 |
  |
|
|
|
|
#81 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 30
في بيت ابو سعود في الصالة ابو سعود وام سعود وسعود ابو سعود:بس ياسعود البنت لها رأي وفي النهاية هادي حياتها هيا سعود:بس ماهر مافيه شي وكل بنت تتمناه ابو سعود:ماقلنا شي بس الرأي الأخير للبنت ام سعود:وليش ريم ترفض ماهر ؟ سعود :مااعتقد ترفضه انتو بس خلوها عليا انا اقولها ابو سعود :لا خلي امك تقولها سعود:لا خلوها عليا ام سعود:خلاص سعود:هيا في غرفتها ؟ ام سعود:ايوا سعود يطلع غرفة ريم ويدق الباب ريم من غير نفس:الباب مفتوح سعود يدخل ويسكر الباب ريم تطالع في سعود بتعجب سعود:اجلسي بكلمك في موضوع ريم:خير سعود:اجلسي ريم تجلس:هااا سعود:اعتقد انو سنك مايمنع انك تتزوجي ريم عرفت قصد سعود:ويعني؟ سعود:والي خطبك ماينرفض ريم توقف وتعطي ظهرها لسعود:بس انا رافضة من قبل لا تقول مين؟ سعود:ماهر الي خطبك ريم تلتفت على سعود:يطق ينفلق يموت ماني موافقة عليه سعود يوقف وبعصبيه :طبعا بترفضي عجبتك الصياعه والتسكع مع الشباب ريم تحط يدها على فمها من الدهشه ومن الصدمه سعود انحرج طلعت منه تلقائي من غير مايقصدها ريم تبكي:انا ياسعود انا اتسكع مع الشباب انت تقول عني كذا سعود ينزل راسها ومو عارف ايش يقول ريم:انا ياسعود تقول عني كذا وانت اكثر واحد عارفني ريم تبكي:ليش؟ ليش طيب تقول كذا؟؟انا تربية ماما وبابا ياسعود لو ماما وبابا كذا يعني انا كذا سعود يطالع في ريم بإحراج ريم تأشر على الباب:مشكور ياسعود سعود يطالع في ريم ويطلع ريم تجلس على السرير وتبكي ريم:انا اتسكع واصيع مع الشباب انا لايكون انا بمشي وانا نايمه ولا سعود ..سعود الي يقول عني كذا وربي ماني مصدقه..طيب ليش؟؟ معقوله يكون.... وسكتت ريم ريم:ماهر هوا ماهر ماغيره الي قاله ريم تاخذ الجوال وتدق على ماهر ماهر:ريم..معقول حبيبتي تكلمني مو مصدق ريم بعصبيه:انت انسان حقير ووقح ودنيئ ماهر:الله الله الله كل هذا انا ريم:وزياده ..الي سويته ماراح انساه لك ياماهر ولو تموت سمعت ايش بقول تموت لو اشوف روحك تطلع وزواجي لك يرجعها والله مااتزوجك ياماهر ماهر:الله يخليني واشوفك زوجتي ريم:ربي يفترك ياشيخ ارحمني ارحمني ياماهر بليز انا اكرهك ماابغاك انا احب رجوان رجوان حبيبي ماهر بعصبيه:انا حبيبك لأني بكون زوجك مو رجوان ريم:رجوان كل شي فيني رجوان انفاسي ومااقدر ابعد عنه ماهر:راح تبعدي عنه وتشوفي ياريم ريم:لو سويت في رجوان اي شي تاني ماراح تشوف شي طيب مني ياماهر ماهر:وافقي على زواجي وانا بترك رجوان ريم:طق مووووت ماراح اوافق ليش اتجننت انا انت ماتسوى شي من كل الرجال ريم تسكر الخط ماهر عصب:طيب ياربم..بس ماراح اتنازل بتزوجك بتزوجك في غرفة ريم ريم تفتح الباب وتنزل تحت للصاله سعود كان طالع برا شاف ريم معصبه ونازله رجع للصاله ريم:اسمعوني كلكم لو مابقى غير ماهر في الدنيا كلها ماراح اتزوجه ابو سعود:ليش ؟ ريم:ماابغاه ام سعود:الولد مافيه شي ريم تطالع في سعود:ماابغاه ماابغاه ريم تطلع سعود:راح تتزوجيه ياريم ريم وهيا في الدرج تلتفت على سعود:ماراح تجبرني ياسعود هذي حياتي انا وانا مااسمحلك تتدخل فيها سعود:لما تقدرينا وتقدري الحياه الي عايشتها معانا بتكون لكي حياتك ريم بعصبيه:سعود احترم نفسك ابو سعود:بس انت وهيا احترموني انا وامكم على الأقل موناقص غير كل واحد يعطي التاني كف ام سعود:انتو في شي بينكم..ليش كذا حاقدين على بعض؟ سعود:مافي شي امي سعود يطلع برا ويشغل سيارته ويروح ريم تطلع غرفتها ام سعود:ماادري ايش صار في عيالي ابو سعود:دلعناهم زياده ريم تروح تلبس عبايتها وتنزل ام سعود بصراخ:انتي لو مااحترمتي وجودنا في البيت بحرمك من الخروج ريم:انا محترمه ام ريم:باين الإحترام لدرجه انك لبستي واتجهزتي وطالعه من غير مابتقوليلنا ريم:انا بروح المستشفى ام ريم:والله مدري مين الي في المستشفى الي ملهوفه عليه ريم بصراخ:انتو ايش فيكم عليا ليش صرتو تعاملوني كذا ليش اتغير اسلوبكم معايا ليش كل يوم تسمعوني كلام سم انتو عمركم ماكنتو كذا ايش الي غيركم ريم تترك امها وتطلع ريم في السياره تبكي:ياربيي ايش الي صار في حياتي ليش قلبت فوق تحت كل الناس بيبعدو عني حتى رولا ونوف صارو مشغولين بأزواجهم وميرا..... وسكتت ريم وزادت دموعها انا بعد ميرا انتهيت انتهيت السواق لاحظ انو في سياره تلاحقهم من اول ماطلعو من البيت السواق يحرك المرايا ويطالع ريم تلتفت ولاحظت انها شافت السياره من اول ماطلعو ريم تشوف السياره :السياره مو غريبه ريم تفتكر:هذي سيارة ماهر ريم تكلم السواق:اسرع السواق صار يضيع ماهر لين وصل للمستشفى ريم نزلت بسرعه ريم تكلم السواق :انت امشي انا اكلمك واقولك تعال امشي قبل لا يشوفك ريم تدخل المستشفى وماهر يجي المستشفى يشوف السياره ومايلقاها ماهر يوقف السياره وينزل :معقول يكون ماجات المستشفى موشايف السياره ريم تمشي وتلتفت وراها تشوف ماهر لحقها ولالأ ماهر:خليني ادخل واسأل عن رجوان اذا كان هنا ريم تشوف ام رجوان وابوه وقتيبه ريم تأشر لقتيبه وقتيبه انتبه لها قتيبه:خلاص امي يلا مشينا قتيبه يعدي من عند ريم ويأشر لها انها تجلس عشان هوا بيرجع لها ماهر يروح يسأل عن رجوان ماهر:السلام عليكم ..شوفلي اذا كان في عندكم مريض اسمه رجوان........؟ قتيبه يرجع ريم توقف وبلهفه:قتيبه بشوفه قتيبه يبتسم ويميل راسها يمينه يعني تعالي معايا ريم تدخل وتلقى رجوان نايم ريم تقرب منه وتمسك يده وتضمها لصدرها ريم:رجوان قوم شوف حالي شوف انا من ايش بعاني قوم الحقني قبل لا اضيع من بين يدك قوم قولي اوعدك انك بتكوني ليا مو لغيري رجوان يتحرك ريم تبتسم:سمعني صوتك خليني احس بوجودك جمبي رجوان يفتح عيونه ويطالع في ريم رجوان يحط يده على خد ريم ريم تبكي رجوان يمسح دموعها ريم:رجوان انا بضيع منك قوم الحقني رجوان يطالع في ريم بس مو قادر يتكلم من التعب ريم:لاتزيد همي كلمني سمعني صوتك حسسني اني معاك رجوان يحاول يتكلم رجوان بصوت مبحوح:ريم ريم تطالع في رجوان رجوان:لاتبكي ريم موقادرا رجوان:حبيبتي يكفي انا مااحب اشوف دموعك ريم:انا تعبانه رجوان انت منت عارف ايش بيصير لي رجوان:ريم ايش فيكي؟ ريم :ماينفع يارجوان انت تعبان وانا ازيدك رجوان:ريم حياتي قولي ريم:لما تطلع بالسلامه رجوان:ريم باين عليكي تعبانه قوليلي ايش فيكي؟ ريم تحط راسها على صدر رجوان:مره يارجوان مره ريم تبكي رجوان يمسح على شعرها ريم:لا تخليني رجوان ا ترجاك ماتتركني خليك معايا انا احتاجك انت الضكه الي اضحكها لاتروح مني رجوان:ريم قلقتيني ريم تبكي:خليني ابكي وارتاح انا ماارتاح الا وانا على صدرك قتيبه يدخل ويشوف ريم حاطه راسها على صدر رجوان وتبكي ورجوان ماسكها ويمسح على شعرها قتيبه انحرج رجوان يأشر لقتيبه انه يدخل قتيبه:الحمد لله على سلامتك رجوان:الله يسلمك قتيبه يطالع في ريم رجوان يطالع في ريم وبعدين يطالع في قتيبه ويبتسم قتيبه يبتسم ريم:رجوان انا آسفه رجوان:على ايش؟ ريم:سامحني الي انت فيه بسببي رجوان وقتيبه مستغربين رجوان:ليش؟ ريم:بعدين تعرف المهم عندي اني معاك رجوان يطالع في ريم ريم:انت وعدتني انك بتطلع معايا اليوم رجوان يبتسم رجوان:والله ياحياتي مكسر وحالتي حاله وانتي شايفتني ريم:سلامتك ياريته فيني ولا فيك رجوان:لا حياتي لا تقولي كذا قتيبه:احم احم ريم نزلت راسها من الإحراج قتيبه يضحك قتيبه:اجل اترككم سوا وترا النيرس ماراح تخليكي راح تطلعك بعد شويه ريم:لاااا ريم تضم يد رجوان:انا بجلس مع رجوان رجوان استغرب من اسلوب ريم وحس ان الي صايرلها شي كبير رجوان يمسك يد ريم ويبوسها ريم تبتسم ريم تفتح شنطتها وتطلع جوالها رجوان يطالع مستغرب ريم ابتسم رجوان يبتسم وريم تصوره ريم تنسدح جمبه وتصور نفسها معاه رجوان وريم يضحكو في بيت لمار ام رجوان:الله يرجعه ليا بالسلامة يعني يوم ماشوفه يصير فيه الي صار لمار:حتى مالحقنا نجلس معاه تالا:مين يسوي فيه كذا رجوان ماله اعداء خالدين:من جد رجوان مره مسالم ام رجوان:الله يقومه بالسلامه لمار:فين قتيبه؟ ام رجوان:واحنا طالعين من المستشفى قالي بيروح عند اصحابه لمار:اهاا تالا:انا جيعانا مابتحطو غدا خالدين:وانا كمان ام رجوان:طيب قومو ابوكم من النوم وانا بتصل في قتيبه يجي في المستشفى ريم تطلع من عند رجوان وهيا طالعه من الغرفه كان ماهر يستناها ريم تشهق ماهر:بسم الله عليكي انفجعتي ريم:وصلت فيك الوقاحه انك تراقبني وتتجسس عليا ماهر:مو راح تصيري زوجتي لازم اعرف فين تروح وتجي ريم:زوجتك بعينك واديك شوفتني اخونك يلا اتركني انا وحده خاينه ريم تدف ماهر وتمشي ماهر يمسكها من دراعها:تعالي هنا ريم تصرخ:آآي يدي ارتكني قتيبه كان عند الدكتور والدكتور صاحبه مر عليه وجلس معاه في غرفته طلع قتيبه من غرفه الدكتور وشافته ريم ريم:قتيبه قتيبه تعالي خلصني منه ماهر يلتفت على قتيبه ويجيه بوكس من قتيبه ريم تجري وتطلع وتركب السياره وتروح ريم وهيا في السيارا تشوف ساري صدفه كانت سياره ريم جمب سياره ساري ساري كان بيركب سيارته وشاف ريم بس ريم ماشافته ساري:اشوه ماشافتني ولا كان سعود بوديني في داهيه ريم تكلم السواق:روح ع الكورنيش توقف السيارا وتنزل ريم ريم تكلم السواق:خليك هنا شويه وبرجع ريم راحت تمشي لوحدها وكان وقت الغروب ريم تفكر:آآآه يارب تخلصني من همي يارب تكتبني لرجوان مو لغيره يارب اشفيه ورجعه ليا بالسلامه انا مالي غيره بهالدنيا ميرا وتركتني نوف ورولا انشغلو عني ماما وسعود اتغيرو عليا انا مالي غيره يارب انا احتاجه خليني معاه يارب لاتفرقنا ريم وقفت وتطالع في الغروب وتبتسم يرن جوال ريم المتصله امها ريم:يالله سوري ماما ماراح ارد عارفه بتخاصميني والله مدري ايش قلبك عليا ياماما ماكنتي تخاصميني وتعاتبيني ريم تحط الجوال ع الصامت يمر واحد من الشباب ويكلم ريم:ياعيني ع الرومانسيه والروقان ريم تلتفت:ترا مو فايقتلك ابدا انقلع عن وجهي الشاب:حاضر طال عمرك ريم تبتسم :مجنون وربي ريم تفتكر الحلم الي حلمته في رجوان ريم تشهق:الحلم ريم تفتكر ان في الحلم بعد رجوان عنها ريم:انا في الحلم شفت رجوان يروح مني ويبعد معقولا بيتحقق معقول لأ لأ انشاء الله انا خايفه استحاله يصير دا الشي مستحيل ابعد عن رجوان لأ لأ لأ ريم ترجع السياره وتركب وتحرك السياره تابع // |
|
|
#82 |
|
|
رد: احتاجلك اذا ضيق الوقت صدري.. اتمنى من الكل يدخ
تابع
// في بيت ابو سعود في مجلس الرجال ساري:كل شي عن رجوان موجود عندي سعود:يلا قول ساري:اسمه رجوان ............... يسكن في فيلا لوحده ملكه منعزل عن اهله عمره 24 سعود :انت اهبل ولا تستهبل ساري يضحك سعود:يلا عاد قول ساري:اوكي اوكي قبل كم يوم اتهجمو عليه شباب وطاحو فيه فرش والوالد في العنايه دحين سعود:ايوااااا اي مستشفى ساري: مستشفى _____؟ سعود يفكر سعود مع نفسه:يعني ريم مابتروح عند صاحبتها بتروح عند رجوان ساري:فين وصلتو سعود:اقول سرّي ساري:الله الله ياناكر المعروف بس مو منك مني انا الي بخدمك سعود يضحك:مسويلي فيها زي البنات حساس مره الأخ ساري يضحك في غرفه ام سعود ام سعود بصدمة:بنتي ريم تسوي كذا؟؟ سعود يطالع في امه سعود:ريم بتكون لماهر ياأمي ولا تحاولي تمنعيني لأنو هوا الوحيد الي بيرضى في بنتك ام سعود :لا لا مو معقول ريم تسوي كذا انا مو مصدقه يالله ياريم سعود:امي لا تخليني اندم اني قلت لك انتي ولا كإنك سمعتي انا بتصرف معاها ام سعود :سعود خلصني من شرها ياسعود وشوف اي شي يبعدها عنه سعود:لاتوصيني امي سعود ونظراته فيها حقد:انا مجهز شي ..بس اعطيني وقت ريم ترجع البيت تفتح الباب وتدخل امها كانت تستناها وكانت جالسه في الصاله على الكنبه وحاطه رجل على رجل وتهز رجولها وتطالع في ريم بإحتقار ام ريم:صباح الخير ياداشره ريم بصدمه:ماما..انا داشره ام ريم:اوه معليش نسيت صباح الخير ياصايعه تنفع دي ريم نزلت دموعها:ليش تقولي عني كذا ياماما انا بنتك ليش تعامليني كذا ام ريم:لما انتي تحترميني ريم:انا ماسويت شي ماسويت شي يجي سعود وبصوت حاقد:ريم اطلعي غرفتك ولا تجادلي امي ريم:انت مالك دخل اتركني في حالي سعود بصراخ:ريم اطلعي غرفتك ريم:يارب يخلصني منكم سعود يمسك ريم من شعرها ريم تصرخ:آآي سعود سعود:لو امي وابويا ماربوكي انا بربيكي ريم:انا متربيه ياحقير ريم تجري تروح غرفتها وتسكر الباب ريم ترمي كل الي على التسريحه بالأرض ريم:ليش ليش ياربي الي بيصير في حياتي دا مومعقول انا مااستحمل انا تعبت تعبت وربي تعبت ياناس في الصاله ابو سعود:خير ليش كل هذا الصراخ؟ سعود:لامافي شي بس بنتك زودتها معيااي شويه وادبتها ابو سعود:لاتصرخ عليها ياسعود سعود:حاضر ابو سعود يروح مكتبه سعود يطالع في امه ويطلع برا ويحرك سياره ويمشي ام ريم مع نفسها:انا دلعتك زياده ياريم ولازم ادفع الثمن بتشوفيني على حقيقتي ماكان لازم اوثق فيكي من اول في غرفة ريم ريم تاخذ الجوال وتدق على نوف نوف:ايوا ريم اكلمك بعدين انا مشغوله يلا باي وتسكر الخط ريم تبكي زياده ريم تتصل على رولا رولا:هلا ريم انا في المستشفى اكلمك بعدين اوكي ريم تبكي رولا:ريم ايش فيكي؟ ريم تسكر الخط ريم:آآآآآآآآآآه مابقالي احد مابقالي احد انا صرت وحيده كلهم بعدو عني ليش ياربي ليش؟ ارحم حالي ياربي اروح لمين اشكي لمين؟؟ خلاص انا بعد ميرا انتهيت انتهييت فينك ياميرا تعالي خلاص يكفي غياب تعالي ياميرا شوفيني بعدك وشوفي الي صار في حياتي او خديني عندك وريحيني ليش تركتيني لوحدي ليش ياخاينه ياغداره في ستار بوكس ماهر:ايوا انا سعود:ليش؟ ماهر:ماكان لازم اخلي رجوان ياخذ ريم مني سعود:انت عارف ان الولد في العنايه ماهر:ادري سعود:بس عجبتني ماهر يبتسم سعود:لازم ننسي ريم رجوان ماهر:كيف؟ سعود:ماعليك كل شي جاهز بس عطيني وقت المهم انك تتقدم لريم تاني وتخطبها وتلبسها على الأقل ماهر:وانا جاهز سعود:وريم ماراح تدري بشي بهذاك الوقت تعرف وبذاك الوقت بنسيها رجوان ماهر:حلو سعود:مابكون سعود لو مازوجتك هيا لاتخاف ماهر:وربي خايف ياسعود رجوان ياخذها مني سعود:هوا يقدر؟طول ماانا عايش رجوان مايقدر يقرب من ريم شبر ماهر:وانا مابخليه في المستشفى نقلو رجوان من العنايه لغرفة عاديه العيله كلها عند رجوان رجوان يطالع في قتيبه وقتيبه يطالع في رجوان لمار:انتو ايش عندكم من اول تغمزو لبعض رجوان:وانتي ليش مراقبتنا؟ لمار:مابراقب بس شكله عندكم مصيبه قتيبه يصفر خالدين تروح تجلس جمب قتيبه وتشد خدوده:قولّي قولّي قتيبه:آي خدودي الكل يضحك رجوان :فين جوالي؟ قتيبه:مفش فش مابقى منه شي غير الشريحه تالا:يالله ام رجوان:حسبيا الله عليهم الله لايبارك فيهم رجوان:ماعليه هات الشريحه بس وعطيني جوالك خالدين:ليش؟ رجوان:بلا لقافه لمار تضحك:كشمه الكل يضحك رجوان يركب شريحته على جوال قتيبه رجوان يطالع فيهم كلهم تالا ولمار وخالدين:خيير!!؟ رجوان:ممكن تتفضلو برا بكلم شخص مهم تالا ولمار وخالدين بصوت واحد:ايييوااا قول كذا خالدين:قول انك بتكلم حبيبتك قتيبه يضحك رجوان يطالع فيه قتيبه يسكت ابو رجوان:بتطردنا يعني خالدين:ايوا بابا شوفت ولدك بيطردنا عشان حبيبتو اخس عليك رجوان يحذف علبة المناديل على خالدين رجوان:انتي اسكتي خالدين:آآآي الكل يضحك لمار:رجوان قولي مين هيا؟ رجوان:يابنت روحي انا بكلم صاحبي تالا:علينا علينا قتيبه يضحك رجوان يطالع في قتيبه رجوان مع نفسه:ايش الي شاغل بالك ياريم؟؟ايش صارلك؟؟ انتي فين دحين؟؟والله خاف عليكي بشكل ماتتصوريه؟؟ تالا تحرك يدها وكإنها بتعزف على الجيتار:تارارا ترارارا ترا ترارارا رجوان يطالع فيها ويبتسم في غرفة ريم الغرفه مكركبه وكل شي كان على التسريحه طايح بالأرض ومكسر وعلى السرير ملاك نايم ريم كانت نايمة بعبايتها وشوزها زي اول مادخلت الغرفه نامت وهيا حاضنه دبدوبها ودموعها مازالت على خدها وقت العشا على الطاوله ليان تنزل من الكرسي:بروح انادي ريم سعود:لأ ليون خليكي ليان كشرت:بروح بروح ام سعود:اجلسي هنا ياليان واسمعي الكلام ابو سعود:انتو ايش فيكم ليش ماتبغو البنت تجي تاكل شوفو كيف خاسه اصلا سعود:هيا قالت تبغى تنام وماتبغى احد يصحيها ابو سعود يطالع في سعود ونظراته تبين انه مو مصدق ليان:ماباكل سعود:اجلسي كلي ليان:مابامابامابا ليان تروح غرفة ريم ولأنها قصيرا تحاول تفتح الباب لين فتحته ليان تشوف ريم نايمه بالشوز تروح وتنزلها هوا ليان:نيم نيم ريم نايمه وماترد ليان:اووف ليان تطلع على السرير ونسدح على السرير ليان تشوف ريم حاضنه دبدوبها تنزل ليان من السرير وتروح غرفتها وتجيب دبدوبها و ترجع غرفة ريم وتطلع السرير تاني وتمسك دبدوبها وتلقد ريم في نومتها الساعه 6:30 الفجر في المستشفى رجوان كان ماسك الجوال ويتصل يرن جوال ريم على نغمة اوعدني ريم من التعب موقادرا تقوم ريم تستوعب النغمة انها نغمة رجوان ريم تقوم :رجوان ريم تاخذ الجوال من على الكمدينه ريم تبكي:رجوان رجوان:حياتي ايش فيكي؟ ريم:انا تعبانه يارجوان تعبانه رجوان:ياعمري قوليلي ايش صاير؟ ريم تبكي:صرت وحيده يارجوان ومالي غيرك لا تتركني رجوان:ريم قولي ايش صار؟ ريم:ماهر خطبني يارجوان واهلي موافقين رجوان:نعم!!؟ طيب انتي؟ ريم:انت عارف اني ابغاك ومابغى غيرك رجوان:طيب قوليلهم ..ريم انتي مستحيل تكوني لغيري سامعتني مستحيل ريم:سعود موافق ومصر اني اتزوجه رجوان:اصلا انا كنت حاسس ان في شي غريب في ماهر ريم:قولي ايش اسوي انا ابغاك انت رجوان:والله موعارف ايش اقولك ياريم بس الكلام ماينفع في الجوال ريم:انت طلعت من المستشفى؟؟ رجوان:لا بس نقلوني غرفه تانيه ريم:يعني انت اتحسنت رجوان:بعد ماشفتك عندي وبعد ماحضنتيني حسيت روحي رجعتلي ريم:خايفه انحرم منك رجوان:لاتقولي كذا ياريم ماعاش الي يفرقنا طول مااحنا نحب بعض ماراح نفترق ريم:ياريت رجوان:بوعدك اول ماراح اطلع من المستشفى بخطبك ريم:لا رجوان خلي الأوضاع تهدأ شويه رجوان:ليش؟ ريم:احس ان سعود يدري اني بشوفك واقابلك رجوان:معقول ريم:اهلي مره اتغيرو عني يارجوان كرهتهم وكرهت الجلسه معاهم صايرين مره سيئين رجوان:لاتقولي كذا هذول اهلك ريم:اي اهل يارجوان وربي ماصرت احس بإني بنتهم من اسلوبهم معايا انا مره تعبت من جد تعبت رجوان:سلامتك من التعب حياتي تهون انشاء الله تهون ياعمري ريم:آآه يارجوان موعارفه ايش اسوي في حياتي ابغى اكون جمبك على طول وانا بعيده عنك كل هموم الدنيا فوق راسي ولما اكون معاك انسى كل شي رجوان:الله لا يحرمنا من بعض ياحياتي انتي ريم انا وعدتك اني بفضل معاكي طول العمر ريم:ياريت تقدر تسوي شي قبل ماهر لايسوي شي تاني رجوان:ليش ايش سوا هوا؟ ريم:هوا سبب الي انت فيه رجوان:معقول ريم:خايفه عليك منه رجوان:انا مابخليه ريم:لارجوان مافي احد يدري انه هو السبب غيري لو عرفو انك عرفت انه هوا بيشكو فيني رجوان:عشانك بس ياحياتي ريم:بجيك اليوم المستشفى بس مايكونو اهلك موجودين رجوان:تعالي بعد العشا وانا بصرفهم بقول لهم اصحابي جايين ريم:اوكي خلاص رجوان:شكلك مره تعبانه من صوتك باين ريم:خلوني انام وانا ابكي رجوان:ليش ياعمري لاتبكي عشاني انا مااحبك تبكي ريم:موبيدي يارجوان والله موبيدي رجوان:ياحياتي انتي انسى كل شي وخليكي معايا ريم:عشان كذا ابغاك تكون معايا على طول رجوان يبتسم:وانا بكون معاكي على طول في بيت تركي تركي منسدح على السرير ويفكر:أول مره ادري اني احب صبا مادري اذا حب او صعبانه عليا المفروض ماافكر فيها واشغل نفسي فيها يا أنساها او...."وسكت تركي" تركي يقوم من السرير ويطالع من الشباك:شكلها بعد ماشفتها في عزا راكان زاد حبي لها بعد ماتغيرت وصارت صبا تانيه بس لازم مااحس بهذا الشي لازم اوقفه ايش بيصير لريم؟؟؟ وايش بيسوي سعود وماهر؟؟؟ وكيف بتكون حياة ريم مع رجوان؟؟؟ ورجوان ايش ممكن يسوي عشان تكون ريم له؟؟ وهل راح يقدر رجوان ولا بيوقف شي في طريقه؟؟ وفي ايش مخططه ام سعود على ريم؟؟؟ و تتوقعو ايش يقصد تركي بكلامه؟؟؟ |
|
|
#83 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 31
في غرفة جمانا جمانا صلت الظهر وشالت السجاده واخذت جوالها ودقت على سميه جمانا:سلام سميه:وعليكم السلام جمانا:كيفك؟ سميه:تمام وانتي كيفك ؟ جمانا:بخير الله يسلمك اسمعي سميه:هلا جمانا:طفشانا ونفسي اطلع اليوم تجي معايا سمية تفكر:امممممممم ماعندي شي بس ماقلتي فين؟ جمانا تفكر:اممممم مادري بس نفسي اقول لريم تجي معانا سمية تبتسم:قوليلها طيب ونشوف فين تقول جمانا:اجل اكلمها وبعدين اكلمك اوكي سميه:اوكي استناكي جمانا تسكر الخط من سميه وتدق على ريم ريم تقوم من نومها:الو جمانا:سلام ريم:هلا جمانا جمانا:ايش فيه صوتك؟ انتي نايمه؟ ريم:لالا بس تعبانه جمانا:سلامتك حياتي ريم:الله يسلمك جمانا:اسمعي ريمو انا وسميه بنطلع اليوم وياريت تجي معانا ريم تفكر وتكلم نفسها:الله يعينني على اهلي لما يدرو اني بطلع جمانا:رييييمووو ريم:معاكي معاكي جمانا:ها ايش قلتي؟ ريم:اوكي جمانا :طيب انتي شوفي لنا مكان كذا ريم تفكر:امممممممم بروح ستار بوكس بعدين نمر ناخذ كرسبي كريم لأني مشتهيته مره وانا مارا جوعانه ريم وجمانا يضحكو جمانا:اوكي وناخذ لفه على البحر كذا ريم:ايوا وننزل نمشي شويه جمانا:ونمر على اي مول كذا ريم وجمانا:هههههههههه ريم:ماراح نخلي مكان جمانا:ومين قال ان الوقت بيكفينا ريم تضحك جمانا:يلا اجل جهزي نفسك الساعه 5 العصر ريم:اوكي ياعسل جمانا:باي ريم:بايات ريم :يووه ياربي الله يعينني وانا خارجة ريم تقوم من السرير وتاخذ ملابسها وتروح الحمام تستحمى ريم دخلت الحمام وسعود كان طالع من غرفته سعود يدخل غرفة ريم من غير ماتعرف ريم ويدور على جوالها ويلقاه على الكمدينه ياخذ الجوال ويفتش في الأرقام بالصدفه ريم رجعت تاخذ معطر الجسم من على التسريحه وشافت سعود ريم بصدمه:سعود سعود يلتفت:ريم ريم بعصبيه:انت ايش تسوي؟ ريم تروح وتاخذ جوالها سعود يطالع في ريم ريم بقهر:طبعا مولاقي كذبه تقولها سعود يطالع في ريم بإحتقار ويطلع من غرفته ريم تاخذ المعطر والجوال وتدخل الحمام ريم في الحمام وهيا تتحمم:ايش كان يبغى سعود؟ وليش اخذ جوالي؟ انا لازم احط لجوالي رقم سري ولا يقدر يفتحه وياانا يا انت ياسعود في المستشفى ماهر يدق باب الغرفه ويدخل ماهر:السلام عليكم رجوان بصدمه:وعليكم السلام ماهر:طبعا عارفني وسبق واتقابلنا كم مره صح؟ رجوان يطالع في ماهر بتعجب ماهر:الحمد لله على سلامتك تصدق خفت عليك لما دريت انك انضربت يامسكين تكسرت رجوان بعصبيه:انت لو ماطلعت من هنا بناديلك الأمن ماهر يصفق :برافو لعبت الدور صح ماهر يقرب من رجوان:شوف يا.....جوني على قولت ريم ماهر يستهبل:موريم تقول جوني ولا انا غلطان رجوان:ومو حلوه من غيرها الله يخليك لاتعيدها بشعت اسمي وهوا طالع منك ماهر عصب:اوكي بسوي نفسي ماسمعت اسمع الي بقوله مظبوط ريم بتكون ليا انا وياويل إلي يقرب منها شبر او حتى عشرين متر او اكثر رجوان يضحك:حلوة النكته ماهر عصب:انا ماانكت رجوان يضحك:وحلوه النكته التانيه ماهر:بتشوف نكتي هذي لو بعدها بتضحك يارجوان رجوان:ايش علاقتك بريم اساسا تحبك تبغاك هذا وجهي لو واحد من الي قلته ماهر:مين قال تحبني او تبغاني او وحده منهم بالعكس مو وحده منهم إثنينهم رجوان يضحك:انت تكذب على نفسك ماهر:خطوبتي لها الأسبوع الجاي وخليني اشم خبر ان ريم دريت عن هذا الشي رجوان بصدمه:نعم!!!!!!!!!!! ماهر يضحك:شفت كيف مو قلت لك بعد نكتي مابتضحك ههههههههههه رجوان:والله لو قربت من ريم اول لمست منها شعره ياماهر مابتشوف مني شي طيب ماهر:لاخفت تصدق اني مره خفت منك انت متوقع انك بتقدر تبعد بيننا رجوان:انت مهما تسوي ماراح تبعدني عنها احنا انكتبنا لبعض ماهر بعصبيه:ريم ليا انا وبتقول قلتها ماهر يترك رجوان وهوا معصب ويطلع برا رجوان :الحقير الكلب والله لو يلمس من ريم شعره وحده بس ياويله مني والله مايقدر ياخد روحي مني مابخليه يسويها رجوان ياخذ جواله ويدق على ريم في الحمام يرن جوال ريم وهيا تتحمم ريم تاخذ الجوال وتشوف ومكتوب ::فارس احلامي::ريم تبتسم ريم:الو رجوان:ريم ريم:رجوان ايش فيك ليش صوتك كذا؟ رجوان:ريم انتي كيفك؟ ريم:انا تمام انت كيفك فيك شي؟؟ رجوان مع نفسه:ماتدري عن شي والله لو تدري عن ماهر بيخطبها بتروح فيها ريم:جوني فينك؟ رجوان:معاكي حبيبتي ريم:انت مو طبيعي رجوان مع نفسه:اقولها ولا لأ اقولها ولا لأ ريم:تدري جوني اليوم بطلع مع البنات ماصدقت احد يقولي يلا نطلع من جد مليت من البيت رجوان مع نفسه:ماابغى اخرب فرحتها رجوان يكلم ريم:طيب تمام غيري جو شويه ريم:بس خايفه لما يدرو اني طالعه يسوولي موال رجوان بصوت مبحوح وفيه بكا:لاحياتي لاتفكري فيهم اهم شي انك تطلعي ريم:مو انا قلت كذا خليها على الله المهم اطلع يصير اخلص وامر عليك رجوان:اوكي..في صوت مويه عندك انتي فين؟ ريم انحرجت:هااا ..التلفزيون التلفزيون رجوان:أهاا في بيت لمار لمار:بنات مو تحسو ان رجوان يحب تالا:اصلا باين عليه رجوان مايعرف يخبي شي خالدين:انا لاحظته من اول والي يحبها تجي في بيته تالا وخالدين بصدمه:نعم؟؟!!؟؟ لمار:تفتكرو يوم رحت بيته اشوفه البنات:ايوا لمار:وكنت بدخل البيت بس عارفين ايش سوا؟ البنات:ايش؟ لمار:دفني ومنعني ماخلاني ادخل ولما دفني شميت ريحة عطر بنات في بلوزته والعطر مو غريب عليا شميته قبل كذا تالا:من جد؟؟ خالدين:انا مومصدقه لمار: والله بنات لما شميت العطر ماكانت غريبه اعرف صاحبة دا العطر تالا:مين تتوقعو؟؟؟؟؟ خالدين:اكيد وحده نعرفها لمار:اكييد بس مين؟ تالا وخالدين ولمار يفكرو خالدين:ايوا عرفت لمار وتالا:مين؟ خالدين تستهبل:وحدة من البنات خالدين تضحك تالا ولمار بقهر:واللهي تالا ولمار يطلعو فوق خالدين ويضربوها خالدين تضحك ع الكورنيش نادر:بس ياماهر والله غلط تتزوج وحده موراضيه فيك وسام: ترا بتتعب بعدين صدقني ماهر:بس مو ذنبي اني حبيتها نادر:اي حب ذا الي يخليك تعذب حبيبتك وسام:ماهر صدقني انت ماتحبها البنت عجبتك بس ماهر:انتو موماحسين فيا وسام:واللهي حاسين بس انت بتفكر بطريقه غلط نادر:اسمع ماهر البنات ياكثرهم وبدال ماتاخذ وحده بتاخذ اربعه والي خلق ريم خلق غيرها ماهر:مااقدر اكون لغيرها وسام:تقدر ليش انت مو رجال؟ ماهر:مال الرجوله دخل بالموضوع كل الحكايه ان البنت دخلت مزاجي نادر:طيب يابن الناس هيا دخلت مزاجك بس انت مادخلت مزاجها بالله كيف ترضى تجلس معاها وهيا مو طايقتك وتتمنى الفكه منك وسام:والله صعبه ياماهر صدقني بتتعب في حياتك لو اتزوجتها نادر:ترضى انك تكون جالس مع زوجتك وهيا تفكر في واحد تاني ماهر بعصبية:اصلا بنسيها مين رجوان نادر:مافي فايده وسام:شوف ماهر انت راسك يابس مامنك امل على راحتك سوي الي تبغاه بس خليك فاكر الكلام الي قلناه لك دحين ماهر:على راحتي وراحتي مع ريم وسام يطالع في نادر ونادر يطالع في وسام في بيت ابو سعود على طاوله الطعام ريم تنزل ودخلت غرفة الطعام:مسا الخير الكل:مسا الخير الكل يطالع في ريم ابو سعود:ليش ماصرتي تنزلي وقت الغدا نفضل كل شويه نناديكي وماتنزلي الا وقت مانخلص خلاص ريم تطالع في ابوها بقهر "حتى انت يابابا" ريم تطالع في سعود سعود يطالع في ريم بقهر ريم تطالع في امها ام ريم تطالع فيها بقهر ريم تطالع في ابوها ابو ريم يطالع فيها بقهر تلتفت على يمينها وتشوف ليان ليان تبتسم:حبيبي ريم :الله لا يحرمني ابتسامتك ريم تطالع فيهم وتقوم :الحمد لله ريم تطلع غرفتها سعود:هذي ايش فيها؟؟مااكلت شي وقالت الحمد لله ام ريم:اتركها براحتها ابو سعود:البنت مره متغيره مدري ايش عندها؟ في غرفة ريم ريم مرتكزه على الباب وتنزل دموعها:انا مولازم استسلم مو كل ماصار شي ابكي لازم اكون اقوى من الظروف وتكون دموعي غاليه طفشت من البكا طفشت ريم تمسح دموعها وتشوف الساعه في يدها وتكون 4:00 العصر ريم:باقي ساعه خليني البس ريم تفتح دولاب ملابسها وتغير ملابسها وتلبس عبايتها توقف قدام المرايا وتنفخ شعرها من قدام وتلف الطرحه من نص شعرها وكانت لابسه كعب فوشي وشنطه فوشي ولابسه اساور فوشي وحاطه روج فوشي وكحل اسود وبلاشر وردي ريم:موهما بيشكو فيني والله لا احرقهم بنار الشك واتكشخ الين مايحسبو اني بطلع مع واحد من الشباب يموتو يطقوو ينفلقو ريم تنزل وصوت الكعب كان عالي وريم كانت مستقصده ان الصوت يكون عالي تمر من الصاله وكانت طالعه وسوت نفسها ماشافت احد ام ريم:على فين انشاء الله؟ سعود:كذا من غير ماتقولي لأحد ريم كانت لابسه نظاره شمسيه ريم تزل النظاره:عفوا ايش قلتو ام ريم:لا بالله تستهبلي ريم:ماسمعت سعود يقوم ويروح عند ريم ويرفع صوته:فين رايحه ياهانم؟؟ ريم:هييي انت اذني ايش تحسبني وبعدين قولي آنسه لو تكرمت سعود انقهر من ريم بس مسك نفسه:بتقولي فين رايحه ولا..وسكت سعود ريم تعض على طرف النظاره:بروح مع البنات ستار بوكس ام سعود:صياعه وقلة ادب ريم بقهر:هذي موقله ادب من متى ماشاء الله الطلعه صارت قله ادب سعود:اتكلمي بإحترام ريم:ياشيخ روح عني قرفتوني في عيشتي ريم تتركهم وتطلع سعود يطالع في امه ام ريم:قرفناكي في عيشتك!!طيب ياريم سعود يطلع ورى ريم سعود:ريم ريم ريم تلتفت:خير ايش عندك لسه التحقيق ماخلص سعود:ريم اتأدبي في كلامك معايا سعود يطالع في ساعته متى بترجعي؟ ريم:الساعه 11 سعود:11:15 لو مارجعتي البيت مابتشوفي شي طيب مني سعود يروح ويركب سيارته ويحرك ريم وهيا مقهورة:روح سرّي ولّي ياشيخ ولّي ريم تركب السياره وتقول للسواق يوديها ستار بوكس في ستار بوكس صدفة توقف سياره ريم وتوقف جمبها سيارة لمار ريم:لموري لمار تلتفت:ريم ريم:احلى صدفه لمار: من جد احلى صدفة ريم تسلم على لمار:ايش اخبارك؟ لمار:تمام وانتي؟ ريم:تمام خالدين:هلااا ريم:اهلين خالدين تالا:يامحلا الصد ف ريم تسلم على تالا: شفتي كيف؟ لمار:انتي جايه لوحدك؟ ريم:لا مواعده البنات لمار:اها ريم:تعالو اعرفكم عليهم لمار وتالا وخالدين:اوكي يدخلو ويروحو على طاوله جمانا وسميه وصبا ريم:هاي قيرلز البنات:هايات ريم تسلم عليهم ريم تطالع فيهم وتبتسم:بنات من جد اتغيرتو انا مومصدقه انو انتو البنات يبتسمو جمانا :سبحان مغير الأحوال ريم:اعرفكم ريم تأشر:هذي لمار قدي وهذي خادلدين اصغر مني بسنه وهذي تالا متخرجه ماشاء الله ومتوظفه البنات يسلمو على البنات ويجلسو معاهم ريم تأشر على البنات على الطاوله:وهذي جمانا وهذي سميه ودي صبا جمانا تطالع في ريم ريم تبتسم:اشبك؟ جمانا:مادري بس من جد انتي غير كل البنات ريم:ليش يعني؟ جمانا:مادري البنات يضحكو صبا:بنات بقولكم شي بس بليز تقولولي رايكم من غير اي مجاملات البنات:قولي صبا:انا انخطبت ريم وسميه وجمانا:من جد!؟؟ صبا:ايش استغربتو اجل لو قلت لكم مين ايش بتسوو؟ البنات:مين؟ صبا تنزل راسها:تركي البنات:نعم لمار:بسم الله ايش فيكم هجمتو على البنت جمانا:انتي مابطلتي صبا:لالالا لاتفهمو غلط انا بطلت هذي الحركات من زمان بس الي ماتعرفوه ان تركي صار داعيه البنات:من جد؟!؟!؟ صبا تبتسم:واكيد ماراح القى احسن منه سميه:معقوول!؟ صبا:زي ماسمعتو ريم:انا موعارفه ايش اقول؟ جمانا:انا مومصدقه لمار:ايش فيكم؟؟ ريم:الولد دا كان من اصيع خلق الله خالدين:الداعيه الي خطبها؟؟ ريم تهز راسها تالا:من جد؟!!؟ ريم وسميه وجمانا وصبا يهزو راسهم بتناحه صبا:انا محتاره اخاف اوافق اندم ويطلع لسه مابطل خبث واخاف ارفض واتورط في واحد غيره يكرهني عيشتي ريم:وافقي البنات كلهم يطالعو في ريم ريم:وافقي صدقيني ماراح تلقي احسن منه يكفي انه داعيه جمانا: من جد صح كلام ريم سميه:وانا اشوف كذا ريم:تحبيه صبا تطالع في ريم صبا تنزل راسه ريم:يعني تحبيه؟ صبا:انا حبيته من اول ومازلت احبه مع اني عرفت انه كان يلعب عليا بس مازلت احبه ماادري ليش ريم تبتسم:مافي احد يدري فين نصيبه الكل يبتسم صبا:الخميس جاي عند اهلي ويخطبني منهم جمانا:مبرووك مقدما صبا:الله يبارك فيكي عيون تالا مانزلت من على واحد كان جالس في الطاوله الي جمبهم وهوا كمان لفتت نظره تالا كان لابس تيشيرت اسود وفيه رسمه بوي كدش بالفضي من الظهر وكان لابس كاب اسود وكان شكله جذاب ريم لاحظت نظرات تالا مو معاهم والتفتت وشافت الولد الي تطالع فيه تالا وطلع ساري ريم تشهق البنات يطالعو فيها:ايش فيكي؟ ريم:ها..لالا ولا شي البنات يضحكو لمار:اتجننت البنت ريم بصوت واطي:لابس شفت صاحب سعود لمار:طيب ايش فيها ريم:فيها وفيها كمان بعدين اقولكم على الموضوع ريم كانت تحسب ان سعود مخلي ساري يراقب ريم خالدين:اي واحد ريم :هذا الي ورايا الي لابس تيشيرت اسود وكاب اسود تالا بدهشه:هذا صاحب اخوكي؟؟ ريم تبتسم وتحرك حواجبها:ايوا تالا استحت حست ان ريم لاحظت شي البنات بصوت واحد:حليوا الكل يطالع في بعض ويضحك على طاولة ساري وصاحبه صاحب ساري لاحظ نظرات ساري المتكرره على تالا التفت وشاف تالا صاحب ساري:هيا حلوه بس خليك معايا ساري:ها صاحبه:رايح فيها لحست مخك البنت ساري وصاحبه يضحكو ساري:جذبتني من بين كل البنات الي معاها صاحبه:هيا حلوا بس شوف هذيك الي جالسه جمها الي لابسه اسوارا فوشي هذيك احلى ساري:حلوا بس ترا هذي اخت سعود صاحب ساري:من جد!؟ بس تصدق فيها شبه من سعود ساري:ياوللك تغازلها ترا تعرفني توديني في دهيه صاحب ساري:لامادام كذا بسوي نذاله وبروح اخذ موعد معاها ساري وصاحبه يضحكو في الكوفي سعود:خلاص اتفقنا الخميس انشاء الله موعدنا ماهر يصاحف سعود:وهو كذلك سعود:مبروك مقدما ماهر:الله يبارك فيك سعود:انا كذا ارتحت وماعاد اخاف على ريم ماهر يبتسم:بحطها في عيوني كيف تخاف عليها وهيا في عيوني سعود يبتسم:بتكون زوجتك اكيد بتحطها في عيونك سعود:طيب رجوان؟ سعود:خليه عليا..انت دحين قوم بروح ستار بوكس اشوف ريم وهيا طالعه على فين رايحه ماهر:يلا تابع /// /// |
|
|
#84 |
|
|
رد: احتاجلك اذا ضيق الوقت صدري.. اتمنى من الكل يدخ
تابع
/// /// في ستار بوكس ريم تكلم لمار بصوت واطي عشان مااحد يسمعهم ريم:لمار اسمعي لمار:ايش؟ ريم:تعالي معايا برا لمار:اوكي ريم ولمار يقومو البنات:فين؟ ريم:كلمه راس البنات:واللهي ريم تضحك:شويه ونجي ريم تاخذ لمار وتطلع برا وتطلع سيارتها ريم:لمار عطيني عبايتك وخذي عبايتي لمار:اوكي بس ليش؟ ريم:انا حاسه ان اخويا براقبني اعطيني عبايتك وانتي بتركبي في سيارتي على اساس انك انا وبعد مانروح ناخذ كرسبي كريم حتروحو البحر وتاخذي اخواتك معاكي وانا اخذ سيارتك واروح مكان بعدين اقولك فين بس هاتي عبايتك بسرعه لمار:والله شكله عندك مصيبه ريم:يلا بس انتي نزلي عبايتك لمار:السياره مظلله ريم:مظلله ومايبان يلا لمار:بس المغرب بروح ازور اخويا في المستشفى ريم بصدمه:نعم؟!؟ لمار:بروح لأخويا ريم تفتكر كلام رجوان لما قالها:تعالي بعد العشا وانا بصرف اهلي بقولهم عندي اصحابي ريم:خلاص عادي بس قبل لا تروحي المستشفى اركبي سياره جمانا لمار:يووه طولتيها ريم:لاطولتها ولا شي لمار:خلاص اوكي يتبدلو العبايات لمار كانت متلثمه ريم اضطرت انها تتلثم عشان لو رجعت يحسبها ساري لمار وريم كانت كاشفه فأضطرت لمار انها تكشف وتحط من نفس روج ريم وتنفخ شعرها يعني صارت تشبهها ريم ولمار ينزلو من السيارة ويدخلو خالدين تكلم ريم على اساس انها لمار:فين رحتي؟ ريم:لقافه البنات:ريم؟!؟ ريم:اسكتو البنات بصوت واطي:ليش؟ ريم:يووه حكايا طويله بقول بإختصار انا اخويا براقبني وانا بعد ماناخذ كرسبي كريم بروح مكان وأتنكرت عشان مايعرفني لمار بتطلع سيارتك جمانا عشان بترووح مشوار وانا بطلع سيارتها البنات:اهاااا جمانا:اوكي ماعندي مانع تالا تكلم ريم:ايش اسمه؟ ريم:سعود تالا:لا مو اخوكي ريم:ها مين؟ تالا تأشر على ساري:صاحب اخوكي ريم تطالع فيها وتغمز:اهاااا اسمو ساري تالا تبتسم ريم تدق تالا بكوعها تالا:يابنت ريم تغمزلها تالا استحت في المستشفى بعد المغرب رجوان:امي روحي ارتاحي في البيت ام رجوان:انا مرتاحه هنا جمبك رجوان:والله امي باين عليكي تعبانه ام رجوان:يا ابني ماني تعبانه وبعدين جايين اخواتك دحين رجوان يقوم يجلس وبصدمه:نعم رجوان اتألم في ظهره لما قام رجوام:آآ ظهري ام رجوان:بشويش ايش فيك انفجعت كذا؟ رجوان:لابس يعني خفت فين كانو ليش ماجو معاكم ابو رجوان:راحو ستار بوكس رجوان:اها بس مايحتاج يجو ام رجوان:ايش عندك؟ رجوان:بصراحه اصحابي بعد العشا بيزوروني عشان كذا ماابغى البنات هنا ابو رجوان:خلاص يسلمو عليك ونمشي سوا يدق الباب ويدخلو البنات رجوان مع نفسه:الله يستر لا تجي ريم تالا وخالدين ولمار يسلمو على رجوان لما جات لمار تسلم على رجوان رجوان يسحب عبايتها ويشمها ويشم عطر ريم رجوان يشم ويبتسم لمار:خير؟ رجوان:من فين جبتي العطر؟ لمار تشم عبايتها وتفتكر يوم كانت تبغى تدخل البيت عند رجوان ومنعها شمت نفس الريحه واتأكدت لما شافت رجوان يشم العبايه لماربنظران ونبره خبث:هذي اصلا مو عبايتي هذي عباية ريم صاحبتي رجوان بدهشه:رييم!!؟ لمار:ايوا .ليش تعرفها؟ رجوام:ها لالا بس ليش؟ لمار:يوه مافيا حكايا طويله لمار حست بشي من ناحيه رجوان رجوان:يلا بنات مع السلامه البنات يطالعو فيه بإستغراب رجوان:باي الكل يضحك تالا:خير انشاء الله رجوان:اصحابي جايين ياويلكم لو جو وانتو هنا لمار تجلس رجوان يقوم يجلس بقوه :لا تجلسي رجوان يتألأم تاني في ظهره:آآي ام رجوان:وبعدين معاك لا تتحرك خالدين:تبغى تقنعني انك مسوي الرجه دي كلها عشان اصحابك مو احد تاني رجوان يطالع فيها بتعجب لمار:يلا يلا خلينا نصفيلهم الجو ام رجوان تضحك ابو رجوان يوقف:يلا مشينا رجوام:مع السلامه الله معاكم نشوفكم قريب انشاء الله خذو الباب وراكم خالدين:حيلك حيلك ايه الي بتعملو ده الكل يضحك الكل يطلع وتبقى لمار لمار وهيا طلعه:ومن الحب ماقتل وتسكر الباب رجوان استغرب منها رجوان ياخذ الجوال ويدق على ريم يرن جوال ريم ريم:ياهلا رجوان:فينك حياتي ريم تنزل من السياره وتسكر باب السياره:شوفني نازله من السياره عندك احد؟ رجوان:صرفتهم لعيونك ريم تبتسم:لو يدرو انك صرفتهم عشاني بيذبحوني رجوان:ولا يتجرؤو ريم تبتسم ريم وهيا داخله وماسكه الجوال كانت مندمجه مع رجوان وكانت بالصدفه خارجه لمار بس ريم كانت متلثمة ولمار كانت شاكه انها ريم مو متأكده بس لما لمار طلعت برا وجايه تركب السياره الي هيا سيارة ريم شافت سيارتها واتأكدت ان الي دخلت ريم والي بتدخل عند رجوان ريم لمار تضحك تالا وخالدين:ايش فيكي؟؟ لمار ميته ضحك خالدين:اتجننت لمار:بنات مانبغى نروح خلونا جالسين هنا الين مايطلعو اصحاب رجوان بعدين ندخل تالا:ليش؟ لمار:بعدين تعرفو خالدين:لا خلينا نروح نتمشى بعدين نرجع لمار:اوكي في غرفة رجوان ريم تدق الباب وتدخل وكان في يدها باقة ورد كبيره وكلها ورود حمرا وكانت مرصوصه على شكل قلب ريم تحط الورد على الطاوله ريم:جوني وحشتني // انت معايا بجد حبيبي اصدق عيني لو بحلم اوعي تصحيني سيبني حبيبي اعيش وياك دا انت واخدني لدنيا بعيدة وعالم تاني ومفيش حاجة معاك ناقصاني سيبني اعيش وياك حبيبي لية بحبك تعرف لية هقولك كل ما فيك وكلك ليا انا ماللي انا فية مش عايز ثانية اغمض عينيا الفرحة دي جديدة عليا خد ايامي وعمري الجاي بقاا معقول الحب دا كله فقلبك ليا جوا عنيك حب وحنية امال حضنك يبقاا ازاي // ريم تسلم على رجوان وتجلس جمبه على السرير رجوان يحط يده على يدها:ياحياتي وانتي اكثر ريم تبتسم رجوان:انبسطتي؟ ريم:مره بس مو عشان شي عشاني معاك رجوام يمسك يد ريم ويبوسها:الله يخلينا لبعض ريم تضيع ابتسامتها ريم:رجوان انا محتاجتك جمبي في اشياء كثيره اتغيرت في حياتي رجوان: انا حاسس انك شي بتقوليه؟ ريم تنزل طرحتها على كتفها :طيب وخرلي مكان بنسدح جمبك رجوان يبتسم ريم تنسدح وتحط راسها على كتف رجوان رجوان يلعب بشعرها:قولي حياتي ريم:ماهر يارجوان ماهر مجنني بيهددني فيك وانا خايفه رجوان:ايش بيسويلك؟ ريم:يبغى يتزوجني غصبا عني وسعود مصر الا اتزوجه بيزوجوني غصبا عني انا خايفه اضيع منك انا مالي غيرك انت حياتي وروحي وقلبي وعمري وانفاسي مااستغنى عنك رجوان:ياحياتي مابتضيعي مني انتي ليا ريم تنزل دموعها:انا خايفه رجوان يحضنها:لاتخافي طول ماانتي في حضني ريم:رجوان ماهر قال لسعود اني بقابلك وسعود حلف لايزوجني ماهر رجوان كان خايف مره ان ريم تضيع منه بس ماكان مبين لها رجوان:دام حبنا موجود مافي شي يفرقنا ريم:ماما يارجوان رجوان:ايش فيها؟. ريم:ماما صايره انسانه تانيه انا احس ان سعود قالها رجوان:ليش ايش صار؟ ريم ادمعت:ماما صايره قاسيه وقلبها حجر احسها تكرهني ماتبغاني اسلوبها صاير مره متغير تسبني وتهزأني وماعاد تسأل عني زي اول ولا تخاف عليا زي اول انا مليت من المعامله السيئه الي بتعاملها في البيت انا محتاجه لك لأنك انت الي بتعاملني غير كل الناس رجوان يبوس جبهتها:ياعمري انتي وانا مابخليكي تفكري في غيري وبخليكي تنسي كل الناس ريم:صرت كل يوم اجلس بغرفتي مااشوف احد اليوم بس الي نزلت اتغدا معاهم والقى بابا كمان صار زيهم اسلوبه اتغير بابا الوحيد الي مااتوقعت منه انه يتغير عليا رجوان مع نفسه:ياروحي اتعذبتي كثير ريم ودموعها على خدها:انا صرت احس ان مالي اهل رجوان:انا اهلك وناسك بس لاتبكي دخيلك لا تبكي وربي مااحب اشوف دموعك حياتي ريم:انا مابقالي احد في الدنيا غيرك جوني كل الناس بعدو عني رجوان:وانا مستحيل ابعد عنك رجوان مع نفسه:والله خايف ياريم خايف يسويها ماهر ويخطبك رجوان يمسح دموع ريم الي على خدها ويبتسم:طيب ممكن حبيبتي تنسي كل شي ريم تبتسم رجوان:فديت نغزتك الحلوا ريم تطالع في رجوان بخجل ريم:جوني متى تطلع طولت هنا؟ رجوان:ياعمري انا نفسي اطلع اليوم قبل بكرا بس الدكتور يقول عشان ظهري لازم ماتحرك كم يوم كمان ريم:يكسرله يده ربي انشاء الله الي ضربك رجوان يضحك رجوان يقرب من ريم ويقرب وجهه من وجهها ريم انحرجت وقامت جلست رجوان :فيكي ريحة عطر لمار ريم تبتسم:اسمع الحكايا اسمع برا المستشفى الساعه10:45 توقف سياره لمار لمار تدق على ريم ريم:جوني هذي لمار شكلها تبغى السياره رجوان:لا تقولي رايحه ريم تفتح الخط:هلا لموري لمار:ها فينك عشان برجع البيت ريم:خلا ص اوك بس انتي فين؟ لمار:انا عند مستشفى ـــــــ ريم خافت:نعم؟!؟ لمار:يلا تعالي هناك ريم بتردد:ان ان انشاء الله يلا باي رجوان:اشبك؟ ريم:لمار تقول انها هنا عند المستشفى وتبغى السياره رجوان:معقوله ريم تلف طرحتها:اخاف تجي خليني اروح رجوان:يالله بدري ريم:سوري بس مااقدر رجوان:اوكي بينا اتصال مااقدر انام الا على صوتك ريم تبتسم اوكي ريم تروح وتبوس رجوان في خده:باي رجوان يبتسم على حركتها:باي حبيبتي ريم تطلع رجوان مبتسم ويحط يده على خده مكان ماباسته ريم ريم كانت خايفه ان لمار تشوفها وصارت تلتفت حولها تشوف لمار بس ماشافتها حركت السياره وراحت وقفت مكان ماقالت لها لمار ريم:سوري ع التأخير البنات:لاعادي ريم :يلا اشوفكم على خير باي ريم تركب سيارتها لمار والبنات يدخلو المستشفى ويروحو عند رجوان لمار تفتح الباب وتدخل وتلقى رجوان مبتسم وسرحان وحاطط يده على خده لمار :يالعاشق رجوان يستوعب:انتي ايش جابك؟ تالا:قلنا نشوفك ونتكلم معاك اول طردتنا رجوان:اها لمار تقرب من رجوان وتشم ريحه لمار:ريحة عطري من فين جبت عطري؟؟ رجوان يفتكر ان عباية ريم كانت عباية لمار ولما حضنها مسكت ريحه العطر فيه رجوان:انتي اجل مين؟ لمار:لا انا لما جيت اول كنت لابسة عباية ريم وسلمت عليك يعني ريحة عطري جات فيك وانا موحاطته رجوان:انتي ايش تبغي بالضبط بقولك الريحة منك تالا ولمار وخالدين بنبرة صوت تبين انهم مو مصدقين:اهااااا خالدين تشوف الورد الي جابتها ريم:الله يجنن مين الرومانسي الي جابلك الورد؟؟ لمار تلتفت وتشوف الورد وتفتكر ريم لما دخلت المستشفى كانت ماسكه نفس الورد لمار تبتسم:قولي مين الرومانسيه مو الرومانسي رجوان:دمك خفيف..هذا واحد صاحبي تالا ولمار وخالدين بنبره صوت تبين انهم مو مصدقين :اهااااا لمار تشوف الكارت الي على الورد:واحد صاحبك بيكتب الحمد لله على سلامتك حبيبي رجوان يقوم يجلس من الدهشه:مكتوب حبيبي لمار تهز راسها رجوان انحرج:لا عادي مافيها شي صاحبي ويقولي الي يبغاه تالا ولمار وخالدين بنفس نبرة الصوت:اهااا رجوان:تدرو كيف؟؟ رجوان ياخذ علبه المناديل ويحذفها عليهم:برا يلا روحو البيت بر ا البنات يضحكو ويطلعو جري هل ممكن توافق صبا انها تتزوج تركي؟؟ وهل لو اتزوجته بيصير شي يعذبها في حياتها او العكس؟؟ هل سعود كان مخلي ساري يراقب ريم ولا كانت مقابله بالصدفه؟؟ وايش تتوقعو يصير بين ساري وتالا؟؟ وكيف ممكن يتقابلو تاني؟؟ كيف بتكون خطوبة ريم الي ماتدري عنها؟؟ ايش بيسوي رجوان في يوم الخطوبه؟؟ وكيف بتكون ردة فعل ريم في هذا اليوم؟؟ احداث جديدة ومشوقه في البارت القادم |
|
|
#85 |
|
|
رد: احتاجلك اذا ضيق الوقت صدري.. اتمنى من الكل يدخ
مرحبـآ
حبيبتي انـآ لسـآآآ ما قرأت الرواية >> لي عودة ان شاء الله ومدة التثبيت أنتهــت وياريت تكمـــلين الرواية حتى لا اضطر آآآآآآآآآسفه لنقل الموضوع لحين التعديـل شـآكرة لك طرحك |
