 |
  |
|
|
|
|
#41 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
قلت له : تبي تعرس اعرس والقلب داعيلك وان تباني احظر زفافك بحظره وان تباني انعشلك بنعشلك تمون ياولد العم لكن وين بتلاقي وحده تشبها (تقصد اليازيه ) طالعني بنظرات كلها ذهول : هالكثر انتي مجروحه هالكثر ماعدت اهمج قلت له : انت ذبحتني اكثرمن مره وجاي تسألني اذا كنت مجروحه ..امرك عجيب اقترب مني اكثر مديت يدي امنعه من الاقتراب: حدك ماسوالي سالفه واقترب اكثر واكثر لكن توقف يوم سمع صوت حمدان يهاود .. حمدت ربي الف مره انه جاء لاني كنت خايفه من سلطان موت اما سلطان كان شوي وينفجر من الغيض * حمدان * عرفت انه رايح يراضي حرمته اصلا انا وميثوه متفقين على هالخطه وفقا للخطه المحبوكه انا لازم اغلس على سلطان دخلت بيت عمي وشفت السياره واقفه سمعت حس سلطان وشيخه عرفت انهم جهت الزراع رحت لهم هودت هود ياهل البيت هود سلطان والغضب مبين بصوته : هدا هدا شقيت الحلق وانامقبل عليهم وماعبرت سلطان قلت لشيخه: سلام عليج ياشيخه الحريم شحالج شخبارج شيخه : وعليك السلام هلا بشيخ الشباب الحمدالله مانشكي باس شحالك انت قلت لها : دامج الغاليه بخير انا بعد بخير .. حليلها حرمة اخوي قفطت كملت اقهر سلطان : شيخه بسألج سؤال قالت لي : تفضل قلت لها : شرايج فيني قالت لي : ريال والنعم فيك قلت لها : يعني لو بغيت اخطب مايردوني قالت لي : تبوس ايدها مجلب من فكرت تضويها جا صوت سلطان الغاضب : خلصتو ولا بعد التفت عليه وبكل براءة : اوه سلطان انت هني اسمحلي ياخوي ماشفتك سلطان رد علي وهو يصك ع اسنانه : لا والله لايكون بس لابس طاقية الاخفاء وانا ناسي قلت له استخف دمي : والله مادري نزل السفره وانا باقولك شيخه كانت تكتم ضحكتها وكان هالشي واضح قالت لي : اقرب ياحمدان مانت غريب لحظه بيبلك الفواله جلسة ع الزوليه الي كانت مفروشه : مشكوره يابنت عمي وقلت لسلطان علامك واقف ايلس ياريال البيت بيتك سلطان يلس وهو يغلي وهالشي كان واضح وايد قلت لشيخه وهي سايره طلبتج يابنت العم شيخه : تم قلت لها : انا ماتريقت خلي الفواله بعدين وهاتيلي ريوق نط سلطان : انت شنو ماتستحي حد قالك حرمتي بشكارتك سير كل بيتنا ولا باي مطعم شيخه ردت عليه تغايظه : وهذا بيته ياسلطان وهو طلب مني والتفت لي دقايق والريوق يكون زاهب وسارت عنا قلت لها : فديتج يابنت عمي اول ماختفت شيخه عن الانظار سلطان انفجر فيني : لعنبو انت ماتستحي على ويهك انا مو بتارس عينك قدام عيني تفدا حرمتي قلت له : وانت شعاليك .. انت بتطلقها وانا باخذها بالعربي انا احبها واباها ماحسيت الا ويد سلطان على خدي .. حزنت بنفسي وانا ريال بلحية وشنبانضرب لكن لو بذبحي راحة سلطان وحرمته ما اغليتها عليه قلت له : دامك ميت عليها ليه ماتقولها ؟خلك صريح معاها قولها انك تحبها قولها انا طقيت اخوي عشانج لاني اغار عليج لاني اموت فيج سلطان قام بيطلع ومارد علي قت له : جبان طول عمرك جبان وبتم جذيه عفد علي يرني من كندورتي بدأ يطقني على صوت الهوشه يات شيخه وقفت تطالعنا وتبكي شيخه : بس والي يعافيكم بس قربت من سلطان : هده ياسلطان هذاخوك هذا ولدك الي انت مربيه سلطان هده سلطان ان لي بقلبك غلاههده تكفى ياسلطان سلطان اول ماسمع عبارتها رماني ع الارض وطالعها : خايفه عليه ؟هالكثر غالي عندج ؟ هالكثر يعنيلج ؟ وانا ؟ وانا ياشيخه ؟ شيخه ماردت عليه تمت تبكي ودفنت ويهها بيدها سلطان قالها : سمعي ياشيخه دام راسي يشم الهوا حرام ما كنتي لريال غيري شيخه رفعت راسها مصدومه من كلام سلطان ...... انا استغليت الموقف وقلت له : انت ليش اناني هي ماتباك تسمعني ماتباك طلقها وخلها تشوف حياتها مع الي يبيها وشاريها سلطان التفت لي : لم اثمك ياحمدان لذبحك قلت له وانا اوقف وامسح الدم من ع شفاتي : ماتروم وشيخه بتطلقها وريلك فوق رقبتك سلطان ابتسم لي بسخريه : ومن بيجربني انت قلت له : ايه انا قالي : الي ماتطوله بيدك واصله بريلك ومشى بيطلع قلت له وبصوت عالي عسب يسمعني : بتشوف ياسلطان ان ماطلقتها منك وخذتها وسكنتها بنفس البيت ما اكون حمدان شيخه صرخت : حمدان لكن ماشي فرصه ارد على طول رجع سلطان يبي يضربني لكن توقف اول ماشاف شيخه طايحه ع الارض ربعنا صوبها وصلت لها اسرع منه بحكم اني الاقرب لكني توقفت بعيد مايحق لي احط ايدي عليها هذي حرمة اخوي سلطان نزل ع الارض حط شيخه بحضنه : شيخه شيخه تكفين ردي علي ... حمدان بسرعه روح شغل سيارتك وازقر ميري تيب عباتها رحت بسرعه سويت الي طلبه سلطان خذناها المستشفى اول ماوصلنا الطوارىء ودخلوها صد لي سلطان وقالي : لو سمحت مهمتك انتهت مابي اشوف رقعت ويهك هني قلت له : سلطان قالي : عن الفضايح بالمستشفى لو سمحت سير طلعت وتركته انا فعلا مالي أي حق اكون هني هو زوجها هو الوحيد الي له الحق انه يكون هني وغيره لا سرت البيت اول مادخلت حمت ربي ان محد بالصاله على طول سرت وتسبحت بدلت كندورتي اتصلت على ميثه ميثه : ها بشر نجحت الخطه قلت لها : ميثه قولي لامج انج بتسيرين بيتج واني اترياج برى عسب اوصلج ميثه : ليه ؟ قلت لها : انتي نزلي وبعدين بقولج ميثه: ان شاء الله ميثه سارت وخبرت امي الي طلبته ... اول ماركبت السياره ميثه : تسمح تقولي شصاير ؟ وليه ويهك صاير شوارع حكيت ميثه الي صار ... ميقه قالت لي : انت اكيد ينيت ليه تماديت معاه قلت لك غلس انغزه بس مو جذا قالت لها : اخوج مايحس الابذي الطريجه لو شفتيه شلون كان محرج وانا ارمسها ميثه سلطان مد ايده علي عسبتها قالت لي : لا والله زين ماذبحك ..انزين هي شحالها قلت لها : مادري .. اول ماوصلنا المستشفى دقت ميثه عليه وقالها انه بقسم الطوارىء رحنا صوبه كان يالس على كرسي ومبين عليه انه تعبان وايد ميثه : شلونها رفع راسه : الطبيب يقول عندها ارتفاع حاد بالضغط والحين بينزلونها و يحطونها بغرفة لحالها الين مايتأكدون ان مافيها ضغط وان هذا بس عارض مو اكثر ميثه : انزين ماشفتها قال بحسره : ماخلوني رفضت تشوفني يوم نشت حطيت ايدي على كتفه على طول وخرها : بعد عني قلت لك مابي اشوف رقعت ويهك ميثه : تكفى ياسلطان افهم السالفه بالاول سلطان : انتي ماتعرفين سواد ويه اخوج ميثه : لادري انا وياه متفقين على هالشي سلطان بصدمه : حتى انتي ياميثه ميثه : ياخوي حن نبي مصلحتك ونبيك تحس بقيمة حرمتك قبل لايفوت الفوت وماكان عندنا الا ذي الطريقه تقربت منه : سلطان شلون تصدق اني حاط عيني عليها ياخوي حرمتك من يوم مافكرت تخطبها حرمتها على نفسي حتى لو كانت ردتك ماكنت بيوم بفكر فيها ويشهد الله ان مكانة شيخه عندي شرات مكانة الريم وميثه ... انا بغيتك تغار بغيتك تقول لها انك تحبها يكفيك ياسلطان ويكفيها عذاب سلطان حضني وقال : سامحني ياخوي سامحني ليت ايدي انشلت ولا امتدت عليك قلت له : الله لايقول انت لو تبي روحي ارخصتها لك ميثه تمسح دموعها من تحت الغشوه : الله لايحرمكم من بعض |
|
|
#42 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
سلطان صد صوبها : ميثه تكفين قوليلها ابي اشوفها ميثه : مابقولها روح ادخل بنفسك لو بنشاورها مابطيع بنت عمك راسها يابس سلطان طاع شور ميثه وراح صوب حرمته الي نقلوها لحجرة خاصه * سلطان * كلام حمدان ريحني وايد ... اخوي كبر وصار ينشد به الظهر .. اخ ياشيخه والله مادريت ان لك كل هالغلاة بقلبي .. دخلت عليها كانت مغمضة عيونها واول ماحست ان حد دخل فتحت عيونها شافتني ياي صوبها صدت الصوب الثاني حز بخاطري انها ماتبي شوفتي لكن لازم اتحمل انا غلطت وايد بحقها وجا الوقت الي اكفر فيه عن خطاي قربت منها بستها ع جبينها وقلت لها : سلامتج الغاليه تمت صادة وماردت علي ... لفيت حول الشبريه وقفت محل ماكانت صادة رجعت صدت الصوب الثاني وعملت نفس الشي استمرينا على ذا الوضع اكثر من خمس مرات تصد وانا الحقها الى ان صدت صوبي ودموع عينها تجري ع خدها : انت شتبي مني ارحمني ارحمني قلت لها : شيخه انا ابيج انا احبج شيخه ابتسمت لي بسخريه : لا ومن متى هالاكتشاف الخطير قلت لها وانا اتقرب اكثر صوبها : من يوم ماتركتيني من يوم ماحسيت اني يالس اخسرج شيخه انا (ومديت يدي بمسح ع شعرها ) الا تدفرها بعيد وقالت بعصبيه : لاتحط ايدك علي اكرهك واكره لمستك خلاص ياسلطان النفس عافتك وعافت قربك قلت لها : شيخه عطيني فرصه قالت لي : اعطيك فرصه ليه ؟ عشان تذبحني اكثر ما انا مذبوحه اعطيك فرصه عسب ارجع احبك وارجع اكتوي بنار هجرك ؟ يابن الناس طلقني ؟ انا خلاص مابيك قلت لها ك انتي ارتاحي الحين وبعدين بنرمس قالت لي : لاتعاملني كاني ياهل انا مابرتاح الا يوم تطلقني تسمع طلقني اذا انت ريال من صلب ابوك طلقني كلامها استفزني لكني كتمت غيضي : انتي مو بوعيج وما بحاسبج على رمستج طلعت من حجرتها الا من المستشفى كلها خفت اتم واغلط عليها * حنان * صارلنا بالطيارة 5 ساعات ... 5 ساعات وبدت الرحله نحو المجهول مع انسان مجهول ... اه ياحنان شلون بتقضين حياتك معاه شلون بتتحملين البعد عن اهلك عن خواتك عن ديرتك ..؟ سندت راسي ع الكرسي وانا اتذكر لحظات الوداع .. لحظات صعبه وايد ابوي عيا يروحن معنا الحريم للمطار فسلمنا ع بعض بالبيت عمتي وصتني ع ولدها اول ماضميت امي بكيت دومها تبكي مسكت نفسي بالقوه عن تنزل دموعي الي كانت خلاص ع الحافه امي : ياويل قلبي شلون بفارقك بنتي قلت لها : يمه خلاص تكفين مابي ابكي امي: خلاص هونا بنتنا بتم عندنا بندر رز وجهه : بس بنتكم انا اباها ياعمه وقرب منها وسلم على راسها : حطها بعيونك يابندر بنتي امانه برقبتك سامع صونها ياولدي بندر : لاتوصين حريص ياعمه حنان بعيوني وان شاء الله مابقصر عليها عمتي اول ماحضنت ولدها بدت دموعها تجري : بندر الله الله بمرتك ياولدي بندر : ان شاء الله يالغاليه انتي ادعيلنا عمتي : الله يوفقكم ويسعدكم ويرزقكم الذريه الصالحه اول ماقالت الذريه حسيت بمغص بطني .. سلمت على جدتي احساس غريب حسيته يوم ضمتني لصدرها اول مره تسويها ماذكر ابد انها بيوم قرتني منها والغريب اكثر انها بكت قلت لها : مادريت اني غاليه هالكثر جدتي تمسح دموعها : يشهد الله انك غاليه وغلاتك من غلاة ابوك ومسكتني من يدي وحطها بيد بندر حسيت بكهرباء تسري بجسدي اول مالامس كفي كفه قالت له بحزم : اسمع ياولد محمد لاتفكر بيوم ان حرمتك ماعندها اخوان يوقفون بوجهك لاغلطت عليها وانها جدار واطي متى مابغيت طمرت فوقه يكون بمعلومك ان بدر منك شي محد بيوقف بوجهك غيري ومحد بيأدبك غيري وانت ادرى الناس بي واعرف ياولدي ان حرمتك عون وسند لك لاتخلها تنقلب عدوه...مع اني متأكده ان حنان بتوقفك عند حدك لافكرت تتجاوزه بندر قالها بلوم : هذي هقوتك فيني ياجده؟ تراك انتي الي مربتني جدتي : ياولدي محد يدري الزمن شنو مخبي لكم وانتو بديار كفره الله يستر عليكم بندر : ان شاء الله ... حنان انا بستناك في السياره قلت له : ان شاء الله بسلم على خواتي وبلحقك خرج بندر وخرجن خواتي من المجلس سلمت على نور : انا اراويه الدب زوجك مو راضي تجين نور تخبطني : بلا طولت لسان مارضى عليه طالعت بوجهها مستغربه شفت ابتسامة فرح ضمتني من جديد وهمست : انا احبه .. وترى اتصالحنا فرحت من كلماتها وقلت لها : ريحتيني الله يريحك ... تستاهلين ويستاهل ابو محمد نور همست لي : من يدري ممكن تسبقينا وتصيرين انتي ام محمد قلت لها : بالاحلام وتفارقنا انا وياها ليلى كالعادة اول من اذرفت الدمع وبصوت عالي ومسموع : ماتروحين خليه ينقلع لحاله ماتروحين انا ابيك معانا لاتروحي جدتي : استحي يابنت قلت لها : حتى انتي بيوم بتروحين شدت ضمي لصدرها : حنان والله بشتاقلك انا احبك والله احبك حتى لما دفيتيني ع الدرج وكسرتي يدي والله ماحقدت عليك وماقلت لابوي عشان لايضربك وتبكين .. ولما حطيتي العلكه بشعري ماقلت لامي (كملت وهي تشهق من البكا ) حتى لما جاتك الحصبه شفتي انا احتكيت فيك عشان انعدي وماتقعدين لحالك خلاص الاحتمال صار صعب قلت لها : والله حتى انا احبك كفايه ترى بهون جا صوت امي وخواتي واحد : هوني عمتي : ياناس اذكرو الله تراها مع زوجها تركت ليلى ورحت اسلم على مريم : مريم انتبهي لنفسك مريم وانفها محمر من كثر البكي : من مفروض يقول هالكلام قلت لها : ناسيه انك لعبتي الصغيره وضميتها لصدري بقوة اكبر ...مريم الله الله بنفسك واظبي ع العلاج والجلسات وفكري بالعمليه قالت لي : ان شاء الله يالغاليه انتي انتبهي على نفسك تركتها والتفت لليلى : ليلى مريم امانه رويح معاها الجلسات تعرفينها ماتحب تروح لحالها ابوي لاتنسين مواعيد ادويته وامي خليها تروح تراجعدكتور العظام لها فترة تشتكي من ركبها ليلى : ان شاء الله وقلت لنور: انتبهي لنفسك ولعمي وعمتي وحطي جدتي بعيونك والله الله بتركي نور : ان شاء الله مسحت ادموعي بسرعه وقلت لهم : في امان الله طلعت بسرعه من غير ماسمع الردود احس الضيق طابق على صدري ركبت انا وبندر لحالنا ابوي وعمي و تركي بسياره سلمت عل الكل بالمطار وماخلا الامر من النصايح المعهوده الين ماخلص بندر من سلامه على ابوي وجا دوري حبيت يكون اخر من اسلم عليه عشان تفضل ريحة عطره بثيابي تحسني بالامان بغربتي وقفت قدامه وجهي بوجه ارتميت بحضنه ابوي طوقني بذراعاته تم مطوقني من غير مايتكلم يمكن تكلم مادري لاني ماكنت اسمع غير نبض قلبه الي كان يقولي كلام كثير لاول مره بحياتي شفت دمع عين ابوي يوم |
|
|
#43 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
رفعت عيني اتأمل وجهه شفت دمعه بتنزل مديت يدي بسرعه ومسحتها وقلت له : تكفى يالغالي الا دموعك مافي احد يستاهل تذرفها عشانه قالي : الا انتي .. قلت له : حتى انا والله ماستاهل قالي وهو يزيد من قوة حضنه لي :انتي ضحكت عمري وانتي السند انتي الولد الي تمنيته انتي حنان حنان الي عمري كله فدوة عيونها قلت له : عسى عمرك طويل حمرن عيوني انذار بنزول الدمع ابوي مسكني من اكتافي وبعدني وقال : ابد مابيك تبكين ابي اشوفك قويه مايهزك شي ولا يكسرك قلت له : ان شاء الله الكل كان متأثر وكان يطالعنا وحاس بالحزن نادوا ع الطيارة ولبينا الندا نزلت دمعه من عيني وانا اتذكر هالمواقف وصحبتها اه كلها الم للحظة نسيت نفسي ونسيت اني معاه بسرعه التفت جهته شفته مغمض عيونه تنهدت براحه الحمد الله نايم اخر شي ناقصني انه يشوف دموعي .. التفت جهت الشباك وصرت اتأمل السحب *بندر * على بالها اني نايم ..ماتدري اني الى الان ماغفت عيني حالي انا وياهاغريب أي اثنين توهم متزوجين بيكونو يسولفون ويضحكون مو ساكتين من خمس ساعات ... خمس ساعات مرت ماتبادلنا انا وياها كلمه حتى لما كنا بالبيت وصرنا بمجلس لحالنا تهاوشنا وطلعت وتركتني خخخخ كل ماتذكر شكلها وهي طايحه احس برغبة بالضحك بهستيريا هذي البنت غريبه عمري ماشفت احد بعنادها وطولت لسانها وقرصتها خ احس الى الان ظهر كفي يحرقني مايسوى علي هالتصوير طبعا احنا زي أي اثنين لازم نوثق زواجنا الميمون بالصور اثناء التصوير المصوره : لو سمحتي حنان اربي اكتر من كذا وانت يابندر ارب مالك بعيد حنان : كفايه كذا وين تبينه يجي المصوره : يابنتي دنتي بينك وبينه متر بحالو اربو باء وخلصوني قربت منها بناء طلب المصوره وكنت مبسوط لانها مغيوضه خخ شكلها تحفه وهي معصبه المصوره : ايوا دلواتي كل واحد يبص بوش الثاني ايوا كويس ..بندر ارفع دئنها بيدك اليمين وخليك رافعه وحط ايدك الشمال حولين خصرها ..ايوا اقرب اكثر حسينت نفسي قريب منها وايد كلها كم سانتي خوصوصا اني منحني بحكم طولي اخذت الصوره المصوره وانا ولاني هنا اول مره اشوف عيون حنان من ذا القرب عيونها حلوه عيون بنيه زينها الكحل في نظرتها شموخ وتحدي مانتبهت الا يوم حنان داست رجلي بكل قوتها وهي عشان ابعد عنها قلت : اخ انتي مجنونه قالت لي : تستاهل قلت وخر عني ماتسمع قلت لها : تقومين تدوسين ع رجلي وتقرصيني اهب عيك قالت لي : لو كان بيدي ذبحتك قلت لها : والله الشعور متبادل المصوره : ياجماعه صلو ع النبي حصلوكو ايه عرسان ايه دي يخواتي الي تتخانق ليلة كتب كتبها قلت للمصوره : كملي شغلك وفكينا دخلت ليلى ومعاها العصير : اتفضلو يالعرسان ... استغربت ان ليلى بنفسها جايبته وتكلم مع حنان عادي جدا خصوصا عقب النظره الي اعطتها ايها حنان والتهديد يوم كنا ع الكوشه بعد مالبستها الطقم ياربي حست فيه حوسه لكن حنان خخ صدق مو صاحيه اجل اختها تقولها اضحكي تقولها انقلعي لا اقوم اتوطي بطنك قدام الله وخلقه ...... هني ضحكت وماقدرت اكتم ضحكتي التفت علي حنان : انهبلت انت شهالضحكه قلت لها : وانتي اشلك لقافه قالت لي : الناس كلها تناظرك يامحترم تراك مو بقهوة قلت لها : ايه الاكتشاف الخطير ذا رجعت تلف راسها جهت الشباك .. حاولت افتح معاها حوار سألتها : حنان كم عمرك ؟ بعد مانطقت السؤال اكتشفت غبائي الحين معقول في رجال مايعرف عمرحرمته لا وبعد بنت عمه ياويلي من لسانها عطتني هذيك النظره وقالت : بالله انت ماتستحي ؟ الحين انا قبل لاكون حرمتك وهذا طبعا من سوء حظي بنت عمك وانولدت بنفس البيت الي انولدت انت فيه واعتقد يوم عقد الشيخ كتبتو بياناتي وكان ضمنها تاريخ الميلاد وكان معاك جواز سفري وانت الي مسوي الاجراءات حقته معقول من ذا كله ماعرفت تاريخ ميلادي ؟ قلت " انا قلت بروح فيها " : مانتبهت حرام قالت لي : لا مو حرام لكن حول قالت : انتي وبعدين بطولت لسانك اعطتني الطرشى وماردت الا بتاف مسموع واضح قهرتي والله قلت لها : لاتأفين قالت لي : وانت لو سمحت لا تتحرش فيني ماتعرف تقعد ساكت قلت لها : جزاتي اني ابي اسليك قالت لي : مشكور ماقصرت انا مستغنيه عن تسليتك احترمت نفسي وسكت هذي البنت ممكن تسوي أي شي ولاهمها من الناس شفتها مشغله التلفزيون .. فقرت انام * شيخه * قال احبج اخيرا قالها ياشيخه ... قال الكلمه الي تمنيتيها من سنين بس ليه الحين ؟ ليه بعد ماتعبت ليه ؟ اخ ياسلطان ليت قلبي يقدر يسامح كان ماترددت ثواني .. سمعت الطق دخلت علي ميثه وشكلها زعلانه قالت ان حمدان بيدخل عدلت الشيله ودخل وكان مبتسم رغم شفته المورمه : ماتشوفين شر شيخه قلت له : الشر مايك ميثه وهي تجلس : ليه ياشيخه كسرتي قلبه قلت لها : زعلانه عليه ميثه قالت : اهو اخوي قلت لها : ليه ماعاتبتيه على كسره لقلبي من يوم ماخذني قالت لي : عاتبته والله عاتبته ... سلطان يحبج قلت لها : مو مهم قالت لي : من صدقج مو هامج قلت لها : لو سالتيني من قبل كان قلت لج اني انطر هالكلمه من السنين لكن اليوم خلاص قلبي قفل بابه حمدان : شيخه انتي تحبينه وهو يحبج لا تهدمين كل شي بلحظة غضب قلت له : اخوك اناني مايعرف الحب يبي الشي يكون ملكه وبس حمدان : اخوي طقني يوم طريتج ؟ طقني وهو الي عمره مارفع ايده علي قلت له : اخوك خذته الحميه للعرض ... مافي ريال يرضى ان حد يطري اهله ليه قلت له ذاك الكلام ليه ياحمدان قالي : لاني ابيه يعترفلج بحبه الي انا متأكد مليون بالميه منه قلت له : وانا مابي حبه خله له .. خله يجرب جرح القلب خله يذوق الي ذوقني اياه خله يتعذب قالت ميثه : وانتي ؟ بتقدرين تبعدين عنه ؟ بتقدرين تنسينه ؟ قلت لها : ايه قالت لي وهي تقف : جذابه ... عمرج مابتنسينه لو كان بمقدورج النسيان كان نسيتيه يوم عرس ع اختج تميت ساته مارديت عليها كملت : طالعيني ياشيخه وقوليلي ان ماهمج اخوي قوليلي انج ماعاد تفكرين فيه قوليلي ان قلبج الي يضلوعج ماينطق اسمه بكل دقه من دقاته قولي لي انه لا مات عينج مابتبكيه رفعت راسي بسرعه لها وقلت : جعل يومي قبل يومه ابتسمت وقالت : انا مره وانتي مره وكلنا نعرفه ان قلوبنا لاحبت مستحيل تخون الحبيب مستحيل تنساه مستحيل تكره حتى وان خطا بحقنا حتى ان سقانا المر بنطعمه احلى من العسل حمدان تكلم وقال : شيخه انا مو حسبت اخوج ؟ قلت له : شهالكلام ياحمدان انت تدري زين بغلاتك قالي : انزين اثبتي ان لي غلاه وسامحيه قلت له : ترضالي بالمذله قالي : حشى ماعاش من يذلج وانا راسي يشم الهوى قلت له : ورجعتي لاخوك فيها ذلي ميثه معصبه : توج تمنين الموت قبله قلت لها : ولد عمي ومارضى عليه . ميثه : يعني ماتبينه قلت لها : ماباه خلاص ابي طلاقي وقلت لهم قولو لاخوكم مليت من شوفت عيونك وطاريك معاد أبى قربك وقسوة عذابك بقول عيني مالها نظرةٍ فيك عافت عيونك يوم طاحت اهدابك عفت المحبه والسبب هو تعاليك تحسب مصيري مرتبط في جنابك لو خيّروني بين مرّك وحاليك بختار مرك وأدمي جرح ٍسطابك يا ليت ربّي في هوى الغير يبليك وإتذوق همي في بقايا شبابك كانت ثيابك دوم تستر خوافيك لكن كشفتك يوم قصْرت ثيابك قلب ٍرفعْك بيوم يقدر يوطّيك مغرور عشق وكابر الراس صابك بجبر يديني تطوي اوراق ماضيك وتكتب موادع في نهاية إكتابك حمدان قالي : شيخه فكري زين قلت له : قوله الي قلته ميثه : افهم انج خلاص حسمتي امرج قلت لها : لاصر قدرج والهوى خصمين مع من بتوقفين ميثه سكت وماردت علي طالعت حمدان وقلت له : حمدان بغيت منك خدمه حمدان ابتسم : امري قلت له : ابي اسير البيت حمدان قالي : مو قبل مايرخصونج قلت له : تكفى ياخوي ماقدر ع المستشفيات ردني البيت وبعدين امايه بتستهم علي وبتحشر الدنيا حمدان بس انتي لازم ترتاحين قلت له : برتاح بيتنا دخيلك شوفهم حمدان : ان شاء الله انا بسير احاول اذا بيرخصونج وفعلا رخصني الطبيب ورجعت البيت ... |
|
|
#44 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
البارت التاسع عشر يا ليتني لا بغيت اكره قدرة اكره ما كان قلبي اليا جيت اكرهك عيا ما دامك معيف رح لكن على فكره ما قلت لي ليه دمعك سال منيا * بندر * واخيرا وصلنا يالله ... احس ظهري تيبس من كثر الجلسه التفت عليها شفتها نايمه وشكلها تعبان ع الاخير ناديتها بشويش حنان حنان قومي وصلنا شكلي ازعجتها لانها بدت تغمض عيونها بشده هزيتها ع الخفيف حنان قامت مفزوعه : لا تقرب مني قلت لها : اسف مو قصدي افجعك بس يالله اربطي الحزام دقايق وتهبط الطياره هزت راسها بكل طاعه وقالت لي : ان شاء الله استغربت منها فجأة صارت مطيعه مو عادتها .. سبحان مغير الاحوال هبطت الطيارة وبدأ الركاب بالنزول انتظر الين ماتخف الزحمة وقفت وكانت بعدها جالسه قلت لها : مو ناويه تنزلين وقفت وقالت : يمكن اخلل هنا ابتسمت وقلت لها : الحقيني " ايه هذي هي حنان وقوارتها " نزلنا من الطياره مابالغ لو قلت انها كانت تلحقني زي ظلي ختمنا الجوازات وطلعنا من المطار .. طول ماكنا بالمطار كانت عيون الناس متركزه ع حنان كانت مميزه بعباتها وشيلتها السودا لا وحاطه البرقع كمان بصراحه كنت فرحان انها مسوت زي المخفات الي بالطياره اول ما اعلن الطيار عن دخولنا للاجوء الامريكيه ماتشوف الا العبي والشيل والبراقع تتفصخ وحريم دخلو الحمام (عزكم الله ) وخرجو منه بشكل ثاني ماقول غيرالحمدالله ع العقل وقفت لنا سيارة اجره واركبنا انا ويها رايحين باتجاه بيتنا *حنان * اول ماغدرنا المطار لفحني البرد يوه ماني متعوده ع ذي البروده هذا وانا لابسه عبايه وملابس ثقيله على طاري العبايا اوف كان نفسي امسك البنت الي كانت معانا بالطياره من كشتها المنكوشه وامسح بها ارضية المطار جد ماتستحي وربي الواحد يستحي يقول هذي من السعوديه .. الا تخسي من هني الى يوم الدين تمثل بلادي وع مابقى لون ماحطته بوجهها وشعرها الاشقر الله ماحفظنا شكله نكش بفعل صاعقه كهربائية ولا البنطلون ياربي كيف قدرت تلبسه اكيد دهنت فازلين ولا بلوزتها الي تكشف ماتغطي وع جد كان شكلها رخيص جدا والثور الي واقف جنبها وشاق الوجه بالضحكه مالت عليه ان هو رجال اصلا ظلم لعيال ادام اننا نعده واحد منهم مسيحلي الشعر شكله جلس شهر يسشور فيه وبنطلون مقطع من كل مكان وفوق كذا لو وست وشكله لابس سلاسل اخته وجيرانها بعد ... يارب استر علينا وثبتا على دينك طول ماحنا بالتكسي خيم علينا الهدوء مافي غير صوت المسجل العالي الي مشغله سواق التكسي جبلي الصداع باغانيه التعبانه وقف التكسي قدام عماره فخمه بصراحه نزلنا من التكسي البواب اول ماشاف بندر عرفه وبسرعه جا ينزل الشنط معاه البواب : mr.bandar welcome back بندر : thanks jonie بندر اعطى البواب المفتاح وشنطه وطلعها وهو حاسب التكسي وشال شنطتي بيده ومشي قدامي طلعنا ع الدور السابع لقينا البواب حاط الشنطه عند المدخل واعطي بندر المفتاح ونزل طبعا بندر عطاه بخشيش معتبر اول مادخلت البيت لفتني ريحه العود كان طاغي ع المكان لوهله حسيت نفسي داخله بيت عندنا بالسعوديه مو بامريكا بندر ابتسم بوجهي وقالي : تفضلي حياك البيت بيتك قلت له: مشكور الاثاث كان عصري وايد وبنفس الوقت فيه روح شرقيه طاغيه قلت له : انت اتشم طالعني مصدوم شكله فكرني اسئله اذا يشم هروين : نعم ؟ قلت له : تشم الريحه الي انا شامتها قالي : تقصدين العود قلت له : ايه قالي : اكيد الريم مبخره البيت ومنظفته انا سايب لها مفتاح .. اعتقد رح تكونين انتي وياها صديقات اما انه وقح بصحيح يعطي صحبته مفتاح شقته ويقولي كمان عليها عطيته نظره استحقار وسالته : وين غرفتي قالي : البيت مافيه الا غرفة نوم وحده وهذي هي (واشرت ع الغرفه الي قبالي ) قلت له وانا احاول اخفي خوفي : وانا وين بنام ان شاء الله قالي : وين تنام الحرمه برايك ؟ قلت له وانا فاهمه قصده : ولا باحلامك *بندر* خخخخ اما شكلها وهي تقول ولا باحلامك كان تحفه تلون وجها بستين الف لون .. هههههههه قلت لها : اسمعي انا وانتي زواج واتزوجنا وصرتي حرمتي وحلالي يعني الشيله والعباية الي انتي لسى لابستها مع ذا البرقع مالها داعي شيليها هذا اولا وثانيا : رح تنامين معاي بنفس الغرفه ومالك أي غرفه ثانيه سامعه لاتقولين بسكر الباب وبنيمه بالصاله لاتحلمين ولاتنسين هذا حقي بشرع ربك ماعتقد بتعترضين على شرع ربك قالت لي : يعني بتجبرني قلت لها : ايه بجبرك ان ماطاوعتيني وان استلزم الامر بجرك من شعرك للغرفه سامعه عصبت من كلامي وقالت : تخسي الا انت صرخت بوجهها : حنان ترى انا صابر عليك لاتختبري صبري اكثر ترى بيجيك مني الي مايسرك .. قبل لاتكلمي حطي كلمتك بميزان واوزنيها مليون مره مو مره اول كنت اقول مو متقبله ومعانده لكن الحين ان ماحترمتيني بالطيب بتحترميني غصب عطتني ظهرها ودخلت الغرفه وقفلت الباب بقوة هي سوت كذا وانا ابتسمت ابتسامت انتصار اخيرا حرقت دمها زي ماحرقت دمي * حنان * حيوان ..نذل ... معدوم الكرامه .... كل الشتايم الي بقاموسي قلتها يمسكني من ايدي الي توجعني الشرع ... ماقدر امنعه من حقه ماقدر اتحمل اني اتلعن .... حقير كيف يرضى يلمس وحده ماتباه ... وجع محسني اني جاريه اشتراها وقت مابغى ناداها لفراشه ... اكررهك يابندر اكرهك .. جعلك الماحي الي يمحيك كل هذا وانا مستنده ع الباب وعيوني بالسقف نزلت راسي وطليت جهت السريركان بسيط جدا .وكان ع الطريقه الامريكيه من غير حواف جهت الارجل ومنخفض نوعا ما لكن كان في شي ملفت الشرشف الابيض كان مغطى باوراق الروز الاحمر كانه مفرش لو أي وحده ثانيه كانت اعتبرته قمة الرومانسية والروعه اما انا ماقدرت اتحمل مظهره جريت للسري سحبت المفرش ونثرت الورود بالجو .. تساقط جزء منها ع الارض وجزءثاني علي وجزء ع السرير بعد مافرغت غلي بالشرشف طرا على بالي سؤال ياترى من سوى هالشي معقول هذي الي اسمها ريم ؟ طيب لو صحبتو كيف تسوي كذا مفروض تغار مني ؟ ام يمكن كذب عليها وقالها اني زوجه ورق ؟ او وانتي ليه تشغلين بالك في التفكير بذي الخايسه فسخت العبايه والشيله وبرقعي وحطيتها ع الشماعه وفضلت بنطلوني الجيز الغامق وكنزتي الكشميريه الي بلون الازرق الفاتح كانت بياقه طويله واكمام طويله ........اوف انا ابغى اغيرملابسي والشنطه برى يعني لازم اطلع اجيبها واشوف ذا الخايس .. معليه ياحنان كله في سبيل النظافه يهون ... فتحت الباب مالقيت احد في الصاله شكله خرج احسن فكه من وجهه اكيد راح يقابل الخايسه الي زيه صدق مايستحي عمي يصرف عليه فلوس بالهبل وهذا يصيع سحبت شنطتي الين الدولاب اوف مره تعبت الشنطه كانت ثقيله واول مافتحت الدرفه الاولى من الدولاب صعقني بصراحه الترتيب شكله منظم مره انا لو يقارون دولابي الي بجده بدولابه يكون دولابي مزبله (الله يكرمكم ) جنبه الدولاب كله كان مليان او بالاحرى موزعه الملابس كلها عليه .. قمت وضميت جزء من الملابس مع بعضها عشان تفضالي درفه واقدر احط ملابسي بعد ماخلصت من ترتيب ملابسي فكرت ارتب ملابسه وبعدين بطلت لكني بالاخير رتبتها اولا واخيرا هو الحين صار زوجي وله حقوق علي وانا لازم اعمل باصلي وماعطيه مجال يقول والله اهلها ماعلومها السنع شوي وان الباب ينفتح وكان هو ... طالعته ورجعت اكمل شغلي ولاكأنه موجود قالي : مانتي جوعانه قلت له : ماتعرف تطق الباب قبل لاتدخل ؟ قالي : سوري ماتعودت قلت له :الافضل انك تعود قالي: امرك عمتي حنان اوامر ثانيه ؟ قلت له : تتريق حضرتك ؟ تنهد وقال : اسمعي انا مالي مزاج هوشه تبغي تاكلي تعالي كنت بقوله لا لكن بطني بدت تطلع اصوات كنت فعلا جيعانه خصوصاني ماكلت بالطياره مدري ليه اكلهم يقرفني خرجت للصاله طبعا المطبخ مفتوح شفت اكياس كثيره وفي علبه بندر كان واقف يطلع صحون وكاسات قالي : انا جبت اشياء للبيت لان مافي شي ينأكل اذا تبغين اشياء معينه اكتبيها وانا بجيبها ... او روحي اشتريها مع الريم ...افتحي علبة البيتزاء تراها حاره فتحت العلبه ياي شكلها يشهي مره ولكن!! |
|
|
#45 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
حطلي صحن مع الشوكه والسكين وكاسه للعصير قلت بنفسي من جده ياكل البيتزا بشوكه والسكين جد ماعنده سالفه قالي :شفيك ماتاكلين ؟ قلت له : عندي حساسية من المشروم عض ع شفته السفلى وقال : ماكنت ادري قلت له : لو كلفت نفسك وسالتني قبل لاتخرج كان دريت قالي: اسف عمتي المره الجايه باخذ اذن قبل لاطلع قلت له : هذا الي انت فالح فيه التريقه وبس قالي : شتبيني اسوي كلمتك بالطيب مانفع صارخنا مانفع قوليلي الطريقه الي اتعامل فيها معاك من غير ماتستفزيني واستفزك قلت له : الاحسن اننا مانتعامل مه بعض قالي بكل برود الارض : مدري اذا تذكرين اني انا زوجك وانتي حرمتي واننا عايشين بيت واحد ورح نثبر هنا لاكثرمن سنه كيف ماتبينا نتعامل مع بعض كنت برد عليه جد قهرني الا ان صوت بطني كان عالي خلى بندر يضحك بعلو صوته وقال : خخخخخخ ياربي حتى معدتها تصارخ اشرلي ع الاكياس وقال: ترى جبت ناجتس وفرنش فرايز اقليها لك وتغدي قلت له : مابي شي قالي : انا عطيت لابوك وعد وماحب اخلف أي وعد خذته ع نفسي كلي بالطيب لاجي اكل غصب واخذ كرتون البيتزا وقعد ع الصوفا قدام التلفزيون ياربي يقهر بروده يقهر صحيح احاول استفزه قدر ماقدر ويثور لكنه ماقد تجاوز الحدود يرجع بسرعه يكتم غيضه ليته يعلمي شلون يسوي كذا * بندر * ياربي ساعدني اخاف يوم اتهور وصكها بكف هذا اول يوم لي معاها والامور مطينه بستين الف طينه عمي غلط يوم سماها حنان كان مفروض يسميها اجرام طولة لسان أي شي الا حنان جلست اطالع التلفزوين وطايح بالبيتزا ..الين ماحسيت نفسي خلاص متخوم ع الاخير الصوت الي كان جاي من المطبخ اختفى ومافي ريحه شي انطبخ التفت جهت المطبخ لقيت الاكياس مختفيه شكلها رتبتها .. وشكلها كمان ماكلت اوف قمت على حيلي رفعت الطبق وغسلته ونشفته ودخلت باقي البيتزا بالثلاجه خبركم عزوبي ومتعود ع الشغل خخ رحت الغرفه طقيت ع الباب ماجاني رد فتحتها وانتبهت للازهر المنثوره خخخ الله يقطع ابليس ياحمد انت وحرمتك سمعت صوت المويا عرفت انها تتسبح .... جلست انتظرها ع السرير .... طولت .... تمدت ع السرير حاس نفسي تعبان ع الاخير وشكل عيني غفت ماحسيت الا يوم باب الحمام (عزكم الله )انفتح حنان صرخت : هي انت شتسوي هني جلست عدل وطالعتها : كانت خارجه بروب الحمام الابيض ولافه شعرها بالمنشفه وريحت الخزاما فايحه مره الريحه حلوه حنان وهي تضم ياقة الروب لبعض اكثر واكثر قالت : ممكن تطلع برى عاد هذي فرصتي انتقم شوي : ليش قالت لي : ابد طالع عمرك ابغى البس ملابسي قت لها: البسي انا مسكتك قالت لي : وكيف البس وانت بالغرفه هنا قلت وبكل برود الارض : هذي غرفتي وانتي حرمتي وشي طبيعي تلبسين قدامي اما عيونها شوي وتخرج من محاجرها حطت ايدها على خصرها وقالت : هي انت كل ماقمت وقعدت قلت حرمتي حرمتي ترى والله مانسيت هالحقيه المره يعني ماله داعي تذكرني فيها وخذت ملابسها ودخلت الحمام ( الله يكرمكم ) ضحكت عليها وعليت صوتي عشان تسمعني ... هين ياحنان ان ماربيتك ماكون بندر ... * ليلى * البيت كئيب ومظلم محد تغدا ع الرغم اننا فرحنا بجيت نور لكن برضو الاحاديث ع السفره كانت مقطوعه عمي وعمتي طلعو الرياض ومعاهم تركي ونور واحنا هنا وحدنا البيت كئيب اشبه بالمهجور ماهقيت ان بعد حنان يسوي فينا كذا .. ياترى كيفها الحين زعلانه فرحانه جوعانه قطعت علي مريم حبل افكاري : تفكرين فيها ؟ التفت وابتسمت : ايه وانتي قالت لي : حتى انا وامي وابوي شوفي كيف حالنا ابوي كله ساكت وسرحان وامي كل شوي تسهى وتناديها قلت لها : ماكنت اتوقع اننارح نفقدها بذا الشكل مريم ابتسمت بحزن : امس مانمت كنت اناظر سريرها الخالي ... اشتقت لها قليله والله حنان كانت معي دوم واليوم اختفت وبكره انتي بتروحين وبقعد انا وحدي بين ذي الجدران اقتربت منها حطيت ايدي ع ظهرها وربت وقلت لها : وانتي بعد بتركين ذالبيت وبيكون لك زوج وعيال حالك حالنا وبعدين انا مطوله ماتشوفين محد دق بابي ياحسرتي شفت شبح ضحكة ع شفاها لكنها مات بسرعه : تضحكين على من ياليلى انتي تدرين زين وانا ادري مستحيل حد يفكر يرتبط فيني انا وحد مريضه.... بعيون الناس انا ارقب يومي احسن لي انقهرت منها وصرخت : لاتقولين كذا انتي مو اول وحده ولاخر وحده تكون مريضه ومرضك ممكن ينشفى منه وبعدين انتي مارح تكونين اردى من مريضي الايدز الي يتزوجون ويخلفون مو ذنبك ان هالمجتمع متخلف بتفيكره يفكر ان كل من مرض خلاص يفق حق العيش والاستمتاع بالحياه .. مريم انتي طيبه وذكيه ومتعلمه خلك من الي ينقال ونغزات الناس ترى والله ماتقدرين تكملين حياتك وبعدين انتي ليه مستعجله ع العرس خليني انخطب اول وبعدين فكري بنات ماتستحي انا لما كنت بسنك ماكنت اقول ذا الكلام مريم فطست ضحك : السموحه جدتي ضحكت لضحكة مريم ضحكت وانا داخلي الالم يكبر ويكبر الم على حال هذي البنت الي بعمر الزهور والهم هد حيلها طلعت غرفتي عالمي الصغيير ارتميت ع السرير بالي اشياء واشياء المسؤولية كبيره كيف رح اقدر اتحملها .. ابوي امي مرايم اخ يامرايم انت وحدك هم يهد جبال دق جوالي هذي نغمة احلام قمة ركض للتسريحه رفعت الجوال قلت : الو احلام وصوتها مذبوح من البكاء : صحى صحى ياليلى قلت لها : قولي والله قالت لي : والله والله عبدالرحمن صحى ياليلى ابوي صحى قلت لها : الحمدالله ع سلامته قالت لي : انا فرحانه والله فرحانه ليلى الدكاتره كانو يقولون ادعوله بالرحمه ... ليلى هو حي .. حي ياليلى .. ابوي حي قلت لها : حمدالله واشكريه هذي قدرته عقبال ماينور بيتكم ان شاء الله قالت لي : امين يالله ليلى اسيبك انا كنت ابي ابشرك ماعندي احد غيرك قلت لها : بشرك ربي بالجنه وانا والله فرحانه لكم من كل قلبي ردت علي : تسلمين عن اذنك بروح اشوفه قفلت منها وقلبي يرقص من الفرح اخيرا صحى يالله نفسي اشوفه اسمع صوته لكن العين بصيره والايد قصيره دعيت له من كل قلبي ان الله يرده لبيته سالم وغانم بالضبط زي ماكنت اتدعي انه يصحى من غيبوبته * نور * يالله ماصدقنا نوصل .. الله يهديه عمي اصر اننا نمسك خط جدة الرياض تقريبا عشر ساعات .. احس كل عظامي مخلخله مع الطريق الكل راح يرتاح بغرفته تركي وهو يحط ايده ع كتفي : نورتي بيتك يانور طلعت عيونه وشفت الحب بس الحب : منور باهله مسك يدي تعالي برويك غرفتنا .. لحقته بكل طواعيه طلعنا ع الدور الثاني الغرفه كانت كبيره ومرفق معاها حمامها عجبتني مره خصوصا السرير شكله حلو ذكرني بالسر الي بالعصور الوسطى قالي: عجبتك ؟ قلت له : من اختارها قالي : انا ماعجبتك ؟ ابتسمت : بالعكس مره حلوه تركي ابتسم : الله يحلي ايامك ان شاء الله قلت له : وياك طلع له ملابس من الشنطه ودخل يتسبح .. انا بديت ارتب ثيابي بالدولاب حسيت بالحر قلت افتح الشباك هالفتره من السنه جو الرياض حلو ازحت الستاير فتحت الشباك وطليت منه ع الحديقه .. جلست اطالعها وانا احاول استوعب انه انتهى ...... احاول اصارع بقايا من الذكرى ماحسيت الا ويد تنحط علي صرخت مفزوعه : هدني لفني جهته ومسكني مناكتافي : نور نور حبيبتي هذا تركي انتبهت على نفسي ارتميت بحضنه تمسكت فيه بكل قوتي .. طوقني بذراعه وبدا يمسح على شعري : بس ياقلبي ..شفيك رفعت راسي : الغرفه .. قالي : غرفتنا هزيت راسي بمعنى لا سألني : أي غرفه قلت له : غرفتك الي بالحديقه ابتسم : اشفيها مو موجوده قلت له : ايه قالي : وانتي زعلانه انها خلاص انهدت قلت له : لا قالي : اجل قلت : تذكرته ضمني من جديد وشد الضم : حبيبتي دامني جنبك محد يقدر يأذيك انا هني تمسكت اكثر : لاتركني لاتركني قالي : عمري مارح اترك بس خلاص لاتبكين * سارا * ليه ياربي بعد كل هاذي المده اشوفه ليه .. انا ماصدقت القلب نسى ليه اشوفه اليوم ليه ... اخ زي ماهو بنفس حلاوة بنفس سحره العربي حظها فيه ... ياترى كيف شكلها اكيد حلوه ولا ماكان خذها .. ماعتقد انه تافه لذي الدرجه وياخذ وحده بس عشان شكلها حلو الجامعه مليانه بنات حلوات ماقد شفته مع وحده فيهن ... شكله كان مشغول بالتدوير بين الرفوف على اغراضه ومستلزماته هذا حتى مانتبهلي مع ان مايفصلني عنه الا كم متر .. كملت طريقي وطلعت برى السوبر ماركت اشتريت من عند محل زهور باقه كبيره ورجعت بيتي الي هو بيت ناديا الي كان قريب نسبيا من بيته اول مادخلت : Nadia where are you جاني صوتها : in the kitchen رحت لها بع ماحطيت الباقه ع الطاوله بالصالون : شتسوين قالت لي بعربيتها الركيكه : اسوي الاشاء قلت لها : اتركي كل الي بيدك وغيري ملابسك انا عازتك ع العشاء طالعتني باستغراب : why قلت لها because its birthday sweetheart شفت الدموع بعيونها : are you remember it? قلت لها : of course ….wait a moment |
