 |
  |
|
|
|
|
#51 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
*سارا* ماتوقعت اني رح القاه بالمطعم يالله شكثر يأثر فيني شكثر يسحرني .. ليه كل ماقلت حبك مات يرجع وينبض بخافقي اقوى واقوى طالعتني مايا tell me who was the handsome man at the restaurant? طالعتها بنص عين .he was married قالت لي : وشو يعني صرخت بوجهها : شو يعني .. مايا العبي بعيد اتركي الرجال بحاله انا احذرك قالت لي وهي تضحك : يخرب بيتك كل هيدي غيره شو ست سارا الهيئه بتحبيه ؟ قلت له : اقولك متزوج تقولين احبه .. وبس لمعلوماتك مارح يطالع فيك ابد لانه يحب زوجته كثير قالتلي : لكن من نظراته لائلك مبين انه معجب قلت لها : بيتهيألك انا كنت قدامه طول الوقت عمره ماناظرني فتحت عيونها : معقوله .... كيف قدر يقاوم هالجمال كله قلت لهابحسره : ماشفتي حرمته كيف حلوه ؟ قالت : ايوا هي حلوه حلوه كثير بس انتي احلى قلت لها : لانك صديقتي تقولي هالكلام قالت لي : ياعمي ماعم اكزوب (اكذب ) عليك انتي بتطيري طبنات العئل نسيتي هيداك الي اسمه طلال العمى بالبو (بقلبو ) مالاحئك قليل وانتي ولا انتي هنا تضايقت من طاري طلال اخر شي ناقصني اليوم ذكرى طلولوه : دخيلك اذكري شي عدل مايا : وهيدا ما بيعجبك شو هالحظ الي عليك زلمه مثل طلال ادفع نص عمري ليبوص لي بصه وانتي مو عاجبك صدا المثل يعطي الحلق للي بلا ودان قلت لها : وتقولين امثال بالمصري بعد .. اقول قومي خلينا نمشي * مريم * كنا جالسين بالصاله الارضيه وطفشانين ليلى مشغله التلفزيون وسرحانه ع الاخير .. شكلها تفكر بالناس الي بيجونا وانا طفشت من القصه الي اقراها ماحسينا الا والباب الخارجي انفتح وانصك طبعا لانه حديد فصوته يكون مسموع استغربت ابوي ونايم وامي بعد نايمه من جاي ناديت ليلى : ليلى ... ليلى ....ليلوه التفت لي : وجع ليه الصراخ قلت لها : باب الحوش انفتح وانصك طالعتني بنص عين : تلاقينه اكبر ناسي شي وجاي ياخذه لسى برد الا وباب الفله انفتح ودخلت علينا نور انا وليلى بصوت واحد : نور نور ابتسمت : مافي حمدالله ع السلامه ليلى : شجابك ؟ وين زوجك ؟ نور : تعالي سلمي وبعدين حقي رحنا سلمنا عليها ودخلت وقعدت ع الكنبه قلت لها : نور وين تركي؟ قالت : ماجا معايا قلت لها : وانتي ليه جيتي مالك ثلاث اشهر من تزوجتي قالت : اشتقت لكم ليلى : نوير تهاوشتي مع رجلك نور وهي توقف : ماصار بيني وبين تركي شي زي ماقلت لكم اشتقت لكم وجيت ازوركم ليلى : تزورينا بذا الوقت قالت : حبيت تكون مفاجاه ليلى : اوكي نور بنعديها لك لكن بكره الصبح بيبان كل شي نور طلعت غرفتها وصكرت الباب بالمفتاح ما اضطر ليلى انها تنام معاي بنفس الغرفه ليلى وهي متمده ع سرير حنان : اختك متهاوشه مع زوجها هوشه كبيره قلت لها : ادري السالفه واضحه .. لكنها ماتبي تقول سألتني : شتوقعين السبب قلت لها : مادري ربك العالم قالت : غريبه ياترى شصار قلت لها : لو انا مكانك كان فكرة بالناس الي جاين بكره عطتني هاذيك النظره : شقصدك ؟ قلت لها : حبيبتي الي جاين بكره جاين خطابين ... التفت علي : شدراك ؟! قلت لها : سمعت امي وهي تكلم عمتي الناس جاين يشوفونك شافوك بعرس نور وعجبتيهم وجاين بكره عشان يشوفوك ع الطبيعه قالت لي : وليه امي ماقالت لي هالكلام كله ليه قالت ان الحرمه صديقه قديمه لها قلت لها : يمكن عشان لاترتبكين ليلى عصبت : لا والله .. وبعدين انا مو موافقه قلت لها : انتي شوفيهم بعدين وافقي او ارفضي ليلى : مابغى اتزوج انتي كيف تفهمي قلت لها : اقول بلا دلع بنات بكره من تشوفينه تقولين روحو جيبوا المملك عصبت علي : مريوم ترى مو ناقصه مصخرتك وجات بتطلع من الغرفه ناديت عليها : هي انتي وين رايحه ليلى : بروح اقول لامي اني مابغى اقابلهم قلت لها : تستهبلين امي وابوي بسابع نومه من زمان ليلى جلست ع السرير وهي معصبه :اوف استغفر الله قلت لها : نامي والصباح رباح * حنان * الوقت تأخر وصار لازم ننام قلت للريم : ريوم حبيبتي قومي نامي الحين الريم : حنان والله مفتشله منك .. بندر ودر البيت عسبتيه قلت لها : ولا يهمك عادي بعدين فكه من وجهه كل يوم وهو مقابلني غمزتلي بمكر : اكيد قلت لها وانا اضحك : الا اكيدين ونص قالت لي : حرام عليج بندر يحبج طالعتها : شدراك ؟ قالتلي : احساس قلت لها : تكفين عاد .. قالت لي: حلفي انج ماتحبينه عصبت عليها : ريم ضحكت بصوت عالي : هههههه حنان ويهج صاير طماط صرخت فيها : ماحبه ولا رح احبه بيوم ارتاحي الريم وهي تشرب من الكوب الي قدامه : جذابه .. صحيح ان علاقتكم يحكمها ارتباط سخيف لكن مع كل هذا انتي تحبينه وهالشي مبين عليج قلت لها : لا والله كيف يعني ؟ الريم : ضحكتك لما يكون معانا نغمتها مختلفه نظرت عيونك له حتى لما تتكلمين معاه وتكون لهجتك جافه وفيها تحدي فيها نوع من لفت الانتباه تبين تقولين له انا هني قلت لها : اسمحيلي تراك تتوهمين انا داخله انام .. غسلي كوبك وتعالي نامي الريم : اهربي اهربي اتمدت ع السرير: مابقي الا احب بندروه وجه العنز انا حنان بنت عبدالله احب بندروه مايصير صحيت ع الفجر صحيت ريم صلت ونامت اما انا ماجاني نوم ابد مدري ليه حسيت البيت فاضي سويت لي كاسه حليب وجلست اطالع التلفزيون صدقوني مادري شيقولون مخي مو معاي مو قادره اركز ابد افكر باشياء واشياء كثير اشوف الريم واحمد واتحسر على وضعهم بينهم حب كبير ممكن يضيع بلمحة عين . . استغرب من وضعي انا وبندر ماتوقعت بيوم ان عيشتي معه رح تكون كذا بندر عالرغم من استفزازه لي واعتزازه بنفسه الي كان يوصل لدرجة الغرور الا انه ماكان يقل من احترامي او يمارس اي اسلوب فيه ذل معاي وهذا حق لازم ينقال فيه قطع حب لافكاري صوت فتحت الباب كان هو بندر تحتحن ابتسمت من كل قلبي والتفت : ادخل بندر مافي احد اقترب ودخل وعلى وجهه ابتسامه : صباح الخير سالني : ها ماشتقتي لي ؟ مدري حسيت باحساس غريب : تبي الصدق لا زم شفايفه : مالت ع ذا الوجه سالته بتردد : وانت اشتقت لي؟ قالي : بصراحه ايه فقدت كشتك المنكوشه ع صباح رب العالمين درت وجهي عنه : مالت عليك وعلي يعبرك قالي : طيب عن الهرج الفاضي روحي جيبي ملابسي من الدولاب قلت له : ليه ؟ قال لي: ابغى اتسبح قلت له : اوكي صبر تبي شي معين قالي وهو مبتسم : اترك الموضوع لذوقك قلت له : زين اتسحبت شوي شوي عن اصحي الريم طلعت لبندر ملابس كانت عباره عن بنطلون جنز غامق شوي مع تيشرت ابيض وبلوفر صوفي بلون اخضر ومن الياقه ونهايات الاكمام بشوي لونه ابيض مع خط بنص الاكمام بالون الكحلي وماشي مع درجة البنطلون وخذت له جزمه( وانتو بكرامه ) بالون الابيض والاخضر والله ان ذا الولد عليه حركات مطقم كل شي انا البنت ماحب الكشخات مثله وطبعا اخذت معاي محفظته ونظارته الشمسية مديت له الملابس وقلت وقلت : ان شاء الله يعجبوك خذها : اكيد بتعجبني دامه من يدك يابنت عبدالله حنان بنفسها " شفيه هذا اليوم مو طبيعي " قالي : اسمعي انا بروح اتسبح عند احمد بعد نص ساعه قابليني بالكوفي شوب قلت له : ليه ؟ قالي وهو يبتسم : عازمك ع الفطور قربت منه وقمت اتأمل وجهه بدقه قالي : شفيك قلت له : شكلك مو مريض ؟ قالي : اوهو حنان بلا استهبال قلت له : انا استهبل او انت وين تعزمني والبنيه داخل قالي : ادري انها داخل وانا مو عازمك لسواد عيونك احمد بيجي يصالحه ومارح يكون شكلنا حلو بينهم .. فكرت نخليهم على راحتهم قلت له : اها حلوه الصراحه حط ثيابه بكيس : زين لا تطولين *بندر* رحت تسبحت بشقة احمد وغيرت ملابسي بتستغربون ليه ماتسبحت بيتي بقولكم مو حلوه البنت تصحى وتلاقيني بالبيت مارح تاخذ راحتها ع الرغم ان في حمامين ( وانتو بكرامه ) بالبيت لقيت استشوارفي الحمام " وانتو بكرامه " نشفت شعري مافيني حيل امرض خصوصا ان فترة الامتحانات بالجامعه قربت .. عجبني ذوق حنان والله البنيه ذويقه اخذت ورقه من دفتر الملاحظات وكتبت عليها : انا طالع مع حرمتي ومابنرجع الا عقب العشا روح وصالح حرمتك احسلك ترى حطيت لك المفتاح وخذلها معاك باقه ورد فرحها فيها وياريت تنظفون لنا البيت معاكم ولدكم هذره في امان الله اخوك حطيت المفتاح ع الطاوله وطلعت نزلت الكوفي شوب هو يكون مقابل بيتي اناواحمد بس لازم نعدي ال دخلت جلست بطاوله انتظر حنان شوي الا وتجي وحده وتقرب من الطاوله اكثر واكثر قالت بمياعه : hi قلت لها وانا حاس بالقرف منها :? hi , cane I help you "هلا ..اقدر اساعدك " ابتسمت وهي تجلس : can I have a sit? "ممكن اقعد " رديت علي sorry , I waited some one "اسف بس انا انتظر شخص " سالتني بوقاحه : is it a girl? " بنت ؟" قلت لها وانا ارفع ايدي و اوريها دي : my wife زوجتي قالت لي : she is a lucky women " زوجتك مره محظوظه" قلت لها " I think I am the lucky one " اعتقد اني انا المحظوظ " قالت لي :? anyway, Iam Marie and you "على كل حال انا ماري وانت ؟" رديت Bander سالتني : Are you an Arab " انت عربي " جاوبتها : yes Iam قالت :I did not know that the Arabs this Handsomeness and magic " ماكنت اعرف ان العرب بهذي الوسامه والسحر " قلت لها : thank you courtesy words " مشكوره ع كلمات المجامله " حطت ايدها على يدي وقالت : This fact, my darling " هذي حقيقه .. ياعزيزي " سحبت ايدي بسرعه منها " حريم ماتستحي" ابتسمت وفتحت شنطتها وطلعت بطاقه : I wait your call " انتظر انتصالك " اوف جابتلي المرض جد وقحه شفت حنان واقفه عند الباب ولمحتني وجايه جهتي * حنان * اول مادخلت شفته جالس عطاوله لكن ماكان لوحده كانت معاه وحده امريكيه حلوه لابسه تنوره قصيره مع بلوزه لايقه عليها شعرها الاشقر مفرود بيني وبينك حسيت بالقهر منها واكثر شي من بندر نسي الاخ انه متزوج وقام يبصبص بالحريم كملت طريقي باتجاهه شفته يوقف ومبتسم وجاي جهتي التقينا بنص المسافه قرب من وسوى شي ماتوقعته ابدا قرب مني باسني ع خذي وضمني لصدره وقالي : you late my love وحط ايده ع خصري ولفني جهت الباب وصار يمشيني انصدمت الا ماعرفت شسوي اول مره تصير معاي لا وبمكان عام بعد وهذيك ام شعر اشقر تخزنا خز ويلي اول ماقربنا جهت الباب فكيت نفسي منه وسرعت بخطاي الين ماطلعت من المحل من غير ماحرك حتى شفاتي واقوله أي كلمه جيت اقطع ال من غير لا انتبه للسيارت كل الي ابغاه اهرب منه واختفي عن عيونه ماحسيت الا وايده تسحبني من ذراعي ومن قوتة سحبته اصطدمت بصدره لدرجة ان ريحة عطره حسيتها ريحة تكتمني من قوتها قالي : جنيتي انتي ماتشوفين السيارات قلت له وانا واصله حدي : اترك ايدي لا اسويلك فضيحه تركني قلت له وانا احس نفسي رح انفجر : انت كيف تتجرأ و ماقدرت انطقها طالعني وقال : شسويت ؟ قلت له : الي بالكوفي ؟ قالي : اها عادي هني اثنين التقو لاول مره يسونها وانتي حرمتي قلت له : تستهبل انت قالي برود : انا ماسويت كذا الا عشان اخلص من ام اربع واربعين الي نشبت لي مو حبا وطربا فلا يروح بالك بعيد قلت له : تبي تتخلص منها تخلص بأي طريقه لكن لاتستخدمني من ضمن طرقك قالي : ان شا ءالله اسف عمتي حنان قلت له وانا امشي : مدري وش عاجبها فيك جد معدومة نظر قالي : ليه ماتقولين ان انتي الي ماعندك ذوق التفت له : لو ماعندي ذوق ليه لبست ملابس ع ذوقي قالي برود وهو يتقدمني : بالملابس ايه لكن بالبشر اسمحيلي معدوم قلت له: مايهمني رايك .. وين بنروح قالي : بنروح نفطر بالمحل الي باول ال وبنروح الحديقه نتمشى فيها رحنا وفطرنا بالمحل خذينا لنا كابتشينو ورحنا نتمشى بالحديقه جلسنا ع كرسي وصرت اراقب الرايح والجاي تدرون حياة الاجانب غريبه عملين جدا احسهم باردين بمشاعرهم بكل شي بنات ورجال كل واحدي يركض والي يمشي ع اذنه سماعات نادرا مانشوفهم يتبادلون الابتسامات وهو يعدون من جنب بعض لفت نظري رجل ومره شكلهم متزوجين عمرهم تجاوز الخمسين كان يتمشو ويتكلمو تحسون السعاده بتطلع من عيونهم قالي بندر : تحبين نتمشى بدل الجلسه من غير لا ارد مشينا صرنا نمشي ونمشي من غير لانتكلم وقفت قدام ملعب الاطفال ماقدر اقاوم منظرهم ابد بعضهم يلعب بالرمله ولبعض يركض هني وهناك وناس بالالعاب مشغولين فضلت اطالع * بندر * لنا اكثر من عشر دقايق متسمرين قدام ملعب الاطفال ماتوقعت ان حنان تهتم بالاطفال ابدا فكرت ان عاطفتها اتجاه بندر بحكم الاحتكاك فيه مو اكثر لكن إلي اشوفه الحين هالبريق بعيونها وهالابتسامه غير قلت لها : مادريت انك تحبين الاطفال هالقد التفت علي : مافي مره بالدنيا ماتحب الاطفال ولا تتمنى يجي يوم تضم ولدها لصدرها قلت لها : بس في حريم مايتمنون هالشي ردت علي وقالت :المره الي ماتمنى تكون ام مو طبيعيه ابدا قلت لها: حتى انتي تمنين الامومه ردت علي بضحكة سخريه وقالت : نسيت انك ماتشوفني مره اسفه للشعورك بالصدمه لكن حتى انا كنت اتمنى اني اكون ام بيوم من الايام سألتها : كنتي ؟ والحين ؟ قلت له : عشان اكون ام لازم احب ابو ولدي ويكون اختياري سألتها : وانا طبعا مو هالشخص طالعتني بتحدي : اكيد حسيت بغيض بقهر لكن مسكت اعصابي عن اتهور " هين ياحنان ان ماجبت راسك وخليتك تموتين علي ماكون بندر " قلت لها : انا مو عارف شايفه نفسك على ايه قالت لي بعصبيه : شتقصد؟ قلت لها : المره اليحقلها تخير بين الرجال لازم تكون مره عن حق وحقيقجمال رقه انوثه دلال شياكه لسان زي الشهد وانتي ابد مافيك أي شي من ذي الصفات بالعربي انتي ممكن تكونين أي شي الا انك تكونين مره عصبت علي رفعت ايدها تبي تخنقني لكنها تراجعت ومشيت قدامي معصبه ضحكت من كل قلبي على شكلها ..خليها تستاهل هي وطولت لسانها * الريم * صحيت مالقيت احد ... استغربت وين راحت لقيت ورقة مكتوب عليها : "انا رحت مشوار مع بندر ورح اتأخر خذي راحتك البيت بيتك واذا بتستبحي افتحي الدولاب وخذي ملابس " غريبه وين راحت هي وياه هالوقت .شفت بندر نايم دخلت تسبحت لقيت حنان مجهزه مكينه القهوة سويت لي قهوة سمعت خشخشة مفاتيح قمت جري صوب الغرفه عسب ايب شيلتيه دخلت يبت الشيله طلعت من الحجره وانا اقول وين رحتي الا انصدمت باحمد بنص الصاله ابتسم اول ماشافني قلت له : خير شتبي قالي : مافي صباح الخير بالاول ؟ مارديت عليه اقترب صوبي ومد ايده باقة ورد حلوه وجا يبي يحبني ع خدي دفرته بعيد عني : لاتقرب مني قالي بعتب : مب طايقة قربي قلت له : زين انك فهمتها بروحك قالي : اريامي زعلج ماله أي اساس قلت له وانا محرجه : لا والله ماله اساس انت ماشفت نفسك شلون كلتها بعيونك ماشفت نفسك شلون تميت قاعد معاي وكل شوي تخزها انت مابقى الا انك تروح وتقعد معاها وتودرني قالي : هاذي اوهام قلت له : اوهام ؟ تنكر انك كنت تحبها ؟ تنكر انك كنت تبي تزوجها ولوما تدخل بندر كانت ع ذمتك الحين ؟ مو هذي هي سارا الي قلت لي ان مشاعرك لها هي وحدها وان انا كنت مجرد تحصيل حاصل ؟ مو هاذي هي سارا الي بعز مرضك هذيت بسمها ؟!!!! قالي : ريماني حبيبتي سمعيني صرخت بوجهه : لاتقول حبيبتي انت ماتعرف الحب .. الي مثلك يحب ياخذ مايعطي احمد قالي: هالكثر ماخذه ع خاطرج ..عطيني فرصه ادافع عن نفسي قلت له : مايهمني . وانا اخلاص برد بلادي وهناك بتطلقني وريلك فوق رقبتك احمد حرج علي وقال : رده للبلاد مافيه والحين برتدين معاي البيت قلت له : مو براده * بندر * ماشاء الله مو مشي عليها الا ركض وصلت قبلي للشقه وصارت تدور ع المفتاح وين حاطته بجيبها قلت لها : حنان بلا هبل خلينا نرجع حنان معصبه : انقلع من قدام وجهي لا اذبحك قلت لها : بلا طولة لسان حنان : اوف الا وسمعت صوت الريم واحمد وهم يتهاوشون وسمعت الريم وهي تطلب الطلاق حنان بخوف : شفيها جنت هاذي قلت لها : حنان المفتاح وين اخيرا لقيت المفتاح بجيب جاكيتها الداخلي فتحت الباب بسرعه تنحنحت عشان الريم بعدين دخلنا قلت السلام عليكم رد الكل السلام انتبهت لباقة الورد المرميه ع الارض طالعت احمد : شفيك صوتك واصل لاخر الدنيا احمد قام يتنفس بعصبيه والريم كان مبين عليها انها واصله لخشمها طالعت حنان وقلت : حنان لو سمحتي سويلنا شاي حنان هزت راسها بكل طوايعيه قلت لاحمد والريم : انت وياها اجلسوا قدامي احمد قال: مو فاضي عندي شغل قلت له : شغلك يتأجل الريم قالت بغيض : خله يابندر يمكن يبي يلحق ع حبيبة القلب طالعتها بلوم اما احمد : سامع شتقول قلت لها : ام بندر الله يهداك مايصير هالكلام جلس كل من احمد والريم ع كنبه كانت الكنبات متقابله وكل واحد لاف وجهه لجهه كان نفسي اضحك على شكلهم لكن الموقف مايستحمل جات حنان وزعت الشاي علينا وبعدين جلست جنبي طالعت فيها وابتسمت رغم كل اختلافاتنا هوشاتنا الا اني انا وياها نقدر ناخذ اوسكار افضل مثلين ..عندنا قدره نحافظ على مظهرنا قدام الناس لدرجة أي احد يشوفنا مستحيل يشك بطبيعة العلاقة بيني وبينها.... رجعت للمتخاصين وقلت: ممكن تفهمونا ليه الصراخ احمد بغضب : الاخت تبي ترد البلاد عافتني قلت له : احمد هدي اعصابك مو كذا التفاهم التفت للريم وسألتها : الريم ليه تبي تردين ؟ قالت لي بحسره : وليه اتم هني ؟ شيقعدني ؟ حنان قالت لها : زوجك ولدك ياريم الريم قالت : انا باخذ ولدي معاي والي بيني وبن احمد انتهى خلاص احمد قال : بهالبساطه ؟ ترمين كل الي بينا بلحظة غضب ؟ انتي ناسية ان بينا طفل شبيكون مصيره امبينا ؟ قلت له : ولدي انا بربيه بروحي ... والله يخليله خواله مارح يقصرون معاه واذ تبي تشوفه مارح امنعك هذا حقك احمد سألها : يعني خلاص مصره ؟ قرت اوقف مهزلتهم : بس عاد جا دوري اتكلم سكتوا الاثنين ومحد فتح فمه بكلمه طالعت الريم وقلت لها : ام بندر انتي تشوفين ان الحل للي بنكم ترجعين للامرت وتركين كل شي معلق هنا ؟ وانت " يقصد احمد " ماتعرف تفاهم بالعقل بس تبي ترمي غلطتك على غير اسمعوني زين انتو الاثنين تنقلعون الحين بيتكم وماشوف وجهكم الا لما تصفون حساباتكم ولدكم بيقعد عندنا يالله عطوني مقفاكم الريم : انا مابي اروح واقعد معاه بمكن واحد مو طايقته حنان ضغطت ع يدها : مو كذا ياريم الريم وقفت وصرخت : حنان الي ايده بالماي لو كنتي مكاني وشفتي لهفة بندر لمره غيرج لو شفتيه ويده بيدها وعيونه تاكلها وطول وقته وتركيزه عندها شبتسوين ؟ بيكون عندج عادي ؟ وانتي تعرفين زين انه كان مستعد بيوم من الايام انه ينهي زواجكم بس عسبتها حطت حنان عيونها بالارض لانها مالقت اجابه احمد رد عليها وقال : هذا كله ماضي والله ماضي صرخت فيه الريم : والي بالمطعم لا يكون بعد ماضي ؟ احمد : ريم انا احبج والله احبج وسارا ماضي بحياتي وانتهى والله انتهى الريم ابتسمت بسخريه وطالعتني : تذكر يابندر يوم ماتركني وانا بشهري التاسع وراح يشوفها .. وكنت خلاص اتوجع بربي وهو ماحد ... لو مايت انت واسعفتني كان ممكن اموت ويموت ولدي هو وين كان؟!! ... كان عندها.. تذكر انت كنت الشاهد يوم قالي انه يحبني وان سارا ماضي وانتهى .... بذاك اليوم قلت لك مابي ارد له ابي ارد بلادي عند اهلي قلت لي عندج ولد الحين ومفروض ماتسلمين من اول صعوبه تواجهج وهذا هو احمد هني اضمنه لج مارح يقصر صوبج ورح يرمي سارا وكل طوايفها ورى ظهره لكن يابندر ماصار هالشي .. ضمانك مافاد يابندر مافاد ... سمعنا صوت بكى بندر الصغير الريم وهي رايحه له لفت وطالعت احمد : لو سمحت جهز اوراقي واوراق ولدي .. وراحت للغرفه احمد طلع من البيت معصب جيت ابي الحقه مسكتني حنان : خله هو محتاج يعيد حساباته هزيت راسي لها بالموافقه * بيت ابو نور * موعد الافطار الكل جالس ع السفره ابو نور وام نور لى الان مايعرفون ان النوري رجعت البيت ليلى وهي تكلم امها : يمه الناس الي بيجون اليوم ليه ماقلتي انهم خطاب ؟ ام نور : منو قالك مريم غصت : انا يمه سمعتك وانتي تكلمني عمتي امس ام نور : تصنطين مريوم ؟ مريم : لا والله انا كنت ماره بالصدفه الا وان نور داخله عليهم : السلام عليكم ابو نور وام نور المفاجأة الجمتهم ام نور : بنتي وتضمها لصدرها : شلونك يابنتي شخبارك متى جيتي نور : خخخ جيت امس حبيت اسويها مفاجأه ابو نور الي مامشيت عليه الكذبه : وين زوجك نور وهي تبوس راس ابوها وبارتباك : ماجا معاي عنده شغل ام نور باستنكار : خلاك تجي من الرياض لجده لحالك؟ نور : ايه مافيها شي كلها ساعتين بالطياره ابو نور وهو يوقف : نور تعالي ابيك راحت هي وابوها المكتب جلسو بكرسين متقابله قالها : نور شجابك ؟ قالت له : يبا قلت لك وحشتوني وجيت اقعد كم يوم عندكم ماتبوني ابو نور: احطك بعيوني يانور لكنك ماجيتي بالرضاء انتي جاية زعلانه ؟! نور : يبا انا مو زعلانه ابو نور معصب: نور انا مو بزر قدامك وخذ نفس وكمل بهدوء يابنتي أي زوجين تصير بينهم مشاكل والامور ماتحل بهاذي الطريقه لازم تقعدي وتكلمين مع تركي بهدوء يابنتي انتو توكم باول الطريق نور استجعت شجاعتها : يبا انا طلبت الطلاق ابو نور بصدمه : شنو نور ودموعها ع خدها : يبا انا ماقدر اقعد معاه لحظه اكثر انا مو بطايقته ابو نور : نور هذا زواج مو لعبه قبل كم يوم كنتي ميته عليه وتشكرين فيه الحين تبين الطلاق ؟ يضربك؟ يهينك؟ مقصر معاك بشي ؟ نور تهز راسها : لا لا ابو نور : دامه لا شالسبب .. لاتقولين لي تلومينه علي صار لك وانتي صغيره لان هالعذر ماصار يمشي علي ابد نور : يبا انا ... الا و ينفتح الباب وجاء صوته : انتي شنو يانور ؟ * طلال * اخ هالكراتين كسرت ظهري .. يارب يكيف الاس تنقل كل يوم من شقة لشقه ماصدقت رتب اغراضي وحطيتها بمكانها ... خلوني اعرفكم بنفسي انا طلال ال.. طالب سعودي بمرحلة الماجستير ادرس بزنس واعزب ناس كثير يقولون اني مملوح وان ملامحي شرقيه امية بالميه ... بيني وبنكم انا واثق اني مملوح لان مافي بنت استعصت علي الا اجيب راسها الارض الا وحده غلطتي اني حبيتها واعطيتها قلبي لكنها رمته بوجهي عشان واحد متزوج وفوق كذا عمرها ماسمعت منه كلمة احبك قال تحس بحبه ..اخ ياسارا لعبتي فيني ولعب فيك صدق لاقالو الدنيا سلف ودين كنت نازل اجيب اغراض لبيتي وانصدمت يوم شفت احمد طالع من الشقه الي قبالي معقول يكون ساكن هني ؟ طالعني من فوق وتحت وقالي : شتسوي هني ؟ كرهت نظرته : انا ساكن هني قال وهو يعدي من جبني : اكمللت طنشت ومارديت عليه بعد خمس دقايق نزلت لقيت الناس متجمهره ماعرفت شصار ؟ قربت منهم شكله حادث سمعت البواب وهو يصرخ : احمد احمد رحت جهته جري صحيح ان انا واحمد علاقتنا زي الزفت لكن الدم الي بعروقي حن له رحت شفته متغطي بالدم قربت منه : احمد احمد رد علي لكن مارد ابد وصلت سيارة الاسعاف ....حملته وانا رحت معاه *عبد الرحمن * اليوم الجو كان حلو فقرننا نفطر بالحديقة خصوصا وان اليوم خميس يعني اجازه بعد الفطور جلست انا وامي واحلام نتقهوى اما ريان وروان قامو يلعبو كوره او بالاحرى يتهاوشون روان : اقولك مو بفاول ريان معصب : الا فاول روان : لا ياشيخ تضحك ع مين ريان : اوف الحين من الولد انا ولا انتي اقولك فاول يعين فاول روان : مو عشانك الولد بتسويلي فاهم انا اختك الكبيره وكلامي يمشي عليك ريان : من جدك انتي ؟ امي عصبت عليهم : روانوه ريانوه ....التفتو لها وكل واحد عيونه تلوم الثاني .... انقلعوا قدامي جو البيت روان : يما امي عصبت بزياده : روان بلا كثرت هرج داخل ... وتهاوشو داخل لاوصيكم كسروا البيت ريان كان يطالعني بنظرات ترجي لكن ماقدرت اسوي شي هزيت كتفي ان مالي صلاح... مشو الاثنين وهو مستسلمين لداخل البيت امي سألتني بعد ماراحو : عبد الرحمن شكان يبي فيك عمك سالتها : كيف عرفتي انه جا هنا ؟! قالت لي : زهراء قالت لي يوم رجعنا من عند الجيران ... ماكنت بتقولي انه جا ؟ شيبي منا ..شذكره فينا ؟ بلعت ريقي بصعوبه : ولا يهمك يمه الموضوع مايستاهل امي طالعتني وكلها نظرات شك : عبدالرحمن لو الموضوع مايستاهل ليه وجهك مقلوب من امس ؟! سكت وانا اتذكر كلامه : ابو مطلق: انا جيت عشان نتم عرس احلام ومطلق سالته باستنكار : أي عرس ؟ رد علي بجفاء : شنو أي عرس البنت لولد عمها قلت له : أي ولد عم هذا ... ماتذكرتنا الا الحين وقت ماتبي تزوج ولدك وينك عنا من سنين رد علي : بلا فلسفه وكلام مسلسلات فاضي انا اقول العرس عقب شهرين وترى بندفعلها 25 الف وقولها تسحب من الجامعه ماعندنا بنات يشتغلن بالطب قلت له : اوامر ثانيه طال عمرك رد علي وهو مقهور : تتمصخر ياعبد الرحمن ؟ رديت عليه : والله مادري من يتمصخر انا او انت ؟ جاينا عقب ست سنين وتبي تبيع وتشتري باختي وانا انفذ شالي جرى بمخك ياعمي .. اختي لعلمك مخطوبه وملكتها الخميس الجاي ولله تقعد بلا عرس طول عمرها ولا اعطيها ولدك ابدا ... ولدك الي مابقى بيت بجده مارفضه لصياعته وضياعه جاي تبي توهق اختي فيه ليه عشانه ولد عمها يخسى يطول شعره منها عمي عصب : هذا شورك ولا شو.. قلت له وانا اوقف مسنود ع عكازي : اختي شورها عندي ... ومو ولد سعود الي يكون شوره عند حريم طالعني بتفحص وقال : هذا اول مو عقب ماصرت ناقص "يعايرني ...يعايرني باعاقتي " قلت له بكل عزم : نقص الجسم يتعوض ياعمي لكن نقص العقل ماله أي عوض .... عمي قال : هين ياولد ال قاطعته : عمي تراك بيتي ومالارح اسمحلك تغلط ع امي عمي حرك فمه بازدراء : انعم واكرم .. لابارك الله فيك وفيها رجعت للواقع ع صوت امي : عبد الرحمن وين سرحت قلت لها : لا بس تذكرت اشغال عندي بالشركه ... امي بلوم : تهرب ياولد مساعد قلت لها وا اوقف وابوسها ع راسها : يمه لاتشغلين بالك بشي وطالعت احلام وقلت : اسمعي يابنت ترى عبدالله يبي يملك احلام ردت : يملك احد ماسكه قلت لها : يابنت اتكلمي زي الناس الرجال يبي الملك الاسبوع الجاي وقفت احلام على حيلها : نعم نعم يحللم قلت لها وانا اجرها من اذنها : تأدبي يابنت لاتفضحينا عنده احلام : اخ دحمي حبيبي اترك اذني زدت من قوة الجر :الحين بتملكين الخميس قالت لي باصرار : لا مافي ملكه الا قرب العرس عاجبه ولا باطقاق زدت الجر وبعدين تركتها : خلاص بقوله مالك نصيب عندنا .. ومشيت وسبتها سالتني : يعني ايه قلت لها وانا ماشي باتجاه البيت : يعني بروح اخطبله وحد ثانيه يتزوجها صرخت : لا درت عليها وشفت وجهاحمر وحاطه يداتها على فمها : ودام لا ليه ماتبين تملكين .. جد ماتنعطن وجه ... اسمعي الملكه يوم الخميس ومابغى نقاش شقلتي تمت ساكته ...ماسمعت شقلتي ؟ هزت راسها وقالت بخجل وصوت ماسمعته مافهمت غير من حركة الشفايف ... ان شاء الله |
|
|
#52 |
|
|
رد: ماكل من يضحك مع الناس مبسوط ياكثر من يضحك ونفسه حزينه
*بندر* سمعت الباب ينطق رحت اشوف منو فتحت الباب كان جوني بواب العماره كان شكله مرتبك ويلهث سالته : What happened to you جاوبني : Ahmad , your friend سالته : What happened to him قالي : he was collided by a car while he crossing the road حسيت الصدمه شلت كل جزائي ماحسيت بنفسي الا وانا اوقف تاكسي وطيران على اقرب مستشفى من غير حتى لاقول للريم او حنان اول ماوصلت المستشفى سألت عنه بقسم الحوادث ودلوني ع الغرفه رحت لمكان مادلوني شفت الدكتور طالع سالته :? is he ok سالني : do you know him ? جاوبته : yes, I do he is my friend قالي : He had suffered light bruises and broken leg greatness except that he is fine تنهدت براحة : Praise be to God, can he leave the hospital قالي : after to days قلت له : thank you استنيت الين ماطلعوه من غرفة الحوادث وحطوه بغرفه خاصه اول مادخلت كان بدأ يفوق قلت له : حمدالله ع السلامه ابتسم بتعب : الله يسلمك قلت له : خوفتنا عليك قالي: السموحه بندر قلت له : ولايهمك قالي : قلت لها قلت له : لا ماقلت لحد اول مابلغني البواب طيران عليك سألني : وينه سالته : مين ؟ قالي : طلال قلت له: طلال ؟ قالي : ايه قاه من بعد ماطلعت من عندك سكن قبالك قلت له : من جدك انت ولا تهلوس احمد رد : اقولك قاه من بعد ماطلعت من عندك تكفى شوفه طلعت من الغرفه دورت عليه مالقيته رجعت له : مو موجود قالي : غريبه قلت له : انت ارتاح الحين وانا بمرك باليل .. تامرني ع شي قالي: مشكور وماتقصر يابو احمد قمت اتلفت كاين ادور على شي سألني : شدور قلت له : ادور ابو احمد وينه قالي : خخخ محد ابو احمد غيرك يالاثول قلت له : ومن قال بسمي ولدي احمد قالي : غصب عليك مو رضى منك انا سميت ولدي عليك وانت تسمي علي قلت له : خل امه ترضى علينا بالاول قالي : رح ترضى رح ترضى ياخوي قمت: انا ماشي ناداني : بندر التفت : لبيه قالي : لبيت حاج ان شاء الله ... لا تقول للريم علي صار قلت له : ليش .. ؟ قالي : ماله داعي قلت له : براحتك في امان الله * حنان * بس دخلت اشوف الريم شلونها وبندور شفيه يبكي ورجعت لقيته مختفيه ..نفسي اعرف هذا وين يروح .. اوف منه .. جلست ع الكنبه وجات الريم تجلس معاي وبندر الصغيرون يلعب ع الارض سألتني : وين بندر قلت لها : مادري فجاة اختفى حسيتها منحرجه : حنان انا اسفة سألتها : تعتذرين عن شنو ؟ الريم : يعين اطفلت على على حياتكم وصدعتكم بمشاكلي انا واحمد قاطعتها : الريم شهالكلام احنا اخوان ولازم نوقف مع بعض ..لو المشكله بيني وبين بندر مو كان عملتو نفس الشي معانا الريم ابتسمت : اكيد .. الا انتي مو قلتي بتطلعين تيبين اغراض ماشوفك شريتي شي ؟!! قلت لها : والله انا ماكنت ابي اشتري شي هذي سلمك الله خطه من بندر عشان انتي ورجلك تصفون حساباتكم مع بعض من غير ماتحسون ان في احد يراقبكم ولا تحسون بحرج من وجودنا معكم وانا احمد الله اننا جينا بالوقت المناسب ولا كان مداكم متطلقين الريم فضلت ساكته ... سالتها : تحسين طلبك صح ؟ جاوبتني : حنان النار ماتحرق الا رجل واطيها قلت لها : وبتخلين عن رجلك ولدك بكل هالبساطه تنهدت وقالت : تعبت ماعاد فيني قوة اتحمل اكثر من جذية قلت لها : ضعيفه طالعتني بعيون مفتوحه كملت ولا كأني مهتمه بحالة الصدمه الي هي فيها : انتي وحدة ضعيفة مفروض تكونين اقوى من كذا وتدافعين عن حقك في احمد انتي حرمته وجودك بحياته طبيعي اما هي مجرد نزوة عابرة يمكن الزمن خلاه يحن لها لكن انتي لازم تكونين قوية وتشدين احمد لك لازم تعرفين ان رجلك الان حاس بشتات وصراع بين حاضر وماضي وانتي بطلبك قدمتيه لها ع صحن من ذهب الريم ماجوبتني التزمت الصمت .. قلت لها : ياقلبي عقلك براسك تعرفين خلاصك الريم قالت : حنان لاتفكرين سهل علي اقول لاحمد طلقني .. انا احس بالموت يوم انطقها احمد حب الطفوله والمراهقه عمر قلبي ماخفق لرجال غييره ولاحتى اثار اعجبابي كل مشاعر الحب الاعجاب كانت لاحمد .. لكن يوم يوصل الوضع لكرامتي مستعده اتنزل عن حياتي وماتنازل عنها قلت لها : تكفين بلا شعارات افلام ابيض واسود قال كرامتي !! سؤال احمد احمد خانك معاها بعد وعده لك قابلها حسيتي ان لها لسى مشاعر بقلبه ؟ الريم : لا قلت لها : تدرين ماعندك سالفه .. ريموه عقلي زين ولاتضيعين رجلك من ايدك الريم ابتست وهي تطالع السقف بعد ماحطت راسها ع الكنبه : عجيب امرنا نحن البشر سهل علينا نعطي غيرنا النصايح والمواعظ لكن يوم نصير احنا بحاجة للعون للمساعده نعجز عن اننا نساعد انفسنا وان جاتنا النصيحه من الغير صعب نتقبلها ونطلع فيها امية عيب وعيب عضيت ع شفايفي ماعرفت شقول اعتدلت في جلستها وصارت مقاني : تعرفين قلت لها : شنو قالت : اليوم لما يلستي قرب بندر وتبادلتو الابتسامه كان شكلكم روعه .. وليه احس ان صار شي امبينكم ... الظاهر في شرارة حب انولدت طالعتها بنص عين : انتي شكل مشاكلك ضربت ع عقلك قالت لي وهي تقرب مني : بذمتج ماصار شي امبينكم يوم طلعتوا ؟ بلعت ريقي : الا صار صرخت : شنو؟ تكفين قولي لاتخليني ع اعصابي ؟ قلت لها انا اتذكر الي صار وحاطه ايدي ع خدي : باسني وضمني لصدرة قدام الناس بالكوفي شوب الرين منصدمه : حلفي قلت لها : لا اكذب عليك انتي وجهك قالت لي : طيب وين باسج ع جبهتج ولا خدج ولا وبشنو حسيتي عصبت عليها :ريموه الريم ضحكت علي : خخخخخخخخخخخخخخخخخ قلت لها : لايروح بالك بعيد وحكيتها بكل الي صار من طلعنا لين رجعتنا الريم : مالت على ذا الوجه قلت لها : بلا طولت لسان الريم وتقرب مني اكثر واكثر ويصير وجهها بوجهي : انا ابي افهم انتي ماتعرفين تمسكين ذا السان شوي لعنبو الريال مايروم يقولج كلمه الا وتردين عليه بالف قلت لها وانا مبوزه : يعني تبينه يغلط علي ومارد قلت لها : لا ابد غسلي شراعه لاتخلين له ولا تبقين له قلت لها : تمصخرين قالت لي : حنان الرجل يبي كلمه حلوه ابتسامة دلع مو قوارة راس قلت لها :لا؟ ردت علي : حنان بندر يبي يتقرب منج يبيج تحسين انه مهتم فيج يبي يلفت نظرج له حسي فيه الثلج الي ع قلبج خليه يذوب قلت لها : يتهيالك قالت لي : لو ناظرتي بعيونه كان حسيتي بهالشي عيونه ياحنان تقولج اشياء وايد بس فتحي عيونج لاتمين مدمغه جذيه قلت لها : شكلك متاثره وايد بالافلام قالت لي : كيفج عاد .. بص نصيحه مني ثياب الاصبيان هاذي ودريها عنج تراج مره لبسي تكشخ من هالهدوم الي تارسه دولابج وحطيلج مكياج ترى مكياج يفتحون فيه صوالين لعنبو كله بقراطيسه وصح شعرج وايد حلو فليه خليه يشوفج بنيه من صج قلت لها : انا كذا يبي يحبني يحبني كذا مارح اتغير عشان ارضيه قلت لي: يعني تبينه يحبج ؟ قلت لها : ممكن تسكرين ع هالموضوع ضحكت : خخخخخخخخ كيفج * طلال * أول مادخلو احمد للطوارىء والكشف المبداي علهي ان مافيه شي خطير قرت الانسحاب خصوصا بعد ماشفت صديقه بندر ... رجعت البيت رميت نفسي على اول كنبه وسندت راسي طلعت من صدري تنهيده تحمل جرح سنين اخ صدق لاقالو جرح القلوب ماله دوى نزلت راسي وطالعت الارض شفت الكرتون الي حاطه فيه الالوان حقتي رحت جبت الاستاند وحطيت عليه لوحه جديده وطلعت الالوان مسكة الفحمه وبديت احد وجه . وجه الي جرحتني وعذبتني ...بديت بتحديد وجهها نزلت لعنقها رجعت ارسم عيونها ... عيونها الي غرقت بحرها خاينه ايه خاينه كلهم خاينات قمت اشخبط ع الرسمه حسيت باني ماسك موس وجالس اشرط وجهها صدقوني هذا هو احساسي الي حسيته وانا اشخبط ع الوحه احساس ولد لي السعاده احساسي اني اجرحها احسها بالالم الالم الي مايسوى شي قدام المي قدام عذابي عذابي وانا اشوفها تتبعه وتبعد عني عذابي وانا اشوف شوق عيونها له عذابي يوم سمعتها تقوله احبك .... تحبه وانا وين رحت انا الي كنت اتبعها زي ظلها انا الي وقفت جنبها بازمتها مو هو مسكت الوحه حذفتها ع الارض جلست ع الارض مسكت راسي من كثر الوجع الي حسيته اه شفيك ياطلال جنيت كل هذا تسويه فيك بنيه موقلت بتنسى .. مو قلت بتعلم قلب شلون يقسى اه * حمدان * بما ان اليوم اجازة ماصحيت مبكر خذيت راحتي بالنوم لين حول العشر تصدقون مفتقد القوه من صبح الله ولشغل .. خذيت لي شور ع السريع لبست لي بنطلون جنز ومعاه تيشرت لايق عليه خذيت البوك والنظاره لقيت الكل مجتمع بالصاله ويتقهون قلت السلام عليكم الجميع رد السلام : وعليك السلام سلطان : اشوف الشيخ كاشخ على وين ؟ قلت له : وانا اشرب فنجان قهوة ع السريع بروح مع الشباب صوب البحر سلطان : اها شيخه قالت : ليه ماتروح معهم سلطان سلطان طالعها بنص عين : شيخه شفيج من صبح الله تين تخلصين مني موب طالع يالس على قلبج رزيت وجهي : على قلبي احلى من العسل قلتها لك لان حرمتك مابتروم تقولها قدامنا شيخه ياحرام احترق وجهها كالعاده وانا خذت لي فلعة بقوطي الفاين من امي : انت ماتستحي ماتعرف تحشم حد نقعت ضحك : خخخخخخ فديت عجوزي المعصبه امي : عجزت ركبك ان شاء الله التفت لسلطان : سلطان تعال معاي كل الشباب تعرفون وناسه والله حتى ثاني ياي معاي غير جو مالاعت جبك من وجوه ناس قلت عبارتي وانا اطالع شيخه شيخه حرجت علي : حمدان يوز عني سلطان قالي وهو يطوق شيخه بذراعه من كتفها : حاصلك انت شرات ذا الوجه السموح قلت له : الله يهنيكم بعض عن اذنكم توصونا على شي الكل سلامتك سلطان قام بعد :و انا بطلع بدل ثيابي شيخه : بتطلع ؟ سلطان : ايه بفك مني وطالع بروح اخلص شغلات عندي سالته : المشروع السعودي قالي: ايه شيخه قالت : انزين انا بتمرين ميثه وبطلع معاها بروح السوق قالها : زين تبين فلوس شيخه : لا ماتقصر معي قلت لامي : الحين بنت ماتعرف تقعد بيتها كل يوم وهي بمكان اخرتها ريلها بيردها لنا جاني صوت ميثه : انت خلك بعيد عند ريلي واحنا بسلام قلت لها : الله مو باذن عليج الا رادارات ثاني : اذكر الله عن تنظر حرمتي قلت له : مو بذاكر وسير قدامي امي : خله بالاول يسلم وياخذ فوالته ثاني وهو يحبها ع راسها : شلونج عمتي امي : الحمدالله .. اقرب ياوليدي سحبته من ذراعه : ماله حاجه طوف قدامي ثاني : خلني اسلم على اخوك قلت له : سلامك وصله صح سلطان سلطان يضحك : خخخخخخخخ واصل قرنا نطلع بسياره وحده ولان سيارة ثاني مادخلها دخل البيت كانت اختيارنا طلع ثاني مكان السواق وانا كنت لاف عسب اطلع يمه سمعت صوت يزقرني حمدان التفت عسب اطالع من يزقرني * تركي * اليله الي فات كانت اصعب ليلة تمر بحياتي اكثرها الم كثرها حيرة صعب تكون متعلق بانسان وفجاة يختفي من قدامك من غير مبرات من غير اسباب فجاة الصوره تطلع سراب ماقدرت اتحمل لازم اعرف وش صار وش الي قلبها مستحيل اصدق كذبتها تمثيل نور ماتقدر تمثل كل كلمه كانت تقولها كنت احس فيها نظرات عيونها حمرة خدودها لو غازلتها مستحيل كل هذا يكون تمثيل في تمثيل ... تعرفون لما اقلعت الطيارة حسيت قلبي انتزع من بين ضلوعي ماعرفت شسوي رجعت بيتي الغرفه فاضية مافيها احد كل شي فيها يذكرني بها ريحة عطرها تملاء المكان بقايا اغراضها صورتها بكل زاوية وين ماقلبت بصري شفتها عزمت اني لازم اعرف السبب اخذت لي شنطه صغيره حطيت فيها ملابس احطتياطا وعلى طول للمطار عرفت ان مافي رحلات الا الساعه 6 الصبح وبعد انتظار جلست طول اليل ع الكرسي انتظر وجات لحظة الفرج تاخر راكب وانا طلعت مكانه اول ماوصلت جده رحت بيت عمي استقني مرت عمي : هلا ياتركي سلمت عليها : هلا عمتي شخبارك عمتي بابتسامه هي تجلس ع الكرسي : انا الحمدالله .. نور مع ابوها بالمكتب تركي اعرف زين انكم متهاوشين بس ياولدي مو كل ماقلت لك ودني بيت ابوي ماصدقت وحطيتها على اول طيارة مايصير هالكلام وفوق كذا ماكلفت نفسك توصلها بنفسها ارسلتها لحالها من الرياض لجده والله افتشلت من عمتي : اعرف اني غلطان يوم ارسلتها لحالها لكن ياعمة اعذريني نور زودتها عمتي : حتى ولو انت الرجال لازم تكون اعقل واركز وماتخلي غضبك يصيطر عليك وان لك حق عن بنتي بتاخذه وان لها حق عندك بناخذه لها ..شوف ياتركي انا ماكلمت نور اصلا هي ماقالت انها متهاوشه معاك مع ان هالشي واضح وانا تركتها لابوها هو الي يقدرعليها والحين ابغاك تقوم وتدخل عليهم وتواجهون وتصافون قلت لها: هم بالمكتب ابتسمت : ايه روح وقفت قدام الباب سمعتها وهي تصرخ حيت بالغصه الي خانقتها سمعت عمي وهو يسألها عن سبب طلبها الطلاق فتحت الباب على طول وسالتها : انتي شنو يانور ؟ شفت الصدمه بعيونها الحروف ضاعت منها عمي : تركي ؟!! التفت له : شلونك عمي عمي : الحمدالله والتفت لنور ... قدامه الحين قوليله ليه تبين الطلاق نور بدت دموعها تتجمع بعينها لكنها حبستها وقامت بتطلع : ابي طلاقي وخلاص محد له شغل فيني وحطت ابي طلاقي ياتركي طلقني صرخت فيها : عطيني سبب واحد تبين الطلاق عشانه نور وهي مواجهتني وطالعتني بنظرة كلها اشمئزاز : اكرهههههههههههههههك ماطيقك وان كنت من صلب ابوك عطني طلاقي عمي صرخ عليها : نور تأدبي ضحكت بسخريه : صدق انك لوح بلا احساس .. ماقدرت اتحمل كلامها اكثر رفعت ايدي ابي اضربها ماحسيت فيها الا وهي دافنه راسها بصدري وبدت تبكي طوقتها بذراعي اتأكد ان هذا علم عمي خرج من الغرفه وتركنا مع بعض ... نور فضلت تبكي قلت لها : شفيك علميني شصار نور قالت : تكفى خلينا نفصل رفعت راسها بيدي : طيب عطيني سبب واحد بس سبب قالت وهي تبتعد عني : انا ماصلح لك مسكتها من ذراعها شديتها باتجاهي : ماتصلحين ؟ اذ انتي ماتصلحين اجل من يصلح لي ؟ قالت لي وهي تحاول تفك ايدها مني : انا اقول قلت له : والسبب ماردت علي قلت لها وانا اضم وجهها بين ايدي : انتي الانسانه الي اخترتها بنفسي انتي الوحيده الي حبيتها انتي الشخص الوحيد الي مهما جرحني ماقدر ازعل عليه انتي نور حبيبتي زوجتي مستحيل افرط فيك دفتني بعيد عنها ودموعها غرقت وجهها وصرخت : وانا نور العقيم * سارا * اليوم صحيت مالي مزاح لاي شي .. حاسه بطفش فضيع اخذت لي شورا ع السريع ... تذكرت موعدي مع مايا ... اوف لازم اروح اعرفها زي البزران لو اعتذرت رح تسويها سالفه مالها اول من تالي ... موعدنا كان ع قريب الظهر متفقين نتغذى سوى وبعدين رح نروح معرض رسم ...لما كنت اتكلم انا ومايا عن المعرض خطر على بالي طلال .. كان مهوس جدا بالرسم وبصراحه هو رسام متاز جدا استغرب دخوله مجال الهندسه المعماريه الي زيه مفروض يدرس فنون جميله ..يارتى شلونه الحين شمسوي .. شفيك ياسارا ليه تذكرينه ناويه تذبحينه هالمره مو كفايه لعبتي فيه وبعواطفه الحين حنيتي له حنيتي لطلال الي كان يعاملك زي الملكه ماكان يرفضلك طلب كان يحميك ويوقف جنبك طلال الي وقت ماطحت ياهو الوحيد الي مد لك يده بالوقت الي الكل تخلى فيه عنك طلال نفسه الي ذبحتيه بيدينك لجل شخص مملوك لغيرك .. اصحي ياسارا لاترجعي ثاني مره لاوهامك خلاص الين متى رح تعيشين بالوهم طلعت من البيت مخنوقه تمشيت شوي بالشوارع الين ماوصلت للمطع الي متفقين نتغذا فيه جلست انتظر تقريبا نص ساعه الين ماجات الست مايا كان مبين عليها الانبساط ع الاخير شكلها شاربتلها شي مروقها مو العاده يعني مايا : هاي رديت : هاي تاخرتي ؟ مايا :اخ لو تعرفين سارا اليوم احلى يوم بحياتي كلها سألتها : why ? ردت : I met him سألتها : منو؟ جاوبتني : my dreaming man ابتسمت بسخريه : جد ماعندك سالفه سالتني : ليش ؟!! جاوبتها : كل مره تقولين نفس الكلام وماتقعدين معه اسبوع الا ومغيرته شكل فرسان احلامك لهم مليون شكل ولون قالت لي بجديه : صدأيني هالمره غير اه لو شفتيه ياسار ا يأبر البي ماحلى كله رجوله وسحر ياي عنجد بيعئد سالتها : وين شفتيه ؟! ردت علي : شفته بكوفي شوب بال الخامس" او ل ماذكرت ال الخامس حسيت بمغص بطني " كان جالس ع طاوله لحالو رحت وجلست معاه وعطيته رقم تلفوني قلت لها : شكله داخل مزاجك ع الاخير سألتها : شو اسمه ؟ ومتى رح اتعرف عليه ردت : اسمه بندر اول ما سمعت الاسم انصدمت : بندر؟ سالتني : شوبيك ياعمي ؟ تعرفيه ؟ رديت : طويل وخشمه واقف وعيونه فاتحين وجسمه رياضي ردت علي : ايه .. اخ من عينيه ياسار بيجننو قلت لها : ماري انطونيت انتي بتلعبي بالنار زمت شفايفها : لا تناديني بهالاسم ... ناديني مايا او ماري طنشتها وكملت : الي شفتيه اسمه بندر ال.. هذا صديق المقرب وهو الي جاني ذاك اليوم وهدني ان مابعدت عنه بنفسي رح يخلي اندم بصدمه : هو؟ رديت : ايه ورجعت بذاكرتي لذيك اليله ورنت كلماته باذني بندر : اسمعي زين سارا ابعدي عن احمد بنفسك صدقيني ان حطيتك بالي رح تندمي !! - شرح تسوي يعني بندر: ماعتقد ان ابوكي يعرف عن عن جيمس ال X- boyfriend - مايهمني ان عرف او لا - بندر : واحمد ؟ شرح تكون ردت فعله لما يعرف انك قضيتي ليلتين بمنهاتن - بشقة جميس لوحدكم ؟ وانك سبق وتعالجتي من ادمانك ع الكحول وانتي تحت ؟ - رح اكذبك ؟ ماعندك أي اثبات ع كلامك - بندر طلع ظرف من جيبه وطلع الصور الي فيه ورماها بوجهها : هذي صورك مع جميس ذكرياتك المشرفه شوفي وضعياتك فيها مافي رجل محترم يقبل يوسخ اسمه مع وحده زيك ..اوه وصورك بثياب السباحه من الفاشن شو سهل الواحد يجيبها - نذل - بندر : اسمعي يابنت الناس انا عمري ماتمنيت افضح احد ودام ربي ساتر عليك مابغى افضحك ابعدي عنه الرجال متزوج وزوجته على وجه ولاده انتي لسى صغيره وحلوه والمستقبل قدامك مايا : بس انتي ماألتيلي انه مجوز طالعتها : متزوج ؟ او ل مره ادري شكله عريس جديد مايا : الهيئه هيك .. تعرفي هو احلى من مرته بكتير سألتها : شفتيها ردت : ايه شفتها قلت لها : ودامه طلع متزوج ابعدي عنه واشتري دماغك مايا باصرار : لا ياقلبي الزلمه عاجبني وطالما عرفت من يكون رح اخليه يجن فيني ورح افرجيه كيف يقولي لا ناديت الجرسون عشان نطلب الغذا : انتي مجنونه *ثاني * من يوم ماطلعنا صوب البحر الين ماوصلنا وهو مايرمس الا كلمات بسيطه ايه .... لا .... صرنا حزت الغذا الشباب ربشه وهو لحاله من زوي مبين ان تفكيره مو معانا ابد .... شليت له صح من الغذا ... يلست ينبه قلت له : ماتبي تاكل تم ساكت ومارد علي قلت له : حمدان هذي مو بحاله صد صوبي طالعني بنظرات كلها الم ورجع صد صوب البحر وسألني قد شفت يوم قلبك مذبوح قدام عينك ؟ حسيت يوم ان كل شي ممكن تمناه عندك والي تباه حرموك منه قاطعته : حمدان قالي: ثاني خلني اطلع الي بقلبي .. ثاني انا ماكنت احبها انا كنت اموت بالارض الي تمشي عليها ... لو طلبت روحي والله ارخصتها لها .. ليه يحرموني منها ؟!! انا رحت اطلبعا بغيتها حلالي ام عيالي ... قالو العذر والسموحه ابن عمها موب مرخصنها ... ليه يعطونها لراعي سكر وعربده ؟!!( وصد صوبي يطالعني ) ليه يفضلونه علي وهو مايستاهل حتى ظفرها ...هي هي مابغته ياثاني بغتني انا ليه ياثاني قولي ليه ؟ شفتها اليوم وشفت الصبي الي تزقره هذاك كان مفروض يكون ولدي انا ولدي راشد .. ولدي انا " قالها وهو يضرب على صدره بقبضة ايده " سمته حمدان ع اسمي تعرف انه يضربها يوم يرد سكران اخ لو اطوله وربي اقصب رقبته رديت عليه : بس ياحمدان البنيه ع ذمتك غيرك مايوز تطريها صرخ بوجهي : احبها ... والله احبها ... وعمر حبها مامات بقلبي والله ثم الله لوما مخافت الله كان دفنت عمري يوم عرسها قلت له : قصر حسك عن يسمعونك الشبيبه .. اسمعني وانا اخوك البنيه واعرست وصارت حرام عليك والي خلقها خلق غيرها رجع يصد صوب البحر ومارد علي *نور * اخيرا نطقتها اخيرا قلته الحقيقه الي عذبتني .. حسيت النار الي بداخلي بدت تهدا ملامحه وجهه ماكانت تقول شي ماقدرت اقرأ ردت فعله فضل ساكت شوي وبعدين قرب مني ضمني لصدره ومسح ع شعري وقال : العيال عطيت الله ان بغى عطانا ولو كنا اثنينا عقيم وان بغى حرمنا لو كنا سليمين تشبت بثوبه حسيت نفسي رح اقطعه وطالعت بعيونه وقلت : لا تكذب على نفسك مافي احد مايتمنى العيال انت اليوم تقول هالكلام تجبر خاطري بكره رح تتركني تدور السند تدور العزوه تدور الي يشيل اسمك قالي: انتي عندي اهم من كل هذا دفعته عني : لا تعطف علي .... كل شي اقدر عليه الا اني اشوف الشفقه بعيونك تركي الله يخليك خلنا نفصل هز راسه بمعنى لا : مو بكيفج انا طلاق مارح اطلق ... خذ نفس وكمل .. نور حياتي انا ابيك انتي ابي اكمل حياتي معاك ... الاولاد مايهموني كثر ماتهميني انتي وبعدين الطب تطور احنا ممكن قطعته : لاتقول احنا قول انتي حد السبب الفعلي علاج مالي علاج قالي: ليه تقولين كذا ؟!! نور احنا كل يوم نسمع عن اكتشاف جديد وقبل هذا كله في رب اسمه الكريم جلست ع الكرسي منهاره بكيت بحراره . بكيت الم النقص بكيت من صدق الحب الي اشوفه بعيون تركي قرب جنبي حط ايده علي شعري وبدأ يمسح عليه وقال:نور خلاص ياقلبي .... امسحي دموعك ... ورفع راسي وسألني : لو كنت مكانك وانا العقيم كان تركتيني ؟!!! هزيت راسي بمعنى لا ابتسم وسأل ليه ؟ قلت له : لان مافي شي بالدنيا يسواك عندي بس حط ايده على فمي يمنعني اكمل .. وقال : من غير بس انتي بعد محد يسواك رن جوال تركي رفع شاف المتصل كان عمتي : هلا يوبا ... لا مافينا الا العافيه احنا خرجنا نتمشى .. لا بنفطر برى وبنمر السوق في امان الله قلت له : عمتي قلقانه ؟!! ابتسم تقول طقت ع بابنا ومحد رد والسيار ماشفتها خافت نكون تعبانين ولا شي سألته : بتقولهم ؟!! جاوبني : هذا شي خاص فينا .. والحين ياحلوه قومي جيبي عفشك وخلينا نرجع بيتنا وانا بستناك برى مع عمي ابتسمت : ان شاء الله .. واحنا طالعين من المكتب شفنا امي وابوي بالصاله يتقهون امي : تعال تركي تقهوى تركي وهو يقرب : ان شاء الله .. نور بسرعه ابوي سالني : ها نور اشوف رضيتي ؟!! حطيت عيوني بالارض ماعرفت شقول ابوي : مابيه مابيه وكلها نص ساعه الا وانتي راضيه عليه وشاقه ضحكتك وجهك امي : عبدالله بس احرجت البنت حرام عليك .. نور يمه اطلعي جيبي اغراضك ماصدقت امي قالت كذا ورحت بخطى سريعه لجهة الدرج ابوي نادى :نور بسرعه ترى تركي متحرقص مو قادر يقعد زين حتى تركي مسكين شرق بالقهوة وانا ماتشوفون الاغباري |
|
|
#53 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
الجزء الثاني والعشرون حب يغيب وصاحبه مابعد غاب وحب يدوم وصاحبه في غيابه وحب يذوب خافقا مابعد ذاب وحب يداوي صاحبه من عذابه وحب بلا معنى وحب بلا اسباب يبقى غريب وينتهي في غرابه ×.. بندر..× بعد ماطلعت من عند احمد رحت قضيت كم شغله عندي متعلقه بالجامعه .. تقريبا صار الوقت وقت الغذاء قرت ارجع البيت وانا واقف قدام باب شقتي تذكرت كلام احمد عن طلال حسيت ان من واجبي اني اشكره علي سواه استدرت طقيت على بابه مره واثنين ماكان في رد شكله مو بالبيت فما كان قدامي الا اني ارجع بيتي طقيت الجرس ودخلت ماحبيت افتح الباب فجأة يعني ممكن الريم ماتكون متحجبه فاحرجها واحرج نفسي .. اول مادخلت شفت حنان كانت جاي باتجاه الباب شكلها كانت ناويه تفتحه لانها حاطه حجابها ع راسها .. دخلت وقفلت الباب : السلام عليكم حنان ردت وهي تخلع حجابها : وعليكم السلام ... وين كنت ؟ قلت وانا اجلس ع الكنبه : عندي كم شغله قضيتها وجيت قالت وشكلها مضايقه : كان صعب عليك تقولي قبل ماتطلع انك طالع ؟ تبين شي اجيبه لك ؟ تامرون ع شي ؟ سالتها : كنتي تبين شي ؟ ردت : لا قلت لها : اجل دام ماتبين شي ليه تصدعين راسي بكلامك حسيتها عصبت : السالفه مو سالفة احتياجات قلت : اجل ؟111 ردت : السالفه ياسيد احترام احسن انك مسويلي اعتبار وان لي وجود بذا البيت مو رجل كرسي .. يعني لو طلعت برى البيت من غير لاخبرك اني طالعه كان بيعجبك هالشي ؟ رديت عليها : كان حشيت رجولك حش طالعتني باستهزاء : لا قلت لها بلهجة حداة : لانسين اني رجال وانتي مره مع اني اشك الصراحه حنان ردت علي بمصخره : تصدق حتى ان بعد اشك برجولتك حسيت بالدم يغلي بعروقي ابي امسكها انتف شعرها اذبحها اسلخ جلدها انا تجي هالبزر تشك برجولتي انا بندر بن محمد ال... ينقالي هالكلام وقفت ع حيلي مشيت اتجاها حسيت بغضب الدنيا كله فيني والي قهرني اكثر نظرة التحدي الي شفتها بعيونها قربت منها و... ×... مريم ... × حاسه بيني وبين نفسي بخوف .. ليلى لو تزوجت رح يفضى البيت رح اكون لحالي مع امي وابوي رح اكون وحيده .. شيعني تبينها تسوي ترفض العريس وتقعد جنبك .. متى رح تفهمين ان انتي غير وهي غير .. لاتضحكين على نفسك وتعطينها امل كذاب ... ادعي ربك يوفقك اختك بدل افكارك السوداء صرنا قريب المغرب الناس رح يجونا بعد الصلاة ... امي متوتره وعلى اعصابها هالشي واضح جدا من اشرافها ع كل التفاصيل الدقيقه .. كانت تتمنى نور تكون معاها يعني تونسها لكن مايصير نور جات زعلانه ولازم ترجع بيت زوجها اما العروس فهاذي حكاية .. خبري بالبنات لما ينخطبون يلبسون ويتشيكون على سنقة عشر ماعدا اختي العزيزه الي الى الان ماتسبحت .. الحبيبه بعدها تشتغل على البحث الي عندها دخلت عليها حجرتها : ليلى وش ذا ؟!! من غيرماترفع راسها من ع الكومبيوتر ؟ وشو ؟ رديت عليها : البيجامه !! مو ناوية تغيرينها ؟!! ليلى : ليه؟! احد جاينا ؟! فتحت عيوني ع الاخير : ليلوه اشفيك ذاكرتك انمحت ؟!! قومي غيري الناس بتجي تشوفك وانتي لسى ماجهزتي ليلى رجعتلها الذاكره : اها .. تصدقي نسيت قلت لها : مصدقه من غير لا تقولين .. قومي غيري مابقي ع الاذان شي واخيرا دخلت الحلوه تتسبح .. دق موبايلها وكانت احلام رديت عليها احلام : الو تصدقين انك نذله وماتستحين كله انا ادق عليك مالت عليك يالبخيله ترى والله المكافأة تكفي تقدرين تسدين فيها الفاتوره ولا اقولك بس عطيني رنه انا رح اتصل بس احس انك معبرتني كله انا اتصل .. ماتكلمي اشفيك ساكته ولاكلامي مو عاجبك فطست عليها ضحك: خخخخخخخخخ احلام انتبهت للصوت : مالت مرايم قلت لها : على وجهك ان اشاء الله احلام بصوت يتصنع الغضب : ممكن اعرف ليه تردين ع تلفون صحبتي قلت لها : والله كيفي مو هي اختي ؟ قالت لي : لا يكثر هرجك عطيني اياها قلت لها : ليلى تتسبح ردت : طيب لاتسبحت خليها تتصل علي قلت لها : مايمديها اعرفكم بتقعدون تدقونها سوالف ومارح تلبس سالتني : طالعين جاوبتها : لا جاينا ناس .. ماقالت لك ليلى ؟1 احلام بأهتمام : شنو ؟ جاوبتها : ليلى اليوم جاين ناس يشوفونها صرخت : شنو قلت لها : مالت خرمتي طبلة اذني حسيتها تضايقت : ليه ماقالت لي جاوبتها : اهي بنفسها مادرت الا امس باليل احلام : اوكي خلاص اكلمها باليل ان شا ءالله ×.. عبد الرحمن ..× اول ماقفلت السماعه كان شكلها مره متغير ... سألتها امي : احلام شفيك احلام : ها ... ابد ماشي امي ماقتنعت : وجهك تغير ستين لون صار شي على ليلى واهلها طبعا ماقدرت ماشغل رادارتي احلام قالت بنبرة حزن : ليلى اليوم بيخطبونها امي تغيرت ملامحها وجهها وماعلقت حبيت اكسر الصمت قلت لاحلام : وانتي ليه زعلانه احلام بلعت ريقها بصعوبه وقالت : بصراحه احنا كنا... وماعاد كملت قلت لها اكمل كلامي وانا حاس بغصه خانقتني : تخطبونها لي؟صح ؟ امي تنهدت بحسره : والله ماتمنيت بنيه لك غيرها ماشاء الله عليها ادب واخلاق واصل قلت لها : وانتي تهقين يمه ان اهلها بيوافقون علي ؟! امي : وليه مايوافقون .. انت كامل والكامل الله قلت لها وانا اناظر برجلي : يمه انا معاق .. رضينا ولا مارضينا معاق فيني نقص .. وبنتهم زي ماقلتي ماتنعاب .. اكيد يبون لها واحد احسن مني بلميون مره امي : الرجال مايعيبه شي ياوليدي وانت ماشاء الله ماعليك زود ابتسمت لها : لاني ولدك تقولين هالكلام لكن لو ان احد بمثل وضعي تقدم لاحلام كان رضيتي ؟ " ماردت علي كملت كلامي " يمه الي ماترضينه لبنتك لا ترضيه لبنات الناس تنهدت امي بالم وماعلقت ع الموضع اما انا بداخلي كان في الم يقطعني تقطيع .. ماكذب عليكم انا فعلا كنت ابي اخطب ليلى من كثر ماسمعت عنها من احلام اعجبتني وايد وفوق كذا اهلها ناس يثاقلون بالذهب لكن بعد ماصار لي الحادث عدت حساباتي بدل المره الف بنت الناس مالها ذنب تعيش بقية عمرها مع واحد عاجز صحيح ان عندي طرف صناعي واقدر اسوي كل شي من غير مساعدة احد لكن مع كل هذا انا شخصاندرج تحت مسمى معاق او بشكل منمق اكثر ذوي الاحتياجات الخاصه × .. حنان .. × غبيه ... متخلفه ... مجنونه ... في وحده تقول هالكلمات " اشك برجولتك " مالت على ذا السان الي يبيله قص ... اشهد ان لا اله الا الله اكيد بيذبحني لا تبينه يصفق لك انتي وجهك ... بس ياحنان خلق قويه لاتبينيله خوفك عن يتمادى ...... طالعته بنظرات تحدي وانا بداخلي احس قلبي بيوقف من الخوف عمري ... ماشفت بندر معصب بهالشكل .... عيونه احس الشرار بيطلع منها ... قرب مني صار يقرب اكثر واكثر وانا بحركة تلقائيه ارجع على ورى صرت ارجع وارجع الين ماخلاص ماعاد في مكان ارجع صدمت بالجدار الي وراي قلت له : وخر عني حطت يداته ع الجدر بشكل محاصرني وسألني : شرايك تتأكدين اذا انا رجال او لا؟1 قلت له : عمر الرجوله ماكانت بالطق طالعني بمكر وقال : ومن قال اني رح امد يدي ؟!! مو انا الي امد يدي على حرمه وصار يطالعني بنظرات كانت متفحصه .. فهمت كلامه فهمت مغزاه دفعته بكل ماقدر وقلت له : ولا باحلامك الي تفكر فيه طبعا بندر بسبب حجم جسمه ماتحرك الا كم خطوه يادوب قدرت اتحرك الا انه سحبني من يدي الين ماضربت بصدره وطوقني بيدينه من خاصرتي فماصرت اقدر اتحرك قرب مني حاولت ابعد براسي .. حاولت افك نفسي لكن وين وانا بين يدينه شد علي وقالي : لاتحاولين ... مافي فايده قلت له : اتركني ماطيقك قالي : مو ضروري مشاعرك ماتفرق معاي جيت ابي ارد حط ايده ع فمي يمنعني من الكلام وهمس بذني : لو بغيتك والله مامنعتيني وهذا انتي شفتي شقدر اسوي فيك .. لكن مو انا الي يثبت رجولته بهمجية الحيوان .... واضيفي لمعلوماتك انتي ماتهزين فيني اشعره فمابالك برغبة بالعربي انتي ولاشي بحياتي ولو اخر وحده ع الارض ماشتهيتك محد يشتهي الشين بعد ماطال الزين اصلا حرام يحسبونك على النسوان حسيت بكلماته سكاكين تقطع بقلبي انا ولاشي .. ماسوى شي .. كان له علاقات مع غيري قبل الزواج بغيت اصرخ بوجهه اقول شكثر اهو نذل وحقير ... بغيت ابكي على حالي .... ليه بلحظه فكرة ان بندر يميل لي غبيه غصب عني نزلت دموعي ... حسيت بالاهانه لاول مره بحياتي حسيت بجرح كبير بقلبي .... شفت نظرات صدمه بعيونه .. اول مره يشوف دموعي من تزوجنا ابكيت الا يوم وداعي لاهلي وبحظن ابوي وغيرها مابكيت والحين ابكي لا وقدامه وبحظنه ذراعاته بدت تترخي من حولي قالي بصوت فيه امصدوم : حنان تبكين ؟ صرخت بوجهه وانا امسح دموعي : حنان بشر يابندر ولا هاذي بعد شاك فيها ؟!!!!!!!! وعلى طول ركضت الين غرفتي دخلت وقفلت الباب ×.. الريم ..× طلعت من الحمام " وانتو بكرامه " شفتها ع الباب مستنده وتمسح دموعها حسيت بخوف سألتها : حنان فيك شي ؟! جاوبتني : لا ابد بس دخلت بعيني غبار وايد تحرقني بروح اغسلها بيني وبينكم ماطافت علي سالفة الغبار بس ماجيت اكثر اسئله مهما كان الواحديحق له بخصوصيه قلت لها : زين قالت لي وهي تعدي رايحه تغسل عيونها : ترى بندر بالصاله اخذت شايلتي ولفيتها زين واخذت معاي بندور الصغيرون طلعت الصاله لقيته جالس ومبين عليه بعالم ثاني مره تنحنحت عشان يحس بوجودي رفع بصره وابتسم بويهي اشرلي بدينه اني ايب بندر الصغير عطيته اياه ويلست بعيد قلت له : بندر لوسمحت ابيك تكلم احمد يب جوازي عسب ارد البلاد قالي : ليش بتردين ؟ قلت له : خلاص ماعاد لي مكان هني ارد بلادي احسن لي قالي: المسائل ماتحل كذا يام بندر انتي الحين زعلانه صبري الين ماتهدى اعصابك وتفكرين بهدوء قلت له :بس انا قاطعني : لاتبسبسين انا مو اخوج " هزيت راسي بمعنى ايه " اجل قضبي ارضج طلعت حنان من الغرفه واتجهت للمطبخ من غير لاتكلم ..قمت اساعدها بتجهيز الصحون ... كان عاملة مكرونه بشاميل .. وحنان فنانه فيها يلسنا كلنا ع الطاوله ماعدا بندور الصغيرون حطيته يلعب بالالعاب لانه ماكل خلاص حنان : لا قلت لها : حنان وربي انج تحبينه الا تموتين عليه قالت لي : تعرفين ان ماعندك سالفه قلت لها : الا عندي ونص ماشفتي نفسج وانتي تطالعينه بغيتي تاكلينه بعيونج حنان ردت : يتهيألك انا ماطيقه ولعلمك تهاوشت معاه قلت لها : ادري مبين عليكم انتو من يلسنا ع الطاوله مارمستو بكلمه وهذا مو طبيعي ابد وحتى هو حسيته متلوم منج حنان تنهدت .... صدقوني يوم اقولكم احس حنان ضايعه وهالشي مبين من نظرات عيونها سالتني وهي متردده :الريم شرايك فيني ؟! سالتها : شقصدج ؟! من أي ناحية ؟! جاوبتني : يعني شكلي ؟! حبيت استهبل عليها لاني فاهمتها : شلون يعني ؟!! جاوبتني : يعني انا حلوه ؟! قلت لها اغايضها : مقبوله حسيتها تضايقت وقالت بصوت شبه مسموع: يعني عشان كذا ماعجبته طبعا انا سمعتها : منو الي مو عاجبته اربكها السؤال وقالت : ولا احد ....... ولاحد ... ورجعت تكمل غسل الصحون اقترب منها دورت وجهها جهتي وقلت لها : حنان انتي مو بس حلوه انتي تهبلين عيونج السود الوساع شعرج الحريري لون جسمج محد يعرف بيضاء ولا سمراء وفوق كذا قلبج الطيب وتسالين اذا حلوه انتي ماتشوفين عيال الحمرا شلون ياكلونج بعيونهم سالتني : اجل ليه مو شايفني ؟ قلت لها : خخخخخخ صدقيني هو شايفج ومو شايفج قطبت حاياتها : شلون يعني ؟! قلت لها : حنان بندر شرات أي ريال بالدنيا يبي يشوف مره كاملة الانوثه قدام عينه بكلماتها تشفي قلبه وشوفتها تسر عينه وصوتها يطرب قلبه بندر يعرف شخصيتج بكل حذافيرها يعرف حنان المستريله بس حنان الانثى وين موقعها ؟!! فهمتي ؟!!سمعيها مني وانا اختج حافظي على طيرج لايطيرعنج... وريلج ماشاء الله ماعليه قاصر الف من تربع وراه × .. طلال.. × اليوم كان جد مرهق ومتعب تسبحت بسرعه ولبست هدومي عشان الحق الافتتااح اليوم رح يفتتح معرض للوحات وانا مشارك فيه نزلت بسرعه طبعا فاتني للاسف الافتتاح لكن اهم شي لحقت ع المعرض الزورا كانو راضين جد ع الوسومات الي شايفينها وفرحت اكثر ان رسوماتي لاقت صدى طيب جدا وبالعكس جاتني عروض للشرا باسعار ماتوقعتها واكثر شي ماتوقعته شوفتها ... اهي نفسها بالبدايه حسبت نفسي اتوهم لكن يوم قربت جهتي عرفت انه واقع واني ماتخيل قالت لي بصوت مرتجف : مرحبا طلال جاوبتها : هلا سارا شلونك سارا جاوبتني : زينه ... وانت جاوبتها : الحمدالله عن اذنك وراي شغل نادتني : طلال التفت لها : نعم قالت وعيونها بالارض : انا اسفه ... انا اذيتك وايد سوري قلت لها : ولا يهمك .. ماعاد يهمني انتي صفحه وانمحت حسيتها تضايقت قالت : طلال تقدر نبتدي من جديد ؟! نكون اصدقاء قلت لها : سوري انا غير مهتم بصداقتك .. عن اذنك مشيت وطنشتها .. حسيت نفسي انتصرت عليها جرحتها تمام زي ماجرحتني صحيح اول ماشفتها حسيت بشوق لكن اول ماصرنا وجه لوجه تذكرت كل الي سوته فيني كل عذابي ماهانت علي نفسي اذوقها الاهانه مره ثانيه ايه مره وماعاد بكررها ابد ×.. سارا.. × شتوقعتي ياخذك بالحضان يقولك وحشتيني مشكوره لانك تعرضين علي صداقتك ... اكيد رح يصدك انتي جرحتيه واهنتيه تبينه ينسى ويسامح بكل بساطه غبيه .. بكن هو ساعدني يازمتي ؟ هو وقف جنبي لما كنت بالمصحه هو الي اخذ بيدي الين مارجع للطريق الصح ليه الحين يبي يتخلى عني ؟ ليه مو قادر يسامحني ؟ معقول خسرته خلاص ؟ سارا اصحي وتقبلي الواقع ... هو ساعدك نخوة منه شهامه ماهان عليه يسيبك وسط الضياع ... قاطع تفكيري صوت ماري: انتي هوني ؟ ياعمي البت عليك المكان قلت لها : ماري خلينا نطلع من هني ×... ليلى ... × بعد المغرب جونا الناس ... طبعا الرجال محد جا لانه تعارف بين الحريم ام المعرس ومعاها بنتها امي رحبت فيهم وقامت بكل الواجب معاهم وطبعا جا دوري انزل لهم واباشرهم ..... نزلت وقبل لادخل عليهم بحركه تلقائية وقفت قدام المرايا اتفاقد شكلي .. شفت المبخره قمت اتبخر بشكل سريع الله مريم الي كانت تراقبني : هي اخلصي عيب عليك الناس من اول قاعدين قلت لها : خليهم قاعدين وش ورانا قالت لي : بلا هبل .. ادخلي دخلت وانا احس نفسي ارتجف سلمت طبعا ام المعرس : ماشاء الله تبارك الله شلونك خالتي .. سالتها طبعا من باب الذوق ردت : الحمد الله وكملت سلام على بنتها جلست بكنبه قريبه من امي : لاحظت العيون الي تفحصني ياربي اشفيهم لايكون فيني شي غلط .. قمت اباشرهم بالقهوة وبعدين درت عليهم بالشوكلاته عطيت الام وبعدين اختها ولما جيت عند البنت : لاتسلمين حبيبتي ابتسمت ابتسامه صفرا : لا مايصير قالت لي : معليه مسويه رجيم احب احافظ ع رشاقتي ليلى بنفسها " دامك مسوية رجيم ليه مانثبرتي بيتكم انتي وذي خشتك " طنشتها ورجعت جلست ام المعرس : وين تدرسين ياليلى جاوبتها : بالتقنيه الطبيه علاج طبيعي اخت العريس نطت : على كذا نسبتك عاليه كانت قلت لها : 98 .97 % الكل : ماشاء الله ام نور بنفسها " قل اعوذ برب الفلق " ام المعرس : ام نور انتي عارفه انا جايه اليوم ليه ومن غير لف ولا دوران انا بنتك ابيها لولدي امي : والله احنا نتشرف يام سليمان بس عاد هالموضوع الشزر فيه لابو البنت والبنت ولازم نسأل عن ولدكم وانتي ادرى بهالامور ام سليمان : خذو راحتكم يا ام نور هذي الاصول ومحد يقول شي بس يام نور لازم تعرفون ان لاصار بينا نصيب وان شاء الله بيصير نصيب احنا ماعندنا حريم تشتغل بالمستشفيات زي مانتي عارفه حنا بدو..ولدي شرطه ان حرمته تقعد بالبيت يعين يابنتي لو تغيرين تخصك اذا يمديك هني انا طلعت شياطيني وسالت ام المعرس : عفو خالتي ولدك وش يشتغل ردت علي : والله هو يدرس هندسه ولسى ماخلص رديت عليها : يعني ياخذ المصروف من ابوه الحرمه ماعجبها كلامي : والله الخير كثير والحمدالله قلت لها : الله يزيد ويبارك لكن انا ماخذ واحد لسى يمد يده لابوه كل اول شهر امي : ليلى !! التفت لها : السموحه يمة بس هذا مستقلي ... والتفت للحرمه وقلت لها .. خالتي ترانا بدو مافرقنا عنك بشي .. واحنا عندنا البنيه تشتغل ... وانا مادرست 12سنه ودخلت جامعه عشان انثبر بالبيت لان ابنك الموقر يبي هالشي!! يعني لو انا قلت يقعد بالبيت بيقعد ؟!! وطلعت وتركتهم لوحدهم .. امي افتشلت ياحرام والحرمه صار وجهها قوس قزح ودخلت عليهم وانا بيدي المبخره وحاطه فيها عود قربت العود لجهت الحرمه لكنها ماخذت المبخره وعلى طولت وقفت وقالت : وصلت المعلومه البنيه : جد ماعندك ذوق رديت عليها : خليت الذوق لك يام ذوق طلعت الحرمه هي وبنتها ناديتهم وهم قريب الباب : خالتي بكره لامرضت حرمة ولدك لايروح المستشفى ويقول ابي دكتوره امي طبعا وصلتهم وهي تعتذر عن تصرفي امي انفجرت بوجهي : انتي جنيتي ؟!! وشهالتصرف الي سويتيه ؟ قلت لها : يمه ماشفتيها شتقول ؟!! امي : الحرمه وش قالت .. كل الي قالته الي يبغاه ولدها وتقومين تنطين بحلقها قلت لها : يمه !! ولدها لسى ياخذ المصروف وفوق كذا يبغى يتحكم فيني قال ماعندهم حريم تشتغل ولا اغير تخصي هذا الي باقي امي : طيب دام ان كلامهم ماعجبك ليه مانكتمتي الين مايروحون ونرد عليهم مالكم نصيب لازم تهزئينهم قلت لها : انا ماهزئت احد امي : لا وطولت لسانك او حركة المبخره شتسمينها ؟! جاوبتها : والله زين الحرمه طلعت فهيمه امي : ليلى الي سويتيه انا مو براضيه عنه وان درى ابوك مارح يسكت لك تذكرت ابوي : لايمه تكفين امي تنهدت : ليلى ترضين الناس تتكلم وتقول حصه ماعرفت تربي بناتها ؟ قلت لها : تنقطع لسان الي يجيب سيرتك بكلمه يخسون مايسون تراب مشيتي عليه ابتسمت امي : ودامني غاليه عندك ليه تجيبين لي الكلام .. يابنتي البنيه تعكس تربية امها لها والي سويتيه اليوم يقول اني ماعرفت اربي قلت لها وانا اتمنى الارض تنشق وتبلعني من الندم : يمه انا اسفه والله ماكان قصدي يمه " وبستها ع راسها " ماعشت ولاكنت ان جبت لك الكلام يمه انا وانفجرت بالبكاء ماعدت قادره اكمل ضمتني امي لصدرها وصارت تمسح على شعري : خلاص ياليلى انا مو زعلانه فضلت ابكي وابكي الين ماسمعت صوت ابوي : وش فيكم قمت بسرعه امسح دموعي امي جاوبته : بنتك ماتبي العريس الي جايها طالعني ابوي : وهذا الي مبكيك هزيت راسي بمعنى نعم ... ابوي سألني : طيب ماتبغينه انتهينا ليه البكا وكمل وهو يأشر على راسه ... دام هالراس يشم الهوى محد بيجبرك على شي ماتبغينه ابتسمت بوجهه وقمت رميت نفسي بحضنه مريم كانت تراقبنا : ياسلام وانا امي فتحت لها ذراعها : تعالي |
|
|
#54 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
×.. سلطان ..× رديت البيت ع الساعه عشر حصلت امايه بالصاله وهاده على حمدان دخلت: السلام عليكم الكل : وعليكم السلام امي : تعال ياسلطان طالع اخوك يلست ينبها : خير وش فيه حمدان : ياخوي فهم امك عرس مابيه امي : ليه ماتبيه حمدان : امايه ماباه وخلص قلت: حمدان انت كبرت و قاطعني : سلطان والي يعافيك هالموضوع مابغيت ارمس فيه ابد واليوم الي بغيت فيه العرس بايكم واقول خطبولي امي: ومتى بي هاليوم ؟!! حمدان جاوبها : متى ما اراد الله ... اسمحولي باسير ارقد بعد ماسار حمدان قلت لامايه : اميه تركيه ع راحته لاتضغطين عليه امي : ياولدي انا ابي افرح فيه قبل لاتغيب عيني قلت لها : عسى عمرج طويل يالغاليه ...بس هذا عرس لازم يكون يباه برغبته امي وهي توقف : براية انا تعبت معاه .. بسير ارقد طلعت حجرتي اشوف شيخه ... استغربت انها مايلست مع امي وحمدان اول ماقربت صوب الجناح كانت ريحة العود شاله البقعه واول مافتحت الباب حسيت الريحه اقوى واقوى ولقيت ورد منثور ع الارض وع الطاولات شفتها جالسه ع القنفه اول مادخلت وقفت ... ماصدقت عيني ... كانت مختلفه وايد شعرها لونه تغير وتسريحته تغيرت... مكياجها... كل شي مختلف فيها ابتسمت لي : مافي السلام عليكم ؟! سلطان بخاطره " نسيت السلام من الي شفته " : السلام عليكم ابتسمت : وعليكم السلام .. اقرب شفيك واقف عند الباب ماسمعتها شو قالت كل الي اعرفه اني تميت مبق عيوني فيها ابي استوعب الي قدامي حقيقه ولا خيال زقرتني ... سلطان فيك شي قربت منها : قولي سلطان مافيك شي .... ابي اعرف هالاحلاوه كلها وين كانت مخفيه ابتسمت وحطت راسها بالارض : يعني عاجبنك شكلي ؟!! قلت لها وانا اقرب اكثر واكثر : مو بس عاجبني الا ذابحني وخت راسها بالارض رفعته بيدي : لا توخين راسج عيوني بعدها ماشبعت من شوفت وجهج احمرت خدودها : سلطان رديت : ياقلب سلطان وروح سلطان وكل اهل سلطان دفرتني : بس عاد .. سارت لصوب الباب زخيتها من ذراعها : وين سايره قالت لي: بيب العشاء قلت لها : بس انا مابي عشا قالت : بس انت قلت لها : انتي اليوم مالج طلعه من هني ابدا ×.. الريم .. × اليوم صحيت مبكر كالعاده تعودت اصحى بهالوقت ايهز الفطور لاحمد عسب يروح اليامعه لكن اليوم الوضع مختلف احمد مو هني .. حتى ماكلف خاطره يدق عسب يطمن على ولده كنها ياته من الله .. ساعدت حنان بتحضير الفطور فطرنا كلنا وطبعا لا حنان ولابندر تبادلو كلمه ... الله يساعدهم كل واحد منهم راسه ايبس عن الثاني ... بندر طلع وتمينا انا وحنان رتبنا بالبيت ونظفناه .. استأذنت منها بروح بيتي ايب لي هدوم دام ان احمد الحين اكيد باليامعه وخليت بندر عندها طلعت رايحه صوب بيتي حسيت بحنين كبير ..اول مافتحت الباب ودخلت حسيت بالراحه .. كل شي بالبيت ماتغير نفس الجريده المرميه ع الطاوله الزهور الي بالمزهريه ماتغيرت دخلت لحجرتي حسيت برغبة اني انفجر بالبكا اول ماشفت صورة احمد ضميتها لصدري .. اشتقت له وايد ... شفيك ياريم ينيتي هو ماكلف خاطره وسأل عنج وانتي من شفتي صورته تخي سمعت خشخشة مفاتيح معقول يكون يا ؟!! مب وقته ×.. احمد ..× وصلني بندر الين باب البيت وراح صوب الجامعه ... دخلت بيتي ... اول مادخلت طلعت مني تنهيد اشتقت للبيت ولكل زواياه واشقت اكثر لراعيته الي هجرته والسبب طيشي ..اه يالريم شفت باب الغرفه مفتوح وشوي ان الريم طالعه منه .. بالبدايه ماصدقت عيني قلت اكيد اتوهم اكيد اتخيل مستحيل تكون رجعت البيت ... تمينا نتبادل النظرات من غير أي كلام قلت : الريم ؟! ماشفت غير دموعها الي جرت ع خدها وكفها الي حاطته ع فمها تكتم به صوتها ... ربعت صوبي ضمتني ...... ايه ضمتني ... مو بزعلانه طوقتها بديني تمت تبكي وتبكي رفعت راسها وسالتني : وش صار لك ؟! ومتى صار؟ ليه ماقلت لي ؟! انت بخير؟! ابتسمت لها : مافيني شي انا الحين بخير جات بتبعد عني كانها تذكرت زعلها قلت لها : مب كفايانا عذاب ؟! قالت : انت الي تسببت فيه قلت لها : ندمان والله العظيم ندمان قالت : وانا خلاص ماعدت اقدر اسامح قلت لها : وانا مقدر اعيش من دونج لحظه انا احبج والله العظيم احبج وعمري كله فدوه كلمة احبك تنطقها شفاج ... قالت : هذا انت تقص علي بكلمتين عرفت انها رضت : هذا لانج مقصه فتحت عيونها : نعم ... اخذ ثيابي احسن لي وجات تمشي حاولت الحقها لكن ماقدرت من ريلي الميبسه وتخرطف وطحت ياتني تركض : حبيبي انت بخير ؟! اخذك المستشفى قلت لها وانا امد ايدي : محد طبيبي ولا مستشفاي غيرج انتي ابتسمت الريم ابتسامة رضى ...وانا حمدت ربي الف مره انها ردت لي . ردت اخيرا وان شاء الله مارح نفترق ابدا |
|
|
#55 |
|
|
رد: (ماكل من يضحك مع الناس مبسوط ياكثر من يضحك ونفسه حزينه)
الثالث والعشرون ودي ابكي لين مايبقى دموع ودي اشكي لين مايبقى كلام من جروح صارت بقلبي تلوع ومن هموم احرمت عيني المنام انطفت في دنيتي كل الشموع والهنا مايوم في دنياي دام ان شكيت الحال محدن لي سموع وان سكت.. الناس زادوني ملام ×... بندر ... × كنت ماشي بروح للجامعه لكني توقفت اول مالمحت محل لبيع الورود سحرتني الباقات الي فيه ... تذكرت حنان والكلام الجارح الي قالته لي وتذكرت كلامي .. اعرف اني غلطان وتجاوزت حدوي معاها لكنها تستمتع بأستفزازي .....اوف بندر انت غلطان لاتكذب على نفسك يكفي انك خليتها تبكي ا ه اول ماشفت دموعها حسيت بالنار تسري بجسمي اخر شي كنت اتمناه اني اكون سبب بدمعه بعيونها اشتريت باقه من الروز الاحمر ورجعت لبيتي اول مادخلت لقيتها مبسطه ع الارض وتلعب مع بندر الصغير وكانت ابد مو منتبه لي فضلت اتأملها اتامل شعرها المفلول ضحكتها الي طالعه من قلبها وهي تلعب مع بندر لو ربي رزقنا باطفال رح يكونون بحلاوتها بشقاوتها رح احبهم وايد لانهم منها قطع علي صوت موبايلي وهو الي خلا حنان تنتبه لي وتلفت اول ماشافتني تغيرت ملامح وجهها خذت المشكبك ولمت شعرها انا رديت ع الموبايل : هلا ..فيك شي ؟ ... اها ... الله يديم المحبه ... خخ ولايهمك بالحفظ والصون في امان الله بعد ماخلصت المكالمه شفت حنان تلم بالالعاب ع الارض قلت لها هذا احمد يبشرني انه اصطلح مع الريم ردت من غير لا تطالعني : الله يهنيهم قربت منها جلست ع الارض قريب منها طلعت الباقه من ورى ظهري ومديتها لها طالعتني باستغراب : شو ذا ؟ قلت لها : ورود ردت علي : تصدق على بالي سعف نخل قلت لها وانا اتجاهل مصخرتها : حنان انا اعرف اني زودتها بكلامي بس انتي استفزيتيني واهنتيني و قاطعتني : يعني انت الي ماسويت شي ... ؟! قلت : بس انتي قاطعتني : انا وشو ؟ ليه مو راضي تعترف انك غلطان والغلط راكبك من ساسك لاراسك تأفت : اوف وبعدين تبين تصطنعين هوشه من ولاشي ردت : انا ولا انت ؟ قلت لها : تعرفين انتي مو وجه احد يعبره حنان ردت تتمصخر : لا الله يخليك عبرني .... عصبت : انا استاهل كل الي يجيني وقمت بطلع نادتني : خذ ورودك معاك قلت لها احرق اعصابها : خليها لك انا متأكد ان بعمرك كله مافي احد عبرك وقدملك ورد ولو عن طريق الخطأ وطلعت وتركتها ×.. عبد الرحمن .. × نزلت الصاله لقيتها جالسه ومسطحه ضحك ع الاخير .. شكل المكالمه باسطتها شافتني وانا اجلس ع الكنبه قفلت السماعه قلت لها : ها العروس اشوف الضحكة شاقة الوجه احلام : تو الناس ع العرس قلت لها : جزات الي يدلعك انتي وجهك احلام : لا ياشيخ ضحكت عليها : خخخخخ معاك حق مافي عروس كشتها منكوشه زيك احلام : انا معندي كشه سألتها : طيب ماعندك ماعندك ليه كان صوت ضحكتك واصل اخر ال احلام كأن احد مدغدغها : خخخخخخخخخخخخخخ هاي كله من ليلوه هاي والله انها مو بصاحيه اول ماسمعت اسمها حواسي كلها تنبهت ليلى ياحلاة الاسم سألتها : وش فيها ليلى ؟! طالعتني بمكر :اشوفك مهتم ؟! حاولت ابين طبيعي وانا بداخلي احترق ابي اعرف وش فيها : ابد عادي بس ابغى اعرف وش قالت لك عشان تصطحين ضحك احلام حبت تحرق اعصابي وقالت : سوري ماقدر اقولك سوالف بنات قامت بتطلع غرفتها وقفت ع الدرج وقالت لي : تصدق مدري ليه اقولك لكن ليلى رفضت العريس الي تقدم لها ...... وطلعت على طول رفضته ... رفضت الي تقدم لها ... حسيت بخليط من الفرح والحزن فرحان انها ماصارت لغيري وحزين لاني اعرف انها مارح تكون لي ×.. سارا.. × الضياع ... الكلمه الوحيده الي توصف وضعي الحالي هذي هي انا ضايعه ... ضايعه بعالم غريب عجيب اضحك مع الناس وبداخلي حزن... ضيقه كدر... الم .. تعاسه ... كلها مترادفات والمعنى واحد .. لحظات كثيره تمنيت الموت ... اموت وارتاح .. ارتاح من كل شي حولي .. من ناس ماهمها الا جسمي وناس ماهما الا فلوسي وناس همها التسليه ... رميت السيجارة من يدي واتجت للبا اخذت من العلاقه معطفي الفخم وحطيته ع جسمي الي ماكان يستره الا تنوره حمرا لنص الفخذ ومع قميص من الشيفون الاسود ماري الي شافتني عند الباب : وين بدك تروحي ؟ الساعه 8 الصبح ؟ قلت لها : تعبانه مخنوقه ابي اشم هوا نظيف ماري : مثل مابدك مع ان السهره هلا بتحلى طالعتها وانا منقرفه : I am not interested ماسمعت وش قالت لاني على طول طلعت ...وانا ماشية لفحني البرد قمت اتكور على نفسي يمكن احس بالدفء شوي قلبت بصري بال شفت ناس مفترشه الارض وناس تنبش بالزبالة " وانتو بكرامه " عن لقمة العيش وناس تشحذ حتى بنات اليل الى الان مانتهى دوامهن كل وحده ماسكه ركن يمكن يجيها زبون .. بنات اليل وانتي شتفرقين عنهم ؟ هذيل اجبرتهم ظروفهم جوع فقر ديون انتي يابنت المليونير وش الي يخليك تبيعين جسمك ؟ تبين تنتقمين منه ؟ تعذبينه ؟ تحرقين قلبيه ؟1 غبيه هو ولا سأل عنك ولا درى فيك .... لفنت انتباهي سيارة توقفت بعرض ال المتواضع تتناقض بكل فخامتها مع هال الفقير نوعا ما .. نزل منها شخص اعرفه وماعرفه يقولون انه ابوي هذا الي مكتوب بطاقه الشخصيه عديت من جنبه ولا كاني شفته مسكني مني يدي : اطلعي السياره طالعته بنظره تحدي : مو راكبه واترك ايدي طنشني ورماني داخل السياره بكل قوة ... كنا ساكتين ماتبادلنا أي كلمه الين ماوصلنا السجن الحجري امرني : نزلي قلت له : تعرف ان هذا يسمى اختطاف؟ سحبني بذراعي الين داخل البيت وعلى اول كنبة بالصالون رماني باقسى قوة واختفى .. رجع بعد فترة وبيده ظرف طلع الي فيه ورماه بوجهي قالي : شنو هاذا ؟! طالعت الصور كانت صوري من اخر جلست تصوير عملتها قلت له : صور قالي : لا ؟ انتي شلون ترضين تتصورين بهذي الوضعيه What happened to you قلت له : هذا شي خاص فيني وقمت بطلع سحبني من ايدي بقوة قالي : لاتختبرين صبري سارا .. وكان كانه يشم ريحه .. سألني : مرغوانا تدخنين مرغوانا... انتي شنو ماتوبين سحبت ايدي منه بقوة : انت بالذات مالك خص فيني انا حرره اسوي الي ابيه وانت مالك أي خص فيني ترى كلها مكالمه وارميك بالسجن .. سحبني من شعري بقوة وقال وهو بقمة عصبيته : ترمين منو ؟ انا ابوك ؟ ضحكت بسخريه : ابوي ؟ انا ابوي ميت من زمان ارتخت ايده شفت صدمه بعيونه كملت : ابوي مات من يوم ميلادي عمره ماكان موجود معاي ...عمري ماحسيت بحضنه يدفيني ابوي الي يوم كنت ابكي باليل خايفه وانا طفلة بعمر 6 سنين كان هو باحظان عشيقاته يضحك ويسكر .. ابوي الي صار يعرضني كاني سلعه بحفلاته الاجتماعيه " ابوي تفاجأ من حدة غضبي وصريخي وجلس ع الكنبه بحالة ذهول كامل " وين كنت يا ابوي يوم تحرش فيني حارسك وين كنت يا ابوي يوم دخنت اول سيجاره وين كنت يوم شربت لاول مره وين كنت يوم ما قمت اعرض جسمي لوكالات الازياء وين كنت يوم سافرت لمنهاتن ونمت بسرير رجل ماهو حلالي وين كنت يوم غبت عنك ثلاث شهور ماسالت عني ؟ اعتقد انك حتى ماحسيت بغيبتي وين كنت يوم جا الغريب ومد ايده يساعدني ياخذ بأيدي عشان انظف لمعلوماتك انا كنت بمركز اعادة تاهيل كان جالس مصدوم من كلامي اعتقد ماتوقع اني رح انفجر بوجهه قلت له وانا انفجر بكى : انا اكررهك اكررهك تمتع بفلوسك تمتع بكل شي حولك لكن انا ياريت تشطب اسمي من حياتك زي ماشطبتك ويكون بعلمك انا مانحدرت لها المستوى الا عشان انتقم منك عشان احسك اني موجوده لكن للاسف عمر قلب الصنم مايحس وطلعت على طول اتجهت لاقرب بار وطلبت لي كاس انسى بيه كل همومي ×... تركي ...× كانت جالسه وسرحانه ع الاخير قربت منها وقلت :مالو الحلو زعلان ودقيتها بكتفي .. ابتسمت بثاقل وقالت لي: سلامتك طالعت وجهها كان مختلف تمام وجهها الباسم عيونها الحالمه اختفت ...صار مكانها وجه بلا ملامح العيون كلها حزن قلت لها : نوراري حبيبي شتفقنا احنا ؟ نور بدت دموعها تنزل : مو بيدي والله مو بيدي ضميتها لصدري : نور ذكري الله فضلت تبكي بحظني والتزمت انا الصمت ×... طلال...× كنت بطريقي رايح للمعرض.شفت شخص يشبه احد اعرف في البدايه قلت اتوهم كملت طريقي ولا علي منه مع ان هالشخص كان مبين عليه الانهيار مشيت مسافه طويله لكن الشك ذبحني على طول رجعت فتحت الباب ودخلت للبار شفتها جالسه ع طاوله منزويه وتشرب كاس مارتيني بيدها كان شكلها منتهيه ع الاخير حسيت بقهر منها بعد كل شي رجعت للمشي البطال قربت منها سحبت الكاس من يدها : ليه تسوين بنفسك كذا قالت : نعم وشتبي انت بعد وسحبت الكاس وكملت شرب قلت لها وانا واصل حدي : قومي .... قومتها بصعوبه دفتني بعيد عنها : اتركني انتو شفيكم علي اتركوني وحدي وقامت بتطلع من المحل كانت تترنح مو قادره تمشي خطوتين ع بعضها كانت رح تتطيح ع الارض الا ان رجل مسكها وبدا بكل وقاحه يتحس جسمها ثارت اعصابي سحبتها من بين ذراعيه حاول يعترض طريقي لكن نظرتي الحاده كانت كفيلة بتراجعه سحبتها الين ماطلعنا وقفت سيارة تكسي رميتها فيها وطلعت عبيتي وصلنا البيت ودخلتها كانت تسب تقاوم ضربتني ع صدري كانت بحاله سكر لابعد درجه وشكلها فوق كذا ماخذه مخدر ماعرفت كيف اهديها مالقيت الا يدي منطبعه على خدها وعاطيها كف ×سارا× كف انا انعطى كف ومن منو طلال ماحسيت الا ويده تسحبني موعارفه وين كان بياخذني صرخت : اتركني محد له شغل فيني شتبون مني انا اكرهكم ابي اموت ابي اموت مارد علي .. اخذني الحمام " وانتو بكرامه " دخلني تحت المروش وفتحه علي كانت المويا بارد حسيت نفسي رح اموت صرخت فيه : اتركني باموت لكن لا حياة لمن تنادي كان مثبتني باقصى قوته عشان لا اتحرك وصرخ فيني : اصحي من الدمار الي انتي فيه وفجأة اختفى عني الغريب اني ماتحركت بالعكس فضلت تحت المروش فضلت المويا تنزل وتنزل يمكن اني كنت ابي المويه تغسل احزاني تطفي النار الي احسها بصدري .. وبعدين دخلت بنوة من البكا بكيت وبكيت صرخت باعلى صوتي افضفض عن الي بقلبي ... طلال رجع ومعاه روب حمام اغلق المروش وغطاني بالروب .. ساعدني اوقف لان رجولي ابد ماكانت تساعدني اني اوقف او امشي ...وصلني الين غرف نومه .. فتح الدولاب طلع لي بنطلون رياضي وتيشرت وحطها ع السرير وقال : معليه ماعندي ثياب تناسبك ... بعد ماتغيري ملابس اعطيني انشفها لك وطلع من الغرفه وسكر الباب غيرت ملابسي ...كانت الملابس كبيره بس عاد مشي الحال طلعت للصاله كان يسوي القهوة اول ماطالع بوجهي حسيت بالخجل تمنيت الارض تنشق وتبلعني دايما مواقفي البايخه وبلاوي ماتطلع الا قدامه قالي بلهجة امره : اجلسي استسلمت للاومر قرب مني وعاطاني كاسة القهوة : اعتقد انك رح تحتاجينها خذيتها منه صرت اشرب وانا ساكته اصلا مالي وجه اتكلم كل مارفعت عيني شفته يطالعني من كنبته البعيده عني اخيرا تكلم : ممكن تفهميني شلي صار لك ... ليه مصره تقعدين بالحضيض ؟شلون هانت عليك نفسك يا سارا ؟ بعلت ريقي بصعوبه وبدت دموعي تنزل: محد حاس فيني محد قادر يفهمني انا كل يوم احترق اكثر واكثر الناس تنتظر اليل عشان ترتاح وانا اهرب منه عشان لاحس بوحدتي عندي كل شي فلوس جمال مركز ومع كل هذا داخلي الحزن بانيلة قصور قولي ياطلال لو عشت طول عمرك محروم من اهلك وهم قدام عينك شلون بيكون احساسك لما تشوف ابوك حاط غيرك بحظنه وانت تمنى الضمه ماتلقاها تمنى البسمه ماتشوفها حتى لما كبرت تعلمت ان عشان تاخذ لازم تعطي المشكله اني عطيت وما خذيت شي غير كسر قلبي ... تعرف انا دوم اسمع الناس تكلم عن امهاتها وانا ماعرف عن امي غير صوره حتى لما رحت ابي اكلمها اشوفها ماقدرت خانتني رجولي رجعت لها ثاني مره كانت مع عيالها اخواني تضحك وتلعب تصدق شافتني وابتسمت امي ماتعرفت علي ياطلال ..بديت امسح دموع تستغرب ليه وصلت كذا ؟ انا مافي غير الخمر ينسيني الفتره الي قضيتها بمركز اعادة التاهيل مافادت انا صرت اصلا زبونه كل بعد فتره اروحلهم قالي : سارا انتي تعرفين شي اهلي استغربت السؤال : لا قالي وهو يستند على ورى : يمكن تفكرين اني ابن عايلة غنية ارسلت ولدها عشان يتعلم ويجيب الشهادة من امريكا وابوه يفتخر فيه سوري لتخيب ضنك بس انا مو كذا ... انا ابوي رجال بسيط راس ماله بهالدنيا سمعته الطيبه وانا واختي امي توفت بعد ولادتي مباشره يعني ماشفتها ولا اعرفها حتى الصور ماعندي احترقت يوم احترق بيتنا ربتني اختي الكبيره ابوي كان يشقى ليل نهار كان موظف حكومي يطلع من صبح الله يدور بالشوارع اذا حصل له راكب ركبة معاه ب10 ريال زي ماتقولين تكسي وبعدين يروح لدوامه الحكومي وبعد مايخلص يعني 2 الظهر يرجع البيت يتغذا ويريح يأذن العصر يصلي ويطلع ومايرجع الين 12 باليل يدور بالشوارع .. كان راتب ابوي المتواضع مع شغله كسائق اجره يكفي احتياجاتنا .. كان وضعنا جيد ايام ماكنا ساكنين بيت شعبي ورثه ابوي عن ابوه حتى بعد ماحترق جزئ كبير منه ماغيرناه حاولنا نرم فيه قد مانقدر ظروفنا ابد ماكانت تسمح لنا نستأجر بيت اختي تزوجت وانا عمري 10 سنين وعقب زواجها بشوي ابوي توفى ...زوج اختي هو الي رباني بعد كذا كان لي الاب والاخ عمري ماحسيته يفرق بيني وبين أي احد من عياله بالعكس كان يقدمني عنهم باوقات كثيره .. كنت ابذل جهدي بدراستي عشان افرحه واخليه يفتخر فيني بالمتوسطه اشتغلت بعد المدرسه وماقلت له لما اكتشف هالشي زعله مني وايد وخلاني اترك الشغل هو كان بدأ يشتغل ب والحمدالله الله وفقه فيها خصوصا انه رجل امين اجتهدت بالثانويه وجبت نسبة عاليه طلعت لي ع اساسها بعثه .. يعني انا هنا على حساب الدوله ومع هذا انا عايش حياتي اشتغل عشان اصرف ع نفسي وبنفس الوقت ادرس اوكي عندي فلوس البعثه لكن مهما كان ماتكفي غير كذا احب الرسم فحبيت استغل هالموهبه بتوفير مصاريفي ...يعني باختصار الحياة ماكانت مفروشه لي زهور ولا انولدت بفمي ملعق من ذهب بالعكس في ايام كنا نشتهي الشي مانقدر نجيبه بسبب فقرنا لكن تعلمنا نحمد الله على كل حال .ليه انا مانحرفت ليه مالجأت للمخدرات ؟لخمر؟ مع اني لو تاجرت فيها رح اجيب فلوس بالهبل واتخلص من فقري ؟!!!!!! الفرق بيني وبينك اني انا اقتنعت بقسمة الله لي وسعيت اني اغير من واقعي بنفسي من غير لا انتظر احد يغيرلي حياتي بعكسك انتي كنتي تبين كل شي يجي الين عندك من غير لا تبذلين أي مجهود .. رحتي مره لابوك قلتيله انك محتاجه لحنانه لعطفه ورعايته ؟ حاولتي تقربين منه ؟ ما قمتي بأي شي حتى الدراسه ماهتميتي فيها اخترتي اقذر المهنات عشان تثبتين لنفسك انك مهمه عشان ترضين غرورها المريض ماهمك ان العيون تنهش لحمك وان عرضك ينتهك ولاشي همك صار عندك فلوس وشهره ومع هذا موعاجبك قلتي اجرب شي جديد قاي احمد عجبك مع انك كنتي تعرفين انه انسان مرتبط لكن غرورك وجشعك صورلك انك لازم تحصلين عليه ماهمك تجرحين قلوب وتعذبينها كان همك بس اشباع رغباتك المرضيه ... احمد كان محظوظ وربي سخرله بندر الي قدر يرجعه لعقله وبعد مافقدتي لعبتك قمتي تلعبين بنفسك كل يوم بار وجربتي انواع المخدرات والنهايه اعادة تأهيل وبعد ماطلعتي تغيرتي ؟ ابدا رجعتي لنفس الموال .. ارحمي نفسك ياسارا ارحميها ..نفسي اعرف ماقد جلستي بينك وبين نفسك وحاسبتيها مافكرتي لا صرتي تحت التراب وش بيكون حالك بأي وجه رح تقابلين خالقك كلامه هزني من داخلي عمر احد ماكان بهاذي المصداقيه معاي حسيت طلال يجردني من كل الزيف الي حولي وفتح عيني على اشياء عمري مافكرت فيها شفته قام رح الحمام " وانتو بكرامه " ورجع كان شكله متوضي شفته استقبل القبله وقام يصلي صلى ركعتين وسلم قلت له وانا دمعي ع خدي وكانت دموع حاره : طلال ممكن تعلمني الصلاه ابتسم بوجهي : ان شاء الله ورح ابدأ معاك من الوضوء لا تستغربون انا بس مسلمه بالاسم ماعرف أي شي عن ديني الا اسمه ماكان موجود من يعلمني ولا انا اهتميت اعرف عنه شي |
