رد: احتاجلك اذا ضيق الوقت صدري.. اتمنى من الكل يدخ
احتاجلك اذا ضيق الوقت صدري.. اتمنى من الكل يدخل..
البارت الـ 32
رجوان يكلم نفسه:هذوله البنات كإنهم حاسين بشي!!؟
اسلوبهم وطريقة كلامهم تأكدلي انهم عارفين شي عني وعن ريم
وعلى سيرة ريم
ماني قادر اتخيلها لغيري ..لازم اسوي شي يفركش الخطوبه يوم الخميس
بس ماني عارف ايش ممكن اسوي
في بيت ابو سعود
الساعه11:00
ريم تدخل البيت وهيا طالعه من الدرج
ام سعود كانت جالسه بالصاله وحاطه رجل على رجل وتهز وحده منهم
ام سعود:داخله حمام مافي سلام مافي شي
ريم بصوت واطي:الله يعينني مدري ايش مصبرني
ريم تكلم امها:سلام
"ريم تطلع الدرج وتروح غرفتها"
ام سعود:شوف البنت كيف تعاملني؟؟
في غرفة ريم ريم تنزل عبايتها وتغير ملابسها وتجلس على كرسي التسريحه وتسرح شعرها
ريم :حاسه ان رجوان كان بيقولي شي بس ماقال
مدري ايش عنده؟؟الله يستر صرت اخاف من الأيام الجاية ايش مخبيتلي
ريم تفتح الباب وتنزل تحت وتدخل غرفة الطعام:مسا الخير
الكل :مسا الخير
"ريم تجلس على الكرسي"
تشيل ليان الكرسي وتجيبه جمب ريم وتجلس جمبها
ريم تبوس ليان في خدها:ياناسو عليكي
ليان:نيم بيبي ابغى توثت
ريم:تبغي توست من عيوني حبيبتي
ريم تاخذ التوست وتعطيه ليان
ريم تطالع في سعود وتلقى سعود يطالع فيها
ريم بقرف :نعم
سعود:ايش نعم؟
ريم:انت بتطالع فيني خير تبغى شي مضيع شي بوجهي؟
سعود من غير نفس :لأ بس بتأمل جمالك
"ريم تبعد عيونها عن سعود"
ابو سعود:اذا مو محترميني احترمو الأكل الي قدامكم
ام سعود:هوا اصلا في شويه احترام سواء لنا ولا للأكل
"ريم عصبت وتركتهم وطلعت غرفتها"
ام سعود:هوا دا الي فالحه فيه كل ماقلنا شي سويتي زعلانه وطلعتي غرفتك في دهيه عساكي ماأكلتي
ريم تدخل الغرفة وتسكر الباب:مومنكم من الي يجلس مع ناس زيكم
مالت على اشكالكم
"ريم تروح توقف عند البلكونه وتتكفت وهيا معصبه"
ريم تفتكر رجوان وتبتسم:كلو يهون عشان جوني
مادام هوا في حياتي هذا يكفيني وماراح ابكي ولا ازعل نفسي عشانه بس" تشوف الساعه في يدها"الساعه 11:30 بدري على النوم
ايش بسوي دحين "تروح وتفتح المسن"
ريم تشوف ايميل رجوان مفتوح واستغربت
الدنيا حلوهـ"واحلى مافيها"إحساسـ الحبـ معـ فآرسـ آحلاميـ <<<ريم
جوونيـ ولا مينـ؟ّ
\\// ذوقتينيـ"العسلـ" منـ بينـ "شفآيفكـ"//\\
لأ توتي
الدنيا حلوهـ"واحلى مافيها"إحساسـ الحبـ معـ فآرسـ آحلاميـ
توتيـ مينـ؟
\\// ذوقتينيـ"العسلـ" منـ بينـ "شفآيفكـ"//\\
فيس يضحك ...انا قتيبه ادري بتقولي ملقوف داخل من ايميل رجوان بس حبيت اشوف مين الي مخلي رجوان يسوي له ايميل خاص فيه
تصدقي مولاقي احد غيرك مضيفه... فيس يضحك
بس لو تشوفي ايميله التاني بتنحولي من كثر الي مضيفهم
الدنيا حلوهـ"واحلى مافيها"إحساسـ الحبـ معـ فآرسـ آحلاميـ
وإذا يعني ..شي طبيعي ..فيس مطلع لسانه
\\// ذوقتينيـ"العسلـ" منـ بينـ "شفآيفكـ"//\\
طبيعي آهآآآآآ
اقول ريم
الدنيا حلوهـ"واحلى مافيها"إحساسـ الحبـ معـ فآرسـ آحلاميـ
هاا
\\// ذوقتينيـ"العسلـ" منـ بينـ "شفآيفكـ"//\\
موناويه تقوليلي ايش الي بينك وبين رجوان؟
الدنيا حلوهـ"واحلى مافيها"إحساسـ الحبـ معـ فآرسـ آحلاميـ
انت تستهبل تبغى تقنعني انك مو عارف؟
\\// ذوقتينيـ"العسلـ" منـ بينـ "شفآيفكـ"//\\
لا بس يعني اقصد بالتفصيل الدقيق
الدنيا حلوهـ"واحلى مافيها"إحساسـ الحبـ معـ فآرسـ آحلاميـ
تبغى بالتفصيل الدقيق روح قول لأخوك وهوا بيقولك
\\// ذوقتينيـ"العسلـ" منـ بينـ "شفآيفكـ"//\\
طيب ماشي كل مره بتتهربي بس بجيبك
الدنيا حلوهـ"واحلى مافيها"إحساسـ الحبـ معـ فآرسـ آحلاميـ
فيس مبتسم
"يدق الباب"
ريم تقفل المسن وتروح تفتح الباب
سعود يطالع في ريم
وريم كانت وافقه عند الباب
سعود:شويه كذا خليني ادخل
ريم تبعد عن الباب ومن غير نفس:ادخل
"سعود يدخل ويطالع في الغرفة"
ريم مع نفسها:خير انشاء الله
سعود يجلس على الكنبه ويطالع في ريم:تعالي اجلسي
ريم تروح تجلس جمب سعود:نعم
سعود:الي بقوله في مصلحتك وانا اخوكي وعارف ايش بسوي
ريم:سعود ايش عندك؟؟
سعود:سبق واتقدم لك ماهر
ريم تقطع كلام سعود وتقوم وهيا معصبه:وسبق وقلت اني مو موافقه
سعود:اجلسي ولا تتكلمي الين ماانا اخلص كلام
"ريم تجلس وهيا معصبه"
سعود:وانا موافق وامي وابويا موافقين اعتقد انو كل شي لدحين تمام
ريم:وهذي حياتي انا وانا الي اوافق مو انتو
سعود :اجلسي ولا تتكلمي بقول
ريم:سعود الكلام خلص وانا رافضه وماتقدر تغصبني
سعود يوقف:الكلام ماخلص وحتى لو كنتي رافضه فأنا بزوجك ماهر رضيتي ولا مارضيتي مافي احد راح يرضى فيكي اساسا غيره
ريم عصبت:كل الناس يتمنوني روح شوف حالك انت واتزوج وفكني يا أخي وريحني من دوشتك
سعود:بطنش الي قلتيه ولا كإني سمعت
وانتي عارفه ليش انا بزوجك مااهر غصبا عنك عارفه صح؟!؟
"سعود يترك ريم ويطلع"
ريم تنسدح على السرير وتبكي:ياربييي ارحم حالي يارب
انا تعبت وطفشت وزهقت خلاص طقيت
ليش كذا بيصير معايا حياتي صارت زفت مره
وانا الي اتوقعت لما القى فارس احلامي بنسى كل شي واعيش احلا ايامي
طيب ليش صارلي العكس ليش ياربي ليش كل شي اتمنيته بدا يروح ويصير سراب انغريت في حياتي وطاوعت ايامي ومشيت وراها حسبت وراها شي بيغير حياتي للأحسن
حياتي بدت تسوؤ اكثر واكثر وصرت اخاف من بكرا اكثر من اليوم آآآآآه ياربي تعتب والله تعبت
في الصاله
سعود:جهزو نفسكم يوم الخميس خطوبة ريم على ماهر
ام سعود تطالع في سعود بتعجب
ابو سعود:على الله
ام سعود :ريم وافقت؟؟
سعود يطالع في امه وبعد صمت:ايوا
سعود يتركهم ويطلع برا ويشغل سيارته ويمشي
في بيت لمار
في الصاله
البنات سهرانين بيتفرجو على فيلم كوميدي
"لمار سرحانه"
تالا لاحظتها وحتى خالدين
تالا تغمز لخالدين عشان تشوف لمار
خالدين:اقول لموري
لمار:هممم
تالا:فين وصل الحلو؟؟
لمار:بنات انتو تصدقو انو رجوان يحب؟؟
تالا:كل ولد يحب مافي احد مايحب
خالدين:من جد
لمار:طيب تتوقعو مين الي يحبها؟
تالا:مدري
خالدين:انتي شكلك تدري صح؟
لمار:انا كنت شاكه في وحده بس ماكنت متأكده بس اليوم اليوم اتأكدت 99%انها هيا
تالا:الله 99%طيب مين؟؟
خالدين:مين مين مين؟؟
لمار تقوم تمشي بالغرفه:ريم
خالدين وتالا بصوت واحد:ريم؟؟!؟؟؟؟؟!!!!!!؟
"لمار تهز راسها"
تالا:طيب كيف عرفتي؟؟
لمار:يوم مارحت لرجوان بيته وشميت فيه عطر كان عطر ريم
وكانت هيا موجوده جوا عشان كذا ماخلاني ادخل
تالا:معقوله؟؟!!؟؟
خالدين:انا ماني قادرا استوعب
لمار:ولما رحنا المستشفى طردنا شفت سيارتنا الي اخذتها ريم عشان تروح مشوارها
تالا:من جد؟!؟
لمار:واحنا طالعين شفتها داخله وكان معاها نفس الورد الي كان بغرفة رجوان
خالدين:دحين فمهت
تالا:وااو
لمار:ولما قربت منه شميت ريحة عطري الي كان في عبايتي الي كانت لابستها ريم
خالدين:اها
تالا :معقوله
خالدين:طيب ليش ريم خبت عننا وماقالت؟
تالا:اكيد منحرجه
لمار:بس انا اتوقع انهم يعرفو بعض قبل لا تعرف انه اخويا
تفتكري خالدين يوم رحنا باسكن ورجعت البيت وشافته
لما شفناه مع النور الخافت شفناه يشبه رجوان وفعلا كان هوا
ودحين اتأكدت بس ماكانت تدري انه اخونا
خالدين:ايوا صح
تالا:طيب ليش رجوان مخبي؟
خالدين:مدري عنه شوفي ايش عندهم وعلى ايش مخططين
لمار:ياويل وحده فيكم تطلع هذا الكلام برا لا رجوان ولا ريم ولا غيرهم
خالدين وتالا:اووكي
في المستشفى يرن جوال رجوان على نغمة
قرب كمان من حضني وحس بالي بحس بيهيفتح رجوان الخط
رجوان يبتسم:هلا بدلوعتي
ريم:جوني
رجوان:ايش فيه صوتك مبحوح؟
"ريم تبكي"
رجوان:حياتي ايش فيكي؟؟
ريم تبكي مو قادرا تتكلم
رجوان:حبيبي لا تتكلمي بس اهدي اهدي ياعمري لا تبكي
"ريم تبكي بصوت عالي وتبكي بألم"
رجوان:دخيلك ماتبكي مااحب اسمع صوتك وانتي تبكي يحسسني بالعذاب حبيبتي مافي شي يستاهل دموعك صدقيني بس اهدي
"ريم تبكي"
رجوان:ياحياتي ..طيب ابكي وفشي كل البكا الي فيكي عشان ترتاحي
"ريم صارت تبكي"
ورجوان جالس يتألم مع كل نبرة صوت بكا تطلع من ريم
رجوان:حياتي لاتخوفيني عليكي؟؟؟
ريم وصوتها مبحوح:انا ضعت منك خلاص
رجوان خاف:ليش؟
ريم تبكي:سعود قرر بيزوجني ماهر خلاص وقالي بزوجك هوا غصبا عنك
رجوان مصدوم:لا مو معقول مايقدر يسويها
ريم:بيسويها يارجوان بيسويها الحقني وخلصني منه
مااحبه ماابغاه انا افضل الموت على زواجي منه ولله لا انتحر واموت ولا اكون لغيرك يا رجوان
رجوان:ريم بلا جنون لا تقولي كذا
"رجوان نزل المغذي من يده وقام من السرير
وهوا يتألم من الم ظهره"
ريم:انا تعبانه رجوان مو عارفه ايش اسوي؟
رجوان:انا مو وعدتك اني بفضل معاكي طول العمر وبكون قد كلمتي
"رجوان يفتح الدولاب وياخذ ملابسه ويلبسها ويطلع من المستشفى"
ريم:انا حاسه اني بضيع منك دخيلك رجوان ماتخليني ابعد عنك
رجوان:ماراح يصير حياتي صدقيني احنا لبعض انتي بس اهدي انتي ليش تزعلي طول خلي عندك امل
خليكي متوقعه انك ليا على طول وصدقيني بيصير
ريم:رجوان انا خايفه
رجوان:ماتخافي حياتي انا معاكي
ريم:رجوان ماتسكر الخط ماابغى احس اني وحيده واني بعيده عنك
رجوان:ولا يهمك حياتي الي تشوفيه انا دقايق وبكون عند بيتك
ريم:لا تجن يارجوان
رجوان يطالع في الساعه:اكيد اهلك نايمين شوفي الساعه كم
بستناكي عند البوابه البرانيه وانتي اطلعي الحوش كلميني
ريم:انتي متى طلعت من المستشفى؟
رجوان:لسه دوبي طلعت من غير مااحد يدري
ريم:هوا انا ناقصه انت مجنون انت مولازم تتحرك
رجوان:عشانك ابيع الدنيا ومافيها
ريم:وكيف راح تسوق السياره وانت تعبان انتبه على ظهرك جوني
رجوان:انتبه عليه بس عشانك بس انتي اطمني وماتشغلي بالك
ريم:كيف ماتبغاني اشغل بالي عليك وانت الوحيد الي بقيت في حياتي
رجوان:يكفيني اني في حياتك ومايهمك غيري ياعمري طنشي كل شي
ريم:بطنش لأنك انت اهم شي في حياتي
رجوان يبتسم:ياروحي انتي يلا ابتسمي ابغى اشوف نغزتك
ريم تبتسم وتمسح دموعها:شفتها
رجوان:ايوا خلاص كذا حلو
ريم ورجوان يضحكو
في بيت ماهر
مهران بصوت عالي:انت قلبك حجر
ماهر:وهذي حياتي وانا حر فيها
مهران بعصبيه:حر في حياتك بس مو حر في حياة البنت ياأخي اتركها في حالها
ماهر بعصبيه:ماراح اتركها هيا حياتي
مهران:اي حياة الي تتكلم عنها الي يخليك تسوي في البنت كذا وتتزوجها غصبا عنها ياشيخ ارحمها لو كنت تحبها
ماهر:اعشقها مو بس احبها عشان كذا بتعيش معايا باقي حياتي
مهران:اترك البنت ياماهر وخلص نفسك منها وخلصها منك
ماهر:ادري ماتبغاني وادري تحب غيري بس بخليها تحبني بعد مااتزوجها لو غصبا عنها
مهران:بتتعب صدقني والله ياماهر بتتعب لو اتزوجتها
انا مستعد اجيب لك بنت احلى منها الف مره وتسواها وتسوا غيرها بس اترك ريم
ماهر:مستحيل انت ماتفهم مستحيل اتركها ووخر عن وجهي يلا
مهران يطالع في ماهر بقهر:انت انسان ساذج
مهران يترك ماهر ويدخل غرفته
ماهر:قال اتركها قال انا دحين واحس اني بعيد عنها لو تركتها ايش بيصير فيني
بتزوجها غصبا عن اي احد حتى اهلها
وكل شي جاهز بس تسير الخطبة نحدد موعد الزواج
وياانا يارجوان
عند بيت ريم ريم ماسكه الجوال وهيا في البلكونه
ريم:ها لسه ماوصلت؟
رجوان:خلاص يلا انزلي
ريم بفرح:من جد؟!؟
رجوان:يلا يابنت
ريم تنزل من الحبل الي منزلته من سور البلكونه على الحوش
ريم:هوا برق واكون عندك
ريم تنزل على الأرض وتطيح:آآي
رجوان:بنت ايش فيكي؟؟
ريم تضحك:لابس طحت وانا انقز
رجوان:ياخسارا ماشفتك
ريم:واللهي
رجوان يضحك
ريم تجري في الحوش لين وصلت للبوابه البرانيه ووقفت عندها
ريم:ها فينك؟؟
رجوان يهجم على ريم عشان يفجعها:هنا
ريم تصرخ
رجوان يدخل يده من بين حديد الباب ويحط يده على فم ريم عشان تسكت
ريم تضرب رجوان على يده:يابايخ يابايخ
رجوان يضحك
ريم:كيف ظهرك؟
رجوان:صار تمام لأني معاكي
ريم تبتسم
رجوان:الله لا يحرمني من ابتسامتك ولا نغزتك
ريم تطالع في رجوان
ريم:ياريت لو معايا مفتاح الباب حاسه كإني في سجن وانا اكلمك من بين الحديد
رجوان:المهم اننا مع بعض
ريم:شفت ايش صار فيني يارجوان شفت حياتي كيف صارت
ماادري ايش قلبها فوق تحت
انا حاسه اني بدنيا غريبه غير الي عشت فيها اول
كل شي حولي صار بيتغير وكل شي يهون مادام انت موجود في حياتي
رجوان يبتسم:وهذا يكفيكي ياعمري عشان كذا انسي كل همومك
انا بتقدم لك بروح لأبوكي مو سعود لأني ادري ان سعود كارهني
ريم تضحك
رجوان:فديت ضحكتك الله لا يحرمني منها
رجوان يدخل يده بين الحديد ويحط يده على خد ريم
نزلت دموع ريم
ريم:خايفه انحرم من منك
رجوان يمسح دموعها:لاتقولي كذا حياتي ولا تبكي دموعك تسيب فيني جرح
ريم تمسك يد رجوان وتضمها لصدرها:يارب لا تحرمني منه يارب
رجوان يحضن ريم من بين الحديد:ولا تحرمني دفى حضنها يارب
رجوان يلعب بشعر ريم:حياتي لاتفكري في اي شي تاني غير انك بتكوني ليا انا مو لغيري
ولا تبكي ولا تنزل دموعك على خدك ابدا مهما حصل
ابغاكي تكوني مبسوطه على طول حتى لو ماكنت موجود معاكي
ريم تشبك يدها بيد رجوان:اوعدك بس سامحني لو ماقدرت
رجوان يبتسم:تقدري ياعمري
رجوان يكلم نفسه:سامحيني انتي لو ماقدرت احافظ عليكي واخلصك من ماهر وسعود
ريم:في ايش سرحت؟
رجوان:لا بس لمار تدري انك تعرفيني؟؟
ريم:لأ طبعا
رجوان:بس حسيت من كلامها انها تعرف
ريم:ياي فشله
رجوان يضحك:لالا مو فشله بس استغربت عليها اسلوبها يبين انها تعرف شي
ريم تضحك:شكلها بتذبحني لوشافتني
رجوان:ولا تتجرأ
ريم تضحك
رجوان:بردانا
ريم:لأ انا ماابرد انا اعشق البرد انت بردان اعطيك جاكيتي؟؟
رجوان اخذها فرصه:ايوا مره برد عطيني جاكيتك هذا الي عليكي
ريم تبتسم وتنزل جاكيتها وتعطيه رجوان
الجاكيت كان لونه اسود وماكان باين انه للبنات
رجوان:الله نار جسمك تدفيني
ريم حست بخجل
رجوان:ياالله جاكيتك دافي
رجوان يمسك يد ريم:وحتى يدك
ريم:وانت يدك باردا
ريم تحط يد رجوان على خدها :الله باررررد
رجوان:نفسي اجلس معاكي على طول بس لازم اروح اخاف اهلك يشوفوني وتروحي فيها اخاف عليكي حياتي
ريم:يووه رجوان لا تقول بتروح
انت تدري لو رحت ببقى لوحدي
انا صرت اجلس في غرفتي مااطلع منهاا لا اذا كنت طالعه مع البنات
وربي طفشت بين اربعه جدران مليت من الوحده
حتى رولا ونوف ماصارو بيجوني وصارو مشغولين بأزواجهم
رجوان:ياحياتي انتي وربي حاسس فيكي ولو بيدي اجي واجلس معاكي في غرفتك
ريم تضحك
رجوان يرفع شعر ريم الي نزل على وجهها:انتبهي على نفسك ودخيلك لا تبكي او تزعلي نفسك
وافتكري اني وعدتك انك بتكوني معايا على طول
ريم:وانا واثقه بوعدك ومهما مر الزمن بتوفي بوعدك
رجوان:ريم قربي شويه
ريم تقرب من الحديد
رجوان يبوس ريم على خدها
ريم خجلت واحمرت خدودها ونزلت راسها وشعرها نزل على وجهها
رجوان يضحك:كل هذا عشان بوسه على الخد
ريم تلعب بأصابعها
رجوان:يابنت الناس يكفي عذبتي روحك خلاص
رجوان يرفع راسها
ريم تبتسم
رجوان:فديت الخدود الورديه
ريم:بطل خلاص انا موحاسه بنفسي
رجوان يبتسم:خلاص اوكي
رجوان يبعد شويه عن الباب عشان بيروح
ريم متمسكه بيد رجوان وموراضيه تتركها
صارت يد رجوان ممدومه ومشدوده وريم ماسكتها
رجوان:موناويه تتركيها
ريم تهز راسها:لأ
رجوان يبتسم:طيب لمتى؟
ريم تبتسم:مدري
رجوان:اوكي انا جالس بستنى الين ماتتنازلي عن يدي
ريم تضحك
رجوان يطالع فيها:هاااااااه
ريم تترك يد رجوان شويه شويه لين تركتها مره وزعلت مره
رجوان:لأ ماابغى اشوف ملامح الحزن حبيبتي على وجهك اعتبريني مازلت قدامك واطلعي غرفتك وكإني معاكي
ريم تهز راسها:انشاء الله..بس انت روح ع البيت على طول ولا تتعب ظهرك
رجوان يأشر لريم ويركب سيارته:باي حبيبتي
ريم تأشر لرجوان:باي
رجوان يحرك السياره
ريم بصوت واطي مايسمعه رجوان:حبيبي
ريم ترجع الحوش وتطلع من الحبل على بلكونتها
ريم تطلع البلكونه:وربي انا داهيه انا كيف سويت كذا؟؟
ولا المشكله من الحبل هذا شوف افكاري كيف صايره وربي مصيبه
ريم تضحك
في بيت لمار
يدق الجرس
البنات انفجعو مين الي بيجوهم في هذا الوقت
لمار:بروح اشوف مين
تالا وخالدين بصوت واحد:لاااا
لمار:ليش؟
تالا:يكون حرامي
لمار تضحك:حرامي بيدق الجرس ونعم الإحترام بيستأذن
تالا ترمي لمار بالمخده
الكل يضحك
يروحو البنات عند الباب خالدين تفتح الستاره وتشوف:بنات هذا رجوان شوفو يده مربطه
تالا:صح والله حتى نفس تسريحة شعره
لمار:ايش جابه
لمار تروح تفتح الباب
رجوان:اهلين
البنات:رجوان
رجوان:خير ليش مستغربين؟
لمار:لابس ليش طلعت؟
رجوان:هربت طفشت من المستشفى
خالدين:محسسني انك في فلم هندي وهرب البطل من المستشفى عشان حبيبتو
رجوان استغرب :انتي كيف عرفتي؟
البنات يضحكو
خالدين:مجرد تخمين
رجوان:اهااا
تالا:يلا ندخل الجو هنا بارد
رجوان:يلا يلا
رجوان يدخل
لمار تدق تالا وخالدين:شوفو شوفو
تالا وخالدين:ايييش؟
لمار:جاكيته جاكيت بنات شوفته في بيرشكا
خالدين:ايوا صح
تالا تضحك
خالدين ولمار:يضحكو
لمار تروح ورا رجوان:رجوان رجوان
رجوان يلتفت:نعم
لمار:انت بردان
رجوان :لأ ليش؟
لمار:لابس شايفتك لابس جاكيت وكذا يعني
رجوان يطالع في الجاكيت ويستوعب انه جاكيت ريم
رجوان بتردد:هاا ايوا لأ حران
رجوان ينزل الجاكيت
رجوان:انا جوعان شوفيلي اي شي اكله وسويلي قهوتي
تالا:غريبه
رجوان:ايش هوا الي غريبه؟
تالا:ليش مارحت على بيتك؟
رجوان:ماتبغيني يعني؟
تالا:لالا مو كذا بس غريبه ماتسويها كثير
رجوان يطالع في لمار:عشان في ناس وصوني على نفسي وكانو خايفين عليا عشان كذا جيت هنا عشان تهتمو فيني
خالدين:طيب ليش مارحت عندها هيا تهتم فيك
رجوان:عندها ظروف ماتسمح اني اجلس عندها
الكل يطالع في بعض ويضحك
رجوان:يلا يلا شوفولي شي آكل جوعان مره
لمار تروح تحط لرجوان اكل وتسويله قهوته
لمار:بنات بفكر اعزم ريم بكرا عندنا ع العشا ايش رايكم
رجوان لما سمع اسم ريم شرق بالقهوه وصار يكح
لمار:بسم الله عليك
تالا وخالدين يضحكو لأنهم عرفو انه شرق لما سمع اسم ريم
تالا:اوكي اعزميها فله البنت دي مره
رجوان يطالع فيهم
خالدين:وقولي لأسرار وراجين
لمار:خلاص اوكي
بدق على ريم دحين اكيد صاحيه اعرفها ماتنام دحين
رجوان يطالع في لمار
لمار تدق على ريم وتفتح الإسبيكر بالعانيه عشان رجوان
ريم:هلا لموري
لمار:هلا ريمو كيفك يابطه؟
ريم:تمام يابطريقه وانتي؟
رجوان يضحك عشان ريم قالت لمار بطريقه
لمار تأشر لرجوان انه يسكت
لمار:بخير انا بطريقه هاه
ريم تضحك
رجوان يبتسم
تالا وخالدين ملاحظين رجوان
لمار:عندك شي بكرا
ريم:لأ بس انا موافقه
لمار :على ايش؟
ريم :اكيد بتقولي طلعه وانا موافقه انا مااصدق
ريم ولمار يضحكو
لمار:لا مو طلعه بس عزيمه بعزمك بكرا عندي في البيت
راح اعزم كمان راجين واسرار
ريم:يااي وحشوني من زمان عنهم خلاص اوكي ترا انا خفيفه ماارفض عزيمه او طلعه
لمار تضحك :طيب اشوه عشان لو رفضتي بزعل
زي ذيك المره لما عزمتك على تشيليز وماجيتي
ريم تضحك:ياحياتي اعذريني مو بيدي
لمار :لا ماعليكي عادي حبيبتي
رجوان يكلم لمار:لا تقولي حبيبتي
تالا وخالدين يضحكو
رجوان يضحك
لمار تأشر لهم عشان يسكتو
ريم:انتي عندك احد؟؟
لمار:بس تالا وخالدين
رجوان:وانا
لمار عصبت وتطالع في رجوان بقهر
ريم:بس في صوت رجال انتي فين يابنت؟ ريم تضحك
لمار:لا ياحيوانه لايروح بالك بعيد هذا رجوان
ريم ارتبكت:هاه
رجوان ابتسم
لمار تطالع في رجوان وتالا وخالدين فاطسين ضحك
لمار:يلا استناكي بكرا انشاء الله
ريم :اوك خلاص انشاء الله
لمار:باي
ريم:بايات حبيبتي
لمار تسكر الخط وتاخذ المخده وترميها على رجوان فشلتني
رجوان يضحك
تالا وخالدين يضحكو
لمار:وانتو ليش تضحكو وجع فشلتوني
رجوان:انا بطلع انام لو ماصحيت الساعه 8:00 الصبح صحوني بروح الدوام
خالدين:وانت مكسر بتروح الدوام
رجوان:ايوا
البنات:انشاء الله
رجوان يطالع في لمار ويطلع
لمار:شفتو كيف يطالع فيني
البنات يضحكو
خالدين:شفتو كيف اتغير لون وجهه لما دقيتي على ريم
تالا:ولا لما قلتي اسمها وشرق
البنات يضحكو
لمار:انا دحين اتأكدت 100% انهم يحبو بعض
في غرفة ريم في البلكونه ماسكه كوب قهوتها بيد وبيد التانيه ماسكه الجوال تكلم
ريم تضحك:وربي ارتبكت لما قالتلي رجوان
رجوان:انا ماشفتيني لما قالت بتتصل عليكي كنت اشرب قهوتي وشرقت منها
ريم تضحك
ريم:ها اجي بكرا ولا لأ؟
رجوان:دخيييييييييلك يابنت الناس تسويها وتجي اتهوري هذي المره
ريم تضحك:خلاص بجي لعيونك
رجوان:استناكي
ريم:اوكي بس ماراح اشوفك راح اكون مع البنات
رجوان:لا ماعليكي تتدبر
ريم:داهيه احنا مصايب
ريم ورجوان يضحكو
في بيت رولا الصبح
رولا:مازن حاسه بتعب مره مادري ايش فيني؟
مازن:سلامتك حياتي اوديكي المستشفى
رولا:لالا مو تعب لدرجه المستشفى بس خمول وارهاق
مازن:خلاص حياتي انتي ارتاحي لا تتعبي نفسك واي شي تبغيه انا بجيب لك هوا
وان كان ع الغدا ايش اريك نروح عند امي
رولا:خلاص اوكي لأني ماارح اقدر اطبخ مره متكسله
مازن يبتسم:خلاص حبيبتي بنروح نتغدا عن اهلي
كلمي نوف خليها تجي معاكي
رولا:ايوا صح خليني اكلمها
تابع
///
|