 |
  |
|
|
|
|
#91 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 34
في بيت لمار يرجع رجوان وهوا مكسر لأنه انضرب على ظهره وظهره لسه تعبان ويده كمان لسه ماتشافت قتيبه يفتح الباب ويلقى رجوان يتألم وموقادر يمشي قتيبه يمسك رجوان عشان يمشيه:رجوان ايش فيك؟؟ رجوان:آآي ظهري ياقتيبه بينفجر قتيبه:ادخل ادخل قتيبه يدخل رجوان عند امه بالصاله ام رجوان:رجوان خالدين وتالا:رجوان ايش فيك؟ رجوان:سدحوني ظهري يوجعني مره مااقدر اتحرك ام رجوان:بسم الله عليك حبيبي ايش صارلك؟ رجوان وهوا يتألم:اتضاربت اتضاربت آآآ ياأمي ظهري ظهري يألم ام رجوان:ياحبيبي طيب ارتاح لا تتحرك ماادري ايش الي صاير انت مضروب ولمار مو لاقينها انا بتجنن يرن الجرس خالدين:اكيد لمار قتيبه وخالدين وتالا يروحو يفتحو الباب تدخل لمار وتحضن قتيبه وهيا ترجف من الخوف قتيبه:لمار ايش صار فيكي؟؟ خالدين:انتي بخير؟؟ تالا:اتكلمي قتيبه وهوا حاضن لمار:خلاص اتركوها خالدين :تعالي ادخلي جوا لمار تمسح دموعها :لأ ماما لاتشوفني ابكي ولا ابغاها تدري عن الموضوع قتيبه:انتي ادخلي عليها تطمن اول شي ام رجوان:لمار ماما حبيبتي فين كنتي؟ لمار بتردد:جوالي خلص شاحنه وماكان في بنزين في السياره واخذنا وقت وزي كذا يعني ام لمار:خفت عليكي مره اتأخرتي لمار:طيب انا بطلع اتحمم رجوان:لمار صار فيكي شي؟؟ لمار تأشر لرجوان انه يسكت عشان امها ماتدري رجوان فهمها لمار:لأ لمار تطلع غرفتها وتطلع وراها تالا وخالدين قتيبه حس ان ضرب رجوان له علاقه بغياب لمار عن البيت كل هذا الوقت قتيبه يطلع عند لمار ويدخل غرفتها قتيبه:لو ماقلتي ايش صاير انا بروح اقول لأبويا كمان مو بس أمي لمار تنزل راسها وتقول لقتيبه الي صار في غرفة سعود سعود يكلم نفسه:كذا ياريم تسوي فينا بكل قواية تطلعي له برا وتنادي عليه تبغي رجوان ينقذك مننا انتي الي جنيتي على نفسك ياريم واتحملي الي يجيكي مني اسمحيلي اقدم لك درس محترم في حياتك في بيت ماهر ماهر يرجع البيت ويدخل الملحق ومايلقى لمار ماهر يعصب ويدخل البيت ويروح غرفة مهران ويقومه من النوم ماهر:مهران ياكلب مهران يقوم:ماهر ايش فيك؟ ماهر ينط على سرير مهران ويمسكه من بلوزته:فين راحت لمار مهران:البنت مالها ذنب ياماهر حرام عليك ماهر:انت مالك دخل بالي انا اسويه مهران:ماراح اخليك تهدم حياة احد انت فاهم ماهر:اعتبرني مو اخوك يااخي وخليني اسوي الي ابغاه مهران:انت فعلا مو ماهر اخويا انت صاير انسان تاني انسان اناني مايفكر غير في نفسه وبس ماهر:اخر شي اني اسمح لك انك تتدخل في اشغالي انت فاهم ماهر يترك مهران ويطلع مهران يرجع يكمل نومه في غرفة ماهر ماهر يكلم نفسه:انا زعلان على لمار عشان رجوان ولاااا ...."وسكت ماهر" ماهر يكلم نفسه بعد صمت:لأ لأ مااعتقد وبعدين ليش انا منشغل فيها خلاص البنت وراحت وانت يارجوان حسابك معايا هذي تاني مره تخرب عليا الخطوبه مالحقت حتى البسها الدبله ايش دا الحظ النحس الصباح في المستشفى الساعه6:30 ريم تقوم من نومها وتمسك راسها:آآه راسي ريم تتلفت حولها وتلقى نفسها في المستشفى ولوحدها ينفتح الباب وريم تشهق من الخوف ريم تستنى مين الي بيدخل؟؟ يدخل رجوان و يادوب يمشي من الم ظهره ريم بفرح ونزلت دموعها:رجواان رجوان يروح يحضن ريم:حبيبتي ريم تبكي على حضن رجوان ودموعها على صدره رجوان يضم ريم لصدره بقوه وبلهفه رجوان :سامحيني حياتي ريم:آآآه يارجوان انا تعبت تعبت خلاص ماصار بيدي شي سعود بينتقم مني ويزوجني ماهر انا بنتحر عندي الموت اهون من اني اعيش مع غيرك رجوان :لا ياحياتي وغلاتي عندك ماتسويها وجودك بالدنيا احلى شي فيها ريم:مااتخيل نفسي مع غيرك طيب قولي ايش اسوي كيف اعيش مستحيل رجوان:هونيها حبيبتي الله موجود ريم تبكي على صدر رجوان ورجوان يمسح على ظهرها رجوان:خلاص حياتي لاتبكي لاتبكي ياعمري نزلت دموع رجوان وهوا حاضن ريم وصارت دموعه تنزل على شعرها ريم:رجوان خدني معاك لاتخليني هنا خدني عندك رجوان يطالع في ريم وهيا مكسوره وكلها الم وحزن ويشوفها تترجاه مايخليها رجوان يمسح على شعر ريم:باخذك معايا حبيبتي ريم تمسك ظهر رجوان:كيف ظهرك؟ رجوان:اووف الله يسامحه سعود ضربني على ظهري ضربه حسيت روحي بتطلع وقتها ريم:يكسر يده ربي انشاء الله رجوان:ريم خلينا نمشي من هنا قبل لايجي احد ريم :يلا بس كيف بشيل هذا المغذي الي بيدي اخاف رجوان :انا بشيله ريم:اخاف رجوان:تخافي من ايش انتي بس لا تطالعي طالعي الناحيه التانيه ريم تلف وجهها ورجوان يشيل المغذي من يدها ريم:آآي رجوان:خلاص ماصار شي يلا امشي ريم:فين عبايتي رجوان يلتفت ويشوف دولا ب ويروح يفتحه ويلقى عبايه ريم يجيبها ويلبسها العبايه ريم تمسك يد رجوان:يلا ريم ورجوان يطلعو من الغرفة ويتلفتو يشوفو في احد ولا لأ رجوان وريم صارو يهرولو رجوان تعب من ظهره وقف شويه ومسك بالجدر:آآه ريم :جوني ايش فيك؟؟ رجوان:ظهري ريم:رجوان لا تخوفني عليك الي فيني مكفيني رجوان:خلاص خلاص يلا امشي ريم تمسك رجوان من ظهره وتسنده عليها ريم:وكيف بتسوق انشاء الله رجوان:تتدبر انشاء الله في بيت رجوان ريم كانت سانده رجوان عليها وماسكته ظهره لين وصلت لسريره وسدحه ريم:انت بخير؟ رجوان وهوا يتألم:الحمد لله احسن انت بس لاتخافي عليا رجوان يحط يده على خد ريم:الله لا يحرمني منك ريم:انا خايفه رجوان:ليش؟ ريم:اخاف سعود يسوي شي لو دري اني عندك رجوان:لاتفكري فيه كل شي بوقته يهون ريم:اخاف يحرمني منك وانا مالي غيرك ريم تنسدح جمب رجوان وتحضنه:خليك معايا وانا معاك بحس بالأمان ومابخاف من شي رجوان وهوا يمسح على شعرها:وانا معاكي ياعمري بس دخيلك ماتبكي ولا تزعلي نفسك انا كل مااشوفك تبكي انسي كل شي ياعمري وخلينا نعيش هاليومين ريم تحضن رجوان بقوة في غرفة لمار لمار منسدحه على السرير وتفكر:كل مره اشوف فيها ماهر احس بشي غريب اول ماشفته حسيت قلبي بيوقف وهذي المره حسيته وقف خلاص مع انه كان خاطفني بس حسيت شي بعيونه بيجذبني صح كنت خايفه بس كنت اتمنى اجلس معاه اكثر لمار تضحك مع نفسها والله ماني عارفه احدد شعوري واحساسي وايش هوا دا بالظبط تدخل عليها تالا:فين وصل الحلو لمار تبتسم تالا:يلا قولي في مين سرحانه لمار تلعب بأصابعها تالا:يلاااا لمار:مادري بس..وسكتت تالا:بس ايش؟ خالدين:لحظه لحظه لحظه ولا احد يتكلم استنو بجي اسمع خالدين تجي وتجلس على السرير وتمسك المخده وتحضنها :يلا ابدؤر لمار تضربها بالمخده تالا وخالدين ولمار:ههههههه لمار:ماني عارفه احدد ايش هوا بالظبط وليش ومتى مدري بس شغل بالي تالا وخالدين:مين؟؟ لمار تلعب بأصابعها:ماهر خالدين وتالا بصدمه:ولد خاله ريم خالدين:الي البارح خطفك تالا:انتي مجنونه لمار:مادري بنات مادري ايش صارلي احساس حسيت فيه وماقد حسيته من قبل خالدين:ياعيني حبيتيه ؟ الله لا يبلاني لمار تضرب خالدين كف:اسكتي خالدين:آآي تالا:حلوو؟؟ لمار تهز راسها خالدين:يجنن وربي شفته عند بيت ريم تالا:بس تدرو لمار وخالدين:ا ايش؟ تالا:اكيد مو احلى من ساري لمار وخالدين:مين ساري؟ تالا تلعب بأصابعها:صاحب سعود اخو ريم الي شفناه بستار بوكس لمار وخالدين:اهاااا خالدين:اهئ اهئ انا مالقيت لي حبيب كل وحده عندها حبيب الا انا لمار وتالا وخالدين:هههههههههه لمار :خليني ادق على ريم طفشانا بروح عندها تالا:عشان ماهر لمار:لا وجع تالا وخالدين:هههههههههههه لمار تدق على ريم:جوالها مقفل خالدين:احسن تالا:عشان حبيب القلب الكل يضحك في المستشفى سعود يصرخ على الممرضات:هذا جنون هذا اهمال كيف ماشفتوها وهيا طالعه ماهر:سعود اهدا خلينا ندور عليها ماراح يفيد صراخك شي ام سعود:بنتي اتجننت وهربت ماهر:خالتي اهدي انشاء الله بنلاقيها سعود:طفح الكيل البنت هذي ماراح ترسي على بر وانا بوريها شغلها كيف بس اشوفها وربي ...ماهر يقطلع كلام سعود ماهر:ياسعود الكلام ماراح يفيد بشي خلينا نلحق ندور عليها يمكن نلقاها أم سعود:يارب تخلصني من جنانها يارب في بيت رجوان ريم ورجوان كانو نايمين من التعب وكانو حاضنين بعض واثر الدموع على خدود ريم وكأنهم ملاكين في براأتهم في حبهم في حنانهم وفي حضنهم جمعهم حلم حلم الحب والعشق حلم الحنان والشوق حلم الزواج حلم بخليهم ينسو كل العالم ومايشوفو غير بعض حبهم يكبر كل يوم وكل دقيقه وكل ساعه مهما كانت الظروف ريم مالقت حضن دافي يدفيها غير رجوان ولالقت حنان يشبعها غير حنانه ولا ضمه تحسسها بالأمان غير ضمة رجوان ولا صدر حنون تبكي عليه ولا يد تلمسها تحسسها بالحب ولانظره تضمها بشوق ولاكلمه حلوا سمعتها احلى من كلمه احبك لما يقولها رجوان كل هذا ريم لقيته في رجوان ورجوان شاف الوحيده الي بتشاركه حياته هيا ريم شافها حياته الجايه وامله ومستقبله شاف في ابتسامتها احلى مافي الكون وشاف في غمزتها سحر وفي لمسة يدها الحنان وفي حضنها الحب وفي عيونها شوق وفي صوتها روحه وشاف قلبها جمب قلبه لين صارو قلب واحد يتقلب رجوان على السرير لأنه مو مرتاح من ألم ظهره ريم تمسح على يد رجوان:رجوان رجوان رجوان:ها حياتي ريم:ظهرك يعورك؟ رجوان:شويه بس ماتشيلي في بالك نامي انتي؟ ريم:كيف تبغاني انام وانت تتألم" ريم تقوم" رجوان:فين رايحه؟ ريم:بجيب لك مسكن حرام تجلس كذا تتألم ريم تروح تجيب مسكن وتجيب كاسة مويه وترجع الغرفه وتعطي رجوان رجوان:يلا حبيبتي نامي انتي تعبانه ريم تطالع في رجوان:طيب رجوان نام على بطنك لاتنام على ظهرك عشان مايوجعك رجوان:والله موقادر اتحرك مافني ريم انا بساعدك بس صدقني لو نمت على بطنك بترتاح اكثر وانا بسوي لك كمادات رجوان يحاول انه ينام على بطنه بس مو قادر من الم ظهره لين مانام على بطنه رجوان يضرب بيده ع المخده من الأم:ظهري ريم تحط الكمادات على ظهره:معليش استحمل شويه رجوان:تعالي نامي حياتي ريم:لأ لين يروح الم ظهرك رجوان:بيروح انشاء الله بس نامي ريم:خليني هنا لاجاني النوم نمت رجوان يطالع في ريم ويبتسم رجوان يحط يده على يد ريم ريم تبتسم ريم تحط راسها على ظهر رجوان ونصها التاني على السرير وتنام يرن الجرس ويدق الباب بقوه ريم ورجوان انفجعو مين الي يدق الباب زي كذا ريم:رجوان خايفه؟؟ رجوان:يطلع من البلكونه ويشوف سعود وماهر ومعاهم الشرطه رجوان يدخل الغرفه:ريم اتخبي سعود وماهر جايبين لي الشرطه ريم بخوف:ليش؟ رجوان:اكيد عرفو انك عندي يلا بسرعه اتخبي ريم تدخل الحمام ورجوان ينزل يفتح الباب اول مافتح رجوان الباب يهجم عليه سعود:اختي فين يارجوان؟ رجوان:انا ماعندي احد يدخلو الشرطه يفتشو البيت ماهر:انت تستعبط اكيد ريم عندك رجوان:شوفو بنفسكم سعود:والله لو كانت عندك مابخليك يفتشو الشرطه بكل مكان وريم كانت بالحمام الي بغرفة رجوان يدخلو الحمام ريم كانت منسدحه في البانيو ومسكره الستاره ومالقو ريم في البيت سعود يطالع في ماهر ورجوان يطالع في سعود بنظره انتصار ماهر:ماشي يارجوان الجيات اكثر رجوان يبتسم سعود يطالع في رجوان بإحتقار ويطلع رجوان يسكر الباب ويطلع عند ريم ريم:راحو؟؟ رجوان:الحمد لله ريم تتنفس براحه:آآآخ وربي طاح قلبي"وتحضنه" رجوان:سلامه قلبك حبيبتي ريم تبتسم رجوان يمسك ظهره:آآه ريم خافت عليه:جوني ايش فيك؟ رجوان ينسدح على السرير:والله شكلي بتعب من ظهري ريم:الله لا يوفقه البايخ سعود ولا ماهر شوف ايش سوو فيك في بيت ابو سعود ام سعود:انا خلاص طفشت من هذي البنت شوفولي حل معاها طلعت روحي خلاص ماعاد فيني حيل لها ابو سعود بعصبيه:فين بتكون راحت قليله الأدب موكفايه الي سوته سعود:انا بجيبها حتى لو انشقت الأرض وبلعتها في بيت لمار يرن جوال لمار وهيا في غرفتها تسرح شعرها لمار تشوف المتصل وبصدمه:معقولا!!؟ لمار :الو ماهر:هلا والله لمار:ماهر ماهر:ليش مستغربه لمار:في كذبه تانيه غير الأوليه ماهر يضحك:انا متصل عشان اعتذر على الي سويته صدقيني كنت بعطي اخوكي درس مو اكثر لمار تبتسم:حصل خير ماهر:يعني مو شايله عني؟ لمار تكلم نفسها:اشيل عنك وانت شاغل بالي آآخ بس ماهر:الو لمار:لالا اطمن موشايله ماهر يبتسم ولمار تبتسم مهران يدق الباب ماهر:طيب امممممممم باي لمار:باي ماهر:ادخل مهران:انا طالع تبغى شي؟؟ ماهر:على فين؟ مهران:بطلع مع نايف ع البحر شويه ماهر:لامشكور بس لاتتأخر زي كل مره مهران:انشاء الله ماهر يكلم نفسه:انا ليش مشغول في لمار وليش اتصلت عليها يهمني امرها لهادرجه؟؟ ليش كنت خايف على زعلها؟؟ آخ يالمار انتي حكايتك حكايه بس المفروض ماافكر فيكي انا كلها ايام وبتزوج ريم لازم انسى لمار في غرفه لمار لمار تحضن الجوال وتعض على شفايفها لمار تكلم نفسها:آآآآه ياربي يجنن دا الآدمي مادري ليش ربي وقعني في واحد مجرم ومفتري لمار تضحك يعني يوم مااحب احب واحد بينتقم من اخويا وكان خاطفني ايش الحظ المنيل دا ياربي لمار تسكت لمار:بس يجنن الولد لمار تضحك على نفسها في بيت رجوان ريم:رجوان انا قررت اسافر رجوان:فين ومع مين ومتى؟ ريم:اي مكان بس ابعد عن اهلي وانت بتكون معايا رجوان:جنيتي؟ ريم:لأ بس هذا الحل الوحيد صدقني رجوان يفكر:مادري ريم بس ريم:بس ايش؟؟ صدقني لو رجعت البيت ماراح تشوفني تاني وماهر بيتزوجني ريم تقرب من رجوان وتضم يده:رجوان بليز ماترفض ماابغى انحرم منك وانت اغلى شي عندي رجوان يبتسم:وانا موافق ريم تبتسم رجوان:بس كيف بتجيبي جواز سفرك ريم تفكر:اممممممم شوف برجع اليوم البيت آخر الليل والكل نايم بطلع من البلكونه من الحبل الي منزلته الي لما اطلع اقابلك فيه ريم ورجوان يضحكو ريم:وبطلع منه واجيب جوازي من درجي وبجي رجوان:بس خايف عليكي حبيبتي ريم:مواكثر من خوفي عليك لو عرف سعود اني عندك رجوان يحضن ريم رجوان:لا بلاش ياريم ريم:مافي حل غيره جوني رجوان يطالع في ريم وكإنه فاقد الأمل الساعه 3:00 الفجر عند بيت ريم في سياره رجوان رجوان يمسك يد ريم:حبيبتي ريم تطالع في رجوان رجوان يبوس يد ريم:خايف ياريم تروحي مني ريم :جوني ..لاتوترني رجوان وريم ينزلو من السياره ويوقفو عند البوابه رجوان يمسك يد ريم:حبيبتي ريم ريم:ياعيونها رجوان يبتسم:اعرفي اني حبيبتك وعمري ماحبيت احد غيرك ولا بحب غيرك مهما تمر السنين والأيام مهما يصير بيننا شي مهما تكون الظروف حبيتك بكل مافيكي وحفضل احبك بكل مايجيني انتي غيريتي حياتي وهزيتي كياني حكمتي عالمي وملكتيني وعدتك اني بكون معاكي طول العمر سامحيني لو ماقدرت حبيبتي ريم تضم رجوان ضمه لهفه وشوق وتبكي بصوت عالي ريم:حبيبي ..حبيبي لاتخوفني بكلامك احس في نبرة صوتك وداع رجوان لاتتركني حتى لو صار شي حاول تخلصني من بين يدهم رجوان انت املي الوحيد انت فيك روحي وانت نبضي انت انفاسي وهوايا رجوان حبيبي لاتبعد عني حسيت معاك بالي حلمت فيه سنين واتمينه وعشت معاك الي ماعشته قبل في حياتي عرفتني انا مين اكون في الحياه وبلاك انا مااسوى شي رجوان يمسح دموع ريم بيده رجوان:حبيبتي انتي رجوان يضم ريم لصدره ضمه كان كل واحد منهم يتمنى تنقبض روحه فيها ريم وهيا تمسح على خد رجوان بخدها :جوني لاتبعد عني انا احتاجلك اذا ضيق الوقت صدري رجوان:حبيبتي بكون معاكي بس يلا روحي ريم تطالع في رجوان نظره وداع وكانت نظراتها تضم رجوان ريم تحاوله ان يدها ماتترك يد رجوان بس كل شويه ريم تبعد تبعد لين اطراف اصابع رجوان تلامس اطراف اصابع ريم وبعدها تركو يد بعض ريم دخلت الحوش وعيون رجوان مانزلت عليها ريم مشيت لين وصلت بلكونتها تطالع في رجوان ريم بصوت عالي:حبيبي رجوان يدخل الحوش جري ويروح عند ريم ويشيلها ويضمها ويبوسها على خدها ويحطها على الأرض:يلا حبيبتي يلا رجوان يرفع ريم عشان تمسك الحبل وتطلع ريم تدخل الغرفه وتدور في الأدراج عن جوازها رجوان تحت يستناها وكل شويه يطالع حوله ويطالع في الساعه ريم تدور في الأدراج الا فجأة يدخل عليها سعود ريم تصرخ:رجوااااااااااااان سعود:رييم ريم تطلع البلكونه:رجوان اهرب اهرب يارجوان اهرب رجوان:مابتركك ياريم سعود يطلع للبلكونه ويمسك ريم ويصرخ عليها ريم:رجوان حبيبي اهرب لو مسكك سعود بتروح فيها ريم تبكي رجوان يطالع في ريم وهوا متألم رجوان يطلع من البوابه ويحرك السياره سعود يدخل ريم الغرفه ويرميها على الأرض ويطيح فيها ضرب ام سعود وابو سعود:ايش فيه؟ ام سعود:ريم ابو سعود:سعود اتركها ياسعود ام سعود:سعود البنت راح تموت بين يدك ابو سعود يوخر سعود عن ريم سعود:اتركوني اذبحها وافتك منها ريم وهيا تتألم:اتركوني انا ماابغاكم انتو مو اهلي انتو اعدائي لاتزوجوني ماهر ياناس مااحبه ماابغاه ام سعود:ريم اسكتي سعود:حضرتك تبغي تتزوجي حبيب القلب رجوان ريم:انت مالك بيا سعود يضرب ريم كف ابو سعود:ياسعود اتركها امشي قدامي يلا ابو سعود ياخذ سعود ويطلعه برا ام سعود تطالع في ريم بحقد:انتي وحده حقيرا وقليله ادب ريم حاضنه نفسها وهيا منسدحه على السرير وتبكي في الصاله سعود:البنت هذي مااتربت وانا بربيها ابو سعود يضرب سعود كف:اسكت يعني انا مااعرف اربي ياكلب ريم تربيتي وانا مربيها وماراح اعاتبها على اي شي بتسويه لأني انا الي مربيها واياني واياك اشوفك تمد يدك عليها تاني انت فاهم ابو سعود يروح غرفته ويسكر الباب سعود:شفتي ياامي كيف بيدافع عنها ام سعود:بس بس كفايه انتو بتجننوني سعود يدخل غرفة ريم سعود:اسمعي ياريم بكرا بنحدد يوم بتكون فيه الشبكه والزواج بيوم واحد على ماهر رضيتي ولا مارضيتي ريم تصرخ:لاااا والله مااتزوجه والله لا انتحر وافتك منك ومن اهلك والله مااتزوجه مااتزوجه والله لا اذبحه عشان ارتاح منه واخلص سعود يقفل الباب على ريم ريم:انا مو مجنونه عشان تسوو فيني كذا ريم تجلس على ركبها وتبكي:لا ياربي لا انا احب رجوان افهموني احب رجوان مااحب ماهر رجوان هوا حياتي وقلبي وعمري وروحي وكل شي فيني لاتدفنوني وانا حيه لا تذبحوني بيدكم الله يخليكم لاتحرموني من حبيبي لااا انت حبيت ياسعود وماعاتبتك موذنبي اني حبيت رجوان موذنبي ياسعود سعود افتح الباب ياسعود سعود افهمني انا ماابغى ماهر ماابغاه لاتكون اناني حس فيني ياسعود آآآآآه ياربي رجوان لا تتركني يارجوان رجوان لاتروح حبيبي انا مالي غيرك رجوان تعال الحقني شوف سعود بيزوجني غيرك لاتخليه يسويها يارجوان لاتخليه ريم تنسدح على بطنها على الأرض وتبكي في الصاله ام سعود:سعود لاتتركها كذا البنت حتموت سعود:احسن عشان افتك سعود يروح غرفته ام سعود:والله موعارفه احزن عليكي يابنتي ولا ازيدك على همك واربيكي من جديد في سياره رجوان رجوان :يالله ايش صار في ريم ماكان لازم اهرب ليش ليش ليش بس انا سويت كذا عشانها هيا قالتلي ياعمري ياريم ايش صار فيكي ؟ رجوان يمسك جواله ويدق على ر يم ريم تسمع نغمه رجوان وتفتح الخط ريم تبكي:رجوان سعود ذبحني يارجوان رجوان:حبيبتي انتي بخير ريم:سعود بيزوجني ماهر يارجوان انا انتهيت انتهيت رجوان مصدوم:حبيبتي اهدي ياعمري اهدي ياروحي لاتسوي في نفسك كذا ريم :رجوان لاتتركني لاتتكرني اناخايفه وابغاك تطمني يارجوان رجوان:ماراح اتركك انت روحي افهمي انك روحي في احد يترك روحه ياريم ريم تبكي يدخل عليها سعود وياخذ منها الجوال سعود:ريم بيكون زواجها خلال هذا الشهر يعني تحترم نفسك وماعاد تكلم بنات الناس يالنسونجي سعود يسكر الخط وياخذ الشريحه ويكسر الجوال ريم تصرخ:لاااا لاااا ياسعود الله يخليك لا في بيت ماهر رجوان عند مدخل بيته مرتكز ع الباب ويكلم نفسه:لأ ريم مابتروح مني ريم بتكون ليا انا ريم فيها روحي مستحيل تروح مني انا ضيعتها ماكان لازم اخليها تدخل البيت ياحبيبتي ياريم ايش صاير فيكي دحين اكيد بتبكي ومتضايقه ادري انك ماترتاحي غير وانتي في حضني وانتي بعيده عني ماراح ارتاح بنشغل فيكي يارب تهونها وتفرجها علينا موذنبنا اذا احنا حبينا بعض موذنبي اذا قلبي اختارها هيا من دون كل البنات وعشقها في بيت ماهر الظهر ماهر يكلم جوال وهوا طاير من الفرحه ومبتسم:حلو ..خير البر عاجله اول ماتجهز وتجهز نفسها بيكون الزواج سعود:صار انشاء الله بتجهز وبتكون الملكه والزواج بيوم واحد موناقصين شي تاني يصير ماهر:خلاص اوكي ماعندي مانع سعود يبتسم سعود يسكر الخط ويروح يكلم امه سعود:امي امي ام سعود:انا هنا ياسعود في المطبخ سعود:لك عندي خبر بطيرك من الفرحه ام سعود:خير سعود:من اليوم تروحي وتجهزي ريم وتجهزي اغراضها ومهرها خلال يومين بيكون عندها واول ماتنتهو بيكون الزواج ام سعود:من جد ياسعود؟؟؟ سعود:لسه مسكر الخط من ماهر ام سعود:واخيرا ياسعود سعود:الحمد لله بنخلص سعود يترك امه ويروح ام سعود تفكر:والله ماادري اذا زواجك من ماهر صح اواحنا بنظلمك ياريم في غرفة ريم ريم كانت نايمة على الأرض زي ماتركها سعود من التعب مو حاسه بنفسها وهيا مرميه على الأرض سعود يفتح الباب ويلقى ريم مرميه بالأرض سعود حزن على ريم و قرب منها ويجلس على ركبه ويطالع فيها ويكلم نفسه سعود:سامحيني بس انتي اجبرتيني اسوي كذا ادري معذبك والله صعب اشوف حالتك كذا ياريم بس انتي خليتيني اسوي كذا ريم تحس في سعود وتقوم مفجوعه وتصرخ سعود:بسم الله ريم اشفيكي ريم تبعد عن سعود:وخر عني وخرعني سعود:ريم ايش فيكي انا سعود ريم تصرخ:سعود اتركني ريم كانت خايفه ان سعود يضربها سعود يقرب من ريم:ريم لاتخافي مابسوي لك شي اهدي "ريم تحاول تهدا" سعود:قومي معايا قومي سعود يقوم ريم من على الأرض ويجلسها على السرير سعود يصب كاسه مويه ويعطيها لريم:اشربي ريم تمسك الكاسه من خوفها كانت ترعش بقوه وماقدرت تمسك الكاسه وطاحت منها وانكسرت ريم تصرخ سعود يطالع في ريم ومو عارف يحزن عليها ويهوّن على زواجها من ماهرولايكمل خطته الشريره ريم تطالع في سعود وعيونها كلها شرار ودموع الألم سعود:ريم انتي لازم تتقبلي الموضوع خلاص كل شي جهز مابقى غيرك استسلمي للأمر الواقع اهدي كذا وروقي بكرا بتروحي بيت زوجك ومالك غيره لازم تتقبيله هذا الي بيشاركك باقي حياتك ريم تطالع في سعود بحقد ودموعها على خدودها ريم بصراخ تأشر على الباب:سعود اطلع برا برا سعود يوقف:ريم موكل مره تعصبي وتطرديني انتي لازم تقبلي خلاص اتفقنا على كل شي ريم تصرخ:اتركني في حالي ياسعود واطلع برا ريم تدف سعود لبرا الغرفه وتسكر الباب:ارحموني يالي ماترحمو فكوني من شركم الله يخلصني منكم حرام عليكم والله حرام حرام تهدموحياتي انا ايش ذنبي ليش تسوو فيني كذا ليش سعود وهوا برا يسمع ريم:لاحول ولا قوة الا بالله ايش راح يصير في ريم؟؟ هل بتتزوج ماهر؟؟ ولول اتزوجته كيف بتكون حياتها؟؟ وكيف بتكون حياة رجوان بعدها؟؟ ايش الي بيصير في يوم زواجها؟؟ ورجوان ايش بيصير فيه وكيف بيتقبل الموقف؟؟ |
|
|
#92 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 35
في بيت مازن يرن جوال رولا المتصل ماهر رولا:الو ماهر:باركيلي يارولا بتزوج رولا مصدومه:مين؟ ماهر:مافي غيرها ريم رولا تحط يدها على فمها من الصدمه ومو مصدقه:ريم ياماهر ريم ماهر:ايوا ريم ليش مصدومه رولا:ياشيخ حرام عليك خاف ربك ياماهر رولا تبكي:البنت كارهتك ماتبغاك ماتحبك ريم تحب غيرك ماهر:رولا انا ماتصلت عشان تقوليلي كذا انا متصل عشان تباركيلي رولا:حرام عليك ياماهر تهدم حياتها موانت تحبها طيب الي يحب مايسوي كذا في حبيبه حرام عليك ماهر:اقول رولا يلا مع السلامه ماهر يسكر الخط رولا تبكي وتدق على نوف نوف:هلا رولا رولا تبكي:نوف الحقي ريم نوف بخوف:ايش فيها؟؟ رولا:ماهر بيتزوجها خلاص نوف:لامومعقول لا حرام رولا:ماادري ليش ماهر يسوي كذا ماادري نوف:وسعود ليش يسوي فيها كذا هيا مو اخته مو اخته حرام عليه رولا:انا خايفه عليها نوف:انا بروحلها اكيد محتاجتني يلا باي نوف تسكر الخط وتلبس عبايتها نوف:بدر بدر قوم وديني عند خالتي بدر:ليش؟؟ نوف:انت قوم بس في غرفة رولا مازن:رولا حبيبتي ايش فيكي؟ رولا:آخ يامازن ماهر بيتزوج ريم مازن مستغرب:طيب ليش زعلانه؟ رولا:ريم ماتبغاه ماتحبه تكرهه مازن:ليش؟؟ رولا:تحب واحد تاني تعشقه مازن:معقوله رولا:انا خايفه عليها سعود جبرها انها تتزوج ماهر وهيا ماتبغى تتزوج رجوان مازن:رجوان دا حبيبها؟؟ رولا:ايوا ..مازن انا خايفه عليها ريم لما تحب تحب من قلب وريم ماتتحمل الفراق وبالذات رجوان انت ماتتصور قد ايش تحبه رجوان هذا روحها مازن:وليش ماهر بيتزوجها غصبا عنها؟ رولا:يقول انها يحبها مازن:والي يحب كذا يسوي رولا:قلت له بس ماسمع كلامي مازن:اهدي حبيبتي الي ربي كاتبه بيصير في بيت لمار الكل جالس على طاولة الطعام ام رجوان:حبيبي قتيبه بعد ماتخلص روح شوف اخوك في بيته وربي قلقانه عليه ظهره يعوره والمفروض انه مايتحرك قتيبه:انشاء الله امي لمار:بروح معاك تالا وخالدين:وانا الكل يطالع في بعض ويبتسم قتيبه يقوم:الحمد لله ..يابنات لو تبغو تجو يلا عشان عندي مشوار برجعكم البيت وبروحه البنات يقومو:يلا يلا ام رجوان:كملو اكلكم طيب البنات:الحمد لله البنات يطلعو غرفهم عشان يتجهزو قتيبه يبتسم:ماادري ليش هذولا البنات متجننين على رجوان ام رجوان:وي اخوهم قتيبه:طيب ليش مايتجننو عليا ام رجوان تضحك:ماتفتكر يوم ماجيت من كندا كيف كانو ملهوفين عليك قتيبه يبتسم:لا افتكر ام رجوان:الله يخليكم لبعض قتيبه:ويخليكي لنا انشاء الله ينزلو البنات:يلا قتيبه:يلا عند بيت رجوان رجوان كان جالس في البلكونه وماكان لابس بلوزه بس بنطلون جينز وكان الجو بارد رجوان يشوف سيارة قتيبه توقف وينزل هوا واخواته رجوان يمسح دموعه الي نزلت ألم على فراق ريم يرن الجرس رجوان يقوم بشويش عشان ظهره وينزل يفتح الباب قتيبه والبنات مبتسمين:مسا الخير رجوان بألأم وحزن:مسا الخير اتفضلو يدخلو للصاله لمار:رجوان امي بتطمن عليك كيف ظهرك اليوم؟ رجوان:احسن الحمد لله تالا تطالع في قتيبه والكل لاحظ ملامح الحزن على رجوان قتيبه ياخذ رجوان ويطلعو الحوش لمار:هذولا ايش عندهم تالا:مصايب خالدين:بروح اسمع تالا:لاياخالدين شكله موضوع جاد والله لو شافك قتيبه بتروحي فيها قتيبه موزي رجوان رجوان دمه بارد بس قتيبه دمه يغلي في الحوش قتيبه ورجوان يجلسو على الجلسه قتيبه:رجوان ايش فيك ؟انت تعبان؟ رجوان مايرد قتيبه:رجوان لاتنسى اني اخوك وانا احس ان فيك شي رجوان يطالع في قتيبه:ريم ياقتيبه قتيبه يفتكر:ريم هذيييـ ويسكت قتيبه رجوان يهز راسه قتيبه:ايش فيها؟ رجوان وصوته مبحوح وكله الم:بتززوج ولد خالتها قتيبه منصدم:نعم!وليش؟ رجوان:اخوها اجبرها بعد ماعرف انها تقابلني وتحبني قتيبه:وانت ليش مااتقدمت لها من البدايه؟ رجوان:كل مااجي اتقدم لها ياقتيبه يصير شي يمنعني مره جيت بتقدم لها وماتت صاحبتها ومره تانيه وكانت ظروفها صعبه ومره كان ولد خالتها خاطبها قتيبه:بس يارجوان رجوان يقطع كلام قتيبه:مهما قلت لك عن حبي لريم ماراح تحس بالي احس فيه ماادري ايش سوت فيني هذي البنت لو تدري كيف اجتمعنا وكيف التقينا مابتصدقني قتيبه يبتسم:لا بصدقكك بس قول رجوان:احنا حكايتنا حكايه ياقتيبه تصدق اننا حلمنا في بعض وشفنا بعض في الحلم قبل لا تنقابل في الواقع قتيبه:معقول رجوان:يحقلي احبها بجنون ولا لا قتيبه:سبحان الله وربي حكايتكم من جد حكايه رجوان:بس المشكله ان حلمنا دا بيتحقق قتيبه متعجب:كمان!؟ رجوان:وكان نهاية الحلم فراقنا ياقتيبه وبعدها مااجتمعنا تاني كل واحد راح لحاله واهوه احنا افترقنا وماادري بنرجع تاني ولا لأ قتيبه:مومعقول بيتحقق يمكن النهايه تكون غير رجوان:كل الحلم يتحقق ماعاد النهايه لا مااعتقد قتيبه:رجوان لاتتشائم ولا تستسلم انت تحبها حاول مره واثنين وعشره لاتيأس رجوان يطالع في قتيبه في غرفة ريم ريم كانت جالسه على السرير وحاضنه رجولها وتبكي تدخل عليها امها وتشوف حالتها وحزنت عليها تجلس ام ريم على السرير:ريم ماما ريم ترفع راسها ام ريم:ليش تسوي في نفسك كذا شوفي حالتك كيف صايره ريم تطالع في امها ام ريم:قومي امسحي دموعك وخذي لك شور بارد وهوني على نفسك شويه ريم تطالع في امها ام ريم:بنت ايش فيكي كذا لاتجننيني اتكلمي قولي شي ريم:ايش بقول هدمتو حياتي وتبغوني افرح وانبسط ريم تقوم من على السرير وتمشي في الغرفة:انتي من جدك تبغيني اهون عن نفسي ولا تمزحي اشوف حياتي ومستقبلي بينهدم قدام عيوني وتبغيني افرح كفايه حرام عليكم اكفوني شركم كفايه انا بنتك ياماما ليش تسوي فيني كذا ليش موانا الي حلمتي تشوفيني على الكوشه ومبسوطه وفرحانه انا فرحتي مو مع ماهر حسي فيا انتي مو ام؟؟ فين حنانك ياماما انتي برضو مو مامتي ولا ايش؟؟ وربي بديت اشك في اني مو بنتكم من الحال الي بعيشه معاكم ريم تجلس جمب امها وتمسك يدها:قوليلي انتي مامتي ولا لأ؟؟ ام ريم:ايش الكلام دا يابنت في احد يشك في امه ريم تقوم وبصوت عالي:وفي احد يذبح بنته ام ريم تطالع فيها وموعارفه ايش تقول ريم تبكي وتطالع في امها:هذي حياتي انا وانا بس الي اقرر كيف بتكون انتو انانيين عشان انفسكم قررتو انكم تهدمو حياتي انا احب رجوان ام ريم تطالع فيها بصدمه ريم:ماراح اخبي وماراح اخاف من اي احد ايوا احبه لاتستغربي ياماما احبه بجنون اعشقه الحب موعيب ياماما ولا حرام موذنبي اني كنت ضحيه الحب حبيت رجوان بكل مافيه اتعلقت روحي فيه واتعلقت انفاسي فيه رجوان صار نص مني ياماما افهميني حسي فيني رجوان قلبي عمرك شفتي احد يعيش من غير قلب؟؟ ليش وقفتي مع سعود لما حب ميرا وماعاتبتيه على هذا الحب ليش جيتيني اليوم تعاتبيني وتدمري حياتي عشان حبيت ليش؟؟ عشان سعود ولد وانا بنت؟؟ الحب مايعرف بنت او ولد ياماما ام ريم توقف وتطالع في ريم وتطلع من الغرفه ةوهيا في قمه الصدمه من جرأة ريم ريم تعصب وتاخذ المخده من على السرير وترميها على الباب في غرفة صبا صبا تكلم نفسها:خايفه اندم لو رجعت له بس انا احبه ماني عارفه اقرر اوافق ولا لأ بس تركي اتغير صار انسان تاني مايتعوض والله مادري خايفه اندم في كل الحالتين ياربي ايش اسوي صبا تدور في الغرفه وتفتح الدرج الي فيه هدايا تركي الي جابها لها ايام الصياعه تشوف الهدايا وتبتسم وتفتكر كل موقف مع هذي الهديه وشافت الصور وتبتسم صبا:والله احبه ياناس بس مدري ليش خايفه مره خايفه يرن جوالها المتصله جمانا صبا تفتح الخط وتصرخ جمانا:ايش فيكي يامجنوونه صبا تضحك:والله ياجمانا محتاره ماني عارفه اقرر جمانا:قلنا لك راينا ونصحناكي بس انتي مادري ايش فيكي صبا:يعني خلاص جمانا:خلاص يابنتي اتوكلي على الله وبعدين ترا صدعتيني من هذي الحكايه خلاص صبا تضحك جمانا:اقول بنت شيلي قرمبعاتك وتعالي عندي اليوم صبا:أي قرمبعات؟ جمانا تضحك:يعني جيبي اشياء الفله والصرقعه وتعالي عندي صبا تضحك صبا:اها خلاص اوكي بس اقول لماما جمانا:اوكي في بيت لمار لمار تمسك جوالها وتدق على ريم لمار:جوالها مقفل غريبه ليش؟؟ خالدين:ريم؟ لمار:ايوا تالا وهيا جالسه على السرير وتكتب ع الابتوب:تجو نروح لها وربي حبيتها البنت مره خالدين ولمار:حبيتي البنت اهااا تالا مستغربه:ايش فيكم ؟؟ خالدين:البنت الي حبيتيها مو صاحب اخو البنت لمار وخالدين:هههههههههه تالا:ياغبيات وجع والله قصدي على ريم لمار:طيب طيب المهم المغرب بنروح عندها خلاص اوكي تالا وخالدين:اوكي يرن الجرس وينفتح الباب ويدخل رجوان رجوان يدخل الصاله ويلقى اخواته:السلام عليكم البنات:وعليكم السلام رجوان يحط مفاتيح سيارته على الطاوله ويجلس على الكنبه ويحط يده على راسه البنات يطالعو فيه مستغربين لمار:رجوان ايش فيك؟ رجوان يطالع في لمار:مافيني شي سويلي قهوتي الله يسعدك لمار لمار:انشاء الله لمار تروح المطبخ ووراها تالا وخالدين خالدين:ايش فيه؟ لمار:ماادري تالا:تصدقو اول مره اشوف رجوان حزين لمار وخالدين:من جد لمار وهيا تسوي القهوه:تتوقعو صار له شي مع ريم تالا:ماادري بس ليش لأ خالدين:لا مااعتقد معقوله عشان ريم لمار:والله الحب يسوي كل شي تالا:من جد مين كان يتخيل انه يشوف رجوان حزين خالدين:بس خلاص الي فيه رجوان من عيونك لمار تضحك تالا تكلم خالدين:بقره الكل يضحك لمار:ايش رايكم نقوله يودينا بيت ريم تالا:ونشوف ايش بيسوي؟ خالدين:خلاص اوكي انا بقوله لمار تسوي القهوه وتروح تعطيها لرجوان وتجلس جمبه لمار:رجوان رجوان:نعم لمار:بنروح مشوار اليوم ممكن تودينا...بليز رجوان:والله لموري تعبااان مره لمار:عند ريم رجوان بدهشه:هاه لمار تبتسم:عند ريم صاحبتي رجوان متردد رجوان:خلاص اوكي البنات يبتسمو ويغمزو لبعض يدخل قتيبه:سلام الكل:وعليكم السلام قتيبه يطالع في رجوان ورجوان يطالع في قتيبه رجوان:بنات متى بتروحو لمار تشوف ساعتها الي بيدها:كمان شويه رجوان:انا تعبان بروح انام وقت ماتبغو تروحو قوموني قتيبه:على فين؟ رجوان يطالع في قتيبه لمار وتالا وخالدين:عند ريم قتيبه يطالع في رجوان رجوان يتركهم ويطلع ينام لمار لاحظت نظرات رجوان وقتيبه لمار تقرب من قتيبه:قتيبه قتيبه رجوان ايش فيه؟؟ قتيبه يسحب خشم لمار بقوه:مالك شغل لمار تصرخ:آآآي قتيبه عورتني الكل يضحك في بيت جمانا صبا:ياي من زمان عن الهجوله والفله جمانا:حشتني ايام الصياعه صبا:الله لا يعيدها تاني جمانا تضحك:آمين صبا:ترا جوعانه جمانا:تعالي ننزل المطبخ ترا البيت مافيه احد عادي صبا:يلا في المطبخ جمانا:سويت لك كوكيز يجنن صبا:الله جمانا تطلع الأكل وتحطه على الطاوله صبا تاكل:الله يجنن حاسه اني من زمان مااكلت جمانا تضحك:بالعافيه حبيبتي يرن الجرس جمانا تقوم:هذي سميه جمانا تفتح الباب سميه:سلام جمانا:وعليكم السلام سميه:كيفك؟ جمانا:بخير وانتي؟ سميه:بخير حبيبتي جمانا:اتفضلي سميه:فين الدوبه صبا جمانا تضحك:في المطبخ بتاكل سميه تضحك:بالعافيه سميه تدخل المطبخ:ايش دا يابنت بس كفايه لايزيد وزنك صبا تسلم على سميه:جيعانه مره مااتغديت سميه:الله كوكيز سميه تجلس على الطاوله وتاكل جمانا تضحك:دحين مو تنصحيها عشان وزنها مايزيد وماتشوفي نفسك البنات يضحكو في بيت ابو سعود توقف سياره رجوان قدام الباب رجوان يطالع في البيت ويكلم نفسه:الله ياريم لو اقدر اشوفك اشوفك بس ليش قافله جوالك ابغى اطمن عليكي آآخ يارب تطمني عليها لمار:رجوان في ايش سرحان رجوان:هاه لمار:اقول احنا نازلين خليك لاتروح بس بنطمن على ريم وبنرجع رجوان سرحان لمار:رجوان ايش فيك انا اكلمك رجوان:ها معليش ايش قلتي؟ تالا:بنقول بننزل تطمن على البنت ونرجع خالدين:يعني ماتروح رجوان:اوكي اوكي يرن الجرس وتفتح الشغاله الباب ويروحو المجلس ام سعود:دقايق وبنادي لكم ريم في غرفة ريم ام ريم:صحباتك تحت ريم تجري في الدرج لين وصلت للمجلس ريم:لمار ريم تجري تحضن لمار البنات استغربو لمار:ليش مقفول جوالك ..خفنا عليكي وجينا نطمن ريم:ظروف الله يسامح الي كان السبب تالا:يالله المهم انك بخير خالدين:طيب ايش رايك تجي عندنا تالا ولمار:ايوا الله يخليكي ريم تكلم نفسها:ياريت اقدر عشان اشوف رجوان ام سعود تسمع كلامهم وتدخل المجلس:لامعليش ريم ماتقدر تطلع عندها اشغال ريم:لاماعندي اشغال بروح عندهم تالا وخالدين ولمار:الله يخليكي خاله الله يسعدك ام سعود تطالع في ريم لمار:بليييييييز خاله خليها تجي ام ريم استحت من اصرار البنات ام سعود:هيا حره ريم بفرح:يس يس ام سعود تطلع من المجلس ريم:دقايق البس وبجي معاكم خالدين:اجل اروح اقول لرجوان يستنى شويه ريم بصدمه:مين؟ خالدين:رجوان اخويا ريم:هاااه لمار:رجوان هوا الي جابنا ريم مصدومه:رجوان رجوان تالا:ايش فيكي؟ ريم :لالا ريم تطلع غرفتها وتلبس بسرعه في سيارة رجوان خالدين:رجوان بليز كمان خمسه دقايق عشان ريم بتجي بيتنا رجوان بدهشه وبفرح: من جد والله انتي تمزحي ولا لأ خالدين تبتسم:لا ماامزح رجوان مو مصدق:يعني ريم بتجي عندنا بتجي بيتنا خالدين:رجوان ايش فيك؟ رجوان:لالا ولا شي خالدين تدخل البيت في غرفة ريم ريم تطلع من غرفتها ولابسه عبايتها وهيا تجري في الدرج سعود:ريم ريم تلتفت:اوف ياربي سعود:على فين؟ ريم:عند لمار صاحبتي سعود:ومين سمح لك؟ ريم:قلت لماما ام سعود تجي:حسابها معايا بعدين خليها تروح دحين انا اعرف بيت البنت هذي وبشوف اذا بتروح بيتها ولا مكان تاني ريم تعصب:اووووف منكم ريم تروح المجلس:يلا بنات البنات:يلا ريم اول ماتطلع من الباب وتشوف سياره رجوان صارت تبكي من لهفتها عليه بس كانت تخبي وجهها عن البنات رجوان موقادر ينزل من السياره خايف سعود يشوفه رجوان ذبح عيونه من كثر مايحاول انه يشوف ريم ريم تطلع سيارتها وتحرك سيارتها وسياره رجوان عند بيت لمار رجوان يوقف وعلى طول ينزل والبنات ينزلو ريم تنزل وتلتفت وتشوف رجوان ريم:رجوان رجوان:ريم رجوان يقرب من ريم ريم صارت تدمع:وحشتني لمار تروح عندهم:ها يلا ريم ريم تمسح دموعها لمار:ايش فيكي؟ ريم:لابس عيوني فيها حساسيه لمار :اهاا لمار تطالع في رجوان لمار وخالدين وتالا ياخذو ريم ويدخلو وهما عند الباب رجوان كان واقف عند سيارته رجوان بصوت عالي:لمتى بخبي حبي لك ياريم خلاص مليت البنات يلتفتو رجوان:انا احبك ياريم ولازم كل الناس والعالم تعرف لمار وخالدين وتالا يطالعو في بعض ريم مندهشه من تصرف رجوان رجوان يقرب من ريم:ماراح اخبي حبي لكي بقول لكل الناس انك اغلى شي ملكته بحياتي ريم:رجوان ريم تطالع في البنات رجوان:ماعليكي منهم طنشيهم بس المهم انك معايا دحين البنات:ياسلام ريم حست بإحراج رجوان يمسك يدها ريم زاد احراجها لمار:ايش رايكم نسويلكم جو رومانسي تالا تدق لمار بكوعها لمار :آي رجوان:مايحتاج بس ياريت تتركونا لوحدنا خالدين:خلاص اوكي يلا بنات خالين تتربع عند عتبة البيت تالا وخالدين:هههههههههه ريم:انتو كنتو تدرو عن ...... وسكتت ريم لماروتالا وخالدين يهزو روسهم:يس ريم حست بإحراج رجوان يبتسم لمار:وكنت قاصده انك تجي عندنا اليوم وكنت قاصده ان رجوان هوا الي يجيبنا عندك ريم تطالع في رجوان رجوان:طيب الله يسعدك ممكن تتركونا شويه البنات:امممممم رجوان:الله يسعدكم ترا موناقصين الي فينا مكفينا البنات يطالعو في بعض ريم تنزل راسها من الحزن البنات:طيب اوكي البنات يدخلو رجوان ياخذ ريم ويروحو الحوش الخلفي للبيت رجوان:حبيبتي خفت عليكي ليش هذي الغيبه حتى جوالك مقفل ريم تبكي:آآه يارجوان آآآه ريم تحط راسها على صدر رجوان وتبكي ورجوان يمسح على ظهرها ريم:سعود حابسني في غرفتني واخذ جوالي اليوم بس الي فتحولي الباب شفت اهلي لفين وصلت فيهم رجوان:ليش كذا؟؟ ريم:آآآه يارجوان انا تعبانه يارجوان ماهر قدم المهر لبابا والزواج قريب انا خايفه رجوان بعصبيه:ولايتجرأ يلمسك وياخذك مني ريم:راح كل شي يارجوان خلاص رجوان يمسك ريم من كتوفها:انتي حبيبتي وانا وعدتك اني بكون معاكي طول العمر ريم:انت وعدتني وفين وعدك ليا يارجوان انا ضعت منك ضعت خلاص رجوان:لا لا ماضعتي حبيبي لا تقولي كذا لا رجوان يحضن ريم في البيت لمار:يالله مااتوقعت رجوان يسويها تالا:شفتوه كيف لما قالها احبك خالدين:حسيت البنت وجهها طاح البنات يضحكو لمار:بس من جد ماكنت اتخيل رجوان يحب تالا:ولا بكل جراءة بصوت عالي وقدامنا خالدين:آآه ياريت احب واحد يسوي نفس الي سواه رجوان تالا ولمار:هههههههههههه في الحوش على المرجيحه رجوان جالس وريم منسدحه وحاطه راسها على فخذ رجوان وتدمع بس بدون بكا رجوان يلعب بشعر ريم وريم تلعب بالشال الي لابسته ريم:عمري مااتخيلت حياتي بدونك ومع غيرك رجوان:ولا انا ولا اتخيلت انك بتكوني لغيري ريم:مابكون لغيرك صدقني عارف ليش؟ رجوان:ليش؟ ريم:لأني بنتحر الموت عندي ارحم يارجوان من اني اشوف حياتي مع غيرك رجوان:حبيبتي دخيلك ماتسويها لو كنتي تحبيني ماتسويها وجودك بالدنيا يحلي حياتي حتى لو انتي بعيده يكفي انك موجوده بحياتي ريم تمسك يد رجوان:انا خايفه ومحتاجه انك تطمني رجوان يضم يد ريم:لاتخافي حبيبتي دام الحب موجود بقلوبنا ريم:رجوان احبك رجوان:وانا احبك ريم:احبك بجنون رجوان:وانا مجنونك // أعرف انك .. تعرفين اني ..( أحبـك ) مافيها تشكيـك! ولكنك ..( بنفـس الوقـت )تنـسين انـك (نظـر عينـي) نعم .. مجنون مابيهـم.. يقولـوا : (ربنـا .. يشفيـك) مادام .. ان حبك جنوووونـي( ( عسـى الله لايشافينـي ) ) \\ ريم تبتسم:انا عندي احساس اني بكون لك في يوم من الأيام رجوان:وخلي احساسك يكبر ويكبر لين يجي اليوم الي بنكون فيه لبعض ريم تقوم وتحضن رجوان:ادري غلط الي بسويه بس مابحرم نفسي منك رجوان:مين قال الحب غلط الحب موغلط واحنا نحب بعض ريم تحط يدها على خد رجوان وتطالع فيه:الله لا يحرمني منك يا حبيبي رجوان يبتسم:واخيرا قلتيها وسمعتها منك ريم تبتسم رجوان:كل مره تقوليها مااكون في حالتي الطبيعيه مره قلتيها وانا بالمستشفى وحالتي حاله ومره قلتيها يوم كنتي طالعه غرفتك وشافك سعود بس هذي المره قلتيها وانتي على حضني ولااحد يقدر يمنعك او يمنعني ريم تبتسم رجوان:ياحبيبتي انتي ريم:كنت خايفه اني مااشوفك تاني ودحين مومصدقه اني شفتك رجوان يبتسم:قصدك حلم؟حتى لو كان حلم ..اي حلم نحلمه بيتحقق ماتفتكري الحلم الي حلمناه سوا ريم تبتسم:احس ذاك سحر مو حلم لأني ماكنت اتخيل اني اشوفك حقيقه بعد ماشفتك في حلمي رجوان:ولا انا ياروحي خالدين:هذول داخلين جو لمار:انا حاسه انو فيهم شي شفتوهم كيف وهما مع بعض وبنفس الوقت اثنينهم متغيرين ولما رجوان راح لريم عند السياره شفت ريم كانت تبكي تالا:معقولا يكون في شي؟ لمار:اكيد لأنهم مو طبيعين خالدين:ايش تتوقعو لمار:ماادري بس راح اعرف بنفسي ريم:رجوان رجوان:عيونه ريم:بتمنى اسمع صوتك غنيلي رجوان لما اسمع صوتك بحس بالأمان رجوان يبتسم رجوان:يلا جوني رجوان يغني اغنية راشد الماجد غنيت بإسمك غنيت بأسمك هلا يامعتلي قدره نورت قلبٍ يشاطره الفكر عاني غنيتها لك وأنا رجلي على جمره جمر المحبة ونار الشوق تصلاني بنلبي قلبٍ يحب الطيب مايكره للخير خيير ومع الأنسان أنساني من وسع باله خياله وسع بصدره حتى يضم الموده وسط شرياني // ريم تبتسم وعيونها تدمع رجوان يحضنا ومازال يغني ريم تدمع ودموعها تنزل على بلوزة رجوان رجوان يغني :يا من يريح الخفوق بشوفه وذكره لو كان ذكره يذكرها وينساني العين في غيبته من غيبته تشره من طول ساعة سهرها تشره أجفاني مليت صبري وأنا صبري على هجره مل الصبر لين بكيته و بكاني رسالتي صوب لي من همنا أمره العين تضمى لها والقلب ضمياني /-/-/-/ كذاب من قال برجعلك بعد فتره أحسب غيابه شهر لو مرت ثواني البارحة قلت أنا بصبر ألى بكره واليوم جاني وحبيب القلب ما جاني غنيت بأسمك هلا يامعتلي قدره نورت قلبٍ يشاطره الفكر عاني غنيتها لك وأنا رجلي على جمره جمر المحبة ونار الشوق تصلاني ريم تبكي بصوت عالي رجوان:ريم حبيبتي اهدي لا تبكي حياتي ريم:خايفه يارجوان بموت رعب اخاف انرحم من صوتك وانحرم من حضنك ولمسة يدك رجوان يضم يد ريم لصدره:حبيبتي وانتي معايا لاتفكري بشي خلينا سوا نعيش يومنا ريم:بنعيشه يومنا اخاف يكون اخر يوم لنا سوا رجوان:ريم حبيبتي لا تقولي كذا ريم تحط راسها على صدر رجوان وتضمه رجوان يمسح على ظهرها:ياحياتي خالدين تقوم وتروح تفتح الستاره الي تبين على الحوش من خلف البيت تبغى تشوف رجوان وريم لمار تشهق:يامجنونه تالا:والله لو يشوفك رجوان بيذبحك لمار:وانتي الصادقه ريم البنات يضحك خالدين تفتح الستاره وتطالع في رجوان وريم وهما حاضنين بعض وتشهق تالا ولمار يجرو ويروحو عند خالدين ويشوفو رجوان وريم ويشهقو هما كمان البنات يطالعو في بعض ويضحكو لمار:داخلين جو خالدين:لأ مش معقول رجوان يعرف يحضن تالا تضرب خالدين على راسها:هوا لازم خبره يعني البنات يضحكو لمار تطالع فيهم وتسرح تالا وخالدين نفس الشي لمار في بالها:ياليت لو انا وماهر في ذا الموقف خالدين:يابختكم..متى احب وانحب متى؟ تالا:آآآه لو اشوف نفسي مكانهم ومعايا ساري البنات يطالعو في بعض وفهمو بعض في ايش كل وحده سرحت وجلسو يضحكو البنات يطلعو للحوش عند ريم ورجوان لمار:ياهوووووووو يانااااس ريم كانت حاطه راسها على صدر رجوان وضامته روجوان كان حاضن ريم ويلعب بشعرها ريم انحرجت لما شافوها البنات وتركت رجوان وتلعب بشعرها من الخجل خالدين:انتي جايه عشان تجلسي مع رجوان ولا معانا ريم تطالع في رجوان وتضحك تالا :ياعيني ع الجو الي عايشينه رجوان:بنات وبعدين خالدين:ولا قبلين خالين تجلس بين ريم ورجوان رجوان يشيل خالدين من بلوزتها من ظهرها ويقومها البنات فطسو ضحك على شكلها رجوان:مكانك غلط خالدين:ابغى اجلس رجوان:خلصت الأماكن خالدين:هنا حلو الكل يضحك لمار:بسألكم سؤال رجوان وريم:اسألي لمار:انتو تحبو بعض؟ ريم ورجوان يطالعو في بعض ويبتسمو رجوان:لأ مين قال ريم تطالع في رجوان يإستغراب رجوان يقرب من ريم ويمسك يدها رجوان:احنا نعشق بعض نهوى بعض نموت في بعض ريم تبتسم لمار وتالا وخالدين:آآآآآآآآآآآ خالدين:من متى يامفترين طيب قولولنا رجوان: من متى؟؟ رجوان يطالع في ريم قولي انتي ريم تبتسم:مااتوقع بيصدقونا يارجوان تالا ولمار وخالدين يجلسو:الحكايا فيها اكشن وحماس الكل يضحك ريم:لا من جد ماراح تصدقو تالا:لالا بنصدق بس قولي ريم تطالع في رجوان:اول يوم في الدراسه من السنه الي فاتت حلمت حلم غريب وكان في الحلم واحد رجوان يبتسم ريم تطالع في رجوان:شاب يجنن يفتن يسحر يذبح شفته وانا في حلمي حسيت بإحساس غريب من وقتها وهوا شاغل بالي وكنت فعلا اتمنى اشوفه حقيقه ريم تطالع في رجوان:وقابلته ..قابلته في الحقيقه نفسه هوا الي شفته بحلمي البنات:من جد؟!؟ رجوان يطالع فيها :ولما شافتني في حلمها نفس الحلم الي انا حلمته وشفتها البنات: من جد؟!؟ ريم:ومن يومها واحنا هيمانين رجوان يطالع في ريم:عشقانين ريم:ولهانين رجوان:مشتاقين لمار وخالدين وتالا:مجانين الكل يضحك لمار:طيب ليش كات قربتو من بعض اكثر رجوان يحضن ريم ويضمها لصدره :كذا يعني الكل يضحك ريم خجلت لمار:لالا اقصد علاقتكم لمتى بتستمر كذا ليش ماتتقربو اكثر ..افهموني؟ ريم فهمت قصد لمار وضاعت ابتسامتها ريم تطالع في رجوان رجوان يطالع في ريم وفهم قصد لمار لمار:ايش فيكم ليش وجهكم قلب؟ ريم بصوت حزين وهيا منزله راسها وشعرها نزل على وجهها:ياريت نقدر رجوان:راح نقدر ياريم صدقيني خالدين:ايش فيكم؟ ريم ترفع راسها ودموعها نزلت على خدها البنات:ريم ايش فيكي؟ رجوان يمسح دموعها:خلاص حياتي"ويضمها" لمار:رجوان ايش فيها ريم؟ رجوان:بنات ادخلو جوا خلاص يكفي البنات مستغربين يدخلو البنات رجوان يحط كفوفه على خدود ريم:حبيبتي خلاص انسي الموضوع على الأقل لو دحين وانا معاكي ريم:كل مااتخيل اني ..... رجوان يقطع كلام ريم:ياحبيبتي خلااااص انسي..يلا ابغى اتغزل فيكي ريم تبتسم رجوان:الله لايحرمني من نغزتك الحلوا ريم تطالع في رجوان رجوان:ولا يحرمني ملامحك الحلوا ريم:ولا يحرمني منك ومن قلبك ومن صوتك وحضنك وكلك رجوان تعال ينطلع غرفتي ريم:لا البنات يفهونا غلط رجوان:ماعليكي بنطلع من باب المطبخ ومابيشوفونا ريم:لا هنا حلو رجوان يشيل ريم:يلااا قومي بلا دلع ريم:لالا لا ظهرك جوني رجوان:يفداكي ريم تضحك:رجوان نزلني رجوان:لأ ريم:بليييز رجوان يضحك:لأ ياخوافه ريم:بلييز رجوان يفتح الباب ويدخل المطبخ ومن المطبخ يطلع الدرج ويروح غرفته رجوان يحط ريم على الأرض ريم تضربه على صدره:يابآآيخ رجوان يضحك نهايهـ البارتـ |
|
|
#93 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 36
في بيت ماهر ماهر يفكر:والله ماادري ايش جاني ليش اتغيرت وصرت احس بشي غريب من ناحية لمار ليش شغلت بالي ليش بشتاقلها وبشتاق لصوتها ماهر يمسك الجوال ويدق لمار تشوف الجوال وتنصدم لمار تحاول ان اخواتها مايلاحظو توترها لمار تقوم للمطبخ لمار تفتح الخط:الو ماهر يبتسم لمار:الووو ماهر:الو لمار تبتسم ماهر:آسف على الإزعاج بس..... وسكت ماهر لمار:ايش؟ ماهر:مادري بس حسيت اني ابغى اسمع صوتك لمار تعض على شفايفها وتبتسم لمار:باللهي ماهر:موعارف ايش اقول بصراحه لمار تبتسم ماهر:تصدقي لمار:هاه ماهر:ندمان على الي سويته معاكي لمار:خلاص الي صار انتهى ماهر:الي زيك مايصير فيه الي سويته لمار تبتسم ماهر يبتسم لمار:ماهر ماهراتشقق لما سمع اسمه:هلا لمار:انا مااعرف عنك شي بس شغلت بالي ماهر يبتسم:ولا انا وانتي كمان شغلتي بالي لمار تبتسم ماهر:اجل شعور متبادل لمار تعض على شفايفها ماهر يبتسم في الكوفي ساري:سعود انا قررت اتزوج سعود يضحك ساري :ليش تضحك سعود:انت تتزوج هههههههههه ساري:اتكلم من جد سعود:بالله ساري:والي بتزوجها اختك تعرفها سعود مستغرب :مين؟ ساري:انا شفتها معاها بس ماادري عن اي شي يخصها بس جذبتني وشغلتني ودخلت مزاجي سعود يغمز لساري:حبيتها يعني؟ ساري :مين قال حب انا بقول دخلت مزاجي سعود:طيب ساري:يعني بتكلملي اختك عنها اوكي سعود:اوكي سعود يكلم نفسه:الله ياسعود الكل بيتزوج والكل بيحب ويعشق وبقى غيرك بس مستحيل اسويها بعد ميرا الله يرحمها الله يرحمك حبيبتي عذبتيني بعد مارحتي انا وعدتك مابكون لغيرك وماراح اتزوج بعدك في غرفة رجوان يدق الباب رجوان:مين؟ تالا:انا رجوان:يوه ع الإزعاج رجوان يفتح الباب تالا كانت شايله العصير رجوان:اووه شكرا بس لو تكملي جميلك وتسوي كابيتشينو وتجيبي شي كذا ناكله عشان احنا جوعانين صح ريم؟ ريم تبتسم وتهز راسها تالا:من عيوني رجوان:يخليها عيونك رجوان يسكر الباب ويروح يعطي العصير لريم رجوان يجلس جمب ريم عالكنبه رجوان يشرب ريم من عصيره بيده ريم تبتسم:عروسه وعريس يعني ريم تضحك رجوان:قريب انشاء الله ريم تشرب رجوان من عصيرها ويدق الباب وارتبكت وينكب شويه من العصير على بلوزته ريم:اوه سوري جوني رجوان:ماعليكي حياتي يفداكي رجوان يفتح الباب:قلق قلق قلق قتيبه:خير انشاء الله ايش فيك قافل الباب اول مره تسويها رجوان ارتبك:هاه قتيبه:انت ايش فيك؟ قتيبه يحاوله انه يشوف مين في الغرفه:عندك احد؟ رجوان:ها لا بس قتيبه يبتسم:يعني عندك احد رجوان :ايوا حبيبتي قتيبه:اسكت لا تسمعك ريم رجوان:يامجنون ريم هيا حبيبتي قتيبه متنح:هاه رجوان:ريم هيا الي عندي بالغرفه خلاص ارتحت قتيبه:من جد رجوان يهز راسه ريم كانت تسمع قتيبه ورجوان وانحرجت قتيبه:ايش تسوو في الغرفه رجوان:لا يا واد لا يروح بالك بعيد قتيبه:من جد مو مصدق رجوان:شوف قتيبه انا موفاضي اشرح لك روح للمار تقولك رجوان يدخل ويسكر الباب ريم: جوني فشله رجوان:لا ماعليكي رجوان يفتح دولاب ملابسه ويطلع تيشيرت ريم:ايش بتسوي رجوان:بغير بلوزتي ريم:هنا رجوان:اجل هناك"ويضحك" ريم حست بإحراج رجوان ينزل بلوزته ريم تنزل راسها يدق االباب رجوان يفتح بعصبيه وبعدين قتيبه مصدوم ويطالع في رجوان رجوان يستوعب انه ماكان لابس بلوزه رجوان:لالالا قتيبه:رجوان انت وريم ايش بتسوو بالظبط؟؟ ريم فهمت قتيبه ريم تطلع:لالالالا والله ماصار شي بس بس انكب العصير على بلوزته وكان بغيرها بس والله رجوان يطالع في رريم ويبتسم ريم كانت مره خجلانه قتيبه يطالع في ريم ويبتسم ريم حست بإحراج ودخلت رجوان وقتيبه يضحكو رجوان يدخل ويسكر الباب ريم منزله راسها من الخجل رجوان:حبيبتي ريم ترفع راسها:فشلتني رجوان يضحك رجوان يحط يده على خد ريم :فديت خجلك حبيبتي ريم تبتسم رجوان يحضن ريم ريم:صدرك بارد جوني البس بلوزتك بعدين تاخذ برد رجوان يلبس بلوزته في بيت ابو سعود الساعه 11:35 في الليل سعود يرجع البيت ويروح الصاله سعود:امي ريم ماجات ام سعود :لأ ولا معاها جوال سعود:كنت عامل حساب دا الشي عشان كذا رجعت البيت بدري ام سعود:عطيني جوالها سعود:ليش؟ ام سعود:بدق على لمار واقولها تقول لريم تجي البيت سعود يعطي جوال ريم لأمه ام ريم تدور رقم لمار وتتصل لمار:الو ام سعود:السلام عليكم لمار:وعليكم السلام ام سعود:لمار ماما ريم جمبك لمار ارتبكت:ها لا انا بعديه عن البنات انا فوق وهما جالسين تحت ام سعود:طيب قولي لريم ترجع البيت خلاص لمار:انشاء الله خالتي ام سعود:مع السلامه لمار:مع السلامه لمار:غريبه؟!؟ في شي صاير لريم مع اهلها ومأثر بعلاقتها مع رجوان لمار تطلع وتدق الباب رجوان يفتح لمار:ريم ريم تطلع:ها حياتي لمار بحزن:مامتك دقت عليا وقالت ترجعي البيت ريم:لاااااااااا رجوان يطالع في ريم بحزن ريم:لاا بليز لا قولي تمزحي لمار:والله ماامزح ريم:رجواااان رجوان يطالع في ريم بحزن لمار تنزل تحت رجوان يسكر الباب رجوان يحضن ريم:ماكنت ابغى هذي اللحظة تجي ريم وهيا على صدر رجوان:حبيبي لا تتركني اوفي بوعدك ليا رجوان:حبيبتي لاتخافي اطمني ريم:والله خايفه حبيبي رجوان يحضن ريم بكل ألم ريم تبكي ودموعها على بلوزة رجوان رجوان يمسح على ظهرها:خلاص حبيبتي انتي وعدتيني انك ماتبكي رجوان يحط كفوفه على خدود ريم:خلاص حبيبتي خلاص ياروحي ياعمري ياحياتي كلها انتي ريم:رجوان لو مقدرت اشوفك تاني او اسمع صوتك اعرف انك على طول في بالي واني احبك وللأبد مهما صار بيننا راح افضل احبك واني ماحبيت قبلك ولا راح احب بعدك انت حبي الوحيد رجوان:ولو ماوفيت بوعدي سامحيني واعرفي اني بحاول لو حتى على حساب روحي وانك احلى شي في دنيتي وحياتي وانك احييتي روحي وعرفتيني قيمتي في الحياه وخليتيني احب الحياه عشان انت موجوده فيها رجوان يشبك يده بيد ريم:ولو فارقنا الزمن وبعدنا راح نفضل عاشقين نبعد لكن الحب موجود والشوق موجود وايامنا الحلوا على البال ريم:عمري ماراح اخلي غيرك ياخذني لو مهما يصير اوعدك حتى لو اتزوجت ماهر ماراح اخليه يلمسني لو على جثتي لأني عندي امل اني بكون لك لوحدك في يوم من الأيام رجوان:انا اوعدك اني ما بكون لغيرك وراح يجي اليوم الي بنكون فيه لبعض وننسى كل شي مضى ويهون العذاب ريم:حبيبي لو طال غيابي ماتشغل بالك فيني ولو كان فراقي عذاب ارجوك تنساني مايهون عليا اشوفك بتتعذب رجوان:حبيبتي انتي متوقعه اني بيوم بنساكي؟!؟ مستحيل انسى انسانه ملكت حياتي وحكمت قلبي مستحيل انسى الإنسانه الوحيده الي خلتني احب حياتي مستحيل انساكي يااغلى من روحي حتى لو كان حبك عذاب مستحيل انسى هذا الحب ريم:انا شفتك اول الأجازه واحنا دحين بنهايه الإجازه يعني فتره بسيطه بس احس اني احبك من زمان وان حبي له سنين وكل يوم يتجدد رجوان:وانا حبي احسه دفين بس انتي كل يوم تحييه ريم:يلا وصلني اكيد سعود دحين بيدبحني رجوان:اوكي حياتي رجوان يوقف ريم بعيد شويه عن بيتها عشان سعود وكان سواق ريم ورا سيارة سعود ريم تطالع في رجوان بحزن ونظراتها كانت تودع رجوان ورجوان كان يطالع في ريم ونظراته كانت تودع ريم ريم تقوم تحضن رجوان وهيا في السياره رجوان:احبك والله احبك واعشقك ريم:وانا احبك يارجوان احبك بجنون رجوان:اشوفك قريب انشاء الله ريم:انشاء الله ريم تنزل من السياره وهيا تحاول انه ماتترك يد رجوان لين تركتها غصبا عنها رجوان ينزل ريم تركب سيارتها رجوان يمسك يد ريم من الشباك:حبيبتي انتبهي على نفسك ريم:وانت كمان انتبه على نفسك رجوان يبوس ريم في خدها ريم تحط يدها على خد رجوان:باي حبيبي رجوان:باي حبيبتي ريم تنزل دموعها وتحرك سيارتها وتبعد عن رجوان لين وصلت بيتها ريم تدخل البيت وتلقى سعود مستنيها سعود:شرفت الأخت ريم ترمش بعيونها وتترك سعود وتطلع غرفتها ريم تدخل غرفتها وهيا جاية تسكر الباب تمسك امها الباب وتمنع ريم من انها تسكر الباب ريم انفجعت:بسم الله ام ريم مبتسمه:بسم الله عليكي من الفجعه ام ريم تدخل الغرفه وهيا مبسوطه ومبتسمه وريم مستغربه ام ريم:لا تستغربي اجلسي اجلسي حبيبتي ريم وعيونها حيرانه:ايش صار بالدنيا ام سعود:اتغيرت مره وصارت دنيا تانيه ريم:ليش ايش صار؟ ام ريم:مبروك حبيبتي ريم مصدومه:على ايش؟ ام ريم تجلس جمبها:ابوكي وسعود حددو مع ماهر موعد زواجكم ريم تقوم وبصراخ:هذا جنون يدخل سعود:خير ليش الصراخ ايش فيكم؟ ام ريم تطالع في سعود:لالا مافي شي ريم ودموع النار نزلت على خدودها:انتو مجانين ولا بعقولكم انا استحاله اتزوج ماهر الف مره قلت لكم ماتفهموني استحاااله ماراح يتم هذا الزواج لو على جثتي بتزفوني جنازه مو عروسه سعود:اتكلمي بدون صراخ ريم تصرخ:ماراح اسمح لكم تهدمو حياتي الخاصه انا ماعشت كل هذي السنين عشان تجو انت وتختارو اعيش مع مين ام ريم:حبيبتي ماينفع الكلام ولا شي بينفعك خلاص كل شي تم وصار سعود:مهما سويتي ماراح تغيري شي عشان كذا لازم ترضي ريم وقلبها ينحرق بنار القهر:استحاله ارضى بماهر ولا بغيره والزواج هذا ماراح يتم يعني ماراح يتم وبتشوفو ويلا برا برا غرفتي يلا ام ريم:تطردي امك؟ ريم بصراخ وهيا منهارا:برا كلكم وماابغى اشوف وجيهك انا اكرهكم ام ريم:طيب لأنك معصبه بس والعصر بتجي الخياطه بتخيط لك الفستان ماقدامنا الا اسبوع ريم تصرخ:براااا ريم جلست على ركبها وحطت راسها على السرير:كنت خايفه من هذا اليوم بس مااتوقعت انه بيجي بهالسرعه مااتوقعت مااتوقعت ليش ياربي ليش؟؟انا حبيت رجوان اكتبنا لبعض ولاتفرقنا يارب آآآآه ياربي في بيت رجوان رجوان كان في البلكونه جالس على الكرسي وحاط راسه على الطاوله وهو كله الم وحسره رجوان:آآه ياريم لو اظمن لك ايامي وتكوني ليا بكون اسعد ماخلق ربي بس ماادري ليش حاسس اني عاجز موقادر حتى احاول حتى لو كنتي مكتوبه لغيري احاول يمكن بيتغير شي بحاول لأني مااقدر اعيش بدونك كيف وانتي احلى شي في دنيتي كيف وانتي سجينتي اسيرتي واميرتي كيف اعيش بدونك انتي حبيبتي الأولى والأخيرا كيف وانتي حياتي وايامي الماضيه كلها والجايه كيف بالله كيف؟؟!!؟؟ تدخل عليه لمار:رجوان رجوان يلتفت على باب البلكونه:لمار لمار تشوف رجوان وحالته حاله وتعبان:رجوان انت تعبان؟ لمار تروح تجلس جمب رجوان رجوان:انتي كيف دخلتي مين فتح لك الباب لمار:لقيته مفتوح ..رجوان ايش فيك؟ رجوان موقادر يتكلم لمار:ريم فيها شي؟ رجوان يطالع في لمار:لمار يمكن انتي بس الي تقدر تروحي عندها وتكلميها لمار:ليش ايش فيها؟ رجوان بكل حزن والم ودموعه كانت بعيونه بس قدر يحبسها قدام اخته:ريم بتتزوج ولد خالتها لمار تشهق:معقول رجوان موقادر يتكلم ولا قدر يحبس دموعه اكثر نزلت دموع رجوان ضعف ماقدر يستقوى لاقدام اخته ولا قدام الجدار رجوان قام من على الكرسي ووقف وجلس يطالع قدامه لمار تروح عند رجوان:طيب ليش؟ هيا موافقه؟ رجوان:لأ مغصوبه لمار:ياعمري عليكم تحزنو رجوان:لمار ابغاكي تروحي دحين عندها وتشوفي حالها وبتصل فيكي بتعطيها الجوال اوكي لمار:اوكي اوكي رجوان:يلا بسرعه لمار:خلاص اوكي لمار تطلع من بيت رجوان رجوان يجلس على الكرسي ومازالت دموعه تنزل في غرفة ريم يدق الباب ريم منسدحه على السرير وتبكي يدق مره تانيه وريم مازالت تبكي ولا ترد ينفتح الباب وتدخل لمار ريم تقوم من فوق السرير وتجري تحضن لمار وتبكي ريم:آآآه لمار وهيا حاضنه ريم:بس حبيبتي بس كفايه بكى صدقيني دموعك ماتستاهل انها تنزل ريم:بس انا انتهيت وحياتي اتدمرت آآه لمار:لأ ريم لاتقولي كذا لسه الحياة قدامك ريم:ايش تعنيني الحياه بدون رجوان لمار:خلاص حبيبتي خلاص اهدي عشان انا رجوان راسلني لكي ريم: والله من جد لمار:هوا دحين بيتصل يبغى يكلمك ريم تمسح دموعها وتاخذ جوال لمار وهيا تدق ريم وهيا تبكي:حبيبي رجوان:حبيبتي // ياليت ربي ماخلق هموم واحزان ويصير كل حبيب مرتاح مع حبيبه ماقلتها الا من بعد معاناة حرمان وجروح داخل القلب مازالت عطيبه ماقـلتـهـا الا و انا الـيـوم نـدمـان ماقلتها الا وهموم قلبي صعيبه انا على همي وهو على الهجران انا بإنتظاره رغم انها طالت الغيبه شفني اليوم تايه ومشتت الاذهان دنياي من بعدك ياعمري دنيا غريبه لامـر طـيـفك علي سـالت الاعـيان تسـيل غصـب عنـي دمـوع رهـيبه شف حالتي من بعدك بالهم مرضان فراق خلي هو عندي اكبر مصيبه كل يـوم يمـر ليـلي وانـا سـهران وعيوني من سهرها صارت صويبه وانـا اليـوم طايـح وبالدمـع غرقان سبة حبيب تركني وانا ماودي اسيبه هذي حالة من هو غريق بالاحزان وهـذي حالة كل من فارقـه حبيـبه // ريم:خلاص ياررجوان خلاص رجوان بخوف :ايش هوا خلاص؟ ريم:زواجي على ماهر الخميس الجاي لمار تحط يدها على فمها من الصدمه رجوان يوقف وموقادر يقول شي ولا قادر حتى يوقف ريم:انت سامعني انا انتهيت يارجوان خلاص رجوان ساكت ريم:انا بنتحر بموت بفتك من هذي الحياة الزفت رجوان:ريم انتي وعدتيني انك ماتسويها ريم:وانت وعدتني انك بتكون معايا على طول ليش ماوفيت يارجوان ليش؟ رجوان:سامحيني حبيبتي ريم:آآآه يارجوان اذا انا مامت انا بذبح ماهر وافتك واخلص لمار:ريم لأ رجوان:ريم انتي الي بتروحي فيها ريم:اجل خلاص اتزوجه وابعد عنك هذا الي عاجبك رجوان:ياحياتي اهدي ولاتعصبي الله معانا المهم حبنا موجود في قلوبنا ريم:ومين قال بس في قلبي حبك بعروقي وبشراييني يارجوان انت صرت شريان من شراييني رجوان:احبك ياريم والله احبك وحفضل احبك واوعدك اني بكون لكي طول حياتي في الصاله ام ريم:دحين اروح انادي العروسه ام ريم:ياريم ياريم تعالي في غرفة ريم لمار:ريم امك ريم:ماعاد اخاف من احد رجوان:حبيبتي روحي لا يصير شي تاني ريم تبكي رجوان:حلفتك بربي ماتزعلي افتكريني وافتكري ان دموعك تزعلني ريم :احبك ريم تسكر الخط وتنزل تحت ام ريم:هذي العروسه الخياطه:ماشاء الله ريم وهيا كلها الم دموع وحزن:خير ام ريم:هذي الخياطه بتاخذ المقاس وبشوفي لك موديل ريم:اي شي يجي ولو كان لونه اسود مره حلو ام سعود والخياطه يطالعو في بعض الخياطه توري ريم الموديلات وريم تبكي وكل دمه ودمعه تصرخ تنادي رجوان ريم:شوفو انتو اي موديل انا مايهمني شي هذا زواج فاشل ريم تطلع غرفتها ام ريم منحرجه من كلام ريم قدام الخياطه في بيت رجوان رجوان يبكي:هذا الي كنت مستنيه يجي هذا الي خايف منه خلاص كل شي انتهى وماعاد تنفع اي محاوله ريم ضاعت مني وانا السبب انا بيدي كان ممكن اخليها ليا وانا بيدي ضيعتها مني خلاص كل شي راح وانتهى كل شي انتهى يرن جواله ريم تضحك:تبغى تعرف فين رحت رجوان مستغرب من ضحكه ريم:فين؟ ريم تضحك وتبكي:رحت عشان ياخذو مقاسي عشان بيفصلو ليا فستان زواجي رجوان وكله جروح وآلآم:ريم اهدي لا تجني ريم:وانت كذا بتقنعني اني لسه مااتجنيت"وتضحك" لا حبيبي جوني انا خلاص اتجنيت ريم تضحك رجوان:ريم اهدي لا تسوي كذا لمار تحضن ريم ريم تبكي ورجوان يسمع بكى ريم ويتألم ويبكي // أرجوك لا تتركني وحيدة.. بين أنفاسي دمعة حزينة.. أحتاجك في غيبك سيقطع خيوط الأمل.. ويتركني أسيرة.. أسيرة لأوهامي الجريحة.. ولنسيج الأحلام البعيدة.. أكن لك وطناً إن أردت.. أعطيك قلبي أرضاً.. وعيني سماءاً.. وحناني شمساً تمنحك الدفء.. وكلماتي هواءاَ نقياً.. وروحي شراباً تشفيك.. وعصافيرك أغنيتي.. وحضني منزلاً لك.. ومقابل ذلك أريد محبتك..حمايتك.. والوقوف معي ضد المغيرين على أرضي.. // ريم:احبك يارجوان وعمري ماحبيت غيرك ولا راح احب غيرك انت فارس احلامي انت احلى سنيني وايامي انت كل شي فيني قلبي ونبضي عروقي ودمي عيوني ونظري وانت انفاسي دفايا وهوايا حبي ومنايا رجوان:وانت حياتي وروحي واحلى شي في دنيتي انتي الملاك الي اخذني لدنيته وحكمني وخلاني بين يده انتي الملاك الي اتربع على عرش قلبي انتي خليتيني احس بالحياه وحلاوتها ريم:يمكن هذا يكون اخر اتصال واخر مره بتسمع صوتي بس اوعدك لوقدرت ماتكون هذي نهاية حبنا رجوان:لاتقولي كذا انشاء الله بيتغير كل شي لو في يوم واحد ريم:هوا بيتغير وفي يوم واحد بس استنى عليا والله لا اوريهم الي ماشافوه في بيت جمانا يرن الجرس جمانا تفتح الباب صبا تحضن جمانا:باركيلي باركيلي باركيلي جمانا:مبروووك على ايش؟ صبا:وافقت وتركي بيجي الخميس يخطبني رسمي جمانا بفرح: من جد.مبرووك حبيبتي مبروووك جمانا تحضن صبا صبا:ماتتصوري فرحتي اخيرا قررت وارتحت جمانا:من جد اخيرا يابنت احس الرجال طفش من كثر مايستنى ردك صبا تضحك صبا بجديه:لأني حبيته ومازلت احبه ولأني اتمنيه يكون ليا من اول ماشفته ولأني ماقدرت على بعاده جمانا:ياواد يارومانسي يالي يحب جمانا وصبا:هههههههههههه الأربعاء قبل يوم زواج ريم الساعه 3:30 الفجر ريم كانت حاضنه دبدوبها ودموعها تنزل على الدبدوب وهيا تفتكر كل لحظه عاشتها مع رجوان تسمع في صوت في البلكونه وخافت طلعت للبلكونه وهيا تفتح الباب تلقى رجوان عند الباب ريم بفرح تحضن رجوان:حبيبي رجوان يبتسم وعيونه دموع:حياتي شـوف غيبتـك ياهـي و ربي ثقيلـة .. // أبـي أضمك ضمـه عقبهـااا الموت.. أبي نهـأإيـة دنيتي يوم?أضمــــــك? أعذرني هذ الهواء يجبر على رفع الصوت ... أيـــه نعـــم هذي المشاعر تقــول{أحبـك ضمتـــك لي أغلــى من الذهـب والياقوت.. ودي تغمـرني بحنــــانك وعطفـــك يالغالي اللي من غيــــرهـ أمــــوت.. أيــه ضمنــي حيــل خلنـي احيــا بك.. سمعنـي أحلـــى كلآم الحـ?ـب بعالي الصوت خـــل العالم تدري باللي بينــي وبينـك.. حسسني بحبك اللي صار لقلــ?ــبي قوت وخلني أعيشـــه واشوفــه "بحضنــك" لآ تبعــد عنــي وتخليني في تـــابــوت... أخــاف ضلوعٍ ـي تعطش بلآ "ضمــــــاتك". واكبـر دليـــــل أنـــــي أحبك مـــــوت.. شـــوقي لــك بغيــــابك وحتى بــوجودك.. ودي اضمــــك واقـول أحبــك بعدهـا الموت.. ابــي نهــايـة دنيتي يــــــوم أضمــــــك // ريم حاضنه رجوان ورجوان حاضن ريم ولا احد فيهم راضي يتنازل عن حضن التاني ريم وهيا حاضنه رجوان:يمكن يكون آخر حضن بحضنك هوا رجوان وهوا حاضن ريم:ويمكن يكون اخر كلام بسمعه منك ريم:بس مابيكون نهايته حبنا رجوان:ولا بتنهي حياتنا سوا ريم:راح نجتمع تاني لو في قبر واحد رجوان:لو بكفن واحد ريم:راح اشوفك تاني واحضنك رجوان:راح اشوفك تاني واحضنك ريم:راح تكون زوجي واب لعيالي رجوان:راح تكوني زوجتي وام لعيالي ريم:حبيبي رجوان يمسح على شعر ريم وهوا حاضنها ريم تلعب بشعر رجوان وهيا حاضنته ريم وهيا حاطه راسها على صدر رجوان وتلعب بشعره:يامجنون كيف دخلت البيت رجوان:عشانك ابيع نفسي ريم:بس انا خايفه عليك رجوان:وانا خايف عليكي ريم تبوس رجوان في خده :احبك رجوان يبوس ريم بجبهتها:وانا اعشقك // شسويت إنت فيني؟كيف خليتني احبك؟كيف ملكتني؟ و أنا اللي حالفة ما توطي رجلي درب الغرام أنا اللي قلت بعيش بهالدنيا وقلبي ملكي لكن بشوفتك خليتني أنسى كل عهد قطعته على نفسي ملكتني بطيبك وحبك وحنانك لين ما قلبي حبك غصبن عني وصار بحبك يحيى ويموت كل يوم صار يفرح بشوفتك ويتعذب ببعادك خليتني ما أشوف غيرك بهالدنيا إنسان خليتني أغير نظرة العالم بعيوني صرت اشوف الدنيا أفراح وألوان بعد ما كنت اشوفها أحزان وظلام وأنا بين إيديك حبيبي أحس إني بدنيا ثانية دنيا أنسى فيها كل همومي وكل مر ذقته بحياتي أحييت بداخلي إحساس كان ميت إحساس مات وذبل لأنه مالقى من يستاهله و ألحين هذا هو إحساسي وقلبي بين إيدينك سوي فيه اللي تبيه بس دخيلك لا تعذبه حبيبي ... أوعدك أكون لك للوفا والحب عنوان و أوعدني تكون لي حياتي ودنيتي اللي أعيش فيها // ريم ورجوان في البلكونه وحاضنين بعض الساعه 3:30 الفجر والهوا يلعب بشعورهم وملابسهم ويحرك مشاعرهم ويعيد ذكرياتهم واحلى ايامهم جا الوقت الي تودع فيه ريم ورجوان هذي الأيام ويتركوها للهوا يطيرها لبعيد ومايعيشو في اوهام ريم وهيا في حضن رجوان وتدمع ودموعها على صدر رجوان:انتهينا يارجوان وكل واحد فينا بعيش مع غير الي اتمناه رجوان:حبيبتي احنا ماانتهينا حبنا لسه موجود لا تقولي انتهينا ريم:استنى مني اي شي اي شي ممكن اسويه عشان اكون لك رجوان:لاتضيعي نفسك عشاني ريم:وانا كذا مو ضايعه؟انت تحسبني وانا بعيش مع غيرك موضايعه انا تايهه وحايره بدونك رجوان:وانا جسد بلا روح بعدك ريم:انت مني انت قطعه مني رجوان:وانتي كلي وكل شي فيني ريم:حسبت الحب شي عادي وحسبت كل حلم بيتحقق وحسبت ان الحلم حقيقه وصدقته بس ماصدقت نهياته كذبت الحلم وصدقت نفسي زي مايقولو كذبت الكذبه وصدقتها رجوان:مهما فرقنا الزمن راح نجتمع ويجتمع تاني قلبين عاشقين الهوا سوا ذايقين الحب سوا شاربينه من كاس واحد نسرق الوقت بلحظه واحنا سوا ننسى كل الناس ومانشوف غيرنا راح يجتمع قلبين نبضو على دندنه مشاعرنا ورقصو على عزف الغزل احتضنو على لحظه حب ريم:مهما حيصير بيني وبين ماهر ماراح اخليه يلمسني ولا بخليه يعيش معايا اسعد ايامه بوريه نجوم الليل بعز الظهر لأنه فرق بين قلبين عشقو الحب وحبو الحياة سوا وعرفو معناها ولأنه هدم حلم عشت سنين استناه يتحقق ولما اتحقق دمر حياتي رجوان:لو كان للحياه قلبي فأنتي قلبها ولو كان لها جسد انا روحها ريم ورجوان يحضنو بعض بشغف ريم تحس بحركه ريم:جوني حبيبي روح روح حبيبي لا أحد يشوفك رجوان يطالع في ريم بألم ريم تضم يد رجوان لصدرها وتبكي:حبيبي روح لا أحد يشوفك الله يخليك روح رجوان وهوا يتألم ينزل من البلكونه وعيونه مافارت ريم ريم تبكي وتطالع في رجوان ريم تدخل غرفتها وتنسدح على سريرها رجوان وهوا جاي بيركب سيارته يجوه إثنين رجال من وراه ويضربوه على راسه بعصايا خشب كبيره رجوان يدوخ ويطيح بالأرض يشيلوه من على الأرض ويرموه عند بيته ويحركو سيارتهم ماهي توقعاتكم للبارت الجاي؟؟ هل راح يتم الزواج؟؟ ولا بيصير شي؟؟ وايش تتوقعو ممكن يصير؟؟ ايش بيصير بين ماهر ولمار؟؟ وماهر هل بيتنازل عن فكرة زواجه على ريم؟؟ ولا لأ؟؟ وريم ورجوان كيف بيكون حالهم يوم الزواج؟؟ |
|
|
#94 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الـ 37
في بيت ماهر ماهر يفكر:ريم ومعطيتني طناش ولا معبرتني ولا قد مره قالت لي كلمه حلوه بس لمار غيرها حسستني انها مهتمتلي بس مايصير افكر كذا انا بكرا زواجي من ريم لازم انسى لمار وماافكر فيها انا احب ريم مو لمار "ماهر يطفي السيجاره ويطلع البلكونه" ماهر:اووووف ايش الحيره ذي؟ من فين طلعتلي لمار "ماهر يمسك جواله ويدق" لمار تقوم من النوم وتشوف رقم ماهر وتبتسم ماهر:صباح الخير لمار:صباح النور ماهر يشوف ساعته:آسف لأني متصل بهذا الوقت بس لقيت نفسي متصل عليكي لمار تبتسم:لاعادي اصلا انا صاحيه ماهر:ليش مانمتي؟ لمار:يعني.... في احد شاغلي بالي ماهر يبتسم:مين سعيد الحظ؟ لمار:هوا واحد شراني وخطّآف البنات ماهر عرف انها تقصده ماهر دق قلبه:اهاا بس على فكرا هوا مو شراني مره هوا طيب لمار:باللهي ماهر:واللهي لمار تضحك ماهر:هوا يحب وحده ماتحبه ويدور وحده تانيه تحبه"انا ايش بقول" لمار:طيب لو لقى هذي البنت الي تحبه ماهر:بتزوجها لمار تعض على شفايفها ماهر:بس فينها ياحسره لمار تبتسم ماهر:الي يتزوج وحده ماتحبه ايش تنصحيه؟ لمار شكت بموضوع ريم وجلست تفكر ان ولد خالتها خاطبها وبكرا زواجها عليه ومغصوبه ماهر:فين رحتي؟ لمار:الي يتزوج وحده ماتحبه وهوا يدري انه ماتحبه ويدري انها تحب انسان غيره هذا انسان مجرم ماهر بدهشه:ليش؟ لمار:لأنه بيهدم حياتها..ماهر انت بتتزوج؟؟ ماهر:انا احبها بس هيا ماتحبني لمار انصدمت:نعم ماهر:بنت خالتي لمار:ريم ماهر بصدمه:تعرفيها لمار:ياحقير ماهر:ليش الغلط لمار تدمع:انت تحب ومتزوج ليش تكلمني يأخي خاف ربك في عروسك الي اصلا تكرهك وماتبغاك ماهر:لمار ايش فيكي هجمتي عليا؟ لمار:انت اناني ماتحب غير نفسك الي سويته في ريم ورجوان ماراح يعدي بالساهل والي سويته فيني كمان ماهر:انا ايش سويت فيكي؟ لمار:خليتني احبك"وتبكي" ماهر مصدوم من كلمه لمار لما قالت احبك لمار:ليش خليتني احبك ليش انت ماتستاهل حبي انت كذا دمرت ثلاثه نفوس انا وريم ورجوان ماهر منهار موعارف ايش يقول لمار:لاعاد اشوف رقمك بجوالي مفهوم لمار تسكر الخط وتبكي ماهر:معقول الي سمعته "وطاح الجوال من يده" انا مومصدق قالتها لمار قالتها لمار تحبني معقول لمار تحبني وريم تكرهني وانا اخترت ريم الي تكرهني اخترتها تكون شريكة حياتي وتركت لمار الي تحبني معقول هذا عقلي انا انجنيت ولا كيف؟ ضيعت حلمي الي اتمنيته يتحقق اتمنيت تحبني بنت ويوم ماحبيت انا بنت طلعت تكرهني ولما لمار حبتني انابتزوج ريم الي تكرهني الله يالدنيا قد ايش انتي حقيرا الصباح ينفتح باب غرفة ريم وتدخل رولا ونوف ويشوفو ريم على السرير وتبكي رولا ونوف يطالعو في ريم وريم تطالع فيهم يروحو يحضنو ريم وريم تبكي بصوت عالي ريم:شفتو كيف صارت حياتي شفتو كيف بعيش؟ رجوان راح مني خلاص؟ حبيبي راح ضاع بعد عني واخوكي السبب يارولا الله لا يسامحه رولا:معليش ياريم هذا الي الله كتبته نوف:حبيبتي اهدي انتي عروسه رولا:يلا حبيبتي نروح الصالون ريم تصرخ:ماابغى شي ماابغى شي نوف ورولا:حبيبتي عدي هذي الليله على خير وسوي الي تبغيه بعدين نوف:ماراح يفيدك شي رولا:عشان كذا لازم ترضي نوف:اليوم هذا ماراح ينعاد مره ثانيه هيا ليله وحده في العمر ريم تبكي:ياليتني مت ولا شفت حالي هذا رولا ونوف:يلا حبيبتي ريم منهارا والدموع بعيونها تلبس عبايتها وتروح الصالون مع الأهل وهيا تجر رجلها جر تمشي ودم الجرح الي فيها تركت اثر على خطواتها في المستشفى رجوان يفتح عيونه قتيبه يبتسم:الحمد لله على السلامه رجوان:انا فين؟؟ قتيبه:انت بالمستشفى؟ رجوان:انت مين؟ وانا مين ؟؟وليش انا هنا؟؟ قتيبه استغرب:رجوان ايش فيك؟ رجوان مستغرب:رجوان قتيبه بتعجب:انت رجوان وانا اخوك قتيبه ايش فيك؟ رجوان يمسك راسه:ايش الي صار؟ قتيبه:لقيتك طايح عند باب بيتك انت قولي ايش الي صار؟ رجوان بصدمه:ريم قتيبه:ايش فيها؟ رجوان يستوعب:ريم مين؟ قتيبه:رجوان ايش فيك انت بخير؟ رجوان:ريم حبيبتي ريم حبيبتي اليوم زواجها ايوا فاكر اليوم زواج ريم قتيبه:رجوان اهدا لاتتعب نفسك انت لسه تعبان رجوان:اتركني اقولك اليوم زواج ريم ريم بتتزوج غيري انت ماتفهم اقول اتركني قتيبه:رجوان اهدا لا تتجنن رجوان يبكي قتيبه:اهدا يارجوان ماراح ينفعك شي من الي بتسويه رجوان:لااا يارب لااا قتيبه:المهم صحتك رجوان يستوعب ويطالع في قتيبه:انت متى جيت من كندا؟ قتيبه:من زمان ايش فيك؟ رجوان:افكاري مشتته ماافتكر غير ريم قتيبه يفكر ويقول في نفسه:معقول يكون رجوان استرجع ذاكرته؟ قتيبه:رجوان تفتكر اخواتنا وامي وابويا رجوان يفكر:تالا ولمار وخالدين تالا في باريس تدرس ومعاها ابويا قتيبه يبتسم:رجوان رجوان يطالع في قتيبه قتيبه يحضن رجوان قتيبه:رجوان رجعت لك ذاكرتك رجوان:يعني انا من اول كنت فاقد الذاكره قتيبه:ايوا من بعد الحادث رجوان:افتكر الحادث بس ماافتكر ايش صار بعدها قتيبه:بعدها فقدت الذاكره بس كان احتمال بسيط انك تسترجعها بس الحمد لله رجوان:بس انا ناسي كل شي ومفتكر بس حبيبتي حبيبتي ريم مانسيتها قتيبه:غريبه رجوان:لأني حبيتها من قلبي مو من عقلي افتكر ايامنا سوا وافتكر حبنا وافتكر صوتها وضحكتها وافتكر حضنها ودمعاتها رجوان يدمع قتيبه:يكفي رجوان البنت راحت لحال سبيلها خلاص رجوان:موهذا الي مجنني هذا الي مجنني ياقتيبه يدق الباب ويدخلو اهل رجوان رجوان يطالع فيهم ويبتسمو ام رجوان تسلم عليه:الحمد لله على سلامتك رجوان يطالع في امه ويبتسم:امي ام رجوان متعجبه رجوان يحضن امه:وحشتيني الكل مستغرب لمار تسلم عليه رجوان:لمار انتي لمار لمار:اول مره تشوفني؟ قتيبه:ياجماعه رجوان انضرب على راسه بقوه والضربه اثرت على ذاكره ورجعتله ذاكرته الي فقدها الكل:معقول؟؟؟!!!!! البنات يروحو يحضنو رجوان خالدين:انا ميييين؟ رجوان:وانا اتوه عن خالدين الكل يضحك رجوان:تالا ..انتي متى جيتي من باريس تالا:يوووه صح النوم الكل يضحك رجوان يطالع في لمار ويحدق فيها لمار:ايش فيك؟ رجوان يمسك يد لمار:راح تروحي زواجها لمار فهمته لمار بحزن وتردد :ماادري رجوان:روحي لمار مستغربه من رجوان رجوان يكلم لمار بصوت واطي:اخاف تسوي في نفسها شي تراها مجنونه لمار:انشاء الله بروح خالدين وتالا وقتيبه انتبهو لرجوان ولمار رجوان يرجع وينسدح على السرير:آآه ام رجوان تبتسم:سلامتك من الآه حبيبي رجوان:آه ياامي ادعيلي الله يفرج عني في الصالون كل شويه ريم تبكي ويخرب ماكياجها دخلت ريم الحمام وبكيت ومسحت دموعها وطلعت المغرب الكل انتهى وراح للقاعه وباقي ريم ونوف في الصالون ريم انتهت ماكياج وتسريحه راحت ريم للحمام ودخلت معاها نوف ريم تطالع في نفسها في المرايا نوف:الله يسعدك لا تبكي وتخربي المكياج مسكينه الحرمه تعبت من كثر ماتعيد لك الماكياج ريم تطالع في نوف بحزن ريم تلبس فستانها وتشوف نفسها في المرايا وتتخيل رجوان معاها وتبتسم ريم تشوف رجوان قدامها وماسك يدها ويرقص معاها سلو ريم تبتسم ونوف تطالع فيها مستغربه نوف:ايش فيكي؟ ريم:شوفي رجوان معايا نوف:ريم اتجننتي ريم:شوفيه معايا ماسك يدي ويرقص معايا نوف تحضن ريم رجوان طلع من المستشفى ورجع بيته رجوان قال لأهله انهم يتركوه لوحده في بيته راح رجوان غرفته ونزل بلوزته وانسدح على السرير يفكر رجوان:معقول الي صار معايا انا حبيت!معقوله انا احب والي حبيتها اليوم زواجها طيب ليش ياربي؟؟انا موحمل عذاب الي فيني مكفيني آآآه ياريم لو اقدر اشوفك اكلمك واقولك على حالي لو بس اقولك ايش صار فيني في القاعه الكل جالس فرحان ومتهني ام مازن تكلم ام سعود:ماكان اجبرتي البنت يا رانيا ام سعود:كان لازم تتربى من جديد ام مازن:بس التربيه مو كذا انتي هدمتي حياتها ام سعود تفكر بحزن: ادري اني اجبرتها وادري انها كارهه حياتها بس انا سويت كذا عشان مصلحتها ام مازن:لأانتي سويتي كذا عشان مصلحتك انتي ام سعود:مصلحتي انا؟؟ ام مازن:ايوا.لأنك خفتي من كلام الناس قررتي انك تزوجيها وتفتكي من كلام الناس بس مافكرتي في حياة بنتك ام سعود تفكر في كلام ام مازن ام مازن:بس خلاص ماعاد ينفع الكلام خلاص في بيت رجوان عند الباب تنزل من سياره تاكسي بنت شعرها اشقر وحلوا وباين عليها اجنبيه وكانت ماسكة ورقه مكتوب فيها عنوان بيت رجوان تدق الجرس رجوان ينزل يفتح الباب ويشوفها وينصدم رجوان بصدمه:كريستينا كرستينا تبتسم:هالو رجوان"وتبوسه على خده" كرستينا كانت تتكلم كلجه كلامها مكسر رجوان مصدوم:انتي ايش جابك هنا؟ كرستينا:انت اتأخرت كتير عليا وانا جيت اشوفك رجوان:ومين قالك تجي؟ كرستينا:انت ليش معصب رجوان:انتي ترجعي تاني استراليا انتي فاهمه كرستينا:ليش؟انت حبيبي رجوان:كرستينا اسمعي الكلام كرستينا تدخل البيت وتروح الصاله رجوان:كرستينا خذي اغراضك وارجعي على سدني بسرعه كرستينا:انت ليش متغير عليا انت حبيت غيري رجوان:ايوا حبيت غيرك كرستينا تبكي:ليش رجوان ليش؟ رجوان:شيلي اغراضك ويلا انا موناقصك كرستينا:انا فين اروح دحين ليل وماعندي احد اقعد عنده رجوان حزن عليها وصار يطالع فيها بحزن في القاعه في غرفة العروسه نوف ورولا وريم ريم:بنات ممكن تطلعو شويه وتنادولي لمار رولا ونوف :انشاء الله يطلعو رولآ ونوف من الغرفه ريم تدور عبايتها:فينها فين راحت؟ ريم تشوفها:لقيتها تدخل لمار وتحضن ريم لمار:ريم ليش شايله عبايتك؟؟ ايش بتسوي يامجنونه؟ ريم:بهرب وانتي بتساعديني؟ لمار:يامجنونه ريم:مجنونه مجنونه بكيفي يلا لمار:كيف؟ ريم:في باب خلفي للقاعه بس انتي شوفيلي عند باب الغرفه في احد لمار تفتح الباب :لأ ريم:طيب يلا لمار:ريم يامجنونه ريم تلبس عبايتها وتطلع من الباب الخلفي للقاعه وتهرب لمار تجري تروح للنوف ورولا:الحقو ريم نوف ورولا:ايش فيها؟؟ لمار:هربت نوف ورولا يشهقو ويروحو للباب الخلفي ريم هربت بفستانها الأبيض وبتسريحتها وبمكياجها عبرت شوارع واشارات ومرت من قدام الطرق والسيارات عشان توصل لبيت رجوان سعود يوقف وبصدمه:هربت!يعني ايش هربت ام سعود:طلعت من القاعه ياسعود ريم طلعت سعود موعارف ايش يسوي ولا ايش يقول سعود يترك الجوال ويطيح بالأرض ابو سعود:ايش صار؟ سعود:العروسه هربت ريم هربت ماهر:نعم !!؟ ريم ترفع فستانها ومازالت تجري في ذيك الشوارع وعيون الناس ماتفارقها تمشي ودموعها على خدودها ام سعود:ياحسرتي ياحظي المنيل ام مازن:قلت لك يارانيا وماسمعتي كلامي نوف:المهم ان ريم ترجع بيتجيبولي ريم رولا تمسك بطنها:آآه بولد آآه يامااما الحقيني بولد بولد نوف وام مازن يمسكوها نوف تتصل في مازن نوف:مازن الحقنا رولا بتولد مازن:نعم !بتولد بس هيا في السابع نوف:ماادري بس تعال بسرعه مازن:خلاص خليها تطلع برا وبوديها المستشفى ريم تجري تجري لين وصلت بيت رجوان وصارت تتنفس بسرعه أنها تعبت من الجري ريم تدق الجرس وهيا تتلف خايفه يكون في احد وراها رجوان يفتح الباب وكان مولابس بلوزه بس بنطلون ريم تجري وتحضنه وتبكي رجوان مصدوم:ريم..انتي ريم؟؟ ريم:رجوان انا هربت رجوان يصرخ :يامجنونه ريم:ماقدرت والله ماقدرت مستحيل اعيش مع غيرك "تخرج كرستينا وتطالع في ريم" وكانت كرستينا لابسه شورت جينز وبدي فيروزي ريم تطالع فيها وانصدمت وفتحت فمها من الصدمه زحطت يدها على فمها ريم احتارت صارت تطالع في كرستينا وتطالع في رجوان // خلي هجرني تكفى ياموت زرني وان ماقدرت دلني مكانك وانا اجيك مابي حياتي دام خلي هجرني مابي حياتي دامه يقول مابيك يدري بظلم الناس يدري وظلمني واكد كلام اللي يقولون ناسيك لكن قبل لاتاخذ الروح مني باسأل حبيبي كم سؤال واخاويك وشلون قلبك ياحبيبي تركني وتد ري بخفوقي كم له سنين هاويك وماتدري بعادك وصدك ذبحني وما تدري عن دمع نثرته وانا ارجيك اسال جميع الناس وش صار عني اسال وش اللي صار في حال مغليك لوعلموك وش كثر همي وحزني من يوم حبي انتهى وصار ماضيك لو علموك عن قلبي اللي يوني مطعون يصرخ يشتكيلك يناديك لو عاش عاقل عيشتي كان جني حالي لو تشوفه بعيونك يبكيك صار الحزن هو لعبتي صار فني ابكي ندم والله الى حل طاريك ضيقت صدر ويا الهموم اسكنتني احكي واكمل ولا ماقلت يكفيك اللي سمعته بسبتك انت جتني عطيتني كرهك وانا الحب معطيك ضاعت سنيني وانا بالحب أبني قصوور وانهدت سبب فعلت ايديك جاك الوفا والحب والعشق مني حتى الوله والشوق والصدق معطيك قلبي وفالك وانت قلبك خدعني خدعت قلب كان بالحب شاريك بكذب وخيانه وغدر قلبك حضني في وقت قلبي فيه يسهر يداريك ماكنت أظن قصدك بحبك تذلني ذليتني من بعد مامت انا فيك هذي حقيقة بعض مامنك جتني وبعض اللذي اسقيتني انت با ايديك ماكنت ساكت خايف بس لاني ميت بحبك ما أقدر ازعلك واشقيك حرّمت اقولك من محبتك عطني مادام غيري في محبته مرضيك ببعد بعيد واوعدك ما احني ابشر اببعد ومع حبيبك بخليك خلصت هرجي الحين ياموت خذني تاركلك الدنيا بها الله يهنيك واذا سأل في يوم انا انسان عني قله توفى والسبب طعن بيديك // رجوان:لالالالا لا تفهمي غلط ياريم ريم مو قادرا تتكلم من الصدمه وضربت رجوان كق وتصرخ:ياخاين كرستينا:هذي حبيبتك كرستينا تطالع في ريم بحقد وتأشر بيدها:التانيه رجوان يضرب كرستينا كف:اسكتي ريم تصرخ:ليش؟؟ ليش يارجوان ليش؟ رجوان:ريم لأ انتي فهمتي غلط ريم تبكي بقهر:ليش تسوي فيني كذا ليش؟ انا بعت اهلي بعت اهلي يارجوان وجيتك تركت كل الناس ورايا وجيتك ابغى حضنك وابغى حبك تركتهم يصرخو بعدي وجيتك تركت زوجي الي حبني وضحى تركته وجيتك تركتهم كلهك وجيتك ياخاين رجوان:انا مو خاين ياريم افهميني ريم:افهم ايش؟؟ افهم انك جالس مع وحده لابسه مايوه"وتشدد على مايوه" وانت مولابس بلوزه افهمك صح انت مجنون رجوان:طيب اسمعيني ريم تبكي بقهر وألم:طيب ليش؟؟ انا حبيتك !ليش ماحبيتني ؟ليش خدعتني؟ ضحيت بكل شي عشانك حتى روحي تركت كل الناس الي يحبوني واخترتك انت بس للأسف طلعت خاين ليش وانا حبيتك بكل مافيك الا الخيانه يارجوان رجوان:والله ماخنتك والله ماخنتك ريم:الا خاين وانت خنتني ولا تكذب وانت قدام عيوني جالس معاها جيتك بفستاني ابغى حضنك ودفاك جيتك بفستاني الأبيض ابغى حنانك ورضاك ليش عطيتني نارك وعذابك ليش؟ ليش وانا الي ضحيت بروحي عشانك ليش تسوي فيني كذا ليش؟ رجوان:ريم انا احبك والي يحب مستحيل يخون انتي بس اسمعيني ريم:حرام عليك خليتني اخسر كل شي حلو في حياتي خسرت اهلي وناسي وخسرت الإنسان الي حبني خسرت زوجي ماهر رجوان يطالع في ريم وهيا تتألم من نار الغيره ونار الخيانه ريم:ياناسي العشره ياغدار ياخاين من يوم ماشفتك وانا المصايب تحل عليا ماشفت يوم حلو اولهم موت ميرا ونهايتها خيانه شوفني وشوف حالي هذي انا بعد ماشفتك من يوم مادخلت حياتي وانت تقلب فيها فوق تحت لين خربت عليا حياتي الله يخرب حياتك وعدتني وقلت بتكون معايا طول العمر ماوفيت بوعدك قلت انك تحبني وماتقدر تعيش من غيري خليتني اصدق كل كلمه طلعت من بين شفايفك ليش انا صدقتك وانت ماصدقتني ليش ياخاين؟ ريم تقرب من رجوان وتسحبه من بلوزته وتضربه كف: احبك ياخاين ريم صارت تجري وتبعد عن البيت وهيا منهارا مو عارفه فين رايحه رجوان بيروح عند ريم كرستينا تمسك رجوان رجوان يدف كرستينا ويرميها على الأرض ويلحق ريم ريم تجري في الشارع بفستانها الأبيض وتبكي رجوان:ريم استني ريم لا تروحي ريم انا حبك رجوان يصرخ بصوت عالي:ريم انا احبك رجوان ينتبه لسياره مسرعه متجهه لريم وريم مو منتبهه رجوان يصرخ:ريم انتبهي ياريم ريييييييييييييييم ريم تلتف يمينها وتصرخ وتصدمها السياره وتهرب ريم تطيح بالأرض رجوان يجري لريم:رييييييييييم حبيبتي رجوان يرفع ريم من على الأرض وفستانها الأبيض صار احمر من الدم ووجها الأبيض صار احمر رجوان يرفعها ويحطها على فخوذه:ريم لا تروحي ياريم انا مو خاين ياريم والله ماخنتك ريم تتكلم ومره تعبانه كانت تتكلم بصوت واطي :الله يسامحك يارجوان الله يسامحك رجوان:انا ماخنتك واللهي ماخنتك ريم تفقد الوعي رجوان يبكي:رييييييم ريم قومي احنا راح نتزوج صدقيني انا احبك وانتي تحبيني ولا شي بيبعدنا بس قومي كلميني ردي عليا لا تطنشيني ريم ريم قومي ياريم رجوان يحضن ريم ويبكي ودمها صار كلو على صدره ودموعه تنزل على وجه ريم وتمسح الدم الي على وجهها في المستشفى رولا تدخل غرفة العمليات ومازن ونوف وام مازن يستنو برا مازن يشوف ريم وهيا مدخلينها على السرير وهيا بفستان الفرح وفستانها الأبيض كله دم وصار احمر وشاف معاها رجوان مازن يمسك جواله مازن:سعود ريم بالمستشفى سعود بتعجب:مستشفى؟! ليش؟ مازن:اظن صاير لها حادث انت تعال بس سعود بصدمه:حادث!؟اناجاي النيرس تكلم رجوان:محتاجين نقل دم فوري رجوان:انا بتبرعلها بدمي النيرس:يلا ام سعود:خذني معاك في سياره سعود سعود وام سعود كانو قلقانين على ريم سعود وكان منهار:انا ضيعتها انا الي ضيعتها ام ريم تبكي:بنتي يارب تخليلي بنتي سعود:لو صار بريم شي ماراح اسامح نفسي ام ريم:انشاء الله تكون بخير في المستشفى في العنايه ريم وهيا بين الأجهزه وكانت كلها كدمات وكسور ورضوض بس كل هذي الأوجاع والألآم تهون قدام جرح رجوان لها رجوان يشوف ريم من القزاز ويبكي رجوان:سامحينيي بس انتي مافهمتيني ولا خليتيني اشرح لك الموقف انتي اتسرعتي كان نفسي اقولك اني خفيت ورجعت لي ذاكرتي كان نفسي اقولك ان اول شي افتكرته انتي لاتروحي ياريم الدنيا تحتاجك لاتبعدي عنها ادري شايله في خاطرك عني بس قومي واسمعيني وجودك بالدنيا احلى مافيها لاتروحي منها حتى لو كنتي بعيده عني يكفي انك تتنفسي في الحياة لو رحلتي عن الدنيا انا برحل معاكي لأني وعدتك بفضل معاكي طول العمر حتى لو كان بنفس القبر رجوان يسمع صوت اهل ريم يبغو يدخلو رجوان يطلع ومنزل راسه ويبكي ويمر من قدام ام سعود وسعود وابو سعود وماهر ومهران وام مازن ونوف يمر من قدامهم ومنزل راسه ويبكي وكلهم يطالعو فيه وكانت ملابسه كلها دم ويطلع من المستشفى من غير مايكلم احد او اي احد يكلمه ام سعود وسعود وابو سعود يدخلو يشوفو ريم من القزاز من غير مايدخلو الغرفه عشان ممنوع ابو سعود يشوف ريم ويبكي:بنتي؟حبيبتي كلميني جاوبيني لاتسكتي .. لو منعتهم ماكان صارلك الي صار ام سعود تبكي:انا ايش سويت فيكي ليش قسيت عليكي ليش خليتك تعاني وهذي النهايه بخسرك ..سامحيني حبيبتي سعود يبكي:ادري زعلانه مني ادري انا السبب في دمار حياتك وانا السبب في الي انتي فيه دحين غلطان ادري نسيت انك اختي وماعرفت كيف احافظ عليكي خفت على نفسي اكثر منك سامحيني ريم لاحس ..ولا نفس.. ولا حركة في بيت لمار في الصاله تالا:مجنونه هذي البنت؟ خالدين:تتوقعو ايش صار؟ لمار بخوف:ماادري بس انا خايفه على رجوان انا بدق عليه ع البحر رجوان كان جالس على شاطئ البحر وجالس على ركبه وسط المويه واتبلل بنطاله رجوان يبكي لأنه حس انه خسر ريم للآبد وجواله كان مرمي على التراب ويرن لمار:مايرد انا خايفه؟ تالا:ايش بيصير فيه يعني؟ خالدين:بنت بلا جنون اليوم زواج حبيبته وحبيبته هاربه وتبغيه يكون بخير لمار:انا بروح بيته تالا:طيب استني نروح نغير الفساتين لمار:انا بطلع والي تبغى تجي تجي تالا ولمار وخالدين يروحو بيت رجوان بفساتينهم لمار توقف عند الباب وتشوف في وسط السكه طرحه بيضه وراحت تجيبها تالا وخالدين:فين رايحه انتبهي السيارات لمار تروح ويجي وراها تالا وخالدين لمار تمسك الطرحه البيضه الي صارت حمرا البنات يطالعو في بعض:طرحة ريم لمار تبكي:لا انشاء الله ماصار لها شي خالدين:يالله بنات انشاء الله تكون بخير تالا:انا خايفه البنات يحضنو بعض ويبكو من خوفهم مرت الأيام وريم مازالت في العناية في غيبوبة في بيت ابو سعود سعود جالس على الكرسي الهزاز ويكلم نفسه:انا اناني فكرت في نفسي ونسيت ريم عذبتها كثير وفرقت بينها وبين الإنسان الي حبته انا عارف هذا الإحساس مريت فيه يوم مافارقت ميرا الله يرحمها سامحيني لأني خليتك تحسي فيه ياريم ادري عليا اللوم كلمه غيرت لك حياتك لجحيم وكرهتك فيني وفي الحياه ماادري ايش الي خلاني اسوي كذا؟؟ انتي اختي ماكان لازم اعذبك واغصبك على ماهر هذي حياتك انتي سامحيني ياريم سوي الي تبغيه انتي حره بس قومي وارجعي البيت البيت من غيرك مو حلو ام سعود جالسه على الكنبه وتبكي وتكلم نفسها:انا ليش قسيت عليها وماحسستها اني امها ليش دمرت حياتها بيدي انا مو ام ولا هذا قلب ام انا قاسيه وقلبي حجر كيف طاوعني قلبي اسوي فيها الي سويته كيف طاوعني ازوج بنتي غصبا عنها وادمر حياتها سامحيني حبيبتي ادري اللوم عليا يحق لك انك تزعلي مني بس انتي قومي وبرجع احسن من اول برجع امك الي عرفتيها برجع الأم الحنونه ارجعيلي لا تطولي في بيت ماهر ماهر يكلم نفسه:كل شي صار لك ياريم انا السبب فيه شتاتك مع اهلك ودمار حياتك وفراقك لرجوان وحتى الحادث كلها انا السبب فيها انا قلبت حياتك فوق تحت وخليتك تذوقي المر وحرقتك بالنار عذبتك وجننتك سامحيني بس انا حبيتك ..وماقدرت اخليكي تحبيني آسف لأني دمرت لك حياتك وضيعتك آسف لأني حطمت قلبك آسف لأني هدمت الحب الي بينك وبين رجوان انا حسيت بحب رجوان لكي وعشان كذا ماابغاه ينحرم منك زي ماانحرمت منك سامحيني في بيت ام مازن في غرفه مازن ورولا البيبي يبكي مازن:رولا تعالي شيلي عادل من هنا ازعجني ابغى انام ام مازن تدخل الغرفه:حرام عليك رولا تعبانه انا بشيله ام مازن تشيل عادل ولد مازن ورولا من سريره وتطلع برا رولا:خالتي..ايش فيه عادل؟ ام مازن:دلع اولاد رولا وام مازن:هههههههههه ام مازن:لاتتعبي نفسك انتي ارتاحي روحي نامي جمب زوجك انا بنتبه عليه رولا:خالتي بيتعبك ام مازن:لا مابيتعبني ولا شي مابتعبني غيرك انتي وزوجك رولا تضحك وتروح الغرفه تنام في المستشفى ماهر يدخل الغرفة عند ريم ويمسك يدها ويدمع ماهر:سامحيني لأني بخلصك مني بعد مادمرتك بس كل الي سويته لأني اتمنيتك تكوني ليا ريم تتحرك ماهر فرح لأنها فكت من الغيبوبه ريم:آآآه ماهر:ريم ريم:آآآآه ريم تفتح نص عيونها من التعب ماهر وهوا ماسك يد ريم:سامحيني لأني دمرتك بس مو قصدي اهدم حياتك سامحيني ياريم ريم تهز راسها بتعب ماهر :الحمد لله على سلامتك ماهر:بخلصك مني ادري جيت متأخر وبعد مادمرتك بس لأني احبك بفكك مني ماهر يفتح يد ريم ويحط الدبله:اوعدك ورقة طلاقك بتوصلك بأقرب وقت ماهر يبتسم من ورى جروح وحابس دموعه:خلصتك من اكبر مشكله سببتلك عقده في حياتك ماهر يبوس يد ريم ويطلع ريم وهيا تعبانه وموقادرا تتحرك ولا تتكلم وعيونها تدمع ماهر وهوا طالع من الغرفة يصادفه في وجهه رجوان ماهر منزل راسه ويروح رجوان يدخل عند ريم وريم كانت تحرك راسها يمين ويسار رجوان يقرب من ريم ويحط يده على خدها ريم تفتح عيونها وتشوف رجوان ريم مو قادرا تتكلم:آآآآه آآآآآه رجوان:ريم اسمعيني..انتي فهمتيني غلط ريم تحاول انها تقول لرجوان انه يطلع برا بس مو قادرا صارت تبكي ريم:آآآآآه رجوان:كرستينا كانت تدرس معايا لما كنت ادرس في استراليا ومابيني وبينها شي صدقيني ريم تعبت مره رجوان يبكي:انا احبك والله احبك احبك ياريم احبك يرن الجهاز وكل الأطبه والنيرسز يتجمعو عليها رجوان:ريم لا تروحي الدكاتره يطلعو رجوان بره رجوان يشوف ريم من القزاز ويبكي:لا ياريم لا تروحي الدكاتره يسوو لريم كهربا عشان ترجع ضربات قلبها المره الأولى مانفع رجوان:يلا ياريم يلا المره الثانيه مانفع رجوان زاد خوفه وزادت دموعه الدكتور يطالع في النيرس بنظره تفقد الأمل المره الثالثه <<< ترقبوها في البارت الجاي ايش بيصير لريم؟؟ هل بتعيش او .....؟ وماهر في ايش يفكر بعد ماترك ريم؟؟ ورجوان ايش بيصير فيه؟؟ هل راح يرجع رجوان لريم وهل ريم راح تفهمه او بيفترقو خلاص؟ |
|
|
#95 |
|
|
رد: احتاجلك اذا ضيق الوقت صدري.. اتمنى من الكل يدخ
البارت الــ 38
تمر الأيام والحال زي ماهوا في المستشفى ريم كانت صاحيه والدموع على خدودها رجوان يدخل على ريم "ريم تطالع في رجوان" رجوان يقرب منها ويمسك يدها :قبل لا تعصبي ويصير فيكي شي انا جاي بودعك "ريم انصدمت" // سامحيني ... لو غلط قلبي عليك .. وقال ..... أحبـــــــــــــــــك وأعذريني ... لا قسى نبضي عليك ... وردد ..... إسمــــــــــــك وأغفري لي ... زلــة عيـــون تمنــــــت إنها بلحظة ...... تشوفـــــــك وارحلي بعيــد ...... ولا يهمــــــك واتركيني ... في مهب الريـــح أعانـــــــــــي ... بين جرح القلب منك وبين ............ حبـــــــــــــــــــك // رجوان يضم يد ريم ويبوسها :بودعك لأني بروح وماعاد راجع "ريم صارت تبكي اكثر" // تكفى حبيبي لاترحل عني ولاتغـــــــيب واذا بترحل خذ وياك قلبي مع عيــــني شف قلبي في غــيابك كــــنه غــــريب وده يفارقني ويتـــبعك ماعــاد يبـــيني وعيــــني يابعد عــــيني عالمها كئـــيب اصبح مع الناس ودمعاتي تمـــــسيني خذيني معك ترى بدونك مالي قريــــب حتى ولو كل الأهل والقرايب حواليني ماعاد احس بالـــعالم بدون الــــحبيب اسج عن الدنيا واضــــيع عناويـــــني شمس دنياي عقبك آلـــــت للمغيــــب وكل هالدنـــيا بـــلياك ماعاد تعنـــيني مثل ماعشقي مقدر فراقك نصيــــــب وهذي هي اقداري تسعدني وتشقيني ياطير هذي رسالة وصلها للحبــــيب وقله تراها من حبيبك هالكلمتيــــني ابيك تذكرني وتذكر ذاك الصـــــويب وابي وصلك اذا ماضاعت عناويني ترى برد الشتا فبعدك مثل اللــــهيب وكل لحظات الهنا بدونك ماتزينــــي ... // رجوان:انا مسافر الليله رايح استراليا بس مو عند كرستينا لا تفهمي غلط انعرض عليا عمل هناك طول العمر وانا قبلت عارفه ليش قبلت؟ "ريم تطالع في رجوان" رجوان:لأنك قلتي من اول ماشفتيني والمصايب تحل عليكي قلت ابعد عنك يمكن تخف المصايب عليكي لأني احبك مابغى اشوفك تعاني رجوان يضم على يد ريم ويبكي ودموعه الحاره نزلت على يد ريم:اعرفي اني احبك وعمري ماخنتك صدقيني ماخنتك انا موخاين والي يحبك انتي مايخونك اعرفي اني مستحيل احب غيرك او وحده غيرك بتشاركني حياتي هذا مستحيل رجوان بكل ألم:الله يوفقك مع زوجك ريم تفتح يدها التانيه الي ماهر حط فيها الدبله رجوان يشوف الخاتم ويفهم كل شي وينصدم رجوان:الله يرزقك بابن الحلال الي تحبيه ويحبك ولما يوعدك يوفي "ريم تبكي بألم" رجوان يبوس يد ريم ويبوس جبهتها ويبكي لما جا باس جبهتها دموعه نزلت على دموع ريم وانخلطت مع بعض رجوان:الله يوفقك في حياتك ويعينني على حياتي بعدك رجوان يعطي ريم ظهره وبيطلع ريم تجلس وبكل ألم وتعب :رجوان رجوان يلتفت على ريم ريم تمد يدها عشان رجوان يحضنها رجوان يرجع ويحضنها ريم تبكي ورجوان حاول يحبس دموعه بس دموعه خانته ريم تبكي بصوت عالي رجوان يمسح على ظهر ريم وريم تمسح على ظهر رجوان رجوام ماقدر يتحمل رجوان ترك ريم وطلع ريم تنسدح وتبكي:راح مني راح رجوان رااح رآآآآآآح تخف ريم وتتشافا وتطلع من العنايه وماهر يطلق ريم مع انه يحبها ورجوان سافر لأستراليا ومن يوم ماسافر مافي احد يدري عنه حتى اهله عادل ولد مازن ورولا صار عمره اسبوع ويومين نوف وبدر مستنين بيبي يملي عليهم البيت في المستشفى سعود:سامحيني لأني دمرت لك حياتك ولأني غصبتك على شي ماتبغيه ولأني كرهتك حياتك وعيشتك في عذاب وجحيم ولأني خليت امي تقسى عليكي سامحيني لأني ضربتك واهنتك اشياء كثير سويتها سامحيني عليها ريم تطالع في سعود بقهر ام ريم:وسامحيني حبيبتي لأني مااعتبرتك بنتي وقسيت عليكي انا ماادري كيف سويتها وخربت حياتك انا كنت انسانه تانيه بس وعد مني اول ماترجعي بالسلامه برجع امك الي عرفتيها ريم تطالع فيهم بحقد ابو ريم:ولو اني سمعت كلامك وماطاوعتهم ماكان صار الي صار ريم تطالع فيهم وتبكي:انتو انانيين مافكرتو غير في نفسكم نسيتو اني بنتكم ومافكرتو غير في كلام الناس عشان كلام الناس تخسروني دمرتوني وهدمتو حياتي عشان الناس ماتقول ريم قرتو تزوجوني واحد اكرهه لأني حبيت قسيتو عليا وضربتوه وحبستوني واهنتوني حشى انتو مو اهل لما حبيت ميرا ياسعود ضحيت عشان تتزوجها وتكون لك ولا احد منعك او قالك غلط ليش صرت اناني لما انا حبيت لما حبيتي بابا ياماما واتزوجتيه مااحد منعك منه ليش منعتيني من رجوان؟ ليش حرمتوني منه انتو انانيين مافكرتو غير في نفسكم وبس روحو الله يسامحكم دمرتوني خلاص كل شي انتى وكل شي راح رجوان راح مني خلاص راح سعود حزن على ريم سعود يحضن ريم:سامحيني ريم تحضن سعود:انت اخويا ومالي غيرك مهما سويت فيني انت اخويا الوحيد سعود وهوا حاضن ريم:الله لايحرمني منك ريم:ولا منك الكل يشوفهم ويبكو من منظرهم نوف:خلاص ياناس مووقت بكى خلينا نفرح نوف تسلم على ريم نوف تمسك بطنها:في مفاجأه ريم تبتسم:حامل ..معقوله نوف تهز راسها ريم:مبروووووووووك حبيبتي رولا:ايش رايك في عادل ريم تاخذ عادل وتبوسه:فديت عدولي حبيبي ياناسو عليه نوف تجلس على السرير يمين ريم ورولا تجلس على السرير يسار ريم ريم تطالع في رولا ونوف وبيدها عادل وتبتسم الكل يطالع في بعض ويبتسم تمر الأيام والأسابيع وتقرب المدارس ورجوان ماحد داري عنه ولا عن ارضه ولا سماه الساعه 6:30 الفجر ريم تشرب قهوتها في البكلونه ريم سرحانه وتفتكر في رجوان وتدمع ودموعها تنزل في الكوب ريم:استنى اتصالك لو اتصل بترد ولا لأ؟؟ اكيد لأ مومعقول ارجع له هوا خاين خاين ريم تفتكر ايام ماكانت معاه وتفتكر اياماكانت في حضنه ريم تعصب:الحقير الخاين ليش ينسى كل لحظة حب بيننا ليش ينساني ويخونني الحقير ريم ترمي الكوب على الأرض وينكسر وتجلس على ركبتها وتبكي العصر يرن جوال ريم نوف:ياحلو ياحلو ريم تبتسم:ايش عندك؟ نوف:لا بس طفشانه من زمان مااجتمعنا سوا ابغى اطلع ريم:حرام عليكي انا لسه مكسره نوف:موعشان انتي مكسره قلت اسوي نذاله وآخذ رولا بس ونقهرك ريم ونوف:ههههههههههههههه ريم:خلاص ماشي بس على فين؟؟ نوف:بروح البحر ريم:اوكي دقايق واجهز خلينا نروح كلنا بالسواق تبعي نوف:اوكي بدق على رولا واقولها بس اخليها تخلي ابليسها عند ماما ريم:مين ابليسها؟ نوف:عادل نوف وريم:ههههههههه ريم:حرام عليكي يجنن فديت عمره ام ريم تبتسم:خرجه هاه ريم تبتسم:يس ام ريم تبتسم:الله معاكي ريم تحضن امها:الله لايحرمني منك سعود مبتسم:وانا طيب؟ ريم تبوس سعود على خده:ولا انت بس خلوني اروح البس بطلع البحر ريم تطلع غرفتها ام سعود وسعود يطالعو في ريم ويبتسمو سعود:شايفه كيف ابتسامتها تجنن ام سعود:الله لا يحرمنا ابتسامتها يارب من زمان عنها في البحر ريم ورولا ونوف:ههههههههههههه ريم:اول كنت اضحك على رولا بكرشها دحين بتجيني نوف "الكل يضحك" نوف:حرام عليكي لسه بالأول ماطلعلي كرش ريم:بتصيري زي الشاحناتا "الكل يضحك" رولا:بتحملي بضايع ريم:بالله عليكي اعطيني كيلو بطاطس نوف تضرب ريم ببطنها "الكل يضحك" ريم تمسك بطنها:الجنين حرام عليكي "الكل يضحك" يرن جوال ريم ريم:هذي صبا ريم:الو صبا:سلام ريم:هلا وعليكم السلام صبا:كيفك؟ ريم:تمام وانتي؟ صبا:انا تمام حبيت اعزمك يوم الخميس خطوبتي ريم بفرح:على تركي صبا:ايوا ريم تصرخ:ياي مبروووك حبيبتي صبا:الله يبارك فيكي ..تعالي وجبيبي الطحوش معاكي ريم تضحك:انشاء الله صبا:يلا باي انا مشغوله ريم:طبعا مشغوله مو عروسه صبا تضحك ريم تسكر الخط:الخميس عندنا شبكه يابنات رولا ونوف:صبا ريم:ايوا ريم تسرح وتفكر رجوان رولا ونوف يطالعو في بعض ريم نزلت دموعها بدون ماتشعر نوف:ريم ايش فيكي؟ ريم تمسح دموعها وتحاول انها تبين ان مافي شي ريم:لالا مافي شي خلونا نمشي رولا:علينا؟ ريم تطالع فيهم بألم وتبكي:رجوان وحشني نوف:انتي غريبه رولا:انتي لسه تحبيه؟ ريم:اعشقه نوف:في احد يحب خاين؟ ريم:انا لأني لما حبيته ماكان خاين رولا:ريم انسيه رجوان راح خلاص وقالك ماعاد بيرجع ريم:مستحيل انساه استحاله انسى حبيبي الي حبيته نوف:طيب غيرو الموضوع ,,انا دحين ماعندي فستان اروح بإيش؟ ريم:بسيطه خلي رولا تعطيكي من ملابس الحمل حقتها ريم ورولا يضحكو نوف:لا واللهي تستهبلي ريم ورولا يضحكو في بيت لمار لمار:انا لازم اقول لريم الحقيقه صحيح رجوان قالي اني مااقولها بس مستحيل اخلي ريم تفتكر ان رجوان يخونها تالا:لا تتهوري رجوان لو دري بيزعل خالدين:لاتقوليلها رجوان قال لاتقوليلها لا تتجنني يالمار لمار:يووه ياربي والله قلبي يعورني عليهم الإثنين خالدين:والله يحزنو تالا:خلاص لا تخلوني ابكي لمار:مين كان يصدق انهم بيتفارقو خالدين:كانو يجننو وهما مع بعض تالا:والي يقهر ان الزفت ماهر تركها بعد مارجوان راح يرن جوال لمار لمار بصدمه:ماهر خالدين وتالا:نعم لمار:ايش يبغى؟ خالدين:افتحي الخط تالا:شوفي ايش يبغى؟ لمار:لأ خايفه خالدين وتالا:يلا افتحي لمار تفتح الخط ماهر بتردد:الو لمار بخوف:الو ماهر:ازعجتك لمار متردده وخايفه:لللا ماهر يبتسم:اكيد لمار تبتسم:اكيد ماهر:اجل آخذ راحتي في الكلام لمار:خذ راحتك ماهر:انتي لسه زعلانه مني لمار:مااقدر احدد انت دمرت ريم وبعدت رجوان عنا وماندري عنه مااقدر احدد شعوري ناحيتك ماهر:اعفيني خلاص وانسي اي شي صار لمار تبتسم ماهر:هاه نقول خلاص لمار تبتسم:خلاص ماهر:ايوا كذا خلي قلبك ابيض لمار تبتسم ماهر:ادري كل شي سويته غلط بس الشي الوحيد الي سويته صح لما طلقت ريم عارفه ليش؟ لمار:ليش؟ ماهر:لأني بتزوج انسانه تحبني واحبها لمار تعض على شفايفها:مين هيا؟ ماهر:تحبي تتعرفي عليها لمار:اممممم قول مين؟ ماهر:انتي لمار بدهشه وفرح:انا؟بس بس بس ماهر:لابس ولاشي انا اخترتك وانتي اخترتيني ولا لأ؟مانفسي اعيد الي سويته مع ريم لمار تعض على شفايفها من الخجل ماهر:هاه تراني مستعجل ابغى اسمع مننك لمار:اخترتك انت ماهر يبتسم:واخيرا بيكون زواجي ناجح لمار وماهر يضحكو لمار :طيب ريم ماهر:ريم حلم وانتهى وانتي بداية حلمي الثاني لمار تبتسم في غرفة ريم ريم منسدحه على السرير وحاضنه الدبدوب الأحمر الي ارسله رجوان لريم لما كانت زعلانه منه جلست ريم تفتكر كل لحظه عاشتها مع رجوان وماغابت عن بالها ولا لحظه كانت كل يوم تتصبح على صوت رجوان وتنام على صوت رجوان كيف بتنام وكيف بتصحى بعده؟؟ كانت متعوده تحضنه وتمسك يده كل يوم كيف بتعيش يومها من غيره؟؟ ريم:عودتني انام على صوتك الله يسامحك من بعدك ماذقت طعم النوم والراحه انت فين دحين؟؟ ومع مين؟؟ فاكرني ولا ناسيني؟؟ فاكر حبنا؟؟وفاكر ايامنا؟؟ ولا نسيت كل شي نسيته مع البنات الي عايش معاهم هناك هاه ماالومك كل الخونه كذا "ريم تطلع البلكونه وكان الهوا قوي وكان يلعب بشعرها وبلوزتها وكانت تترفع بلوزتها من عند البطن وكان شعرها يجي على وجهها وكان الجو بارد" ريم:فين حضنك يدفيني؟ ياما حضنتك وانت تحضن الف غيري احضنك وفي حضنك الف حضن تاني المس يدك وغيري لمسها الف مره نمت جمبك وغيري نام جمبك الف مره في استراليا في البكونه على البحر رجوان:لو تدري انك ظلمتيني بتندمي ياريم انتي الي نهيتي حبنا بيدك انا ماخنتك وظنونك هيا السبب اتسرعتي وماسمعتيني احتقرتيني واهنتيني واتحملت لأني احبك احبك وماادري كيف بعيش من غيرك "رجوان يفتكر ايامه مع ريم وكل لحظه عاشوها سوا" في جده ريم في البلكونه:كيف غلطت وحبيتك اكبر غلطه حبي لك يارجوان انا اذا حبيت احب وعمري مااكره ورغم انك خنتني الا انت واحشني ولسه احبك واتمنى اشوفك واحضنك في استراليا رجوان:آخ لو اقدر المسك واضمك لصدري والمس يدك الناعمه وخدودك الورديه وشفايفك الحمرا وخصلات شعرك وخصرك النحيل الله لو اقدر اضمك ضمه انزع فيها روحي وادخلها فيكي في جده ريم:لسه مانقص حبي لك رغم الخيانه لسه بتألم صحيح بس لسه احبك لأن حبك شي عظيم في حياتي مايهزه شي في استراليا رجوان:لو اقدر اشوفك وتضم عيوني عيونك مشتاق لريحه صدرك وعطرك مشتاق اتعطر بحبك مشتاق الون شفايفي من لون شفايفك في جده ريم:مشتاقلي ولا ولاعلى بالك؟؟ فاكرني ولا نسيتني؟؟ في استراليا رجوان:لو جيتك وطلبت منك تتزوجيني وترجعيلي بتوافقي؟؟؟ في جده ريم:ماادري؟؟!؟سؤال صعب يمكن لو صار دا الشي بتتغير اشياء كثير في استراليا رجوان:ماجاوبتيني؟؟ في جده ريم:ماادري مادري ريم تدخل الغرفه وتسكر باب البلكونه رجوان يدخل الغرفة ويروح يفتح درج الكومدينه ويطلع كل الصور الي اتصورها مع ريم ريم تطلع كل الصور الي اتصورت فيها مع رجوان ريم تشوف الصور وتبكي رجوان يشوف الصور ويدمع يدق باب غرفة ريم ريم كانت مندمجه في البكى وكانت ماسكه صوره لها وهيا حاضنه رجوان ينفتح الباب ويدخل سعود ويشوف ريم متربعه فوق السرير وحاضنه الصورا وحاضنه الدبدوب الأحمر سعود يجلس على السرير ويشوف دموع الألم على خدود ريم ويفتكر لما هوا فقد ميرا ايش صار فيه وبإيش حس وماكان يبغى ريم تحس بالي حس بيه سعود يمسك يد ريم:خلاص ريم خلاص انسي لاتحسسيني يتأنيب الضمير خلاص الي راح راح والله يوفقك مع انسان غيره ريم:بس هوا غير سعود:بس هوا خاين صدقيني بتلقي الإنسان الي يحبك من جد ريم تحضن سعود وتبكي:ليش يخوني ليش انا حبيته وعشقته وضحيت عشانه خسارا فيه كل شي تدخل ليان غرفة ريم وماسكة دبدوبها وتفرك عيونها فيها نوم ليان:ريمو ابغى انام عندك انا مره احبك سعود يبتسم:شوفي الكتكوته هذي الي عندنا ريم:الله يحفظها لنا يارب تعالي حبيبتي تعالي ليان تطلع فوق السرير وتنسدح ليان:اقول ثعود سعود: نعم ليان:اطلع برا وخذ الباب وراك ريم تضحك سعود:الله الله طلع لك لسان ياست ليون ليان:آنثه لو ثمحت سعود:من فينلك آنسه وانتي ماتعرفي تنطقي الحروف صح ريم وسعود:ههههههههههه سعود:ريم مو ناسيه شي ريم:ايش؟ سعود:يوم الأربعاب عيد ميلادي ريم تفتكر:ايوا صح كل عام وانت بألف خير يااحلى اخ سعود:وانت بخير ليان تقوم:مين حتوزوز ريم وسعود يضحكو ريم:ليون حبيبتي لما نقول كل عام وانت بخير مو يعني انو في احد بيتزوج ليان تبتسم في بيت مازن رولا تنوم ريان وتهز السرير عشان ينام وتطالع فيه وتبتسم يجي مازن ويمسك رولا من خصرها ويطالع في عادل:يشبهني صح رولا:عشان تعرف اني اتوحمت عليك مازن يضحك:يعني مو لأنك تحبيني رولا:هذا اول سبب مازن:الله يخليكي ليا نوف:ويخليك ليا ولعدول مازن يبتسم رولا تبتسم مازن:يلا حبيبتي نامي انتي لسه تعبانه رولا:انام واترك عدول مازن:هوا نام خلاص تعالي انتي نامي رولا:طيب شويه لين اتأكد انه نام مازن:الله منكم يالأمهات رولا:تصدق احسها كبيره عليا اني اكون من الأمهات رولا ومازن:ههههههههههه مازن:تحسبي نفسك لسه بنت رولا:اي والله من جد مازن ورولا:هههههههههههههه مازن يشيل رولا ويحطها على السرير:يلا نامي رولا تضحك في بيت بدر نوف وبدر منسدحين على السرير بدر يقرب من نوف نوف تطالع في بدر وتبتسم نوف:تبغى بنت ولا ولد بدر:الي يجي كلو حلو دامه منك نوف تبتسم ابتسامه خجل بدر:اهم شي يكون شبهك عشان لو كان جمبي اطالع فيه نوف تطالع في بدر بخجل بدر:انتي لسه تخجلي خلاص انا زوجك يابنت نوف تضحك بدر:الله لا يحرمني ضحتك الحلوا نوف:اخاف الي بيجي ياخذك مني اغار عليك منه بدر:اخس ياغيره نوف تضحك بدر:مافي شي بياخذني منك انتي نسيتي كيف حبينا بعض نوف:ودا شي يتنسي بدر ونوف يطالعو في بعض ويبتسمو يوم الأربعاء ريم كانت مسويه حفله خفافي لسعود عشان عيد ميلاده الصباح ريم تقوم من النوم بدري توظب البيت وتسوي البالونات في الغرف وتجهز كل شي ماجا الظهر الا البيت جاهز من البالونات ام ريم تقوم من النوم وتشوف البيت ومستغربه:ريم ريم ريم:ماما اسكتي سعود لا يصحى من النوم ام ريم :ليش؟ ريم:مسويتله بارتي لما انتهي صحوه ام ريم تبتسم وتحضن ريم:الله لا يحرمكم من بعض ريم:آمين في بيت نوف نوف تفتح دولاب الملابس:يووه ماني عارفه ايش البس بدر:انتو كذا يالبنات دولابكم كله ملابس وتقولو ماني عارفه ايش البس كله لبسته نوف :واللهي بدر يضحك نوف:من جد كل شي لبسته بدر:اهم شي ماتلبسي كعب وماتلبسي قصير عشان ماتبردي نوف تطالع في بدر:خايف عليا ولا على الجنين بدر:اكيد بخاف على الجنين بس انتي......... وسكت بدر نوف:واللهي بدر يضحك بدر:اكيد بخاف عليكي كم نوفا عندي انا نوف:ياشيخ بدر يضحك ويسحبها على صدره في بيت مازن مازن:بتروحي بيت خالتي اليوم؟ رولا:اكيد انا ماافوت حفلات "و تضحك" مازن يبتسم:تصدقي احس من زمان عن جمعاتنا رولا:ايوا والله لهم فتره بعيدين ماادري ليش؟ مازن:يالله المهم نطلع الليله وربي حسيت بملل من البيت للشغل ومن الشغل للبيت رولا:يعني انا مطفشتك مازن:هوا احلى شي في الحياه انك موجوده رولا:ياشيخ مازن يضحك رولا:طيب ايش راح تلبس ثوب ولا بدله مازن:لا هوا عيد ميلاد اكيد بدله رولا:خلاص بتلبس اليوم على ذوقي مازن:كل الي في الدولاب ذوقك اصلا رولا ومازن :هههههههههه مازن:طيب خليني انا البسك اليوم من ذوقي رولا تبتسم:خلاص اوكي مازن يشوف ملابس رولا:امممممممممم يطلع بدي مفتوح من الظهر ومافي غير شريطه من الظهر بس ولون البدي آحمر مازن:هذا البدي رولا تبتسم:على ايش؟ مازن يدور في ملابس رولا ويطلع تنوره مني جب لونها اصفر رولا تضحك:حلوا الوانك مازن:عشان احس انك بتنحرقي رولا:شعلللله نيران احمر واصفر رولا ومازن يضحكو رولا:والله حلو خلاص بلبسه مازن:والله عجبك رولا تهز راسها مازن:احم احم رولا:على فكرا انا بجاملك مازن ورولا :ههههههههههه مازن يقرص على خدودها في بيت لمار لمار تطلع ملابسها لمار:بنات البس فستان ولا بنطلون وبلوزه ولا تنوره ولا ايش خالدين جالسه تاكل فشار:بكيفك تالا جالسه ع الاب توب:اي شي لمار:مافي منكم فايده تالا وخالدين:هههههههههه خالدين:اسرار وراجين جايين لمار:ايوا في غرفة ريم ريم اخذت جوال سعود بالدس عشان تدق على اصحابه ريم:الو ساري:سعود قلب بنت؟ ريم تضحك:لا انا مو سعود انا اخته ساري:موانا قلت في شي غلط ههههههههه ريم:المهم اليوم عيد ميلاد سعود وانا مسويتله حفله صغيرا وتلم باقي قشك وتجي بس لايدري سعود ساري:قشي؟ ريم تضحك:يعني باقي اصاحابكم ساري يضحك:خلاص ماشي ريم:اوكي يلا ريم تسكر الخط وترجع جوال سعود وسعود كان نايم ريم:ماما ماما ام ريم:نعم ريم:دقي على ومهران وماهــ "وسكتت" وقوليله يجي البارتي "ماقدرت تنطق اسمه كرهته ماعاد تبغاه" ام ريم:انتي دقي انا بتحمم ريم بكل جديه:انا لأ ياماما ام ريم فهمت ريم انها ماتبغى تدق عشان ماهر ام ريم:خلاص خلاص تاابع // |
