 |
  |
|
|
|
|
#76 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
الثامن والثلاثين والله احبك ويشهد عالم الغيبي ماظني أغلاك قبلي واحد(ن) كثري وإن كان صديت زاد الخوف والريبي واحس فالضيق كنّه يمتلك صدري كانت مشغوله مره بالمطبخ تجهز القهوة لان اكيد الجيران بيجون يعايدون عليهم خذت الفناجين ترتبها بالصحن وفجا جاها الصوت طير قلبها من مكانه : بو مهره : اميه فطس على شكلها ضحك : خخخخخخخخخخخخخخخخخخخ مهره تخبطه على ذراعه : خرعتنيه سعيد مسك ايدها : خخ حرام عليج عورتيني مهره استحت يوم لامست ايده ايدها وصارت تحاول تسحبها : عسب لاتعيدها مره ثانيه سعيد يتمسك بيدها اكثر ويقربها من صدره "ايدها مو مهره لاتفهمون غلط " : عيدك مبارك مهره حست نفسها صايره قريبه منه حاولت تفك ايدهابس مو قادره لانه ماسكها بقوة مهره : سعيد سعيد بعيون ماكره : قلبه مهره وجها احمر : اترك ايدي سعيد : لا مهره : سعيد حرام عليك اتركني سعيد : هب حرام انتي حرمتيه مهره : عمتيه الحين بتحدر سعيد : وان حدرت قلت لج حرمتيه مهره : هب حرمتك لاصار العرس صرت حرمتك سعيد : لا الشيخه تراني عاقد عليج مهره سحبت ايدها بسرعه : عموه تقول لا وراحت جري وتخبت ورى ظهر ام سعيد الي كانت واقفه عند باب المطبخ : سعيدان شو تسوي هني ؟! سعيد مرتبك : بغيت ..م ... ام سعيد بعصبيه مصطنعه : شو بغيت اخلص سعيد وهو يشوف مهره تكتم ضحكتها : بغيت الفواله امه : الفواله ماخلصت... لاخلصت دزيتها لك مع البشكاره بغيت شي غيرها سعيد بخاطره "ايه الي وراج فديتها " سعيد : سلامة راسج امه : اجل عطنا مقفاك سعيد: تامري الشيخه وطلع من باب المطبخ الخلفي وهو مفتشل ومقهور من مهره الي كانت تطالعه بشماته واول ماطلع سعيد ام سعيد : يبي الفواله طول عمره ولا قرب المطبخ والحين من دخلتي ماصار يفارقه اسمنج ضويتي راسه يابنت ال... مهره استحت : عموه ام سعيد وهي ترفع كفها لسما : الله يوفقكم ويسعدكم ويمنع عنكم العين ×××××××××××××××××××× كانو كاشخين على سنجه عشره زي مايقولون بثيابهم الاماراتيه وعصمتهم كان كل الي بال يطالعون لهم شكلهم مختلف اكيد بيطالع فوق كذا وسامتهم كانت طاغيه احمد كان لابس كندوره بلون العشبي ومعاها عصمه بالون البيج اما حمدان كندوره كحلي ومتعصم بسفره بيضا ..صلو العيد مع ابو نور بالمسجد وبعدين كل واحد راح لبيته احمد اول مافتح باب الشقه استقبله ولده الصغير كانت ريوم ملبسته كندوره بيضا جابها له حمدان احمد وهو يبوسه : فديت شيخهم حمدان اخذه منه : ويل حالي ع هالمزيون سمعو انا حاجزه من الحين لبنتي احمد يضحك : انت خذ امها بالاول بعدين ارمس يمكن تطلع البنيه شينه الريم وهي تقرب منهم عشان تسلم على اخوها وتعايده : اسمنها ماخابت وهالمزيون ابوها حمدان وهو يحبها ع راسها : فديت عمتها احمد : هي انت لاتفدى حرمتيه حمدان يعانده : فديتج ياريوم فديت شيخة الحريم كلهم الريم تضحك : جعني ماخلا منك حمدان وهو يقرب صوب امه الي كان جالسه ع الكنبه وتشوفهم وتضحك : مباركن عيدج الغاليه ام حمدان : مبارك عيدك ولديه احمد يسلم عليها : عيدج مبارك عموه ام حمدان : وعيدك مبارك ياوليدي الريم وهي تصب لهم القهوه : ماعيدتو بندر ؟!! وعمه ؟! حمدان : عمه عايدناه كان معانا بالصلاه لكن بندر ماشفناه احمد يكمل : مايقدر يتحرك كثير واستحيت اروح له هالحزه الريم : استحيت ؟!! انت دوم مطيح عنده وباي وقت مايفرق معاك شي حتى بعد ماعرس حمدان : خخخ لايكون تغارين من بندر بس الريم تضحك : خخخ يشهد الله ان غلاه من غلاتك انت وسلطان احمد : يالخبله الريال عنده الحين عمه وبنته تحرجت منهم حمدان يلكزه بيده : هي منوه الخبله ؟! احمد : الريم حمدان : لا ؟! تسب اختيه وانا يالس الريم : وانت شيخصك انا حرمته مارمست حمدان افتشل : هذا وانا بفزعلج الريم : استرح بس ام حمدان : حمدان متى بتسير الطبيب؟! حمدان : شرايج نسير باجر ام حمدان : زين الريم : شو امايه مستعيله ع الرده ماشي سيره الا عقب العيد احمد : عموه لايكون تضايقتي من يلستك معانا ام حمدان : لا ياولديه شو هالرمسه لكن شتقت حق البلاد وسلطان وميثه لحالهم الريم تضحك : اميه شيخه وين راحت وميثوه عندها ريلها وعمتي ام حمدان : عمتج مابتقصر معاها وشيخه ماعليها زود لكن ميثوه مابقى شي وتربي وشيخه نفس الشي كل وحده منهن يبالها مداراه حمدان : ايه لو انا مكانهم ماكان استهميتي علي ام حمدان تخبطه بعصاتها : انت تزوج وحرمتك باتستهم عليك حمدان : زين لاردينا البلاد دوريلي ع عروس الريم وهي تغمز حق امها : ماله حايه ندور لان العروس موجوده ام حمدان وهي تعرف زين مهره منو تقصد : هذيج الساعه المباركه لاصارت كنتي احمد وحمدان يطالعون بعض ومو فاهمين شي : منوه الريم ضحكت عليهم : مايخصكم كل شي بوقته حلو حمدان : اختي العزيزه تراني انا المعرس هب انتي الريم : حد رمس غير جذيه حمدان : يعني منوه العروس يمكن ماتعيبني الريم: استرح بتعيبك وانا بنت ابوي احمد : ياخي حرمتي واعرفها دام هاذي رمستها يعني واثقه من الي ترمسه حمدان : ريوم اقول استريحي العرس ودرته من زمان ×××××××××××××××××××× فتحت الباب وكان ابوها استقه بابتسامه واسعه وعايدته مريم : كل عام وانت بخير يبا ابو نور : وانت بصحة وسلامه يالغلا حنان : احم احم ..وخري اشوف كل سنه وانت طيب ياغلى الغوالي ياحلى ابو بالدنيا ابو نور : خخ اغلى الغوالي اكيد ؟!!وطالع لبندر الي كان رافع السماعه ويبي يرد عليها حنان : اكيد الاغلى ابو نور : خخخ حليلك وانتي مستحيه حنان تغير الموضوع : لاتحاول تهرب وين العيديه مريم : أي عيديه انتي خلاص راحت عليك حنان : لاياشيخه مريم : خلاص انتي كبرتي واتزوجتي وكلها كم شهر ويصير عندك بزر مفروض انتي تعطينا عيديه حنان : نعم ؟!! ابو نور وينزل ظرفين من جيه : خخ لو عجزتو وصار عند كل وحده منكم درزن عيال بتفضلون بناتي الصغار وضم الثنتين لحظنه .... صحيح انه يضحك مع بناته لكن عيونه كانت ع الي يتكلم بالتلفون وملامح وجه انقلبت بلحظة ماقدر يسمع ايش يقول لان بناته عاملين ضجه حوله شافه وهو يقفل السماعه ويقوم بخطوات ثقيله لغرفته همس لحنان : روحي شوفي رجلك وش فيه ×××××××××××××××××××××× دخل بخطواته ثقيله وتعبانه بالكاد قدر يوصل الين السرير وجلس عليه ..رمى بعكازه ع الارض من حر مافيه ...معقول من شنو مصنوع هالانسان شهالبرود الي فيه انا شسويتله متى رح يعاملني باني انسان متى رح يحس اني ولده دخلت عليه شافته قربت منه حطت ايده ع ايده المشدوده ..ارتخت شوي لف عليها راسه شاف وجها ماقدر الا انه يبتسم وهو يشوفها : شفيك حبيبي ابتسم بثقل: ولاشي لاتشغلي بالك حنان : بندر انت مو شايف شلون صار شكلك طمني وش الي صار منو الي اتصل بندر زفر : ابوي حنان : عمي ؟!! احد صار فيه شي ؟! بندر : لا الكل بخير الحمدالله حنان : قالك كلام كدرك بندر ماجاوب اكتفى بالنظر للسراب الي قدامه ...كانت تشوفه كان في لمعة حزن بعيونه وشافت طيف دمعه محبوسه بقوة حنان : انا ماعرف شالي قاله لك لكن مهما كان الي قاله لاتنسى انه ابوك بندر ضحك بسخريه : ابوي ؟! أي ابو ياحنان ..وانفجر ..ابوي ماتصل الا عشان يعاتبي ماتصل الا عشان يسمعني معزوفاته الرائعه تصدقين كل الي قلته له الو الو ياحنان وبدأ يسب يشتم بدأ يعاتب حتى كل سنه وانت طيب ماقالها شلونك شخبارك ماقالها سلام رب العالمين ماقاله كل الي همه شلون تكونين حامل وانا ماكلفت نفسي ابلغه شلون يدري من الناس ومني انا مايدري حتى فرصة الدفاع عن نفسي ماكانت عندي بعد ماخلص بكل برود قفل السماعه حنان : ليه ماقلت له مو حلوه انك ماتخبره انت كذا قصرت بحقه بندر : اتصلت والله اتصلت محد رد علي وجواله مغلق كان واليوم صحيت بنص اليل عشان الحق عليه قبل لايروح صلاة العيد لكن كالعاده رقمي مايرد عليه حنان : بندر حبيبي تعرف عمي عصبي ومايتفاهم بندر: مايفرق معاي صدقيني ماصار يفرق معاي ابوي انا لغيته من حياتي من زمان صدقيني انا مايرجعني السعوديه الا امي وجدتي وتركي ولا ماكان طبيتها من زمان حنان حست قلبيها يتقطع على بندر ماتعرف شنو سر الفتور بعلاقته مع ابوه وبنفس الوقت ماتبي تسأله ويتضايق .. سمعت جرس الباب ينطق ....: هذا اكيد احمد واهله يالا اضحك الناس جايه تعايدك وجهز العيديات قالتها وغمزت له بندر ابتسم : خخخ لايكون تبين عيديه حنان : ثنتين بندر: طماعه حنان : لا وانت الصادق وحده لي وحده لنواف بندر : ههه من عيوني يام نواف حنان وهي فرحانه لان موده تغير: تسلم عيونك ياقلبي ام نواف سحبت لها شيله تتلائم مع لبسها حطت لها غلوس شفاف ..ناولته العصى وخرجت معاه من الغرفه ×××××××××××××××××××××× مريم الي فتحت الباب للضيوف ..وكانت الريم بوجهها : عيدك مبارك الريم : هلا والله وعيدك مبارك ياقلبو يزني انتي ياكميله ياهيلوه <<وشالت بندر منها وصارت تبوسه : انتي يههبلي انتي انتي طعمه انتي ابو نور : مريم دخلي الناس مريم تذكرت خلق الله الي ع الباب : وي اسفه معليه ام حمدان تضحك : مسموح الغاليه احمد : وين صاحبي بندر وهو يطلع من غرفته : نعم انت وش تبي ؟! الا وين صاحبي ؟! احمد وهو يقرب منه : أي صاحب بندر : صاحبي الجديد احمد : وانا بندر : انت موضه قديمه فطسو الكل ضحك عليه : خخخخخ بندر بعتب: يرضيك يام نواف هالكلام ام حمدان : خخخ اكيد بيرضيها دام ريلها رامسنه حنان ابتسم وهزت كتوفها لاحمد ..ابو نور : خخ تستاهل انت جبته لنفسك الا وسمعو جرس الباب ...احمد يلكز بندر الي جالس جنبه : صاحبك جا فتحت مريم الباب وماشافت شي قدامها غير واحد داخل وشياطينه فوق راسه حمدان : وينه احمد : خخخخخخخخخخخخخخخخخخخخخ حمدان : تعال هني ان ماراويتك الكل منصدم حمدان كان معدوم ع الاخير بالشوكلا كن احد ضاربه بقالب ع ملابسه احمد اختبى ورى الكنبه : قلت لك بردها ماصدقتينه حمدان واقف بنص الصاله : بالعيد يالخام احمد وهو يحاول يختبي : دوا وصاروا يتجارون بينهم احمد يحاول يهرب قدر الامكان وحمدان يحاول يلحقة ويعدمه باقي القالب الي فيده الريم وام حمدان افتشلوا منهم اما الباقين فاطسين ضحك ام حمدان : خسكم الله فضحتونا الريم : بس ياناس صبروا الين البيت بندر: بالله خليهم خخخخخخخخخخخخخخخخخخ حمدان وهو يدو حول الكنب : صبر براويك شلون تسلط علي عيال الحمرا احمد : هههههههههههههههههههههههههههاي الحقني لو فيك خير وبسرعه جرى ناحيه الباب وفتحه ونزل حمدان : براويك ......... طرخ ا الريم شهقت من الصدمه حمدان اتعنقل وطاح لكن ماطاح لحاله طاح على مريم الي كانت من اول مابدت الحرب واقفه عند الباب وتفرج وهي مصدومه حمدان : اسف والله اسف ومريم حمدان الي صار بحمار وجهه ولا بنيه ومريم موبس افتشلت من طيحتها فوق كذا حمدان ضرب القالب بوجها ام حمدان : لعنبو يالسبال خيست البنيه صدق لاسنه ولا مذهب الريم وحنان راحو يشوفون مريم الي جرت ع الغرفه حمدان لابو نور : عمي والله اسف مو القصد ابو نور كان مصدوم من خبال هالولد معقول فجاه كان عاقل والحين قمة الغباء : ......... حمدان ماعرف شو يقول : اسمحولي وطلع بسرعه اول ماطلع ابو نور انفجر ضحك عليه : خخخخخخخخخ خبل ام حمدان : السموحه منك يابونور ابو نور : عادي اختيه حصل خير احمد رجع بسرعه اول ماطلع : سار ام حمدان خلته الين مايقرب منها ولكزته بعصاها : لابارك الله فيكم من عيال فشلتونا احمد : عمتيه بندر : خخخخخخخخخخ انت شنو سويت فيه احمد : اسمع هو قبل امس ياني وانا راقد ماحسيت الا بذاك الصوت الي طير فؤادي ..نشيت والله عبالي حد استوى فيه شي طلع الحبيب يبيني انش عسب اتسحر تصدق مارمت ارد ارقد منه وحلفت اني اردها له واليوم تركته هو الي ياخذ قالب الكيك وشفت واحد من عيال اليران عطيته خمسه دولار عسب وهو نازل يخيسه فيه وماقصر ابو نور : والله انكم بزران احمد وهو ياخذ من الشوكلا: هو الي بدا الحرب ***************************** دخلت الحمام "الجيمع بكرامه " وصارت تحاول تنظف وجها الريم وحنان خلوها اول ماتنزل من الحمام وقامو يضحكون عليها مريم : وجع بس حنان : خخخخخخ والله شكلك يجنن كان مريم : حنون الريم : خخخخخخخ وهي الصاجه مريم طنشتهم وراحت تنزل لها ملابس من الشنطه ..الريم : معليه مريم لاتزعلين مريم : ابد انا مو زعلانه بس مفتشله الريم وهي تذكر الي صار : خخخخخخخخخخ بصراحه موقف لاتحسدين عليه مريم : وتضحك بعد الريم : خخخ تذكرت شكلك بالكيك ههههههههههههههههههاي حنان : خخخخخخخخخ لاتضحكين ع اختي الريم : انتي بعد تضحكي ؟! حنان : انا غير انا اختها مريم : لا ياشيخه انفجر الكل ضحك خخخخ ×××××××××××××××××××××× |
|
|
#77 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
مرت ايام العيد سريعه وحلوه بالضبط الحين احنا اسبوع بعد العيد بندر حالته الصحيح صارت احسن بكثير جرح رجله تحسن كثير وصار يمش زين اما كتفه لسى ملفوفه لصدره يبيلها شوي الين ماتشافى ام حمدان قالها الطبيب انها تحتاج علاج طبيعي لمده شهر ومحتاجه راحه هي كان ودها ترجع وتسويه بالامارات لكن تحت الحاح الريم وافقت انها تقعد معاها اما مريم بعد فقدانها لحنان كمتبرع صارت فرصتها باجراء العمليه مره ضعيفه ×××××××××××××××××××××× بسياره الاجره "مريم وابوها راجعين من عند الطبيب " مريم كانت تطالع من النافذه ناداها ابوها : شبتسوين الحين ؟! مريم: بشنو ابو نور : بالي قاله الطبيب ؟! مريم : مادري ؟! ابو نور: لازم تقرين الخيار لك مريم : صدقني مادري احيان اقول ليه اخاطر وانا اعرف ان في نسبه بمعاودة المرض من جديد واحيان اقول ان ماسويتها بعيش ع الحبوب طول عمري والمرض بيكون موجود ابو نور : مابي افرض عليك راي لكن الدوا علاج مضمون اكثر واقل مخاطره مريم : اعرف يبه اعرف ونتايجه مضمونه وبقدر امارس حياتي طبيعي لكن الخلل الجيني بيكون موجود مارح ينمحي تماما ابو نور :الي ماختفى منهم حالات شاذه يعني املك كبير مره ... والعمليه اولا خطر على حياتك وانتي شايفه اختك ماتقدر تتبرع لك والين مانلقى احد يطابق لك بيكون الوقت تاخر خصوصا ان جسمك بدا يضعف اكثر من قبل مريم : طيب ان ماستجبت للدوا ان مانفعني ال جليفك ابو نور : اذا ماستجبتي نسوي العمليه حيكونو وفرو ساعتها متبرع وادرجوك ع قائمة المحتاجين مريم : اوكي باخذه وامري لله ... يبا انا بنزل هني ابو نور :ليه مريم : يبا ابي اروح المحاضره ابو نور : أي محاضره مريم : شفيك يبا الي عن الارهاب ابو نور : طيب اوكي بنزل معاك مريم : يبا ماله داعي اقدر اتصرف لحالي والبيت قريب ابو نور وهو يقل لسائق يجنب : لكن مريم : يبا تراني مب بزر ابو نور عارف ان بنته محتاجه تغير جو الضغط الي تمر فيه مو سهل : اوكي براحتك تعرفين رقم البيت ان صار أي شي اتصلي علي "واعطاها موبايله مريم فرحانه : ان شاء الله ×××××××××××××××××××××× احلام : ليلى بلا استهبال ليلى : انا ماستهبل وبعدين هذا مو رأي راي امي والكل كمان احلام : ليلى مايصير ع الاقل الملكه ليلى : لاملكه ولا غيره انتي عارفه ان ابوي مع مريم بامريكا احلام : ابوك راجع قبل موعد الملكه لاتعذرين فيه ليلى : احلام وبعدين احلام معصبه : ليه تبين تحسيني اني مانعتكم من الفرحه ليلى : احلام انتي ليه مو قادره تفهمي انا ماتخيل نفسي يوم ملكتي وانتي مو جنبي احلام : انتي تعرفين ظروفي ليلى : عشان كذا مافيها شي لو اجلناها كمان شهرين احلام : ليلى انا ابي عبدالرحمن يفرح اخوي من مات عبدالله ماشفت الضحكه على وجهه ليلى : ..... احلام : ليلى الله يخليك لا تاجلينها خلينا نفرح ليلى : وانتي ؟!! احلام وهي تحاول تكون قويه وماتبكي : وانا ايش ؟! حبيبتي الملكه بتكون بيتنا عشان اقدر اشوفك ليلى : زين خلاص خلي امك تكلم امي احلام : اوكي بشر دحمي سلام ليلى : وعليكم السلام طلعت جري من غرفتها للصاله مالقيته : يمه وين عبدالرحمن امها : بالمقلط عنده رجال احلام وهي تجلس : أي رجال امها : طلال الي فزعلك احلام : اها الله يجزاه خير امها : وش تبين فيه احلام : كنت بقوله اني اقنعت ليلى ان الملكهتم بموعدها من غير أي تاخير ماله داعي نتظر عدتي لين ماتخلص امها : والله ليلى اصيله وتعرف الواجب احلام بابتسامه : مو خويتي ×××××××××××××××××××××× نزلت مريم ودخلت للمبنى الي فيه المحاضره وكان مزحوم شوي وجلست على اقرب كرسي فاضي كانت المحاضره مفروض انها تبعد ان التطرف ويتم التكلم فيها بحياديه لكنها استعجبت يوم كان واحد من المحاضرين يهاجم العرب والمسلمين بكلامه انقهرت منه خصوصا ان اغلب الحضور ماكان من المسلمين وهي تقريبا المحجبه الوحيده بينهم وقفت بكل شموخ وقاطعت المحاضر pardon me, are u a muslim? المحاضر : no مريم : how can u talk about a religion that u don't know or believing it المحاضر : Iam specialized on religions and philosophies مريم : I'm a Muslim woman , I know about Islam more than u المحاضر بسخريه : So, tell us about Islam مريم : Islam is a religion d on justice, equality And believing that there is only one God قاطعها واحد من المحاضرين : to kill each other مريم انفعلت : your not a Muslim...i didn't try to kill you...so, don't judge Muslims about something terrorists did. خذت نفس : Islam means peace Peace does not mean kill قاطعها المحاضر: What about the Israelis you kill them every day مريم what about Muslims in iraq , Lebanon and Afghanistan??? you can't steal my land , rape the women and kill the children without defense about that.. مريم خطفت الاضواء كانت قوية حجه ماحد اعتقد ان هالبنيه بنيتها الصغير انها تحمل بين جنباتها عقل واعي هو كان جالس بعيد وكان يراقبها اتفاجأ كثير فيها ماتخيل ابد ان تفكيرها كذا على باله انها زي كل البنات تفكيرها موضه ولبس واشياء سطيحه مريم وهي طالعه مانتبهت له ..: اخت مريم مريم التفت وشافته وعلى طول اتذكرت الكيكه وانقهرت بداخلها : هلا اخوي تبي شي حمدان شقولها : ام الصراحه انا ابي اعتذر عن الي صار يوم العيد مريم "صح النوم " : ماصار شي اخوي عن اذنك مشيت مريم وطنشته ..حمدان "شفيها تكلمني كأني ماكل حلالها " مريم كانت ماشيه بطريقها بعدين وقفت تشتري لها كوفي من كافيه وهي طالعه شافته واقف بعيد واول ماشافها نزل عيونه مريم " لايكون يلحقني ؟!" مشيت شوي وبعدين رجعت لفت لقته يمشي وراها مريم هنا وصلت حدها التفت عليه ومشيت بخطوات تملأها الغضب مريم : انت شلون تتجرأ وتلحقني حمدان : انا ؟!! مريم معصبه : لاخيالك انت كنت ماشي وراي من طلعت من المحاضره حمدان : لاتنسين ان طريقنا واحد مريم : رجعت جهت الكوفي .. مع السلامه حمدان مسكها من ايدها : وين راجعه مريم : شيل ايدك حمدان : اسف مو قصدي مريم : انت مورايح بيتكم اتفضل الله يحفظك انا مو رايحه حل عني حمدان : يابنت الناس الشوارع هني خطر انتي مو بديرتكم مريم : مشكور ياروبن هود انا اقدر احمي نفسي زين حمدان انقهرمن طريقتها خصوصا ان الناس كانت تطالعهم وهم وسط ال : مريم اقصري الشر وامشي مريم : انت منوه عشان تتحكم فيني انت مالك كلمه علي شي يفور الدم حمدان طنشها ومارد عليها هو يعرف ان ماله حق يتامر عليها لكن برضو مايبيها ترجع لحالها رغم ان البيت قريب مره يعني ماعليها خوف شافها جلست ع طاوله خارجيه بالكوفي وتهز رجلها بعصبيه مريم "وش ذا البشه ..ليه مايحل عني ..الله يحرق اعصابه زي ماحرق اعصابي " جا حمدان وبكل برود جلس معاها ع الطاوله : شتحبين تشربين مريم : لا انت مصختها شوف اذا انت متعود تصاحب بنات وتكلمهم واذا كنت تفكرني من هالنوعيه الواطيه تراك غلطان سامع افتح عينك وطالع زين من تكلم صدق انك ماتستحي ع الاقل حشم ابوي الرجال الي يعاملك كانك ولده احترم زوج اختي الي فتحلك بابه مالت عليك ومشيت وهي معصبه مسك وعدت من جنبه لكن قدر يمسكها من ذراعها ماحس الا وكف منها انطبع على خده : عشان تتعلم ان اعراض الناس ماهي لعبه وقف مكانه مصدوم ماتوقع انها رح تسوي كذا حط ايده على خده وابتسم وهو يشوفها تمشي بخطوات سريعه لبتهم لحق جري وراها الين ماقدر يلحقها وقف قدام مدخل العماره مريم :انت ايش ماتفهم تبغى كف ثاني يصحيك حمدان : تتزوجين ؟! |
|
|
#78 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
بندر جاه تلفون اخذ السماعه وراح لغرفة النوم يتكلم حنان كانت هي وابوها يسولفون ويضحكون: والله بفتقدكم ابوها : كلها شهرين وانتي عندنا حنان : خلكم معاي اكثر ليه مستعجلين ابوها : يابنتي انا تارك شغلي هناك وامك واخواتك وبعدين ليلى لازم ارجع املك لها على عبدالرحمن حنان : يبا طيب خلي مريم عندي ابوها : حنان مريم قرت تاخذ الحبوب يعني سهل تتابع حالتها بالسعوديه حنان : بس هنا احسن ابوها : عندنا كفاءات احسن من هني بكثير الا وسمعو طرا اخ حنان : شنو هذا ابو نو ر: الصوت من غرفتك راحت هي وابوها فتحت الغرفه بسرعه خافت يكون صار شي بندر شافت سماعة التلفون عند الجدار مرميه متفته وبندر كان معصب واصل حده ابو نور انسحب من غير لايقول كلمه حنان : شفيه شصار بندر : مافي شي حنان جات وجلست قدامه ع ركبها : حبيبي شصار منو الي اتصل بندر : ولا احد حنان : ولا احد ؟اجل ليه كل هالعصبيه ؟ بندر وش الي صار بندر صرخ فيها وهو يوقف : حنان وبعدين قلت لك مافيه شي حنان انقهرت من صراخه فيها وقفت : انفلق بندر طنشها وراح ع السرير وامتد حنان كانت تشوفه من عند الباب وهي مقهوره من اسلوبه معاها وبنفس الوقت خايفه حاسه ان في شي مضايقه ومايبي يتكلم ابو نور : حنان شفيه زوجك حنان : مدري عنه ينفلق ان شاء الله ابو نور : حنان حنان : وش اسوي مضايق ومايبي يتكلم وقام يصرخ انا شسويله لو ماتكلم ابو نور : حنان الرجل مو مثل المره الرجل مايحب يبين الي بقلبه مو انتو الي من شكت الدبوس تشتكون حنان : يبا طيب انا شبيدي شسوي ابو نور : بالطيب ياحنان بالطيب خليه يهدأ اول بعدين حقي معاه حنان : ان شاء الله ×××××××××××××××××××××× كانت تحتفل بانتصارها : خخخخخخخ بصحتك "ودقو الكاسات بعض " ليليان : الهيئه كتير مبسوطه ماري : اكيد الي كان بدي اياه صار ليليان : الفار بالمصيده ماري : اكيد وصدئيني رح يكون لئلي ليليان : كيف ؟! مار ي وهي تحرك ايدها ع بطنها ..ليليان : بس انتي بتعرفي انو مو ابنو ماري : انا بعرف لكن لابيو ولا مرتو بيعروفو ليليان : شو عملتي ؟!! ماري : رح اقولك شو عملت ×××××××××××××××××××××× طلع من الغرفه وشافها جالسه مع ابوها لحالهم سأل : وين مريم حنان ماجاوبته مسويه نفسها زعلانه ابو نور : دخلت الغرفه ترتاح تقول تعبانه بندر جلس بعيد عن حنان ..جنب عمه .. وكان يهمس لعمه بش وخلاه يضحك :خخخخخخخ حنان طالعتهم بنص عين بندر لعمه : شوف بالله بنتك شوي وتاكلنا ابو نور يهمسله : تعرف انها تعصب من هالحركه ليه تسويها بندر : احب احرق اعصابها ابو نور : نذل خخخخخخخخخخخخ بندر : خخخخخخخخخخخخخخخخ حنان : ممكن اعرف ليه تضحكون شايفيني مضحكه قدامكم بندر : احد كلمك حنان : انا اكلم ابوي ماكلمك بندر : انتي استخدمتي نون الفاعلين يعني تكلمينا كلنا حنان مقهوره : تنكت حظرتك توك مو طايق لي كلمه بندر : انت جيتي تكلميني وانا مضايق تحملي الي يجيكي حنان : لاه ابو نور وهو يسمع جرس الباب يرن : بساحر احترمو وجودي بينكم انتي "يكلم حنان " حطي شيلتك ع راسك وانت قم افتح الباب بندر قام وفتح الباب ماقدر يستوعب الي صار .. كان بحاله من الصدمه نفسي الشي ينطبق على ابو نور وحنان ×××××××××××××××××××××× بالملحق كان جالس ويفكر وهي معاه مشغول بالها تركي كلمها وقالها كل شي نور : يمكن مو مظلوم يمكن صحيح تركي : نور انا اعرفه زين صدقيني كذب والله كذب نور : لو كذب ماكان عمي تركي معصب: ابوي يدور الزله لبندر تعرفين شنو الزله نور : تركي ليه عمي قاسي عليه تركي : اخ شقولك يانور ..بندر يتحمل وزر ماله أي ذنب فيه ×××××××××××××××××××××× التاسع والثلانين ما كل عين تذرف الدمع بأحزان وما كل من يضحك يعيش بسعاده كم واحد دمعة على الخد هتان من زود همه يذرف الدمع عاده يحاول انه يبتسم قدر الامكان ويضحك ونار الحزن تحرق فؤاده جالس يفكر هل الي سواه صح ؟!! معقول يكون استعجل ؟! طيب هو ليه عمل كذا ؟! ليه فجأة انقلب كيانه ؟! تلمس مكان مانطبعت اصابع يدها الصغيره حس بشعور غريبه وهو يمر اصابعه ع خده حس وكانه يمر اصابعه ع كفها الصغير ابتسم ع هالشعور ورجع قطب حواجبه بغضب مهما كان هو رجل ومايحب ابد انه ينهان ومريم اهانته لكن هو يستاهل وهوعارف هالشي محد قاله يلحقها ولايبحلق فيها وطبعا ماله أي حق انه يحط ايده عليها !!!! حمدان "اخ يحمدان وانمسحت بكرامتك الارض ... بس ليه جذيه ؟! ليه سخرت من مشاعري ؟! ليه ماعطتني فرصه اشرح لها الي احس فيه اتجاهها؟! يظهر ياحمدان مالك نصيب بالحب مكتوب عليك تحب وتعشق وينذبح حبك جدام عينك !!" ×××××××××××× الين الحين مومصدقه الي صار معقوله السؤال يتردد باذنها "تزوجيني " تذكرت جوابها له : نعم تمصخر علي حضرتك جاوبها باصرار: هالموضوع مايحتمل المصخر مريم انابيك تكونين حليله لي مريم : والي يبي وحده يطلبها بهالطريقه حمدان : يهمني اعرف رايك بالاول مريم : لا ..قول شفتها وحده مريضه خلني اتسلى عليها اهي شي نتسلى فيه بالغربه حمدان : وش هالتفكير مريم : هذا تفكيرك المريض اسمع ياولد الناس لاعاد اشوف رقعة وجهك قدامي لايجيك شي انت عمرك ماشفته حمدان : مريم انتي والله عاجبتني ونا مريم بانفعال : انت صدق قليل ادب وماتسحي شكلك يبيك كف ثاني عشان تصحى مالت عليك وعلى الرجال الي زيك ضمت المخذده لصدرها .وضغطت عليها بقوة كانها تبي تفرغ كل شحنة المشاعر الي تملاها مريم وهي تكلم نفسها بصوت مسموع : يبي يلعب ايه يبي يلعب شنو يتزوجني يستهبل علي .. شفيني زود ؟! اهو يعرف بمرضي معقول الناس لهالدرجه صارت تستغل ضعف البشر عشان يلعبون بمشاعرهم لكن اهو قال اني اعجبه ؟! وقفت قدام المرايا تتامل شكلها ...وبحركة عصبيه خلعت شيلتها شنو رح يحب يامريم ... شنو رح يحب الشعر الي واصل الين الركب ولا رموشك الطويله ولا حواجبك المرسومه رح يحب شنو يامريم بشرتك المصفره .. انا اقولك شرح يحبك رح يحب المك رح يحب تقلبك ع السرير اعتصارك من الالم رح يحب دموعك الي ماتوقف شهقاتك الي تكسر سكون اليل هذا ان حب شي هذي مميزاتك الي رح يحبك عشانها ..خخ قال حب قال مسمى مزبرق "مزخرف" للشفقه ..اخ ياكرهي لضعفي اخ استرعى انتباها صوت تعرفه زين بسرعه لبست شيلتها وفتحت بابها تتأكد من الي سمعته |
|
|
#79 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
مو مصدقه الي صاير قدام عينها معقول كل هذا الي صار ... الين الحين صوت الصفعه يرن بأذنها وصرخت استهجان ابوها تملأ المكان .. وهو!! هو واقف بمكانه بحالة ذهول مريع سأل بصوت مكسور : ليش ؟! جاوب بغضب عارم : ولك وجه تكلم ورجع يعطيه كف ثاني حنان كانت حاطه ايدها ع فمها تمنع شهقاتها وهي تشوف رجلها ينطق قدامها من ابوه كانه بزر ابن العشر سنين مو رجال بلحيته ابونور مسك ايده : بس يامحمد كفايه ...شفيك شصار لك ولدك مو بزر عشان تضربه ابو تركي وهو يفك ايده من يد اخوه وقاهره اكثر شي نظرة التحدي الي بعيون بندر : اتركني ياعبدالله انت لو تعرف سواد وجهه ماكنت وقفتني كنت ذبحته معي بندر برود : ؟! شنو اتهامي الجديد ياطويل العمر ؟!بشنو رح تتهمني هالمره ؟! وصرخ بعصبيه انا شسويت ؟! ابو تركي ويبي يرجع يرفع ايده يضربه : لاترفع صوتك يالكلب بندر يمسك ايده : كفايه ...انا مب عبد عندك ابو نور : بس يابندر لاتنسى انه ابوك بندر : انا مانسيت اسأل اخوك ان كان يتذكر اني ولده حنان وهي تمسك ايده ودموعها ع خدها : بندر مايصير هالكلام بندر كان يقرا الخوف بعيون حنان ضغط ع ايدها الي ماسكته والتفت لابوه : انا شسويت ؟! ليه مكلف نفسك وجاي من السعوديه ؟! ابو تركي وينزل مظروف من جيب جاكيته : شف سواد وجهك ..شف ياعبدالله الي تدافع عنه رمى المظروف بقوة بوجه ولده انتثرت الصور بكل مكان ..الكل كان مصدوم ...حنان مستغربه شوصل الصور لعمها ؟! ابو نور مو مصدق الي تشوفه عينه ؟! هو وحده ماكان مصدوم لان الي يشوفه كان متوقعه من بعد مكالمتها له من فتره "ماري : هاي بندر : وش تبين ؟! ماري : دخلك شو رايك بالصور بندر : قذره مثلك ماري: مابيصير تحكي هيك مع ام ابنك بندر بانفعال : ابني ؟! انا وين لمستك ؟! ماري: خخخ شو لاتنسى الصور بندر : الصور تلفيق ماري : مرتك مابتعرف بندر : مرتي واثقه فيني ... نسيت اشكرك صورك قربتنابشكل ماتصورينه ماري بغيض : عم تتمصخر بندر : ابدا جد انتي سويتي معروف فيني مارح انساه ابد ماري : دخلك بيك شو بدو يكون رايه فيك بندر : خلك بعيد عن اهلي ماري : شو الهيئه بتخاف كتير من البابا بندر: اخر شخص ممكن يهمين رايه اهو ماري : بدنا نسوف " بندر "الحقيره سوتها ولا متصله تقولي انتظر زيارة ابوك الحقيره " ابو نور: وش هالصور من وين ؟! ابو تركي : اسأل المحترم ابو نور يحاول مايفقد اعصابه : بندر ممكن تفسر الي بالصوره ؟! ابوتركي : وش يفسر ياعبدالله البنيه اتصلت فيني بعد مارسلت الصور وكانت تبكي ولدي المحترم يعرفها من قبل لاياخذ حنان وكان ع علاقه فيها والحين بعد ماحملت رماها ولا بي يتحمل نتيجه اخطاءه ابو نور : ليه يابندر ليه ؟! بنتي بشنو قصرت معاك ؟! انت ماتخاف ربك ابو تركي : والي يخاف ربه يروح للحرام حنان بصوت قوي : بس الين هني وكفايه ... اتفاجأ ابو تركي وابونور من حنان ولهجتها الامره حنان تكمل : اعتقد ان الموضوع مايمس احد كثر مايمسني انا وحدي الي يحق لي استجوب بندر انا وحدي يحق ليه اسأله عن السبب مو انتو انا الي تعرضت للخيانه انا زوجته ابو نور : وانا ابوك وهذا عمك وابوه بنفس الوقت بندر بقهر : وانا ولدكم تربيتكم شلون تتوقعن مني هالتصرفات المخجله مفروض تعرفوني زين عمي انا تربيتك انا مو ولدك الي ماجبته انا مو كبرت قدام عينك مع بناتك تهقى ان امي موضي ماعرفت تربي ؟! تهقى ان جدتي ماعرفت تربي ؟! وهي نفسها الي مربيتك ؟! والتفت لابوه وقال بحسره : انت من غير أي شي تعتبرني انسان واطي بلا اخلاق والصور بالنسبه لك دليل اثبات مو اكثر ..وصرخ بقهر ... لو ان هالمره فعلا لي علاقه معاها ليه تزوجت حنان ليه الين الحين حنان ماتركتني وانا اخونها ؟!!! ماعتقد انها غبيه او ساذجه عشان لاتعرف بخيانتي ؟! ليه هالمره ماجات واجهتها ليه ماجات وقالت لها انها حامل مني ؟!! ليه استخدمت هالاسلوب ؟! اهي لو فعلا حامل مني كنت اتزوجتها مو انا الي ارمي ولدي ل لكن هالمره انا والله مالمستها حنان وهي ماسكه ذراع زوجها وبعيون كلها اصرار وثقه : عمي البنيه كذابه صدقني كذابه وهالصور مركبه صدقني هي كانت تلاحقه بستمرار مو مره او ثنتين انا شفتها والصور جاتني قبل لا تجيك ومافرقت معاي عمي لو هو فعلا يخوني انا مستحيل اقعد معاه لكني واثقه انه مظلوم والله متاكده عمي ا للي عف عن حلاله لي يطح بالحرام ابو نور : وش تقصدين حنان : يبا انا الحين لي معاه عشر شهور بندر مالمسني فيها الا من شهر تقريبا ومالمسني الا برضاي "بندر هني حس بصدمه رجع بذاكرته لليوم هوشتهم وشلون اهانها حس نفسه صغيير وايد وهو يسمعها تدافع عنه وهو الي بيوم كسرها واهان الانثى داخلها " وانا كنت اغلط عليه واهنته اكثر من مره ومع هذا كان مستحملني وعطاني ع كيفي طول هذيك الفتره ماكان مقصر معاي بشي طلباتي عندي قبل لاطلبها ولا بيوم تاخر ولا بات برى البيت ابد عمري ماشفته شارب ولا مدخن شلون بيخوني معاها وهو كله ناقع بالبيت متى ؟! يبا انا لو شفته بعيني بفراش معاها بكذب عيوني واقول احلم ابو تركي : لانك غبيه الدم الفاسد طول عمره فاسد بندر : الدم دمك ابوتركي : الا دم امك ال... حنان انصدمت مو عارفه شلون عمها يتجرأ ويسب خالتها قدامها بندر : بس كله ولا امي انا اسمحت لك تهيني مثل ماتبي لكن امي لا سامع امي لا ابو نور : محمد هالكلام مايصير المره ميته ابو تركي : لابارك الله فيها ولا بولدها بندر: قلت لك امي ميته ميته ماتفهم الميت ماتجوز عليه الا الرحمه ابو تركي : الي زي امك مايندعى عليها الا بجهنم الحمرا ابو نور : محمد عيب عليك وش هالكلام بندر : بس لاتغلط اكثر كلمه وحده وانسى انك ابوي ابو تركي وهو يدفع بندر من صدره : شبتسوي ياولد جانيت شبتسوي ها شبتسوي ياوالد ال.... بندر وهو يمسك ايد ابوه : بس خلاص ارحمني مره وحده بحياتك ارحمني انا زي مو ولد جانيت ولدك عارف يعني شنو ولدك لمره وحده بس بحياتك حسني اني ابنك "وغص بعبرته " مابيك تحبني مابيك تعاملني زي تركي مابي تضمني لصدرك وتقول اشتقت لك مابيك تسأل عن احاولي تعرف شفيني شصار علي مابي منك شي كل الي ابيه احترم بس ذكرى امي احترم المره الي حفظتك بغيبتك وحظورك احترمها بس احترم المره الشريفه الي طعنتها بشرفها وهي مظلومه المره الي خذيت ظناها من حضنها وعينها تشوف وليتك بس ضميته لصدرك لا ابد كل الي سويته رميته لغيرك لو امي موضي كانت قاسيه وماترحم انا من كان لي ؟!! لو ان جدتي ما ضمتني لصدرها انا من لي ؟! وانت حرمتني من امي وهي حيه ؟! كنت طول عمري أتساءل ليه ماتحبني ليه تعاملني بهالبرود ليه لاطحت ماتركض علي شرات تركي ليه لامرضت ماشفتك تدور فيني من عند دكتور لدكتور ليه يوم انجح واجيب درجات احسن بكثر من تركي ماشوفك فرحان فيني سويت الي تبيه قلت لي ياولد ذاكر ذاكرت ونجحت قلت ياولد اداره اعمال قلت تم وصار حتى يوم ماخطبت حنان لي ماكلفت خاطرك تشاورني تسالني عن راي عرفت عن الخبر من اخوي زواج والعريس اخر من يعلم تعرف يا ابوي الحسنه إلي سويتها فيني انك زوجتني حنان ع الاقل هي الشخص الي صدق يهتم فيني يخاف علي من غير ماحس انك مفروض عليه فرض صحيح امي موضي ماقصرت معاي ابد يمكن لانها تخاف منك او لانها شفقانه علي جدتي كانت تحبني بزياده لاني يتيم وابوي حي تركي اخوي لا تركي ابوي طول عمره يحبني ويخاف علي كونه الكبير خلاه يحس نفسه مسؤول يعوضني عن النقص بحياتي انت الشخص الوحيد إلي ماحسيت فيه بيوم ابد !! كنت احسد كل زملائي يوم اشوف ابهاتهم يجون بيوم الاباء يسألون عنهم كل واحد متعلق بيد ابوه وانا ايدي تعانق الفراغ كل الاباء كانو يضحكون وهم يسمعون تعليقات الاساتذه ع عيالهم وناس يزعلون صدقني انت لو مره وحده بس جيت كان سمعت كلام يسرك وايد لو مره وحده حضرت كان شفتني وانا القي عليهم قصيده من كلماتي لو مره وحده حظرت حفلات تخرجي كان شفتي وانا القي كلمة الطلاب وانا اتكرم مع المتفوقين كان رفعت راسك فيني كل ابن يتمنى يكون صوره مصغره من ابوه وانا وحدي ماتمنى اكون ابد مثلك مابي ولدي يعيش اليتم وعيني تشوف النور ...فتح الباب وخرج تركهم وسط ذهولهم ..صدمتهم حنان الي مصدومه من الحقائق الي تسمعها ابو نور ماكان متوقع ابد ان ولد اخوه يحمل كل هالحزن بقلبه مريم المتابعه من بعيد بصدمه كبيره وطبعا ابو تركي الي ماعاد جسمه يتحمل اكثر ..كلمات بندر.. كان لها وقع اشد من وقع الخناجر ..معقول كل هذا يابندر بقلبك ع ابوك ؟! خارت القوى وعانق الجسد الارض ×××××××××××× كانو جالسين يتقهون بالصاله ميثه : اشتقت لامايه وايد شيخه: ايه والله البيت شين بلاهم سلطان : كلها اسبوعين وبيردون ان شاء الله ثاني : اخ اخوك السبال هذا انا ضايع بلياه ميثه تلكزه : هي لا تسب اخوي شيخه وهي توقف : هي انتي لا تضربين اخوي سلطان وثاني : خخخخخخخخ سلطان : وين سايره شيخه : بيب البسبوسه نسيتها بالمطبخ ثاني : يمي يمي بسبوسه ميثه : عافانا الله هب شايف اكل بحياتك ثاني : بصراحه لا ميثه تخصر : شوه لايكون بس كل يوم تاكل بالمطاعم وانا ماعرف سلطان : خخخخخخ ثاني : انتي ماتعرفين تطبخين زين وانا ماكل اكلج الا مجامله لج ميثه عصبت : شوه ثاني يكمل حرق الاعصاب : الي سمعتيه ويلتفت لسلطان .. سلطان انتو كنتم تخلونها تطبخ هني سلطان بلئم : لا كل الطبخ ع امايه ثاني : هذا اخوج شاهد بعد شيخه: حرام عليك الميث احسن من طباخها مافيه ثاني : سيري والي يرحم والداج ويبي البسبوسه قال احسن من طباخها مافي ميثه : زين ياثانيوه رد بيتكم لحالك وقامت تبي تطلع الا وثاني يمسكها من ايدها : صكي الدعنه اشوف حشى مول ماتقبلين الرمسه ميثه : رمستك ماصخه ثاني : دايم الحقيقه مره ميثه : سلطان طالع سلطان : خخخخ مايخصني الا وسمو صوت تكسر بالمطبخ قامو كلهم يشوفون وش صار سلطان كان اول الواصلين شافها وهاي متمسكه بالطاواله مو قادره تحرك وقدامها الصينيه متكسره شيخه : اي سلطان الحقني سلطان يقرب منهاوهو يمسكها عشان تستند عليه : شصاير شيخه : اي وجع وجع فضيع هب رايمه اتحرك الظاهر اني بربي ثاني : وين تربين توج بالسابع ميثه : وايد حريم يربون بالسابع ..سلطان انابيب عباتها سلطان المرتبك : اوكي بسرعه بس ساعدها سلطان وثاني الين ماتوصل الباب بصعوبه ثاني راح يجيب السياره ويقربها من الباب ميثه لبست شيخه العبايه وع المستشفى بسرعه ×××××××××××× كانت كاشخه ع الاخير طبعا عروس من قدها ..كانت جالسه مع عمتها بالصاله يتقهون ام سعيد : بنتيه وين سار ريلج مهره : والله ماعرف ام سعيد : ماسألتيه مهره : تلومت اسأله ام سعيد : بنتي مافيها شي تسألينه هوريلج من حقج تسألين وين سار ومن وين راد بس عاد مو كل ساعه ترى بيمل منج بعدين مهره : ان شاءالله عمتيه الا وسعيد داخل عليهم وكانت ملامحه متغيره شوي ...:السلام عليكم الكل : وعليكم السلام ام سعيد : اقرب ولدي سعيد: قريب ..مهره قومي لبسي عباتج مهره: ان شاء الله وقامت على طول ام سعيد : ولدي شي استوى ؟! سعيد : اخوها بالمستشفى تعبان ام سعيد : لاحول ولا قوة الا بالله شو استوابه سعيد : الخبيث يمه ام سعيد : الله يلطف فيه .سكت ام سعيد يوم شافت مهره طالعه من حجرتها وهي لابسه عباتها بالسياره كان سعيد ساكت ومايسولف زي عادته مهره شاكه شو الي صار خصوصا ان الطريق مو طريق بحر ولا مطم من الي متعوده تروح فيها معاه سألته : وين سايرين ؟!! سعيد : قربنا نوصل... شافت نفسها قدام المستشفى ماعرفت ليه هي هنا مهره : سعيد حد من اهلك هني ؟! سعيد : ايه نزلي مهره نزلت باستسلام وقلبها مقبوض تحسه مخبي عليها شي سعيد وقف قدام باب غرفه وقالها : مهره الي داخل طلب يشوف ويستسمح منك مهره: سعيد منو داخل ؟! شو استوى ؟! ..مانتظرت اجابته ع طول فتحت الباب شفاته وهو متمد ع السرير موصل باجهزة التنفس شكله تعبانه بالحيل قطع قلبها شكله غصب عنها صارت تبكي وتبكي رغم كل الي سواه فيها ماقدرت ماتذرف دموعها عليه مهما كان هذا اخوها كان نايم مانتبه عليها الا يوم قربت من سريره ومسحت ع شعره الاسود فتح عيونه بتعب : مهورتي مهورتي من زمان ماسمعته يناديها بهالاسم تذكرت يوم كان يناديها بذا الاسم تعاتبه وتقوله مهره دلعها مهاري مو مهورتي كان يقولها اني غير ولازم دلعج بعد يكون غيير وياخذها بدينه الكبيره ويطيرها بالهوى تقعد تضحك وهو تحس الهو يلفح وجهها وتسمع امها وهي تهاوشه لانها خايفه يطيحها وتعور ابتسمت له : شلونك يالغالي راشد بتعب: صدق غالي ؟!!! مهره وهي تبكي : غالي ياريحه ابوي وكل اهلي غالي راشد : مهره سامحيني ..انا غلطت بحقج وايد سامحيني مهره : المسامح الله مب انا راشد: مهر ربي انتقم لج مني هذا انا قدامج كلها ايام وعمري بينتهي مهره : عسى عمرك طويل لاترمس جذيه راشد : مهره انا خلاص باخر مراحل تليف الكبد " البعيد عنكم " الخمر دمرني مهر : اماقلت لك ودرك منه ماطعتني ربك مايحرم الشي الا لحكمه راشد نزلت دموعه : الله يسامحني ويغفر لي .. سعيد سعيد الي كان مكتفي بالمراقبه من بعيد : لبيه راشد : لبيت حاج بمنى معها ... سعيد اعرف اني كنت نذل وياك لكن مهره ياسعيد امانه برقبتك لا تعايرها بيوم ع سواتي فيها هي مالها ذنب لاتشيلها خطاي ياولد الكرام سعيد : مهره بعيوني ياراشد لاتوصي حريص راشد : ادعولي بالرحمه ..كح كح ..انا بمس الحاجه للدعاء ×××××××××× |
|
|
#80 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
حس نفسه ضعيف ...محطم .. مهشم ..تركهم من غير لايعيرهم أي اهتمام حتى صوت حنان الي كان كله خوف ماهتم فيه ماهتم لنظرة ابوه المذهوله ولا الحزن الي لمح طيفه بعيون عمه بداخله بركان بقمة ثورته لو انتظر لحظات احرقت حمه الي حوله ..طوفان المشاعر بلغ اقصى درجاته امواجه كفيله باغراق الي حوله ..كان يظن انه لو باح بمكنونات صدره بيرتاح انه بيخلص من كل الاحزان الالام مجرد مايواجه ابوه ويقوله انه ظالم ..لكن وين ؟!! هذا هو صرح بكل شي ومع هذا مارتاح ! دار الشوارع مو عارف وين ايروح ؟ لو انه في بلاده كان شغل سيارته وع البر على طول او مس خط الرياض مكه ونسى بمجرد شوفت الكعبه همومه ..لكن هني وين يروح ؟ المراقص ؟ الخمارات ؟ ماكأن هموم الغربه تكفيه ..التميز العي .. يجي ابوه ويكمل الباقي عليه ..قر انه يرجع لبيته الهرب عمره ماكان طريقه لمواجهة الامور ..اول ماوصل شافها جالسه ع الكنبه وشعرها كله مغطي وجها رفعت راسهاول ماحست فيه : وين كنت؟!! بندر : كنت محتاج اهدي اعصابي حنان: انت تهدي اعصابك وحنا نحرق هني مايهمك بندر وهويدخل غرفته : وطي صوتك حنان : احر ماعندي ابرد ماعندك بندر : حنان تراها واصله حدي حنان : انتي تشوف الطيقه الي كلمت ابوك فيها صحيحه بندر : انا حر اكلم ابوي شرات مابي حنان : لا مانت حر مهما كانت مشاعر اتجاهه مهما كان اسلوبه معاك هذا ابوك يابندر ابوك وله حقوق عليك وابسط حقوقه انك ماترفع صوتك بوجهه انت حستني انك ممكن تضربه بندر: ابوي عمري ماحسيت بحنانه عمري ماحسيت بوجوده سهل انك تتكلمين وتعطيني نصايح بالاخلاق لكن عيشي مكاني كوني مكاني لو مره وحده وجربي شعوري حنان انتي عمرك ماحسيتي بالي بداخلي عمي طول عمره مطوقكم بحنانه بحبه انا يوم اشوفك تضحكين معاه وتسولفين احسدك تعرفين شنو احسدك لاني اعرف اني مارح اكون ابد بيوم بنفس الموقف مع ابوي حنان وهي تقترب منه وتمسح دمعه خانت جفونه : انا اسفه ماتصورت ان الوضع قاسي عليك هالكثر بندروهو يعطيها ظهره مايبيها تشوف دموعه اكثر : حنان انا ماكرهه صدقين ماكرهه هذا ابوي مستحيل اكرهه مهما حاولت ومهما ادعيت عمري ماقدرت اكرهه... لكني كرهت ظلمه لي حنان صعب تتحملين وزر انتي مالك أي ذنب فيه تعرفين ابوي يكره امي ليه ؟! ابوي يكرها لانه يعتقد انها خانته ابوي نسي انه تزوج مره منفتحه اجنبيه حاول يخليها شرات امي موضي لكن صعب كل وحده منهم تربت بشكل امي كان لها صديق كانت صداقه بريئه ابوي ماكان يستوعب هالنوع من الصدقات وهو الرجل الشرقي حنان : عمي شلون عرفها بندر : ابوي كان برحلة عمل شافها وعجبته تزوجها امي عاشت هني طول عمرها ماجات السعوديه ابد ابوي كان يتنقل بين هني وهناك وكان يلاحظ العلاقه الي بين امي وكارلوس وكان يشك فيها كارولوس ماكان يزور امي بوجود ابوي لانه يعرف ان ابوي مايستلطفه فكان يزورها وابوي مسافر بيوم ابوي جا يزورها فجاة ولقى كارلوس بالبيت طلعت شياطينه اتهمها بالخيانه ماسمع أي تبريرات كل الي سواه انه اخذي منها وتركها معلقه حنان : طيب ليه ماطالبت فيك ؟!! بندر : حنان ابوي واصل لاتنسين هالشي حنان : وش الي يخليك واثق ان امك ما..ماكملت يوم شافته يلتفت لها بندر : انا بقولك وش يثبت ....تعالي معاي راحو المكتب وطلع من الخزنه ظرف ... هذي رسالة من امي كتبتها لي وهي ع فراش الموت الرساله امي تعترف فيها بكل شي شلون قا ابوي زواجها منه طبيعة علاقتها بكارلوس حتى عن مرضها ...امي ادمنت عالكحول والتدخين بعد ماخذني ابوي ومات بسرطان الرئه بعد سنتين من الحادثه الرساله ارسلتها لابوك وهو الي سلمني اياها يوم صرت ب يومتها كنا جاين لكم زياره تمينا اسبوع تقريبا كنت طول الاسبوع احاول اسرق لو خمس دقايق مع ابوك بس عشان اسئلة عن امي لان كل ماسألت ابوي عنها يثور غضبه الين مايوم شفته سهران مع ابوي بيت الشعر خليت ابوي الين مايدخل ينام ورحت جري لابوك طلبت اتكلم معاه وابوك تعرفينه مايرد احد سألته : عمي ابوي ليه يكره امي ؟!! ابوك ساعتها تفاجأ : بندر وش هالكلام ؟! قلت له : عمي لاتكذب علي انا اعرف ان في سر مخبيه ابوي علي ابوك : مافي ولاشي انت توهم قلت له: عمي ؟!! ابوك : بندر يبا انا ماعرف شلي بينك ام وابوك لكن لك عندي امانه وبعطيك اياها حنان : الرساله صح هز راسه : كانت الرساله ارسلها كارل بعد موت امي حنان : ليه ماصارحت عمي بالي بالرساله قالي : اذا هي نفسها ماقدرت انا بقدر ؟! حنان : ممكن تكون تكذب بندر : حنان كارلوس كان شاذ تذكر : وينه ابوي ؟! حنان : عمي بالمستشفى التفت: مستشفى ؟! شصار حنان : ارتفع عنده الضغط بس وقالو لازميتم عنده الين مايرجع الضغط طبيعي بندر : وليه من اول ماتكلمتي وبسرعه خرج من المكتب "بعد ماخذ الرساله معاه " حنان: بندر وين رايح بندر: بروحله وين يعني حنان : بندر الحين بتحصله نايم وبعدين ابوي معاه بندر: ابوك غير وانا غير انا ولده ...وطلع من غيرلايسمع ردها ××××××××× كانو واصلين حدهم من الخوف ثاني يهز رجله بعصبيه وسلطان ذبح المكان روح ورجعه ميثه ماهي قادره تمسك دموعها اكثر خلاص من متى وهي بالمستشفى ميثه لثاني : ثاني دق ع عموه خلها تي ثاني : لادقيت ع امايه بتحشر علينا الدنيا اونه هب موعدها صبري خلنا نشوف الطبيب شو بيقول الا والدكتوره تخرج من الغرفه سلطان : ها دكتور طمنينا الدكتوره : الف مبروك جالكم ولد سلطان : زين وحرمتيه الدكتوره : بس بئ لازم ينحط بالحضانه سلطان : اقولج حرمتيه شلونها الدكتوره : المدام زينه اطمن سلطان : اوف منج مابغيتي ترمسين ميثه مفتشله منه : معليه دكتوره تعرفين هذا الاول وهو خايف ع حرمته الدكتوره من غير نفس : حصل خير ومشيت ميثه : فشلتنا سلطان : خلها تولي ثاني : مبروك يابو راشد سلطان يضحك : الله يبارك فيك الفال لكم ان شاء الله ثاني بابتسامه شاقه الحلق : قريب ان شاء الله ×××××××××××× كلولوش حمدان : امايه بسج اليران سمعوج ام حمدان : مسود الويه شو مسويه انا خلني افرح حمدان : امايه فرحي بس مو جذيه عاد الريم : امايه اشوفج مستانسه وايد يوم يبت بندر ماستانستي هالكثر حمدان : معلوم حبيبتي هذاولدنا غيير الريم : لايكون ولدي ولد اليران حمدان : حبيبتي ولد البنيه غير ولد الولد غير الريم : امايه سمعتي رمسته الماصخه ام حمدان : اخوج صادق بكلامه الريم بعتب : امايه ام حمدان : عن البزي .. حمدان متى بنرد البلاد حمدان : ع طيارة الصبح الريم : امايه وعلاج ام حمدان : انا مافيني الا العافيه واذا توجعت بسير الدختر الريم : بكيفج حمدان : يمه بس قبل لانرد في شغله ابيج تسوينها ام حمدان : شوه حمدان :امايه ابيج تخطبين لي مريم ام حمدان : شوه حمدان : الي سمعتيه الريم : ليه مريم بالذات ؟!! حمدان : البينه حشيم وعاجل وداخله خاطريه ام حمدان : انت تعرف ان البنيه مريضه حمدان : هي اليحن تاخذ علاج وبتصير زينه ام حمدان : وانا اقولك لا حمدان : لا ؟! ليش؟!! ام حمدان : ولدي البنيه انا احبها وايد وسبحان الله من شفتها ارتحت لها لكن هذا زواج لايكون تعطف عليها وعسب جذيه تبي تاخذها ولدي الي مارضاه لبنتي مارضاه لبنات الناس حمدان : امايه شو اعطف عليها ... اميه انا عقب مزون ماتوقعت يوم ان حد بيدش قلبي لكن هاي غصب والله دشت قلبي من يوم ماشفتها وتبون الصج البارحه انا شفتها و "حكالهم كل الي صار له معاها" الريم معصبه : تستاهل دواك مسود الوجه ام حمدان : لو انها فصخت نعالها "وانتو بكرامه " وعطتك فيه كان زين هذي سواه تسويها حمدان : امايه ام حمدان معصبه : اسكت ترابع ورى البنيه من مكان لي مكان وتحط ايدك عليها وفق جذيه تقولها تزوجيني الي يبي وحده ياولدي يروح لاهلها ويليس مع الريال ويطلب بنتهم مب كنها رغيد مالها حد تطلبها من نفسها طول عمري اقول انك عاجل وماتطلع منك العيبه لكن الي سويته مع مريم يقول انك بعدك ياهل حمدان مسكين ماعرف شيقول الريم : امايه الي استوى استوى الحين وحمدان عرف غلطته الحين شو قلتي بتسيرين تخطبينها له ؟! ام حمدان وهي تشوف نظرات حمدان الي كلها ترجي : مابنسير الريم : امايه ليش؟!! ام حمدان : الي يبي بنيه يسير لبيت ابوها ويخطبها وهي بين اهلها وناسها ومايسير بروحه ياخذ معه اهله هذي الاصول يالريم حمدان شق الحلق وقام وباسها ع راسها: وهذا الي بيصير ×××××××××××× فتح عيونه بكسل شاف المكان غير ..معقول تركوه لحاله ..سمع صوت ما شكل احد موجود بالحمام " وانتو بكرامه " انفتح الباب على باله اخوه الي سهر عنده بعد المشاده الي صارت بينه وبين عمه ابو تركي : شتسوي هني بندر : حمدالله ع السلامه يبا ابو تركي : ماجاوبتني بندرتنهد بحسره : ماحبيت اخلي عمي يسهر عليك هو رجال كبير ومو حمل تعب وانت مهما كان ابوي ومن حقك اني اهتم فيك وبصحتك ابو تركي : لاتعرف الواجب بندر بسخريه: تربيتك ابوتركي : تتمصخر بندر : يبا انت تعبان ارتاح جلس بندر ع الكرسي ساكت ...ونفس الشي ابو تركي سكت بعدين ساله وهو يشوف ذراعه الملفوف لصدره : وش صارلك ؟! بندر حس بسعاده وهو يشوف ابوه يسأل عن احواله ..وحكاله على كل الي صار ابو تركي كان يحس بالسعاده وهو يشوف بنر يسولف قدامه هو عمره ماكرهه لان مافي اب يكره عياله لكن مهما يكن ابو تركي يشوف الماضي بندر ومايقدر ينسى بسهوله 20 سنه ماقدرت تنسيه بندر :يبا انا عندي شي لك ابو تركي: وشو بندر وهو يطلع الرساله حقت امه : رساله امي ابو تركي : مابي اقرا شي منها بندر : يبا رجاء لو لمره وحده بس طيعني بس اقراها يبا امي مظلومه اخذ الورقه وبدأ يقرأ وصل لعند " ولدي الحبيبي اريدك ان تدرك جيدا اني لم اعشق رجلا عدا اباك انه الرجل الوحيد الذي خفق له قلبي ...كارلوس لم يكن شياءسوى صديق طفولتي وعونا لي عند المصائب ..لم يستطع ابوك ان يدرك وهو الشرقي انه يمكن ان تكون هناك صداقه بين الرجل والمراه ولم يستطع ان ينسى باني اجنبيه كان يظن لكوني امراة نشأة بالغرب اني قادره على اقامه علاقه مع أي كان راميه بالزواج عرض الحائط لايابني اناكنت اقدس الزواج واقدس عهوده حينماتزوجت اباك تعاهدت معه اني سأظل وفية له واحفظة في غيبته مثلما حظوره وهكذا فعلت وكيف ساخونه مع رجل لاحرك فيه قيد انمله فهو رجل شاذ " رفع عينه مو مصدق الكلام الي مكتوب ..يذكر انها حاولت تدافع عن نفسها وتشرح وتبر ان صداقتها وياه بريئة لكنه ماكان يسمع والحين بعد كل هالسنين اخ قال لبندر : من عطاك اياها بندر : مو مهم مين ..المهم انك عرفت الي فيها قاله : ممكن تحجز لي ع اول طياره للرياض بندر: انت لسى تعبان و صرخ فيه: انا ادرى بصحتي بندر: زي ماتبي ×××××××××××× ابو تركي طلع بنفس اليوم بالعصر وقر وبندر لقاله عجز اليوم الي عقبه وقر ابو نوريرجع معاه عشان ملكة ليلى وطبعا مريم نفس الشي خصوصا انها خلاص بدت تاخذ الجلفيك ويقدر أي طبيب يتابع حالتها بالسعوديه ×××××××××××× اليوم ملكة عبد الرحمن وليلى ليلى كاشخه بفستان ناعم بالون الفوشي وحاطه مكياج وردي ناعم وتسريحه بسيطه ...بعد ماجلست عند الحريم دخلوها بالمجلس عشان يدخل عبدالرحمن ويقعد معاها احلام الي كانت لسى بفتره الحداد : الف مبروك يامرت اخوي ليلى وهي تضمها وتحاول تمنع دموعها : الله يبارك فيك احلام : بصراحه طالعه تجنيني مدري وين كل هالجمال كان ليلى : ياسلام يعني من اول مو حلوه احلام:شي زي كذا الا وتدخل عليهم مريم : هي انتو ماخلصتو ترى عبدالرحمن بيدخلونه احلام : اوكي خليه يدخل مريم : طيب اطلعي خليه يدخل احلام : وانا اشلي مريم : وي كيف يدخل وانتي بلا عباية احلام وليلى : خخخخخخخخخخخخخ مريم : اشفيكم ؟!!! احلام : يالمفهيه تراه اخوي مريم تخبط راسها : اخ تذكرت طلعت مريم وقالت لهم يدخلونه ..دخل عبدالرحمن وليلى كانت ترتجف من فوقها لتحتها واحلام تطالع وتضحك الا وليلى تلكزها احلام : اي عبدالرحمن : شفيك ؟!! احلام : ياخي حرمتك لكزتني بغت تكسر ضلوعي ليلى : كذابه والله بشويش عبدالرحمن : طيب لاتحلفي مصدقك ليلى استحت وطت راسها ... احلام : يعني ايش انا كذابه ؟!! عبدالرحمن : ممكن تهوينا احلام : مقيوله الي لقي احبابه عبدالرحمن : ضفي وجهك اشوف احلام وهي عند الباب : اقول دحيم لاتلصق كثير ترى البنيه ماتحمل زبده بسرعه تسيح ليلى "اوريك شغلك يادوبا " عبدالرحمن : بنت طلعت احلام ....قرب عبدالرحمن من ليلى وباسها ع جبينها : مبروك ليلى سايحه : الله يبارك فيك جلست اهي وياه عالكنبه ...عبدالرحمن ترك بينهم مسافه خصوصا انه ملاحظ انحراج ليلى عبدالرحمن : ام تعرفين انك حلوه ليلى : مشكور هذا من ذوقك عبدالرحمن : شوفي ليلى انا ماعرف اصف كلام يعني ام شلون اقولك شوفي انا صح ماقد شفتك وماعرف شكلك الا ذلحين لكن والله حبيتك من اول مره طاحت عيوني بعيونك يوم وديتكم امتحان القبول حسيت بشعور غريب .. والي زاد تعلقي فيك كلام احلام عنك وعن اخلاق حسيت نفسي عايش معاك واعرف كل طباعك شتحبين شتكرهين انقهرت وايد يوم عرفت انك بتنخطبين كان نفسي اقول لا ليلى لي انا وحدي لكني كنت خلاص تعرضت للحادث ماحبيت اظلمك معاي وانا اشوف نفسي معاق ليلى هني قاطعته : المعاق الفكر معاق الاراده والناس مو بالاجسام عبدالرحمن ابتسم : مارح تندمين ؟!! ليلى : ان شاء الله لا واتمنى ان انت بعد ماتندم عبدالرحمن : مارح اندم ان شاء الله استأذن وطلع من عندها شاف امه جالسه تكلم مع احلام بشوفته احلا م مر على باله طيف عبدالله تنهد بالم " ليت هني ياعبدالله تفرح لفرحي وافرحلك ..عسى الجنه دارك ومأواك " ×××××××××××× اليوم بعد مرور 3 اشهر "ليلى خلاص اتزوجت من عبدالرحمن " دخلت اصابعها بشعرها ... شكله يجنن مريم : بس لسى قصير مره شوفي كيف ليلى : يابنتي كذا ولا اول وبعدين القصير يطول مريم : على قولتك ام نور : انتي بس دهني زيت ولاتحطين من ذا الي يوقفه كنها شوك مريم : خخ اسمه جل ام نور: الي يكون .. اختكم متى بتجي ؟!! ليلى : تقول بعد اسبوعين مريم : بيجون على هنا او الرياض بالاول ام نور : اكيد الرياض لازم تدخل بيت رجلها اول ليلى : ماشوف تفرق هنا او هناك كله واحد ام نور : يابنت هذي الاصول مريم : تعلمي تعلمي مو تلاقي عبدالرحمن متوهق معاك ليلى : اقول استريحي بس ولاتدخلين عبدالرحمن بالسالفه ×××××××××××× |
