رد: احتاجلك اذا ضيق الوقت صدري.. اتمنى من الكل يدخ
احتاجلك اذا ضيق الوقت صدري.. اتمنى من الكل يدخل..
البارت الحادي عشر
//
في بيت ابو مازن
مازن يدق الباب
ريان يفتح الباب: اوووف يعني مافي غيري الي يفتح الباب
ريان بدهشه: جني ماما الحقيني جني
ريان يروح عند امه
رولآ تضحك
مازن يكلم رولآ: عجبتك جني
مازن يدخل الصاله ويكلم ريان: انا جني ياريان طيييب ماشي
ام مازن: مازن متى جيت ؟؟
مازن يسلم على امه: اليوم رحنا بيت رولآ بعدين جينا على هنا
رولآ تسلم على ام مازن: هلا خالتي وحشتيني موووت
الخاله: الحمد لله ع السلامه والله حتى انتو وحشتوني
ريان: يعني انت مازن مو جني
مازن: لا والله دوبك تحس قوم سلم عليا يلا
ريان يسلم على مازن: ياولد انت لاتروح وتتركني تاني مره فاهم
مازن: على امرك ياسمو الأمير
ام مازن ورولآ يضحكو
رولآ: خاله نوف ماجات من السفر
الخاله: الا جات شوفيها فوق تقول وحشتها غرفتها
رولآ بفرح: والله من جد
مازن: شوف الصياعه تركت بيت زوجها عشان غرفتها وحشتها
نوف وام مازن يضحكو
ام مازن:نوف نوف ماما تعالي جوكي ضيوف
نوف: ميين؟؟
ام مازن: تعالي
نوف بدهشه: رولآ ..مازن .. وحشتوني ياحيوانات
مازن: اختي اختي ما اتغيرت لسانه هوا هوا
نوف تضحك
رولآ تضمها : وحشتيني
نوف: وانتو اكثر يالله من زمان عنكم وربي افتقدكم
كيف فرنسا وكيف الزواج
رولآ: كلو تمام
رولآ تطالع في مازن وتبتسم
مازن: امي فين ابويا؟؟
ام مازن: ريان حبيبي روح نادي ابوك من غرفته
ريان: جينا للطلبات خلاص نوف عندك ومازن عندك قوليلهم
ام مازن: ولد اسمع الكلام يلا
مازن: عيال اخر زمن والله كبر ولدك وصار يرد
ابو مازن: هلا والله بالي جايين من فرنسا
مازن يسلم على ابوه: وعليكم السلام هلا ابو يا كيفك
ابو مازن: الحمد لله انت كيفك وكيف عروستك
مازن: بخير الله يسلمك
ابو مازن: الحمد لله على السلامه
رولآ ومازن: الله يسلمك
ابو مازن:ماشاء الله متى جيتو
مازن: اليوم بس رحنا لبيت رولآ بعدين جينا هنا
ابو مازن: ماشاء الله
مازن: بس ماجينا لوحدنا
نوف وام مازن وابو مازن يطالعو في بعض مستغربين
نوف: جبتو مين معاكم
رولآ تطالع في مازن وتبتسم
رولآ تحط يدها على بطنها
مآزن يأشر على بطن رولآ: جيت انا ورولآ والكتكوت الي هنا
نوف: يعني رولآ حامل؟؟
نوف تصرخ وتحضن رولآ:آآآآآآآآآآآ فللللله مبروووووووووووك الف مبروووك
مازن:هييييييي نوف بشويف عليها
رولآ تضحك :الله يبارك فيكي
ام مازن: مبروك عليكم وهذا احلى خبر سمعته بحياتي ماتتصوري فرحتي اليوم
ابو مازن: والله كبرت وصرت جد
رولآ: بس جد صغير موكبير
الكل يضحك
ريان: رولآ قولي لولدك هذا لما يجي يقولي ياعمو
رولآ: من عيوني
مازن: شوف الولد كيف يتكلم
نوف: والله ريان صاير ملسون
ابو مازن: طالع لأمه
ام مازن: لا والله,يعني انا ملسونه
الكل يضحك
رولآ: يالله وحشتني خاله رانيا مازن خلينا نروحلها
مازن: يلا
نوف:لا استنو
رولآ :ليش؟
ام مازن: ترا سعود بالمستشفى
مازن ورولآ بفجعه: ايش فيه سعود؟
ام مازن: ياعمري جاته غيبوبه
رولآ: يالله .. كيف خاله اكيد تعبانه وريم كيفها
ام مازن: الله يكون بعونهم
مازن: خلينا نروح لها هيا بالبيت؟
نوف: ايوا في البيت عشان مانعين الزياره لسعود
مازن: يلا رولآ
نوف: لحظة بجي معاكم
مازن: طيب بسرعه
في فيلا جمانه
جمانه: واخيرا عرفت اربي ريم وميرا
صبا تضحك:والله مساكين حالتهم حاله
ديمه: مساكين في عينك يستاهلو
سميه: بس والله حرام بنات مايصير الي سووتوه
جمانه: بنات تشيلو البنت هذي من قدامي ولا اذبحها
صبا: سميه انتي لا تتكلمي
جمانه:اصلا لسه مابردت ناري
سميه: لسه بتسوي شي تاني ؟
جمانه: المره الي فاتت بميرا والمره الجاه بتكون ريم
صبا: قدها ياجمانه وقدود
ديمه: خلونا من هذا دحين الشباب على وصول
سميه: هيا وصلت فيكم تجيبوهم للبيت
جمانه تصرخ في وجه سميه:سميه انتي ماتتدخلي ولوسمحتي اتفضلي برا ولاعاد تجي هنا ولا تتصلي فينا وكنك ماعرفتينا يلا برا
سميه:الشارع افضل لي من الجلسه مع بنات خايسات صايعات
جمانه تصرخ:برا
ديمه: شفتي الحيوانا ايش قالت عننا
صبا:الخايسه هيا انتي
جمانه: اووووووووف ايش هذوله البنات
ديمه: خلاص اهدو الشباب على وصول
يرن الجرس
تروح جمانه تفتح الباب
نواف: مسا الشيرا
ومسا العسل
ومسا الطعامه
جمانه تبتسم: مسا الخير
تركي: مسا الجوري
صبا:مسا الفل
راكان يشوف ديمه بخبث: مسا الحلاوا
جمانه اتفضلو اتفضلو
نواف: اصيله بنت اصول
الكل جلس بالصاله
{قامت جمانا تشغل الإستريو وترقص على اغنيه رد السلام عباس ابراهيم
تبتعد عني يا غالي وانت غالي على الاقل رد السلام
شوف وش منك جرالي شوف حالي شوف وش سوى الغرام
كل ما طيفك طرالي لا ياغالي ينشغل فكري وبالي
لاتخليني لحالي لا ياغالي وتحرم عيوني المنام
انت وحدك في خيالي مر يا غالي وانت حلي وارتحالي
مر واسأل كيف حالي مر يا غالي لاتجافيني حرام
لاتبدل بي بدالي مر ياغالي وانت حبي وكل مالي
في غرامك لاتبالي مر يا غالي لاتبالي بالملام
تدري انك راس مالي اه ياغالي وان ماغيرك حلالي
بس جوك ما صفى لي اه يا غالي وانا هايم بك هيام
قلبك من الحب خالي اه ياغالي ولا يعني ماتبالي
شفت انا الذل بسؤالي وانت ما منك اهتمام
تبتعد عني يا غالي وانت غالي على الاقل رد السلام
}شوف وش منك جرالي شوف حالي شوف وش سوى الغرام
قام معاها نواف
وقام تركي مسك صباوخلاها ترقص
وراكان اخذ ديمه وراح الغرفه
في بيت ابو سعود
ام سعود: ياعمري على ريم مانامت قلقانه على اخوها
ابو سعود: فينها مو جايه معانا
ام سعود: لا مو جايه عشان تجلس مع ليان
ابو سعود: ع الله
يرن الجرس
ابو سعود يفتح الباب
ابو سعود: هلا والله مازن ماشاء الله جيت من فرنسا؟
مازن:هلا فيك خلاص طفشنا وجينا. كيف الحال؟؟
ابو سعود:بخير الله يسلمك كيفك انت وكيف السفريه
مازن: تمام والله
ابو مازن: يلا الحمد لله ع السلامه
رولآ ومازن: الله يسلمك
رولآ: عمو خاله رانيا هنا؟؟
ابو سعود: اتفضلو
ام سعود:رولآ مازن انتو جيتو ماشاء الله
مازن ورولآ :هلا خاله
ام سعود: الحمد لله ع السلامه
رولآ ومازن: الله يسلمك
رولآ: خاله فين ريم مره وحشتني؟؟
الخاله: اطلعيلها في غرفتها
رولآ تجري تروح غرفه ريم
مازن: ايش الي صار بسعود؟
ابو سعود: ادعيله
ام سعود: آآآآخ يا امازن مدري ايش صار بالولد
فجأة نلقاه طايح وقال الدكتور راح في غيبوبه نتيجه صدمه عصبيه
مازن: هوا صار معاه شي ؟
ام سعود: والله سعود ماكان فيه ولا شي
كان رايح يتعشى مع ميرا بس لما رجع حالته حاله ونفس الشي ميرا
ميرا كمان فقدت النطق من الصدمه العصبيه
مازن: معقوله هذا اكيد صاير شي
ام سعود: الله يقومهم بالسلامه
في غرفه ريم
رولآ تفتح الباب بقوه سبرايز
ريم تقوم من السرير وتحضن رولآ: رولآ ياحياتي وحشتيني
رولآ: وانتي اكثر ياقلبي
ريم صارت تبكي
رولآ: ريم حبيبتي ليش تبكي؟؟
ريم: محتاجتك يارولآ
رولآ:ياعمري انتي ايش مضايقك
رولآ: تعالي نجلس وقوليلي ايش عندك
ريم قالت لرولآ عن سعود وميرا
رولآ: لالا مو معقول مو قادرا اصدق الي بتقوليه
ريم: والله ميرا مو كذا هذا ملعوب عليها
رولآ: مايحتاج تقولي ميرا عارفينها من زمان
لازم سعود يعرف الحقيقه
ريم: مو راضي يقتنع سعود خلاص شال ميرا من راسه
رولآ: ياعمري ياميرا
اكيد حالتها حاله
ريم: ميرا بتموت بتموت يارولآ ميرا بتتعذب موقادرا تخلي سعود يعرف الحقيقه
رولآ: مصيره بيعرف
ريم: وسعود ..سعود بغيبوبه ماتتصوري حبهم لبعض كيف كان
رولآ: الحب مو سهل ياريم
ريم: الله لا يبليني بيه
رولآ: بس حلو
ريم: وهذي نهايته يارولآ
رولآ: موشرط نهايه كل حب كذا شوفي حبي انا ومازن
ريم: آآآآه يارولآ اغلى ماعندي بيضوعو مني
ميرا وسعود
رولآ: لا تقولي كذا ريم حبيبتي الي كاتبه ربك بصير ولو مكتوبين لبعض بيرجعو
رولآ تحضن ريم: الي كاتبه ربك بصير
ريم: ليش يصير معايا كذا؟؟؟
اغلى اثنين عندي يرحو مع بعض ليش
تعبت وانا اجمعهم
ولما جمعتهم فرحت فرحه ماقد فرحتها من قبل طول حياتي
رولآ: ريم اهدي مايصير الي بتقولي هذا الي ربك رايده
ريم: تبكي
مازن من تحت: رولآ رولآ
رولآ : ريم تعالي معايا تحت ليش جالسه لوحدك تعالي
في الصاله
مازن: رولآ تعالي بنروح مع خالتي المستشفى نزور سعود
رولآ: اوكي ريم تجي معانا
ابو سعود: لا خلي ريم تجلس مع ليان
ريم: لا أبغى اجي اشوف سعود وليان باخذها معايا
ابو سعود: البنت ماابغاها تروح مستشفيات
ام سعود: ماعليه المره هذي بس
ابو سعود: يلا يلا
في فيلا جمانه
نواف: جمانه ايش سويتي بموضوع ريم؟
جمانه نسيت الموضو مرره
جمانه بإرتباك: ها .. قلت لها ورفضت بس ماعليك بخليها تجي
نواف: اكيد
جمانه: اكيد صدقني بقنعها وبتجي برجولها
نواف: اشوف
جمانه في نفسها: وكيف بجيب هذي ريم اووووف ياربي مالقى غير هذا الطلب
نواف: سرحانه في مين ياعسل
جمانه: وانا اسرح في مين غيرك يعني
نواف يطالع جمانه بخبث: فديت حبيبتي والله
جمانه تمسك الكاس: اشرب اشرب ورووووق
نواف: بشرب وبروق لعيونك ياحلوا
جمانه تبتسم
جمانه: طيب ممكن اعرف ايش تبغى منها
نواف: لا يروح فكرك بعيد طبعا ماراح تحلى في عيوني اكثر منك بس شغله بسيطه نبغاها تسويها
جمانه:احسب بتخليني وتاخذها
نواف: هذا لو كنت اقدر افارقك انا روحي فيكي مااقدر ابعد عنك شبرين
جمانه تبتسم
نواف مع نفسه:الله يفكني منك ياجمانه ما ادري كيف مستحملك لدحين اووف بس
في المستشفى
ابو سعود: سستر لو سمحتي اقدر اشوف المريض الي نازل عندكم في غرفه 114
السستر: والله مابعرف انا مو السستر تبعو بس بشوفلك السستر تبعو يمكن بتكون بالغرفه
السستر تدخل الغرفه والكل معاها
تخرج السستر من الغرفه:معليش بس مافي حد هون بالغرفه
الكل :نعم
ام سعود: ولدي سعود
ريم بفجعه: فين سعود
رولا تطالع في مازن بخوف
مازن: ايش يعني مافي احد اجل سعود فينه
ابو سعود: ياجماعه اهدو
السستر: ليك هونيك السستر تبعو اسألوها لوين راح انا مابعرف
ابو سعود يروح للسستر: لو سمحتي مريض غرفه 114 لفين راح؟
السستر:هالمريض طلع من الصبح
ريم: ايش يعني طلع يعني سعود قام من الغيبوبه
السستر: الدكتور كتبله على خروج
ام سعود: انتي متأكده
ابو سعود:كيف يكتب له على خروج وهوا تعبان وبهذي الحاله
مازن: طيب فين الدكتور؟
السستر: ليك هونيك
الدكتور: يامرحبا
ابو سعود: سعود طلع يادكتور
الدكتور: ولدكم قام من الغيبوبه اليوم الفجر الساعه 3 واصر انه يطلع من المستشفى
بس انا ماخليته يطلع الى الصبح
ريم: يعني سعود بخير
الدكتور: حالته ماكانت تسمح انه يطلع على الأقل ثلاث او اربع ايام بيجلس عندنا
بس هو كان مره مصر يطلع
فخفت على حالته لا تسيئ اكثر ويرجع للغيبوبه
مازن: طيب ماتدري لفين راح
الدكتور: والله ماادري
ابو سعود: مشكور عن اذنك
الدكتور: اذنك معاك
ريم: فين تتوقعو سعود راح؟
ابو سعود: الله يهديه بس حالته ماتسمح له انه يطلع
ام سعود: الله يرجعك ليا بالسلامه ياسعود
ريم: يمكن جا البيت
ابو سعود: ليش لا
ع البحر
}:جلست أبلل اوراقي بدمعي
وأنا انظر الى الورق نظرة
نظرة الكاتب الى وصيته الاخيره
واكتب على الورق ضحكات وابتسامات
حزينه ألى من كانت الى روحي اقرب من الجسد}:
الجو رايق وهادئ كان البحر خالي من الناس
مافيه غير سعود
سعود وهو واقف يشوف البحر بحزن: آآآآه ياميرا ماادري اصدقك ولا اصدق البلوتوث
اخاف اندم في كل الحالتين
انتي حياتي وروحي وعمري كله
ولا اقدر ابعد عنك
بس في شي مخليني اصد عنك
انتي تحبيني ياميرا ادري
ادري انك تحبيني وادري اني روحك وحياتك وعمرك وكل شي فيكي
بس خايف
خايف ياميرا اندم على شي قررته اخاف ارجع لك وتكوني خاينه
واخاف افارقك واكون ظالمك
آآآآآه ياميرا
معقوله الي صارلك
فقدتي النطق لأني تركتك
يارب يشفيكي يارب
وترجعي ميرا واحسن من اول
آآآآآآآآآآآآآآآآآآآآه يارب
ريم تدق على جوال سعود
سعود يشوف الجوال ويحطه ع الصامت
ريم تدق اكثر من 6 مرات
سعود يفتح الخط وبصوت مخنوق: الو
ريم بفرح: سعود فينك خفت عليك انت بخير
سعود بحزن: كيف تبغيني اكون بخير وميرا بعيده عني
ريم:سعود يكفي قلت لك الف مره ميرا مو كذا وهذي كذبه انت لازم تفهم
سعود: ميرا حياتي ياريم
ريم: طيب ارجعلها ياسعود ميرا تحبك
سعود: ادري تحبني بس مو قادر ارجع لها
ريم: سعود انت بتتعب نفسك ياتريح نفسك وتنساها وتطنش وترا انت الي بتخسر احلى شي بحياتك او انك ترجعلها وتنسى كل الي فات
سعود: تبغيني انسى روحي في احد ينسى روحه ياريم تبغيني انسى حبي
ريم: سعود لا تجنني اجل تفضل كذا بين الشوك والنار
سعود: الله يدبرها
ريم: سعود الله يخليك ارجع البيت ارجع ياسعود انت لسه تعبان سعود عشاني
سعود: خلاص خلاص برجع
ريم: انتبه على نفسك سعود لا تفكر بشي وانسى الي صار
سعود:انشاء الله
سعود يسكر الخط: آآه ياريم شلتي همي وهم ميرا
مشيتي على الورد لين جمعتينا ودحين بتجري على الشوك عشان تجمعينا تاني
الله لا يحرمني طيبتك ولا قلبك الكبير
في بيت ابو سعود ريم تنزل من الدرج وبفرح: ماما بابا ماما بابا سعود رد عليا وقال دحين بيجي البيت
ام سعود: الحمد لله يارب كنت جالسه على الجمر
ابو سعود: الحمد لله انه بخير
ريم: بس لو جا لااحد يتكلم معاه سعود لسه تعبان
ام سعود: تبغيني اتركه كذا من غير ماادري ايش فيه
ريم: ماما الله يخليكي سعود تعبان ولا تفكريه بالي صار له
ابو سعود: انتي عارفه ايش الي صار؟
ريم: لالا بس يعني لو هوا حاول ينسى لا تفكروه وتوجعوه
ابو سعود: صحيح لا تفتحي معاه اي موضوع
ام سعود: والله شي محير ميرا وسعود بيوم واحد هوا صار معاهم شي؟؟
ريم بتوتر: لالالالالا الله لا يقولها بس حتى ميرا مستغربا على سعود
والي صار لميرا من زميلتنا الله يرحمها
ام سعود: ممكن
يرن جوال ام سعود: هذي ام ميرا.. الو
ام ميرا: الو السلام عليكم
ام سعود: وعليكم السلام
ام ميرا: كيفك وكيف عيالك ..وسعود كيفه دحين؟
ام سعود: بخير الله يسلمك وسعود بخير الحمدلله اليوم طلع من المستشفى
ام ميرا: طيب الحمد لله على سلامته مايشوف شر انشاء الله
ام سعود: الله يسلمك
كيف ميرا دحين انشاء الله احسن؟
ام ميرا بحزن: الله معاها ميرا ماصارت تتكلم الحمد لله مشيت والله عافاها وطلعت اليوم بس ماعدت اسمع صوتها في البيت
ام سعود: الله موجود حبيبتي الله يشفيها والحمد لله على سلامتها
ام ميرا: الله يسلمك,,يلا كنت بتطمن على سعود والحمد لله طلع من المستشفى
ام سعود: الله يسلمك مع السلامه
ريم:ماما ميرا طلعت من المستشفى
ام سعود: ايوا اليوم
ريم: ماما الله يخليك خليني اروح عندها
ابو سعود: استني لما سعود يجي يوديكي
ريم يإرتباك: لالا سعود لا سعود راح يجي تعبان انت وديني بس بعد مايجي سعود عشان اشوفه واسلم عليه
يرن الجرس
ريم: هذا سعود
ريم تروح تفتح الباب
ابو سعود: بنت تعالي فين رايحه انا افتح الباب لو ماكان سعود يعني
ريم: طيب خلاص
ابو سعود يفتح الباب: سعود الحمد لله على السلامه كذا نروح المستشفى مانلقاك
سعود: الله يسلمك
ام سعود: سعود حبيبي ليش طلعت انت لسه ماتعافيت
سعود: الحمد لله يا امي انا بخير ومااحتاج للمستشفيات وتعرفيني مااحبها
ريم تحضن سعود: سعود وحشتني مو متعوده يمر كم يوم ومااسمع صوتك
سعود: الله يخليكي ليا وما يحرمني منك
ابو سعود: الله يخليكم ليا انشاء الله
سعود: اسمحولي بروح غرفتي ابغى انام
سعود يطلع غرفته
ريم وام سعودوابو سعود يطالعو في بعض
ابو سعود: يلا ريم
ريم: يلا
ريم تلتفت لأمها: ماما الله يخليكي لا تكلميه اتركيه
ام سعود: خلاص انشاء الله
في بيت ميرا
ميرا نايمه في غرفتها
ريم تفتح الباب بشويش وتدخل
وتجلس على سريرميرا وتمسح على شعرها
ريم في نفسها: آآآه ياميرا كل مااشوفك اتعذب وكأني انا بمكانك حاسه فيكي وحاسه في سعود
ميرا تحس بريم
ميرا تقوم تحضن ريم
ريم: مساء الخير ياحلوا
ميرا ماتتكلم تقول في نفسها: مسا النور
ريم: ادري رديتي عليا صح اعرف ايش بتقولي
ميرا تاشر على درج الكومدينا
ريم تروح تفتحه: اها قصدك الورقه والقلم
ميرا تهز راسها
ريم تجيب الدفتر والقلم لميرا
ميرا تكتب: كيف سعود ؟؟ طمنيني عليه؟؟
ريم تبتسم: لا تخافي عليه.. سعود قام من الغيبوبه وجا اليوم البيت
ميرا تبتسم ومو عارفه تعبر عن شعورها
ميرا تكتب بالورقه: الحمد لله انه طلع انا روحي كانت راح تطلع لو سعود صار فيه شي
ريم: بسم الله على روحك حياتي
ميرا تبتسم
ميرا تكتب:ريم مو هذا الخميس المسابقه
ريم تتذكر: ايوا والله صح ذكرتيني
والله بفكر اني مااروح
ميرا تكتب:لا ياريم لاتضيعي فرصه اتمنيتيها سنين
ريم:تبغيني اروح اتسلى وانتي وسعود بهذي الحاله
ميرا تكتب:عشاني وعشان سعود لازم تروحي على الأقل تفريحنا لو نجحتي
واخذتي المركز الأول واحنا الله يدبرنا
ريم:آآآآآه ياميرا لو اعرف مين الي مسوي البلوتوث حلفت بربي مااتركه
ميرا:الي صار صار مااعتقد بيرجع تاني
ريم: بيرجع ياميرا صدقيني بس نبيّن الحقيقه
ميرا تكتب: مين تتوقعي ؟؟
ريم: هيا ماغيرها جمانه وشلتها
ميرا تكتب: تتوقعي؟!!؟
ريم: ومين بيسويها غيرهم بحياتي مااحد حقد عليا غيرها
ميرا:آآآآه بس لو اتاكد انها هيا بذبحها
ريم: قريب انشاء الله
في بيت ماهر
في الصاله
مهران: ماهر ترى انا طفشت راحت رولآ بيتها والبيت من غيرها ممل
وحتى البنات اخذتهم معاها
ماهر: من جد والله حتى كرهت اجلس في البيت
مهران: طيب ايش رايك نهبق هبقه ونسافر مع الشباب برا
ماهر: حلو بس فين؟
مهران: والله مره نفسي اروح هالمرة سويسرا
ماهر: انت من جدك تتكلم
مهران:ايوا من جدي كلم الشباب وشوف ايش يقولو
ماهر بتردد:مادري سويسرا شويه صعبه
مهران: لاصعبه ولاشي
احنا ماكنا نسافر لوحدنا عشان رولا والبنات وهذي المره راحو الثلاثه ومابقى غيرنا
احنا كمان راح نستنى بنت الحلال الي تاخدنا من هذا البيت
ماهر: تستخف
مهران:يلا عاد
ماهر: افكر في الموضوع
مهران: ترى بتكون فللللله طلعه شباب وحركات وعلى سويسرا كمان
ماهر:اشوف
في بيت ابو سعود
في غرفه سعود
ودّعيني
باكر يدين الرحيل { تضمني }
وَ | آتمادى بالغياب
ودّعيني
ما ورى هـ/ الليل ~ صبح
ولا ورى هـ/ الضيق ~ باب !
ودّعيني
وآنثري دمعك علي ..
حسّسيني بـ إحتياجي لو ‘ كذب
عاتبيني فـ كل شيء ..
إلاّ الغياب !
وإعذريني .. لو أخونك ..
و أحضن جروحي بدونك
سعود جالس ع الكرسي الهزاز ويكلم نفسه:خلاص ياميرا خلاص
اخذت قراري وانشاء الله مابندم عليه
اخذت القرار الي يريحني ويريحك
حنساكي حنساكي ياميرا خلاص
انتي بالنسبه لي ماضي واحلى ماضي
بس جاوقت نهايه الماضي لآزم انهيه
وكل واحد يروح لحاله
سعود يمسك الجوال ويتصل في ميرا
ميرا تشوف الإتصال مو عارفه ايش تسوي اترددت في انها تفتح الخط
ميرا مع نفسها: ارد ولا لا طيب راح يسمعني
يمكن يبغى يقولي شي
ميرا تفتح الخط بعد تردد
سعود: الو
لحظه صمت
سعود يكلم نفسه: يوووه نسيت انها ما تتكلم يالله ايش هالورطه
سعود: ميرا
ميرا تحاول تتكلم ومو قادرا صارت تبكي
سعود:ميرا انا فكرت وقررت
بس ماينفع ع الجوال
ياليت لو تقدري بعد ساعه تماما تجي للكوفي
لحظة صمت
ميرا تحاول تتكلم ومو قادرا
ميرا حست بقهر
سعود:استناكي
سعود يسكر الخط
ميرا تسكر الخط وترمي الجوال بالأرض وتبكي
بدر يدق الباب ويدخل
بدر: ميرا ايش فيكي ليش تبكي؟
بدر يدور على قلم ودفتر ويعطيه لميرا
ميرا تكتب: حاسسه بضعف يابدر
بدر:ليش حبيبتي انتي موضعيفه لا تقولي كذا
ميرا تكتب:موقادرة اتكلم ومافي احد فاهمني صرت اخبي اشياء جوايا مو عارفه اقولها
بدر يحضن ميرا:ميرا حبيبتي لا تزعلي بترجعي احسن من اول انشاء الله
وانا بسفرك برا تتعالجي
مير في نفسها: انا شفايا مو مستشفيات يابدر انا دوايا وشفايا سعود حياتي بيد سعود يابدر
ميرا تكتب: بدر ممكن تخليني لحالي
بدر: من عيوني
بدر يطلع ويسكر الباب
بدر يروح الصاله عند امه
بدر: امي ترا مايصير نترك ميرا على هذا الحال
ام ميرا: ايش بيدنا يابدر
بدر: بسفرها للندن تتعالج هناك
مروان: ترا ميرا حالتها النفسيه مره تعبانه
ام ميرا: العلاج بيد الله ياعيالي مو كانت هنا في المستشفى
بدر: امي انا بسفر ميرا عشان تتعالج لو بفضل طول عمري اسافر عشانها
مالنا اخت غيرها
البيت مو حلو من غير صوتها
ام بدر تبكي: آآآخ ياولدي سوي الي تبغاه
مروان: ماتلاحظو ان ميرا من طاحت سعود مازارها ولا شافها ولا حتى سأل عليها
بدر: ايوا صح ليش ماجا؟؟
ام ميرا: سعود متغير ماادري ايش صار
والي انتو مالاحظتوه ان ميرا وسعود دخلو المستشفى بيوم واحد وكلهم صدمه عصبيه وقبلها كانو طاعين سوا يتعشو برا
بدر يطالع في مروان
مروان:تتوقعو في شي صار
بدر:ليش لا
ام بدر:بس ميرا جاتها الصدمه من موت زميلتها
مروان: امي انتي صدقتيها اكيد صار شي مع سعود
ام بدر:تتوقعو
بدر: والله لو دريت انه هو الي مسوي فيها كذا بذبحه
ام بدر: لايابدر سعود مايسويها
مروان:اجل ايش الي صار
ام بدر: خليها على الله
بدر:المهم
امي انا بكلم المستشفى بلندن وبحجز لها في اقرب وقت
وبنروح سوا باخذكم وباخذ نوف
ام بدر:ع الله يابدر سوي الي تشوفه
بدر: خلاص ان شاء الله في خلال يومين كل شي جاهز انتو بس جهزو نفسكم
تابع
//
//
|