رد: احتاجلك اذا ضيق الوقت صدري.. اتمنى من الكل يدخ
احتاجلك اذا ضيق الوقت صدري.. اتمنى من الكل يدخل..
البارت الـ 49
في بيت ابو سعود في اول اأسبوع
في الصاله
بسّام:خلاص عمو إجازه بنروح نجلس عند اهلنا
ريماس:والله حتوحشوني
ريم:لا تروحو بليييز
بسّام:ادري ماتستغني عني بس مو بيدي
ريم بنرفزه:انت تسكت انا مااكلمك انا اكلم ريماس
بسّام:ايوااا عشان كذا قلتي لا تروحو مو تروحي
الكل :هههههههه
ام ريم:والله اتعودنا عليكم
ريماس:معليش خالتي لسه راح نجلس عندكم ثلاثه اربع سنيني تانيه
ريم:حتوحشيني يابطه
ريم تسلم على ريماس
ريماس:غرفتي لا احد يحتلها
ريم وريماس:ههههههههه
ريم :ولا يهمك
او سعود:سلمولنا على اهلكم
ريماس وبسّام:انشاء الله
بسّام: سلام يابنت العم نتقابل قريب وافقع لك مرارتك
ريماس وبسّام وام سعود وابو سعود:هههههههه
ريم منقهره:يلا فارق بس
ام سعود:ريم مااما عيب
بسّام:اتركيها خالتي متعود
بسّام يضحك
ريماس وبسّام يطلعو االسياره:يلا مع السلامه
ريم وام ريم وابو ريم وليان:مع السلامه
يدخلو الصاله
ريم تحاول تحبس دموعها لأنها اتعودت على بنت عمها ريماس
ريم تجلس على الكنبه وبصوت كله بكا:دحين اجلس لوحدي من جد وربي ملل
ابو سعود يبتسم:مين قال اني بخليكي تملي؟
ريم:ايش تقصد؟
ابو سعود:لعيونك هذا الصيف ماخذه كله اجازه
ريم بفرح: من جد يعني بنسافر؟
ابو سعود يضحك:ايوا من جد انتي بس قولي فين واحنا معاكي؟
ريم:يااي بابا من جد تتكلم
ابو ريم:انتي قولي فين وبتشوفي
ريم :استراليا بروح ع سدني
ابو ريم يبتسم:بس كذا من عيوني يلا جهزي اغراضك
ريم مو مصدقه:من جد يابابا؟
ريم تنقز على ابوها خده
ام ريم:ترا انا الي قلت له ياخذ اجازه هههههههههه
ريم تروح تبوس خد امها
ليان:وانا كمان
ليان وام سعود وابو سعود:ههههههههههه
ريم تجري لغرفتها وتفتح دولاب ملابسها
ريم تسرح:بجيك يارجوان بجيك لحدك بس قولي فينك؟
في المطار
ريم وابو سعود وليان وام سعود وسعود وميرا
ريم:يالله مو مصدقه ياميرا مو مصدقه
ميرا تبتسم
يروحو للبوابه عشان يطلو للطياره
صدفه عجيبه تجمع بينهم
بس ياليت ماتتكرر
في نفس الموعد وصلت طياره رجوان على جده
فكان رجوان لسه واصل وريم طلعت الطياره على استراليا
رجوان في نفسه:معقوله بتكوني زي ماانتي ياريم؟؟
ولا اتغير فيكي اشياء كثير
رجوان في السياره:اروح لبيتنا ولا لبيتها؟
هيا ليله وحده بس بكرا بروح للندن اخلص اشغالي وارجع تاني على استراليا
ورجعتي للسعوديه كانت اجباريه مو بيدي
في الطياره وريم كانت طايره من الفرح وكانت متأكده انها راح تلقى رجوان
سعود وميرا جمب بعض وريم وليان جمب بعض وام سعود وابو سعود جمب بعض
ريم:بدل ماجلست جمب زوجتك كان خليتني انا اجلس جمبها انا اتكلم مع مين دحين
ميرا تضحك
سعود:عندك ليان
ريم:واللهي
ابو سعود:مايهم بابا لو تبغي ميرا انا بجيبها عندك غصبا عن اخوكي
سعود:الله شفتي كيف الوالد يدافع عنك
ريم وميرا وسعود وابو سعود وام سعود:هههههههههههه
في سياره رجوان وهوا يقرب من بيت ريم:انا ليش جيت هنا؟ليش جيت بيتها؟
رجوان:معقول اشوفها؟يمكن ليش لأ؟
لو من بعيد..بس مااقدر لو شفتها بجري احضنها
رجوان يوقف عند باب البيت ويشوف البيت ظلام
رجوان منصدم ويضرب الطاره:لأ لأ لأ وبعدين في حظي المنيل
فين راحو بس فين؟
باين انهم لهم فتره تاركين البيت ..
رجوان بعصبيه:يلعن ابوها من دنيا
رجوان يحرك السياره:ولا بروح البيت خلاص ولا ابغى احد
رجوان يروح للبحر
ويوقف السياره وينزل
رجوان يرتكز على الصخر:ليش يادنيا ليش؟
ليش تسوي فينا كذا؟
وهذا الي كنت متعلق بأمل كبير اني بس اشوفها لو من بعيد
ليش حطمتي املي ليش
رجوان ياخذ الحجر من الأرض ويرميه على البحر
وهو ياخذ الحجر من الأرض يشوف قاروره وفيها ورقه
رجوان يروح وياخذ القاروره ويفتحها ويفتح الورقه ويقراها وينصدم وصار يبكي ودموعه تنزل على الورقه
رجوان وهوا منهار: ملعونه حقيرا يادنيا حقييييراا
رجوان يجلس على ركبه:آآه ياريم لو بيدي كان اجلس لين اشوفك
بس صدقيني لو سويتها بتخرب كل حياتي
احبك والله يابنت الناس احبك
وادري تحبيني وتعشقيني
مين الي قالك ع الحقيقه؟ليش خلاكي تذوقي الندم؟
ادري مر وماحبيت تذوقيه
آآه ياريم فينك؟؟فينك؟؟
رجوان بالصدفه الورقه الي قراها هيا نفس الورقه الي كتبتها ريم
ويمر يوم ..ويوم ..ويوم.. لين ملت ريم وهيا تدور رجوان في سدني
ريم تكلم ميرا بنبره حزن:من جد مليت خلاص
ميرا:لاتيأسي ياريم ايش دراكي يمكن الصدفه تجمعكم ثاني مره
ريم:خلاص ياميرا مهما سوينا ماراح نرجع تاني
ميرا:لأ ومين قال؟ الله موجود ويفك عنا كل شي
ريم تقوم توقف في البلكونه وتشوف البحر:شوفي كيف المنظر الحلو والجو حلو غيوم وهتان
ميرا تطلع في البلكونه مبتسمه:تجي ننزل البحر
ريم :يلا لأني ماره طفشانا ومخنوقه
ميرا:يلا البسي عبايتك وننزل
ع البحر
ريم:شوفي كيف المراكب عندهم شكلها غير عندنا
ميرا:ايوا مره حلوا
ريم:شراعهاا كبير مره حلو
ميرا:سبحان الله منظر البحر والمراكب فوقه يجنن
ريم:من جد منظر حلو
ريم وميرا يجلسو على الأرض وينزلو رجولهم في البحر
ريم:ياي بنطلوني اتبلل
ميرا تضحك:منزله رجولك في البحر وماتبغي بنطلونك يتبلل
ريم تضرب ميرا على كتفها :اقول اسكتي
ريم تسرح بخيالها في منظر البحر والمراكب والنوارس وكانت تراقب نورس لين نزل على الأرض وبالصدفه شافت جمب النورس قاروره
ويسكي وفيها ورقه
لأنها فضوليه قامت وجابت القاروره
ميرا:ياوسخه ارميها
ريم تفتحها وتطلع الورقه
ميرا:يعععع ياريم ارميها
ريم تقرا الورقه وكانت نفس الورقه الي كتبها رجوان
ريم صارت تبكي:رجوان ياميرا رجوان كان هنا
ميرا منصدمه تاخذ الورقه وتقراها:معقول
ريم تبكي:انا كمان كتبت ورقه ورميتها في البحر
ميرا تبتسم:صدفكم كثرت
ريم تقوم:ميرا رجوان هنا لازم اشوفه
ميرا توقف:بلا جنون فين راح تروحي
ريم تبكي:ماادري بس لازم اشوفه هوا هنا كان هنا رجوان كان هنا ياميرا
ميرا تحضن ريم:خلاص ياريم انشاء الله بتلاقيه انتي بس اهدي
ريم:آآآآه يارجوان فينك؟؟ ميرا الله يخليكي وديني عند رجوان
ميرا:ريم اهدي انا ماادري فينه
ريم:انا ابغى رجوان ابغى اشوفه ابغى اطمن عليه
ميرا:ريم حياتي اهدي لا تبكي اهدي ياريم
ميرا تمسح دموع ريم وتحضنها
ريم:ليش الحظ معايا كذا؟؟ليش القدر مايجمعنا سوا؟؟ليش الحلم مايتحقق؟؟
ليش كل امل يتحطم
احبه ومااحد دري فيني
جربت الحب وشربت من دم الخيانه وذقت مر الفراق
وعانيت وعانيت وشقيت بحياتي
ومالقيت اي شي يسليني ويشغلني عنه
رجوان دخل حياتي واقتحمها
سكن قلبي وطردني منه
كان هوا كل أحلامي وآمالي كان اهلي وناسي
انا مااخطيت لما حبيت..انا حبيت وعشقت وهويت مو ذنبي
ولو الذنب ذنبي الوم نفسي على فراقه
والله ماالوم احد غيرك يازمن
ميرا:خلاص ياريم يكفي
ريم تبكي
تنتهي الإجازه ويرجعو للسعوديه
في غرفه ريم
ريم:والله كانت سفريه حلوا
ريماس:لما بابا قالي بنسافر على فرنسا قلت اكلمك تجي معانا بس بابتي قال انكم سافرتو استراليا
والله مره انقهرت
ريم:مره ثانيه
ريماس:بس باين انك زعلانه ماعجبتك استراليا
ريم تبتسم ابتسامه مزيفه:لالا بالعكس حلوا بس انا دحين مصدعه
وخايفه
ريماس :من ايش؟
ريم:بس جالسه افكر دحين انا ثالث جامعه والسنه الجايه اخر سنه ليا وبعدها بتوظف
ريماس:طيب ويعني؟
ريم في نفسها:ماراح تفهميني ياريماس
ريم:لا بس يعني اخاف ماالقى وظيفه
ريماس:مولازم اهم شي عندك شهاده
يدق الباب
بسّام:يابنات يلا عشا
ريم وريماس:اوكي يلا
ع الطاوله
ريم وريماس:السلام عليكم
بسّام وام سعود وليان:وعليكم السلام
ريم :فين بابا؟
ام سعود:طلع نام عنده دوام بدري
ريم:اهااا
بسّام:يلا وانتو كمان نامو بدري بكرا اول يوم دراسه يلا
ريم:اطلع نام انت شوف عيونك بتتفقع من النوم
بسّام:والله جيعان موقادر اصبر
ريم:طفح ماتفلح غير في الأكل
ريماس تضحك
ام سعود:بس ماما عيب
بسّام يكلم ريماس:عجبتك الفشله
ريم حست بإنها احرجت بسّام وحست انه زعل
بسّام:مشكورا يابنت عمو
ريم:لالا بسوم ماكان قصدي ازعلك
بسّام يستهبل:لالا خلاص انا زعلت
بسام يترك الشوكه على الصحن"خلاص كمان ماابغى آكل وابغى ارجع ينبع عند مامتي
ريم وريماس وام سعود وليان وبسام:ههههههههههههه
في بيت رولا
رولا:خذ رولان ولوران معاك بيت خالتي رانيا يبغو يروحو عند ليان
مهران عند الباب:يلا فينهم
رولا:لولات يلا حبيباتي روحو مع مهران
رولان ولوران يروحو يمسكو يد مهران
مهران يبتسم:يلا مشينا
عند بيت ابو سعود
في الصاله
ريم كانت تاكل ساندويش مارتديلا بالجبنه وتشرب عصير برتقال وماسكه الريموت وتقلب في القنوات
وريماس كانت جمبها تشرب عصير وتاكل فشار
وبسام كان يشرب قهوه ويتفرج تلفزيون
يرن الجرس
ريم:يلا روح شوف مين ع الباب الخدم مشغولين
بسام يطالع في ريم بتعجب:ياسلام
ريم:يلا رووح شوف مين
بسام يوقف ويبتسم:حاضر طال عمرك
ريم وريماس يضحكو
عند الباب
مهران:السلام عليكم
بسّام:وعليكم السلام هلا والله مهران
في الصاله
ريماس:بروح المطبخ اسويلي ساندويتش جيعانه
ريم:اوكي
ريماس تروح المطبخ
بسام:حياك اتفضل
مهران يدخل الصاله:السلام عليكم
ريم توقف:وعليكم السلام هلا مهران
مهران:اجل فين خالتي؟
ريم:ماما نايمه ليش؟
مهران:اجل بخلي البنات عندك يبغو يلعبو مع ليان
ريم:ياناسو عليكم تعالو حبيباتي
ريم : ليون حبيبي تعالي شوفي مين جا
ليان:ها ها ها
ليان تشوف البنات:وااا انتو جيتو
ريم:يلا خذيهم روحو العبو في الغرفه
ليان واللولات يروحو فوق في غرفه ليان
مهران:عاد مااوصيكي عليهم
بسّام يرن جواله:عن اذنكم
ريم:مايحتاج هذولا زي اختي ليان
مهران:اجل استأذن انا
ريم:بدري اجلس اشرب شي
مهران:لا ماعليه مره ثانيه والله مره مشغول
ريم تبتسم:اوك بس لا تعيدها
مهران:المره الجايه بجلس انشاء الله
ريماس ماكانت تدري ان مهران بالصاله وماكانت لابسه حجاببها
ريماس بعصبيه:ريييم فين المارتديلا خلصتيهاا
ريم تضحك
مهران يلتفت على ريماس
ريماس تشوف مهران وتشهق وارتبكت:ها مهران انا انا نا مادري مادري
ريماس راحت المطبخ جري
ريم تضحك
مهران مبتسم مسحور سارح في جمال ريماس
ريم:مهران مهران ياهووو ياباشا ياعم
مهران يستوعب:ها
ريم تضحك:فين رحت
مهران:لالا بس يعني
ريم :ماعليك منها هيا كذا على طول مجنونه
مهران يبتسم:يلا مع السلامه بروح
ريم:مع السلامه بس اذا احتجت شي قول تدري ساعات تحزني انت جالس لوحدك بالبيت
وربي صعبت عليا
مهران يضحك:ولا يهمك ماراح احتاج شي بس لو رجع ماهر من السفر زوجته تخدمني
ريم :واللهي
ريم ومهران:ههههههههههه
مهران يطلع ويروح يركب سيارته
ريماس:وجع ياحيوانه ليش ماقلتيلي
ريم تضحك وتمسك بطنها من الضحك
ريماس ترمي ريم بعلبه المناديل
ريم تقلد ريماس:ريم في المارتديلا خلصتيها انا جيعانه
ريماس تضحك:وجع حيوانه نذله وحقيرا
ريم تضحك:الولد انفجع منك
ريماس وريم:ههههههههههه
في سيارة مهران
مهران يكلم نفسه:اشمعنى لما شفتها اول مره كانت عاديه بس هذي المره جذبتني
وحسيت بشي .. وسكت مهران
يمكن اول مره شفتها فيها كانت متحجبه وهذي المره لأ؟؟يمكن ليش لأ
مهران يبتسم:بش كلها كان حلو وهيا تنقز ههههههههههههههه
في الصاله
بسّام:ايش فيكم ضحكوني معاكم
ريم وريماس يطالعو في بعض ويضحكو
ريم:ريماس
ريماس تنقز عند ريم وتحط يدها على فمها عشان ماتتكلم
ريم تضحك
ريماس:مافي شي كلام بنات
بسّام:اوووه طيب شي حماس يلا قولولي
ريم وريماس:وجاااااااع
بسّام:هههههههههههههه
ام ريم من غرفتها:ريم ريم
ريم:ماما تناديني
ريم تطلع غرفه امها
ريم:ها ماما تبغي شي
ام ريم:في ازاج مين عندنا؟
ريم:هذولا رولان ولوران
ام ريم:رولا هنا؟
ريم:لا بس البنات عشان يبغو ليان
ام ريم:اها
ريم:يلا ماما قومي خلاص نوم
ريم تفتح النور وتشيل اللحاف من على امها وتنقز على السرير:يلا ماما قومي
ام ريم:بس يابنت
ريم تنقزيلا ماما طيب انتي قومي اتحكي معانا
ام ريم:يفتر ابليسك بس رجيتيني
ريم تضحك
تمر شهوروشهور لين تنتهي هذي السنه من جديد
ميرا وسعود يصير عندهم بيبي سموه يامن
صبا جابت بنت سمتها ميّ
لمار لسه ماحملت وعايشه مع ماهر احلى حياه
تالا حامل
ع البحر
ريم: طيب كويس ولا يهمك عروستك انا بختارها لك
قتيبه:عشان كذا جيت لك ابغاكي انتي تختاريها
ريم:ولا يهمك انت بس اشر
قتيبه:لا ابغاكي انتي تأشري وانا اوفق
ريم تبتسم:اشمعنى انا؟
قتيبه:ذوقك يعجبني
ريم:وايش صار بيننا خلاك تقول اني ذوقي حلو؟
قتيبه:مو انتي اخترتي رجوان دون عن باقي الرجال ..يعني ذوقك حلو
ريم تنزل راسها من الحزن
قتيبه:خلاص اوكي
ريم ترفع راسها وتبتسم:ولا يهمك اعتمد
قتيبه يبتسم
في غرفة ريم
ريم تكلم نفسها:كل الي في العيله انا مزوجتهم بعض
وانا الي بسعى ورا نهاية حبهم وانا الي قربتهم من بعض
وانا الي بختار شريكه حياتهم ليش مااحد يسوي معايا كذا؟؟
اشمعنى هما يتهنو مع عشاقهم الا انا؟
اشمنعى هما يعيشو مبسوطين الا انا؟
مو انا الي خليتهم مبسوطين وانا الي جمعتهم ليش مايصير معايا كذا
وهذي ثلاثه سنين مرت علي فراقنا يارجوان
ولا ادري عنك وعن حالك
انت عايش ولا لأ؟
بخير ولا لأ؟؟
محتاجني ولا لأ؟؟
حبيت غيري ولا لأ؟؟
نسيتني ولا لأ؟؟؟
محيت حبي ولا لأ؟؟
وانا والله ماسويت شي من هذا دايما على بالي ماتفارقني دقيقه
|