ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة (ماكل من يضحك مع الناس مبسوط ياكثر من يضحك ونفسه حزينه) يوجد هنا (ماكل من يضحك مع الناس مبسوط ياكثر من يضحك ونفسه حزينه) هنا تنقل الروايات المكتملة فقط

فساتين العيد


 
قديم   #26

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

البارت الحادي عشر

تعبت ابي انسى وعيا يغيب عن البال طاريك
كل ماقلت نسيتك عاتبتني دموعي وصاحت كذاب
اكذب انا لاقلت نسيتك واكذب لاقلت حبيت غيرك

كان جالس قدا م البحر من يوم ماطلع من بيت عمه وهو هني

المد عالي وصوت الموج يصم الآذان

* سلط ان *

اخ لوما الخوف من الله كان عقيت روحي بالبحر ورتحت من كل الهموم

اه ياشيخه تلوميني في حبها ..حبيتها من صغرها ... حبيتها وانا الي قتلت حبي

اه ياليازيه ياعشق السنين اه

رجع شريط الذكريات ..ليوم الي شافها فيه ..اليوم الي دق فيه القلب للحب لاول

مره ...كان توه بالعشرين من عمره وما مر على وفات ابوه غير ثلاث سنين

صلى العيد بالمصلى الي قريب من بيته واخذ اخوه حمدان واتجهوا لبيت عمهم

يهنونهم بالعيد استقبلهم بالحوش ثاني الي اخذ حمدان وراحو يلعبون بالسياكل

دخل البيت هود محد رد عليه دخل وجلس بالصاله جاته الشغاله

ميري : قوة بابا سلطان

سلطان : اهلا ميري روحي ازقري بابا

ميري : ان ساء الله

جلس ينتظر له اكثر من عشر دقايق ومحد معبره

سلطان بخاطره " هذي وين سارت "

شوي ويسمع صوت جاي من جهت الدرج شكل اخيرا احد عبره وجاء ..ركز

السمع زين هذا صوت بنيه

أمي يا أمي يا أمايه ... راع البحر ما باه
شايل مزمات العومه ... تقطر على علباه
أبى وليد عمي ... لو بخنيره ورداه
جابض خطام الصفرا ... ولا ضيع عصاه


سلطان تنحنح عشان تنتبه له البنيه الي نازله

عرفت على طول الصوت رفعت الشيله ع راسها وغطت شعرها

زين

اليازيه : هلا هلا سلطان ..شحالك ربك بخير

سلطان مو عارف من يكلمه من بنات عمه وعينه بالارض :الحمد


الله شحالج انتي الشيخه ؟

اليازيه : دوم ان شاء الله عيدك مبارك

سلطان : وعيدك الشيخه

اليازيه لاحظت ان سلطان مو عارف هي مين فضحكت

سلطان رفع عينه يبغى يشوف شلي يضحك بنت عمه واتفاجأ

من الي واقفه قدامه !!!!

الطفله الي كان حافظ شكلها تغير وصارت بينة بعز الشباب

وجمالها الهادىء الساحر يشد الواحد غصب عنه لكن طبعا من

هاذي مايعرف ؟!!

سلطان : قلت شي يضحك

اليازيه افتشلت منه : لا سلامة راسك

سلطان : انزين ليه تضحكين

اليازيه : مو سامع نفسك من يوم مادخلت وانت الشيخه

الشيخه ترى لي اسم

سلطان بخاطره " ويلي من لسانها " : السموحه يابنت العم بس

انا مو بعارف انتي منو اليازيه او شيخه ؟

اليازيه : طالع عمرك انا اليازيه ..معقلو ماتعرف تفرق امبينا

سلطان : لا والله انا اشوفكن شكل واحد ماتفرقن بالمره

اليازيه بثقه : الا في فروق ام شيخه ابيض عني بوايد

وعيونها لونها فاتح وعندها غمازات يوم تضحك وتستحي وايد

اما انالعكس تمام

سلطان : اها يعني انتي ماتستحين

اليازيه : ههههههه لا انا جريئه هاذيك من يقولها احد كلمه

حمرن خدودها

سلطان ضحك بخاطره على عفوية اليازيه : طيب ياليازيه ممكن

تزقرين عمي وعمتي عسب اسلم عليهم

اليازيه : ان شاء الله

واختفت من قدام عينه لكن صورتها انحفرت في عقله

وقلبه ...سلطان سلم على عمه وعمته وجاته شيخه وسلمت

هي بعد وحطت له الفواله

سلطان كان يسترق النظر لشيخه ولاحظ الفروقات الي قالت عليها اليازيه لكن مع

كل هذا يحسهن متشبهات ومافي فرق

يفكر فيها من يوم ماطلع من بيت عمامه سلطان بخاطره "

معقول البنيه الي كنت اشيلها وانا صغير كبرت وحلوة .. اه

محلاها ومحلا ضحكتها ..انت اكيد ينيت

تفكر بياهل ...ياهل بس حلوه وتنحب ...لا انا صدق ينيت "

واخترقت هالذكرى ذكرى كلها الم ذكرى تسارع فيها نفس سلطان وصت ضربات

قلبه يصم اذنه ...شافها وهي مرميه ع الارض والدم مغطي

وجهها ..حاول يناديها

يصرخ بسمها ..ماقدر كان عاجز ....
تذكر شلون قام من نومه مفزوع بسبب صراخها

اليازيه : سلطان الحق علي

سلطان وهو يقوم من نومه مفزوع : خير شصار

اليازيه وهي تتوجع : سلطان الحق علي باموت اه

سلطان : ذكري الله يامره مافيك الا العافيه

اليازيه : اه اقولك باموت الوجع بيذبحني ..اه

سلطان : هذا كله من الفلف الي كتيه قلت لك لاتاكلين ماسمعتي

اليازيه : سلطانوه مو ناقصتك نش احس نفسي بربي

سلطان باستغراب : تربين تو الناس

اليازيه : اي اقولك بربي اي

سلطان بدل ملابسه بسرعه واخذ حرمته يوديها المستشفى

كانت طول الطريق تصارخ وتبكي سلطان كان انتباهه مشت بينها وبين الطريق

صار قدامه حادث دخلت شاحنتين بعض سلطان من سرعته ماقدر يسيطر ع

السياره وصدم فيها من قوة الاصطدام اليازيه اصطدم راسها بالزجاج الامامي

وخرجت من وادحرجت ع الارض .....اخر مشهد تذكره سلطان صورة اليازيه

وهي مدة ع الارض وبعدها غاب عن الوعي ...

صحى بالمستشفى بعد مرور اربعة ايام شاف امه وحمدان حوله

ام حمدان من بين دموعها : حمد الله ع سلامتك ياوليدي

سلطان بتعب : الي...اليازيه ..
حمدان : لاتعب نفسك ياخوي انت ارتاح الحين

سلطان : ش...شلونها...

حمدان : مافيها الا العافيه انت بس ارتاح

ام سلطان ناظرت بعيون حمدان نظرات عتب ..تعاتبه لاخفائه الحقيقه المره

 
قديم   #27

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

سلطان رجع نام بفعل الادويه ..صحى الفجر نفس الوجيه ونفس الاسئله

نفس الاجابات ...

الصبح بالمستشفى

حمدان: ياعمي انا ماقدر اخبره بالي صار ..انت خبره

ابو اليازيه : يصير خير بخبره بالي صار مع اني ماتمنيت اكون انا الي اخبره

شقوله ياحمدان حرمتك مات ولدك ماندري بيعيش ولا بيموت

ام اليازيه وهي تبكي بحرقه : قوله انه هو الي ذبحها ..ذبح بنتي ....اه يابنتي

شيخه وهي تحاول تهديها : يمه شهالرمسه ذكري ربج هذا قضاء الله وقدره

ام اليازيه : ونعم بالله

شوي وان الدكتور المسئول عن حالة ولد سلطان جاي باتجاههم واخذ حمدان ع الزاويه
حمدان : خير يادكتور عسى ماشر

الدكتور : انتو ناس مؤمنه بقضاء ربنا..وتعرفو ان الموت علينا حق

حمدان : الصبي مات ؟!!!!

الدكتور : شدو حيلكم

ترك الدكتور حمدان بحالة من الصدمه ...من وين بيلقاها سلطان بالاول حرمته
والان ولده ...ويلي على حالك

خبر وفاة المولود كان كفيل بتفجير غضب ام اليازيه : ذبحهم ذبح عيالي ولد

عذيجه (ام سلطان ) ذبحهم حسبي الله عليه

ام سلطان وقلبها محروق ع ضناها : ذكري ربج يامر ه

ام اليازيه : ذبحهم لا بارك الله في ولدج حرمني منهم حرمه ربي الراحه

ابو اليازيه بغضب : صكي يامره لاعاد اسمع حسج ..السموحه منك يام سلطان

انتي مقدره الوضع

ام سلطان اتفت بهز راسها وماقالتشي احترام لابو اليازيه الرجال الي ماقصر

معاها ولا مع عيالها من وفاة زوجها

ابو اليازيه بلغ سلطان بخبر وفاة زوجته ولده

سلطان الخر سبب له صدمه كبيره وماقدر يستوعب موت زوجته وابنه ولام نفسه

على هالشي ..سلطان قعد فترة بالمستشفى يتعالج بالطب النفسي

*حمدان *

تأخر وايد في الرده ..حرقنا تلفونه مايرد ..امايه مشتطه عليه وايد ..عرفت

انه راح بيت عمي فاستنتجت انهم ماتفقوا ..اصلا هم متى اتفقوا ...؟!!!

خرجت من البيت رحت ادوره ..توجهت على طول البحر ..اعرفه كل ماضاق حاله

راح للبحر شفته وافق يطالع الافق وشكله مو حاس بالي حوله لدرجة اني زقرته

اكثر من مره ماجاوبني ...اتصلت بامايه طمنتها عليه ونزلت من سيارتي تقربت

منه حطيت ايدي ع كتفه وقلت : علامك يابو راشد عسى ماشر

طالعني بنظرة الم وسالني : شلون عرفت اني هني

جاوبته : هذي عادتك من تضايقك تربع صوب البحر

قالي : تعتب ياخوي ....تعبت

قلت له : سلامتك ياخوي ...قول ياسلطان شلي تاعبك ارمي احملوك علي

ابتسم من وسط المه : تو الناس ع الهموم ..عظمك طري

قلت له : افا ياسلطان كذا ماتشوفني حمل لهمومك ..هذا ظنك فيني ..اقول ارمي

لافلخك بهالحصى

ابتسم وقال : موقادر انساها احسها معي بكل مكان صوتها مايفارق خيالي حسها

الى الان يرن باذني ..قلت باتزوج بكمل حياتي ..مادريت اني رحت للشقى برجلي

جاوبته : انا عاف شكثر كنت تحبها لكن اخطيت يوم خذت اختها (ناظرني

باستغراب) اسمحلي ياخوي انتماقدرت تنسى اليازيه لانك مابغيت هالشي تقدر

تقولي بصراحه ليه خذت شيخه ؟!!بنت عمي حشيم عاجل لكنت انت ماختها عسب

هالخصال انت خذتها عسب تذكرك باليازيه

قالي : حتى شيخه قالت هالرمسه

قلت له : اكيد بتعرف وبتحس الحريم يعرفن شلي يدور بعقول ازواجهن وقلوبهم

حتى من غير مايرمس الواحد منا

قالي يتمصخر: الاخو خبير

ضحكت : هذا كلام امك ....شبتسوي مع حرمتك

قالي : صدقني مادري ...محتار ....وهي تبي الطلاق
طلبها ما فاجاني لاني كنت متوقعه : انت بتطلقها ؟

رد علي : مادري مادري

قلت له : اذا انت ماتدري من يدري؟ اسمع ياخوي اذا انت عايف البنيه طلقها ولا

تخليها معلقه لاهي متزوجه ولاهي مطلقه

جاوبني : الغريبه اني مو عايفنها صدقني انا ماكرهها ابدا ..وفكرة اني اتركها

مو متقبلنها بعد

سالته : انت تحبها ؟؟ بكل صراه تحب شيخه ؟!!

جاوبني : ارتاح لها ..وتعودت عليها

قلت له : وانت تشوف هاذي اسباب تكفي انكم تعيشون مع بعض ؟!! واذا انت

تشوفها تكفي بالنسبه لشيخه ماظن تكفي خصوصا ان شيخه تحبك وتدور رضاك

لكن انت مو هامنك شي .......سلطان ياخوي اذا ماتحبها طلقها وخلها تشوف

نصيبها مع ريال غيرك يسعدها وتسعده

حسيته انتظ من كلامي وناظرني وهومحرج : انت شتخرف شنو ريال ثاني ؟!!

عرفت اني ضربت ع الوتر الحساسات ويت ع العوق سلطان يغار ع حرمته

مجرد التفكير انها ممكن تصير لغيره اشعلت نار الغيره بقلبه : لا ماخرف اذا انت

ماتبيها وماتحبها وهي خلاص عافتك طلقها ...شيخه بعز شبابها ومزيونه والف

ريال يتمناها حليله

قالي : لا والله ماكان الي ترمس عنها حرمتي

فلت له : وهي بنت عمي ومارضى عليها تبهدل
قالي : يعني انا مبهدلنها

قلت له : ايه نعم لاتسمع منك كلمة حلوه ولاحتي تبادلها الاهتمام ..كل اهتمامك

لمره مات من ارع سنين ...شيخه مايعبها شي ومو قاصرنها شي عسب تحبها

لكن انت الي قفلت قلبك على ذكر اليازيه ويلست تعذب شيخه

طالعني بصدمه : اعذبها ؟!!!!!!!!!

قلت له : ايه تعذبها ياخوي ماشي يعذب المحب كثر ان قلب حبيبه موله عند غيره

حتى لو كان ميت او اقرب الناس له

ابتسم لي : اشوفك ياحمدان قمت توزع نصايح

قلت له وانا نافخ صدري: ليه قالولك ان توزيع النصايح حكر عليك

قالي : خلاص بيوزك

قلت له : خوز عني قال اتيوز ..لاياريال خلن ياتمتع بعزوبيتي

قالي : لا انا من باكر بخلي امايه تدورلك هروس

قلت له اغايضه : وليه تدور والعروس موجود

سالني باهتمام : حاط عينك ع حد معين ؟!!!!!!!!!

قلت له : عرب نطر طلاقهم وبناخذهم عيونهم بلون العسل وابيض من البن .......وربعت صوب سيارتي

استغرق سلطان كم ثانيه الين مايستوعب رمستي واني اقصد شيخه قام يزاعج

علي ويتوعد لحقني يبي يضربني ..لكن على منو على طول دخلت سيارتي امنت الابواب وع البيت

لحقني بسيارته ..وصلت قبله ودخلت اربع صوب حجرتي لكن للاسف لحقني

وذبحني بكوس بطني يعورني اخ

امي كانت واقفه تشوفنا وتضرب كف بكف وتقول : الحمد الله استخفوا عيالي

 
قديم   #28

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

(البارت الثاني عشر)

الضيق ماهو بالسعه والمساحه
الضيق لا ضاقت بك قلوب وأرواح
والبعد عن ما تكره النفس راحه
من لا توده فارقه يوم ترتاح
والكبر لله والتكبر بجاحه
والوقت نصه جد والباقي مزاح
والصوت حشمه وارتفاعه وقاحه
كذاب من قال انطح صياح بصياح
+++++++++++++++
*حنان *

مالت وعالت هذا شجابه ؟ وايش مدخله ؟مو قالو مارح يجي الا بعد شهر ؟!!!

اخ يابطني احس بمغص رح يقطعها ويلي هذا من

سمعت انه بيدخل ...اجل لا شفته وجه بوجه شبيصير لي ؟!!

ويلي ...

ليلى ومريم استغلوا صدمتي وقامو ينغزوني ..

ليلى : الله الله هذا الي قالو مارح يجي الا بعد شهر

مريم : الاخ مشتط اكيد غار من تركي زيبي يعرس

ليلى تطالعني بمكر : هقوتك بيقول اشوف حنان قبل الملكه

رديت عليها بسرعه وانفعال : لا والله ولا باحلامه

مريم : حبيبتي من حقه هذي شوفة شرعيه

قلت لها : هذا الشي مو بسلمنا يضف وجهه

ليلى : خخخخ كلت الرجال

مريم : فرصتك ياحنان تخزينه براحتك

قلت لها وانا اناظرها بنص عين : هذا الي ناقص بعد قال اخزه

من زينه عاد !!!

ليلى : الحين بيدخل وبنشوفه مع اني اذكر انه من صغره مملوح

سكت ماحبيت استمر اعرف ليلى ومريم ان استلموا احد

بتعليقاتهم مارح يفتك

جبنا غطا للنوري كان عبارة ع عباة بلا اكمام تنحط ع الكتف

وتنزل ع الجسم ولها برنص يغطي الراس العباة كانت بالون

الابيض مطرزة الاطراف مع لثام بنفس الون

جدتي اول ماسمعت خبر وصول بندر على طول اتجهت لمدخل

القاعه الداخلي والابتسامه شاقه حلقها ..اكيد مو حبيب قلبها

جاي ..امحق حبيب

*بندر *

مدري تركي قدر يمشي من غير مايطيح على وجهه ...انا

شفيني ليه يناظرن بهالطريقه ....ياربي شهالبلوه الي حطيت

نفسي فيها ..مو كنت منثبر بره احسن

اول مادخلت القاعة حسيت بتوتر ع الرغم من عيشتي فترة

بامريكا واختلاطي بالجنس الاخر شي عادي وروتيني الا ان

دخولي قاعه مليانه بالحريم وانظارهم كلها مركزه علي شي

يولد الرهبه ..

شفتها جايه باتجاهي بخطوات بطيئه اتعبها كبر السن نفس

البرقع نفس العكاز ...

يالله ياكثر ماشتقت لها ضميتها وانا احني صدري بست الراس

واليد قلت لها :شلونك يام محمد شخبارك ؟

(مطيح الميانه الاخو مع جدته )

جدتي وهي تضربني على خفيف: لا يكون اصغر عيالك ياقليل الحيا

ضحكت : خخخ اشتقت لك ولضربك يالغاليه

قالت تعاتبني : لو انت مشتاق ماتركت ديرتك وجلست متغرب

قلت لها : لزوم الدراسه ياجده

مشيت انا وياها اتجاه الكوشه اخيرا لمحت امي صحيح حاطه

البرقع الا اني قدرت اميزها ..خصوصا واني اشوف الدمع

بعيونها هاذي هي امي ...

ان فرحت بكت وان حزنت بكت ..اول ماقربت منها حطت ايدها ع

وجهي تحسه : حلم ولا علم

سحبت ايدها وبستها : علم ياغلى الغوالي ..اشتقت لك

يالغاليه واشتقت لحظنك

حطت راسها ع صدري وضمتني ...صحيح اني بطولي وعرضي

اغطيها الا اني احسها هي الي مغطيتني مغطيتني بطيبتها

وحنانها عاطفتها الي بحر سهل تغرق فيه ورح تكون بقمة

سعادتك ..بهذيك الحظه حسيت نفسي رجعت الطفل الصغير

الي ماكان يفارقها ابدا .....استأذنت منها وطلعت ع الكوشه

*حنان *

ماصدقت عيوني ..معقول هذا الي دخل الحين بندر ..اكيد انا

احلم هذا بندروه ولد امه ؟!!!! معقول يكون هذا ..ياغبائك

ياحنان لو مو هو شلون عمتك ضمته ولا هتلر كيف خلته

يدخل ....شكلي من كثر ماشوف المزاين بالفضائيات قمت

اشوفهم بالواقع .. أي فضائيات وربي يصك عليهم

اوف منك ياحنان شفتي زينه وانهبلتي نسيتي انه

متكبر ومغرور ..والله من حقه ينغر اجل بالحلاوة هاذي وماينغر

ليلى تهمس بأذني: ياحظك ياحنان من جدحلو

قلت لها بعدم اهتمام : شكله عادي ..

ليلى : يالمجرمه عادي ..وربي يجنن

قلت لها : دامه عاجبك خذيه

ليلى : سوري ماخذ فضلة احد

مريم : بنات اسمعوا الي ورانا شيقولون

طبعا شغلت راداراتي عشان اسمع ..مع انه مو لازم الصوت كان مسموع

ع الطاولة الي جنبنا ..كان في شلة بنات شكلهم مو تمام

واول مره اشوفهم !!

كانو جالسين يسولفون ويضحكن بصوت عالي وحتى الغطا

مو متغطيات الشعور طالعه والعبي مفتوحه

البنت الاولى : ياي يجنن

الثانيه : ياملحه تقولون متزوج

الثالثه : ماظن شوفو يده مافيها دبله

الاولى : ابغى ارقمه يهبل

الثالثه : لا والله ..تستهبلين انتي

الاولى : انا اكون هبله اذا خليته يطير من يدي

بصراحه حسيت بدمي يغلي بعروقي ..لا تفهموني غلط مو

غيره ..لان الغيره يعني حب وانا خير شر مو بالعته فما بالكم

بالحب ..اعتقد ان هذا طبيعتنا البشريه

المياله للتملك يعني هو شي لي ماحب احد يحط شي عينه

على متلكاتي غير كذا تصرف البنات ينم عن قلة الادب والاحترام

قالت لي مريم : انتبهي على خطيبك لا يطير من يدينك

قلت لها : الله معاه

بندر كمل طريقه الين ماطلع ع المسرح سلم على تركي وباركله

وبارك لنور لما وقف بندر بجنب تركي على الرغم من حلاوة

الاخير الا ان بندر ولامانه يتفوق على تركي من ناحية الوسامة

لكن تركي يتميز بهيبته

*ببندر *

طلعت ع المسرح وباركت لاخوي وحرمته ..كنت فرحان له من

كل قلبي اخيرا

تزوج البنيه الي حبها من صغره ....ان شاء الله تسعده وتعوضه

عن سنين الحرمان ..بيني وبين نفسي حسدت اخوي تزوج

المره الي اختارها بينما انا مصيري متعلق بوحده ماحمل لها

أي مشاعر ..

رحت باتجاه المطربه وطلبت المكرفون امي فكرتني جنيت لكن

انا كنت محضر مفاجأة لاخوي بمناسبة عرسه


مو فرحك انت وبس هاليوم بالذات
احس كل العالم ايعيش بعيد
الورد وقلوب الحبايب والآهات
والناس من فرحك وسعدك مساعيد

غنت لك الحان القصايد والابيات
يعل الفرح في عمرك يزيد ويزيد

اقولها مرة ومرة ومرات
هاليله امست لك شموع وتغاريد

 
قديم   #29

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

(تكمله البارت الثاني عشر)

في يوم فرحي لك يزف التحيات
واتبارك لقلبك ب هاليوم وتعيد

يامن سمعتو الصوت ردو بالاصوات
يالله ارزفو له وانعشن ياظبى البيد
هنوا وقولو له بهاليوم بالذات
عسى حياتك سعد وفي عيد

بعد ماخلصت القصيده سمعت تصفيق وصفير تفاجأت ماهقيت

انها رح تعجبهم

حضني تركي وقال : مقصرت يابندر نردها لك بيوم عرسك

قلت له: بنشوف يالا هات حرمتك بدخل السياره من البوابه الخلفيه

ابتعدت عنهم عشان تاخذ نوراحتها وهي تقوم ساعدها تركي

ع الوقوف شفتها تاشر لبنات جالسين قبالها عرفت انها تبيهم يساعدونها

* حنان *

ليلى قالت لي : حنان قومي نور تأشر لنا

قلت لها : ماني قايمه مو شايفه هالعله ع المسرح ماخرج

مريم : حنان الي تقولين عليه عله هذا خطيبك المحترم بعدين

احنا مارح نطلع من جهته بنطلع من الجهة الثانيه شوفي نور

شكلها متوهقه !!!
طالعت نور شفت بعيونها ترجي اضطريت اقوم لها

رحنا انا ومريم باتجاهها اما ليلى راحت تجيب شنطة نور من غرفتها

طبعا القاعه بهذا الوقت فضيت النسوان راحو يتعشون مابقي

الا كم حرمه وطاولة البنات الي خبركم ...وانا اعدل ذيل

الفستان لنور عشان تقدر تتحرك

رفعت بصري باتجاه المر المؤدي للبواه وانصدمت من الي شفته

*بندر *

كنت نازل رايح اجيب سيارة تركي عشان يروحون الفندق الا وانا

ماشي اذا بنت

تنادي علي ..فكرتها وحده من بنات عمي لكن يوم التفت

صعقني المنظر وحده جايه تتمخطر وبعباه كنها فستان والوان

الطيف شي يجيب البلا مستحيل تكون وحده من بنات

عمي...مافي بنت ناس تمشي بالمنظر

قلت لها وانا اطالعها من فوق لتحت باشمئزاز : نعم اختي في شي ؟؟؟

البنت : انت اخو العريس

قلت لها : لا امه

البنت ضحكت بمياعه : دمك خفيف

قلت لها : خير تبين شي

قالت لي : اشفيك معصب

رديت : مايخصك ...عن اذنك ...تركتها وجيت امشي الا وبكل

وقاحه مسكتني من ذراعي وحطين بيدي منديل عليه رقمها

وقالت : انتظر منك تلفون

حسيت نفسي بنفجر من الغيظ وربي كان نفسي افسخ العقال

واضربها فيه لكن لا اخلاقي ولا تربيتي تسمحلي امد يدي على

بنيه : ونعم التربيه ورميت المنديل

بوجهها ومشيت

وانا ماشي رفعت بصري للمسرح شفت عيون ترقبني صحيح

مغطيه مو باين الا عيونها الوزيه الا ان نظرتها مدري حسيت

فيها غضب ..اشمئزاز ...

*حنا ن*

ويلي انتبه اني كنت ارقبه وجع .....مسوي نفسه

شريف مكه مابياخذ الرقم ..على مين تلاقيه استحى فينا

شفت شكل البنت بعد ماتركها خخخخ شكلها تحفه

تستاهل هي الي جابته لنفسها

ساعدت نوره ع النزول من الدرج واحنا نازلين مرينا من جنب

طاولة البنات وشفت هذيك الي عاكست بندر حبيت احرق

اعصابها واهزئها بادب شلتها

وحطيتها بعيوني وقلت : هذا جزات من يمد ايده على حاجة غيره

مسكينه هي من حركة بندر مفتشله وعاد جيت انا كمت الباقي

طلعنا من القاعد الداخليه واتجهنا للوابه الخلفيه مكان

موحاطين السياره

تركي سبق نور عشان تاخذ راحتها

شفناه واقف ومطبق البشت واقف يتكلم مع اخوه وشكلهم

مره مبسوط

انتبهوا اننا جاين بندر ابتعد عن السياره

جات ليلى وهي طفرانه من الشنطه الثقيله مسكينه ذبحتها

قربتهامن شنطة السياره جا تركي ودخلها

نور الي بدأت بالبكاء وهي تسلم على امي : يمه تكفين

تعالي معاي

امي : نور يابنتي وين اجي ؟ انتي ناسيه المعازيم وين اجي؟

تركي اشفق على نور : عمتي تعالي معانا امي موجوده وتسد عنك ؟

امي : لا ياولدي الاصول اصول محد يترك اضيوفه

نور بتوسل : يمه طيب احد من خواتي مابي اروح وحدي

امي : نور انخبلتي وين يرحن خواتك وزوجك

نور : يمه الله يخليك

امي رضخت لطلب نور وسمحت لي انا وليلى نروح

معاها ..بحكم اننا اكبر ومريم تعبانه ومجهده

انا وليلى ومريم كنا واقفين شوي بعيد عن السياره مو سنعه

نوقف مع تركي بنحرج الرجال ونحرج انفسنا

ليلى : حنان الان احنا وين بنركب

قلت لها : يعني وين مع اكبر

ليلى : وحدنا ؟ بهالوقت

قلت لها مافي غير كذا : عمي وابوي مشغولين مع المعازيم

وماعتقد بتركبين مع تركي ونور

مريم : طيب ليه ماتركبون مع بندر

طالعنا انا وليلى فيها بصدمه وقلت لها : جنيتي انتي هذا الي باقي

مريم : والله تركبون مع ولد عمك الي هو خطيبك ائمن واحسن من السواق

لو طلع عليكم شباب يعاكسون ولا شي اسمه رجال معكم

واكبر مارح يقصر بس كبر بالسن

قلت لها: هذا الي قاصر عني لارحت ..ركوب مع بندروه مو

براكبه حتى محرم مافي

مريم ردت : لا يكون اكبر اخوك بالرضاع ..وانتي مو لحالك معاك

ليلى وبنص البلد مو سفر

*بندر *

عرفت من تركي ان البنات بيروح معانا ...حسيتها بلشه

بصراحه بس كله عشان خاطر تركي يهون

قلت لتركي : خلاص اجل سوق سيارتك وانا بجيب سيارتي

سالني تركي : ليه ...

قلت له : شرايك البنات وين بتحطهم ...مو معقوله انهن يركبن

مع السواق بهالوقت

تركي : كل هذا لان الخطيبه بتجي

قلت له : ولا تهمني يلا انا بجيب السياره

رحت جبت سيارتي لقيت تركي ونور دخلو السياره والبنات ينتظرون

قربت السيارة عندهم وجلست انتظر ..شفت وحده تجر يد

الثانيه بس مو عارف منو

*عند ليلى وحنان *

ليلى : حنان تكفين اركبي بلا فضايح

حنان : قلت لك مو راكبه معاه

ليلى : حنان شكلنا بايخ الولد جالس يستنى شيقول علينا

حنان وطفرانه : يقول الي يقوله ماني راكبه ..وجات تلف بترجع تدخل

ليلى : حنان والله عيب شيقول ماتبي تركب معاي خايفه مني

حنان : يخسي انا اخاف منه

ليلى تعرف ان حنان موتها ان احد يشك بقوتها : ايه بقول

خايفه مني ماتبي تكون معاي بمكان واحد

حنان سحبت ليلى من يدها : امشي قدامي

 
قديم   #30

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

البارت الثالث عشر

في السيارة *

بندر بخاطره "اوف اخيرا دخلو السياره مابغو ذبحوني وانا

انتظر هين "

الناس تدخل تسلم يابنات العم

ليلى منحرجه : السموحه نسينا : سلام عليكم ...شلونك بندر

شخبارك حمد الله ع السلامه

بندر : الله يسلمك يابنت العم .السموحه بس ماعرفت انتي من ؟

ليلى : انا ليلى ...والي جنبي حنان

ليلى جاتها دقة بالكوع بخصرها من قبل حنان خلتها تنقز من

الالم : لقافه سالك هو

بندر انتبه للحركه ومسك نفسه عن يضحك : شتقولون

حنان بعصبيه: وانت شدخلك لقافه

بندر " الله يستر هذي اولها "

ليلى : حنان

بندر : يجي منك اكثر يابنت العم

حنان ردت عليه باستفزاز : وانت تستاهل ياولد العم

بندر بخاطره " هذي شفيها كذا معصبه ... وين شفت

هالعيون ...ايه تذكرت ..هذي هي نفسها الي كانت

عالمسرح ...انا متأكد.... عليها عيون تسحر لكن لسان اللهم

ياكافي!!! هذي شلون بعيش معاها بقية عمري مو طايقتني

ومالي ساعه معاها ....بس لايكون تغار علي .. الي يسمعني

يقول انا وياها قيس وليلى

هذي شكلها راسها يابس ..وتكسيره رح يكون على يدي ...هين

ياحنانوه ان ماربيتك ماكون انا بندر

*في سيارة تركي ونور*

طبعا تركي هو السايق ونور جالسه بالكرسي الي جنبه

السيارة تم تظليلها بمعجون خاص حتى الزجاج الامامي مافي

غير مساحه مواجه للسائق على شكل قلب هي الي فاضية

طلعوا من القاعه ومرو ع التحليه وطبعا مابقي سيارة

بالتحليه الا وشاركة بزفة السيارات وصارت مسيره مالها اول

من اخر الين ماوصلو الحمراء واتجهو للكورنيش الشمالي

وبالتحديد فندق هيلتون جده المطلع ع البحر الاحمر

طول الوقت نور كانت ساكته وماتكلم حاول تركي يفتح

معاها حوار لكن هيهات نور ماكانت ترد عليه تركي فكر انها

متأثره بمفرقتها اهلها فقر يحترم صمتها

وصلو العرسان الفندق نزل تركي ونور وطبعا المرافقين اول

المتقدمين كان بندر راح للرسبشن واخذ مفتاح الغرفه تركي

كان واقف ينتظر نور طبعا كانت محتاجه لمساعدت خواتها الي

ماقصرو معاها

تركي اخذ شنطة نور ومشي قدامها ..وتبعته نور وحنان وليلى

قابلهم بندر عند المصعد وطلعو سوا الين جناحهم الخاص

طبعا الجناح مكون من حجرتين حجرة نوم رئيسية وحجرة

جلوس بالاضافه صالون فخم الي يميز الجناح الواجه الزجاجيه

المطله ع البحر

البنات دخلو حجرة النوم الرئيسية ليلى بدت ترتب شنطة نور

في الدولاب اما حنان فكانت تساعد نور في تبديل ثيابها

وطبعا فك التسريحه

*نور *

وصلت لسجني المؤقت ...السجن التمهيدي ... احساس

بالرعب يسري بكل جوارحي ...وجودي معاه بالسيارة كان كفيل

انه يجمدي ..كيف الان وانا واياه رح اكون تحت سقف واحد .؟!!!

بعد ماخذت دش خفيف وغيرت ملابسي جلست امشط شعري

قدام التسريحه ..شفتها بالمرايه كانت قاعده ع السرير

طالعتني وابتسمت ...كأنها حاسه فيني .....برعبي

بحيرتي ..هي وحدها بس تفهمني ..

قربت مني ضمتني من الخلف وقالت لي : انسي كل شي

وعيشي حياتك تركي طيب وانتي تستاهلين كل

خير ..لاتسمحين لاي شي ينغص عليك حياتك

قلت لها : خايفه ياحنان شلون بكون معاه لوحدي انا بعدني

مو متقبلته

لفت وجهي بتجاهها وقالت: رح تحبينه صدقيني ..لانه يحبك ورح

يغزو هالقلب واشرت على صدري ..لكن تكفين لاتصكرين بوجهه

الابواب ..ولاتعيشي بحر من الاوهام ...

ليلى من عند الدولاب : اوف اخيرا خلصت ..شهذا انتي

شلتي دبشك (جهاز العروس ) كله ماصار اسبوع شرسلتي لبيتك

حنان ضحكت وقالت : الي يسمعك يقول مو انتي الي جهزتي الشنطه

ليلى : خخخخ نسيت

حنان : طيب يالحبيبه تغطي

سالتهم بلهفه : على وين

ليلى : ابد قريب ..بنروح نفطر بجافا ونصقعلنا راسين معسل ..

قلت لها : بلا مصخره

حنان : وهي صادقه وين يعني اكيد البيت عيب زوجك من اول

برى هو واخوه مايصير طولنا مره

قلت : خليكم شوي

قالت لي حنان : شرايك نبات مره وحده عندك

رديت بفرح : ياليت نامو انا بكلم امي

ليلى : ايوا عشان تجي تسحبنا من شعورنا ..يلا حنان ان فضلنا

هنا مارح نخرج ابدا

سلمو علي وخرجوا

*بندر *

اول ماشفتهن خارجات ارتحت لهم اكثر من ساعه جوه كان

شكلي بايخ وانا استناهن ..افتشلت من اخوي ..رجال ليلت

عرسه مو مجبر يقضي الوقت مع اخوه وحرمته مع خواتها

قلت لهن : اخيرا كان جلستو كمان

ردت حنان : والله ماعندنا مانع ممكن نرجع

قلت لها : لا والله والهندي حقك يستنى طبعا (يقصد نفسه )

ردت : محد قالك جيبنا

جاوبتها : احمدي ربك لو ماجبتك كان قعدتي في القاعه لحالك

جاوبتني : في شي اسمه سواق

قلت لها : لو ركبتي معاه كان حشيت رجولك

ردت علي باستفزاز : لا مره خوفتني ..انت مالك أي حكم علي سامع

ردها فور اعصابي : لي حكم عليك ونص ناسيةانك بنت عمي

وانك قريب بتصيرين حرمتي

ردت علي : لاصرت حرمتك تعال تكلم ..واصلا حتى لو صرت

حرمتك مارح تحكم فيني انا مو لعبه بدينك

جيت ابي ارد عليها قهرتني وايد الا وتركي : بندر حنان بس

استحوا شوي مالي أي اعتبار بينكم ..بندر شفيك كأنك مره

ترد الكلمه بالكلمه ..وانتي ياحنان مو طريقة كلام هاذي عيب

يابنت الاصول

حنان افتشلت من تركي حسيت بهالشي بس ماتكلمت ولا انا

تكلمت استحيت منه

ليلى انقذت الموقف وقالت : مقامك محفوظ ياتركي ماعليك

من هالورعان يلا في امان الله

ابتسملها تركي وخرجنا كلنا من الجناح

في المصعد

بندر واقف بجهة وحنان وليلى قباله

ليلى : عجبك الي سويتيه فوق

حنان : هو السبب مو انا

طبعا بندر كان مشغل الرادار ورز وجه وقال: لا والله انا برضو

حنان : ايه انت ترى اذا تفكر نفسك سي السيد انا مو امينه

بندر فتح عيونه مستغرب من قوة هالبنت : انتي شكله يبيلك

تكسير راس

حنان باستفزاز : لا والله وان شاء الله انت الي بتكسره

بندر : ايه ياطويلة العمر

حنان : غني ياليل مطولك

ليلى : اوهو بس انتو ماتملون ويلي كيف بتعيشون

حياتكم مع بعض ترى لسى وراكم عرس وبزران تربونهم

بندر وياشر ع حنان : قولي لاختك المصون هالكلام محد

يجادل الرجال

حنان : قولي لولد عمك المحترم يروح يعمل رفرش لطريقة تفكيره

ليلى اول مافتح باب المصعد طلعت وقالت : الكلام معكم

اصلا ضايع

وكملت طريقها بخطوات سريعه اتجاه السياره

حنان قامت تمشي بخطوات سريعه تحاول تلحق اختها

وراها بندر

اول ماطلعت من باب الفندق وع الدرج تعثرت بفستانها وانحنت

بوزنها كله للام لحقها بندر بسرعه ومسكها من ايدها وحاول

يسحبها باتجاهه

 

أدوات الموضوع



الساعة الآن توقيت السعودية الرياض و الدمام و القصيم و جدة 07:55 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0