رد: (ماكل من يضحك مع الناس مبسوط ياكثر من يضحك ونفسه حزينه)
(ماكل من يضحك مع الناس مبسوط ياكثر من يضحك ونفسه حزينه)
الجزء الثامن والعشرون
ودي اصرخ واقول اني احبك ...
واعترف قلبي مات في ودك ...
لكن الخوف سيطر على احساسي ...
اخاف اتفاجىء برده القاسي ...
ويقول
ماحبك×... حنان ...×
كلامه قهرني ... الا ذبحني ..ماتخيلت ابد ان بندر يكون عنده أي علاقات!! ...
معقول ينزل لمستويات واطية؟!! يجري ورى غرايزه ؟!!
ولية مو معقول ؟! مو انسان ؟ احد ضحك عليك وقلك ان زوجك قديس؟!
طيب انا وين رحت ؟! انا تغيرت عشانه ليه مايهتم فيني انا ؟!!
ليه يركض ورى غيري ؟! وليه بيطلعني ؟! انا حرمته ...
انا حلاله .... ليه يروح للحرام ؟!
هو تنازل عن حقوقه بكيفة انا ماجبرته على شي ..
يعني انتي كنتي رح تعطينه حقوقه لو طلبها ؟!
قبل اكيد لا .. امالحين انا اعيطة عمري ولا يكون
لغيري .. ماتاخذه مني
شفته طالع من حجرتي المنديل كان بيده اول مالمحني
حطه بجيبه .. اخذ اوراقه
وقالي بكل برود : كوني جاهزة مو اجيك القاك مو لابسه
حسيت نفسي بقوم اذبحه .. اكيد رايح يقابلها .. اكيد قال رايح
الجامعه اتحدى اصلا كشخته هذي مو كشخة جامعة كشخته
لحرمة لموعد غرامي ... غصب عني خانتي دموعي صارت
تنزل من غير لا ماقدر امنعها انا حنان الي عمري
ماذرفت الدمع لجل احد صارت دمعتي ع طرف جفني بسببه ..
كرهت نفسي كرهت الضعف الي صابني والسبب
حبي لبندر انا ماقدر اكذب على نفسي انا
احب بندر واموت عليه لكن كرامتي عندي فوق كل شي
ما اقدر انزل من قيمتي
حتى لو دست على قلبي ماهمني المهم قدري ماينزل
صرت حاسه بضيقه تطبق على صدري محتاجه احد اتكلم
معاه يسمعني يشور علي
رفعت السماعه واتصلت بيتنا اشتقت وايد لهم
رن التلفون مره واثنين وثلاث كنت بقفل السماعه
الا اني سمعت صوت امي
امي : الو
تعرفون الغريق الي اخيرا تمتد ايد تنقذه قبل اخير نفس هذا
هو شعوري يوم سمعت
صوتها : هلا يمه
امي تتأكد : حنان
هلت عبارتي : ايه يمه حنان
امي بخوف : حنان يمه فيك شي رجلك فيه شي ؟!
قلت لها اطمنها : يمه مافينا شي الحمدالله
امي : الله يسامحك يابنيتي احد يتصل بهالوقت
توني انتبهت لفارق التوقيت : السموحه يمه نسيت الفرق بينا
امي : معليه يمه اهم شي انكم بخير
سكت ماكنت اعرف وش اقول سألتني : حنان فيك شي
قلت لها: مشتاقه لكم وايد ... اشتقت لحظنك اشتقت
لضمة صدرك
امي : واحنا بعد مشتاقين لك وايد
سألتها : شلون ابوي وخواتي ؟!!
جاوبتني : الحمدالله الكل بخير وليلى امس كانت خطبتها
على اخو احلام خويتها
فرحت لخبر خطبت ليلى : جد الف مبروك بوسيها لي
يمه وباركيلها عني
امي : يوصل ... حنان
قلت : لبيه يمه
امي : تهاوشتي مع رجلك ؟!! ضايقك بشي ؟!! ضايقتيه ؟!
جاوبتها : لا يمه ليه هالسؤال ؟!
جاوبتني : حنان الام تحس بضناها
جاوبتها : اختلفنا شوي يمه
امي تنهدت : يابنتي مافي مره ماتختلف مع زوجها ..
المشاكل بين الزوجين شي طبيعي يابنتي المهم لاتجاوز
حدها ولاتعطيها فوق حجمها
سألتها : يمه وش تسوي المره لاشافت عيون زوجها
راحت يم غيرها
امي : تشوف وش بغيرها جذب زوجها .. بندر سواها؟!
قلت لها : شاكه
امي : حنان المره تعرف وش بداخل زوجها وتعرف زين
وش الي يغيرهه من ناحيتها .. والمره العاقله يابنيتي هي
الي ترجع زوجها لها غصب عليه توريه
ان ماله غنى عنها وتوريه انه دونها ناقص
سألتها: وكرامتها ؟!!
قالت لي : حنان لو بتقعدين تقولين كرامتي وكرامتي
تراك بتخسرين رجلك
لاتكفرين انك تغلين عليه .. انك تتجاهلين .. لا تشوفين
نفسك عليه .. لانك كذا راح تخسرينه رح تقديمنه لها على
طبق من ذهب .. حنان اعرف ان كل شي عندك يهون
ولا تحسين انك منزله من قدرك لكن يابنتي مافي شي بين
الزوجين اسمه قدري وقدره انتو شخص واحد .. ترى رفعة
خشمك مابتفيدك بالعكس بتضرك بتخليه
يبعد عنك اكثر واكثر
قلت لها : يمه تعرفيني مو بانا الي تتبع المقفي
امي بحده : بس هذا رجلك مو باي احد .. والرجل مايقفي
عن حرمته الا لو بها شي
راجعي نفسك يابنيتي ترى ان فات الفوت ماينفع الصوت
قلت لها : ان شاء الله بحاول
امي : حاولي يمه مارح تخسرين شي
قلت لها : يمه خلي الي قلته بينا وبين بعض
امي : اكيد يابنتي
قلت لها : بمان الله يمه
امي: بامان الله
بعد ماقفلت من امي حسيت براحه قرت اخذ بنصيحتها
واحاول اكسب يندر ..شلون ماعرف لكن بحاول
|