 |
  |
|
|
|
|
#106 |
|
|
رد: احتاجلك اذا ضيق الوقت صدري.. اتمنى من الكل يدخ
البارت 46
يوم الخميس في بيت ريم ريم قامت من الصباح وقال للخدم يرتبو البيت وجهزت الإستيريو وجهزت المسبح واتصلت في المطعم عشان العشا وظبطت كل شي ريم من التعب جلست على الكنبه وانسدحت ومادريت عن نفسها الا وهيا نايمه بسّام قام من نومه بدري ونزل قال يبغى يتفرج تلفزيون بسّام:احم احم بسام قال في نفسه مافي احد خليني ادخل دخل بسام الصاله وصعقته ملاك نايم ريم كانت منسدحه وكان شعرها نازل من على الكنبه على الأرض وقف بسّام يطالع فيها ويبتسم قام بسام يقرب من ريم ريم حست بحركه لأن نومها خفيف ريم قامت منفجعه وتشهق بسام ارتبك: آسف آسف ماانتبهت لك ريم تقوم وتوقف بسام يطلع غرفته ريم :يالله فشله ريم تروح وتجي بالصاله:ياربي ايش اسوي والله فشله ريم تطلع غرفتها في غرفه بسّام:ياربي عسى ماتفهمني غلط والله ماكنت اقصد شي بسام يطلع من غرفته ويروح غرفة ريم ويدق الباب ريم:مين؟ بسام:انا بسام ريم مستغربه:بسام!! بسام:جيت اعتذر ترا ماكنت اقصد وماشفتك والله ريم:ماعليك عادي حصل خير بسام:طيب اتحمدي عليا بالسلامه ريم:ليش. بسام:اشوه لما شفتك ماانفجعت وجاتني سكته قلبيه "بسام يضحك" ريم تفتح الباب وترمي بسام بالمخده على وجهه بسام يضحك ريم تسكر الباب في وجهه بسام :باخذ المخده معايا ريم تفتح الباب وتتخصر:هات المخده ابغى انام بسام يضحك:دخيلك انا يلا روحي مافي مخده مافي نوم ريم تضحك بسام مستغرب ريم تقلد صوته:مافي مخده مافي نوم محسسني انك هندي" ريم تضحك" بسام يضحك ريم:يلا عاد لا تزودها بلا بياخه ورايا سهره اليوم لازم انام بسام :اوكي خذيها بسام يعطي ريم المخده ريم تدخل وتسكر الباب بسام مرتكز ع الباب ومبتسم في بيت رولا:يا مازن لا تأخرني دحين ريم بتذبحني مازن:يلا يلا عادل يبكي رولا:ياربي ترحمني خلاص يابابا ايش تبغى ليش تبكي رولا تشيل عادل وتهزه عشان يسكت وينام مازن:يلا مشينا رولا: يلا بس شيل هذي الشنطه حبيبي وانا بشيل شنطه عادل مازن:هذي شنطه ايش؟ رولا:فيها ملابسي الي راح البسها بالليل بدري البس من دحين مازن:اها اوكي يلا رولا:رولان لوران يلا حبيباتي مشينا في بيت نوف:بدر بدر بدوري يلا حبيبي بدر :يلا جاي بس البس نوف:يلا خالتي دقت بتقول بيحطو الغدا يلا حبيبي بسرعه بدر:يلا ياروحي بدر بنزل نوف:اخيرا بدر يبتسم نوف:يلا بدر:لحظة لحظه نزلي الشنطه من يدك نوف:ليش؟ بدر:لا تشيلي شي مره هاتي انا اشيلها نوف:على فكرا مافيها غير ملابسي بس ترا مو ثقيله بدر:ولو انتي ماتشيلي شي نوف تبتسم وتنزل الشنطه:امري لله بس يلا نمشي بدر يبتسم:يلا في بيت ماهر ماهر:مهران خلصني ترا خالتي داقه عليا اكثر من مره مهران يلا يلا ادور جزمتي بس ماهر يصرخ:مهران مهران:وجع قلت خلاص ماهر:يوجع ابليسك قول آمين مهران نازل من الدرج وبكل برود:قول آمين عساك تحبني وتموت فيني ماهر معصب:يارب خذه وريحني منه مهران:ههههههههههههه في بيت ابو سعود الكل جالس على الطاوله ريماس كانت جالسه جمب ريم ريماس تكلم ريم بصوت واطي:مره منحرجه من اهل مامتك ريم تضحك بصوت واطي:عادي ياعمر ي عادي لازم تتعودي ترا هذي الجمعه تصير كل اسبوع ريماس:الله يعينني ام مازن:عاد مين قدكم اليوم القايز كلو داشر ريم:والله ياخاله عاد من زمنا عن الفله والدشرة خلينا نفك شويه بسّام:مو كنكم سمعتو صوت ذبانه"ويحرك يده" الكل يضحك ريم بنرفزه:بابا شيل ولد اخوك عني ماهر يطالع في بسّام بإحتقار ابو سعود:بسام اترك بنتي في حالها بسّام :حاضر طال عمرك على ذا الخشم ريم تبتسم بدر:اقول مازن متى ناووين تحركو مازن:والله انا اقول العصر افضل نحرك اللنش بدري ونجلس لآخر الليل سعود:لا ياشيخ خليها المغرب ريم كانت تشرب عصير وشرقت الكل :بسم الله عليكي بسّام يضحك ريم تطالع فيه بإحتقار ريم تكلم سعود:مغرب ايش ياسي سعود قبل المغرب تحرك انت واياه من البيت قبل لا يجو البنات بسّام:سعود ايش رايك بعد العشا ريم وهيا معصبه:آآآآه بيجنني دا الولد بيطلعلي قرون الكل يضحك ماهر صار بس يطالع في بسّام وريم ريم:لا سعود بليز اطلعو قبل لا يجو البنات والله بيزعلو مني سعود بلعانه: اشوف اتغدو وانتهو بعد الغدا في الصاله الكل جالس في الصاله وريم طلعت تصلي العصر ونزلت ريم تدخل الصاله وتجلس جمب رولا وتاخذ منها عادل ريم تحط خشمها على خشمه:ياروحي انت ياعمري وه ياناسو عليك بسّام قام يقلد ريم اخذ سعود وسدحه على فخذه وقام يدلعه ويقلد صوت ريم:ياروحي انت ياعمري وه ياناسو عليك الكل يفطس ضحك ريم بعصبيه ووصلت معاها:بسّوم يكفي ماهر يطالع في ريم ليش تقوله بسوم بسّام وهوا ميت ضحك:خلاص خلاص اوكي بسكت ام سعود:ياولد شادي اترك بنتي في حالها ريم:بسوم تعرف الضغط بسّام وهوا كاتم الضحكه:ايش فيه؟ ريم:انت رفعت لي ضغطي بسّام يكلم سعود:يقولو انو الضغط الجوي لما يرتفع,,,,ويقطع كلامه مخده اترمت عليه من ريم بسّام:اي الكل يضحك ريم بعصبيه:عشان تبطل مساختك نوف:حرام عليكم اتركوها خلاص مازن:بدر سكت مرتك بدر:احم احم سعود:احم احم خلاص خافت منك وسكتت هاه,,يارجال قوم اصفعها كم بوكس هجدها الكل يضحك نوف:لا والله ريم:مو منكم من الي يجلس معاكم قومو كلكم روحو عند بابا وعمو يلا بسّام:سعود الحقني سعود:ايش فيك؟ بسّام:ارتعش خوف الكل يضحك ريم تمسك راسها:بسّوم يكفي حرام عليك يااخي تراك مره نرفزتني ام ريم:ريم عيب بسام:خلاص خلاص توبه الكل يضحك مازن:خلاص شباب خلينا نترك البنات خلينا نروح عند الرجال سعود:ياحبك للرجال خليك هنا مع الحريم والبنات والله احسن مو كيذا ريماس ريماس تبتسم بسّام:ترا اختي ماتحب تشاركنا اذا كانت خجلانه هي خجلانه منكم بس خليها تتعود والله بتشوفو العربجه على اصول سعود:حتى ريم مازن:حتى نوف ماهر:ماجبتو شي جديد ريم ونوف ورولا وريماس بصوت واحد:لا واللهي الشباب كلهم قامو هروله لمجلس الرجال البنات والحريم:هههههههههههههه ريم:وجع فيهم ماصلين ماره رفعولي ضغطي ايش هذا ياربي احس دمي يغلي بسّام سمعها من عند الباب:اقول ريم حطي البراد على دمك سويلي شاهي الكل يضحك ريم:هيهيهيهي يادمك الكل يضحك المغرب في بيت لمار ريتاج وسمايا:عيب والله عيب لمار:لا عيب ولا شي انتو اصلا لو شفتو البنت راح تحبوها على طول سمايا:انا استحي ماعرف البنت فشله ريتاج: من جد فشله تالا:يلا عاد بلا دلع خالدين تشمر كم بلوزتها:اتركوهم عليا خالدين تمسك ريتاج من بلوزتها بيدها اليمين وتمسك سمايا من بلوزتها بيدها اليسار خالدين:اسمعي انتي وهيا والله ثم والله لو ماجيتو معانا لا لأطيح فيكم ضرب سمايا وريتاج :توبه والله توبه بنجي خلاص البنات كلهم:هههههههههههه البنات راحو يلبسو لمار لبست بنطلون جينز وبلوزه بدون حمالات لونها احمر ومن الصدر مفتوح للبطن وفيه سلسه بالون الأسود لبست شوز واكسسوار وكحل بالون الأسود سشورت شعرها وتركته مفتوح تالا لبست فستان رمادي وعليه جاكيت صغيرلونه موف لبست شوز وشنطه بالون الموف وروج وردي وحكل اسود لفلفت شعرها بالمكر وتركته مفتوح خالدين لبست تنوره مني جب لونها اصفر وبدي لونه برتقالي بدون حمالات عليه جاكيت استريتش قصير لونه اصفر لبست شوز وشنطه بالون الأصفر وحطت روج لونه مايل للبرتقالي كدشت شعرها بالجل ريتاج لبست فستان احمر لين تحت الركبه وكان في الفستان من البطن شريطه بالون الأبيض لبشت شوز وشنطه واكسسوار بالون الأبيض وحطت روج احمر سشورت شعرها وتزلت غرتها ونفخته من الوسط سمايا:لبست تنوره مني جب جينز ازرق وعليه بدي ابيض مفتوح من الظهر ونازل من الرقبه لآخر الظهر سلسله باللون التركوازي لبسا شوز واكسسوار وشنطه باللون التركوازي حطت كحل فيروزي وروج وردي لفلفت شعرها وجابته على جمب يطلعو البنات وينزل تحت الجده تطالع فيهم:انتو رايحين زواج؟ البنات يضحكو ريتاج:ياجده احنا رايحين عند صاحبه لمار الجده:وش تقربلكم عشان تروحوها لماربصوت واطي:جدتي احسها كلجت مره تكلمنا بدوي ومره تكلمنا حجازي البنات يضربوها على بطنها لمار :آي تالا:ياجده البنت صاحبتنا واحنا رايحين عندها الجده:اييوا قلتولي ...كلو زين لاترجعو لنا جيعانين البنات يضحكو:انشاء الله جدتي الجده:انتبهو على انفسكم من العيال تراهم عيال حرام البنات يضحكو:ياجده خالدين:جدتي احنا رايحين بيت صاحبتي وصاحبتي ماعندها عيال الجده:اي قلتولي لمار:ياربييييي على العجوز فديتها وفديت هبلها البنات يضربوها على راسها الجده:فين امك؟ البنات كلهم بصوت واحد:هناك البنات يطالعو في بعض ويضحكو البنات بصوت واحد:ياجده حددي مين؟ الجده:زوجة ولدي البنات:هههههههههههه هما كلهم حريم اولادك الجده:هذيك الحرمه ياربي نسيت اسمها لمار:مامتي؟ الجده تطالع في لمار:انتي الي ملكتك قريب لمار تضحك:ايوا الجده:اييييوا هيا امك البنات يضحكو لمار:ماما ماصدقت تشوف قصي وولده حسام من اول ماقامت من النوم وهيا مسنتره عندهم الجده:ايوااا بعد صمت الجده:اقول بنات البنات:همممممممممم الجده:ماتبغون عرسان؟ البنات:ههههههههههههههه في بيت ابو سعود ريم تترجاهم يطلعو من البيت:ريم:يلا سعود بليز اطلعو خلوني اروح اغير ملابسي واجهز والله عيب البنات على وصول سعود:ماني طلع بجلس هنا بسّام يصفر ريم تطالع فيه بحقد:انت اناني ونذل بسّام:الله الله الله كل هذا فيني مااتوقعهتا تطلع منك يابنت العم لا خلص زعلت ريم وكنها شاكه في نفسها:لاتجنني هيا كلمتين قلتها اناني ونذل ايش الرصة الي رصيتها هذي الشباب:هههههههههههههه ريم :مافي احد بيسمع كلامي غير ماهر ريم تطالع في ماهر من غير نفس:صح؟ ماهر يبتسم:صح سعود يطالع فيهم بنظرات غريبه سعود يقوم:اقول ترا زودناها خلاص خلينا نقوم الشباب يقومو:يلا بسّام:ياخساراكان نفسي تقابل صاحباتها بدموعها الشباب:ههههههههه ريم بعصبيه تأشر على الباب:يلا برا انت وايه مانفع معاكم الطيب بتجي بالشر يلا برا مازن:ايا الفشله بدر:ايش الطرده هذي احم سعود يضحك بسّام يجلس على الأرض ويتربع:ينت عمي ريوما الله لا يهينك جيبيلي قهوه ريم نفذ صبرها وقامت تبكي من حرقة اعصابها ريم وصوتها كلو بكا وتصرخ:براااااااااا الشباب كلهم يهرولو ويطلعو برا ام مازن وام سعود سمعو صوت صراخ ريم وجو ام سعود:ريم ايش فيكي ليش تبكي؟ بسّام:انا ماسويت لها شي؟ الشباب يضحكو ريم بعصبيه:خلاص يكفي حرقتو اعصابي بما فيه الكفايه مازن:والله عيب شباب خلاص ام سعود تحضن ريم:ياوحشين حرام عليكم بكيتو بنتي الشباب يضحكو سعود:يلا امي مع السلامه مازن والشباب:يلا مع السلامه ريم:في ستين داهيه بسّام:ترا نرجع ام سعود:ريم ماما عيب ريم تطلع غرفتها وتدخل معصبه رولا ونوف كانو في غرفتها رولا ونوف:ايش فيكي؟ ريم: مو حاسيين فيني الي فيني مكفيني اعصابي تالفه وهما يزيدوني حرام عليهم نوف:مين هما؟ ريم:كل الي تحت رولا تحضنها:خلاص حبيبتي خلاص رولا ونوف يطالعو في بعض ريم:وخرو عني بروح البس نوف لبست فستان استرتش اسود بدون حمالات ولين نص الفخذ ولبست شوز وشنطه واكسسوار وحطت كحل باللون الأسود وروج وردي سشورت شعرها وتركته مفتوح رولا لبست تنوره مني جب استرتش لونها كحلي وعليها بدي رمادي وربطت على رقبتها ربطه بالون الكحلي حطت كحل كحلي ولبست شوز وشنطه بالون الرمادي وروج وردي اما ريم فكانت لابسه شورت لفوق الركبه جينز اسود وبلوزه بدون حمالات ونص البطن باينه وكان لونها فوشي من قدام ومن الظهر حبال بالون الأسود لبست كعب واكسسوار وحطت روج بالون الفوشي وبلاشر وردي ورسمت عيونها بالكحل الأسود سشورت شعرها ونزلت نص شعرها على وجهها والباقي خلته على ظهرها ع الحر في المرسى الشباب يركبو اللنش بسّام:يعني صدفه غريبه من جد مين يتخيل اني اتعرف عليك بالجامعه وبعدين تطلع قريب ولد عمي مهران:شفت كيف من جد صدفه سعود:راح تسوولنا فيها فيلم هندي الكل يضحك سعود:يووه نسيت لحظه مازن لا تحرك دحين جاي مازن:على فين؟ سعود ينزل من اللنش:دحين جاي سعود يروح سيارته ويجيب الجيتار ويرجع الشباب:ياحرررركه سعود:لاداعي لاداعي الشباب :ههههههههههه بسّام:اخس ياولد عمي طلعت تعرف تعزف طيب كنت تقولي كنا عملنا دويتو مازن:اشوف العيله اخذتها وراثه الكل:ههههههههههه ساري:انا من عرفت سعود وهوا يعشق العزف بسّام: انا جنوني ماهر:عمري مافكرت اعزف مهران:تصدق انه احنا اخوان الشباب :هههههههههههه بدر:مززوووون ايش فيك يلا حرك مازن يشغل اللنش:يلا يلا وسام:والله لو طلعنا بدري اشوف انه احسن مازن:يووه صار لنا شي ماهر مهران وبدر ومازن وبسام:ههههههههههه نادر:والله باين عليكم مسوين مصيبه نايف:تبغى هذوله يجي من وراهم خير مهران:ياحبيبي لو ماتسكت بيرموك من هنا ترا ماعندهم وقت الشباب:ههههههههههههههه ياسر يرفع يده:انا ماسويت شي الشباب:ههههههههههههههه قام مازن يسرع باللنش قام وسام ووقف ومن كثر الهوا انفتحت بلوزته كلها وبان صدره وكان رافع يده والهوا يلعب بشعره وكان شكله جذاااب سعود:بسوم اجلس لا يصفعك هوا بسام:والله الجو حلو سعود:تعال تعال اعزف لنا تعال في بيت ابو سعود يرن الجرس وتوصل لمار والبنات ويدخلو المجلس ريم:لا تقولي اسرار وراجين مو جايين لمار:الا جايين تالا:ريم هذي ريتاج قدي وهذي سمايا قدك انتي ولمار بنات هذي ريم ريم:اتشرفت وجده نورت بوجودكم سمايا وريتاج:بنورك يرن الجرس وتدخل خوله نوف:خوله ليش اتأخرتي خوله:يوووه ماما نشبتلي ريم:ياهلا والله ريم تسلم على خوله:وحشتيني يالمفعوصه خوله تضحك:انتي كل يوم تطلعيلي شي جديد ريم تضحك لمار:ريم ريم ريم نسيت اقولك قصي رجع البارح من السفر وجاب زوجته ريفال وجاب بيبي سماه حسام وعمره سنتين يزنن ريم ضاعت ابتسامتها لأنها افتكرت رجوان وانه لسه مسافر ومارجع لمار لاحظت ريم:ريم ايش فيكي؟ رييم تمثل الأبتسامه:لالا عادي يلا الحمد لله على سلامته لمار :الله يسلمك |
|
|
#107 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 47
في اللنش مسك بسّام الجيتار وقام يعزف لحن اغنيه دواك عندي بسام:خلي سعود يغني سعود:لا ارجوك الشباب:ياهوووو ايش بنا سعود:موحلو صوتي بسام:يلا انا معاك بسّام بصوت ساحر:دواك عندي والأظلم دايم البادي والله لاوريك شي مابعد شفته سعود:ماهو في صالحك يوم تجرب عناد والله لا وريك شي مابعد شفته مازن قام يرقص الشباب:ياحلو مازن :لاتخلوني ابطل الشباب:هههههههههههه بسّام وسعود ومعاهم ماهر وساري يغنو وقام مهران ونادر ووسام يرقصو مع مازن سعود:عاشو البنات عاشو الشباب:ههههههههههههههه بسّام:يالتاكسي خذني لها يالتاكسي الشباب:وبسكتك خلنا نمر ناخذ عطر رومانسي مشتاقه حبيبتي مشتاقه خدني لها بعطيك دبل يالتاكسي سعود بلحن اغنيه التاكسي يغني:مجنوونه حبيبتي مجنوونه فكني منها واعطيك دبل يالتاكسي الشباب:هههههههههههه نادر:تحشيش من اول الليل الشباب:هههههههه بدر:تسطيييل شي مو طبيعي مازن يرمي السيناره عشان يصيد ويجلس مع الشباب سعود:هات هات انا بعزف وانت غني سعود يعزف اغنيه اكمل انت الحب الشباب:اوووه بسّام مبتسم وبصوت سحرهم:انت الحب الي اتمنيته والي عرفت الدنيا معاه حلم حياتي الي استنيتو والي ماشوفتش قبلو حياة قرب مني حتعرف اني بدوب في غرامك وبدوب فيه قام ساري يستهبل ويروح عند ماهر وياخذه ويقوم يرقص معاه سلو الشباب:ههههههههههههه في بيت ابو سعود في صاله الديجي كانت شغاله اغنية مكانه وين وكانو كل البنات يرقصو وكانت الغرفه مظلمه ومافيها غير نور الفلاش والأنوار الملونه الي فوق السقف جلست ريم ولمار بعد ماتعبو من الرقص ريم تشرب العصير الي على الطاوله:يووه عطشانا لمار:وحتى انا ياربي رقصت كثير ريم تضحك اشتغلت اغنيه غربيه البنات وقفو مكانهم ويصرخو:رييييييييييم ريم وهيا مكانها جالسه:لا بليبييييز وربي تعبت خلاص البنات يقومو ويروحو يشيلو ريم ويحطوها بوسط الغرفه عشان ترقص ويسو حولها دائره ريم تضحك البنات بصوت واحد:يلا ريم ترقص غربي البنات يصرخو ريم ترقص وتقرب من ميرا ميرا تخشن صوتها على انها ولد:احم عماره رقم 4 الدور السادس اول شقه ع اليمين البنات:ههههههههههههههه ريم:ياحيوانه افكارك وسخه ميرا تضحك ريم تسحب ميرا وترقص معاها قامو البنات كلهم يرقصو معاهم في اللنش ماهر:ليش يعني ؟؟ ساري:لا بس استغربت ماهر:لا خلاص انشاء الله الخميس الجاي بنقرر متى الملكه الشباب:طيب مبروك ماهر:الله يبارك فيكم ساري:انا خطبت بس لسه ماحددنا شي مهران يرفع يده:يارب عقبالي ياسر يضربه على راسها:لاياغبي لاتربش نفسك الشباب:ههههههههههه سعود:اشوف الطقه كلها بتتزوج ماهر:ليش حتى انت؟ سعود يطالع في بدر:قريب انشاء الله بدر انتبه لنظرات سعود وسام:اجل انا بتزوج بس على يدكم شوفولي نادر:ياشيخ روح بلا وجع راس الشباب:ههههههههههههه سعود:بقول شي ماهر وساري مايعرفوه الشباب:ايش؟ سعود:الي خطبها ساري والي خطبها ماهر يصيرو اخوات الشباب:من جد ساري:أمّا؟؟! ماهر:من جد! سعود يبتسم:اجل اكذب مهران :خير وانت كيف عرفت سعود:صاحبات اختي الشباب:اهاااا بسّام:متى اخلص جامعه واتزوج مازن:لا تتسرع بيجي انشاء الله دا اليوم بسّام يرفع يده:بأقرب وقت يارب مازن يضربه على راسه ويضحك في بيت ابو سعود في الحوش عند المسبح كانو نص البنات يرقصو والي جالسه والي تمشي بالحوش ريم بصوت عالي: مين تبغى تسبح؟ البنات بصوت واحد:اناااااااا البنات يضحكو رولا:تخيلو اشكالنا واحنا نسبح بملابسنا هذي تالا:ضاعات الشياكه اسرار:اتكشخنا ع الفاضي البنات:ههههههههههه ريم تمشي حول ميرا :انا ابغى اسوي نذاله ميرا تطالع في ريم:ايش بتسوي؟ ريم تدف ميرا ع المسبح ميرا:آآآآآآآآآآآآآآ البنات:هههههههههههههه ريم تنقز وتضحك وتصفق تجي من وراها نوف وتدفها ع المسبح ريم:لآآآآآآآآآآآآآآآآ البنات:احسسسسسن هههههههههههه ميرا وهيا في المسبح:عشان تبطلي نذاله لمار تجري وتنقز في المسبح:يافللللللللللللله البنات:حرررررررركه ههههههههههههه البنات قامو كلهم ينقزو في المسبح بملابسهم ماعدا نوف البنات قامو يلعبو في المسبح اشتغلت اغنيه روحه بلا رده وليد الشامي البنات يصرخو ريم:يلا قيرلو نرقص في المسبح البنات:ههههههههه راجين:وربي انتي مجنونه خالدين ترقص:والله بنات حماس الرقص في المسبح البنات:ههههههههههههه ريم قامت ترقص في المسبح:والله فلله قيرلز يلا البنات يضحكو ويرقصو في المسبح انتهت الأغنيه وقامت ريم طلعت من المسبح:يااي الهوا بارد مارا يجنن طلعت معاها ميرا ولمار ورولا نوف راحت للإستيريو وشغلت اغنيه قرب كمان تامر حسني ريم كانت مبتسمه وتنشف شعرها اول مااشتغلت الأغنيه البنات كلهم طلعو من المسبح ويرقصو مع بعض سلو ريم وهيا تنشف شعرها انصدمت من الأغنيه ضاعت ابتسامتها وملت عيونها دموع وطاحت المنشفه من يدها لاحظتها لمار وميرا البنات كلهم يرقصو ويضحكو وفرحانيني حولها وهيا ريم كانت تفتكر يوم رقصت مع رجوان سلو على هذي الأغنيه ريم تطالع في البنات ونزلت دمعتها ريم تصرخ:بس كفايه كفايه ريم تجري وتروح للحمام البنات يوقفو رقص مستغربين على ريم تلحقها ميرا ورولا ونوف ولمار على الحمام نوف تدق الباب:ريم ريم افتحي ايش فيكي؟ رولا:ريم حبيبتي افتحي لمار:لحظه شويه لمار تدق الباب:ريم حياتي عشانه ..لو كنتي تحبيه اطلعي لا تسوي في نفسك كذا صدقيني لو كان موجود ماكان راح يرضى على الي بتسويه ميرا ورولا ونوف يطالعو في بعض ريم مرتكزه على المغسله وتبكي:شغلت نفسي بكل الطرق عنه وماقدرت عجزت اسلي نفسي من دونه عجزت ارسم ضحتي في غيابه عجزت ارجع لقلبي نبضاته وهوا بعيد عني ارسم ابتسامه مزيفه للناس وجوايا جرح بينزف تابع // \\ |
|
|
#108 |
|
|
رد: احتاجلك اذا ضيق الوقت صدري.. اتمنى من الكل يدخ
// \\ ميرا:ريم ياروحي ياعمري افتحي الباب افتحي ياريم بليييز لمار:يلا ريم عشانه نوف:ريم مايصير البنات دحين يشكو بشي رولا:يلا ريم اطلعي ريم تفتح الباب وتحضنها ميرا ريم تبكي:مهما سويت وهمها شغلت نفسي مستحيل انساه وانسى حبه لمار تحضنها:خلاص ياروحي خلاص لمار تمسح دموعها وتبتسم:خلي للفرح مكان بقلبك وصدقيني بتهون امشي نروح نهيص يابنت الأيام الحلوا قليل لا تضيعيها ميرا تبتسم:يلا ابتسمي نوف:ابتسمي ريم تطالع فيهم رولا تغمز وتبتسم:تتغلي علينا تبغينى نترجاكي لمار:بلييييييز ياسمو الأميرا فلتتكرمي وتبتسمي رولا ونوف ولمار:هههههههه ريم تبتسم رولا ونوف ولمار وميرا:ياناااس تجنني ريم تزيد ابتسامتها:الله لا يحرمني منكم البنات:ولا ومنك تشتغل اغنيه يابنت الإيه لمار تبتسم:ترقصي ريم:لا بلييز كذا ويكفي خلاص لمار:اوكي ماعليه بس تعالي ريم تشوف الساعه:اصلا دحين العشا خلاص ع البحر ع الشاطي بسّام كان يعزف اغنيه حماده هلال خدني ليك وسعود ومازن وساري كانو يسوو الباربيكيو وماهر ومهران ووسام ونادر يضبطو اغراض العشا نايف وياسر أي شي كانو يحتاجه كانو يجيبو لهم سعود وهوا جالس يشوي:الله ريحة الشوي تجنن ساري:اكيد تسلم يد مازن مازن مبتسم:الله يسلمك دا من ذوقك سعود:متعودين على سمك مازن مافي زيه بسّام:اجل فاتني انا اول مره باكل فيها سمك من صيد مازن اليوم ماهر:فاتك بقوه والله ماشاء الله صيّاد مهران:بس مو صيّاد احسن مني مازن وساري وسعود وماهر ووسام ونادر ونايف وياسر بصوت واحد:ياشيخ روح مهران مندهش:طيب بشوييش ايش فيكم هجمتو عليا الشباب:هههههههههههه في بيت لمار قصي:معقوله رجوان يسافر كذا من غير مايقول لكم ايش السبب ام لمار:يقول عمل قصي:مواول مره تجيه فرصه عمل على استراليا بس هوا كان يرفض ليش هذي المره قبل ام لمار:رجوان متغير ماادري ايش فيه؟ ام لمار تبكي:انا خايفه عليه مايتصل ولا ندري عن اخباره قصي بنبره حزن:ليش سوا كذا ليش ايش عنده؟ ريفال تدخل وشايله في يدها حسام:السلام عليكم قصي وام لمار:وعليكم السلام حسام يطالع في قصي ويبتسم:بابا قصي:حبيب بابا انت تعال باسل يروح عند ابوه ويجلس على فخذه قصي:اعطيني بوسه حسام يبوس ابوه ام لمار:وانا مافي بوسه حسام يروح عند جدته ويجلس على فخذها ويبوسها ام لمار:ياحبيبي انت حسام :جدّه قصي وريفال يبتسمو قصي:البارح جالس احفظو هيا الين قالها ام لمار تبتسم:فديته حبيب جده تدخل الجده هيا وعصايتها الي ماسكتها بيدها:السلام عليكم الكل:وعليكم السلام الجده تأشر بالعصايا:هذا ولد مين؟ قصي:هذا ولدي ياجده الجده تجلس جمب قصي وتلبس نظارتها:وانت مين اصلا؟؟ قصي يبتسم:انا قصي ياجده الجده تضربه بالعصايا:ايا الملعون جيت وماقلت لي ام لمار وريفال وقصي:هههههههه قصي:انا هنا من البارح ياجده الجده:هااه قصي يرفع صوته:انا هنا من البارح الجده:فين رايح؟ الكل يضحك قصي:من امس انا هنا ياجده الجده:ايوااا.. بس بس اسكت كلامك مره كثير ريفال تضحك قصي يطالع فيها :عجبك التهزيء ريفال تضحك ام لمار:خليني اروح اشوف زوجه عمك فينها مختفيه في بيت ابو سعود البنات اتعشو وكل وحده رايحه بيتها وكانت آخر وحده طلعت من البيت ميرا عند الباب ريم تطالع في ميرا بحزن:مومفتكره اليوم ايش فيه ؟ ميرا:ايش؟ ريم:اليوم عيد ميلادي ميرا تشهق:من جد ريم تحضن ميرا:الي ماتعرفيه ياميرا ان عيد ميلادي هوا عيد ميلاد رجوان ميرا مندهشه:معقول ريم:شفتي الصدف كيف ..بس ماادري ليش الزمن مو راضي يجمعنا ميرا تبتسم:بس من جد شي خيالي انا مو مصدقه ميرا تحضن ريم:كل عام وانتي بخير وسوري لأني نسيت هذا اليوم ريم:لا عادي حبيبتي اصلا انا مااهتم فيه بس راح اهتم فيه لأنه عيد ميلاد رجوان ميرا :ابغى اطلع من البيت وانا مطمنه عنك ريم وهيا حابسه دموعها وبصوت باكي:لالا حبيبي روحي خلاص انا مافيني شي ميرا تسلم على ريم:طيب حبيبتي اشوفك على خير ريم:يلا باي ريم تسكر الباب وترتكز عليه:آآآآه يادنيا ريم تطلع غرفتها وكانت مظلمه ريم تفتح البلكونه وتطلع وكانت على الطاولة تورته فيها صورة رجوان وشمعتين ريم تطالع في الصوره:حبيبي شوفني قدامك انا اشوفك قولي انك تشوفني هذا انا احتفل بيك وسويت لك سبرايز وحفله ماحصلتش" تضحك مع نفسها" انت مبسوط؟؟ ريم تشعل الشمعتين:تعال حبيبي نطفي الشمع ريم تغني :هابي بيرثدي تويو هابي بيرثدي تويو في سدني في البلكونه رجوان كان جايب تورته وحاطط فيها صورته مع ريم وحاطط بوسط التورته شمعتين رجوان يغني بصوت باكي:هابي بيرثدي تو ميو هابي بيرذدي تو يو هابي بيرثدي تو مي هابي بيرثدي تو ماي لوف ريم:هابي بيرثدي تو ماي لوف هابي بيرثدي تويو ريم تغني ودمعاتها على خدها رجوان:حبيبتي بترك هوا انفاسك يطفي لهيب شمعاتي ريم:حبيبي خلي انفاسك تطفي النار الي اشعلت حياتي رجوان:آآآآآآآه لو الصدف تجمعنا ثاني ريم:ياريت تجمعنا ياريت رجوان:ونرجع سوا نضم كفوفنا بكفوف بعض ونضم صدرونا لصدور بعض واضم حياتي لحياتك من جديد ريم:واضم انفاسي بانفاسك واعلقها فيك ريم تطالع في التورته وبإصباعها تمسح صورته رجوان وتلحسها رجوان بإصباعه يمسح صوره ريم الي على التورته ويلحسها ريم ورجوان:ونكون روحين بجسد واحد نهاية البارت |
|
|
#109 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 48
في الصباح ريم جلست سهرانه ودموعها على خدها وكانت جالسه في البلكونه وسرحانه شويه وريم تسمع صوت احد يغني ويعزف ريم قامت وتطالع تحت في الحوش على المرجيحه لأن المسافه بعيده ماانتبهت مين شافت احد ماسك جيتار وبيغني بس كان صوته واضح ريم تحاول تسمع وكانت الأغنيه الي بغنيها بصوته الساحر:اوعدني عني ماتغيب تبقى هنا جمبي قريب محتاج انا مثلك حبيب يفهم عيوني وضحكتي ريم منصدمه:رجوان..والله صوت رجوان وعزف رجوان ريم تجري وتنزل تحت في الحوش ريم كنت لابسه نفس لبس الحفله ماغيرت ملابسها ريم صارت تجري الين ماوصلت للمرجيحه وكان الي بيعزف منزل راسه وماشاف ريم ريم ودموعها على خدها وبصوت مبحوح:رجوان بسّام يرفع راسه ومصدوم:ريم؟ ريم تمسك راسها وتطيح بالأرض بسّام يترك الجيتار ويشيل ريم ويدخلها في البيت بسّام يحط ريم ع الكنبه ويجيب عطر ويفوقها ريم تحاول تفتح عيونها:آآآه ريم كانت منسدحه على الكنبه وكان جالس جمبها بسّام وكان مره خايف عليها بسّام:انتي بخير؟؟ اوديكي المستشفى؟ ريم:لالا بسّام يطالع في ريم ريم تحاول تقوم تجلس بسّام:خليكي مرتاحه باين انك مره تعبانه ريم تقوم تجلس وبصوت كله بكا:بسّام وخر عني؟ بسّام:ريم ايش فيكي؟ ريم:بسّام بليز بسّام:مين رجوان؟ ريم تطالع في بسّام ودموعها على خدها وبعد ماريم قالت له قصتها مع رجوان بسّام يقوم يوقف:يا الله شي عجيب من جد مين يصدق قصتكم؟لو اني مااصدقك ترا كان قلت انك تكذبي لأنه من جد شي خيالي ريم تبكي بسّام:بس انتي ماتستاهلي كل هذا الحزن لاتبكي ريم ريم:بسّام ممكن تتركني شويه بسّام:آسف لأني واقف دحين قدامك بس من جد من خوفي عليكي بسّام يترك ريم ويطلع يجيب الجتار ويروح غرفة ريماس ويشوفها نايمه ويروح غرفته بسّام:معقوله ياريم الي صار لك؟؟ لو انا مكان رجوان كان زماني مدفون وروحي فيكي حرام الي زيك تتعذب وتبكي دمعاتك ماتستاهل انها تنزل وخدودك ماتستاهل انها تلمس دمعاتك تمر الأيام وتمر الشهور يوم الخميس يوم زواج سعود على ميرا في غرفة ريم ريم لبست فستان اسود مفتوح من الصدر لين آخر البطن ونازل من رقبتها لين آخر البطن سلسله فضيه وكان مفتوح لنص الظهر على شكل رقم سبعه وكان لين نص فخذها وكان ماسك حتى من عند الخوذ عملت تموج لشعرها وعملته بف من الوسط ونزلت غرتها رسمت عيونها بالآيلاينر من فوق ومن تحت ولبست عدسات رمادي لبست اكسسوار وكعب وشنطه بالون الفضي وروج بالون الفوشي ريم تشوف نفسها في المرايا:عقبالنا يارجوان يدق الباب ريم:ايواا سعود يدخل مبتسم:الله الله الله ايش الكشخه هذي لايكون القمر نزل عندنا ريم تحضن سعود:مبروك ياأحلى اخ سعود:الله بارك فيكي وعقبالك ريم تضيع ابتسامتها وتلعب بشعرها وبنبره حزن:خليني بعيده يا سعود سعود:الي خلقه خلق غيره <<سعود يقصد رجوان ريم تبتسم ابتسامه مزيفه:المهم انك بتاخذ الإنسانه الي قلبك اختارها تحبها وتحبك سعود يبتسم:والله موقادر اتخيل اني بقوم بكرا الصبح ومااشوفك ولا افطر معاكي ولا اتضارب معاكي ريم تضحك:صح والله بفقدك من جد ريماس تدخل بقوه وماتدري ان سعود في الغرفه ريماس:ريم كيف الفستان ريماس تشوف سعود وتشهق وتطلع سعود وريم:هههههههههه سعود:ريم انتبهي على نفسك ريم:سعود لا تخليني ابكي ترا حوست مره وانا ارسم عيوني مافيني اعيدها سعود يضحك سعود:بسّام زي اخوكي ..بس الإحتياط واجب انتبهي ريم تبتسم:انشاء الله ريم:وانت انتبه على ميرا تراها اغلى من عيوني سعود:مايحتاج توصيني على ميرا ريم وسعود مبتسمين في غرفه ريماس:وجع فشله ريماس تضحك ريماس كانت لابسه فستان بنكي لين الركبه مفتوح الظهر كله ومن الصدر بروش فضي وكان مره ناعم لبست شوز واكسسوار وشنطه بالون الفضي وحطت روج فضي لفلفت شعرها وجابته على جمب في غرفة بسّام بسّام لبس ثوب وغتره وشوز ابيض بسّام يصلح غترته في المرايا:يابخت الي بتتزوجني بتذوب مني هههههههههههههه مصدق نفسي بزياده في بيت بدر نوف لبست فستان طويل لونه سكري وبطنها كبرت عن اول بان انها حامل وكان بدون حمالات وكان عادي مافيه اي شي لبست شوز واكسسوار وشنطه باللون الذهبي سوت تسريحه شويه مرفوعه حطت روج بني وشادو اسود وبني فاتح نوف:حبيبي يلا البس بنروح للقاعه بدري مع خالتي بدر:حبيبي لبست انتي جاهزه؟ نوف تشوف بدر:الله ياكشخه بدر:انتي الي محلوا ايش الحلوا هذي كلها نوف:بس استحي بدر ونوف:هههههههههه في بيت مازن رولا لبست فستان تركوازي من الرقبه هاينق ولين فوق الركبه وكان من الظهر عادي بس كان من الخصر شريط بالون الفضي الامع بالإكليل لبست شوز واكسسوار وشنطه باللون الفضي سوت تسريحه شويه معقده منزله غرتها ومن الوسط منفوخه ونازل منها خصل رولا:حبيبي لبست عدول؟ مازن من الغرفه:ايوا خلاص رولا تدخل الغرفه:فديتك مره شكرن مازن يشوف رولا ومندهش من شكلها الي جذبه مازن يقرب من رولا:ايش رايك بلاش نروح الزواج ونجلس في البيت رولا تضح:يلا خالتي تستنى مازن يبتسم:ماشي يارولا رولا تضحك في بيت لمار لمار تلبس ويرن جوالها لمار تفتح الخط:ها حبيبي ماهر:حبيبتي ماخلصتي لمار:لا لسه البس اصلا بدري انا بروح بعد العشا حتى بعد العشا بدري بس ريم اصرت اني اجي بدري ماهر:اها لا بس حبيت اقول يعين انا بجي آخذك لمار تبتسم:امممممم اوكي ماهر يبتسم:خلا اوكي وقت ماتخلصي دقي عليا اجي آخذك لمار :اوكي لمار تسكر الخط وكانت لابسه الفستان وكان في رقبتها لسه مالبسته مظبوط قامت تنقز من الفرح لمار تستوعب انها لابسه الفستان بس في رقبتها وقامت تضحك لبست لمار فستان احمر من قماش ايسترتش ماسك عليها والين فوق الركبه مربوط من الرقبه بشرايط على الجمب ومفتوح من اول الصدر بس لبست شوز واكسسوار وشنطه وحطت روج بالون الأحمر حطت شادو اسود واحمر خفيف تالا:لموري انتي اخذتي الشوز الأسود تبعي لمار من غرفتها:لا تالا:ياربي فينه؟ يرن جوال تالا ترفع الخط من غير ماتشوف مين تالا بعصبيه:ها مين خير ايش فيه؟ ساري:بسم الله الرحمن الرحيم ايش فيكي عليا؟ تالا انحرجت:اووه آسفه آسفه ماانتبهت مين الي متصل ساري يضحك:عادي ياروحي..ها جهزتي؟ تالا معبسه وجهها:مولاقيا شوزي ماادري فينه ساري:ياعمري مولاقيه شوزك "ساري يضحك" تالا بدلع:سااارييييي ساري:ياحبيبة ساري انتي تالا وساري:ههههههههههه ساري:لاجهزتي اتصلي فيني بمر آخذك تالا بإبتسامه فرح:اوكي حبيبي في غرفة خالدين خالدين كانت تلبس الفستان وكان ضيق عليها وتلبسه بالقوه وهيا جايه ترفع رجولها عشان تدخل الفستان من رجولها بالقوه تطيح وتتعور خالدين:آآآآي وجع انشاء الله بلوه يبليك ربي من فستان خالدين لبست فستان موف غامق طويل وبربطه على الرقبه ومفتوح من الظهر لبست شوز واكسسوار وشنطه بالون الفضي وحطت روج وردي وكحل فيروزي سشورت شعرها وتركته مفتوح لمار وتالا يفتحو عليها الباب:ماخلصتي خالدين:وجع فجعتوني البنات:هههههههههه خالدين:ها كيف؟ تالا:ارحمي نفسك احس الفستان بيتقطع من كثر ماهو ضيق لمار تضحك:اما لو انقطع عليكي خالدين:وآآآي فشله البنات:ههههههههههه تالا:بقولكم شي لمار وخالدين:ايش؟ تالا:ساري بيجي ياخذني للقاعه لمار بفرح:حتى ماهر بيجي ياخذني معاه خالدين بحزن:لاااااااااا كل وحده راحه مع خطيبها وانا بروحل لوحدي تالا ولمار:هههههههههه لمار:سوي زينا يختي ووافقي على واحد من الي بيجوكي هذوله خالدين:لااا واااع انا اتزوج لالا تالا:يلا روحي لوحدك مع السواق تالا ولمار يطلعو ويضحكو خالدين:اهئ اهئ اهئ وجع ماتستحو في القاعه كانت الدقاقه تغني اغنيه راشد الماجد ايا حبك للمشاكل ريم تكلم جوال:ها حبيبي ماخلصتي ميرا:باقيلي شويه بس ياريتك جيتي معايايا ياوحشه ريم:والله ميرو ماينفع عيب انا اخت العريس لازم احضر بدري مع مامتي ميرا:ماعليه ..بس تصدقي خايفه ريم تضحك ميرا:وجع لا تضحكي ريم:يالله مو متخيله شكلك متزوجه ميرا:لا توتريني اكثر ريم تضحك:اوكي اوكي اتركك تخلصي ميرا:يلا باي ريم:باي ريم سكرت الخط وراحت ترقص ام سعود تكلم ام مازن:والله راح افقده سعود ام مازن:لا تفكريني بيوم مافقدت نوف ومازن وربي حسيت ان روحي طلعت ام سعود:متعوده اسمع صوته وصراخه مع اخته ومزاحه يالله ربيته وكبرته واليوم جات البنت الي تاخذه مني ام مازن تبتسم:هذي سنه الحياه ام سعود:انا ماادري ايش بيصير فيني لما ريم تتزوج ام مازن:صلي عني النبي انشاء الله مابيصير الا كل خير ام سعود:منايا اشوف ريم عروسه وع الكوشه ومبسوطه بعريسها ام مازن:لها نصيبها ام سعود:آآه بس مر الوقت وجات ميرا للقاعه ريم تدخل عليها الغرفه وتحضنها ياعمري انا فديتك ايش الحلاوا هذي قمر وربي ميرا تطالع في ريم وتضحك ريم متعجبه:ايش فيكي؟ ميرا تأشر ورا ريم ريم تلتفت وتشوف مروان مروان يبتسم ويأشر:هآي ريم منصدمه ميرا تضحك ريم :واللهي هاي كمان ريم بصراخ:دير وجهك هناك ميرا تضحك مروان يعطي ريم ظهره ويلف وجهه علا ريم كذا كويس ريم:ياواد لا تطالع انت وعيونك هذي ميراتضحك ريم:ماشي ياميرا اضحكي ريم تطلع من الغرفه مروان:تصدقي ريم هذي سنين تدخل بيتنا اول مره اشوفها حلوا ميرا:ههههههههههه وقت الزفه اشتغلت اغنيه حبيبي خايفه الحب يكبر وقلبي يعشقك اكثر واكثر بعدين اشتغلت اغنيه انا ولا عارف انا ماالي ولا اي الي جرالي بحبك ياحبيبي بحك وهالتجنن عليك انا بقى حالي ماهو حالي ولا شاغل بالي ياعمري غيرك ياعمري وهالتجنن عليك تابع // \\ |
|
|
#110 |
|
|
رد: احتاجلك اذا ضيق الوقت صدري.. اتمنى من الكل يدخ
تابع
// \\ وبعدين اكتر حاجه بحبها فيكي هيا دي آآآه هيا دي واكتر حاجه شدتني ليكي هيا دي آآآه هيا دي وأكتر حاجا بتنورني وتوديني كدا وتجيني لما عنيا تجي عليكي واديكي بإيديا وآه على الأيام لما الأيام تضحك للواحد مره وحده وآه ياسلام ياسلام حقولك كلام انا عمري ماقلتو لأي حد وبعدها يدخل سعود وهوا لابس الغتره والدقله من البوابه الي تحت على اغنيه الله يباركلي فيكي ويوقف في الوسط ويعطي الحاضرين ظهره ويطالع فوق وتطلع ميرا بالفستان الأبيض طلعت ميرا ومبتسمه وتطالع في سعود وسعود من تحت يطالع فيها تشتغل اغنيه: خدني ليك/حماده هلال ويطلع سعود من الدرج ويروح عند ميرا ويمسك يدها ميرا تطالع في سعود وسعود يطالع في ميرا ريم من تحت تطالع فيهم وتبتسم سعود يلبس ميرا الدبله في يدها اليسار ويبوس يدها تشتغل اغنيه وبحس معاك ويرقصو سلو وبعدين تشتغل موسيقى زفه وينزلو من الدرج لين يوصلو للوسط ويجيبو لهم التورته تمسك ميرا السكينه ويمسك يدها سعود ويقطعو التورته ريم تطالع فيهم وتبتسم ووتتخيل نفسها مع رجوان رقصو وفرحو وجا نهاية الفرح ريم تطلع الكوشه وتجري تحضن ميرا سعود يطالع فيهم ريم تبكي من الفرح:واخيرا اتحقق حلمك ياروحي مين قدك اخذتي الي اختاره قلبك ميرا:عقبالك ياريم والي اختاره قلبك عقبال مااشوفك في مكاني واسعد انسانه بالدنيا سعود:احم احم ريم تروح تحضن سعود سعود:مو مصدق اني بقوم بكرا وماالقاكي ريم:خلاص سعود لا تبكيني اكثر ليان:ثعود ثعود سعود:بس بس فشلتيني اسمي سعود مو ثعود ريم وميرا وسعود:ههههههههه سعود يشل ليان ويحضنها:ياروحي انتي حتوحشيني ليان:فين حتروح؟ ميرا:انا باخذه سعود:بتخطفني ليان:ايوا خذيه مانبغاه الكل:ههههههههه ميرا تشوف امها وتجري تحضنها وتبكي ام ميرا:حتوحشيني ياحبيبتي ميرا تبكي:انتي كمان ياماما والله ماني قادره ابات برا البيت من غيرك ام ميرا:هذا زوجك وبيحطك في عيونه اكثر مني كمان سعود يقرب منهم:ونقدر نقول غير كذا ميرا تطالع في سعود وتبتسم انتهت الليله واتزوج سعود حبيبته واتزوجت ميرا حبيبها في غرفة ريم كانت منسدحه على السرير بفستاها وكان النور مسكر ومافي غير نور الحوش الي داخل من البلكونه ريم تفكر:لمار وتالا واخذو عشاقهم وهذا سعود وميرا اتزوجو بعد عشق اشمعنى انا الي طحت فيها ليش مو انا كمان اخذت حبيبي ليش ما كنا لبعض اشمعنى انا ناقصه يد ولا رجل ؟ايش الي يفرقني عنهم؟؟ الحظ؟ملعون ابو حظي وحظك يارجوان ريم بعد صمت:آآآآآآآآآه ليان تفتح الباب وكانت خايفه:ررريم ريم:ها حبيبي ليان من عند الباب:ليش ظلام انا خايفه ريم تروح تفتح النور :ها ايشبك؟ ليان:خايفه ابغى انا م عندك ليان كانت ماسكه دودوبها ريم:يلا تعالي ننام ليان تروح وتنقز على السرير ريم تاخذ الدبدوب الأحمر وتحضنه وتنام بالفستان لأنها كانت تعبانه مافيها حيل تغير في غرفة بسّام بسّام يفكر:لو اقدر اسوي لك شي ياريم عشان اسعدك بس مو بيدي والله شغلتي بالي ماادري ليش انا مشغول فيكي من يوم ماقلتيلي عن رجوان وانتي على بالي ابغى اسعدك بأي طريقه ابغاكي تكوني مع رجوان وماتبعدي عنه حرام الي زيك يتعذب انتي ملاك لو بيدي اجيب رجوان لعندك او حتى اجيب لك اخباره اذا كان بخير بحاول انشاء الله واطلع بنتيجه بسّام يبتسم:لعيونك يابنت العم الفجر الساعه 6:300 سعود يكلم جوال:الساعه سبعه انشاء الله ريم:حتوحشوني سعود:وانتي كمان ريم:لاتنسى تجيبلي هديه من ماليزيا سعود:ولا يهمك بجيب لك عريس ريم :تستهبل ميرا وسعود:هههههههههه سعود:وبعدين انتي ايش مصحيكي بهذا الوقت ريم:طفشانا ميرا:اعطيني هيا ميرا تكلم ريم:ريمو ريم:ميرو حبيبي كيفك؟ ميرا:تمام وانتي ريم:ليا الله ميرا:يلا تعالي معايا ماليزيا ريم:تستهبلي ميرا تضحك ريم تنزل تسوي قهوه في المطبخ ميرا:انتي ايش جالسه تسوي في اصوات غريبه عندك ريم تضحك:بسوي قهوتي ميرا:يالله على هذي القهوه 24 ساعه اونتي تشربي ريم تضحك:قولي ماشاء الله ريم تروح الصاله تجلس وتمسك الريموت وتقلب في القنوات سعود ياخذ الجوال من ميرا:يلا يلا هوينا خلينا ناخذ راحتنا ريم:واللهي طيب ياسعود سعود وميرا:ههههههههه ريم تسكر الخط سعود:سكرت الخط شكلها زعلت سعود يتصل في ريم اكثر من مره ريم:والله ماارد خليك احسن فجأه تدخل عليها ريماس بقوه وتفجعها:عاوووو قامت ريم من الكنبه وتنقز من الخوف فوق الكنبه كله الي بالصاله:آآآآآآآآ ماما ماما ريماس:اسكتي فضحتيني ريماس تضحك ريم تستوعب انها ريماس:تعالي هنا يالملعونه ريم وهيا جايه بتنزل من الكنبه عشان تضرب ريماس تطيح وتتعور في ركبتها:آآآآآآآي ريماس تضحك ريم:والله مابتركك استني بس آآآآي ركبتي انتهت السنه وريم ورجوان زي حالهم ريم تستنى اليوم الي يرجع فيه رجوان ورجوان موعارف متى بيرجع اتزوجت صبا تركي لمار وتالا اتزوجو قتيبه خلص دراسه ورجع للسعوديه نوف ولدت وجابت ولد سمته مهند ميرا وسعود رجعو من ماليزيا وميرا دحين حامل يوم الخميس في بيت ابو سعود الكل عالطاوله على الغدا مازن ورولا وولدهم عادل نوف وبدر وولدهم مهند سعود وميرا والبيبي الي في بطنها ام مازن وابو مازن وام سعود وابو سعود ريان وليان بسّام وريماس ماهر ومهران رولان ولوران وريم كانت تستنى اليوم الي يجلس فيه جمبها رجوان ريم تبتسم وكانت فرحانه بالجمعه وكل عيلتها حولها ريم تطالع فيهم وتبتسم ام ريم لاحظتها:ريم ماما ايش فيكي تطالعي فينا كذا؟ ريم تبتسم:الله لا يحرمنا من بعض شكلنا حلو واحنا مع بعض الكل يبتسم بسّام:اكيد مو انا الي محلي الجلسه ريم:هيهيهيهي الكل يضحك بسّام يطالع في ريم:عجبتك النكته ريم:بآيخه زيك سعود:انتو لسه زي ماانتو الكل يضحك ريماس:ماادري متى راح يبطلو مضاربه بسّام يطالع في ريم:على يدها ريم:انت شراني وعدواني تحب تناقرني بسّام يضحك والكل يضحك معاه في بيت تالا ساري:حبيبتي فين تبغي تسافري ؟ تالا:امممممممم مادري انت فين تبغى؟ ساري:المكان الي تختاريه تالا:اممممممم ايش رايك نروح كندا ساري:اذا تبغى تروحي اوكي تالا بفرح:وااو حماس ساري:هوا انا ليا غيرك انتي لو تطلبي عيوني ماتغلى عليكي تالا تبتسم ابتسامه خجل ساري:الله لو تجيبيلنا كتكوت كذا يجنن يملي علينا البيت"ويحط يدها على بطنها" تالا:لما يكتبها الله ساري يمسك يد تالا ويبوسها في بيت ماهر لمار:انت لسه تحبها؟ ماهر:انا ماحبيتها عشان لسه احبها انا اكتشفت اني اعجبت فيها بس بس صدقيني بعد ماعرفتك عرفت ايش هوا الحب وايش هوا الإعجاب لمار تبتسم:رغب اجرامك في ريم واجرامك في الي سويته فيني حبيتك ماادري كيف حبيت واحد خطفني ماهر يضحك:يعني لو ماخطفتك ماكان دحين احنا متزوجين شفتي فايده الإختطاف لمار وماهر:ههههههههههه لمار:تصدق ..رجوان مره وحشني ماهر:لاتقلبي عليا المواجع لا تحسسيني بالذنب لمار:وحتى لو حسيت بالذنب ماراح يرجع شي من الي صار ماهر يحط يده على يد لمار:لو مكتوبين لبعض ولا احد بيقدر يفرقهم في بيت ابو رجوان خالدين والجده وقتيبه وقصي وريفال وام رجوانوابو رجوان وحسام ولد قصي حسام جالس في الأرض ويلعب بالسيارات خالدين ماسكه االريموت وتقلب في القنوات قصي وقتيبه جالسين يتكلمو مع بعض ام رجوان وريفال بيتكلمو مع بعض ابو رجوان جالس جمب امه الجده تكلم خالدين:وجع في عينك حولتيني من اول وانتي تقلبي في القنوات افتري فتر الله ابليسك خالدين بنرفزه:ياجده الكل يضحك ابو رجوان:خليكي احسن خذي على راسك من اول وانتي تقلبي خالدين:التلفزيون يطفش مافي شي حلو قتيبه:هذا عشان لمار وتالا اتزوجو وراحو حسيتي بالطفش خالدين غصبا عنها ادمعت:والله وحشوني قصي: اتصلي فيهم خليهم يجو خالدين تاخذ الجوال وتدق عليهم في بيت ابو سعود في غرفه ليان ليان:لا ررريان مو كذا استنى استنى ليان وريان كانو يلعو باالألوان المائيه على الورق ليان وريان منسدحين على بطونهم ويلونو ليان ترسم: ريان كذا ريان:اعطيني فرشه ليان تعطي ريان فرشه ريان:رسمتي احلى من رسمتك ليان تعبس وجهها:لا رسمتي ريان:نخلص ونشوف ينفتح الباب وتدخل ريم وميرا ونوف ورولا:ايش تسوو؟ ريم:شوف الصياعه جالسين مع بعض ومسكرين الباب ميرا:يابنت استحي هذولا صغار البنات:هههههههههه ريم تقرب منهم وتشوف رسوماتهم وتصرخ البنات يقربو ويشوفو رسموماتهم ويشهقو البنات يطالعو في بعض ويضحكو ريم تاخذ الورقتين وتضحك:يصيبكم من صغار داهيه وربي عيال ابليس انتو ريان وليان وقفو ومبتسمين البنات يضحكو ريان:انتو ايش دخلكم انا وليان حرين ليان:ايوا حرررين ريم تمسك الورق وترفعها:في احد يرسم كذا ليان رسمت عريس بثوب وشماغ وريان رسم عروسه بفستان ابيض نهاية البارت |
