ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة (ماكل من يضحك مع الناس مبسوط ياكثر من يضحك ونفسه حزينه) يوجد هنا (ماكل من يضحك مع الناس مبسوط ياكثر من يضحك ونفسه حزينه) هنا تنقل الروايات المكتملة فقط

فساتين العيد


 
قديم   #36

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

البارت السادس عشر


نور بخاطرها " حنان احيان تستهبل "

قالت : بسألك نفس السؤال يوم صباحيتك انتي وبندر

حنان بخاطرها " هذا وجهي ان خليته يلمسني "

حنان : نور لاترفعين ضغطي شصار

نور قالت : والله ماكذب ماقرب مني ولاشي اصلا اول مادخل

الغرفه قمت اصارخ وابكي

سالتها بعبط : لها الدرجه خفتي

قلت لي وهي تتنهد بحسره : والله مدري شصارلي انا قلت بدأ

صفحه جديده معاه لكن اول مادخل شفته ياحنان شفت وجه

خالد رجع نفس الاحساس نفس الخوف ماقدر اتمالك

نفسي ماقدرت

ماتوقعت ان لسى هالموقف ماثر عليها : بس هو تركي زوجك

مو خالد الحيوان

نور قالت بحرقه : ادري والله ادري بس شي مو بيدي احساس

يسطر علي كل ماكون معاه وحد قربه مني يخوفني ماتحمل

يحط ايده علي لمساته تحرقني والي قاهرني نظرة الحزن الي

شفتها بعيونه حلف انه مارح يسويلي شي مارح يقربني

دامني مابيه حتى النوم نامه بالصاله

قلت لها : مو قلت لك يحبك مايسوي كذا الا المحب

قالت لي : يمكن حب ويمكن شفقه ويمكن ندم

قلت لها : يمكن خبال منك انتي متى تفهمين تركي

يحبك لاتضيعيه منك بسلبيتك واوهامك هذي ترى ان صبر

اليوم مابيصبرعقب شهر

سألتني : شتقصدين

قلت لها : يعني ممكن يدور راحته عند وحده غيرك ..بالعربي

يتزوج عليك هذا ان ماطلقك

قالت لي: الله يهنيه

قلت لها : والله ان تزوج او ترك بتتحسرين عليه طول عمرك


نور وقفت : انا بروح عند امي تحت ... وصلت عند الباب وقالت

حنان بدل ماتعطين النصايح للناس انصحي نفسك بالاول

عضيت ع شفايفي كلامها صحيح بس مو قادره اتقبل هالدب بندروه

* سارا *

جلست قدام المدفأ اراقب النار شلون تلتهم الحطب شلون

يتفت يتكسر حسيت نفسي الخشب ودنيتي النار ...اخ

ياترى رح اقدر ابتدي من جديد رح اقدر

انسى الي صار انساه هو ...اه ياسارا بعدك تذكرينه بعدك

تحبينه ..الين متىرح تحكمين على نفسك بالالم لاتكذبين على

نفسك ولاتعشمينها بسراب عمره ماكان ولا رح يكون لك ..

تذكرت وجه ملامحه الساحره اول مره شفته فكرته

اسباني او ايطالي ..عيونه اخ من عيونه كانت بلون بني

فاتح وشعره داكن شوي وطويل بشرته مايلة للبرونزيه اكثر

منها سمره بمعنى الكلمه كان ساحر !!!

كنت نازلة من بنى الكليه اركض ابي الحق على موعدي مع ديانا

اصطدمت فيه وطاحت كل اوراقي بالارض كنت ناويه امسح بيه

البلاط زي مايقولون لكن كل هذا طار اول ماحطيت عيني بعينه

وشفته عمري ماشفت رجل بحلاوته لدرجة اني فتحت فمي

وتنحت فيه حتى انه مشي من قدامي وانا اطالع الفراغ الي

خلفه وماحسيت بغيابه الا بتلفون من ديانا وكانت معصبه

واتذكر يوم اعترفت له بحبي شلون صدني " سارا انتي مثل

اختي انا احترمك واعزك "

قلت له : but I love you , Are You understand that?

صرخ بوجهي وقال " I do not , استغفر الله اسمعي يابنت

الناس الي تسوينه Unacceptable مايصير انا اشوفك اخت وبس
Forget me سارا خلينا اصدقاء

نزلت دمع على خدي الم من هالذكرى اصعب الاشياء انك تقدم

مشاعرك لشخص على طبق من ذهب ويرميها بوجهك

سمعت صوت خطواتها مسحت دموعي بسرعه


جلست ع الكنبه الي جنبي وقالت لي : مارح تكولي وين كنتي

تول هالفتره ؟؟

قلت لها : مارح يعجبك المكان الي كنت فيه

سالتني : المهم اأرف (اعرف ) وين كنتي؟ هتى ابوكي ماكان يأرف

ابتسمت بسخريه : ومن متى كان يعرف

قالت لي بلوم : سارا الين متى رح تكوني زألانه(زعلانه ) منه

قلت لها : انا مو زعلانه انا اكرهه

عصبت مني : Sara he is you father

قلت لها : بس بالاسم عمري ماحسيت بوجوده في حياتي

حتى لما غبت عن البيت ماكلف نفسه يدور علي .. لو كنت وحده

من girlfriends كان لف علي الدنيا او لو كنت new partner

كان عمل investigation عني ..انا اخر اهتماماته

قالت لي All this does not obviate the fact that it he is your father (كل هذا مايلغي حقيقة كونه ابوك )

قلت لها برجاء Please I do not want to talk about him,

تنهدت بحسره وسالتني : على راهتك بس ريهي قلبي وين
كنتي ؟!!

قلت لها وانا ابلع ريقي : كنت مسافره

سالتني : وين سافرتي

قلت لها : نيويورك

سالتي : why ?

قلت لها : كان عندي فاشن شو

قالت لي : انا مو اجبني انك تتركي college عشان modeling

قلت لها : اطمني رح ارجع اكمل دراستي

شفتها فرحت وايد : اوكي اسكني أندي وانا اهتم فيك

قلت لها : اوكي اصلا مافي مكان اسكن فيه

قالت لي : بس لازم تكولي لابوك

تنهدت بحسره : اوكي

بخاطري كنت زعلانه وايد لاني كذبت عليها وماقلت لها

الحقيقه ..الحقيقه الي اخجل منها مارح اقدر اواجهها ابدا او

ارفع عيني بعينها انا اعتبرها امي وطول الوقت اناديها ماما

عمري ماحسيت انها مجرد nanny انا من فتحت عيني

ماعرفت غير ناديا مربيتي الامريكيه كانت موجوده عند اهلي من

قبل ولادتي ومن قبل زواج ابوي وامي واتعلمت العربي مع
الوقت استقالت من خمس سنين لانها خلاص عجزت

وماصارت تقدر ع التعب ....

امي ماعرف عنها شي غير انها تخلت عني في سبيل طلاقها

من ابوي ابوي رجل اعمال سعودي الاصل حامل للجنسيه

الامريكيا شاف امي في حفله عجبته فتزوجها امي على

الرغم من انها امريكيه الولادة والمنشأ الا انها كانت تؤمن

بالزواج زي كل العربيات تزوجت ابوي مع انه يكبرها بعشر

سنين لكن مع هذا امي حبت ابوي لكن للاسف ماصان الحب

بعد سنتين من الزواج اكتشفت انه كان يخونها مع سكرتيرته

وهي ماكذبت خبر طلبت الطلاق وتركتني له

 
قديم   #37

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

يتبع
شفت المقفي وربي ما اتبعه لو خطوتين
و أصبعي وهو أصبعي لا غدرني أقطعه
و بسألك سؤال واحد و الجواب كلمتين
لا صار قدرك والهوى خصمين من تاقف معه

*تركي*

سحبتني من كم البلوزه : ليه خذتني ياتركي ... ليه اخذت

وحده مستعمله وحده تمتع فيها احد قبلك وحده انت جنيت

عليها وحده اجبرت تعيش معاك باقي عمرها ليه

ياتركي ليه تاخذ وحده عايفتك ماتطيق اسمك ولا شوفتك .

مسوي نفسك راعي نخوه ماتبي تلمسني غصب عني ..انت

خذتني غصب عني شتفرق عندك هذا انا قدامك تفضل

(وفتحت الروب ) شنو تستنى خذ الي بغيته واعفيني من

الاحساس انك متفضل علي !!

ماحسيت بنفسي الا ويدي على خدها

شفتها مصدومه مني ..اعترف صدمتي بنفسي اكبر ماتوقعت

بيوم اني ح امد يدي على نور حبيبتي لكن ماتحملت

كلامها عن نسها تكمت عن نفسها كانها انسانه رخيصه ..كيف

بترحمها الناس وهي مارحمت نفسها ..ماتحبني ماتبيني

كلامتها جرحت قلبي ماكنت اتصور كم الكره هذا منها !!!


كان نفسي اضمها لصدري اقولها اسف لكن ماقدرت جرحتني

وايد غلطت وايد يمكن طريقتي غلط وكان مفروض اتمالك

اعصابي ماقدرت ..ماقدرت اتحمل انها تعرض نفسها علي

كأنها بنت ليل مو زوجتي بشرع الله

قلت لها : ماكنت اعرف ان تفكيرك ضيق لها الدرجه معقول

هذي نظرتك لنفسك؟!! كيف تتكلمين عن نفسك بذي الطريقه

كأنك غرض مو كأنك بدم ولحم مو مهم انك تعرفي ليه تزوجتك

لان لو فكرتي بشكل منطقي كان عرفتي ويابنت عمي عمر ما

ربط الزوج بزوجته الفراش الزواج موده ورحمه تفاهم وتآزر مو

مجرد متعه انا لا ني ملاك ولا انسان مثالي انا بشر زي زي

الناس اغلط واتعلم من غلطي تلوميني ع الي صار زمان انا

شذنبي الناس تعيش عمر مع بضعها ويكتشفون انهم انخدعوا

ماتبيني وانا مراهق انخدع هل انا الي قلت له تعال اسكر

واغتصب بنت عمي كيف عقلك يصورلك هالاشياء واذا نظرتي

لك على انك مستعمله (اوجعتني هالكلمه ) ماكان قبلت اني

اخذك .انا اعرف زين ان مالك ذنب ولو بحط الذنب عليك كان قلت

شجابها غرفة واحد وهو ماهو فيها اكيد عندها شي ولا الجو

ماطر ومافي احد بالحديقه ؟!

صرخت : انا كنت طفله

قلت لها ابغى احسها بشعور المظلوم : مايمنع ... نور

صعب الناس تحترمك اذا ماحترمت نفسك وقدرتها ..عن اذنك

سالتني : وين

قلت لها : ما اعتقد يهمك ... تصبحين على خير

*نور*

خرج وسابني وحدي انفجرت ابكي لعنت نفسي ملاين المرات

لاني تكلمت معاه بذيك الطريقه لعنت نفسي لاني جالسه اكذب

عليها لعنت نفسي لاني اهنتها كنت بادق على حنان

افضفض لها اسمع مشورتها لكني تراجعت بالحظات

الاخيره الين متى رخ اعتمد على غيري بحل مشاكلي ؟!!!

عزمت انه لو جاء باعتذرله ...

جلست استناه عدت 12 وعدت 2 وهو لسى ماجا خفت عليه

وايد خفت يكون صارله شي ماعرف شسوي ادق على من

واسأل من عنه ويلي مارتحت الا يوم سمعت الباب ينفتح

خانتي رجلي ماقدرت اجري واقوله والله اسفه مو قصدي

بسرعه دخلت غرفتي وقفلت الباب عشان يفكرني نايمه

جلست على سرير لكن دموعي خانتني بديت ابكي بلا صوت

*تركي*

رجعت متأخر على امل انها ممكن تكون تستناني .. تكون تبي

تعتذر لكن كل ظني خاب يوم دخلت الصاله ومالقيتها عرفت ان

كلامي كله ماله اهميه عندها عرفت ان انا كلي على بعضي

مالي أي ذرة اهتمام وان وجودي زي عدمه بحياتها

قرت عناد فيها ادخل الغرفه وانام فيها اذا هي ماهتمت

فيني انا ليه اهتم فيها فتحت الباب بشويش ماحبيت اني

ازعجها لكني تفاجأت يود دخلت ولقيتها صاحيه ودموعها

على خدها.... اول مانتبهت لي مسحت دموعها ..

كانت ابي اسالها شفيها شصار لكن ماهنت علي نفسي

خلاص النفس ماعادت تحتمل أي اهانات

من لايوك لاتوده ارفع مقامك ياعزيز المقامي
حي يوريك المذله وتغليه انا اشهد انك ميت القلب عامي

جلست ع الطرف الثاني من السرير كنا عاطين بعض ظهورنا

سالتني بصوت مبحوح من البكاء : شتسوي هني ؟

قلت لها من غير نفس : الغرفه اعتقد لي ولك وانا بنام هني من اليله

قالت لي : بس انت قلت انك

قاطعتها اقهرها : انتي بكبرك ماعدتي تهميني المعزه الي

كانت لك بالقلب خلاص انمحت والخير والبركه فيك وانسدحت

وتغطيت ياقال اني بانام ولكن وين يجي النوم وانا حاس

فيها وبارتجافة جسمها واسمع صوت بكاها المكتوم

 
قديم   #38

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

البارت السابع عشر

حنان : يالحبيبه معاك فلوس كفايه

ليلى : تطمني لسى المصروف معاي ماصرفت منه شي

حنان : بل

قلت لها اتشفى فيها : ليه حنان خانم على بالك الناس زيك

تطير فلوسها ياماما احنا ناس نعرف شلون نحافظ ع الفلوس

حنان طالعتني بنظره : هين بس الين ماتخرجين وشغلك في البيت

طلعت ليلى وغابت لها نص ساعه ورجعت حطت الاكل ع

الطاوله وقالت : بنات شوي وراجعه

سالناها : وين

ليلى : بعدين لما ارجع مو وقتو

راحت وغابت لها كمان ساعه الا ربع بصراحه انشغل بالنا

عليها وكل مادقينا نسألها وينها تقول هني شوي وراده

اول مادخلت حنان استلمتها على طول : وين كنتي ؟

ليلى كان وجهها متغير وباين انها كانت تبكي : حنان لو

سمحتي مابي اتكلم الحين

قلت لها : صارلك شي حد اذاك

ابتسمت لي وقالت : حبيبتي والله انا بخير بس شفت مريض

وهم يسعفونه كان وايد تعبان وقلبه توقف كسر خاطري

وايد وجلست اشوفهم الين استقرت حالته

حنان : الله يشفيه ان شاء الله .... ليلى مفروض تتعودين على

هذي المناظر وماتخلينها تسوي فيك كذا

ليلى وباين ان بالها مو معانا : ان شاء الله

قالت حنان لها : ترى مريم خلاص سمحولها تطلع يالا جهزي

الاغراض معي ابوي جاي بالطريق

*نور *
من امس وانا مضايقه وطفشانه ... انا وتركي مانكلم بعض

غير الكلمات الضروريه جدا حاسه انفسي اشبه بوحده مره

على زواجها قرون مو ايام بس رحنا تغدينا برى ياقال بنغير

جو لكن عبثا غير شتبين تاكلين وشبعتي ويالا بنمشي ماقال

كلمه زياده حتى ابتسامه ماتعب نفسه وابتسملي ولو بالغلط

كنت مقهوره وايد منه ... والله مدري من الي مفروض يزعل

انا او هو؟!... انا الي غلط عليه واهنته ....وينه الين

الحين مارد الساعه صارت قريب الوحده من حطني عقب

الغدا ماشفت وجهه مره تاخر والجلسه لوحدي مخيفه ماحبيت

ادق على اهلي اليوم او حتى اسير عليهم ابي اتعود على

مسألة البعد عنهم وبيني وبينكم مالي وجه اقول لتركي

ودني بيت اهلي توني كنت عندهم امس !ياترى وين راح ؟

لايكون صار فيه شي لا بسم الله عليه لو صارله شي اكيد

كانو رح يخبروني انا حرمته ..... لايكون ؟ لا مستحيل تركي

مايسويها !!

وليه لا يالخبله لو لاقي منك كلمه حلوه كان قلتي لا لكن انتي

مايسمع منك الا كلام يسم البدن ...معقول يكون راح لها ؟

واخذها يستانس هو وياها ؟! لا مستحيل تركي رجال يخاف

الله وماعنده سوالف البنات وبعدين هو يحبني ايه يحبني

يحبك نسيتي امس ايش قالك ؟!! لا هو ماقال كلامه الا لانه

زعلان لا تركي ماراح معها لا بس ماشفتيه شلون كانو

يناظرون بعض كلته بعيونها العمى بعيونها وهو

مستانس يبتسم لها ولا كأني جنبه بعد مابقي الا يروح ويدق

سوالف معاها قدامي .. هو مافي غير كذا طلع معاها بديت

ابكي غيض ابكي غيره مجرد تفكيري ان تركي يمكن الان مع

وحده ثانيه يذبحني بمعنى الكلمه

سمعت الباب ينفتح مسحت دموعي وجريت له على طول

كان وقفت قدامه كان يناظرني بنظرات حسيت فيها شوق

حب لوم ماقدرت امسك نفسي على طول سالت دموعي

وارتميت بحضنه : ليه تركني لوحدي ليه تاخرت

مسح على شعري : خفتي لحالك؟

قلت وانا اشاهق : خفت يكون صار فيك شي ..رفعت راسي

وناظرت وجهه

وقلت : تركي انا اسفه ماكان قصدي اهينك .... تركي انا وقمت اشهق

قالي وهو مبتسم : انا الي اسف ماكن مفروض امد يدي عليك

بس انتي استفزيتيني

قلت له : والله ماكنت قاصده وتذكرت الكف فحطيت ايدي على

خدي وزميت شفايفي يدك تعور

ضحك علي : مو يد رجال تبينها زي يدك انتي صغيرونه

قلت له : تركي نقدر نبدأ من جديد ؟!

ابتسم بوجهي وقال: متأكده تبين تبدأين من جديد

هزيت راسي : ايه نبدأ من جديد.. من غير أي ماضي من غير

أي الم من غير اتهامات نبدأ انا وانت زي أي اثنين توهم بدايه

زواجهم

قالي: بس احنا مو زي أي اثنين

رده فاجأني بس كمل : لان مافي احد بالدنيا يحب حرمته زي

ماحبك اجل احد يحب مولوده عمرها ايام ومن اليوم احنا

ابتدينا ياحلى عروس وبهذي المناسبه انا عازمك ع العشا

ضحكت : الحين


قالي : ايه الحين يماما انتي بجده الحياه مستمره بدلي

ملابسك بنروح نتعشى ع البحر وبعدين ناكلنا ذره ونحن نسير ع

الشاطىء والموج يضري قدينا الحافيتين

قلت له وانا اضحك ع اسلوبه: انت من جدك

قالي : بتجين او لا ترى عادي البنيه الي بالوبي مرقمتي ادق

عليها ونطلع مع بعض شقلتي

ضربته على كتفه : سوها وهو اخر يوم بعمرك

ضحك علي وقال : تغارين علي ؟

ابتسمت : اكيد اغار

ابتسم لي : يعني تحبيني ؟

حسيت وجهي صار احمر وتركي ماشال عينه من علي :

شفيك ساكته نور وجهك محمر يلا بلا دلع بنات قول بانك تحبيني تحبيني مو ؟

قلت له : ايه احبك ارتحت وتركته ورحت ابدل ملابسي

تركي بعد ماستوعب الكلمه : تحبني ...تحبني وجا ركض

باتجاهي لكني سبقته وقفلت الباب بسرعه قبل لايوصل

عندي

قالي من ورى الباب : هين بعديها لانها اخر مره بتصكينه

بوجهي سامعه

قلت له : لاتحلم وايد ترى الكنبه مكانك

قالي : والله مانمت عليها وبتشوفين يانور

قلت له : ترى معد بطلع

قالي : ترى بدق على البنت وبنزلها

قلت له : بكيفك تبي روح الله يحفظك

قالي زين وماسمعت غير باب الجناح ينقفل خرجت

بسرعه من غرفتي دورت عليه بنظري مالقيته رحت طليت

من عين الباب اتأكد لكن ماكان موجود انقهرت وايد رجعت

باتجاه غرفتي شفته واقف عند الباب ويأشر

بمفتاح الغرفه بيده وقالي : شلون بتنوميني ع الكنبه الحين

قربت منه وحاولت اخذ المفتاح لكن هيهات اوصل له لاني

قصيره وماشاء الله

تركي طويل بالنسبه لي قرب مني صار قريب وايد

بسرعه خفضت جسمي ودخلت الغرفه

ضحك وقال : نسيتي المفتاح معي

نور بخاطرها "ويلي ويلي رحت فيها "

قالي وهو يضحك البسي بسرعه انا بستناك تحت

قلت له : انزين بس استنى هنا تحت لا

مارد علي سمعت بس صوت ضحكته دعيت ساعتها من كل

قلبي ان الله لايحرمني منه ويخليه لي

رحنا واتعشينا وانبسطنا واحلى شي الذره ع البحر جد كان

احساس حلو ..احساس حلو انك تعرف ان في احد مهتم فيك

احد يحبك بالعيوب والحسنات الي فيك حمدت ربي الف مره لانه

رزقني بتركي وحمدته مليون ع الكف الي صحاني صدق لاقالو

كفن صفعني نفعني ...

وهذي كانت اول ليله لنا انا وتركي زي أي اثنين متزوجين

 
قديم   #39

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

حنان *

طول اليل ماقدرت انام او حتى اخذ غفوه مريم كانت تهذي طول الوقت بفعل الحمى .. قلبي ياكلني عليها شلون بروح

واخليها من رح يكون جنبها نور بعيد بالرياض وليلى ماتقدر

تستحمل هالضغط يالله يامريم رح اسيبك لمين ؟

شفتها بدت تفتح عيونها اقترب من سريرها

قلت لها : حمد الله ع السلامه كذا فجعتينا

مريم : وين انا

قلت لها : بالمستشفى امس اغمى عليك وجبناك

مريم : انتكاسه مو

حسيت بغصه قلت لها : ايه

مريم وهي تطالع جهت الشباك : كنت حاسه بهالشي الوجع

كان يجي ويروح

قلت لها : ليه ماتكلمتي

قالت لي : كنا مشغولين بعرس نور ماحبيت انغص عليكم

الفرحه ..بس حسافه جات على راسك انتي

قلت لها : ولايهمك

مريم عيونها بدت تجمع فيها الدموع : اسف حنان دوم

اتعبك معاي حتى بالوقت الي مفروض تتحضرين لعرسك

حرمتك منه

قلت لها : بلا غباء انا اول شي مابسوي عرس وقايله لابوي

وعمي هالكلام وثاني شي انتي اختي حبيبتي اذا

ماوقفت معاك بشدتك مع من اوقف ها ؟! يعين انا لوكنت

مكانك ماكان وقفتي معاي ؟

مريم : بسم الله عليك لا تتفاولين على عمرك

مسحت على راسها : ياعيني ع الصلعا الحلوه تلق لق خخ

مريم : خخخخخ عاجبتك اتحداك تسوين زيها

حنان : كان ودي لكن ابوك مهدني المقص يدخل بشعري

شوفي طول ولاني قادره اقصه

مريم : ايه باين واصل الين الارض من الطول

حنان : خخخخ تخيلي انا شعري طويل ويلي كيف بمشي

وقامت تهز راسها يمين وشمال

مريم : ههههه

انطق الباب ودخلت علينا ليلى وامي وعمتي وعمي وابوي

ليلى وهي تحط القهوه ع الطاوله والشوكلاته : جبنالك

الشوكلاته من باتشي مع انك ماتستاهلين

مريم : لا ؟

ليلى وهي تقرب وتبوسها على خدها : ايه لانك طيرتي قلبي من مكانه

قلت لها : مو ذنبها انك جبانه

ليلى : محد حطك محامي

امي : بس انتي وهي تراكم بالمستشفى وقربت من مريم

وباستها على جبينها

امي : شلونك مريوم

قالت لها: الحمدالله بخير يمه لاتخافين

سلم الكل عليها وجات جدتي بعد تسلم عليها وقالت لها :

مالقيتي تمرضين الا يوم قرب عرس حنان لايكون غرتي منها

قهرتني صح انها قالتها مزح بس خفت تجرح مريم .. مريم بفترة

مرضها تكون حساسه نوعا ما وعصبيه بفعل الادويه

قالت لها : لا مو غيره بس خليني اتدلع عليها قبل لا تتركنا

لاطحت مره ثانيه مارح القاها

جدتي: ان شاء الله مارح تطيحين بس كلي زي الناس شوفيك

عصلا مافيك جسم زي خلق الله كذا ماتقاومين كله طايحه

قالت لها : ان شاء الله

امي تسأل ابوي : متى بيطلعونها

ابوي : اليوم بيعطونها جلسه ويبقالها جلستين براحتها تبيها

بالمستشفى او تجي وتروح

مريم بسرعه : بطلع يبا واجيهم وقت الجلسات

ابوي : متأكدة من كلامك مارح تتعبين

مريم : والله مايتعبني الالجلسه هني

ابوي خلاص انا بكلم الدكتور واشوف متى يطلعونك اوكي

مريم : زين

طلعو اهلي من عندنا وخلوا ليلى معانا ياقال تسلينا حاولو

معي ارد البيت بس بصراحه ماقدرت اترك ميوم اخاف تتعب

وليلى توقف تتفرج ماتسوي شي بلغنا ابوي ان مريم بيقعدونها

الين اليل اذا تمت الحراره طبيعيه بتطلع

*مريم *

تعرفون جو المستشفيات يجيب الهم هذي اول مره من ثلاث

اسنين ارقد بالمستشفى عشان العلاج واحسن نفسي

خلاص مو قادره اتحمل لكن شنسوي هذا ابتلاء من رب

العباد واحنا ماحليتنا الا رجا الاجر والثواب

طالعت وجوه خواتي طالعت نظراتهم على كثر ماطالعهن

مامل احس ان كل وحده فيهن تكملني احس انفسنا زي

البازل كل وحده تكمل الثانيه لكن للاسف احنا بدينا نفترق

خلاص ياعالِم متى رح نجمع ؟!!!

نور ماجات اليوم اصلا محد علمها اني بالمستشفى وتعبانه

حرام يخربون شهر عسلها وحنان كلها ايام وتركنا بتروح

عالم غريب مع شخص غريب شلون بتتحمل الغربه حنان الي

من تفارق جده تحن الين ماتردها شلون رح يكون حالي من

غيرها اتعودت امسك ايدها واضغط عليها افرغ فيها كل الآلام

الي أحسها اثناء العلاج هي نفسها الصدر الي ابكي عليه

نفسها الشخص الي كان مستعد يضحي بجزء من جسمه

ويعرض حياته للخطر بس عشان يخلصني من آلامي .. مارح

يفضل غير ليلى ليلى الطيبه ليلى وحلمها بالطب بكره بيجيها

ولد الحلال الي يستاهلها الي رح يحب حيويتها رح يحب طيبت

وبراءة الطفوله ليلى الي متى يحتاجها الشخص رح يلقاها

جنبه عون وسند لكن يوم مانكون احنا خواتها في موقف تعب

زي حالتي تخونها شجاعتها وتبدأ عاطفتها تسيطر عليها زي

الحين تناظرني وتبتسم ولكن عيونها فيها خوف الدنيا كله

جا صوت حنان : يالحبيبه مطوله كثير

قلت لها : ها

ليلى : اعترفي الحين وين كنتي شارده بمخك هذا لايكون وغمزتلي

حنان تكمل على نفس الموجه بالمصري : اخس عليك يابت

يامريم كدا برضو بتخبي عليا دنا اختك حبيبتك ماتأوليليش

مريم : شنو اقولك علامكن انتن

ليلى : شوفو ياخواتي البت بتستعبط ازاي آل ايه ياخواتي

مش عارفه عن ايه بنتكلم اخ منكم يابنات النهرده دنتو بلوه

مسيحه بتفضلو تتمسكنو لحد ماتمكنو

مريم : الو الو الارسال انقطع

ليلى وحنان : خخخخخخخخخخخخخخخخخخخخخخ

مريم : هيهي مايضحك تصدقون

ليلى وحنان بصوت واحد : لا

قلت لهم وانا منغاضه : احسن

ليلى : حنان تبين شي اجيبه لك معاي

حنان سالتها : وين بتروحين

ليلى : بروح بشتري من الاله اجيبلك شي معاي

حنان : ايه جيبي واحد m&m الي بالشوكلاه واحد جلاكسي

ام وليز خل وشنو بعد لو لقيتي عصير مانجا ربيع بالله واحد

معاك ولا اقولك جيبيلي واحد كابتشينو وكوكيز من ساتر بكس

الي تحت تعرفيه او ماينفتح الاسانسير على يدك اليمين

ليلى : صدق ماتعطين وجه الواحد يسأل ترى من باب الذوق

وانتي ماتصدقين

حنان : والله مالي دخل انتي مسويه نفسك حاتم الطائي

تحملي عاد

ليلى : مافي غير الي من الاله

حنان : انتي وطيبك عاد

ليلى : اخخخ احرجتيني صراحه

انا انقهرت منهم يعزمون على بعض ومايسألوني : هي وانا بنت

البطه السوداء ليه ماسالتيني اكيد انا بنت البطه السوداء

حنان : دامك عارفه ليه تسألين

قلت لهم وانا ماده البراطم : دوباب

ليلى : هههههه ماكنش ينعز ياحبيبتي بس انتي تدرين زين

الدكتور مانعك من هالاشياء ماقدر اجيبلك أي شوكلاتات ولا

شيبسات ابوك ان درى ساحه القصاص على طول يكفي

الباتشي بالقوه خلانا جيبها وشفتي خلاك تاكلين قطعتين

بطلوع الروح

استسلمت للامر الواقع : طيب جيبيلي مع حنان كابتشينو الله

يخليك واحد كرسون جيعانه ..

حنان رزت وجهها : محد قالت ماتاكلين الاكل الي جابته المرضه

مريم : بذمتك هذاك اكل ينأكل وع مافيه لاملح ولا شي احس

نفسي اكل تراب والله مافي طعم ابدا

ليلى : خلاص انتي الربحانه بروح اجيبلكم من تحت ارتحتي

وبجيب واحد كروسون حق الدايت عشان الدهون خلاص

 
قديم   #40

انا البنوتة


رد: (ماكل من يضحك مع الناس مبسوط ياكثر من يضحك ونفسه حزينه)


(ماكل من يضحك مع الناس مبسوط ياكثر من يضحك ونفسه حزينه)

البارت الثامن عشر

ماني صفحة في كتابك عشان تنزعها
ولاني ثوب من ثيابك تبدله متى ما بغيت
صحيح احبك بس عزتي تمنعها
ما اوطي الرأس قد ما وطيت
وكرامتي يالغالي اشيلها وارفعها
وادوس قلبي برجلي ومن حبك انتهيت

* سلطان *

رجعت من الشركه تعبان وهلكان سلمت ع امايه وطلعت

حجرتي عسب ارتاح

اول مادخلت الحجرة كانت جالسه ع السرير وعطرها كله شال

البقعه بصراحه عطر عجيب ابتسمت لي وقفت : حمد الله ع السلامه

ابتسامتها نستني كل التعب : يسلم غاليج يالغلا

شيخه وهي رايحه صوب الكبت : ماعندي اغلى منك ياسلطان

قربت منها : ياويل حالي انا .. تكفين عيديها

شيخه احمر وجها ودفرتني عنها : بس عاد رح تسبح

واعطتني الفوطه

جا صوت هادم الذات وفرق الجماعات حمدانوه

سلطان سلطان

سلطان : والي هذا شيبي مني الحين

شيخه قالت لي معليه سلطان روح شوفه

* حمدان *

تعب وانا اوعيه ولا فاد اخر شي خذيت قلاص الماي وسكبته

عليه نش مفزوع من النوم نقعت ضحك عليه

قالي : لا بارك الله في بليس ياهرم روعتني

قلت له وانا اضحك : دواك

قالي : هين ان مارويتك ياسبال خيستني

قلت له : انا بغيت اعرف شيخه شلون كانت تخليك تنش من

الرقاد حشى مو نوم هذا لي ساعة اهزك وبندت المكيف

وبطلت اليت لكن لاحياة لمن تنادي لانت دب قطبي بسبات

شتوي كان نشيت

حذفني بالمخده على وجهي وقالي : زول

قلت له : سلطان مابتروح الشركه

قالي وهو طفران : مو برايح عاطي عمري اجازه ارتحت عمي

حمدان يالله يابابا عطني مقفاك

حبيت اطفره زياده قلت له : ترى انا رايح بيت عمي بشوف

حرمتي اقصد الي بتصير حرمتي تحب تخاوني

ماحسيت فيه الا وهو طامر علي يبي يضربيني ويصارخ : ايا

جليل الحيا يامضيع المذهب حرمتك ها من حرمتك يامسود

الوجه للاسف زخني من كندورتي وقام يعطيني بكوس والله

عورني بطني

قلت له : سلطان والي يعافيك خلاص اخ يمه لحقي

علي يما

مادرينا الا باب حجرة سلطان ينفتح وكانت اختي ميثه

ميثه : خير

وقفنا انا وسلطان وطالعنها سلطان : ميثوه متى يتي ؟

ميثا : الناس تسلم بالاول

قلت لها وانا اوقف بعد ماقام عني سلطان : والله انتي الي يايه

مو بحن

ميثا : انزين السلام عليكم شحالكم اخواني ربكم ابخير

قلنا لها بصوت واحد : وعليكم السلام ورحمة الله وبركاته

الحمد الله شحالج انتي

قالت لنا وهي تقعد ع السرير وتحط رجل على رجل : الحمد الله

وقالت لسلطان : انت روح تسبح بغيتك برمسه وانت

( واشرت لي ) روح دورلك شغله

قلت لها : يعني طرده

ميثه : زين انك فهمتها بروحك

قلت لها : انا بعرف شلون مستحملج ثاني

مدت لسانها تغايضني : انا وزوجي مايخصك فينا وياريت تخف

من زياراتك عندنا ياخي علمت ريلي الهياته

فتحت عيني : شنو شنو لايكون ماخذه شريف مكه انا مخربني

الا مرابعتي لريلج

ميثه حاسة بوزها : والله كلكم شرات بعض مدري متى

بتكبرون وتتحملون مسؤوليه (وصدت صوب سلطان ) انت

بعدك هني يابوي خلصنا ترى وراي شغلات مو بس انت

سلطان حرج من اسلوبها : ميثوه احشمي عمرج تراني
موبصغر عيالج

ميثه قفطت وانا ضحكت عليها من الخاطر : هزبوها

سلطان عطاني نظره فحترمت نفسي وطلعت ...

* سلطان *

ميثوه مو متعوده تزورنا من صبح الله استغرب الزياره مع اني

حاس بمضمونها رحت تسبحت وبعد ماخلصت خرجت لها

كانت تتريان بصالة جناحي ....

يلست قبالها وقلت لها ها يام حمدان شعندج

ميثه ابتسمت : كل خير ياخوي ... سلطان اعرف اني اصغر

عنك بوايد حتى اصغر من الهرم حمدانوه وان الي مفروض

ينصح الثاني انت مو انا سلطان انا يايه اكلمك عن حرمتك

زميت شفايفي ليه كل مابي انسى احد يذكرني

ميثه : سلطان انت موبياهل انت ريال تفز لك ميالس وحد

طريك الا وينقال والنعم فيه مخاوي شما .. ياخوي انا مره ومحد

يفهم المره الا مره شراتها ياخوي تراك مقصر وايد بحق حرمتك

قلت لها : اشوف الكل يبي يعلمني شلون اعامل حرمتي

ميثه بجديه : سلطان شيخه تحبك الا تموت بالتراب الي

تمشي عليه ولو طلبتها روحها بترخصها لك

قلت لها بسخريه : والحين تبي الطلاق

قالت لي : سلطان مايرخص الغالي الا كثر غلطاته وانت

ماقصرت غلطت بحقها وايد غلطت عليها يوم خذتها عسب

تذكرك بغيرها غلطت يوم انك معاها بجسمك وقلبك عند

غيرها غلطت يوم انك زقرتها بليلة عرسها باسم غيرها

غلطت يوم حرمتها من كلمه حلوه تمنتها منك ياسلطان

المره ممكن تغفر لريلها كل شي وتتحمل منه أي شي مقابل

انها تعرف ان لها مكان بقلبه صدقني كل مره بالدنيا تتمنى انها

تكون ملكه ع قلب ريلها وانها معاه وين ماراح شايلها

وصاينها فيه وان فارقها حتى ثواني تسمع لهفته عليها

بصوته وشوق عيونه لها

وانت عطيت كل هذا لوحده وحرمت الثانيه منه ياخوي عطي

البنت طلاقها وخلها تداوي جراحها

رفعت راسي الي كنت موخيه طول ماميثه ترمس اول ماقالت

عطها طلاقها وقلت لها وانا مصدوم : شنو ينيتي انتي

اطلقها ؟هذا بدل ماتعقلينها

ميثه حرجت : انت شو ماتحس شيخه تموت معاك باليوم الف

مره وانت ماتحس شتبي منها سلطان هو سؤال واحد انت

ماتبي تطلقها ليه ؟ تحبها ؟

قلت لها : مادري

ميثه : اوف يعني منو يدري ولد اليران

قلت لها: تصدقين حلمت فيها حلمت انها معاي ميثه انا والله

مفتقدها مفتقد ضحكتها الي كل مادخلت البيت استقبلتني

فيها مفتقد صوتها عطرها حتى هوشتها افتقدتها

ميثه ابتسمت بمكر : وانا اقول شتسوي كندورة شيخه ع

الشبريه والمره مو هني شنو تبيها تذكرك فيها !!

سلطان"ويلي شلون نسيتها وين اودي ويهي الي احترق "

ميثه نقعت ضحك : خخخخ هههههاي حليلك ياخوي

تستحي ...... سلطان انت تحبها ؟

قلت لها : الظاهر

ميثه : انزين دام جذيه روحلها وتفاهم معاها لاتضيعها من

يدك ترى والله انت الخسران بالاول والاخير

قلت لها : بمرها العصر

ميثه : لو انا منك اروح لها الحين وانشب بحلقها ترى مافي حد

بالبيت الكل راح المزرعه وانا جيت هني عسب يخلالك الجو

قلت لها وانا مضايق : وليه يخلونها بروحها

قلت له : هي ماكانت مشتهية تروح ولا انا وخلونا عسب نكون

رباعه لكني جذبت عليها ربي يسامحني وقلت لها انك مريض

واني بزورك

قلت لها : وهي استهمت علي

قلت له : والله اني خفت تروح فيها سلطان والله شيخه تحبك

قلت لها : والله ادري وانا والله ابيها

قالت لي : اجل يالله روح لها الحق قبل مايردون قوم عمي

وقفت بطلع لكني تقدمت صوب ميثه بستها ع راسها : فديت

ميثاني وعقلها

ميثه ابتسمت بخجل : تربيتك ياسلطان

طلعت من البيت حتى ماتريقت لاني معزم اتريق مع شيخه

* شيخه *

من يوم ماخبرتني ميثة انه مريض و قلبي ياكلني على

سلطان كنت ابتصل عليه اعرف احاوله بس امتع سمعي

بصوته رفعت السماعه طقيت الرقم ولك باخر لحظه سديت

الخط قرت للحوش اشوف الزراعه وقفت اسقي الزرع اشغل

نفسي عن التفكير بسلطان .... اه ياشيخه تبي تتصلين عليه

شلون هانت عليج نفسج ؟ ميته عليه تبين تعرفين اخباره ؟

هو حتى ماكلف خاطره يدق عليج من ذاك اليوم

سلطان بايعج ياشيخه بايعج اخ ياسلطان ليتك تحس ليتك

مابين بعينك على كثر ماجاك لا واحسافه ليتني ماعطيتك
تخطي وعذرك واتحمل خطايك هويت غلطاتك كثر ماهويتك
ضحيت بالدنيا عشان دنياك وخليت كل الي يبيني وجيتك
كنت بعيوني وين اطالع القاك حتى ولو غمضت عيني لقيتك
من كثر ماحبك واقدرك واهواك ماذكر اني في حياتي عصيتك
ولا فاد كل الي اسويه وياك اتعبت قلبي ليتك تحس ليتك
والحين روح ساعدني انساك ولاتجي حتى لو اني بغيتك
وان جا على بالي بقاياذكراك بحاول انساها مثل مانسيتك

جاني صوت من خلفي: الا شاريج بعمري يابنت عمي

صديت وراي اطالع اتأكد انه هو واني مو جالسه اتخيل ..شفته

هو هو سلطان ريلي حبيبي عذابي واقف قبالي عيني

بعيونه ياربي هذا شجابه ليه يبي يذبحني يقتلني حرام

ياسلطان والله حرام ارحم قلبي

قلت له : سلامتك قالو انك مريض خير شعندك

قالي : الله يسلمك اشكي قلبي وجيت اطلب علاجه

ابتسمت بسخريه : روح دور على علاجك بالمقابر

وجه اعتفس حسيته تضايق : وليه المقابر وانا دواي قدام عيني

قلت له : هذا دوا مغشوش ماينفعك رح للاصل مالك غيره

قالي : وانا راضي بالمغشوش وحابنه

قلت له وانا اتقطع : طلبتك ياولد عمي

رد علي : تم يالغاليه الا فرقاج

قلت له اتمصخر : بعطيك صوره عسب تذكرك فيها ويصير عندك

الاصل ونسختها

قرب مني قلت اكيد بيصفعني ... قالي : سمعي يابنت الناس

انا طولت بالي عليج هي كلمتيني بتردين معي ولا بعرس عليج

يعرس علي ... هذا بيذبحني بالحيا .. غصب عني دموعي

سالت ع خدودي

 

أدوات الموضوع



الساعة الآن توقيت السعودية الرياض و الدمام و القصيم و جدة 10:50 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0