحالها ع سريرها لانها دفشه مره بالنوم *في ملحق بيت ابونور * متمد ع السرير ماجاه نوم : اما عليها لسان ول تقول منشار شكلك رح تتعب معاه وايد يابندر ...لكن هين انا وراها والزمن طويل ان ماخليتها تقول حقي برقبتي ماكون انا بندر واسدل اليل ستائره فعون استسلمت لسلطان النوم وعيون حرمت لذته |
|
|
#32 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
البارت الرابع عشر امريكا ما ان عديت البوابه حتى التفت لها تأملها ...معقول اهي اخيرا عدتها تجاوزتها ..صارت حره ..ياه حره حلوه هالكلمه ..بس فعلا انا حره او اقص على نفسي ...حسبي الله على من كان السبب ..الله توك ذكرتيه ليه ماذكرتيه من زمان ...ليه... يابني ادم ماتذكر ربك الا وقت حاجتك وبرخاك تجحد ....زعلى منو جالسه تحسبنين جنيتي انتي ...اخ ليت الزمن يرجع .. ليت وليت ومالي غير ليت .. تخلو عني تركوني وقت حاجتي ...غبيه تدرين ان محد كان يبيك ولاكان احد مهتم فيك غيره ...كان يلاحقني ...كنت عاجبته ..اقصد اعجبت نفسه المريضه وهذاك ياكثر مالحقته وياكثر ماصدني .. ضمت اطراف معطفهابقوه... وقفت سيارة اجره .وابتعد بعيد وصلت لوجتها ضاحية شيكاغو هذا هو البيت ...البيت الامريكي المثالي ...بيت من طابقين ع الطراز الفيكتوري ...يحتوي ع حديقه مسوره بسور ابيض ..وهذا هو بيت الكلب ناظرت الباب مرار وتكرار ..بداخلها رغبتين تتصارع ..تدخل او ترجع ؟!! ان دخلت شرح يصير ؟...شلون رح يكون الاستقبال؟شقول؟ وان رجعت رح ارتاح ؟..رح اقدر اجي هني مره ثانيه ؟ليه اضيع نفسي بالاسئلة ؟ الين متى رح اخاف من المواجهه ؟ استجمعت شجاعتي ...شقيت طريقي الين ماوصرت قدام الباب ..بيد كلها ترتجف دقيت الجرس ....مافي أي رد ..ابتسمت بسخريه خوفي ماله داعي مافي احد بالبيت ... الحمد الله ..خلني امشي من هني قبل لايجي احد منهم وقبل لاتظلم الدنيا استدارت تبي ترجع من وين ماجات لكن صار لها إلي كانت خايفه منه شافته واقف قدامها هو ..ايه هذا هو ..صورته محفوره بمخيلتها الرجل : hi …can I help you بلعت ريقي بصعوبه ...اخر شي تمنيته اني اشوفه ..بعدني مو مستعده له ..كان لازم تكون هي موهو الرجل وهو يحرك ايده قدام عينها : hello are you ok ابتعدت عنه ..ركضت هربت ...اهرب منه ...اهرب من المواجهه ..هذا انا جبانه ..دوم الهرب هو سلاحي ..عمري مارح اتغير ...ابدا جبانه ركبت الباص باتجاه شيكاغو وعاهدت نفسي اني مارح ارجع هني مره ثانيه مارح ارجع ..اصلا انا غلطانه .... مفروض ماجي الين هني ...غبيه غبيه ..حتى كلام ماعندك تقولينه !!! وصلت للمكان الوحيد الي ممكن احس فيه بالامان ..حتى وسط مصايبي كنت اجي لها احط راسي على صدرها انسى كل همومي ..حتى لما كانت تنتقدني ماكانت ازعل لاني اعرف انها تحبني ...ماطقيت الباب لانها معطيتني نسخه عن المفتاح ...بكل لهفه وشوق فتحت الباب شفتها جالسه قدام مدفأتها ولافه جسمها بشال من الكتان تتأمل الفراغ بصوت مرتجف قلت لها : hello mom وقفت والتفت لمصدر الصوت وقالت بتشك : Sara , that is you ? قلت لها : yaa that's me فتحت ذراعتها لي ....جريت عليها ورميت نفسي بحظنها قالت: I miss you so much لي قلت لها: me too قالت : where did you go ? قلت لها : it's along story جلست انا وياها ع كنبه طويله اكتفيت بوضع راسي على صدرها وهي اكتفت بالمسح على راسي من غير مانتكلم وتركنا الدموع تعبر عن مافي الصدور * بيت ابو نور* مع انه نايم وجه الفجر الا ان جسمه تعود ع الصحيان بدري قام تقريبا الساعه ثمان ..شور سريع ولبس ملابسه الرياضيه ..صلى الفجر قضى واعقبها بركعتين الضحى ... وخرج يمارس رياضته الصباحيه طبعا مافي حديقه بالحي الي ساكن فيه عمه فالاخ دار بالشوارع الي قريبه من البيت ..جرى لمدة ساعه ورجع البيت ..طبعا عادالجوع عمل عمايله فيه اتجه للبيت الرئيسي لقى الباب الرئيسي مقفل واستحى يطق الجرس بالهوقت دار لباب المطبخ الخلفي يمكن يلقاه مفتوح وبالفعل طلع مفتوح دخل المطبخ ..مالقي فيه احد *بندر* الناس شكلها نايمه .. اكيد بينامون امس عرس وطقطه شلون مارح يتعبون !! اخ يابطني احس نفسي جوعان وايد ... ياربي مشكله يوم الواحد مايكون بيته .. فتحت الثلاجه وطلعت بيض بما اني مالقيت جبن فالبيض الحل الامثل .... اوف والله حاله الحين انا شيدريني وين يحطون اغراضهم ؟!... ام ياربي وين يحطون الزيت والملح يمكن هنا ..(وقام يفتح بالدواليب ) ولكن عبثا مالقي شي *حنان * صحيت حاسه راسي بينفجر ...تسبحت يمكن المويه تبرد حرارة الصداع لكن عبثا احاول ...قرت انزل اسويلي كاسه نسكافيه يمكن دماغي تنعدل نزلت المطبخ سمعت صوت الدولاب ينفتح ويتصكر فكرتها امي وطبعا حبيت امقلبها شوي ..دخلت اتسحب ومن غير مانتبه صرخت صباح الخير يما ماشفت غير واحد كان موطي وفجأه ينقز قدامي من الفجعه وخبط راسه بالدولاب المفتوح وصرخ يتوجع اخ على طول طلعت من المطبخ وقفت بنص الصاله ويلي هذا ا شيسوي هني ؟!لايكون شافني وانا كذا ...وجع هذا انا متى رح اخلص منه ؟!! طلعت بسرعه غرفتي وبدلت ملابسي لبست جلابيه بكم طويل وسحبت البرقع والشيله |
|
|
#33 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
تكمله البارت الرايع عشر بندر* اخ ياراسي ..حسبي الله عليها من بنيه ...اخ ويحط يده ع مكان الخبطه اشوى بعد مانزل دم ..بس ياترى من كانت ..ماكو غيرها هي كملت بحثي عن الزيت ...الا وان شوي وحده داخله علي وهي حاطه البرقع قلت لها : انتي ماتعرفين تسلمين ردت علي : وانت ماتعرف ان البيوت لها حرمه رديت عليها اتمصخر : لا على بالي رجال قالت لي : انت سخيف قلت لها : ادري مو شي جديد حسيتها جالسه تسبني بصوت واطي لكن طنشت قالت لي : ممكن اعرف ليش حظرتك هني رديت : واحد من صباح الله خير بالمطبخ ليه قالت لي : انزين اطلع بنرسل لك الفطور قلت لها : ماني طالع سويه الحين واعطيني اياه حنان ردت : لا والله شغالتك وانا مادري قلت لها : محشومه ..بس انا ضيفك وانتي ادرى بحقوق الضيف يابنت الاصول ردت علي : والانسان عمره ماكان ضيف بيته ردها سكتني الصراحه مو هينه ابدا *حنان * مسكين مفكر نفسه رح يحرجني ويخليني اسويله فطور ..على مين حطيت ملعقتين نسكافيه بكوب وقطعتين سكر واخذت مويه مغليه من البراده ...وجيت خارجه من المطبخ ناداني : هي انتي وين رايحه التفت له : وانت اشلك لقافه ..وبعدين ماتستحي ياطالب الجامعه ايش هذي هي انتي ماتعرف حتى تتكلم ..مصيبه صراحه فتح عيونه ع الاخير وقال : بل كلتيني بقشوري رديت عليه : وانا اقول ليه الطعم مر قالي : بايخه رديت عليه : بس مو ابيخ من وجهك قالي : مو محتاج رايك فيني واثق من نفسي ..اعرف اني مزيون من صغري الدور والباقي علي يخرعون من صغرهم طلع الدم بعروقي وقلت له : روح يابابا طالع وجهك بالمرايا اللهم احفظنا رد علي بتهكم : مشكلة الغيره بصراحه ...الي زيك يبوس ايده وجه وقفا اني وافقت اخذها هني ماتحملت كلامه وقلت له بصوت اقرب للصراخ : لا والله من تحسب نفسك؟انت اصلا ماتسوى شي بعيني والله ثم والله ثم والله لوما ابوي وحشمة عمي ماكان وافقت اخذك يالمغرور وجيت ابطلع من المطبخ قالي بكل برود : اعرف ان هالكلام من ورى قلبك ..ولا يهمك انا مسامحك ..وياريت قبل ماتطلعي توريني وين الزيت والملح ؟!! والله كان نفسي اكب عليه النسكافيه بس تمالكت اعصابي وطلعت غرفتي *بندر * يناظر الفراغ الي تركه غياب جسم حنان وكلماتها ترن بأذنه ابتسم بسخريه اخ كلماتها ذبحتني اسواء شي انك تعرف ان الي قدامك مجبور عليك اعترف حنان طعنتني بكبريائي كرجل ...صحيح اني ماحبها وان زواجي منها تنفيذ لرغبة الوالد لكن برضوا انا كأي رجل الرفض يجرحني ... كان نفسي اصرخ بوجهها واقولها اني بعد مو طايقها وان زواجي منها مو حبا وطربا فيها لكن تراجعت باخر لحظه ماتحمل اني اشوف نفسي بعينها رجل مسلوب الارادة ...كرامتي ماتسمحلي اهين نفسي قدام مره طلعت من المطبخ احمل ضيق الدنيا كله بين ضلوعي دخلت المحلق رميت نفسي ع السرير يمكن النوم يخف عني *نور* طالعت الساعه لقيتها 10 الصبح عرفت اني غفيت لمدة ساعه بس ماقدرت امس انام ابدا احساس الخوف كان رهيب انا وياه بمكان واحد مايفصلنا عن بعضغير باب ..اعرف انه عطاني كلمته ومارح يرجع فيها لكن ما قدرت اتطمن بين لحظه والثانيه اتأمل الباب واقول الحين بيدخل الحين بيجي ..اكيد ماقال كلامه الا عشان يهديني يوم شاف حالتي .. اخ ليه يبا ترميني في النار بعد ماغيرت ملابسي طلعت الصاله اشوفه ..لكني انصدمت يوم لقيت الحاف والمخده عالكنبه وهو مو موجود ...خفت وايد هذا وين راح وسابني هنا لحالي ....طالعت لقيت الاكل حق امس زي ماهو عرفت انه ماتعشى ... بطني بدت تطلع اصوات ..اي جيعانه ماكلت من امسحاولت انسى الجوع واسلي نفسي بالتلفزيون * تركي * واقف قدام البحر من صلى الفجر بالمسجد وهو هنا ..راقب الشروق كان منظر يسحر تمناها تكون معاه لكن للاسف كان وحيد .. ناظر ساعته لقاها عشر اوف اكيد بتكون صحيت الان ..احسن اروح اشوفها بتخاف لوحدها ...تخاف يمكن تحس بالامان لانها لوحدها اكثر من وجودي معاها ياترى الين متى رح تقعد خايفه مني ..الله يعطيني القوة والصبر واقدر انسيها الماضي بكل الي فيه وصل الفندق طلب ان يرسلون له الفطور وطلع لغرفته فتح باب الجناح سمع صوت التلفزيون شغال وشاف كانت جالسه قدامه بس شكل فكرها مو معاه ابدا ...لدرجة انه جاء وجلس بجنبها الا انها مو حاسه ابدا استغل الفرصه وتأملها بياضها عيونها شعرها الي رافعته على شكل ذيل حصان شكلها بريء وايد ..ناداها نور نور نور اجزعت : انت متى جيت ابتسمت لها : توني واصل شكلي ماكنتي هنا مره خير باي كنتي تفكري ابتعدت عني : ها ولا ولا شي قلت لها : نور ماله داعي خوفك ...احنا شقلنا امس نور : ا ا ا انا مو خايف قلت لها : اذا مو خايفه ممكن ترجعين مكانك قالت لي : ان ان شاء الله قلت لها : اكيد انتي جيعانه طلبت لنا فطور شرايك نفطر ونخرج نتمشى البحر اكتفت بهز راسها حسيتها كانها طفله وانا والدها الي اعاقبها تطيعني من غير أي نقاش حز في خاطري هالشي لان متأكد انها خايفه وخايفه مني وايد كملت كلامي وبعد صلاة الظهر نجي هنا نبدل ونروح الغذا فبيتكم بعد مافطرنا طلعنا انا وياها نتمشى مشينا ع البحر وجلسنا نتامله حاولت افتح حوار مع نور الا انها طول الوقت غرقانه في السرحان شفتها جلست على مرجيحه قربت منها وقمت ادفها بشويش قالت لي : لو سمحت اتركني قلت لها : ماتبين تلعبين وزدت من قوة الدفع نور قالت لي : اقول وقف مابي وقفت العبه وقفت قبال وجهها فصارت ماتقدر تقوم قلت لها : نور لاتحرمي نفسك من فرصة الاستمتاع بالحياة ... ترى الحظات الي تمر من عمرك مارح ترجع ثاني ابدا مهما عملتي ...انسي اني موجود معاك هنا وحاولي تستمتعي شكل كلامي دخل مزاجها لانها قالت لي : ممكن تدفني طيب ابتسمت وقلت لها : تامرين امر قالت لي بلهجة امره : مو بقوه سامع قلت لها : حاضرعمتي اوامر ثانيه ضحكت نور وكانت هذي اول مره اسمع فيها ضحكتها كانت حلوه وايد رجعنا وقت صلاة الظهر صلينا واتجهنا لبيت عمي |
|
|
#34 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
البارت الخامس عشر بسألك ليه الهوى منك وفيك ليه المشاعر ما تعيش إلا بساعة شوفتك ليه المحبة والوفا وأبيات شعري تهتويك ليه أنت وبس الي أموت بسمتك تدري لو مرة أقول إني كرهتك ما أبيك يرجع علي صوت الصدا يقول الله ما أكبر كذبتك امريكا * فتحت عيونها بكسل ..نامت ع الكنبه من غير لاتحس ..وقفت تدور عليها وين راحت ؟ .. صمعت صوت طالع من المطبخ اتجهت له وشافتها تجهز العشا * سارا * واقفه قدام الفرن تطبخ العشا ام الرايحه حلوه اعتقد انها مسويه كيكه الشوكلا الي احبها ..شكلها تغير عن اخر زيارة ضعفت شوي زادات التجاعيد حول عيونها الزرق الشعر الابيض زايدها جمال رغم انها الان باواخر الخمسينات الا انها بمنتهى الجمال . انتبهت لوجودي قالت لي : finally you wake up ابتسمت لها وقلت : مادري متى نمت ..احس نفسي مانمت من سنين ردت علي الابتسامه : اعتكد لانك مجهدة قلت لها maybe سالتني : ابوك يأرف بانك هون ابتسمت بسخريه : ماعتقد اني ضمن اهتماماته ...تلاقينه بmeeting او مسافر برحلة عمل جاوبتني تعاتبني : don’t speak about your father like that جاوبتها : عمري ماحسيت انه ابوي ..بليز مابي اتكلم عنه قالت لي : ok بس رح تكولين لي وين اهتفيتي قلت لها : ok do you need a help ابتسمت لانها تعرف اني ماعرف شي بالمطبخ : نو جلست ع الطاوله استناها تخلص اراقبها وهي تشتغل احسها تطبخ بكل حب هذا سر مذاق اكلها اللذيذ .. *بيت ابو نور * وصلو العرسان للبيت الكل كان بالانتظار الرجال بيت الشعر والحريم داخل البيت اول مادخلوا اتجهوا لبيت الشعر سلموا ابو نور وهو يضم بنته لصدرها : هلا بروح ابوها هلا والله بالنوري نور تبوس راس ابوها : اشتقت لك يبا ..اشتقت لك وايد ابو تركي يمازحها : الحين غبتي يوم اشتقتيله نور: هزت راسها بمعنى ايه وهي بعدها حاطه راسها على كتف ابوها ويدهاحول خصره ابو تركي اجل شبتسوين يوم تروحين الرياض لاتكوني كل يوم ماسكه خط الرياض جده هاه ترى ولدي بيتعب تركي وهو يطالعها : احنا حاظرين للغالين بندر يوقف بصف نور : غصبا عليك مو طيب منك وان رفضت لا يهمك يابنت العم انا اجيبك تركي : لا والله انت بتكون مو هني بندر : مو مشكله اركب طياره واجيها بس عشان اوصلها ابو نور فشل بندر : ابوك يالشلخ ضحك الكل على بندر ..تركي استأذن من الرجال ودخل هو وحرمته ليسلمون ع الحريم اول مانفتح باب الفله انطلقت صوت الزغاريد خلعت برقعها ودارت بنظرها في البيت * نور * يالله كلها ساعات الي غبتها واشتقت فيها لذا المكان ياحلو رجوع الانسان لبيته ضمتني امي لصدرها وهي تبكي وانا ابكي اول مره ابعد عنها وابعد عن صدرها بكيت بحرقه بكيت بالم بكيت حسره لاني رح افقد هالحضن الدافئ اخ يمه ليتني جنين بطنك لجل مافارقك اه يمه اه جا صوتها حاد : شفيك انتي تصيحين يقول عندنا عزاء صيحتي البنيه ارتحتي الحين امي وهي تمسح دموعها : اشتقت لها ياعمه اول مره تفارق حظني اول مره ماتبات بحجرتها ولا على سريرها واليوم اول مره افطر من غيرها وماتبيني ابكي ؟!! تركي حاول يلطف الجو : ياعيني ياعيني وانا محد فقدلي ياحسرتك ياتركي عمتي خبطته على ايد الخفيف : ياشين الغيره بس تركي : اخ يعور والتفت لي وقال نور شوفي دودو بصراحه فطست من كل قلبي ضحك على حركته وطريقة كلامه كأنه بزر جدتي خبطت بالعصى : استح على وجهك رجال طول بعرض تقول دودو شخليت للمبزره تركي وهو يبتعد اتجاه الباب : هذي من جد دودو وخرج وتركنا لوحدنا .... بعد خروج تركي نزلو حنان وليلى ومريم .. ضميت كل وحده فيهم ..ماتخيلت اني رح اشتاق لهم بالمده البسيطه ليلى وهي تبوسني : صبحيه مبركا ياعروسه قلت لها الله يبارك فيك جاتها حنان ودفتها : وخري خلينا نسلم ليلى : مالت بشويش حنان : هلا نواري شلونك شخبارك وهمست بصوت واطي بعدين خبريني شصار بعد مارحنا .وابتعدت عني وهي تبتسم بمكر مريم جات : هي انتي اعترفي شقالت لك الدوبا هاذي قلت لها: مارح تسلمين قالت مريم : الا امواه اعطتني بوسه قويه ع خدي وبعدين قرصتني بالخفيف والله اشتقنى لك يالخسفه عمتي حليلها تدافع عني : بسم الله على حرمة ولدي الا تقول للقمر قوم وانا اقعد مكانك (ملاحظتها خلت وجهي يحمر ) ليلى علقت : الله الله يابختك ياستي دام الست الحجه راضيه عليك مريم قالت لليل : اقول يالحبيبه بالله رجعي الموجه ع السعوديه ارسال مصر قام يقطع ليلى : خخخخخ حاظر عمتي جدتي مستحيل تسيب الموضوع يعدي : الحمد الله والشكر ولدي جايب مخفات طنشنا جدتي ماحبينا تفسد علينا فرحتنا *في بيت الشعر * انحط الغذا واتغذا الرجال وبعد الغذا شربوا الشاي ..اثناء القعده لاحظ تركي ان بندر مو طبيعي كله شارد ويفكر تركي وهو يساسر اخوه : علامك بندر : مخنوق انتبه لهم ابو تركي : هي انت وياه علامكم تساسرون تركي : سلامتك يبا بس بندر يبغى يقضي كم شغله وانا بخاويه ابو تركي ناظر بندر بنظره كأنه يقوله : وين رح تهرب بندر وهو قايم : عن اذنكم وطلع اهو واخوه من البيت *في سيارة تركي * تركي : وين تبي تروح ياستاذ مخنوق بندر وهو يتنهد بحسره : ممكن توديني البحر تركي : حاضر عمي تامر امر اتجهوا للبحر نزلو وجلسوا ع الصخور تركي : بند شفيك ياخوي *بندر * اخ تسأل ياتركي شفيني قول ياخوي شنو مافيني قلت له : مخنوق قالي : وانت ماعندك غير مخنوق قلت له : تعرف ابوك شيوي الحين سالني : ابوي قلت له : ايه نعم ابوك ياخوي بهالحظه يطب من عمي اني املك ع حنان هالاسبوع ولا اخذها بعد معاي امريكا |
|
|
#35 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
سالني : ليه ؟..ماعتقد انك مستعجل لهالدرجه ضحكت بسخريه : هذا الي بيقوله ابوك لعمك سالني : طيب ليه ماعترضت ؟ صرخت فيه : ليتني كنت اقدر ..انت اكثر واحد تعرف ان ابوك بيمشي كلمته علينا ومانقدر نعترض وان اعترضنا يهدنا انه بيغضب علينا ليوم الدين .... انت ترضى ابوك يغضب عليك ..وفوق كذا ابوك مانسي حكاية التلفون مايبيني انحدر لدرب الفساد وجود حرمه معي رح يحصني قالي : ليه ماحاولت تدافع عن نفسك قالت له : هو عطاني فرصه اتكلم قالي يحاول يخف عني : طيب ياخوي كذا او كذا بيتم الزواج قصر الوقت او طال قلت له : على قولتك ... ماقلت لي كيف وضعك انت وحرمتك ان شاء الله زين قالي : الحمد الله عال العال قلت له : دوم مو يوم *في بيت الشعر * ابو نور : العيال مو كأنه ابطو ابو تركي : تلاقيهم يفرفرون بشوارع جده تدرس من زمان مانزلناها ابو نور : زين انك عارف اجل الحين لاتقطعنا ماشاء الله تركي قايم بالشغل كله تعال انت والاهل واقضو معانا كم شهر ابو تركي يضحك : كم شهر ..ياخوي انا والرياض زي السمكه والمويه ابو نور : خخخخخخخ ابو تركي اعتدل بجلسته : اقول يابو نور ابو نور : سم ياخوي ابو تركي : سم الله عدوك .. انت عارف ان بندر بيقعد هنا اسبوع وبعدين بيرجع امريكا ومارح يرجع الا عقب شهر وبيقع بس اسبوع وبيرجع من جديد ابو نور : ايه ادري بهالكلام ابو تركي ( يكذب ) : بندر كلمني اني اطلب منك انه يملك على حنان وياخذها معاه امريكا منها تونسه ومنه شهر عسل ابو نور : والله ياخوي انا ماعندي اعتراض لكن ابو تركي : لكن وشو ياعبد الله ابو نور : انت عارف البنات وتجهيزاتهم وغير كذا مايمدينا نسوي عرس باسبوع ابو تركي : الا يمدي .... اكثر من قاعات الافراح بجده مافي واذا بتقول معازيم ترى التلفونات ماخلت شي والمطابع تطبع الكروت وانت واقف ... الا اذا انت جالس تتحج عشان ترفض قول ماتبي وخلاص لا تلف ولا تدور ابو نور : الله يهداك بندر ولدي محد يرفض ولده ..خلاص ياخوي توكلنا على الله العرس يوم الخميس الجاي *عند الحريم * تلفون من ابو نور كان كفيل باعلان الخبر وانطلقت الزغاريد والمباركات كانت جالسه ع الكرسي في حاله من الذهول *حنان * معقول هذا الي يصير ؟!! قلت له مابيه .. هذا ماعنده دم ...ماعنده كرامه جعله الماحي الي يمحيه ... النذل قرب الموعد يغايضني ...هين يابندروه ان ماربيتك ان ماعرفتك من حنان ماكون بنت ابوي استاذنت وطلعت حجرتي فكروني مستحيه ...الا مقهوره من وجه العنز الي اسمه بندر وجعه تاخذه ان شاءالله طلعت جلست ع سريري حاسة بكل قهر الدنيا اخ لو قدامي ذبحته دخلت علي نور : زعلانه مو قلت لها : كأن زعلي بيقدم او يأخر رجعت قالت : بس انتي زعلانه قلت لها : الا بركان يغلي بداخلي تصدقين اني قلت للنذل ولد عمك اني مابيه ولا فرق معاه ولا وراح يقدم الموعد نور سالتني : وين شفتيه حكيتها بالي صار معاي بالمطبخ اليوم الصبح قامت تضحك قلت لها مقهوره منها : مالت تضحكين انتي وجهك قالت لي : تستاهلين لانك قليتي ادبك والله شكله رح يكسر راسك اليابس قلت لها : يخسي .. قال لي : طيب ياحلوه جهزتي دبشك (جهاز العروس ) قلت لها : كنا سوى نشتري الحاجات اشبك نسيتي نور تذكرت : ايه صح طيب وش بتسوين بفستان العرس قلت لها : ومن قال اصلا اني بسوي عرس نور مستغربه : ماتبين عرس قلت لها : ايه بقول لابوي مابغى عرس وطقطقه حفله بالبيت تكفي نور قالت لي : انتي من جدك ترى مابتزوجين كل يوم قلت لها : اعرف تبين اسوي عرس والبس فستان يحتاج احد يشيله معاي لا وامشي مع وجه العنز ولازم اضحكله واتصور وانا لاصقه فيه مستحيل نرو ضحكت علي : والله ماعند سالفه دام هذي اسبابك خبري بالبنات يحلمون بيوم عرسهم والفستان الابيض وانتي ههههههه قلت لها : هذول المخفات قالت لي : مافي فايده طول عمرك عنيده قلت لها اغير الموضوع : شصار مع تركي امس قالت لي : ولاشي قلت لها : نور يعني ماقالك كلمات غزل تعشيتو زي الافلام ع الشموع |
