 |
  |
|
|
|
|
#46 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 12
// في الشاليه في الصاله نواف:جمانه وبعدين ترى مره طوولتي ماكان اتفاقنا هذا جمانه: على ايش؟ نواف:على ريم ياجمانه انتي ايش فيكي؟ جمانه في نفسها:هذا متى يفكني من ريم جمانه:والله حبيبي ماادري بس اشوف نواف بعصبيه: لمتى يعني لك فتره وانتي تقولي اشوف اشوف اشوف مدري والنهايه جمانه:طيب بشويش لا تعصب عليا نواف:انا مااحد يقولي لا تسوي ولا تعصب الي انا ابغاه انا اسويه بكيفي جمانه:نواف لا تعلي صوتك عليا نواف :جمانه انتي ماتتحكمي فيا ومين تكوني عشان تتحكمي فيا جمانه:نواف انت ليش تتكلم عني كذا ولو سمحت احترم نفسك نواف يمسك شعر جمانه جمانه:آآآآ نواف شعري نواف:شوفي ياجمانه لسانك هذا بقطعه قريب انشاء الله ولو ريم ماجاتني هذا الأسبوع بتصرف معاكي تصرف تاني جمانه تصرخ: ماراح اجيبها لك عشان تبطل هالأسلوب الوقح معايا نواف يضرب جمانا كف جمانه:انت حقير نواف يدف جمانا ويرميها بالأرض جمانه:لا خوفتني ماراح اجيب ريم ومالك عندي وعد يلا روح نواف :اوووكي ياجمانه اشوف انا ولا انتي نواف يفتح جواله على مقطع فيديو جمانا تشوف المقطع وتبكي جمانه تصرخ: نواف لا هذي مو انا لالا متى صار هذا الشي لا مو انا والله مو انا نواف لا نواف يضحك بخبث: زي المجانين هههههههههه تفتكري يوم جيتي هنا وشربتي كاس ونمتي معايا جمانه :لا تقول ان..... وسكتت جمانه نواف يطالع في جمانه بخبث ويضحك: هوا دا ههههههههههه جمانه تبكي: لا ليش يانواف ليش حرااااام والله حرااااام نواف يفتح على مقطع تاني جمانه تشوف المقطع جمانه بصدمه: لالالا مو معقول لا تقول هذي انا انا مابت معاك ولا ليله مستحيل يكون صار بيننا شي نواف يضحك: تفتكري يوم قمتي من النوم وكنتي جمبي بالسرير ولما قمتي قلت انك دختي وقتها كنت معطيكي منوم جمانه تبكي: لااااااااااااااااا ليش يانواف ليش حرام عليك آآآآآه ياربي ليش يانواف تسوي فيني كذا نواف: اجل لوشفتي الباقي ايش بتسوي جمانه: لسه في تاني نواف يضحك:هههههههههه وثالث ورابع وخامس وعدي واغلطي جمانه:تضرب نواف كف نواف: يالحقيرا "ويشد على شعرها" بمشيها لأنك معصبه يالدنيئه شوفي ياجمانه لو ريم ماجاتني خلال هذا الأسبوع بتكون نهايتك على يدي وانتي لسه ماشفتي الصور الي نسختها على 500 سي دي جمانه تبكي: لا لا نواف: خلاص ياحلوه نواف يترك جمانا على الأرض ويروح جمانه:آآآآآآآآآآآ ياربي ليش ليش في بيت مازن في الصاله رولآ ومازن يشوفو التلفزيون مازن:رولآ هوا متى زواج سعود رولآ ارتبكت رولآ:ها مازن:ايش فيكي بقول متى زواج سعود؟ رولآتنزل راسها مازن يرفع راسها:رولآ ايش عندك؟؟عندك شي بتقوليه صح؟ رولآ: شوف يامازن الي بقوله لك دحين مااحد يعرفه غيري انا وريم مازن:ومن غير ماتتكملي انا زوجك ومستحيل اقول لأحد رولآ:ميرا وسعود اتفقو انهم يفترقو مازن بدهشه: نعم ليش؟ رولآ: يوه يامازن حكايه ياطولها كل الي شايله همه ميرا ياعمري انت عارف ان ميرا وسعود بالمستشفى لسبب واحد مازن: ايش هوا؟ رولآ: طلع بلوتوث على ميرا بلوتوث من الي هوا يعني واترسل على سعود وشافه سعود وانصدم وراح لميرا وشافته وهيا كمان انصدمت وصار الي صار بس المشكله ان سعود مصدق البلوتوث ومكذب ميرا مازن: معقول ..طيب مين الي مسوي البلوتوث.؟ رولآ: ماحد داري مين بس ريم شاكه بوحده تقول صار موقف بينهم وهيا من هذوله البنات مازن: وميرا اكيد مو منهم. رولآ: اكيييد مو منهم مستحيل تكون كذا لو شفتها انا بعيني مستحيل اصدق مازن:مادام كذا لازم سعود يعرف الحقيقه رولآ:اذا حبيبته وخطيبته وروحه وعمره ماصدقها بيصدقنا احنا سعود مستحيل يصدقنا مازن:اجل خلاص بنحاول احنا نبين الحقيقه لأنو حرام تنتهي حياتهم على شي ماصار رولآ:ياعمري عليهم حتى ريم شايله هم اخوها تروح لميرا تراضيها وترجع تراضي سعود ياحياتي قلبها ابيض لو تشوف حالتها تقول خطيبها الي تركها مو خطيب ميرا مازن يبتسم:رقيقه رولآ:فوق ماتتصور تحس بالي حولها وتخاف انها تجرحهم وتخاف ان احد يجرحهم وتخاف من دموعهم وتموت على ضحكتهم مازن:يعني خلاص ميرا وسعود بيفترقو رولآ:الله يهديهم ويرجعو لبعض في بيت بدر بدر:ها نوف جهزتي نفسك؟ نوف:على ايش؟ بدر:على السفريه نوف: متى انت حجزت؟ بدر:والله لقيت حجز يوم السبت نوف: اليوم الثلثاء صح..باقي وقت بدر:على ايش؟ نوف:على التجهيز مافيني اقوم دحين بدريبتسم نوف:حبيبي بدر:ياهلا نوف:ماابغى اوقف دراسه ابغى اكمل بدر: كل الي تبغيه يصير انتي تامري بس ماراح يكون تعب عليكي نوف:لا مو تعب ايش بيصير يعني؟ بدر:على راحتك حياتي يدق جوال نوف على نغمه }حبيبي وانا جمبك تعرف بحس بإيه وانا بحضن قلبك مابقى عايز اقولك ايه يامحلا الدنيا وانا جمبك ياكل الي ليك محتاجلك {حبيبي ياعمري ماتسبنيش وحياة اغلى حاجه عندك نوف:ياهلا والله بالقاطعه خوله:لا والله حبيبتي ماقاطعتك نوف: اجل ليش ماتتصلي؟ خوله:عارفه صاحبتك تحب الإتصالات والحكاوي ومافي رصيد بجوالها على طووول نوف:مايحتاج تقوليلي عارفه وحافظه خوله ونوف يضحكو خوله:اسمعي نوف:معاكي خوله:يوم الأربعاء الجاي عندي حفله في قاعه نسايم ليل تقريبا نص بنات الجامعه هناك نوف:زواج قصدك؟ خوله:لالا دجه بنات وصرقعه وهبال نوف: وآآآآآآو حماس خوله:هاجايه نوف بحزن:لا مااقدر والله قهر خوله:لييييييييييييش؟ نوف:السبت بنروح لندن خوله:لااااا لاتقولي نوف: والله قهر خوله:طيب ليش رايحه لندن؟ نوف:عشان ميرا خوله:اها..طيب ليش ماتقعدي انتي وخلي زوجك يروح نوف:ممكن ..بس مايهون عليا اتركه خوله:عشاني نوف لا تحسسيني انك من بعد مااتزوجتي نسيتيني نوف:والله نفسي اجي بس اشوف بدر خوله: ترا بتكون فله مرره نوف:والله من زمان عن الحفلات والدجه وهبال البنات خوله:لايفوتك جايبين دي جي نوف:فلللللللله خوله:قولي للبنات يجو نوف:اي بنات؟ خوله: بنات خالاتك يابنت نوف:اها ,,خلاص انشاء الله خوله:بليييز قولي لزوجك لا تنسي نوف: ولا يهمك خوله: طيب يلا باي نوف:بايات نوف تسكر الخط بدر: عندك طلعه صح نوف :ايوا بدر: على فين ومتى؟ نوف تنزل راسها نوف:يوم الأربعاء الجاي في قاعه نسايم ليل بس مو زواج دجه وصرقعه بنات بدر: يعني؟؟ نوف بإحراج: يعني ..يعني .. يعني بدر: يعني ايش؟ نوف:لو ماعندك مانع اجلس هنا مع اهلي وانت روح بدر يطالع في نوف:يهون عليكي؟ نوف:لا والله يهون بس تدري لي فتره مالي في طلعات البنات والدجه وبعدين مومرتاحه لهاذي السفره بس اذا مو موافق عادي خلاص بدر ساكت نوف تطالع في بدر: انت مو موافق صح؟ خلاص عادي بلاها من حفله مولازم اروح بدر: لا نوف بالعكس انا ابغى راحتك بس يعني راح اكون قلقان عليكي نوف:ماتشيل هم انا مع اهلي بدر: كل الي تبغيه يصيروعشان خاطرك بوافق نوف: من قلبك ولا من وراه؟ بدر:انا بحياتي ماقلت لك كلمه من ورا قلبي ياحياتي انتي نوف تبتسم في غرفه سعود لآعــآد تـ ع ـنيني ولآ أعنيــكْ كـل [نْ] بـدربـَه و × انتـهينــآآ × سعود يكلم نفسه: وبعدين في حالتي هذي انا لازم انسى ميرا الي خلق ميرا خلق غيرها وهذي هيا الحياه مافي احد يعيش سليم ليش احبس نفسي بين اربعه جدران خليني اقوم البس واطلع مع الشباب ابركلي من هالنكد سعود يلبس وينزل وهو طالع عند الباب ام سعود: سعود سعود:هلا امي سعود:على فين؟ سعود:طفشان بطلع مع الشباب ام سعود: تعال دقيقتين بس ابغاك بموضوع سعود: انشاء الله في الصاله سعود يجلس:ها امي خير ام سعود: انت يوم قلت تبغى تتزوج قلنالك فكر وقلت فكرت واخترت وماراح اندم وقلنالك ان الزواج مو لعبه سعود: والخلاصه ام سعود:انت ليش ماتسأل عن ميرا ولا تروح لها؟صار شي بينكم؟ سعود يوقف:امي..انا وميرا انفصلنا ام سعود: نعم..انفصلتو..سعود انت تمزح سعود:لاامزح ولا شي ام سعود بصدمه:ليش ايش صاير سعود اتكلم سعود:هذا شي خاص فينا امي ارجوك لاعاد تسأليني تاني ام سعود تصرخ:انتو الإثنين مجانين تتصرفو كذا من عقلكم مافكرتو ايش بيصير من بعد قراركم نسيتو ان باقي على زواجكم اسبوع سعود:امي اهدي مالها داعي العصبيه الزواج راح يضرنا اكثر انا وميرا مو مكتوبين لبعض سعود يترك امه ويطلع وهو مجروح ام سعود: لا مو معقول الي بيصر لا ريم تجي:ماما ايش فيكي ايش صاير؟ ام سعود: سعود وميرا انفصلو هذوله مجانين ولا انا الي بنجن ريم سوت كنها ماتدري ريم تمثل انها منصدمه: من جد لييييش ايش صار ؟ ام سعود: مو هذا الي مجنني ريم: لالامومعقو سعود وميرا ينفصلو شي مايتصدق ام سعود:جهزنا كل شي للزواج وانتهينا وبعدين يقولو انفصلنا والمعازيم ايش بقول لهم ريم: ماما اهدي بتنحل انشاء الله ريم تجيب لأمها كاسه مويه ريم: اشربي ام سعود تشرب المويه ام سعود: آآآآخ ياربي انا ايش اسوي دحين ريم: ماما هونيها وتهون تنحل ان شاء الله ام سعود تمسك راسها:ليش ياسعود ليش في بيت ميرا في الصاله ام ميرا توقف وبصدمه: ايش؟؟انفصلتو ليش ؟صار شي؟؟ ميرا تحاول تحبس دموعها وتكتب:احنا فكرنا وقررنا ولقينا انو هوا دا الحل ام ميرا: اي حل انتو تتصرفو كذا من عندكم ايش الي صار؟؟ ميراتكتب: هذا الشي بيني وبينه ياماما مااقدر اقوله ام ميرا: كمان موراضيه تقوليلي ايش صار ميراتكتب: احنا مومكتوبين لبعض سعود راح في حاله وانا في حالي ميرا صارت تبكي ام ميرا تحضن ميرا:ميرا ايش صار حبيبتي قوليلي انا امك بس حياتي لا تبكي ميراتكتب :ماما الله يخليك لا عاد تسأليني عن هذا الموضوع قلت لك انفصلنا وخلاص كنسلي كل شي ميرا وهي منهاره وتكتب: كنسلي الزواج كنسلي المعازيم وكنسلي على فستان الفرح كنسلي كل شي ميرا صار تقطع الورق وتبكي ام ميرا تحضن ميرا: بس حبيبتي بس لا تبكي خلاص بكنسل بس انتي اهدي ولا ابغى اعرف ايش الي صار بس اهدي اهدي حبيبتي لا تبكي ياعمري بدر يفتح الباب ويدخل بدر: السلام عليكم ام بدر: وعليكم السلام بدر يروح يمسك يد ميرا: ميرا ايش فيكي ليش تبكي ميرا ما ترد ام بدر: خلاص بدر بعدين بدر يشوف الورقه الي كتبتها ميرا بدر: انا كنت حاسس انو في بينكم شي لأن تصرفات سعود هاليومين غريبه ماقام يسأل عنك ولا حتى اعطانى رايه بموضوع سفرك ام بدر بصوت عالي: بس يابدر بس اختك مو ناقصها عشان تزيدها بدر: يسكت ميرا تكتب: بدر خلصني من هالموضوع ابغى اسافر بسرعه ماابغى اجلس هنا ولا يوم بدر: خلاص يوم السبت السفريه جهزو نفسكم وعلى فكرا نوف مو جايه معانا بتجلس مع اهلها ام بدر: ليش؟؟ بدر: عندها حفله يوم الأربعاء وماتبغى تفوتها وبعدين يا امي لسه جايه من لندن تروحها تاني ام بدر: بكيفها يا ولدي في بيت ديمه جمانه تدق الباب ديمه تفتح: يالمجنونه انتي ايش جابك هنا لا يشوفك عمي جمانه تبكي: ديما الحقيني ديمه: اقول عمي لا يشوفك روحي لستار بكس وانا بجيكي دحين جمانه اوكي جمانا تركب السيارا وتمسك الجوال وتدق على صبا جمانه: صبا الحقيني صبا من غير نفس: خييير ايش فيكي ايش صار تاني؟ جمانه:تعالي على ستار بكس انا وديمه هناك صبا في نفسها: اوووووووف صبآ: اوكي خلاص جايه في الكوفي جمانه جالسه على الكرسي وحاطه راسها على الطاوله ديمه: جمانه ايش فيكي ليش تبكي؟ جمانه وهي تبكي: الحقير نواف ياديمه الحقير ديمه:ايش فيه؟ جمانه:يهددني بالصور والفيديو الي عنده ديمه: اهدي وحكيني ايش الي صار بالظبط؟ جمانه: النذل يهدنني لو ماجبت ريم هذا الأسبوع بينشر صوري والفيديو ماكنت اعرف انه مصورني ماكنت في وعيي الحيوان مشربني كاس ماافتكر شي ديمه منصدمه: معقوووووووووووول لا لا مو مصدقه جمانه: قوليلي ايش اسوي؟ ديمه: جيبيله ريم جمانه: تتوقعي راح يعطيني الصور والفيديو لو جبتها ديمه: انتي جيبي ريم وخلي الباقي عليا جمانه: ايش بتسوي؟ ديمه: لا مو انا راكان صبا: اهلين بنات جمانه: شوفتي ايش صار فيني؟ صبا: ايش فيكي؟ ديمه: نواف مهددها بالصور والفيديو لو ماجابت ريم خلال هذا الأسبوع تخيلي صبا: انتي لك فيديو وصور!!!! متى؟؟ جمانه: مشربني كاس وقتها ماكنت في وعيي صبا: ياويلي مااتخيل كل هذا من نواف النذل ديمه: من جد ماكنت اتخيل جمانه: دبرولي صرفه معاه صبا: انا مالي اخاف يصيرلي زييك جمانه:تتخلي عندي ياصبا صبا:والله الي زيك ماتشرفني صداقتها انتي باقي لك كم يوم وتنفضحي عند العالم وبعدها بيقولو انتي صاحبتك واسوي زييك وتخربي سمعتي لا ياماما صبا تقوم توقف:يلا باي جمانه تبكي: روحي انا في غنى عنك مو محتاجتلك ديمه: بس جمانه اهدي الناس يطالعو فينا جمانه: وانتي كمان بتتخلي عني ديمه: قلت لك خليها عليا صدقيني مابتخلى عنك تابع // // |
|
|
#47 |
|
|
رد: احتاجلك اذا ضيق الوقت صدري.. اتمنى من الكل يدخ
تابع
// // في سويسرا ماهر على الجبل والثلج ينزل:الله شباب منظر ولا اروع مهران:جو ولا اروع مو بس منظر وسام: سويسرا احلى بلد في الدنيا وسام صاحب ماهر من الجامعه نايف:والأحلى بنات سويسرا نايف من اصحاب مهران وسام:والله شباب افكر آخذ وحده سويسريه ماهر يطالع في السما: صدقوني مافي احلى من بنات السعوديه وسام ونايف ومهران ونادر: احلى ياواد انت نادر:اجل انت تحب وحده نادر من ا صحاب ماهر ماهر:لا مااحب بس لأني سعودي اكيد باخذ سعوديه مهران:اخويا واعرفك انت اكيد تحب باين على وجهك وسام:سيبوه عليا انا اعرف نقطه ضعفه وسام يمسك ماهر ويحاول يرميه من الجبل ماهر:لالا خلاص بقول بقول الكل يضحك ماهر يخاف من المرتفعات نادر:ايواا ياحلو يلا قول مهران:لو مكسوف مني لأني اخوك عادي اغمض عيون عشان مااسمع الكل يضحك ماهر:انا مااحب انا قررت احب نادر:علينا ماهر:صدقوني انا قررت احب هوا دا الموضوع نايف:اوكي بنمشيها شكله منحرج شوفو كيف صارت خدوده حمرا الكل يضحك يوم السبت في بيت ابو سعود في غرفه ريم الساعه 6:30 الفجر ريم تقوم على صوت المنبه ريم تقوم من سريرها مفجوعه: ميرا ريم تقوم تروح الحمام بسرعه وتروح تلبس عبايتها وتروح لغرفه اهلها ريم تدق الباب:بابا يلا قوم وديني المطار ابو ريم: تعالي تعالي ريم: يلا بابا قوم ابو سعود: بابا حبيبي والله تعبان كنت سهران مافيني اقوم اوديكي قولي لسعود ريم: لا بابا ماينفع سعود ابو ريم: والله ياعمري تعبان ريم: خلاص اوكي بابا سلامتك ريم تروح لغرفه سعود وهيا متردده ريم تدق الباب سعود: مين؟؟ ريم: انا سعود: تعالي ريم: صباح السكر سعود: صباح الورد ريم : سعود ممكن طلب؟؟ سعود: ايش؟ ريم: ابغى اروح المطار وبابا قالي تعبان ابغاك توديني سعود ساكت سعود:ايش عندك في المطار؟ ريم ارتبكت ماتبغى تقول ان ميرا بتسافر لأنو لو عرف ماراح يودي ريم للمطار ريم: صاحبتي بتسافر وبروح اسلم عليها سعود: مع اني تعبان بس مابرفض طلبك"ويقرص على خدها ويبتسم" ريم بفرح: الله يخليك سعود يبتسم ريم: بس انت شكلك سهران ومانمت صح سعود: من فين بيجيني نوم ريم حبت تغير الموضوع ريم: يلا يلا قوم البس لا تأخرني في المطار ريم ترسل رساله لجوال ميرا النص: ميرا انا عند البوابه تعالي سعود: فين صاحبتك هذي يلا دقي عليها خلصيني جاني النوم ريم: خلاص ارسلت لها سعود: لو كلمتيها افضل بخل يعني ريم في نفسها: الله يستر ياسعود لما تشوف ميرا ريم تلمح ميرا من بعيد ريم : ميرا سعود بصدمه: نعم ريم تجري تحضن ميرا سعود يشوف ميرا وهو منصدم ريم تبكي: ميرا حبيبتي راح توحشيني ميرا تبكي وتحضن ريم بقوووه ??. [أحضني حيــل وخل يدك وابني الحنـآن.. ! ].?? .:??. [والله مشـتـآق لحنـآنك من زمـــان.. ! ].?? لمني حييييييل ..! محتاج حضنك بـ صيح برتوي شوفك من بعد .. ليل الظما " لمني " مثل طيرٍ شفته جريح لـ شاف جناح امه طار و احتمى ريم: مالي غيرك من لي بعدك ياميرا سعود يطالع في ميرا مو مصدق ان ميرا هيا الي بتسافر ميرا تشوف سعود وصار جرحها جرحين جرح فراقها لريم وجرح حبيبها سعود على ذكراك أنا .. باقي أداري غصّة أشواقي و ألوّن ه الصباح / جراح عسى يرضيك { إشراقي ؟ عساك تشوفني بعدك .. تشوف شلون في بعدك غيابك شوّه / أعماقي ... ! ميرا انهارت وصارت تبكي منظر ادهش الجميع وصارو الناس يطالعو فيهم ام ميرا: بنات اهدو بس كفايه ريم: ياخاله ماتتصوري حب ميرا مااتخيل يمر يوم مااشوفها ما اتخيل ام ميرا: راح ترجع ميرا ياريم انشاء الله وبترجع احسن بدر: خلاص يابنات اهدو الناس يطالعو فينا ريم: افهموني هذا اخر حضن بحضنه ميرا بعدها ماراح احضنا الى بعد فترا سعود يقرب من ميرا وريم وهو منهار: ريم بس كفايا خلاص ميرا تطالع في سعو وتلف وجهها للجهه الثانيه سعود يمسك يد ريم ويسحبها عن ميرا: ريم خلاص يكفي ريم تمسك يد ميرا: ميرا حبيبتي لا تقطعيني اول ماتوصلي دقي وكل يوم طمنيني عنك ميرا تطالع في ريم وتطالع في سعود وتبكي (( مافيه جرح ٍ .. كثر هالـجرح بكّاااني )) ..!! ريم:احبك ياميرا ميرا ماقدرت تتحمل تركت ريم وراحت تجري اخذت تذكرتها وراحت ريم: لا ميرا لا تروحي وتتركيني سعود يحضن ريم وهو منهار ومنصدم: خلاص ياريم ريم:هذي ميرا ياسعود ميرا سعود: ادري انها ميرا هوا انتي راح تقوليلي مين هيا ميرا في الطيارا ميرا مع نفسها: الله ياسعود جيت تنزف جرحي جيت عشان تزيد جرحي اتمنيت اسمع منك تروحي وترجعي بالسلامه ليش ماقلتها ياسعود كان ممكن تداوي جرحي آآآه ياسعود لو تدري ان عذابي الي انا فيه انت سببه وان جرحي وانت جارحه وان دمي انت نازفه في غرفه سعود سعود مع نفسه:ادري ياميرا ادري ان كل الي انتي فيه بسببي جروحك وآهاتك انا الي سببتها لك بس صدقيني غصبا عني الي شفته مو شويه احس بتأنيب الضمير لما اشوفك احس انا سبب همومك احس انا نازف دمك ادري تحبيني وادري احبك بس مدري ليش القدر قدّر انو مانكون لبعض بعد لحظة صمت سعود: ايوا صح ليش ميرا مسافرا سعود يروح لغرفه ريم سعود يفتح الباب: ريم ريم بفجعه: طيب دق الباب سعود: معليش ريم كانت على السرير ومعاها مناديل وتمسح دموعها سعود: ريم ليش ميرا مسافرا؟؟ ريم: ميرا رايحه لندن سعود بإستغراب: لندن ليش؟ ريم: بدر اخوها موديها لندن عشان تتعالج سعود في نفسه: كل الي بيصير لك ياميرا هذا بسببي ريم: خلاص ارتحت ياسعود هذي ميرا راحت وقررت تبعد عنك وعني كمان سعود يطالع في ريم ويروح غرفته ايش بيصير لجمانه؟؟ وهل ديمه راح تقدر تساعد جمانه؟؟ هل جمانا تقدر تجيب ريم لنواف؟؟ وايش ممكن يسوي نواف لريم؟؟ ايش مصير ميرا. هل بتتعالج وتصير احسن.. ولا حالتها بتسيئ اكثر؟؟ وايش مصير سعود بعد ميرا؟؟ |
|
|
#48 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 13
يوم الخميس ليله الحفل لجائزه افضل لوحه فنيه الساعه 6:30 المغرب ريم تنزل من الدرج وهي ميته رعب وتروح للصاله ريم بتوتر:هاسعود يلا سعود يطالع في ريم ويضحك ريم متعجبه ريم: خير!!؟ سعود:امي شوفي شكلها كنها رايحه تشوف خطيبها ام سعود تبتسم:الله يوفقك يابنتي ماعليكي من اخوكي هذا مخرف سعود: الله ياامي دحين صرت مخرف ريم تبتسم: احسن خذ على راسك ام سعود:يلا خلاص اتوكلو على الله ريم: ماما فين بابا ابو ريم يدخل: انا هنا يا احلى الحلوات ريم تبوس يد ابوها: وانت احلى الأبهات ابو ريم :الله يوفقك بنتي ريم تبتسم: الله لا يحرمني منكم انشاء الله ليان: الله الله يعني انا مافي عندكم مافي انا في العيله سعود: البنت كلّجت الكل يضحك ابو سعود: وانتي كمان احلى الحلوات ليان: ايوا كذا طيب انا ابغى اروح معاهم سعود: كملت ابو سعود: تروحي حبيبتي ليش ماتروحي ريم: ياناسو عليها حبيبتي بتجي معايا ام سعود وابو سعود يبتسمو ريم: طيب ليش ماتجو انتو معانا ام ريم: ومين قال اننا بنخليكي لوحدك ريم بفرح: والله حمااس عند المركز عند الإستقبال في الدور الأول ابو سعود: السلام عليكم الإستقبال: وعليكم السلام ابو سعود: لو سمحت المشاركات لفين يروحو الإستقبال: المشاركات يطلعو فوق وياخذو هذي الأوراق يكتبو بياناتهم هناك ويجي أخ وبيستلمها منهم وانتو اهلها تتفضلو هنا تجلسو لأنو ممنوع الدخول لغير المشتركات واللجنه سعود يكلم ريم بصوت واطي: ابويا قالو جمله وحده الا هوا قال فيه مقال ريم تدق سعود: اسكت ابو سعود: يلا حبيبتي خذي هذي الأوراق اكتبي بياناتك فوق واحنا نستناكي هنا ريم: اطلع لوحدي اخاف ام ريم: ايش الي بيخوف؟ سعود: ايوا ايش يطلعها لوحدها ابو سعود: انتو مو في اي مكان وبعدين انا مااخاف على ريم اخاف على الناس من ريم ريم تبتسم وتاخذ الأوراق ريم تلتفت على امها وتحضنها:الله لا يحرمني منك ياماما وتحضن ابوها: الله لا يحرمني منكم الكل مستغرب من تصرف ريم ريم: تطالع في امها وابوها وكانت تبغى تبكي بس قدرت تمسك دموعها ريم تطلع الأسنسير وتوصل للدور الرابع وهي طالعه من الأسنسير عند الباب تطيح الأوراق وتنزل تجيبها وبنفس الوقت قدامها شخص لابس غتره وثوب وكان كشخه تطيح منه اوراقه مع اوراق ريم وينزل يجيبها ريم ترفع راسها والشخص يرفع راسه تجي عيونها في عيونه وكل واحد تفوح ريحه عطره وتجنن الثاني يوم شفتـہ متكشخ ... ومتعطر ... ومتزين طآح كـآسي فدوتـہ رآسي ... ونآسي مو بكيفي ...!! يُمـہ جنني بـ { حنانــہ || مآآآ يـخـون || الهوى عندهـ امانــہ وريحة انفاسـہ { دخـون ! 10 ثواني ماتزيد الا ريم تشيل اوراقها وتبعد عنها وتروح لموقع الرسم وهيا ترجف وقلبها يدق بسرعه وتتنفس بصعوبه ريم في نفسها: انا ايش صار فيني ليش ارتبكت كل هذا الإرتباك ريم تحط يدها على قلبها:يالله اهدي ياريم اهدي ريم وهي مرتبكه ......:لو سمحتي ريم: هلا حبيبتي لمار وحده من الي مشاركات عمرها 19 بنفس جامعه ريم لاكن تخصصها علم نفس غير تخصص ريم انسانه رقيقه ناعمه لمار:انا مرره خايفه هوا انا بس الي خايفه ولا ايش؟ ريم: ياحبيبتي صدقيني مافي وحده خايفه اكثر مني لمار:لاعارفه منتي فاهمتني هذي اول مره اختلط فيها ريم: وانا زيك ياعسل بدء وقت الرسم وكل وحده صارت ترسم لمار: خاايفه لمار كانت ترجف ريم: حبيبتي اهدي ماراح تعرفي ترسمي كذا لمار: بحاول اهدي ريم: فكري في الرسم لا تفكري في الي حولك ولا مين حولك كنك في غرفتك وترسمي بدفترك لمار: اوكي ريم بدآ ترسم وكل المشاركات بدؤو يرسمو بعد نص ساعه ريم حست بشعور غريب حست انها متضااااايقه وحست انو صاير شي ريم تركت فرشاة الرسم ريم مع نفسها: اعوذ بالله من الشيطان الرجيم ريم تمسك الفرشه وتكمل رسم وبعد نص ساعه تانيه انتهى وقت الرسم فالتتقدم كل واحده منكم بتقديم لوحتها للمسؤولين الكل قدم لوحاتهم ولأن ريم خجوله ماقدرت ترفع راسها لأن المسؤول كان رجال فأعطته اللوحه من غير ماتطالع فيه المسؤول: لو سمحتي ريم على طول رفعت راسها ألقى خيالك في خيآلي .. و { أضمممه ! وأشوف زولك ، بين { رمشي وعيني !} يمرني طاريك عجــل ! وألمـه ~ من لهفتي عليك .. تسببق { عيوني يديني !} مثل العبير ، يفووح - عطرك - و { أشمممه ~ في لحظة / تسوى بقـايا سنيني ! أحتاج لك أحتاج لك أحتاج لك حاجة وريدي لِ - دمه - ترد لي روح , { تروح وتجيني .. } المسؤول بإرتباك:لوحتك حلوه ريم انحرجت وماقدرت وراحت وتركته وهيا ترجف وقلبها يدق بسرعه ريم في نفسها:هذا صوت رجوان معقول معقول يكون هوا الرجاء من جميع المشاركات العوده لأماكنهن لمار: ماشاء الله لوحتك تجنن ريم: حتى لوحتك ماشاء الله خيالك كان حلو لمار: لا بس صدقيني انتي الي بتفوزي لو لاحظتي كلنا كانت لوحاتنا تعبر عن الخيال والطبيعه لاكن لوحتك كانت تعبر عن الرومانسيه ريم: ماادري بس يمكن في احلى..على فكرا انتي ايش اسمك؟ انا ريم لمار تبتسم: ادري انك ريم قريته لما كتبتيه على اللوحه مانزلت عيوني من عليها ماشاء الله مبدعه..انا اسمي لمار ريم: تسلمي حياتي وعاشت الأسامي لمارتنزل راسهاخدودهاحمرا ريم: ايش فيكي انحرجتي؟ لمار: انا كذا انحرج بسرعه ريم: ياناسو عليكي شوفي خدودك كيف صارت ريم ولمار:يبتسمو وبعد كم دقيقه وقت اعلان الفائزات ريم تمسك يد لمار الفائزه بالمرتبه الثالثه فلانه بنت فلان الفائزه بالمرتبه الثانيه (لمار بنت ......... لمار :لا مو مصدقه ريم:مبروك ياعسل لمار تروح تاخذ الهديه صاحبه المرتبه الأولى اميرنا يفضل انه يقولها بنفسه الأمير: السلام عليكم بصراحه كنتو جدا مبدعات وكانت لوحات قمه الروعه بس هناك لوحات فيها شيئ من الغرابه وفي لوحه كانت معبره اثرت فيني وفي اللجنه كانت قمه الرومنسيه والنعومه صاحبه اللوحه هي (ريــم بنت ............. ريم بفرح شديد: لا انا لا مو مصدقه لمار: مبرووووووووك البنات كلهم يصفقو ريم تروح تاخذ الجايزه من الأمير وهيا منحرجه ريم تروح عند لمار: الحمد لله لمار: ياحياتي انتي مبروووووووك ريم:الله يبارك فيكي لمار: قلت لك بتفوزي ريم: حياتي قبل لا تطلعي عطيين رقم جوالك لمار: اوكي 056.......؟ ريم: خلاص بتصل فيكي وسجلي رقمي مستعجله بروح اخبر اهلي لمار : اوكي ريم تنزل في الأسنسير ريم:فزت فزت سعود: مبروووووووووووك والله مو مصدق ريم: والله فزت ريم: فين ماما وبابا سعود: طفشو قالو يروحو البيت يرتاحو ريم حست بنفس ذاك الشعور حست بضيق ريم صارت تطالع في سعود وكنها مصدومه ريم: سعود وديني البيت سعود: ريم ايش فيكي؟ ريم: سعود الله يخليك سعود: اوكي يلا عند بابا البيت ريم تجري تروح تفتح الباب وتدخل الصاله ريم بفرح: ماما بابا فزت فزت ريم تسكت وتطالع حولها سعود: فين راحو ليش ماجو البيت ريم: لا انا كذا بديت اقلق من جد سعود: يمكن راحو عند خالتي ريم: انا حاسه انو صار شي سعود بعصبيه: ريم فاولي فال خير سعود ياخذ الجوال ويدق على ابوه ريم تاخذ الجوال وتدق على امها ليان تدمع: فين ماما ابغى ماما سعود وريم مع بعض: مقفل ريم: لا مااقدر اجلس لا زم اعرف فينهم سعود لا يكون صاير لهم شي سعود بعصبيه: ريم لا تقولي كذا انشاء الله بخير يدق جوال سعود سعود: رقم غريب سعود يفتح الخط: الو المستشفى: السلام عليكم اخ سعود سعود: وعليكم السلام مين معايا المستشفى: معك مستشفى ــــــــــــــــــــ سعود بفجعه: خير ريم خافت وحضنت ليان المستشفى:الوالد والوالده هنا عندنا صااير لهم حادث سعود: حادث ريم: ماما بابا سعود يسكر الخط وهو مصدوم ريم تبكي: سعود ماما وبابا فين فينهم ياسعود سعود: صاير لهم حادث ريم بصدمه: لا لا تقول قول انك تمزح سعود بصراخ: قومي بسرعه خلينا نروح لهم المستشفى في المستشفى ريم تجري هيا وسعود وليان للعنايه المركزه عند الباب يطلع الدكتور سعود: دكتور كيف حالتهم الدكتور: انتو اهلهم سعود وريم: ايوا الدكتور: ماااقدر اخبي عليكم حالتهم جدا صعبه كل شي بيد الله ريم: لااااا سعود: طيب نقدر نشوفهم الدكتور: مستحيل الدكتور يروح ريم تبكي: سعود لا ياسعود اكيد بيمزح الدكتور صح سعود يحضن ريم ليان تبكي: ابغى ماما وبابا سعود: بس خلاص اهدو ريم: كنت ابغاهم يحسو بفرحتي ياسعود سعود: ريم خلاص ..خلاص ياريم ليان تبكي:ماما ابغى ماما سعود: انا مو قادر لكم "غصبا عنه نزلت دمعه خوف على خده" ريم تجلس بالأرض: آآآآآه انا مالي غيركم لا تتركوني يارب تاخذ من عمري وتعطيهم يارب ليان تحضن ريم: انا خايفه سعود يتصل في مازن:مازن تعالي على مستشفى ـــــ مازن بفجعه: ليش؟ سعود: اهلي مسوين حادث وحالتهم صعبه تعال وخلي خالتي تجي تهدي ريم انا مو قادر اهديها انا اعصابي تالفه مازن: خلاص خلاص انا جاي رولا بفجعه: مازن ايش فيك؟ مازن: خالتي رانيا وزوجها بالمستشفى مسوين حادث يلا البسي خلينا نروح بسرعه سعود يقول ريم مرا منهارا رولآ تشهق : خالتي سعود يدق في امه: امي بسرعه تعالي على مستشفى ـــــ ام مازن مفجوعه: ليش خير؟؟ مازن: خالتي وزوجها مسوين حادث ام مازن: رانيا ...طيب هيا بخير مازن: امي بقول بسرعه سعود يقول تعالو هدو ريم مرا منهارا ام مازن: يلا يلا في المستشفى رولآ: ريم ريم تحضن رولآ: شفتي ايش صار يارولآ مالي غيرهم ام مازن تبكي: اختي ايش فيها؟ رولآ: ريم اهدي اهدي حبيبتي انشاء الله بتطلع بالسلامه نوف: ريم حياتي لا تبكي انشاء الله يكونو بخير ام مازن: ابغى ادخل عندها سعود: الدكتور يقول حالتهم ماتسمح اننا ندخل ام مازن: يارب تخلي اختي لعيالها يارب ريم: خالتي لو ماما وبابا تركوني انا مااعيش هما اغلى شي في حياتي الخاله: اهدي حياتي يقومو بالسلامه انشاء الله رولآ: ريم حياتي اهدي انشاء الله مافيهم شي نوف تحضن ريم: ياعمري انتي حبيبتي الله يخليك عشاني لا تبكي نوف صارت تبكي:ريم لا تبكي انشاء الله خالتي بتعيش وتكون بخير الخاله: تعالي ماما ليان ليان: ابغى ماما الخاله تحضن ليان ريم: كنت بفرحهم كنت بقولهم انتي فزت كنت ابغاهم يقولولي مبروووووك ليش ليش فرحتي ماتكمل ليش ياربي ليش رولآ: ريم مايصيرالي قاعده تقوليه ريم: كنت بفرح وافرحهم كانت احلى فرحه فرحتها في حياتي سعود بعصبيه وهو يدمع: بس ياريم بس كفايا وامي وابويا ماراح يتركونا راح يكون معانا طول العمر الخاله: خلاص حبايبي انشاء الله مافيهم الا العافيه مازن يقرب من سعود: سعود المفروض انت تهدي عليهم مو تعصب سعود: مرره خايف يامازن هذول اهلي مازن: الي كاتبه الله بيصير وانشاء الله يطلعو بالسلامه ريم افتكرت الحلم الي حلمته ريم تصرخ وتحط يدها على فمها:لااااااااااااااااااا الكل يطالع فيها ريم: مومعقول لا مستحيل لاااااا سعود يمسك ريم وهيا منهارا: ريم ايش فيكي ريم اهدي ريم: سعود لا مو معقول يتحقق لا الخاله: ايش هوا ؟ ريم تبكي: مستحيييييييييييييل لا سعود فهم ريم سعود يحضن ريم: لا ياريم لا ..انتي اهدي بس...اهدي ولا تفكري بهذا الشي رولآ تطالع في مازن ونوف في سويسرا الفجر طلع ماهر يتمشى لوحده ماهر وهو يكلم نفسه: آآه ياريم مااتوقعت انك تصديني بهالطريقه ماراح اتنازل عن حبي لك ولا راح اتخلى راح افضل وراكي لين تحبيني وتحسي فيني كثير غيرك يتمنو هالحب ليش ماتحسي بحبي لك معقوله تحب غيري والله مااخليه يتهنى بيكي يوم واحد مااتخيل انك تكوني لغيري ياريم ولا اتخيل اني اكون لغيرك ياليت تكوني معايا دحين واقولك كل الي بخاطري ياليت تفهميني وتسمعيني ياارق انسانه بهالكون يامالكه جمال الكون يامالكه قلبي واحساسي بيدك تعيشيني وبيدك تقتليني آآآه ياريم متى تحسي فيني في المستشفى والكل واقف عند باب غرفه العنايه يستنى الدكتور ريم جالسه على الأرض وحاطه راسها ع الجدار رولآ وسعود والخاله وليان ونوف جالسين مكان الجلوس وليان كانت نايمه بحضن سعود سعود: خالتي حاولي في ريم خليها تجي تجلس هنا مو طيبه جلسه الأرض البلاط بارد عليها رولآ:والله تعبت وانا اقولها تعالي مو راضيه الخاله: ريم مااره معنده الله يهديها مازن: رولآ روحي تاني حاولي فيها نوف :بروح معاكي رولآ تروح لريم:حياتي خلاص يكفي لا تبكي وتعالي هناك لا تجلسي في الأرض نوف تجلس جمب ريم: ريم حبيبتي البلاط بارد لو تبغيني امرض خليكي جالسه عشان انا مو متحركه الا اذا انتي اتحركتي ريم ساكته رولآ:ريم عشان خاله رانيا وعشان بابتك يلا عشان خاطرهم تعالي اجلسي ريم تقوم وتروح تجلس جمب سعود ريم تشيل ليان من على سعود وتحطها بحضنها وتحضنها سعود يمسح على شعر ليان ويمسح دموع ريم رولآ تشوف منظرهم وتبتسم كشف الدكتور على الأهل وطالع من الغرفه الكل يوقف ريم تروح لدكتور: دكتور الله يخليك طمني الدكتور: والله حالتهم مااتحسنت بس انشاء الله يكون في تحسن ريم:الله يخليك دكتور ابغى اشوفهم دقيقه بس مااطول الدكتور: اذا انتي خايفه على صحتهم لا تدخلي ريم تبكي: اترجاك بس اشوفهم الدكتور: بس توعديني انك ماتقربي منهم ولا تحاولي تكلميهم ريم: خلاص اوكي بس ادخل واشوفهم ريم تدخل عند امها: ماما السستر: لا دكتور يقول مافي كلام ريم تحط يدها على فهما ريم:ماما لا تخليني ياماما انا مااعيش بعدك ماما قومي كلميني سعود يدخل: ريم وبعدين معاكي ريم: سعود ماما ماتكلمني سعود: ريم اطلعي ريم: سعود ماما ماتكلمني سعود يمسك ريم ويطلعها ريم: اشوف بابا اشوف بابا سعود: لا لو بتتكلمي مافي ريم: لا ماااتكلم بس اشوفه سعود وريم يدخلو عند ابوهم ريم بصوت واطي: بابا سعود: اسكتي ريم تمسك يد سعود: سعود اول مرا اشوف ماما وبابا كذا انا خايفه سعود: انشاء الله يطلعو بالسلامه ريم: يارب تخليلي ماما وبابا يارب يرن جوال الخاله رنا رنا:هذا البيت احنا نسينا ريان مازن يضحك:تلقيه مفجوع رولآ: ياحرام ريان: انتو فين؟ ام نوف:احنا بالمستشفى خالتك سوت حادث بابا حبيبي قول للشغاله تسويلك اكل ريان: ماابغى اكل انتو تعالو خلاص ام مازن: خلاص حبيبي دحين يجيك مازن ريان: طيب بس قوليلو لا يتأخر ام مازن تبتسم: تآمر ريان: مع السلامه ام مازن: مع السلامه ام مازن تسكر الخط مازن حبيبي روح جيب ريان مازن: ماله داعي رولآ:حرام عليك تلقاه خايف لوحده ام مازن: يلا مازن حبيبي قوم مازن:انشاء الله مااقدر ارفض طلب من اغلى اثنين ملكتهم في حياتي رولآ تبتسم ام مازن: الله يسعدك ويهنيك مازن يروح ريم تطلع من الغرفه وهي منهارا ريم:خالتي ماما وبابا مايردو عليا الخاله:وبعدين ياريم الخاله تحضن ريم:اهدي حبيبتي اهدي رولآ:كيف حالتهم؟ سعود مايبغى يتكلم عشان لا يخوف ريم اكثر سعود:انشاء الله خير الدكتور:لوسمحتو وجودكم هنا مالافايده وياليت تتفضلو ريم:انا مو متحركه من هنا الا مع ماما وبابا حتى لو كلنا نخرج جثث سعود بعصبيه:ريم لا تقولي كذا الدكتور:لوسمحتو تتفضلو مسببين ازعاج رولآ :خلاص خلينا نروح البيت ريم:ماقدر ماقدر نوف: حبيبتي ريم اسمعي الكلام يلا تعالي معايا سعود:ريم شفتيهم واتطمنتي عليهم ووجودنا ماله داعي خلاص خلينا نرجع البيت شوفي ليان كيف تعبانه ريم تطالع في ليان رولا تمسك ريم من خصرها:ها حبيبتي يلا نروح ريم تروح تشيل ليان والكل يطلع من المستشفى سعود:خالتي فين مازن؟ الخاله:فكرتني ..راح يجيب ريان خليني اقوله لا يجي الخاله تدق على مازن مازن: هلا امي ام مازن:خلاص حبيبي خليك في البيت احنا جايين مازن:طيب خلاص ام مازن تسكر الخط:يلا حبيبي سعود بنجي معاك بسيارتك وكلكم تجو عندنا في البيت سعود:لا مايحتاج خالتي نروح بيتنا الخاله:سعود لو ريم راحت البيت راح تتعب اكثر نوف تكلم سعود:كلام ماما صح خلاص تعالو في البيت نوف:ريم حياتي نوف تحضن ريم ريم تبكي نوف تمسح على شعر ريم: حياتي لا تبكي خلاص ياعمري نوف تاخذ ريم على غرفتها وتجلسها على سريرها نوف تنادي الشغاله:ميري الشغاله: نعم نوف:سوي كاسه ليمون وجيبي كاسه مويا ريم:ماابغى شي نوف:لا انتي اكيد مااكلتي شي ولا شربتي شي نوف تكلم الشغاله:وسوي فطور ريم: لا ماابغى الله يخليكي يانوف كاسه مويا بس نوف:عنيده ريم:فين ليان؟ نوف:مع ماما انتي لاتشيل هم انتي ارتاحي شوفي كيف صاير لونك اصفر وعيونك منفخه شفتي شكلك في المرايا كيف صاير مو حلوووو ريم ساكته الشغاله تجيب المويه نوف: ريم قومي اشربي ريم تشرب المويه وترجع تنسدح على السرير ونوف تمسح على شعرها نوف اغنيلك الأغنيه الي تحبيها ريم تطالع في نوف نوف :لا تطالعي فيا كذا بغنيلك يعني بغنيلك نوف تغني:اغنيه فاكر زمان لرامي صبري فاكر عينيها وضحكتها .. لمسة ايديها وبرائتها زي الملايكة في رقتها فاكر زمان لو حتى كانت نسيتني انا لسا فاكر وياريتني اشوفها تاني ولو صدفة في اي مكان اتمنى اشوفها واقولها اني حقيقي بحبها .. وقفت حياتي وبعدها عايش وحيد اجمل سنيني انا عشتها كانت معاها وجمبها بتمنى تاني ارجعلها انا من جديد عمر الليالي ما خلتني انساها يوم ولا نستني وبجد فعلا وحشتني طب اعمل ايه هيا الي قلبها ريحني ولابعاني مرة ولا جرحني معرفش ايه كان خلانا بعدنا ليه " ريم نامت نوف تطالع في ريم وتمسح على شعرها وتكلم نفسها:ياحياتي انتي نوف تاخذ عبايتها وتنزل تحت عشان سعود جالس تحت في المجلس نوف:سلام الكل :وعليكم السلام سعود: ها نوف كيف ريم؟ نوف: الحمد لله نامت ياعمري اول ماانسدحت على السرير نامت باين عليها مره تعبانه ام مازن:والله قلبي مانامت من البارح مازن:الله يشفيهم ويقومهم بالسلامه الكل:آمين ام مازن تنادي على الشغاله:ميري ميري تجي الشغاله ام مازن: شيلي ليان وديها غرفه ريان نوف: شيليها بشويش لا تصحى ولا اقول سيبيها انا اشيلها انتي عفشه نوف تشيل ليان بشويش عشان ماتصحى من النوم وتوديها غرفه ريان في المجلس سعود كان جالس على الكنبه رجع على ورا وحط راسه على الكنبه سعود: آآآآآآه الخاله:سلامتك من الآه حبيبي مازن: هونها ياسعود ترا انت مكبرها سعود: مدري ايش فيني اول مرا احس اني منهار مازن: الله الله ياسعود لا مو انت الي تقول كذا الخاله: يلا حبيبي انت كمان لازم ترتاح يلا قوم حبيبي سعود: انشاء الله خالتي سعود يروح ينام في وحده من غرف النوم رولآ:الله يعينهم والله اول مرا اشوف ريم وسعود بهذا الحال مازن: ايوا والله ام مازن:الله يقومك يارانيا انتي وزوجك بالسلامه في بيت جمانه جمانه في غرفتها منسدحه على السرير وتكلم نفسها: انا ايش سويت بنفسي دمرت حياتي نواف دمرني وانا الي خليته بس ماراح اتركه صحيح بجيبله ريم بس مابتركه بعدها بتشوف يانواف بتشوف ايش بيجيك مني يرن جوال جمانه جمانه بدون نفس: الو راكان: هلا والله جمانا:راكان؟!؟!؟!؟ راكان: ايوا راكان جمانه: وخير يا سيد راكان راكان:ههههههههه حلوه جمانه من غير نفس: الله يحلي ايامك راكان: من غير مالف مو انتي تبغي تجيبي ريم لنواف؟؟ جمانه:ياريت عشان افتك من وجه القرد راكان:ههههههههه اوكي بجيب ريم غصبا عنها جمانه تقوم من السرير وتوقف عليه جمانه بفرح: من جد لا تقول انك تمزح راكان:موانتي تبغيها خلاص بتجي بس اعطيني كم يوم بس في شرط جمانه: خذ راحتك بس لا يخلص الأسبوع بس ايش هوا الشرط راكان: تدفعي مقابل 50 الف ريال جمانه: نعم نعم خير انشاء الله راكان: خلاص اوكي مافي احد يقدر يجيب ريم غيري يلا باي جمانا: لحظه لحظه يعني انت متأكد انك يتقدر تجيبها راكان:لا تشيلي هم جمانا:خلاص اعطيني وقت على مااصرف الفلوس وتكون عندك راكان: اووكي ياحلوا جمانه:ومشكور ماتقصر ويعني.. موعارفه ايش اقولك راكان يبتسم بخبث:مايحتاج تقولي شي يلا استأذن انا اخطط على الشغله جمانا:اوكي خطط بروااقه بباي جمانه تسكر الخط: يس يس جمانه تمسك المخده وترميها بالجو: فينك من زمان ياراكان هوا دا الصح في الشاليه نواف:ههههههههههههههه والله انها غبيه راكان: من جد رائد:والله حرام عليكم الغباء مايليق عليها الغباء ارقى واعظم الكل يضحك راكان:كلو يرجع لحبيبه قلبي ديمه ديمه: ولو هذا واجبي اي شي تبغوه انا حاضرا بس ياويل احد يقولها على الي بسويه من وراها ماجد: اهم مافي الموضوع الخمسين الف نواف:بس كيف اعجبكم صح خمسين الف بتكون في يدنا وبنت قمر وبتكون بين يدنا الكل: اووه مين قدك ياعم رائد: اقول نواف لا تنسى ان عندك اخ نص لك ونص ليا نواف: كلنا ع الهوا سوى الفلوس بتتقسم بينا رائد:لا انا مااقصد الفلوس انا اقصد البنت نواف: قلتلي..........اخلص منها وخذها تفداك ماجد:تخلص منها هيا لعبه ولا ايش الكل يضحك ديمه:على مهلكم ع البنت ترا مرا ناعمه وحساسه ماجد:طيب بعد ماتلف اللعبه عليكم لا تنسوني راكان: ولا يهمك بس بالدور الكبير اول الكل يضحك راكان: طيب متى تبغاني اجيب لك البنت نواف: خليه يعدي الأسبوع واطلب من جمانا مبلغ تاني عشان عدا اسبوع على اتفاقنا وبكذا معانا دبل الخميس الف وفوقها مززه مجانا رايد: ابو افكارك ماجد:انا ابغى اعرف انت مخك ايش راكان: مخه مخ نواف: بآيخه راكان ينحرج ويسكت الكل يضحك عليه تابع // // |
|
|
#49 |
|
|
رد: احتاجلك اذا ضيق الوقت صدري.. اتمنى من الكل يدخ
تابع
// // في سويسرا في البيت الكل سهران يشوف فلم رعب الجو مخيف وظلام ومافي غير نور الشاشه ماهر ومهران ونادر ونايف ووسام نايف يطالع في الشباب ويمسك الريموت ويسكر التلفزيون فجاءه ويصير الجو ظلام ماهر انفجع:ابووه وسام انفجع وقام نقز وسط ماهر ونادر:ابو شكلك نادر:وسام تراكك جالس على رجولي زيح عني عورتني مهران يفتح النور:هههههههههههههههههههه مهران يمسك بطنه:اااه بطني تعورني من الضحك الكل يطالع في مهران بإستغراب مهران: لو تشوفو اشكالكم تفسطوو ضحك ههههههههههه وسام كان جالس بين نادر وماهر على فخذ من ماهر وفخذ من نادر مهران: ونايف اختفى من الفجعه الكل يضحك ماهر: فين الرجال اختفى نايف انا هنا الكل يطالع حوله مهران ينزل للأرض ويميل راسه مهران يجلس بالأرض ويضحك بصوت عالي الكل يجلس بالأرض ويميلو روسهم ويلقو نايف متخبي تحت الكنبه وماسك الريموت الكل يضحك يطلع نايف من تحت الكنبه ولا كنه صار شي :كيف كم شباب؟وحشتوني<< يغير الموضوع الكل يضحك نادر: اقول نيوف لا تغير الموضوع يالجبان نايف:لا انا ماخفت انا قلت بس العب معاكم استغمايا الكل يضحك ماهر: تلعب ها وسام: آخ لو تشوف شكلك وانت تحت الكنبه وربي يتموت ضحك مهران: انا ابغى افهم مو انت الي سكرت التلفزيون نايف : ايوا انا مهران: طيب ليش خفت ونزلت تحت نايف يضحك: والله مدري اصلا كيف نزلت فجأه القى نفسي تحت الكنبه الكل يضحك نادر: هذي آخرة النذاله نايف: ولله مونذاله بس شفت الجو رايق حبيت اسوي جو ماهر:وانقلب عليك الجو نايف يبتسم:شفت كيف في غرفه نوف يرن جوالها على نغمه: }حبيبي وانا جمبك تعرف بحس بإيه وانا بحضن قلبك ببقى عايز اقولك ايه يامحلى الدنيا وانا جمبك ياكل الي ليك محتاجلك حبيبي ياعمري ماتسبنيش وحياة اغلى حاجه عندك{ نوف:هلا والله خوله:هلا فيك حياتي ..كيفك؟ نوف: نص ونص خوله: خير ليش نص ونص؟؟ نوف: خالتي ياخوله صار لها حادث هي وزوجها وهما دحين بالعنايه خوله:خالتك رانيا؟؟؟!! ياحرااام وكيف ريم نوف: لا تسأليني عن ريم..ريم حالتها حاله خوله:ياحياتي نوف: حالتها تحزن خوله: اجل بروح ازورها نوف:هيا عندنا بالبيت تعالي عندنا خوله:خلاص بجي نوف: بتجي من ينبع على هنا دحين خوله: يووه نسيت اقولك جيت اليوم جده وانا دحين ببيتنا نوف: يو لا انتي هنا مو معقول يالله يابنت نفسي اشوفك لك فتره مايتجي جده خوله تطالع في ساعتها:اوه لأ دحين الوقت متأخر مدري ماما بتوافق ولا لأ نوف: الا بتوافق قوليلها انك بتزوري ريم خوله:احاول فيها انشاء الله ترضى في لندن في المستشفى في غرفه الدكتور بدر:ها دكتور كيف حالتها الدكتور:ميرا لازم تتعالج نفسيا اول شي لأن حاتلها النفسيه جدا سيئه لازم تحسسوها انكم حولها وانكم اهلها لااحد يبعد عنها بالذات انتو اهلها وكل الي تحبهم بدر يطالع في امه بدر:انشاء الله بس بيكون فيه تحسن؟؟ الدكتور: يمكن لو عالجناها نفسيا بتقدر تتكلم تاني لأن الي هيا فيه حاله نفسيه ام بدر: يعني بنتي بترجع تتكلم الدكتور:املنا كبير وانشاء الله والله يوفقنا ويفقكم ونقدر نعالجها بدقه بدر يوقف:مشكور دكتور يعطيك العافيه الدكتور: العفو الله يعافيك بدر وام بدر يطلعو من غرفه الدكتور بدر: كيف بنعالجها نفسيا وسعود بعيد عنها ام بدر: احنا موجودين يابدر موجودين بحياتها بدر: الله يقدرنا يدخلو الغرفه عند ميرا ومروان ..السلام عليكم مروان: وعليكم اسلام يرن جوال بدر على نغمه: احمد حسين وش تمنى..ابي تبقى معاي وفيك انا اتهنى وش تمنى..ابي ارتوي حبك ولا انحرم منه وش طاري سؤالك ..حيرني سؤالك ولو طال فيني العمر ..ماغيرك اتمنى بدر: هلا حبيبتي نوف: هلا حبيبي كيفك؟ وميرا وخالتي؟ بدر: الحمد لله كلو بخير..وانتي كيفك؟ وعمتي رنا كيفها؟واخوانك نوف: احنا الحمد لله بخير بس..وسكتت نوف بدر:بس ايش؟ نوف: خالتي رانيا وزوجها بدر: ايش فيهم؟ نوف: صار معاهم حادث وهما دحين بالعنايه وعيالهم حالتهم مرا حاله بدريوطي صوته: لا حول ولا قوه الابالله الله يقومهم بالسلامه لا تسمعني ميرا والله تحوس الدنيا علينا نوف: الله يعين يابدر.سلملي عليها مرا وحشتني بدر: يوصل انشاء الله حياتي نوف:بدر بدر: آمري حبي نوف حابسه دموعها:وحشتني بدر يبتسم ويقوم يطلع من الغرفه ويوقف عند الباب بدر: وانتي اكثر ياقلبي..كذا تركتيني لوحدي تايه موعارف احلي اوقاتي نوف تبتسم:لاتخليني اندم اني جلست بدر يبتسم:مابخليكي تندمي حياتي انتي نوف: والله اشتقت اتكلم معاك احس اني من زمان عنك بدر:والله وانا اشتقك لعيونك الحلوا نوف تضحك بدلع بدر: فديييييتك شوفيني متشقق نوف:يلا عاد تراني ميته انا منها ذبت شوفني كيف سحت بدر:ههههههههههه ايش بسوي اشتقت اغازلك نوف تبتسم نوف:طيب يلا خليني اروح اتجهز خوله بتجيني بدر:اوكي حياتي راح توحشيني نوف:وانت كمان بدر:يلا مع السلامه نوف:مع السلامه حبيبي نوف تسكر الخط وتضم الجوال وتغني :والله واحشني موت اخاف بعدك اموت قلبي لو من حديد ذاب وانت بعيد نوف تروح تفتح دولاب ملابسها وتطلع برمودا ابيض وكاجيت موف غامق ومكتوب من الظهر بالرمادي Girl Power طق طق طق نوف وهي تحط روج: ميين؟؟ ريم بصوت نااعم وواطي: انا ريم يانوف نوف تحط الروج وتجري تفتح الباب نوف:هلا حبيبتي تعالي تعالي ريم تدخل الغرفه:رايحه مكان ؟؟ نوف:لا بس تخيلي مين جايه؟؟ ريم:مين؟ طق طق طق ريم: هذي اكيد رولآ نوف:تعالي رولآ الباب مفتوح رولآ:سلام يابنات ريم ونوف:وعليكم السلام رولآ تسكر الباب وتطالع في نوف: الله الله ايش كل هالكشه نوف: اتخيلو مين جايني؟؟ ريم ورولآ يطالعو في بعض: مدري نوف: جايتني خوله فديتها جات اليوم من ينبع ريم ورولآ بصوت واحد: خوله؟؟!!؟ نوف تبتسم وتهز راسها ريم: والله زمااان عنها يالله وحشتني اخر مره شفتها في عيد ميلادك رولآ: يالله مره وحشتني نوف: واخيرا قررت تجي وانتو موجودين كل ماتجي ماتكونو موجودين ريم: الحيوانا من غيرت رقمها ولا اتصلت فيني ولا ادري عنها رولآ: حتى انا مرا البنت قطعت فجأة كذا نوف تحط عطر: خليني اروح اقول لميري تجهز العصير والقهوه ريم تطالع في المرايا: نوف حياتي عطيني من عندك ملابس مايصير تشوفني البنت كذا نوف :حياتي افتحي الدولاب وخذي الي تبغيه ريم تفتح الدولاب طلع ريم شورت جينز وتطلع برمودا قطن استرتش تركوازي ريم: لولو ايش رايك لو لبست هذا الشورت ولبست تحته الأسترتش رولآ: حلو ريم تطلع بلوزا فضيه تلمع وبكاب ومكتوب بالتركوازي So Cute ريم: والبس هذي البلوزا رولآ: مره ذوووق ريم تروح تغير ملابسها وتنزل في الصاله ريم:السلام عليكم الخاله:وعليكم السلام هلا حبيبتي ماشاء الله طالعه قمر ريم تبتسم سعود من عند الباب: خالتي سعود:تعال حبيبي مافي احد سعود يدخل الصاله: احلااااا ايش الحلاوا هذي ريم تبتسم: موملابسي ملابس نوف بقوووه لقيت هالللون كل الوانها غامقه سعود:بس التركواز طالع عليكي يجنن ريم: يلا عاد مازن من عند الباب: امي ..رولآ ام مازن: استنى حبيبي لا تدخل ريم تاخذ عبايتها: خلاص خلاص تعال مازن ريم تلبس عبايتها وتحط الطرحه بس كذا على راسها من غير ماتلفها مازن يدخل: السلام عليكم الكل وعليكم السلام مازن: فين رولآ ريم: فوق بتلبس عشان جايه صاحبه نوف مازن: اجل لو طلعتي قوليلها تجي ابغاها ريم :انا دحين طالعه وبقولها انشاء الله ريم تطلع من الصاله وتروح لغرفه رولآ طق طق طق رولآ وهي تلبس الإكسسوار:الباب مفتوح ريم تدخل: ياحلوا زوجك يبغاكي رولآ: هوا تحت؟ ريم: ايوا نوف تدخل: يابنات ماخلصتو ريم ورولآ: ايوا خلاص رولا كانت لابسه تنوره لين الركبه ولونها اصفر ولابسه بلوزه مفتوحه من الصدر والظهر لونها موف اغامق البنات ينزلو الصاله ويدخلو الصاله مع بعض ام مازن تطالع فيهم وتبتسم:الله يخليكم ويحميك يارب البنات يبتسمو سعود: بس خالتي لا يشوفو نفسهم علينا نوف: وليش مانشوف نفسنا نستااهل مازن: الحق الحق تقول نستاهل رولآ: ليييش عندكم كلام ثاني؟ سعود: ابدا بس بناات كثيير احلى منكم ويستااهلو انهم يغترو البنات بصوت واحد: نعم نعم سعود :مازن الحقني بيهجمو عليا البنات الكل يضحك مازن: انتبه على نفسك منهم تراهم متوحشات ريم بدلع: حرااااااااااام عليك والله احنا نعومات الكل يطالع في ريم ريم بإستغراب: قلت شي غلط؟ الكل يضحك سعود: لا بس نضحك على طريقه كلامك ريم: ايش فيها؟ مازن يقلد ريم: حراااااام عليك والله احنا بنات نعومات الكل يضحك ريم انحرجت ونزلت راسها البنات: اوووووووووووووو انحرجت البنت سعود: ياقلبو على الي انحرج مازن: اخاف زعلت رولآ: لا ريم ماتزعل ريم ترفع راسها وتبتسم يرن الجرس نوف بصوت عالي: هذي خوله البنات ينقزو من الفجعه: بشويش فجعتينا يروحو البنات يفسخو عبيهم ويستقبلو خوله عند الباب خوله: السلام عليكم البنات وعليكم السلام خوله تصرخ :آآآآه ريم ورولآ وحشتوووني ريم ورولآ يحضنو خوله: وانتي اكثر ريم: ياحيوانه والله من زمان عنك رولآ: احلويتي يابنت خوله: عيونك الحلوا ياعمري نوف متخصره وتخبط برجولها على الأرض: لا والله وانا ولا كني موجوده ولا سلمتي عليا خوله: ياحياتي لا تزعلي بس انا شبعت منك رولآ وريم من زمان عنهم الكل يضحك مين يكون هذا الشخص الي شافته ريم اول ماخرجت من الأسنسير؟؟ ومين هذا الشخص الي ريم سلمتله اللوحه؟؟ وهل صوته فعلا هو صوت رجوان؟؟ هل ام سعود وابو سعود بيطلعو سالمين؟؟ وهل يعيشو ولا لا؟؟ ايش بيكون مصير ريم وليان وسعود بعد اهلهم؟؟ وراكان كيف بيجيب ريم؟؟ ونواف ايش ممكن يسوي في ريم؟؟ وميرا هل بتتعالج في لندن ولا بترجع السعوديه زي ماتركتها؟؟ |
|
|
#50 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 14
// // في بيت ابو مازن الفجر الكل نايم في غرفه ريم نوف كانت نايمه على السرير وريم كانت فاتحه البلكونه وكانت برا تشم هوا وقفت ريم في البلكونه والهوا يلعب بشعرها ريم تكلم نفسها: الي بيصير معايا شي مو طبيعي معقول...معقول احلم حلم وبعد فترا يتحقق معقوله هذا الي شفته بالمركز يكون هو الي شفته بالحلم لماطالعت في عيونه لمحت نفس النظرة الي بالحلم ....انا شكلي بنجن وشفت ماما وبابا في الحلم وتحقق .... كنت حاسه بيتحقق "ريم تروح تصحي نوف" ريم تجلس على السريروتمسح على شعر نوف: نوف نوف نوف: هممممممممم ريم: نوف حبيبي قومي بكلمك بموضوع نوف وهي تفرك عيونها: خير حياتي تبغي شي ريم: في شي لازم اقولك هوا دحين موقادره اصبر نوف: ايش فيه؟ ريم:فاكرا يانوف الحلم الي حلمته بأول يوم بالدراسه نوف: الحلم الحلم الحلم ايوا افتكرته الحلم الي جننتينا فيه ريم: ايوا نوف: ايش الي فكرك فيه ريم: فاكرا يوم قلتلك اتحقق بدايته وفعلا قمت من النوم على صوت رعد وكنت خايفه فاكره بعدها ايش صار ؟ نوف: لا ماافتكر ريم تقوم من السرير وتمشي بالغرفه ريم: بعدها سمعت صوته الي صداه يردد في اذني لدحين سمعت صوت يناديني ويوم نزلت لحمته ماشفته نوف: وبعدين ريم :وهذا الشي تحقق يانوف نوف بتعجب :نعم!!؟ ريم: الصوت كان التلفون الي جاني من رجوان كان نفس الصوت يانوف نوف: متأكده انو نفس الصوت؟ ريم:من سمعت صوتو بالحلم ووهو يردد فيني نوف:معقوله ريم:والظل الي لحمته تحقق بس ماكان ظل لمحته نفسه مو ظله نوف :كيف يعني ريم:انا اقولك يوم رحت مع سعود عشان اشارك بالمسابقه مر طيفه من قدامي تتبعه نظراتي تحاول تشوفه ماقدرت ولمحت طيفه بس بس جذبني وسحرني نوف:ريم ايش حكايتك ؟؟ ريم:خليني اكملك نوف:اتفضلي ريم:بعدين في الحلم جاني في غرفتي وطلع من البلكونه ورحت وراه وشفته نوف:لا تقولي انك ............ وسكتت نوف ريم تمسك كتوف نوف وتهزها: شفته يانوف شفته يوم رحت المسابقه طلعت في الأسنسير وانا خارجه صدفه بوقت واحد تطيح اوراقي مع اوراقه نزلنا نجيبها من على الأرض صدفه تتجمع فيها اوراقنا رفت راسي ورفع راسه وجات عيني بعينه سلب عقلي روحي وحياتي حسيت وقتها اني بعالم تاني ماكنت اشوف غيره صارت عيوني تحاكي عيونه وخفوقي يلامس خفوقه نوف تبتسم:تصدقي ياريم اول مرا ادري انك رومانسيه لهذي الدرجه تكلميني وكنك تقولي شعر ريم: الي تشوفه مو بس تصير شاعره لويشوفه الصخر كان ذاب ولو يشوفه الجبل كان طاح ولو يشوفه البحر يتبخر نوف: ومين يطلع؟؟ ريم: مادري... فجأه تغير كل شي واستوعبت اني على الأرض مو ع السما اخذت اوراقي وقمت وهوا مازال يشوفني دق قلبي دقه مابعدها دقه وكني حسيته بيوقف ويوم ماجا وقت تسليم اللوحات رحت بسلم لوحتي وطبعا تعرفيني مااقدر اطالع في احد من الجنس الثاني كنت منزله راسي ومديت اللوحه فجأة يجذبني صوت هز كياني رفعت راسي بدون مااشعر تلقائيا اشوف مصدر الصوت الي لخبط مزاجي والقاه تاني نفس الصوت نفس الهيبه نفس الطيف نفس النظره ونفس عذاب الإبتسامه اجتمعو في شخص واحد نوف تبتسم: افهم من كلامك انك حبيتي؟؟ ريم تنزل راسها وتبتسم:ماقلت احب انا قلت سلب عقلي نوف:طيب هذا يعني انك حبيتيه ريم: يانوف انا موقادرا اصدق الي بيصير معقوله اشوفه بحلم قبل لا اشوفه بالحقيقه نوف:سبحان الله ريم تبتسم: ماتتصوري كل مافتكره ايش يكون شعوري نوف:وتبغيني اصدق انك ماحبيتيه اجل الكلام الحلو والرومانسيه هذي من فين جات؟؟ ريم تبتسم: مدري نوف تغمز لريم ريم تبتسم: وبعدها شفت ماما وبابا وهم غرقانين دم وفعلا تحقق وصار معاهم حادث ريم بدت تدمع ريم:خفت وطلعت غرفتي وقلت هذا حلم وماصدقت وفعلا بالبدايه ماصدقت الي صار لهم نوف:فعلا الحلم بيتحقق انا موقادرا اصدق ريم:عشان تحسي فيني وتصدقيني يوم قلتلك اني حاسه انه بيتحقق نوف:شي غريب ريم تطلع البلوكنه:فعلا شي غريب ريم تغمض عيونها وتشم هوا ريم:حسيت بطعم الحياه الحياه حلوا يانوف نوف تطلع البلكونه عند ريم ريم: بس لوماما وبابا يقومو بالسلامه بتكون احلى واحلى ريم ترفع يدها للسما:يارب ترجعهم لنا بالسلامه نوف :آمين يرن جوال ريم على نغمه عباس ابراهيم/دواك عندي دواك عندي والأظلم دايم البادي والله لا أوريك شي مابعد شفته ماهو في صالحك يوم تجرب عنادي ريم تشوف الجوال: يووووووووه هذا ايش فيه متصل بهذا الوقت وليش يتصل فيني اساسا نوف :مين هوا؟؟ ريم تفتح الخط : خير ؟:آلو ريم: ونهايتك انت؟؟وبعدين معاك؟؟ نوف تعفص حواجبها مستغربه ؟:ريم ابغاكي تفهميني ريم:افهم ايش قلت لك ياماهر الي عندي ياريت انت تفهمني نوف تفتح عيونها وتفتح فمها ماهر:ريم انا ماكنت اتوقع اني بيوم من الأيام آحـــ؟؟؟ ريم تقاطعه:لا ماهر لا..لاتقوله الله يخيك بليييز لا ماهر:ريم حسي فيني انتي ملكتيني ريم:ماهر انت مزعجني صح..بس انا مااحب اجرح احد وصدقني حاسه فيك يمكن الي تحس فيه مجرد اعجاب من اول ماشفتني لاتمشي ورا احساسك ماهر:من يوم ماشفتك وانتي ماغبتي عن بالي ريم:يووووه ياماهر...ماهر!؟ ماهر:ياهلا ريم:ماهر انساني عشان خاطري انساني لاتفكر فيني صدقني في الف غيري يتمنوك ماهر:بس انتي غيرهم ريم بصراخ:يوووووه" وتسكر الخط" نوف:لا تقولي هذا ماهر ولد خالتي ريم وهي لاويه بوزها: مافي غيره نوف: وايش يبغى منك؟ ريم بحزن:نوف انا جرحته انا اماحب اجرح احد مهما كان انتي تعرفي دا الشي حاسه بتأنيب الضمير نوف:ايش قالك؟ ريم:نوف ماهر يحبني يانوف نوف:ماهر يحب ..ماهر ماهر ماغيره يحب ومين؟؟ انتي؟؟!!؟ معقوله من شافك في ذيك المرا حبك على طول ريم: تخيلي...صعب شعور انك تحبي شخص مايحبك نوف:خلينا من ذا الموضوع هوا ليش متصل فيكي؟ ريم: بيتغزل نوف:وصلت فيه انه يتصل فيكي ويتغزل ريم:تخيلي نوف:ماني متصورا انو ماهر يحب ماهر كل يوم له بنت ريم:خلينا من حياته ..والله حاسه اني جرحته تخيلي يحبني من جد راح يكون جرح كبير نوف:قلبك هوا هوا مايتغير ياريم مشكلتك انك طيبه بزياده الي زي ماهر مايبغاله الطيب ريم مايحتاج اقولك مين ماهر انتبهي منه ياريم ريم:موهذا الي مخوفني نوف:لاتسمحيله انو يتصل فيكي تاني ريم:مستحيل ماهر لو يبغى شي يسويه نوف:لا حوووول ريم:الله يخلصني منه في سويسرا ماهر في البلكونه:ليش ياريم ليش هذي تاني مره تصديني ليش صدقيني احبك ..ومافكرت بيوم اني العب معاك او اخدعك تقولي انساكي..مستحيل اسويها..مااقدر اصلا اني انساك وانتي عيوني ..كل يوم اشوفك وكل لحظه وكل دقيقه انا لو انسى مين انا مستحيل انسى مين انتي نادر يطلع للبلوكونه:مين ريم ماهر يلتفت: نادر نادر: ايوا نادر ماهر: وانت جالس تتسمع لكلامي نادر: ماكنت اتجسس بس كنت مار من غرفتك وسمعتك تتكلم بالصدفه قلت اشوف مين عندك ماهر يعطي ظهره لنادر ويطالع المنظر قدامه نادر:موناوي تقول مين ريم ماهر:لأ نادر :اوكي نادر يحط يده جمب فمه عشان يعلى صوته:ياشباب تعالو ماهر يلتفت لنادر: هييي نادر ايش اتجننت انت نادر: لأ ماهر: ايش عندك انت داخل غرفتي بهالوقت نادر:ايش عندك انت صاحي من هالوقت وتكلم نفسك ماهر: حكايا طويييله يانادر نادريجلس على الجلسه الي في البلكونه ويحط رجل على رجل:وهذي جلسه بس يلا قول ماهر يشوف نادر من تحت لفوق نادر:خير موعاجبك ماهر:لأ نادر يقلد ماهر:لأ.. ها بتقول مين ريم ولا زي اوول ماهر يطالع المنظر الي قدامه: آآآه يا نادر ايش بقول نادر: قول قول ماهر: طيب اسكت خليني اعرف اتكلم نادر: يعني انا الي ساد حلقك ماهر يروح لنادر ويقومه: يلا برا يلا كمان تتفلسف نادر: لالا خلاص بسكت ماهر: كلامك مره كثير نادر: خلاص بسكت نادر يجلس ماهريطالع في نادر ونادر يطالع في ماهر ماهر ونادر يضحكو ماهر:ريم هذي اغلى شي بحياتي نادر:يعني حبيبتك؟ ماهر يطالع في نادر ويروح يجلس جمبه ماهر:تقدر تقول كذا نادر يبتسم ماهر: احبها حب ماقد حبيته احد نادر:حلوا ماهر يطالع في نادر ويبتسم:مآلكه جمال الكون بيدها نادر يغمز:ياولد ماهر: هوا انا كل مااقول كلمه ترد عليها نادر: خلاص بسكت ماهر: بس مشكلتها انها صادتني نادر يضحك:ههههههههه ماهر يشوف نادر بنظرات حقد: تتشمت ها نادر وهو يضحك: لا بس انت عمرك ماتفلح بشي ماهر: مالت على حظي نادر:طيب ايش يعني صادّتك لازم تمشي وراها اتركها زيها زي باقي البنات الي قبلها ماهر:انت فاهم غلط ريم غير كل البنات الي انا عرفتهم من قبلها ريم شي تاني ..انا نسيت الماضي من بعد ماحبيتها نادر:ومين تطلع هذي ريم؟ ماهر:بنت خالتي شفتها بالصدفه في بيتهم وكانت احلى بنت شفتها بحياتي نادر:اهااا ماهر:كلمتها مرتين وصدتني بس بحاول لأني احبها نادر:تتوقع بتلين؟ ماهر:مادري يانادر مادري"ويتنهد" في لندن في المستشفى في غرفه ميرا ميرا منسدحه على السرير وكانت الأنوار خافته ميرا تكلم نفسها: قررت تنساني ياسعود وانت كل شي فيني قررت تبعد عني وانت روحي وزي ماقررت انت انا قررت لازم انا كمان انساك لازم انسى الإنسان الي حبيتو وكذبني بنسى الإنسان الي سلمته قلبي وخذلني بس مهما تمر سنين مابنسى حبك حبك مايتنسي ياسعود لوانسى مين انا مااقدر حتى اتناسى حبك "ميرا تفتكر يوم ملكتها" كنت اسعد انسانه وانا بين يدك وعيني في عينك ويدي في يدك وقلبي يخفق لقلبك بس دحين اتغير كل شي صار عكس الي اتمنيته صارت احلامي خيال مجرد طيف ومر طيف ومر ياسعود مر ولا رمالي حتى سلام آآآآآآآآآآآآآآآآآآآه يارب في بيت ابو مازن على طاوله الطعام ع الغدا ام مازن مقابله ابو مازن ومازن مقابل رولآ وسعود مقابل ريم وريان مقابل ليان ونوف مومقابلها احد ام مازن:يلا ياحلوين اتفضلو نوف: يالله انا مره جوعانه مازن: حشوه بس تاكلي ام مازن: بسم الله على بنتي قول ماشاء الله مازن: لا مااقول عشان ماتاكل خلي وزنها ينزل شوفي كيف صايرا برميل ريم: لا حرام والله نوف مو مارا دوبه رولآ تضحك نوف تطالع في رولآ بحقد: مبسوطه انتي تحبي الشماته الكل يضحك سعود: والله البنات صايرين هاليومين بس ياكلو الله يستر لانشوفهم بغال مازن: بيني وبينك مابغا احد يسمعني البنات في هذا الجيل صايرين زي المخلوقات الفضائيه اجسام غريبه واشكال اغرب سعود يضحك رولآ تضرب مازن على كتفه: لا والله مازن: ان كيدهن عظيم الكل يضحك ابو مازن: احلى شي في الدنيا البنات رولآ وريم ونوف: هوا دا الكلام مازن وسعود يطالعو فيهم ام مازن: ماما رولآ ليش ماتجيبي رولآن ولوران بدال ما هما جالسين مع الشغاله هناك ليش مايجو ياكلو رولآ:والله تعبت معاهم خاله صايرين عنوديين مره ريم: بس لا تخليهم مع الشغله والله انا مارا اخاف منهم نوف: ايوا صح الشغالات ما تضمنيهم سعود: دحين الشغالات ماتضمنوهم بس لا راحو تحسو ان روحكم معاها مازن: اصلا مافي بنت روحها مو متعلقه بالشغاله ريم ترفع حواجبها: خير انشاء الله انتو ايش فيكم علينا اليوم مازن يأشر على سعود :هذا اخوكي مو انا سعود: الله يالرجوله خفت من ريم ورميتها عليا رولآ: اشوف مزودها يامازن ولا كني بنت يعني وتكلم كذا عيني عينك سعود: اقول مازن سكر فمك ولا يجيك كف دحين ماقد اخذته ابو مازن :ياشباب ترا لو قامو عليكم البنات انتو مو قدهم ريم: تحبو تجربو؟؟!!؟؟!! سعود ومازن بصوت واحد: لا الله يخليكي الكل يضحك يرن جوال ريم على نغمه ألا يا حبي السامي .. لقيتك بأول أيامي.. تعال وجدد أحلامي ... ترى قلب الهوى سهران .. شربت الحب من كاسك .. وطعم الورد بانفاسك .. لأنك عذب باحساسك .. وانا مغرم بك وولهان ريم تقوم تروح تاخذ الجوال وتفتح الخط سعود:حتى الإتصالات مايقدرو يأجلوها بعد الغدا ريم تطالع في سعود بحقد سعود بخوف: خلاص خلاص الكل يضحك ريم: آلو ؟:آلو ريم: هلا والله ؟:هلا فيكي ...شفت اتصالك قبل شويه كنت مشغوله ومارديت!..بس ممكن اعرف مين انتي؟؟ ريم: ماافتكرتي صوتي ؟:هوا مو غريب بس مو قادرا اميزه ريم: انا ريم يالمار لمار: هلا هلا والله ياعسل ريم: هلا فيكي حياتي ..كيفك؟ ايش مسويه؟ لمار: بخير انتي كيفك وايش اخبارك؟ ريم: تمام الحمد لله لمار: كيف مامتك وبابتك كيف كان شعورهم لما فزتي اكيد بتكون اكبر فرحه ريم حست بحزن وبدت عيونها تدمع لمار: ريم فينك ليش سكتي؟ ريم بحزن:ماما وبابا في المستشفى مالحقو يسمعو خبر فوزي لمار بحزن:لآآآآآآآآ ريم: صار لهم حادث يوم الحفل تخيلي لمار:ياحياتييي انشاء الله يكونو بخير ريم: لدحين بالعنايه انا مره خايفه عليهم لمار:انشاء الله مافيهم الا الخير ياقلبي ريم: انشاء الله تخيلي مانعين عنهم الزيارا يعني مااقدر اشوفهم لمار: ياحياتي ..لا انشاء الله يطلعو بخير وتشوفيهم ..طيب ايش رايك تجي عندي تفكي عن نفسك شويه ريم: في بيتك؟. لمار:زي ماتحبي في البيت او عندنا بالإستراحه ريم:اي استراحه؟ لمار:عندنا استراحه جمب بيتنا ولو تحبي نروحها نروحها وتكون طلعه بنات بس ريم: صعبه ياقلبي اهلي في المستشفى وانا الف عند البنات..ايش رايك انتي تجي انا عند خالتي في بيتها لمار تفكر:ممممممممممم اوكي بس بعطي خبر لأهلي ريم: اوكي لمار تروح عند امها:ماما بلييييز ابغى اروح عند ريم ام لمار: ريم مين؟ لمار: ماما ريم الي قلت لك عنها ام لمار: ايوا ايوا افتكرت .. لمار: ها ماما؟؟ ام لمار:يووه منك ومن كثر طلعات روحي حبيبتي روحي لمار تبوس راس امها: فدييتك والله ام لمار تبتسم ريم: ها ايش صار؟ لمار: خلاص اوكي بس ارسليلي العنوان برساله وبعد العشا بكون عندك انشاء الله ريم: خلاص انشاء الله لمار: اوكي اسيبك دحين يلا باي ريم: يلا بباي تابع // // |
